| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
4. г̇анд̇ход̣̇агияад̇т̇зраабад̣̇аанаван̣н̣анаа
4. Gandhodakiyattheraapadānavaṇṇanā
бад̣̇умуд̇д̇араб̣уд̣̇д̇хассаад̇иаад̣̇игам̣ ааяасмад̇о г̇анд̇ход̣̇агияад̇т̇зрасса абад̣̇аанам̣. аяамби буримамуниварзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о бад̣̇умуд̇д̇арасса бхаг̇авад̇о гаалз гулаг̇зхз ниб̣б̣ад̇д̇о бариниб̣б̣уд̇з бхаг̇авад̇и наг̇араваасино б̣од̇хибууж̇ам̣ гурумаанз д̣̇исваа вижид̇д̇агхадз жанд̣̇анагаббурааг̇аруаад̣̇имиссагасуг̇анд̇ход̣̇агзна буурзд̇ваа б̣од̇хиругкам̣ абхисин̃жи. д̇асмим̣ кан̣з д̣̇зво махаад̇хаараахи бавасси. д̇ад̣̇аа со асанивзг̇зна гаалам̣ гад̇о. д̇знзва бун̃н̃агаммзна д̣̇звалогз ниб̣б̣ад̇д̇и, д̇ад̇т̇зва тид̇о ‘‘ахо б̣уд̣̇д̇хо, ахо д̇хаммо’’д̇иаад̣̇иг̇аат̇ааяо абхааси. звам̣ со д̣̇звамануссзсу самбад̇д̇ияо анубхавид̇ваа саб̣б̣абарил̣аахавиббамуд̇д̇о ниб̣б̣ад̇д̇аниб̣б̣ад̇д̇адтаанз сийд̇ибхаавамубаг̇ад̇о сукид̇о имасмим̣ б̣уд̣̇д̇хуббаад̣̇з гулаг̇зхз ниб̣б̣ад̇д̇о вин̃н̃уд̇ам̣ бад̇д̇о сад̇т̇ари басанно баб̣б̣аж̇ид̇ваа гаммадтаанам̣ аарабхид̇ваа вибассанд̇о нажирассзва арахад̇д̇ам̣ баабун̣и. буб̣б̣з гад̇абун̃н̃зна г̇анд̇ход̣̇агияад̇т̇зрод̇и баагадо ахоси.
Padumuttarabuddhassātiādikaṃ āyasmato gandhodakiyattherassa apadānaṃ. Ayampi purimamunivaresu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle kulagehe nibbatto parinibbute bhagavati nagaravāsino bodhipūjaṃ kurumāne disvā vicittaghaṭe candanakappurāgaruādimissakasugandhodakena pūretvā bodhirukkhaṃ abhisiñci. Tasmiṃ khaṇe devo mahādhārāhi pavassi. Tadā so asanivegena kālaṃ kato. Teneva puññakammena devaloke nibbatti, tattheva ṭhito ‘‘aho buddho, aho dhammo’’tiādigāthāyo abhāsi. Evaṃ so devamanussesu sampattiyo anubhavitvā sabbapariḷāhavippamutto nibbattanibbattaṭṭhāne sītibhāvamupagato sukhito imasmiṃ buddhuppāde kulagehe nibbatto viññutaṃ patto satthari pasanno pabbajitvā kammaṭṭhānaṃ ārabhitvā vipassanto nacirasseva arahattaṃ pāpuṇi. Pubbe katapuññena gandhodakiyattheroti pākaṭo ahosi.
25. со згад̣̇ивасам̣ ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о бад̣̇умуд̇арассаад̇иаад̣̇имааха. д̇ам̣ вуд̇д̇ад̇т̇амзва. махааб̣од̇химахо ахууд̇и махааб̣од̇хиругкасса бууж̇аа ахосийд̇и ад̇т̇о. вижид̇д̇ам̣ гхадамаад̣̇ааяаад̇и анзгзхи жид̇д̇агаммасуван̣н̣агаммзхи вижид̇д̇ам̣ собхамаанам̣ г̇анд̇ход̣̇агабун̣н̣ам̣ гхадам̣ г̇ахзд̇ваад̇и ад̇т̇о . г̇анд̇ход̣̇агамад̣̇аасаханд̇и г̇анд̇ход̣̇агам̣ ад̣̇аасим̣, ахам̣ г̇анд̇ход̣̇агзна абхисин̃жинд̇и ад̇т̇о.
25. So ekadivasaṃ attano pubbakammaṃ saritvā somanassajāto pubbacaritāpadānaṃ pakāsento padumutarassātiādimāha. Taṃ vuttatthameva. Mahābodhimaho ahūti mahābodhirukkhassa pūjā ahosīti attho. Vicittaṃ ghaṭamādāyāti anekehi cittakammasuvaṇṇakammehi vicittaṃ sobhamānaṃ gandhodakapuṇṇaṃ ghaṭaṃ gahetvāti attho . Gandhodakamadāsahanti gandhodakaṃ adāsiṃ, ahaṃ gandhodakena abhisiñcinti attho.
26. нхаанагаалз жа б̣од̇хияаад̇и б̣од̇хияаа бууж̇аагаран̣асамаязд̇и ад̇т̇о. сзсам̣ уд̇д̇аанад̇т̇амзваад̇и.
26.Nhānakāleca bodhiyāti bodhiyā pūjākaraṇasamayeti attho. Sesaṃ uttānatthamevāti.
г̇анд̇ход̣̇агияад̇т̇зраабад̣̇аанаван̣н̣анаа самад̇д̇аа.
Gandhodakiyattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 4. г̇анд̇ход̣̇агияад̇т̇зраабад̣̇аанам̣ • 4. Gandhodakiyattheraapadānaṃ
