| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[421] 5. г̇ан̇г̇амаалаж̇аад̇агаван̣н̣анаа
[421] 5. Gaṅgamālajātakavaṇṇanā
ан̇г̇аараж̇аад̇аад̇и ид̣̇ам̣ сад̇т̇аа ж̇зд̇аванз вихаранд̇о убосат̇агаммам̣ аараб̣бха гат̇зси. згад̣̇ивасан̃хи сад̇т̇аа убосат̇игз убаасагз ааманд̇зд̇ваа ‘‘убаасагаа саад̇хуруубам̣ во гад̇ам̣ убосат̇ам̣ убавасанд̇зхи, д̣̇аанам̣ д̣̇аад̇аб̣б̣ам̣, сийлам̣ рагкид̇аб̣б̣ам̣, год̇хо на гаад̇аб̣б̣о, мзд̇д̇аа бхаавзд̇аб̣б̣аа, убосат̇аваасо васид̇аб̣б̣о, бораан̣агабан̣д̣ид̇аа хи згам̣ убад̣дхубосат̇агаммам̣ ниссааяа махааяасам̣ лабхим̣суу’’д̇и вад̇ваа д̇зхи яаажид̇о ад̇ийд̇ам̣ аахари.
Aṅgārajātāti idaṃ satthā jetavane viharanto uposathakammaṃ ārabbha kathesi. Ekadivasañhi satthā uposathike upāsake āmantetvā ‘‘upāsakā sādhurūpaṃ vo kataṃ uposathaṃ upavasantehi, dānaṃ dātabbaṃ, sīlaṃ rakkhitabbaṃ, kodho na kātabbo, mettā bhāvetabbā, uposathavāso vasitabbo, porāṇakapaṇḍitā hi ekaṃ upaḍḍhuposathakammaṃ nissāya mahāyasaṃ labhiṃsū’’ti vatvā tehi yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з д̇асмим̣ наг̇арз сужибаривааро наама сздти ахоси асийд̇игодид̇ханавибхаво д̣̇аанаад̣̇ибун̃н̃аабхирад̇о. д̇асса буд̇д̇ад̣̇аарааби бариж̇аноби анд̇амасо д̇асмим̣ гхарз важчабаалагааби саб̣б̣з маасасса ча д̣̇ивасз убосат̇ам̣ убавасанд̇и. д̇ад̣̇аа б̣од̇хисад̇д̇о згасмим̣ д̣̇алид̣̇д̣̇агулз ниб̣б̣ад̇д̇ид̇ваа бхад̇им̣ гад̇ваа гижчзна ж̇ийвад̇и. со ‘‘бхад̇им̣ гариссаамий’’д̇и д̇асса г̇зхам̣ г̇анд̇ваа ванд̣̇ид̇ваа згаманд̇ам̣ тид̇о ‘‘гим̣ ааг̇ад̇осий’’д̇и вуд̇д̇з ‘‘д̇умхаагам̣ г̇зхз бхад̇ияаа гаммагаран̣ад̇т̇а’’нд̇и ааха. сздти ан̃н̃зсам̣ бхад̇игаанам̣ ааг̇ад̇ад̣̇ивасзязва ‘‘имасмим̣ г̇зхз гаммам̣ гаронд̇аа сийлам̣ рагканд̇и, сийлам̣ рагкид̇ум̣ саггонд̇аа гаммам̣ гарот̇аа’’д̇и вад̣̇ад̇и, б̣од̇хисад̇д̇асса бана сийларагкан̣ааажигкан̣з сан̃н̃ам̣ агад̇ваа ‘‘саад̇ху , д̇аад̇а, ад̇д̇ано бхад̇им̣ ж̇аанид̇ваа гаммам̣ гарохий’’д̇и ааха. со д̇ад̇о бадтааяа суважо худ̇ваа урам̣ д̣̇ад̇ваа ад̇д̇ано гиламат̇ам̣ аг̇ан̣зд̇ваа д̇асса саб̣б̣агижжаани гарод̇и, баад̇ова гамманд̇ам̣ г̇анд̇ваа сааяам̣ ааг̇ажчад̇и.
Atīte bārāṇasiyaṃ brahmadatte rajjaṃ kārente tasmiṃ nagare suciparivāro nāma seṭṭhi ahosi asītikoṭidhanavibhavo dānādipuññābhirato. Tassa puttadārāpi parijanopi antamaso tasmiṃ ghare vacchapālakāpi sabbe māsassa cha divase uposathaṃ upavasanti. Tadā bodhisatto ekasmiṃ daliddakule nibbattitvā bhatiṃ katvā kicchena jīvati. So ‘‘bhatiṃ karissāmī’’ti tassa gehaṃ gantvā vanditvā ekamantaṃ ṭhito ‘‘kiṃ āgatosī’’ti vutte ‘‘tumhākaṃ gehe bhatiyā kammakaraṇattha’’nti āha. Seṭṭhi aññesaṃ bhatikānaṃ āgatadivaseyeva ‘‘imasmiṃ gehe kammaṃ karontā sīlaṃ rakkhanti, sīlaṃ rakkhituṃ sakkontā kammaṃ karothā’’ti vadati, bodhisattassa pana sīlarakkhaṇaācikkhaṇe saññaṃ akatvā ‘‘sādhu , tāta, attano bhatiṃ jānitvā kammaṃ karohī’’ti āha. So tato paṭṭhāya suvaco hutvā uraṃ datvā attano kilamathaṃ agaṇetvā tassa sabbakiccāni karoti, pātova kammantaṃ gantvā sāyaṃ āgacchati.
ат̇згад̣̇ивасам̣ наг̇арз чан̣ам̣ гхосзсум̣. махаасздти д̣̇аасим̣ ааманд̇зд̇ваа ‘‘аж̇ж̇убосат̇ад̣̇ивасо, г̇зхз гаммагараанам̣ баад̇ова бхад̇д̇ам̣ бажид̇ваа д̣̇зхи, гаалассзва бхун̃ж̇ид̇ваа убосат̇игаа бхависсанд̇ий’’д̇и ааха. б̣од̇хисад̇д̇о гаалассзва удтааяа гамманд̇ам̣ аг̇амааси, ‘‘аж̇ж̇убосат̇иго бхавзяяаасий’’д̇и д̇асса гожи наарожзси. сзсагаммагараа баад̇ова бхун̃ж̇ид̇ваа убосат̇игаава ахзсум̣. сздтиби сабуд̇д̇ад̣̇ааро сабариж̇ано убосат̇ам̣ ад̇хидтахи, саб̣б̣зби убосат̇игаа ад̇д̇ано ад̇д̇ано васанадтаанам̣ г̇анд̇ваа сийлам̣ ааваж̇ж̇знд̇аа нисийд̣̇им̣су. б̣од̇хисад̇д̇о сагалад̣̇ивасам̣ гаммам̣ гад̇ваа суурияад̇т̇ан̇г̇аманавзлааяа ааг̇ад̇о. ат̇асса бхад̇д̇агааригаа хад̇т̇ад̇хованам̣ д̣̇ад̇ваа баад̇ияам̣ бхад̇д̇ам̣ вад̣дхзд̇ваа убанаамзси. б̣од̇хисад̇д̇о ‘‘ан̃н̃зсу д̣̇ивасзсу имааяа взлааяа махаасад̣̇д̣̇о ход̇и, аж̇ж̇а гахам̣ г̇ад̇аа’’д̇и бужчи. ‘‘саб̣б̣з убосат̇ам̣ самаад̣̇ияид̇ваа ад̇д̇ано ад̇д̇ано васанадтаанаани г̇ад̇аа’’д̇и. д̇ам̣ суд̇ваа б̣од̇хисад̇д̇о жинд̇зси ‘‘зд̇д̇агаанам̣ сийлаванд̇аанам̣ анд̇арз ахам̣ зго д̣̇уссийло худ̇ваа на васиссаами, ид̣̇аани убосат̇ан̇г̇зсу ад̇хидтид̇зсу ход̇и ну ко убосат̇агаммам̣, но’’д̇и. со г̇анд̇ваа сздтим̣ бужчи. ат̇а нам̣ сздти ‘‘д̇аад̇а баад̇ова анад̇хидтид̇ад̇д̇аа сагалам̣ убосат̇агаммам̣ на ход̇и, убад̣дхубосат̇агаммам̣ бана ход̇ий’’д̇и ааха.
