| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೪. ಗನ್ಧೋದಕಿಯತ್ಥೇರಅಪದಾನಂ
4. Gandhodakiyattheraapadānaṃ
೨೫.
25.
‘‘ಪದುಮುತ್ತರಬುದ್ಧಸ್ಸ , ಮಹಾಬೋಧಿಮಹೋ ಅಹು।
‘‘Padumuttarabuddhassa , mahābodhimaho ahu;
ವಿಚಿತ್ತಂ ಘಟಮಾದಾಯ, ಗನ್ಧೋದಕಮದಾಸಹಂ॥
Vicittaṃ ghaṭamādāya, gandhodakamadāsahaṃ.
೨೬.
26.
‘‘ನ್ಹಾನಕಾಲೇ ಚ ಬೋಧಿಯಾ, ಮಹಾಮೇಘೋ ಪವಸ್ಸಥ।
‘‘Nhānakāle ca bodhiyā, mahāmegho pavassatha;
ನಿನ್ನಾದೋ ಚ ಮಹಾ ಆಸಿ, ಅಸನಿಯಾ ಫಲನ್ತಿಯಾ॥
Ninnādo ca mahā āsi, asaniyā phalantiyā.
೨೭.
27.
ದೇವಲೋಕೇ ಠಿತೋ ಸನ್ತೋ, ಇಮಾ ಗಾಥಾ ಅಭಾಸಹಂ॥
Devaloke ṭhito santo, imā gāthā abhāsahaṃ.
೨೮.
28.
‘‘‘ಅಹೋ ಬುದ್ಧೋ ಅಹೋ ಧಮ್ಮೋ, ಅಹೋ ನೋ ಸತ್ಥುಸಮ್ಪದಾ।
‘‘‘Aho buddho aho dhammo, aho no satthusampadā;
೨೯.
29.
‘‘‘ಉಬ್ಬಿದ್ಧಂ ಭವನಂ ಮಯ್ಹಂ, ಸತಭೂಮಂ ಸಮುಗ್ಗತಂ।
‘‘‘Ubbiddhaṃ bhavanaṃ mayhaṃ, satabhūmaṃ samuggataṃ;
ಕಞ್ಞಾಸತಸಹಸ್ಸಾನಿ, ಪರಿವಾರೇನ್ತಿ ಮಂ ಸದಾ॥
Kaññāsatasahassāni, parivārenti maṃ sadā.
೩೦.
30.
‘‘‘ಆಬಾಧಾ ಮೇ ನ ವಿಜ್ಜನ್ತಿ, ಸೋಕೋ ಮಯ್ಹಂ ನ ವಿಜ್ಜತಿ।
‘‘‘Ābādhā me na vijjanti, soko mayhaṃ na vijjati;
ಪರಿಳಾಹಂ ನ ಪಸ್ಸಾಮಿ, ಪುಞ್ಞಕಮ್ಮಸ್ಸಿದಂ ಫಲಂ॥
Pariḷāhaṃ na passāmi, puññakammassidaṃ phalaṃ.
೩೧.
31.
‘‘‘ಅಟ್ಠವೀಸೇ ಕಪ್ಪಸತೇ, ರಾಜಾ ಸಂವಸಿತೋ ಅಹುಂ।
‘‘‘Aṭṭhavīse kappasate, rājā saṃvasito ahuṃ;
ಸತ್ತರತನಸಮ್ಪನ್ನೋ, ಚಕ್ಕವತ್ತೀ ಮಹಬ್ಬಲೋ’॥
Sattaratanasampanno, cakkavattī mahabbalo’.
೩೨.
32.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಗನ್ಧೋದಕಿಯೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā gandhodakiyo thero imā gāthāyo abhāsitthāti.
ಗನ್ಧೋದಕಿಯತ್ಥೇರಸ್ಸಾಪದಾನಂ ಚತುತ್ಥಂ।
Gandhodakiyattherassāpadānaṃ catutthaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೪. ಗನ್ಧೋದಕಿಯತ್ಥೇರಅಪದಾನವಣ್ಣನಾ • 4. Gandhodakiyattheraapadānavaṇṇanā
