| Library / Tipiṭaka / ติปิฎก • Tipiṭaka / ชาตกปาฬิ • Jātakapāḷi |
๔๒๑. คงฺคมาลชาตกํ (๕)
421. Gaṅgamālajātakaṃ (5)
๓๖.
36.
องฺคารชาตา ปถวี, กุกฺกุฬานุคตา มหี;
Aṅgārajātā pathavī, kukkuḷānugatā mahī;
๓๗.
37.
อุทฺธํ ตปติ อาทิโจฺจ, อโธ ตปติ วาลุกา;
Uddhaṃ tapati ādicco, adho tapati vālukā;
๓๘.
38.
อตฺถา หิ วิวิธา ราช, เต ตปนฺติ น อาตโปฯ
Atthā hi vividhā rāja, te tapanti na ātapo.
๓๙.
39.
อทฺทสํ กาม เต มูลํ, สงฺกปฺปา กาม ชายสิ;
Addasaṃ kāma te mūlaṃ, saṅkappā kāma jāyasi;
น ตํ สงฺกปฺปยิสฺสามิ, เอวํ กาม น เหหิสิฯ
Na taṃ saṅkappayissāmi, evaṃ kāma na hehisi.
๔๐.
40.
อปฺปาปิ กามา น อลํ, พหูหิปิ น ตปฺปติ;
Appāpi kāmā na alaṃ, bahūhipi na tappati;
๔๑.
41.
อปฺปสฺส กมฺมสฺส ผลํ มเมทํ, อุทโย อชฺฌาคมา มหตฺตปตฺตํ;
Appassa kammassa phalaṃ mamedaṃ, udayo ajjhāgamā mahattapattaṃ;
สุลทฺธลาโภ วต มาณวสฺส, โย ปพฺพชี กามราคํ ปหายฯ
Suladdhalābho vata māṇavassa, yo pabbajī kāmarāgaṃ pahāya.
๔๒.
42.
ตปสา ปชหนฺติ ปาปกมฺมํ, ตปสา นฺหาปิตกุมฺภการภาวํ;
Tapasā pajahanti pāpakammaṃ, tapasā nhāpitakumbhakārabhāvaṃ;
ตปสา อภิภุยฺย คงฺคมาล, นาเมนาลปสชฺช พฺรหฺมทตฺตํฯ
Tapasā abhibhuyya gaṅgamāla, nāmenālapasajja brahmadattaṃ.
๔๓.
43.
สนฺทิฎฺฐิกเมว ‘‘อมฺม’’ ปสฺสถ, ขนฺตีโสรจฺจสฺส อยํ 9 วิปาโก;
Sandiṭṭhikameva ‘‘amma’’ passatha, khantīsoraccassa ayaṃ 10 vipāko;
โย 11 สพฺพชนสฺส วนฺทิโตหุ, ตํ วนฺทาม สราชิกา สมจฺจาฯ
Yo 12 sabbajanassa vanditohu, taṃ vandāma sarājikā samaccā.
๔๔.
44.
มา กิญฺจิ อวจุตฺถ คงฺคมาลํ, มุนินํ โมนปเถสุ สิกฺขมานํ;
Mā kiñci avacuttha gaṅgamālaṃ, muninaṃ monapathesu sikkhamānaṃ;
เอโส หิ อตริ อณฺณวํ, ยํ ตริตฺวา จรนฺติ วีตโสกาติฯ
Eso hi atari aṇṇavaṃ, yaṃ taritvā caranti vītasokāti.
คงฺคมาลชาตกํ ปญฺจมํฯ
Gaṅgamālajātakaṃ pañcamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ชาตก-อฎฺฐกถา • Jātaka-aṭṭhakathā / [๔๒๑] ๕. คงฺคมาลชาตกวณฺณนา • [421] 5. Gaṅgamālajātakavaṇṇanā