Athekadivasaṃ nagare chaṇaṃ ghosesuṃ. Mahāseṭṭhi dāsiṃ āmantetvā ‘‘ajjuposathadivaso, gehe kammakarānaṃ pātova bhattaṃ pacitvā dehi, kālasseva bhuñjitvā uposathikā bhavissantī’’ti āha. Bodhisatto kālasseva uṭṭhāya kammantaṃ agamāsi, ‘‘ajjuposathiko bhaveyyāsī’’ti tassa koci nārocesi. Sesakammakarā pātova bhuñjitvā uposathikāva ahesuṃ. Seṭṭhipi saputtadāro saparijano uposathaṃ adhiṭṭhahi, sabbepi uposathikā attano attano vasanaṭṭhānaṃ gantvā sīlaṃ āvajjentā nisīdiṃsu. Bodhisatto sakaladivasaṃ kammaṃ katvā sūriyatthaṅgamanavelāya āgato. Athassa bhattakārikā hatthadhovanaṃ datvā pātiyaṃ bhattaṃ vaḍḍhetvā upanāmesi. Bodhisatto ‘‘aññesu divasesu imāya velāya mahāsaddo hoti, ajja kahaṃ gatā’’ti pucchi. ‘‘Sabbe uposathaṃ samādiyitvā attano attano vasanaṭṭhānāni gatā’’ti. Taṃ sutvā bodhisatto cintesi ‘‘ettakānaṃ sīlavantānaṃ antare ahaṃ eko dussīlo hutvā na vasissāmi, idāni uposathaṅgesu adhiṭṭhitesu hoti nu kho uposathakammaṃ, no’’ti. So gantvā seṭṭhiṃ pucchi. Atha naṃ seṭṭhi ‘‘tāta pātova anadhiṭṭhitattā sakalaṃ uposathakammaṃ na hoti, upaḍḍhuposathakammaṃ pana hotī’’ti āha.
со ‘‘зд̇д̇агамби ход̇уу’’д̇и сздтисса санд̇игз самаад̣̇иннасийло худ̇ваа убосат̇агаммам̣ ад̇хидтааяа ад̇д̇ано васаногаасам̣ бависид̇ваа сийлам̣ ааваж̇ж̇знд̇о нибаж̇ж̇и. ат̇асса сагалад̣̇ивасам̣ нираахаарад̇ааяа бажчимаяаамасамананд̇арз сад̇т̇агаваад̇аа самудтахим̣су. сздтинаа наанаавид̇хаани бхзсаж̇ж̇аани аахарид̇ваа ‘‘бхун̃ж̇аа’’д̇и вужжамааноби ‘‘убосат̇ам̣ на бхинд̣̇иссаами, ж̇ийвид̇абарияанд̇игам̣ гад̇ваа самаад̣̇ияи’’нд̇и ааха. б̣алававзд̣̇анаа уббаж̇ж̇и, арун̣уг̇г̇аманавзлааяа сад̇им̣ бажжубадтаабзд̇ум̣ наасагки. ат̇а нам̣ ‘‘ид̣̇аани мариссад̇ий’’д̇и нийхарид̇ваа ‘‘осаарагз нибаж̇ж̇аабзсум̣. д̇асмим̣ кан̣з б̣аараан̣асирааж̇аа рат̇авараг̇ад̇о маханд̇зна бариваарзна наг̇арам̣ бад̣̇агкин̣ам̣ гаронд̇о д̇ам̣ таанам̣ самбаабун̣и. б̣од̇хисад̇д̇о д̇асса сирим̣ ологзд̇ваа д̇асмим̣ лобхам̣ уббаад̣̇зд̇ваа раж̇ж̇ам̣ бад̇т̇зси. со жавид̇ваа убад̣дхубосат̇агамманиссанд̣̇зна д̇асса аг̇г̇амахзсияаа гужчимхи бадисанд̇хим̣ г̇ан̣хи. саа лад̣̇д̇хаг̇аб̣бхабарихаараа д̣̇асамаасажжаязна буд̇д̇ам̣ виж̇ааяи, ‘‘уд̣̇аяагумааро’’д̇исса наамам̣ агам̣су. со ваяаббад̇д̇о саб̣б̣асиббзсу нибпад̇д̇им̣ баабун̣и, ж̇аад̇иссаран̃аан̣зна ад̇д̇ано буб̣б̣агаммам̣ сарид̇ваа ‘‘аббагасса гаммасса палам̣ мама ид̣̇а’’нд̇и абхигкан̣ам̣ уд̣̇аанам̣ уд̣̇аанзси. со бид̇у ажжаязна раж̇ж̇ам̣ бад̇вааби ад̇д̇ано маханд̇ам̣ сиривибхавам̣ ологзд̇ваа д̇ад̣̇зва уд̣̇аанам̣ уд̣̇аанзси.
So ‘‘ettakampi hotū’’ti seṭṭhissa santike samādinnasīlo hutvā uposathakammaṃ adhiṭṭhāya attano vasanokāsaṃ pavisitvā sīlaṃ āvajjento nipajji. Athassa sakaladivasaṃ nirāhāratāya pacchimayāmasamanantare satthakavātā samuṭṭhahiṃsu. Seṭṭhinā nānāvidhāni bhesajjāni āharitvā ‘‘bhuñjā’’ti vuccamānopi ‘‘uposathaṃ na bhindissāmi, jīvitapariyantikaṃ katvā samādiyi’’nti āha. Balavavedanā uppajji, aruṇuggamanavelāya satiṃ paccupaṭṭhāpetuṃ nāsakkhi. Atha naṃ ‘‘idāni marissatī’’ti nīharitvā ‘‘osārake nipajjāpesuṃ. Tasmiṃ khaṇe bārāṇasirājā rathavaragato mahantena parivārena nagaraṃ padakkhiṇaṃ karonto taṃ ṭhānaṃ sampāpuṇi. Bodhisatto tassa siriṃ oloketvā tasmiṃ lobhaṃ uppādetvā rajjaṃ patthesi. So cavitvā upaḍḍhuposathakammanissandena tassa aggamahesiyā kucchimhi paṭisandhiṃ gaṇhi. Sā laddhagabbhaparihārā dasamāsaccayena puttaṃ vijāyi, ‘‘udayakumāro’’tissa nāmaṃ akaṃsu. So vayappatto sabbasippesu nipphattiṃ pāpuṇi, jātissarañāṇena attano pubbakammaṃ saritvā ‘‘appakassa kammassa phalaṃ mama ida’’nti abhikkhaṇaṃ udānaṃ udānesi. So pitu accayena rajjaṃ patvāpi attano mahantaṃ sirivibhavaṃ oloketvā tadeva udānaṃ udānesi.
ат̇згад̣̇ивасам̣ наг̇арз чан̣ам̣ саж̇ж̇аяим̣су, махааж̇ано гийл̣аабасуд̇о ахоси. д̇ад̣̇аа б̣аараан̣асияаа уд̇д̇арад̣̇ваараваасий зго бхад̇иго уд̣̇агабхад̇им̣ гад̇ваа лад̣̇д̇хам̣ ад̣дхамаасагам̣ баагааридтагааяа анд̇арз табзд̇ваа бхад̇им̣ гаронд̇о д̣̇агкин̣ад̣̇ваарам̣ бад̇ваа д̇ад̇т̇а уд̣̇агабхад̇имзва гад̇ваа ж̇ийвамаанааяа згааяа габан̣ид̇т̇ияаа сад̣̇д̇хим̣ сам̣ваасам̣ габбзси. саа д̇ам̣ ааха – ‘‘саами, наг̇арз чан̣о вад̇д̇ад̇и, сажз д̇з гин̃жи ад̇т̇и, маяамби гийл̣зяяаамаа’’д̇и? ‘‘аама, ад̇т̇ий’’д̇и. ‘‘гид̇д̇агам̣, саамий’’д̇и? ‘‘ад̣дхамаасаго’’д̇и. ‘‘гахам̣ со’’д̇и? ‘‘уд̇д̇арад̣̇ваарз идтагаб̣бханд̇арз табид̇од̇и ид̇о мз д̣̇ваад̣̇асаяож̇ананд̇арз нид̇хаанам̣, д̇ава бана хад̇т̇з гин̃жи ад̇т̇ий’’д̇и? ‘‘аама, ад̇т̇ий’’д̇и. ‘‘гид̇д̇ага’’нд̇и? ‘‘ад̣дхамаасаговаа’’д̇и. ‘‘ид̇и д̇ава ад̣дхамаасаго, мама ад̣дхамаасагод̇и маасагова ход̇и, д̇ад̇о згзна годтаасзна маалам̣, згзна годтаасзна г̇анд̇хам̣, згзна годтаасзна сурам̣ г̇ахзд̇ваа гийл̣иссаама, г̇ажча д̇аяаа табид̇ам̣ ад̣дхамаасагам̣ аахараа’’д̇и. со ‘‘бхарияааяа мз санд̇игаа гат̇аа лад̣̇д̇хаа’’д̇и хадтад̇удто ‘‘бхад̣̇д̣̇з, маа жинд̇аяи, аахариссаами на’’нд̇и вад̇ваа баггаами. нааг̇аб̣ало бхад̇иго ча яож̇анаани ад̇иггамма маж̇жханхигасамаяз вийд̇ажжиган̇г̇аарасант̇ад̇ам̣ вияа ун̣хам̣ ваалугам̣ мад̣̇д̣̇анд̇о д̇ханалобхзна хадтабахадто гасааварад̇д̇аниваасано ган̣н̣з д̇аалабан̣н̣ам̣ бил̣анд̇хид̇ваа згзна ааяог̇авад̇д̇зна г̇ийд̇ам̣ г̇ааяанд̇о рааж̇ан̇г̇ан̣зна бааяааси.
