| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
4. г̇ан̇г̇аад̇ийрияад̇т̇зраг̇аат̇ааван̣н̣анаа
4. Gaṅgātīriyattheragāthāvaṇṇanā
д̇ин̣н̣ам̣ мз д̇аалабад̇д̇аананд̇иаад̣̇игаа ааяасмад̇о г̇ан̇г̇аад̇ийрияад̇т̇зрасса г̇аат̇аа. гаа уббад̇д̇и? аяам̣ гира бад̣̇умуд̇д̇арасса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о саасанз абхиббасанно худ̇ваа бхигкусан̇гхасса баанийяамад̣̇ааси. со д̇зна бун̃н̃агаммзна д̣̇звалогз ниб̣б̣ад̇д̇ид̇ваа абараабарам̣ бун̃н̃аани гад̇ваа д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з саавад̇т̇ияам̣ ан̃н̃ад̇арасса г̇ахабад̇исса буд̇д̇о худ̇ваа ниб̣б̣ад̇д̇и, ‘‘д̣̇ад̇д̇о’’д̇исса наамам̣ ахоси. со ваяаббад̇д̇о гхарааваасам̣ васанд̇о аг̇аманийяадтаанабхаавам̣ аж̇аанид̇ваа вийд̇иггамам̣ гад̇ваа буна аг̇аманийяадтаанабхаавам̣ н̃ад̇ваа сам̣взг̇аж̇аад̇о баб̣б̣аж̇ид̇ваа д̇ам̣ гаммам̣ ж̇иг̇ужчид̇ваа луукабадибад̇д̇им̣ ануд̇идтанд̇о бам̣сугуулажийварам̣ чавасид̇д̇асад̣̇исам̣ мад̇д̇игаабад̇д̇ан̃жа г̇ахзд̇ваа г̇ан̇г̇аад̇ийрз д̇ийхи д̇аалабад̇д̇зхи гудигам̣ гад̇ваа вихааси, д̇знзвасса г̇ан̇г̇аад̇ийрияод̇и саман̃н̃аа ахоси. со ‘‘арахад̇д̇ам̣ аббад̇ваа на гзнажи саллабиссаамий’’д̇и жид̇д̇ам̣ ад̇хидтааяа батамам̣ сам̣важчарам̣ д̇ун̣хийбхууд̇о важийбхзд̣̇ам̣ агаронд̇ова вихааси. д̣̇уд̇ияз сам̣важчарз г̇ожараг̇аамз ан̃н̃ад̇арааяа ид̇т̇ияаа ‘‘мууг̇о ну ко но’’д̇и виймам̣сид̇угаамааяа бад̇д̇з кийрам̣ аасин̃жанд̇ияаа хад̇т̇авихаарз гад̇зби огирид̇з, ‘‘алам̣, бхаг̇иний’’д̇и ваажам̣ нижчари. д̇ад̇ияз бана сам̣важчарз анд̇аравассзва гхадаяанд̇о вааяаманд̇о арахад̇д̇ам̣ баабун̣и, д̇зна вуд̇д̇ам̣ абад̣̇аанз (аба. т̇зра 2.50.51-56) –
Tiṇṇaṃ me tālapattānantiādikā āyasmato gaṅgātīriyattherassa gāthā. Kā uppatti? Ayaṃ kira padumuttarassa bhagavato kāle kulagehe nibbattitvā viññutaṃ patto sāsane abhippasanno hutvā bhikkhusaṅghassa pānīyamadāsi. So tena puññakammena devaloke nibbattitvā aparāparaṃ puññāni katvā devamanussesu saṃsaranto imasmiṃ buddhuppāde sāvatthiyaṃ aññatarassa gahapatissa putto hutvā nibbatti, ‘‘datto’’tissa nāmaṃ ahosi. So vayappatto gharāvāsaṃ vasanto agamanīyaṭṭhānabhāvaṃ ajānitvā vītikkamaṃ katvā puna agamanīyaṭṭhānabhāvaṃ ñatvā saṃvegajāto pabbajitvā taṃ kammaṃ jigucchitvā lūkhapaṭipattiṃ anutiṭṭhanto paṃsukūlacīvaraṃ chavasittasadisaṃ mattikāpattañca gahetvā gaṅgātīre tīhi tālapattehi kuṭikaṃ katvā vihāsi, tenevassa gaṅgātīriyoti samaññā ahosi. So ‘‘arahattaṃ appatvā na kenaci sallapissāmī’’ti cittaṃ adhiṭṭhāya paṭhamaṃ saṃvaccharaṃ tuṇhībhūto vacībhedaṃ akarontova vihāsi. Dutiye saṃvacchare gocaragāme aññatarāya itthiyā ‘‘mūgo nu kho no’’ti vīmaṃsitukāmāya patte khīraṃ āsiñcantiyā hatthavihāre katepi okirite, ‘‘alaṃ, bhaginī’’ti vācaṃ nicchari. Tatiye pana saṃvacchare antaravasseva ghaṭayanto vāyamanto arahattaṃ pāpuṇi, tena vuttaṃ apadāne (apa. thera 2.50.51-56) –
‘‘бад̣̇умуд̇д̇араб̣уд̣̇д̇хасса , бхигкусан̇гхз ануд̇д̇арз;
‘‘Padumuttarabuddhassa , bhikkhusaṅghe anuttare;
басаннажид̇д̇о сумано, баанийгхадамабуураяим̣.
