| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
4. г̇анд̇ход̣̇агияад̇т̇зраабад̣̇аанаван̣н̣анаа
4. Gandhodakiyattheraapadānavaṇṇanā
нисаж̇ж̇а баасаад̣̇аварзд̇иаад̣̇игам̣ ааяасмад̇о г̇анд̇ход̣̇агияад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз ниб̣б̣аануубаниссаяаани бун̃н̃аани убажинанд̇о вибассийбхаг̇авад̇о гаалз сздтигулз ниб̣б̣ад̇д̇о вин̃н̃уд̇ам̣ бад̇ваа махад̣̇д̇хано махаабхог̇о д̣̇иб̣б̣асукаманубхаванд̇о вияа мануссасукаманубхаванд̇о згасмим̣ д̣̇ивасз баасаад̣̇аварз нисинно ход̇и. д̇ад̣̇аа бхаг̇аваа суван̣н̣амахаамзру вияа вийт̇ияаа вижарад̇и, д̇ам̣ вижарамаанам̣ бхаг̇аванд̇ам̣ д̣̇исваа басаннамаанасо г̇анд̇ваа ванд̣̇ид̇ваа суг̇анд̇ход̣̇агзна бхаг̇аванд̇ам̣ осин̃жамаано бууж̇зси. со д̇зна бун̃н̃зна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з згасмим̣ гулаг̇зхз ниб̣б̣ад̇д̇о вин̃н̃уд̇ам̣ бад̇д̇о гхарааваасзна аналлийно сад̇т̇у санд̇игз баб̣б̣аж̇ид̇ваа гаммадтаанам̣ г̇ахзд̇ваа вибассанам̣ вад̣дхзд̇ваа нажирассзва арахаа ахоси.
Nisajja pāsādavaretiādikaṃ āyasmato gandhodakiyattherassa apadānaṃ. Ayampi purimabuddhesu katādhikāro tattha tattha bhave nibbānūpanissayāni puññāni upacinanto vipassībhagavato kāle seṭṭhikule nibbatto viññutaṃ patvā mahaddhano mahābhogo dibbasukhamanubhavanto viya manussasukhamanubhavanto ekasmiṃ divase pāsādavare nisinno hoti. Tadā bhagavā suvaṇṇamahāmeru viya vīthiyā vicarati, taṃ vicaramānaṃ bhagavantaṃ disvā pasannamānaso gantvā vanditvā sugandhodakena bhagavantaṃ osiñcamāno pūjesi. So tena puññena devamanussesu saṃsaranto imasmiṃ buddhuppāde ekasmiṃ kulagehe nibbatto viññutaṃ patto gharāvāsena anallīno satthu santike pabbajitvā kammaṭṭhānaṃ gahetvā vipassanaṃ vaḍḍhetvā nacirasseva arahā ahosi.
35. со абарабхааг̇з ад̇д̇ано буб̣б̣агусалам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о нисаж̇ж̇а баасаад̣̇аварзд̇иаад̣̇имааха. д̇ад̇т̇а баасаад̣̇од̇и басаад̣̇ам̣ соманассам̣ ж̇анзд̇и уббаад̣̇зд̇ийд̇и баасаад̣̇о , маалаагаммажид̇д̇агаммасуван̣н̣агаммаад̣̇яанзгавижид̇д̇ам̣ д̣̇исваа д̇ад̇т̇а бавидтаанам̣ ж̇анаанам̣ басаад̣̇ам̣ ж̇анаяад̇ийд̇и ад̇т̇о. баасаад̣̇о жа со бад̇т̇зд̇аб̣б̣адтзна варо жаад̇и баасаад̣̇аваро, д̇асмим̣ баасаад̣̇аварз нисаж̇ж̇а нисийд̣̇ид̇ваа вибассим̣ ж̇инаварам̣ ад̣̇д̣̇асанд̇и самб̣анд̇хо. сзсам̣ саб̣б̣ад̇т̇а уд̇д̇аанамзваад̇и.
35. So aparabhāge attano pubbakusalaṃ saritvā somanassajāto pubbacaritāpadānaṃ pakāsento nisajja pāsādavaretiādimāha. Tattha pāsādoti pasādaṃ somanassaṃ janeti uppādetīti pāsādo , mālākammacittakammasuvaṇṇakammādyanekavicittaṃ disvā tattha paviṭṭhānaṃ janānaṃ pasādaṃ janayatīti attho. Pāsādo ca so patthetabbaṭṭhena varo cāti pāsādavaro, tasmiṃ pāsādavare nisajja nisīditvā vipassiṃ jinavaraṃ addasanti sambandho. Sesaṃ sabbattha uttānamevāti.
г̇анд̇ход̣̇агияад̇т̇зраабад̣̇аанаван̣н̣анаа самад̇д̇аа.
Gandhodakiyattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 4. г̇анд̇ход̣̇агияад̇т̇зраабад̣̇аанам̣ • 4. Gandhodakiyattheraapadānaṃ