Athekadivasaṃ nagare chaṇaṃ sajjayiṃsu, mahājano kīḷāpasuto ahosi. Tadā bārāṇasiyā uttaradvāravāsī eko bhatiko udakabhatiṃ katvā laddhaṃ aḍḍhamāsakaṃ pākāriṭṭhakāya antare ṭhapetvā bhatiṃ karonto dakkhiṇadvāraṃ patvā tattha udakabhatimeva katvā jīvamānāya ekāya kapaṇitthiyā saddhiṃ saṃvāsaṃ kappesi. Sā taṃ āha – ‘‘sāmi, nagare chaṇo vattati, sace te kiñci atthi, mayampi kīḷeyyāmā’’ti? ‘‘Āma, atthī’’ti. ‘‘Kittakaṃ, sāmī’’ti? ‘‘Aḍḍhamāsako’’ti. ‘‘Kahaṃ so’’ti? ‘‘Uttaradvāre iṭṭhakabbhantare ṭhapitoti ito me dvādasayojanantare nidhānaṃ, tava pana hatthe kiñci atthī’’ti? ‘‘Āma, atthī’’ti. ‘‘Kittaka’’nti? ‘‘Aḍḍhamāsakovā’’ti. ‘‘Iti tava aḍḍhamāsako, mama aḍḍhamāsakoti māsakova hoti, tato ekena koṭṭhāsena mālaṃ, ekena koṭṭhāsena gandhaṃ, ekena koṭṭhāsena suraṃ gahetvā kīḷissāma, gaccha tayā ṭhapitaṃ aḍḍhamāsakaṃ āharā’’ti. So ‘‘bhariyāya me santikā kathā laddhā’’ti haṭṭhatuṭṭho ‘‘bhadde, mā cintayi, āharissāmi na’’nti vatvā pakkāmi. Nāgabalo bhatiko cha yojanāni atikkamma majjhanhikasamaye vītaccikaṅgārasanthataṃ viya uṇhaṃ vālukaṃ maddanto dhanalobhena haṭṭhapahaṭṭho kasāvarattanivāsano kaṇṇe tālapaṇṇaṃ piḷandhitvā ekena āyogavattena gītaṃ gāyanto rājaṅgaṇena pāyāsi.
уд̣̇аяарааж̇аа сийхабан̃ж̇арам̣ виварид̇ваа тид̇о д̇ам̣ д̇ат̇аа г̇ажчанд̇ам̣ д̣̇исваа ‘‘гим̣ ну ко зса зваруубам̣ ваад̇аад̇абам̣ аг̇ан̣зд̇ваа хадтад̇удто г̇ааяанд̇о г̇ажчад̇и, бужчиссаами на’’нд̇и жинд̇зд̇ваа баггосанад̇т̇ааяа згам̣ бурисам̣ бахин̣и. д̇зна г̇анд̇ваа ‘‘рааж̇аа д̇ам̣ баггосад̇ий’’д̇и вуд̇д̇з ‘‘рааж̇аа маяхам̣ гим̣ ход̇и, наахам̣ рааж̇аанам̣ ж̇аанаамий’’д̇и вад̇ваа б̣алаггаарзна нийд̇о згаманд̇ам̣ адтааси. ат̇а нам̣ рааж̇аа бужчанд̇о д̣̇вз г̇аат̇аа абхааси –
Udayarājā sīhapañjaraṃ vivaritvā ṭhito taṃ tathā gacchantaṃ disvā ‘‘kiṃ nu kho esa evarūpaṃ vātātapaṃ agaṇetvā haṭṭhatuṭṭho gāyanto gacchati, pucchissāmi na’’nti cintetvā pakkosanatthāya ekaṃ purisaṃ pahiṇi. Tena gantvā ‘‘rājā taṃ pakkosatī’’ti vutte ‘‘rājā mayhaṃ kiṃ hoti, nāhaṃ rājānaṃ jānāmī’’ti vatvā balakkārena nīto ekamantaṃ aṭṭhāsi. Atha naṃ rājā pucchanto dve gāthā abhāsi –
36.
36.
‘‘ан̇г̇аараж̇аад̇аа бат̇авий, гуггул̣аануг̇ад̇аа махий;
‘‘Aṅgārajātā pathavī, kukkuḷānugatā mahī;
ат̇а г̇ааяаси вад̇д̇аани, на д̇ам̣ д̇абад̇и аад̇або.
Atha gāyasi vattāni, na taṃ tapati ātapo.
37.
37.
‘‘уд̣̇д̇хам̣ д̇абад̇и аад̣̇ижжо, ад̇хо д̇абад̇и ваалугаа;
‘‘Uddhaṃ tapati ādicco, adho tapati vālukā;
ат̇а г̇ааяаси вад̇д̇аани, на д̇ам̣ д̇абад̇и аад̇або’’д̇и.
Atha gāyasi vattāni, na taṃ tapati ātapo’’ti.
д̇ад̇т̇а ан̇г̇аараж̇аад̇аад̇и бхо буриса, аяам̣ бат̇авий вийд̇ажжиган̇г̇аараа вияа ун̣хаж̇аад̇аа. гуггул̣аануг̇ад̇аад̇и аад̣̇ид̇д̇ачааригасан̇каад̇зна гуггул̣зна вияа ун̣хаваалугааяа ануг̇ад̇аа. вад̇д̇аанийд̇и ааяог̇авад̇д̇аани ааробзд̇ваа г̇ийд̇ам̣ г̇ааяасийд̇и.
Tattha aṅgārajātāti bho purisa, ayaṃ pathavī vītaccikaṅgārā viya uṇhajātā. Kukkuḷānugatāti ādittachārikasaṅkhātena kukkuḷena viya uṇhavālukāya anugatā. Vattānīti āyogavattāni āropetvā gītaṃ gāyasīti.
со ран̃н̃о гат̇ам̣ суд̇ваа д̇ад̇ияам̣ г̇аат̇амааха –
So rañño kathaṃ sutvā tatiyaṃ gāthamāha –
38.
38.
‘‘на мам̣ д̇абад̇и аад̇або, аад̇абаа д̇абаяанд̇и мам̣;
‘‘Na maṃ tapati ātapo, ātapā tapayanti maṃ;
ад̇т̇аа хи вивид̇хаа рааж̇а, д̇з д̇абанд̇и на аад̇або’’д̇и.
Atthā hi vividhā rāja, te tapanti na ātapo’’ti.
д̇ад̇т̇а аад̇абаад̇и вад̇т̇угаамагилзсагаамаа. бурисан̃хи д̇з абхид̇абанд̇и, д̇асмаа ‘‘аад̇абаа’’д̇и вуд̇д̇аа. ад̇т̇аа хи вивид̇хаад̇и, махаарааж̇а, маяхам̣ вад̇т̇угаамагилзсагаамз ниссааяа гад̇д̇аб̣б̣аа наанаагижжасан̇каад̇аа вивид̇хаа ад̇т̇аа ад̇т̇и, д̇з мам̣ д̇абанд̇и, на аад̇абод̇и.