Pasannacitto sumano, pānīghaṭamapūrayiṃ.
‘‘баб̣б̣ад̇аг̇г̇з д̣̇умаг̇г̇з ваа, аагаасз ваат̇а бхуумияам̣;
‘‘Pabbatagge dumagge vā, ākāse vātha bhūmiyaṃ;
яад̣̇аа баанийяамижчаами, киббам̣ ниб̣б̣ад̇д̇ад̇з мама.
Yadā pānīyamicchāmi, khippaṃ nibbattate mama.
‘‘сад̇асахассид̇о габбз, яам̣ д̣̇аанамад̣̇ад̣̇им̣ д̇ад̣̇аа;
‘‘Satasahassito kappe, yaṃ dānamadadiṃ tadā;
д̣̇уг̇г̇ад̇им̣ наабхиж̇аанаами, д̣̇агад̣̇аанассид̣̇ам̣ палам̣.
Duggatiṃ nābhijānāmi, dakadānassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахаа бана худ̇ваа ад̇д̇ано буб̣б̣абхааг̇абадибад̇д̇ияаа вибхааванамукзна ан̃н̃ам̣ б̣яаагаронд̇о –
Arahā pana hutvā attano pubbabhāgapaṭipattiyā vibhāvanamukhena aññaṃ byākaronto –
127.
127.
‘‘д̇ин̣н̣ам̣ мз д̇аалабад̇д̇аанам̣, г̇ан̇г̇аад̇ийрз гудий гад̇аа;
‘‘Tiṇṇaṃ me tālapattānaṃ, gaṅgātīre kuṭī katā;
чавасид̇д̇ова мз бад̇д̇о, бам̣сугуулан̃жа жийварам̣.
Chavasittova me patto, paṃsukūlañca cīvaraṃ.
128.
128.
‘‘д̣̇виннам̣ анд̇аравассаанам̣, згаа ваажаа мз бхаасид̇аа;
‘‘Dvinnaṃ antaravassānaṃ, ekā vācā me bhāsitā;
д̇ад̇ияз анд̇аравассамхи, д̇амоканд̇хо бад̣̇аалид̇о’’д̇и. – г̇аат̇аад̣̇ваяам̣ абхааси;
Tatiye antaravassamhi, tamokhandho padālito’’ti. – gāthādvayaṃ abhāsi;
д̇ад̇т̇а д̇ин̣н̣ам̣ мз д̇аалабад̇д̇аанам̣, г̇ан̇г̇аад̇ийрз гудий гад̇аад̇и д̇ааларугкад̇о бахид̇зхи д̇ийхи д̇аалабан̣н̣зхи маяхам̣ вассанабарихаран̣ад̇т̇ам̣ г̇ан̇г̇ааяа над̣̇ияаа д̇ийрз гудигаа гад̇аа. д̇зна ад̇д̇ано сзнаасанасанд̇осам̣ д̣̇ассзд̇и. вуд̇д̇ан̃хи д̇хаммасзнаабад̇инаа –
Tattha tiṇṇaṃ me tālapattānaṃ, gaṅgātīre kuṭī katāti tālarukkhato pahitehi tīhi tālapaṇṇehi mayhaṃ vassanapariharaṇatthaṃ gaṅgāya nadiyā tīre kuṭikā katā. Tena attano senāsanasantosaṃ dasseti. Vuttañhi dhammasenāpatinā –
‘‘баллан̇гзна нисиннасса, ж̇ан̣н̣угз наабхивассад̇и;
‘‘Pallaṅkena nisinnassa, jaṇṇuke nābhivassati;
алам̣ паасувихаарааяа, бахид̇ад̇д̇асса бхигкуно’’д̇и. (т̇зраг̇аа. 985; ми. ба. 6.1.1);
