| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੪. ਗਨ੍ਧੋਦਕਿਯਤ੍ਥੇਰਅਪਦਾਨવਣ੍ਣਨਾ
4. Gandhodakiyattheraapadānavaṇṇanā
ਪਦੁਮੁਤ੍ਤਰਬੁਦ੍ਧਸ੍ਸਾਤਿਆਦਿਕਂ ਆਯਸ੍ਮਤੋ ਗਨ੍ਧੋਦਕਿਯਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਮੁਨਿવਰੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਪਦੁਮੁਤ੍ਤਰਸ੍ਸ ਭਗવਤੋ ਕਾਲੇ ਕੁਲਗੇਹੇ ਨਿਬ੍ਬਤ੍ਤੋ ਪਰਿਨਿਬ੍ਬੁਤੇ ਭਗવਤਿ ਨਗਰવਾਸਿਨੋ ਬੋਧਿਪੂਜਂ ਕੁਰੁਮਾਨੇ ਦਿਸ੍વਾ વਿਚਿਤ੍ਤਘਟੇ ਚਨ੍ਦਨਕਪ੍ਪੁਰਾਗਰੁਆਦਿਮਿਸ੍ਸਕਸੁਗਨ੍ਧੋਦਕੇਨ ਪੂਰੇਤ੍વਾ ਬੋਧਿਰੁਕ੍ਖਂ ਅਭਿਸਿਞ੍ਚਿ। ਤਸ੍ਮਿਂ ਖਣੇ ਦੇવੋ ਮਹਾਧਾਰਾਹਿ ਪવਸ੍ਸਿ। ਤਦਾ ਸੋ ਅਸਨਿવੇਗੇਨ ਕਾਲਂ ਕਤੋ। ਤੇਨੇવ ਪੁਞ੍ਞਕਮ੍ਮੇਨ ਦੇવਲੋਕੇ ਨਿਬ੍ਬਤ੍ਤਿ, ਤਤ੍ਥੇવ ਠਿਤੋ ‘‘ਅਹੋ ਬੁਦ੍ਧੋ, ਅਹੋ ਧਮ੍ਮੋ’’ਤਿਆਦਿਗਾਥਾਯੋ ਅਭਾਸਿ। ਏવਂ ਸੋ ਦੇવਮਨੁਸ੍ਸੇਸੁ ਸਮ੍ਪਤ੍ਤਿਯੋ ਅਨੁਭવਿਤ੍વਾ ਸਬ੍ਬਪਰਿਲ਼ਾਹવਿਪ੍ਪਮੁਤ੍ਤੋ ਨਿਬ੍ਬਤ੍ਤਨਿਬ੍ਬਤ੍ਤਟ੍ਠਾਨੇ ਸੀਤਿਭਾવਮੁਪਗਤੋ ਸੁਖਿਤੋ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ ਸਤ੍ਥਰਿ ਪਸਨ੍ਨੋ ਪਬ੍ਬਜਿਤ੍વਾ ਕਮ੍ਮਟ੍ਠਾਨਂ ਆਰਭਿਤ੍વਾ વਿਪਸ੍ਸਨ੍ਤੋ ਨਚਿਰਸ੍ਸੇવ ਅਰਹਤ੍ਤਂ ਪਾਪੁਣਿ। ਪੁਬ੍ਬੇ ਕਤਪੁਞ੍ਞੇਨ ਗਨ੍ਧੋਦਕਿਯਤ੍ਥੇਰੋਤਿ ਪਾਕਟੋ ਅਹੋਸਿ।
Padumuttarabuddhassātiādikaṃ āyasmato gandhodakiyattherassa apadānaṃ. Ayampi purimamunivaresu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle kulagehe nibbatto parinibbute bhagavati nagaravāsino bodhipūjaṃ kurumāne disvā vicittaghaṭe candanakappurāgaruādimissakasugandhodakena pūretvā bodhirukkhaṃ abhisiñci. Tasmiṃ khaṇe devo mahādhārāhi pavassi. Tadā so asanivegena kālaṃ kato. Teneva puññakammena devaloke nibbatti, tattheva ṭhito ‘‘aho buddho, aho dhammo’’tiādigāthāyo abhāsi. Evaṃ so devamanussesu sampattiyo anubhavitvā sabbapariḷāhavippamutto nibbattanibbattaṭṭhāne sītibhāvamupagato sukhito imasmiṃ buddhuppāde kulagehe nibbatto viññutaṃ patto satthari pasanno pabbajitvā kammaṭṭhānaṃ ārabhitvā vipassanto nacirasseva arahattaṃ pāpuṇi. Pubbe katapuññena gandhodakiyattheroti pākaṭo ahosi.
੨੫. ਸੋ ਏਕਦਿવਸਂ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਪਦੁਮੁਤਰਸ੍ਸਾਤਿਆਦਿਮਾਹ। ਤਂ વੁਤ੍ਤਤ੍ਥਮੇવ। ਮਹਾਬੋਧਿਮਹੋ ਅਹੂਤਿ ਮਹਾਬੋਧਿਰੁਕ੍ਖਸ੍ਸ ਪੂਜਾ ਅਹੋਸੀਤਿ ਅਤ੍ਥੋ। વਿਚਿਤ੍ਤਂ ਘਟਮਾਦਾਯਾਤਿ ਅਨੇਕੇਹਿ ਚਿਤ੍ਤਕਮ੍ਮਸੁવਣ੍ਣਕਮ੍ਮੇਹਿ વਿਚਿਤ੍ਤਂ ਸੋਭਮਾਨਂ ਗਨ੍ਧੋਦਕਪੁਣ੍ਣਂ ਘਟਂ ਗਹੇਤ੍વਾਤਿ ਅਤ੍ਥੋ । ਗਨ੍ਧੋਦਕਮਦਾਸਹਨ੍ਤਿ ਗਨ੍ਧੋਦਕਂ ਅਦਾਸਿਂ, ਅਹਂ ਗਨ੍ਧੋਦਕੇਨ ਅਭਿਸਿਞ੍ਚਿਨ੍ਤਿ ਅਤ੍ਥੋ।
25. So ekadivasaṃ attano pubbakammaṃ saritvā somanassajāto pubbacaritāpadānaṃ pakāsento padumutarassātiādimāha. Taṃ vuttatthameva. Mahābodhimaho ahūti mahābodhirukkhassa pūjā ahosīti attho. Vicittaṃ ghaṭamādāyāti anekehi cittakammasuvaṇṇakammehi vicittaṃ sobhamānaṃ gandhodakapuṇṇaṃ ghaṭaṃ gahetvāti attho . Gandhodakamadāsahanti gandhodakaṃ adāsiṃ, ahaṃ gandhodakena abhisiñcinti attho.
੨੬. ਨ੍ਹਾਨਕਾਲੇ ਚ ਬੋਧਿਯਾਤਿ ਬੋਧਿਯਾ ਪੂਜਾਕਰਣਸਮਯੇਤਿ ਅਤ੍ਥੋ। ਸੇਸਂ ਉਤ੍ਤਾਨਤ੍ਥਮੇવਾਤਿ।
26.Nhānakāleca bodhiyāti bodhiyā pūjākaraṇasamayeti attho. Sesaṃ uttānatthamevāti.
ਗਨ੍ਧੋਦਕਿਯਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Gandhodakiyattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੪. ਗਨ੍ਧੋਦਕਿਯਤ੍ਥੇਰਅਪਦਾਨਂ • 4. Gandhodakiyattheraapadānaṃ