Tattha ātapāti vatthukāmakilesakāmā. Purisañhi te abhitapanti, tasmā ‘‘ātapā’’ti vuttā. Atthā hi vividhāti, mahārāja, mayhaṃ vatthukāmakilesakāme nissāya kattabbā nānākiccasaṅkhātā vividhā atthā atthi, te maṃ tapanti, na ātapoti.
ат̇а нам̣ рааж̇аа ‘‘го наама д̇з ад̇т̇о’’д̇и бужчи. со ааха ‘‘ахам̣, д̣̇зва, д̣̇агкин̣ад̣̇ваарз габан̣ид̇т̇ияаа сад̣̇д̇хим̣ сам̣ваасам̣ габбзсим̣, саа мам̣ ‘чан̣ам̣ гийл̣иссаама, ад̇т̇и д̇з гин̃жи хад̇т̇з’д̇и бужчи, ат̇а нам̣ ахам̣ ‘мама нид̇хаанам̣ уд̇д̇арад̣̇ваарз баагааранд̇арз табид̇а’нд̇и аважам̣, саа ‘г̇ажча д̇ам̣ аахара, убхоби гийл̣иссаамаа’д̇и мам̣ бахин̣и, саа мз д̇ассаа гат̇аа хад̣̇аяам̣ на виж̇ахад̇и, д̇ам̣ мам̣ ануссаранд̇ам̣ гаамад̇або д̇абад̇и, аяам̣ мз, д̣̇зва, ад̇т̇о’’д̇и. ат̇а ‘‘зваруубам̣ ваад̇аад̇абам̣ аг̇ан̣зд̇ваа гим̣ д̇з д̇уссанагааран̣ам̣, язна г̇ааяанд̇о г̇ажчасий’’д̇и? ‘‘д̣̇зва, д̇ам̣ нид̇хаанам̣ аахарид̇ваа ‘д̇ааяа сад̣̇д̇хим̣ абхирамиссаамий’д̇и иминаа гааран̣зна д̇удто г̇ааяаамий’’д̇и. ‘‘гим̣ бана д̇з, бхо буриса, уд̇д̇арад̣̇ваарз табид̇анид̇хаанам̣ сад̇асахассамад̇д̇ам̣ ад̇т̇ий’’д̇и? ‘‘над̇т̇и, д̣̇зваа’’д̇и. рааж̇аа ‘‘д̇зна хи бан̃н̃ааса сахассаани, жад̇д̇аалийса, д̇им̣са, вийса, д̣̇аса, сахассам̣, бан̃жа сад̇аани, жад̇д̇аари, д̇ийн̣и, д̣̇вз, згам̣, сад̇ам̣, бан̃н̃аасам̣, жад̇д̇аалийсам̣, д̇им̣сам̣, вийсам̣, д̣̇аса, бан̃жа, жад̇д̇аари, д̇аяо, д̣̇вз, зго гахаабан̣о, ад̣дхо, баад̣̇о, жад̇д̇ааро маасагаа, д̇аяо, д̣̇вз, зго маасаго’’д̇и бужчи. саб̣б̣ам̣ бадигкибид̇ваа ‘‘ад̣дхамаасаго’’д̇и вуд̇д̇о ‘‘аама, д̣̇зва, зд̇д̇агам̣ маяхам̣ д̇ханам̣, д̇ам̣ аахарид̇ваа д̇ааяа сад̣̇д̇хим̣ абхирамиссаамийд̇и г̇ажчаами, д̇ааяа бийд̇ияаа д̇зна соманассзна на мам̣ зса ваад̇аад̇або д̇абад̇ий’’д̇и ааха.
Atha naṃ rājā ‘‘ko nāma te attho’’ti pucchi. So āha ‘‘ahaṃ, deva, dakkhiṇadvāre kapaṇitthiyā saddhiṃ saṃvāsaṃ kappesiṃ, sā maṃ ‘chaṇaṃ kīḷissāma, atthi te kiñci hatthe’ti pucchi, atha naṃ ahaṃ ‘mama nidhānaṃ uttaradvāre pākārantare ṭhapita’nti avacaṃ, sā ‘gaccha taṃ āhara, ubhopi kīḷissāmā’ti maṃ pahiṇi, sā me tassā kathā hadayaṃ na vijahati, taṃ maṃ anussarantaṃ kāmatapo tapati, ayaṃ me, deva, attho’’ti. Atha ‘‘evarūpaṃ vātātapaṃ agaṇetvā kiṃ te tussanakāraṇaṃ, yena gāyanto gacchasī’’ti? ‘‘Deva, taṃ nidhānaṃ āharitvā ‘tāya saddhiṃ abhiramissāmī’ti iminā kāraṇena tuṭṭho gāyāmī’’ti. ‘‘Kiṃ pana te, bho purisa, uttaradvāre ṭhapitanidhānaṃ satasahassamattaṃ atthī’’ti? ‘‘Natthi, devā’’ti. Rājā ‘‘tena hi paññāsa sahassāni, cattālīsa, tiṃsa, vīsa, dasa, sahassaṃ, pañca satāni, cattāri, tīṇi, dve, ekaṃ, sataṃ, paññāsaṃ, cattālīsaṃ, tiṃsaṃ, vīsaṃ, dasa, pañca, cattāri, tayo, dve, eko kahāpaṇo, aḍḍho, pādo, cattāro māsakā, tayo, dve, eko māsako’’ti pucchi. Sabbaṃ paṭikkhipitvā ‘‘aḍḍhamāsako’’ti vutto ‘‘āma, deva, ettakaṃ mayhaṃ dhanaṃ, taṃ āharitvā tāya saddhiṃ abhiramissāmīti gacchāmi, tāya pītiyā tena somanassena na maṃ esa vātātapo tapatī’’ti āha.
ат̇а нам̣ рааж̇аа ‘‘бхо буриса, зваруубз аад̇абз д̇ад̇т̇а маа г̇ами, ахам̣ д̇з ад̣дхамаасагам̣ д̣̇ассаамий’’д̇и ааха. ‘‘д̣̇зва, ахам̣ д̇умхаагам̣ гат̇ааяа тад̇ваа д̇ан̃жа г̇ан̣хиссаами, ид̇аран̃жа д̇ханам̣ на наасзссаами, мама г̇аманам̣ ахаабзд̇ваа д̇амби г̇ахзссаамий’’д̇и. ‘‘бхо буриса, нивад̇д̇а, маасагам̣ д̇з д̣̇ассаами, д̣̇вз маасагзхи звам̣ вад̣дхзд̇ваа годим̣ годисад̇ам̣ абаримид̇ам̣ д̇ханам̣ д̣̇ассаами, нивад̇д̇аа’’д̇и вуд̇д̇зби ‘‘д̣̇зва, д̇ам̣ г̇ахзд̇ваа ид̇арамби г̇ан̣хиссаами’’ижжзва ааха. д̇ад̇о сздтидтаанаад̣̇ийхи таананд̇арзхи балобхид̇о яаава убараж̇ж̇аа д̇ат̇зва вад̇ваа ‘‘убад̣дхараж̇ж̇ам̣ д̇з д̣̇ассаами, нивад̇д̇аа’’д̇и вуд̇д̇з самбадижчи. рааж̇аа ‘‘г̇ажчат̇а мама сахааяасса гзсамассум̣ гаарзд̇ваа нхаабзд̇ваа алан̇гарид̇ваа аанзт̇а на’’нд̇и амажжз аан̣аабзси. амажжаа д̇ат̇аа агам̣су. рааж̇аа раж̇ж̇ам̣ д̣̇вид̇хаа бхинд̣̇ид̇ваа д̇асса убад̣дхараж̇ж̇ам̣ ад̣̇ааси. ‘‘со бана д̇ам̣ г̇ахзд̇вааби ад̣дхамаасагабзмзна уд̇д̇арабассам̣ г̇ад̇оязваа’’д̇и вад̣̇анд̇и. со ад̣дхамаасагарааж̇аа наама ахоси. д̇з самаг̇г̇аа саммод̣̇амаанаа раж̇ж̇ам̣ гаарзнд̇аа згад̣̇ивасам̣ уяяаанам̣ г̇амим̣су. д̇ад̇т̇а гийл̣ид̇ваа уд̣̇аяарааж̇аа ад̣дхамаасагаран̃н̃о ан̇гз сийсам̣ гад̇ваа нибаж̇ж̇и. д̇асмим̣ нид̣̇д̣̇ам̣ огганд̇з бариваарамануссаа гийл̣аанубхаванавасзна д̇ад̇т̇а д̇ад̇т̇а аг̇амам̣су.
