| Library / Tipiṭaka / তিপিটক • Tipiṭaka / অপদানপাল়ি • Apadānapāḷi |
৪. গন্ধোদকিযত্থেরঅপদানং
4. Gandhodakiyattheraapadānaṃ
২৫.
25.
‘‘পদুমুত্তরবুদ্ধস্স , মহাবোধিমহো অহু।
‘‘Padumuttarabuddhassa , mahābodhimaho ahu;
ৰিচিত্তং ঘটমাদায, গন্ধোদকমদাসহং॥
Vicittaṃ ghaṭamādāya, gandhodakamadāsahaṃ.
২৬.
26.
‘‘ন্হানকালে চ বোধিযা, মহামেঘো পৰস্সথ।
‘‘Nhānakāle ca bodhiyā, mahāmegho pavassatha;
নিন্নাদো চ মহা আসি, অসনিযা ফলন্তিযা॥
Ninnādo ca mahā āsi, asaniyā phalantiyā.
২৭.
27.
দেৰলোকে ঠিতো সন্তো, ইমা গাথা অভাসহং॥
Devaloke ṭhito santo, imā gāthā abhāsahaṃ.
২৮.
28.
‘‘‘অহো বুদ্ধো অহো ধম্মো, অহো নো সত্থুসম্পদা।
‘‘‘Aho buddho aho dhammo, aho no satthusampadā;
২৯.
29.
‘‘‘উব্বিদ্ধং ভৰনং ময্হং, সতভূমং সমুগ্গতং।
‘‘‘Ubbiddhaṃ bhavanaṃ mayhaṃ, satabhūmaṃ samuggataṃ;
কঞ্ঞাসতসহস্সানি, পরিৰারেন্তি মং সদা॥
Kaññāsatasahassāni, parivārenti maṃ sadā.
৩০.
30.
‘‘‘আবাধা মে ন ৰিজ্জন্তি, সোকো ময্হং ন ৰিজ্জতি।
‘‘‘Ābādhā me na vijjanti, soko mayhaṃ na vijjati;
পরিল়াহং ন পস্সামি, পুঞ্ঞকম্মস্সিদং ফলং॥
Pariḷāhaṃ na passāmi, puññakammassidaṃ phalaṃ.
৩১.
31.
‘‘‘অট্ঠৰীসে কপ্পসতে, রাজা সংৰসিতো অহুং।
‘‘‘Aṭṭhavīse kappasate, rājā saṃvasito ahuṃ;
সত্তরতনসম্পন্নো, চক্কৰত্তী মহব্বলো’॥
Sattaratanasampanno, cakkavattī mahabbalo’.
৩২.
32.
‘‘পটিসম্ভিদা চতস্সো…পে॰… কতং বুদ্ধস্স সাসনং’’॥
‘‘Paṭisambhidā catasso…pe… kataṃ buddhassa sāsanaṃ’’.
ইত্থং সুদং আযস্মা গন্ধোদকিযো থেরো ইমা গাথাযো অভাসিত্থাতি।
Itthaṃ sudaṃ āyasmā gandhodakiyo thero imā gāthāyo abhāsitthāti.
গন্ধোদকিযত্থেরস্সাপদানং চতুত্থং।
Gandhodakiyattherassāpadānaṃ catutthaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / অপদান-অট্ঠকথা • Apadāna-aṭṭhakathā / ৪. গন্ধোদকিযত্থেরঅপদানৰণ্ণনা • 4. Gandhodakiyattheraapadānavaṇṇanā
