| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๔. คโนฺธทกิยเตฺถรอปทานํ
4. Gandhodakiyattheraapadānaṃ
๒๕.
25.
‘‘ปทุมุตฺตรพุทฺธสฺส , มหาโพธิมโห อหุ;
‘‘Padumuttarabuddhassa , mahābodhimaho ahu;
วิจิตฺตํ ฆฎมาทาย, คโนฺธทกมทาสหํฯ
Vicittaṃ ghaṭamādāya, gandhodakamadāsahaṃ.
๒๖.
26.
‘‘นฺหานกาเล จ โพธิยา, มหาเมโฆ ปวสฺสถ;
‘‘Nhānakāle ca bodhiyā, mahāmegho pavassatha;
นินฺนาโท จ มหา อาสิ, อสนิยา ผลนฺติยาฯ
Ninnādo ca mahā āsi, asaniyā phalantiyā.
๒๗.
27.
เทวโลเก ฐิโต สโนฺต, อิมา คาถา อภาสหํฯ
Devaloke ṭhito santo, imā gāthā abhāsahaṃ.
๒๘.
28.
‘‘‘อโห พุโทฺธ อโห ธโมฺม, อโห โน สตฺถุสมฺปทา;
‘‘‘Aho buddho aho dhammo, aho no satthusampadā;
๒๙.
29.
‘‘‘อุพฺพิทฺธํ ภวนํ มยฺหํ, สตภูมํ สมุคฺคตํ;
‘‘‘Ubbiddhaṃ bhavanaṃ mayhaṃ, satabhūmaṃ samuggataṃ;
กญฺญาสตสหสฺสานิ, ปริวาเรนฺติ มํ สทาฯ
Kaññāsatasahassāni, parivārenti maṃ sadā.
๓๐.
30.
‘‘‘อาพาธา เม น วิชฺชนฺติ, โสโก มยฺหํ น วิชฺชติ;
‘‘‘Ābādhā me na vijjanti, soko mayhaṃ na vijjati;
ปริฬาหํ น ปสฺสามิ, ปุญฺญกมฺมสฺสิทํ ผลํฯ
Pariḷāhaṃ na passāmi, puññakammassidaṃ phalaṃ.
๓๑.
31.
‘‘‘อฎฺฐวีเส กปฺปสเต, ราชา สํวสิโต อหุํ;
‘‘‘Aṭṭhavīse kappasate, rājā saṃvasito ahuṃ;
สตฺตรตนสมฺปโนฺน, จกฺกวตฺตี มหพฺพโล’ฯ
Sattaratanasampanno, cakkavattī mahabbalo’.
๓๒.
32.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา คโนฺธทกิโย เถโร อิมา คาถาโย อภาสิตฺถาติฯ
Itthaṃ sudaṃ āyasmā gandhodakiyo thero imā gāthāyo abhāsitthāti.
คโนฺธทกิยเตฺถรสฺสาปทานํ จตุตฺถํฯ
Gandhodakiyattherassāpadānaṃ catutthaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๔. คโนฺธทกิยเตฺถรอปทานวณฺณนา • 4. Gandhodakiyattheraapadānavaṇṇanā