Atha naṃ rājā ‘‘bho purisa, evarūpe ātape tattha mā gami, ahaṃ te aḍḍhamāsakaṃ dassāmī’’ti āha. ‘‘Deva, ahaṃ tumhākaṃ kathāya ṭhatvā tañca gaṇhissāmi, itarañca dhanaṃ na nāsessāmi, mama gamanaṃ ahāpetvā tampi gahessāmī’’ti. ‘‘Bho purisa, nivatta, māsakaṃ te dassāmi, dve māsakehi evaṃ vaḍḍhetvā koṭiṃ koṭisataṃ aparimitaṃ dhanaṃ dassāmi, nivattā’’ti vuttepi ‘‘deva, taṃ gahetvā itarampi gaṇhissāmi’’icceva āha. Tato seṭṭhiṭṭhānādīhi ṭhānantarehi palobhito yāva uparajjā tatheva vatvā ‘‘upaḍḍharajjaṃ te dassāmi, nivattā’’ti vutte sampaṭicchi. Rājā ‘‘gacchatha mama sahāyassa kesamassuṃ kāretvā nhāpetvā alaṅkaritvā ānetha na’’nti amacce āṇāpesi. Amaccā tathā akaṃsu. Rājā rajjaṃ dvidhā bhinditvā tassa upaḍḍharajjaṃ adāsi. ‘‘So pana taṃ gahetvāpi aḍḍhamāsakapemena uttarapassaṃ gatoyevā’’ti vadanti. So aḍḍhamāsakarājā nāma ahosi. Te samaggā sammodamānā rajjaṃ kārentā ekadivasaṃ uyyānaṃ gamiṃsu. Tattha kīḷitvā udayarājā aḍḍhamāsakarañño aṅke sīsaṃ katvā nipajji. Tasmiṃ niddaṃ okkante parivāramanussā kīḷānubhavanavasena tattha tattha agamaṃsu.
ад̣дхамаасагарааж̇аа ‘‘гим̣ мз нижжагаалам̣ убад̣дхараж̇ж̇зна, имам̣ маарзд̇ваа ахамзва сагалараж̇ж̇ам̣ гаарзссаамий’’д̇и каг̇г̇ам̣ аб̣б̣аахид̇ваа ‘‘бахариссаами на’’нд̇и жинд̇зд̇ваа буна ‘‘аяам̣ рааж̇аа мам̣ д̣̇алид̣̇д̣̇агабан̣ам̣ мануссам̣ ад̇д̇анаа самаанам̣ гад̇ваа маханд̇з иссарияз бад̇идтабзси, зваруубам̣ наама яасад̣̇ааяагам̣ маарзд̇ваа раж̇ж̇ам̣ гаарзссаамийд̇и мама ижчаа уббаннаа, аяуд̇д̇ам̣ вад̇а мз гамма’’нд̇и сад̇им̣ бадилабхид̇ваа асим̣ бавзсзси. ат̇асса д̣̇уд̇ияамби д̇ад̇ияамби д̇ат̇зва жид̇д̇ам̣ уббаж̇ж̇и. д̇ад̇о жинд̇зси ‘‘ид̣̇ам̣ жид̇д̇ам̣ бунаббунам̣ уббаж̇ж̇амаанам̣ мам̣ баабагаммз нияож̇зяяаа’’д̇и. со асим̣ бхуумияам̣ кибид̇ваа рааж̇аанам̣ удтаабзд̇ваа ‘‘камаахи мз, д̣̇зваа’’д̇и баад̣̇зсу бад̇и. ‘‘нану самма, д̇ава маманд̇арз д̣̇осо над̇т̇ий’’д̇и? ‘‘ад̇т̇и, махаарааж̇а, ахам̣ ид̣̇ам̣ наама агааси’’нд̇и. ‘‘д̇зна хи самма, камаами д̇з, ижчанд̇о бана раж̇ж̇ам̣ гаарзхи, ахам̣ убарааж̇аа худ̇ваа д̇ам̣ убадтахиссаамий’’д̇и. со ‘‘на мз, д̣̇зва, раж̇ж̇зна ад̇т̇о, аяан̃хи д̇ан̣хаа мам̣ абааязсу ниб̣б̣ад̇д̇аабзссад̇и, д̇ава раж̇ж̇ам̣ д̇вамзва г̇ан̣ха, ахам̣ баб̣б̣аж̇иссаами, д̣̇идтам̣ мз гаамасса муулам̣, аяан̃хи сан̇габбзна вад̣дхад̇и, на д̣̇аани нам̣ д̇ад̇о бадтааяа сан̇габбзссаамий’’д̇и уд̣̇аанзнд̇о жад̇уд̇т̇ам̣ г̇аат̇амааха –
Aḍḍhamāsakarājā ‘‘kiṃ me niccakālaṃ upaḍḍharajjena, imaṃ māretvā ahameva sakalarajjaṃ kāressāmī’’ti khaggaṃ abbāhitvā ‘‘paharissāmi na’’nti cintetvā puna ‘‘ayaṃ rājā maṃ daliddakapaṇaṃ manussaṃ attanā samānaṃ katvā mahante issariye patiṭṭhapesi, evarūpaṃ nāma yasadāyakaṃ māretvā rajjaṃ kāressāmīti mama icchā uppannā, ayuttaṃ vata me kamma’’nti satiṃ paṭilabhitvā asiṃ pavesesi. Athassa dutiyampi tatiyampi tatheva cittaṃ uppajji. Tato cintesi ‘‘idaṃ cittaṃ punappunaṃ uppajjamānaṃ maṃ pāpakamme niyojeyyā’’ti. So asiṃ bhūmiyaṃ khipitvā rājānaṃ uṭṭhāpetvā ‘‘khamāhi me, devā’’ti pādesu pati. ‘‘Nanu samma, tava mamantare doso natthī’’ti? ‘‘Atthi, mahārāja, ahaṃ idaṃ nāma akāsi’’nti. ‘‘Tena hi samma, khamāmi te, icchanto pana rajjaṃ kārehi, ahaṃ uparājā hutvā taṃ upaṭṭhahissāmī’’ti. So ‘‘na me, deva, rajjena attho, ayañhi taṇhā maṃ apāyesu nibbattāpessati, tava rajjaṃ tvameva gaṇha, ahaṃ pabbajissāmi, diṭṭhaṃ me kāmassa mūlaṃ, ayañhi saṅkappena vaḍḍhati, na dāni naṃ tato paṭṭhāya saṅkappessāmī’’ti udānento catutthaṃ gāthamāha –
39.
39.
‘‘ад̣̇д̣̇асам̣ гаама д̇з муулам̣, сан̇габбаа гаама ж̇ааяаси;
‘‘Addasaṃ kāma te mūlaṃ, saṅkappā kāma jāyasi;
на д̇ам̣ сан̇габбаяиссаами, звам̣ гаама на хзхисий’’д̇и.
Na taṃ saṅkappayissāmi, evaṃ kāma na hehisī’’ti.
д̇ад̇т̇а званд̇и звам̣ маманд̇арз. на хзхисийд̇и на уббаж̇ж̇иссасийд̇и.
Tattha evanti evaṃ mamantare. Na hehisīti na uppajjissasīti.
зван̃жа бана вад̇ваа буна гаамзсу ануяун̃ж̇анд̇асса махааж̇анасса д̇хаммам̣ д̣̇зсзнд̇о бан̃жамам̣ г̇аат̇амааха –
Evañca pana vatvā puna kāmesu anuyuñjantassa mahājanassa dhammaṃ desento pañcamaṃ gāthamāha –
40.
40.
‘‘аббааби гаамаа на алам̣, б̣ахуухиби на д̇аббад̇и;
‘‘Appāpi kāmā na alaṃ, bahūhipi na tappati;
ахахаа б̣аалалабанаа, бариваж̇ж̇зт̇а ж̇аг̇г̇ад̇о’’д̇и.
Ahahā bālalapanā, parivajjetha jaggato’’ti.
