| Library / Tipiṭaka / तिपिटक • Tipiṭaka / अपदानपाळि • Apadānapāḷi |
४. गन्धोदकियत्थेरअपदानं
4. Gandhodakiyattheraapadānaṃ
२५.
25.
‘‘पदुमुत्तरबुद्धस्स , महाबोधिमहो अहु।
‘‘Padumuttarabuddhassa , mahābodhimaho ahu;
विचित्तं घटमादाय, गन्धोदकमदासहं॥
Vicittaṃ ghaṭamādāya, gandhodakamadāsahaṃ.
२६.
26.
‘‘न्हानकाले च बोधिया, महामेघो पवस्सथ।
‘‘Nhānakāle ca bodhiyā, mahāmegho pavassatha;
निन्नादो च महा आसि, असनिया फलन्तिया॥
Ninnādo ca mahā āsi, asaniyā phalantiyā.
२७.
27.
देवलोके ठितो सन्तो, इमा गाथा अभासहं॥
Devaloke ṭhito santo, imā gāthā abhāsahaṃ.
२८.
28.
‘‘‘अहो बुद्धो अहो धम्मो, अहो नो सत्थुसम्पदा।
‘‘‘Aho buddho aho dhammo, aho no satthusampadā;
२९.
29.
‘‘‘उब्बिद्धं भवनं मय्हं, सतभूमं समुग्गतं।
‘‘‘Ubbiddhaṃ bhavanaṃ mayhaṃ, satabhūmaṃ samuggataṃ;
कञ्ञासतसहस्सानि, परिवारेन्ति मं सदा॥
Kaññāsatasahassāni, parivārenti maṃ sadā.
३०.
30.
‘‘‘आबाधा मे न विज्जन्ति, सोको मय्हं न विज्जति।
‘‘‘Ābādhā me na vijjanti, soko mayhaṃ na vijjati;
परिळाहं न पस्सामि, पुञ्ञकम्मस्सिदं फलं॥
Pariḷāhaṃ na passāmi, puññakammassidaṃ phalaṃ.
३१.
31.
‘‘‘अट्ठवीसे कप्पसते, राजा संवसितो अहुं।
‘‘‘Aṭṭhavīse kappasate, rājā saṃvasito ahuṃ;
सत्तरतनसम्पन्नो, चक्कवत्ती महब्बलो’॥
Sattaratanasampanno, cakkavattī mahabbalo’.
३२.
32.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा गन्धोदकियो थेरो इमा गाथायो अभासित्थाति।
Itthaṃ sudaṃ āyasmā gandhodakiyo thero imā gāthāyo abhāsitthāti.
गन्धोदकियत्थेरस्सापदानं चतुत्थं।
Gandhodakiyattherassāpadānaṃ catutthaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ४. गन्धोदकियत्थेरअपदानवण्णना • 4. Gandhodakiyattheraapadānavaṇṇanā