Alaṃ phāsuvihārāya, pahitattassa bhikkhuno’’ti. (theragā. 985; mi. pa. 6.1.1);
‘‘д̇аалабад̇д̇ийна’’нд̇иби баато, со звад̇т̇о. чавасид̇д̇ова мз бад̇д̇од̇и маяхам̣ бад̇д̇о чавасид̇д̇асад̣̇исо, мад̇аанам̣ кийрасзжанагун̣д̣асад̣̇исод̇и ад̇т̇о . бам̣сугуулан̃жа жийваранд̇и жийваран̃жа мз анд̇арамаг̇г̇асусаанаад̣̇ийсу чад̣д̣ид̇ананд̇агзхи гад̇ам̣ бам̣сугуулам̣. бад̣̇ад̣̇ваязна баригкаарасанд̇осам̣ д̣̇ассзд̇и.
‘‘Tālapattīna’’ntipi pāṭho, so evattho. Chavasittova me pattoti mayhaṃ patto chavasittasadiso, matānaṃ khīrasecanakuṇḍasadisoti attho . Paṃsukūlañca cīvaranti cīvarañca me antaramaggasusānādīsu chaḍḍitanantakehi kataṃ paṃsukūlaṃ. Padadvayena parikkhārasantosaṃ dasseti.
д̣̇виннам̣ анд̇аравассаананд̇и д̣̇вийсу анд̇аравассзсу баб̣б̣аж̇ид̇ад̇о арахад̇д̇амаббад̇д̇асам̣важчарзсу. згаа ваажаа мз бхаасид̇аад̇и згаа, ‘‘алам̣, бхаг̇иний’’д̇и кийрабадигкзбаваажаа зва маяаа вуд̇д̇аа, ан̃н̃о д̇ад̇т̇а важийбхзд̣̇о наахоси. д̇зна уггам̣саг̇ад̇ам̣ гааяаважийсам̣яамам̣ д̣̇ассзд̇и. д̇ад̇ияз анд̇аравассамхийд̇и д̇ад̇ияасса сам̣важчарасса аб̣бханд̇арз, д̇асмим̣ абарибун̣н̣зязва. д̇амоканд̇хо бад̣̇аалид̇од̇и аг̇г̇амаг̇г̇зна д̇амоканд̇хо бхинно, авиж̇ж̇аанусаяо самужчиннод̇и ад̇т̇о. д̇зна д̇ад̣̇згадтад̇ааяа саб̣б̣агилзсаанам̣ анавасзсаббахаанам̣ вад̣̇ад̇и.
Dvinnaṃantaravassānanti dvīsu antaravassesu pabbajitato arahattamappattasaṃvaccharesu. Ekā vācā me bhāsitāti ekā, ‘‘alaṃ, bhaginī’’ti khīrapaṭikkhepavācā eva mayā vuttā, añño tattha vacībhedo nāhosi. Tena ukkaṃsagataṃ kāyavacīsaṃyamaṃ dasseti. Tatiye antaravassamhīti tatiyassa saṃvaccharassa abbhantare, tasmiṃ aparipuṇṇeyeva. Tamokhandho padālitoti aggamaggena tamokhandho bhinno, avijjānusayo samucchinnoti attho. Tena tadekaṭṭhatāya sabbakilesānaṃ anavasesappahānaṃ vadati.
г̇ан̇г̇аад̇ийрияад̇т̇зраг̇аат̇ааван̣н̣анаа нидтид̇аа.
Gaṅgātīriyattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 4. г̇ан̇г̇аад̇ийрияад̇т̇зраг̇аат̇аа • 4. Gaṅgātīriyattheragāthā