д̇ад̇т̇а ахахаад̇и сам̣взг̇ад̣̇ийбанам̣. ж̇аг̇г̇ад̇од̇и ж̇аг̇г̇анд̇о. ид̣̇ам̣ вуд̇д̇ам̣ ход̇и – махаарааж̇а, имасса махааж̇анасса аббагааби вад̇т̇угаамагилзсагаамаа на алам̣ барияад̇д̇аава, б̣ахуухиби жа д̇зхи на д̇аббад̇зва, ‘‘ахо имз мама руубаа мама сад̣̇д̣̇аа’’д̇и лабанад̇о б̣аалалабанаа гаамаа, имз вибассанам̣ вад̣дхзд̇ваа б̣од̇хибагкияаанам̣ д̇хаммаанам̣ бхааванаануяог̇амануяуд̇д̇о ж̇аг̇г̇анд̇о гулабуд̇д̇о бариваж̇ж̇зт̇а, барин̃н̃аабахаанаабхисамаязхи абхисамзд̇ваа баж̇ахзяяаад̇и.
Tattha ahahāti saṃvegadīpanaṃ. Jaggatoti jagganto. Idaṃ vuttaṃ hoti – mahārāja, imassa mahājanassa appakāpi vatthukāmakilesakāmā na alaṃ pariyattāva, bahūhipi ca tehi na tappateva, ‘‘aho ime mama rūpā mama saddā’’ti lapanato bālalapanā kāmā, ime vipassanaṃ vaḍḍhetvā bodhipakkhiyānaṃ dhammānaṃ bhāvanānuyogamanuyutto jagganto kulaputto parivajjetha, pariññāpahānābhisamayehi abhisametvā pajaheyyāti.
звам̣ со махааж̇анасса д̇хаммам̣ д̣̇зсзд̇ваа уд̣̇аяарааж̇аанам̣ раж̇ж̇ам̣ бадижчаабзд̇ваа махааж̇анам̣ ассумукам̣ род̣̇амаанам̣ бахааяа химаванд̇ам̣ бависид̇ваа баб̣б̣аж̇ид̇ваа жхаанаабхин̃н̃ааяо ниб̣б̣ад̇д̇зд̇ваа вихааси. д̇асса баб̣б̣аж̇ид̇агаалз рааж̇аа д̇ам̣ уд̣̇аанам̣ сагалам̣ гад̇ваа уд̣̇аанзнд̇о чадтам̣ г̇аат̇амааха –
Evaṃ so mahājanassa dhammaṃ desetvā udayarājānaṃ rajjaṃ paṭicchāpetvā mahājanaṃ assumukhaṃ rodamānaṃ pahāya himavantaṃ pavisitvā pabbajitvā jhānābhiññāyo nibbattetvā vihāsi. Tassa pabbajitakāle rājā taṃ udānaṃ sakalaṃ katvā udānento chaṭṭhaṃ gāthamāha –
41.
41.
‘‘аббасса гаммасса палам̣ мамзд̣̇ам̣, уд̣̇аяо аж̇жхааг̇амаа махад̇д̇абад̇д̇ам̣;
‘‘Appassa kammassa phalaṃ mamedaṃ, udayo ajjhāgamā mahattapattaṃ;
сулад̣̇д̇халаабхо вад̇а маан̣авасса, яо баб̣б̣аж̇ий гаамарааг̇ам̣ бахааяаа’’д̇и.
Suladdhalābho vata māṇavassa, yo pabbajī kāmarāgaṃ pahāyā’’ti.
д̇ад̇т̇а уд̣̇аяод̇и ад̇д̇аанам̣ санд̇хааяа вад̣̇ад̇и. махад̇д̇абад̇д̇анд̇и маханд̇абхааваббад̇д̇ам̣ вибулам̣ иссарияам̣ аж̇жхааг̇амаа. маан̣авассаад̇и сад̇д̇асса маяхам̣ сахааяасса сулад̣̇д̇халаабхо, яо гаамарааг̇ам̣ бахааяа баб̣б̣аж̇ид̇од̇и ад̇хиббааязнзвамааха.
Tattha udayoti attānaṃ sandhāya vadati. Mahattapattanti mahantabhāvappattaṃ vipulaṃ issariyaṃ ajjhāgamā. Māṇavassāti sattassa mayhaṃ sahāyassa suladdhalābho, yo kāmarāgaṃ pahāya pabbajitoti adhippāyenevamāha.
имиссаа бана г̇аат̇ааяа на гожи ад̇т̇ам̣ ж̇аанаад̇и. ат̇а нам̣ згад̣̇ивасам̣ аг̇г̇амахзсий г̇аат̇ааяа ад̇т̇ам̣ бужчи, рааж̇аа на гат̇зси. зго банасса г̇ан̇г̇амаало наама ман̇г̇аланхаабид̇о, со ран̃н̃о массум̣ гаронд̇о батамам̣ курабаригаммам̣ гад̇ваа бажчаа сан̣д̣аасзна ломаани г̇ан̣хаад̇и, ран̃н̃о жа курабаригаммагаалз сукам̣ ход̇и, ломахаран̣агаалз д̣̇угкам̣. со батамам̣ д̇асса варам̣ д̣̇аад̇угаамо ход̇и, бажчаа сийсажчзд̣̇анамааган̇кад̇и. ат̇згад̣̇ивасам̣ ‘‘бхад̣̇д̣̇з, амхаагам̣ г̇ан̇г̇амаалагаббаго б̣аало’’д̇и д̣̇звияаа д̇амад̇т̇ам̣ аарожзд̇ваа ‘‘ги бана, д̣̇зва, гаад̇ум̣ ваддад̇ий’’д̇и вуд̇д̇з ‘‘батамам̣ сан̣д̣аасзна ломаани г̇ахзд̇ваа бажчаа курабаригамма’’нд̇и ааха. саа д̇ам̣ габбагам̣ баггосаабзд̇ваа ‘‘д̇аад̇а, ид̣̇аани ран̃н̃о массугаран̣ад̣̇ивасз батамам̣ ломаани г̇ахзд̇ваа бажчаа курабаригаммам̣ гарзяяааси, ран̃н̃аа жа ‘варам̣ г̇ан̣хаахий’д̇и вуд̇д̇з ‘ан̃н̃зна, д̣̇зва, мз ад̇т̇о над̇т̇и, д̇умхаагам̣ уд̣̇аанаг̇аат̇ааяа ад̇т̇ам̣ аажигкат̇аа’д̇и вад̣̇зяяааси, ахам̣ д̇з б̣ахум̣ д̇ханам̣ д̣̇ассаамий’’д̇и ааха. со ‘‘саад̇хуу’’д̇и самбадижчид̇ваа массугаран̣ад̣̇ивасз батамам̣ сан̣д̣аасам̣ г̇ан̣хи. ‘‘гим̣, бхан̣з г̇ан̇г̇амаала, абуб̣б̣ам̣ д̇з гаран̣а’’нд̇и ран̃н̃аа вуд̇д̇з ‘‘д̣̇зва, габбагаа наама абуб̣б̣амби гаронд̇ий’’д̇и вад̇ваа батамам̣ ломаани г̇ахзд̇ваа бажчаа курабаригаммам̣ агааси. рааж̇аа ‘‘варам̣ г̇ан̣хаахий’’д̇и ааха. ‘‘д̣̇зва, ан̃н̃зна мз ад̇т̇о над̇т̇и, д̇умхаагам̣ уд̣̇аанаг̇аат̇ааяа ад̇т̇ам̣ гат̇зт̇аа’’д̇и. рааж̇аа ад̇д̇ано д̣̇алид̣̇д̣̇агаалз гад̇ам̣ гат̇зд̇ум̣ лаж̇ж̇анд̇о ‘‘д̇аад̇а, иминаа д̇з варзна го ад̇т̇о, ан̃н̃ам̣ г̇ан̣хаахий’’д̇и ааха. ‘‘зд̇амзва д̣̇зхи, д̣̇зваа’’д̇и. со мусааваад̣̇абхаязна ‘‘саад̇хуу’’д̇и самбадижчид̇ваа гуммаасабин̣д̣иж̇аад̇агз вуд̇д̇анаязнзва саб̣б̣ам̣ сам̣вид̣̇ахаабзд̇ваа рад̇анабаллан̇гз нисийд̣̇ид̇ваа ‘‘ахам̣ г̇ан̇г̇амаала, буримабхавз имасмим̣язва наг̇арз’’д̇и саб̣б̣ам̣ буримагирияам̣ аажигкид̇ваа ‘‘иминаа гааран̣зна убад̣дхаг̇аат̇ам̣, ‘сахааяо бана мз баб̣б̣аж̇ид̇о, ахам̣ бамад̇д̇о худ̇ваа раж̇ж̇амзва гаарзмий’д̇и иминаа гааран̣зна бажчаа убад̣дхаг̇аат̇ам̣ вад̣̇аамий’’д̇и уд̣̇аанасса ад̇т̇ам̣ гат̇зси.
