| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
4. க³ந்தோ⁴த³கியத்தே²ரஅபதா³னவண்ணனா
4. Gandhodakiyattheraapadānavaṇṇanā
நிஸஜ்ஜ பாஸாத³வரேதிஆதி³கங் ஆயஸ்மதோ க³ந்தோ⁴த³கியத்தே²ரஸ்ஸ அபதா³னங். அயம்பி புரிமபு³த்³தே⁴ஸு கதாதி⁴காரோ தத்த² தத்த² ப⁴வே நிப்³பா³னூபனிஸ்ஸயானி புஞ்ஞானி உபசினந்தோ விபஸ்ஸீப⁴க³வதோ காலே ஸெட்டி²குலே நிப்³ப³த்தோ விஞ்ஞுதங் பத்வா மஹத்³த⁴னோ மஹாபோ⁴கோ³ தி³ப்³ப³ஸுக²மனுப⁴வந்தோ விய மனுஸ்ஸஸுக²மனுப⁴வந்தோ ஏகஸ்மிங் தி³வஸே பாஸாத³வரே நிஸின்னோ ஹோதி. ததா³ ப⁴க³வா ஸுவண்ணமஹாமேரு விய வீதி²யா விசரதி, தங் விசரமானங் ப⁴க³வந்தங் தி³ஸ்வா பஸன்னமானஸோ க³ந்த்வா வந்தி³த்வா ஸுக³ந்தோ⁴த³கேன ப⁴க³வந்தங் ஓஸிஞ்சமானோ பூஜேஸி. ஸோ தேன புஞ்ஞேன தே³வமனுஸ்ஸேஸு ஸங்ஸரந்தோ இமஸ்மிங் பு³த்³து⁴ப்பாதே³ ஏகஸ்மிங் குலகே³ஹே நிப்³ப³த்தோ விஞ்ஞுதங் பத்தோ க⁴ராவாஸேன அனல்லீனோ ஸத்து² ஸந்திகே பப்³ப³ஜித்வா கம்மட்டா²னங் க³ஹெத்வா விபஸ்ஸனங் வட்³டெ⁴த்வா நசிரஸ்ஸேவ அரஹா அஹோஸி.
Nisajja pāsādavaretiādikaṃ āyasmato gandhodakiyattherassa apadānaṃ. Ayampi purimabuddhesu katādhikāro tattha tattha bhave nibbānūpanissayāni puññāni upacinanto vipassībhagavato kāle seṭṭhikule nibbatto viññutaṃ patvā mahaddhano mahābhogo dibbasukhamanubhavanto viya manussasukhamanubhavanto ekasmiṃ divase pāsādavare nisinno hoti. Tadā bhagavā suvaṇṇamahāmeru viya vīthiyā vicarati, taṃ vicaramānaṃ bhagavantaṃ disvā pasannamānaso gantvā vanditvā sugandhodakena bhagavantaṃ osiñcamāno pūjesi. So tena puññena devamanussesu saṃsaranto imasmiṃ buddhuppāde ekasmiṃ kulagehe nibbatto viññutaṃ patto gharāvāsena anallīno satthu santike pabbajitvā kammaṭṭhānaṃ gahetvā vipassanaṃ vaḍḍhetvā nacirasseva arahā ahosi.
35. ஸோ அபரபா⁴கே³ அத்தனோ புப்³ப³குஸலங் ஸரித்வா ஸோமனஸ்ஸஜாதோ புப்³ப³சரிதாபதா³னங் பகாஸெந்தோ நிஸஜ்ஜ பாஸாத³வரேதிஆதி³மாஹ. தத்த² பாஸாதோ³தி பஸாத³ங் ஸோமனஸ்ஸங் ஜனேதி உப்பாதே³தீதி பாஸாதோ³ , மாலாகம்மசித்தகம்மஸுவண்ணகம்மாத்³யனேகவிசித்தங் தி³ஸ்வா தத்த² பவிட்டா²னங் ஜனானங் பஸாத³ங் ஜனயதீதி அத்தோ². பாஸாதோ³ ச ஸோ பத்தே²தப்³ப³ட்டே²ன வரோ சாதி பாஸாத³வரோ, தஸ்மிங் பாஸாத³வரே நிஸஜ்ஜ நிஸீதி³த்வா விபஸ்ஸிங் ஜினவரங் அத்³த³ஸந்தி ஸம்ப³ந்தோ⁴. ஸேஸங் ஸப்³ப³த்த² உத்தானமேவாதி.
35. So aparabhāge attano pubbakusalaṃ saritvā somanassajāto pubbacaritāpadānaṃ pakāsento nisajja pāsādavaretiādimāha. Tattha pāsādoti pasādaṃ somanassaṃ janeti uppādetīti pāsādo , mālākammacittakammasuvaṇṇakammādyanekavicittaṃ disvā tattha paviṭṭhānaṃ janānaṃ pasādaṃ janayatīti attho. Pāsādo ca so patthetabbaṭṭhena varo cāti pāsādavaro, tasmiṃ pāsādavare nisajja nisīditvā vipassiṃ jinavaraṃ addasanti sambandho. Sesaṃ sabbattha uttānamevāti.
க³ந்தோ⁴த³கியத்தே²ரஅபதா³னவண்ணனா ஸமத்தா.
Gandhodakiyattheraapadānavaṇṇanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 4. க³ந்தோ⁴த³கியத்தே²ரஅபதா³னங் • 4. Gandhodakiyattheraapadānaṃ