Imissā pana gāthāya na koci atthaṃ jānāti. Atha naṃ ekadivasaṃ aggamahesī gāthāya atthaṃ pucchi, rājā na kathesi. Eko panassa gaṅgamālo nāma maṅgalanhāpito, so rañño massuṃ karonto paṭhamaṃ khuraparikammaṃ katvā pacchā saṇḍāsena lomāni gaṇhāti, rañño ca khuraparikammakāle sukhaṃ hoti, lomaharaṇakāle dukkhaṃ. So paṭhamaṃ tassa varaṃ dātukāmo hoti, pacchā sīsacchedanamākaṅkhati. Athekadivasaṃ ‘‘bhadde, amhākaṃ gaṅgamālakappako bālo’’ti deviyā tamatthaṃ ārocetvā ‘‘ki pana, deva, kātuṃ vaṭṭatī’’ti vutte ‘‘paṭhamaṃ saṇḍāsena lomāni gahetvā pacchā khuraparikamma’’nti āha. Sā taṃ kappakaṃ pakkosāpetvā ‘‘tāta, idāni rañño massukaraṇadivase paṭhamaṃ lomāni gahetvā pacchā khuraparikammaṃ kareyyāsi, raññā ca ‘varaṃ gaṇhāhī’ti vutte ‘aññena, deva, me attho natthi, tumhākaṃ udānagāthāya atthaṃ ācikkhathā’ti vadeyyāsi, ahaṃ te bahuṃ dhanaṃ dassāmī’’ti āha. So ‘‘sādhū’’ti sampaṭicchitvā massukaraṇadivase paṭhamaṃ saṇḍāsaṃ gaṇhi. ‘‘Kiṃ, bhaṇe gaṅgamāla, apubbaṃ te karaṇa’’nti raññā vutte ‘‘deva, kappakā nāma apubbampi karontī’’ti vatvā paṭhamaṃ lomāni gahetvā pacchā khuraparikammaṃ akāsi. Rājā ‘‘varaṃ gaṇhāhī’’ti āha. ‘‘Deva, aññena me attho natthi, tumhākaṃ udānagāthāya atthaṃ kathethā’’ti. Rājā attano daliddakāle kataṃ kathetuṃ lajjanto ‘‘tāta, iminā te varena ko attho, aññaṃ gaṇhāhī’’ti āha. ‘‘Etameva dehi, devā’’ti. So musāvādabhayena ‘‘sādhū’’ti sampaṭicchitvā kummāsapiṇḍijātake vuttanayeneva sabbaṃ saṃvidahāpetvā ratanapallaṅke nisīditvā ‘‘ahaṃ gaṅgamāla, purimabhave imasmiṃyeva nagare’’ti sabbaṃ purimakiriyaṃ ācikkhitvā ‘‘iminā kāraṇena upaḍḍhagāthaṃ, ‘sahāyo pana me pabbajito, ahaṃ pamatto hutvā rajjameva kāremī’ti iminā kāraṇena pacchā upaḍḍhagāthaṃ vadāmī’’ti udānassa atthaṃ kathesi.
д̇ам̣ суд̇ваа габбаго ‘‘убад̣дхубосат̇агаммзна гира ран̃н̃аа аяам̣ самбад̇д̇и лад̣̇д̇хаа, гусалам̣ наама гаад̇аб̣б̣амзва, яам̣нуунаахам̣ баб̣б̣аж̇ид̇ваа ад̇д̇ано бад̇идтам̣ гарзяяа’’нд̇и жинд̇зд̇ваа н̃аад̇ибхог̇абариваддам̣ бахааяа рааж̇аанам̣ баб̣б̣аж̇ж̇ам̣ ануж̇аанаабзд̇ваа химаванд̇ам̣ г̇анд̇ваа исибаб̣б̣аж̇ж̇ам̣ баб̣б̣аж̇ид̇ваа д̇илагкан̣ам̣ ааробзнд̇о вибассанам̣ вад̣дхзд̇ваа бажжзгаб̣од̇хим̣ бад̇ваа ид̣̇д̇хияаа ниб̣б̣ад̇д̇абад̇д̇ажийварад̇харо г̇анд̇хамаад̣̇анабаб̣б̣ад̇з бан̃жачаб̣б̣ассаани васид̇ваа ‘‘б̣аараан̣асирааж̇аанам̣ ологзссаамий’’д̇и аагаасзнааг̇анд̇ваа уяяаанз ман̇г̇аласилааяам̣ нисийд̣̇и. уяяаанабаало сан̃ж̇аанид̇ваа г̇анд̇ваа ран̃н̃о аарожзси ‘‘д̣̇зва, г̇ан̇г̇амаало бажжзгаб̣уд̣̇д̇хо худ̇ваа аагаасзнааг̇анд̇ваа уяяаанз нисинно’’д̇и. рааж̇аа д̇ам̣ суд̇ваа ‘‘бажжзгаб̣уд̣̇д̇хам̣ ванд̣̇иссаамий’’д̇и взг̇зна нигками. рааж̇амаад̇аа жа буд̇д̇зна сад̣̇д̇хим̣язва нигками. рааж̇аа уяяаанам̣ бависид̇ваа д̇ам̣ ванд̣̇ид̇ваа згаманд̇ам̣ нисийд̣̇и сад̣̇д̇хим̣ барисааяа. со ран̃н̃аа сад̣̇д̇хим̣ бадисант̇аарам̣ гаронд̇о ‘‘гим̣, б̣рахмад̣̇ад̇д̇а, аббамад̇д̇оси, д̇хаммзна раж̇ж̇ам̣ гаарзси, д̣̇аанаад̣̇ийни бун̃н̃аани гаросий’’д̇и рааж̇аанам̣ гуланаамзна аалабид̇ваа бадисант̇аарам̣ гарод̇и. д̇ам̣ суд̇ваа ран̃н̃о маад̇аа ‘‘аяам̣ хийнаж̇ажжо маламаж̇ж̇аго нхаабид̇абуд̇д̇о ад̇д̇аанам̣ на ж̇аанаад̇и, мама буд̇д̇ам̣ бат̇ависсарам̣ ж̇аад̇икад̇д̇ияам̣ ‘б̣рахмад̣̇ад̇д̇аа’д̇и наамзнаалабад̇ий’’д̇и гуж̇жхид̇ваа сад̇д̇амам̣ г̇аат̇амааха –
Taṃ sutvā kappako ‘‘upaḍḍhuposathakammena kira raññā ayaṃ sampatti laddhā, kusalaṃ nāma kātabbameva, yaṃnūnāhaṃ pabbajitvā attano patiṭṭhaṃ kareyya’’nti cintetvā ñātibhogaparivaṭṭaṃ pahāya rājānaṃ pabbajjaṃ anujānāpetvā himavantaṃ gantvā isipabbajjaṃ pabbajitvā tilakkhaṇaṃ āropento vipassanaṃ vaḍḍhetvā paccekabodhiṃ patvā iddhiyā nibbattapattacīvaradharo gandhamādanapabbate pañcachabbassāni vasitvā ‘‘bārāṇasirājānaṃ olokessāmī’’ti ākāsenāgantvā uyyāne maṅgalasilāyaṃ nisīdi. Uyyānapālo sañjānitvā gantvā rañño ārocesi ‘‘deva, gaṅgamālo paccekabuddho hutvā ākāsenāgantvā uyyāne nisinno’’ti. Rājā taṃ sutvā ‘‘paccekabuddhaṃ vandissāmī’’ti vegena nikkhami. Rājamātā ca puttena saddhiṃyeva nikkhami. Rājā uyyānaṃ pavisitvā taṃ vanditvā ekamantaṃ nisīdi saddhiṃ parisāya. So raññā saddhiṃ paṭisanthāraṃ karonto ‘‘kiṃ, brahmadatta, appamattosi, dhammena rajjaṃ kāresi, dānādīni puññāni karosī’’ti rājānaṃ kulanāmena ālapitvā paṭisanthāraṃ karoti. Taṃ sutvā rañño mātā ‘‘ayaṃ hīnajacco malamajjako nhāpitaputto attānaṃ na jānāti, mama puttaṃ pathavissaraṃ jātikhattiyaṃ ‘brahmadattā’ti nāmenālapatī’’ti kujjhitvā sattamaṃ gāthamāha –
42.
42.
‘‘д̇абасаа баж̇аханд̇и баабагаммам̣, д̇абасаа нхаабид̇агумбхагаарабхаавам̣;
‘‘Tapasā pajahanti pāpakammaṃ, tapasā nhāpitakumbhakārabhāvaṃ;
д̇абасаа абхибхуяяа г̇ан̇г̇амаала, наамзнаалабасаж̇ж̇а б̣рахмад̣̇ад̇д̇аа’’д̇и.
Tapasā abhibhuyya gaṅgamāla, nāmenālapasajja brahmadattā’’ti.
д̇ассад̇т̇о – имз д̇аава сад̇д̇аа д̇абасаа ад̇д̇анаа гад̇зна д̇абог̇ун̣зна баабагаммам̣ ж̇аханд̇и, гим̣ банзд̇з д̇абасаа нхаабид̇агумбхагаарабхаавамби ж̇аханд̇и, яам̣ д̇вам̣ г̇ан̇г̇амаала, ад̇д̇ано д̇абасаа абхибхуяяа мама буд̇д̇ам̣ б̣рахмад̣̇ад̇д̇ам̣ наамзнаалабаси, бад̇ируубам̣ ну д̇з зд̇анд̇и?
Tassattho – ime tāva sattā tapasā attanā katena tapoguṇena pāpakammaṃ jahanti, kiṃ panete tapasā nhāpitakumbhakārabhāvampi jahanti, yaṃ tvaṃ gaṅgamāla, attano tapasā abhibhuyya mama puttaṃ brahmadattaṃ nāmenālapasi, patirūpaṃ nu te etanti?
рааж̇аа маад̇арам̣ ваарзд̇ваа бажжзгаб̣уд̣̇д̇хасса г̇ун̣ам̣ багаасзнд̇о адтамам̣ г̇аат̇амааха –
Rājā mātaraṃ vāretvā paccekabuddhassa guṇaṃ pakāsento aṭṭhamaṃ gāthamāha –
43.
43.
‘‘санд̣̇идтигамзва амма бассат̇а, канд̇ийсоражжасса аяам̣ вибааго;
‘‘Sandiṭṭhikameva amma passatha, khantīsoraccassa ayaṃ vipāko;
яо саб̣б̣аж̇анасса ванд̣̇ид̇оху, д̇ам̣ ванд̣̇аама сарааж̇игаа самажжаа’’д̇и.
Yo sabbajanassa vanditohu, taṃ vandāma sarājikā samaccā’’ti.
д̇ад̇т̇а канд̇ийсоражжассаад̇и ад̇хиваасанаканд̇ияаа жа соражжасса жа. д̇ам̣ ванд̣̇аамаад̇и д̇ам̣ ид̣̇аани маяам̣ сарааж̇игаа самажжаа саб̣б̣з ванд̣̇аама, бассат̇а амма, канд̇ийсоражжаанам̣ вибааганд̇и.
Tattha khantīsoraccassāti adhivāsanakhantiyā ca soraccassa ca. Taṃ vandāmāti taṃ idāni mayaṃ sarājikā samaccā sabbe vandāma, passatha amma, khantīsoraccānaṃ vipākanti.
ран̃н̃аа маад̇ари ваарид̇ааяа сзсамахааж̇ано удтахид̇ваа ‘‘аяуд̇д̇ам̣ вад̇а, д̣̇зва, зваруубасса хийнаж̇ажжасса д̇умхз наамзнаалабана’’нд̇и ааха. рааж̇аа махааж̇анамби бадиб̣аахид̇ваа д̇асса г̇ун̣агат̇ам̣ гат̇зд̇ум̣ осаанаг̇аат̇амааха –
Raññā mātari vāritāya sesamahājano uṭṭhahitvā ‘‘ayuttaṃ vata, deva, evarūpassa hīnajaccassa tumhe nāmenālapana’’nti āha. Rājā mahājanampi paṭibāhitvā tassa guṇakathaṃ kathetuṃ osānagāthamāha –
44.
44.
‘‘маа гин̃жи аважуд̇т̇а г̇ан̇г̇амаалам̣, мунинам̣ монабат̇зсу сигкамаанам̣;
‘‘Mā kiñci avacuttha gaṅgamālaṃ, muninaṃ monapathesu sikkhamānaṃ;
зсо хи ад̇ари ан̣н̣авам̣, яам̣ д̇арид̇ваа жаранд̇и вийд̇асогаа’’д̇и.
Eso hi atari aṇṇavaṃ, yaṃ taritvā caranti vītasokā’’ti.
д̇ад̇т̇а мунинанд̇и аг̇ааригаанаг̇ааригасзгкаасзгкабажжзгамунийсу бажжзгамуним̣. монабат̇зсу сигкамаананд̇и буб̣б̣абхааг̇абадибад̣̇ааб̣од̇хибагкияад̇хаммасан̇каад̇зсу монабат̇зсу сигкамаанам̣. ан̣н̣аванд̇и сам̣саарамахаасамуд̣̇д̣̇ам̣.
Tattha muninanti agārikānagārikasekkhāsekkhapaccekamunīsu paccekamuniṃ. Monapathesu sikkhamānanti pubbabhāgapaṭipadābodhipakkhiyadhammasaṅkhātesu monapathesu sikkhamānaṃ. Aṇṇavanti saṃsāramahāsamuddaṃ.
зван̃жа бана вад̇ваа рааж̇аа бажжзгаб̣уд̣̇д̇хам̣ ванд̣̇ид̇ваа ‘‘бханд̇з, маяхам̣ маад̇у камат̇аа’’д̇и ааха. ‘‘камаами, махаарааж̇аа’’д̇и. рааж̇абарисааби нам̣ камаабзси. рааж̇аа ад̇д̇аанам̣ ниссааяа васанад̇т̇ааяа бадин̃н̃ам̣ яаажи. бажжзгаб̣уд̣̇д̇хо бана бадин̃н̃ам̣ ад̣̇ад̇ваа сарааж̇игааяа барисааяа бассанд̇ияаава аагаасз тад̇ваа ран̃н̃о оваад̣̇ам̣ д̣̇ад̇ваа г̇анд̇хамаад̣̇анамзва г̇ад̇о.
Evañca pana vatvā rājā paccekabuddhaṃ vanditvā ‘‘bhante, mayhaṃ mātu khamathā’’ti āha. ‘‘Khamāmi, mahārājā’’ti. Rājaparisāpi naṃ khamāpesi. Rājā attānaṃ nissāya vasanatthāya paṭiññaṃ yāci. Paccekabuddho pana paṭiññaṃ adatvā sarājikāya parisāya passantiyāva ākāse ṭhatvā rañño ovādaṃ datvā gandhamādanameva gato.
сад̇т̇аа имам̣ д̇хаммад̣̇зсанам̣ аахарид̇ваа ‘‘зван̃жа убаасагаа убосат̇аваасо наама васид̇аб̣б̣аяуд̇д̇аго’’д̇и вад̇ваа ж̇аад̇агам̣ самод̇хаанзси – ‘‘д̇ад̣̇аа бажжзгаб̣уд̣̇д̇хо бариниб̣б̣ааяи, ад̣дхамаасагарааж̇аа аананд̣̇о ахоси, ран̃н̃о маад̇аа махаамааяаа, аг̇г̇амахзсий раахуламаад̇аа, уд̣̇аяарааж̇аа бана ахамзва ахоси’’нд̇и.
Satthā imaṃ dhammadesanaṃ āharitvā ‘‘evañca upāsakā uposathavāso nāma vasitabbayuttako’’ti vatvā jātakaṃ samodhānesi – ‘‘tadā paccekabuddho parinibbāyi, aḍḍhamāsakarājā ānando ahosi, rañño mātā mahāmāyā, aggamahesī rāhulamātā, udayarājā pana ahameva ahosi’’nti.
г̇ан̇г̇амаалаж̇аад̇агаван̣н̣анаа бан̃жамаа.
Gaṅgamālajātakavaṇṇanā pañcamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 421. г̇ан̇г̇амаалаж̇аад̇агам̣ • 421. Gaṅgamālajātakaṃ
