| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[205] 5. г̇ан̇г̇зяяаж̇аад̇агаван̣н̣анаа
[205] 5. Gaṅgeyyajātakavaṇṇanā
собхад̇и мажчо г̇ан̇г̇зяяод̇и ид̣̇ам̣ сад̇т̇аа ж̇зд̇аванз вихаранд̇о д̣̇вз д̣̇ахарабхигкуу аараб̣бха гат̇зси. д̇з гира саавад̇т̇иваасино гулабуд̇д̇аа саасанз баб̣б̣аж̇ид̇ваа асубхабхааванам̣ анунуяун̃ж̇ид̇ваа руубабасам̣сагаа худ̇ваа руубам̣ убалаал̣знд̇аа вижарим̣су. д̇з згад̣̇ивасам̣ ‘‘д̇вам̣ на собхаси, ахам̣ собхаамий’’д̇и руубам̣ ниссааяа уббаннавиваад̣̇аа авид̣̇уурз нисиннам̣ згам̣ махаллагад̇т̇зрам̣ д̣̇исваа ‘‘зсо амхаагам̣ собханабхаавам̣ ваа асобханабхаавам̣ ваа ж̇ааниссад̇ий’’д̇и д̇ам̣ убасан̇гамид̇ваа ‘‘бханд̇з, го амхзсу собхано’’д̇и бужчим̣су. со ‘‘аавусо, д̇умхзхи ахамзва собханад̇аро’’д̇и ааха. д̣̇ахараа ‘‘аяам̣ махаллаго амхзхи бужчид̇ам̣ агат̇зд̇ваа абужчид̇ам̣ гат̇зд̇ий’’д̇и д̇ам̣ барибхаасид̇ваа баггамим̣су. саа д̇зсам̣ гирияаа бхигкусан̇гхз баагадаа ж̇аад̇аа. ат̇згад̣̇ивасам̣ д̇хаммасабхааяам̣ гат̇ам̣ самудтаабзсум̣ – ‘‘аавусо, асуго махаллаго т̇зро гира д̇з руубаниссид̇агз д̣̇ахарз лаж̇ж̇аабзсий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, имз д̣̇вз д̣̇ахараа ид̣̇аанзва руубабасам̣сагаа, буб̣б̣збзд̇з руубамзва убалаал̣знд̇аа вижарим̣суу’’д̇и вад̇ваа ад̇ийд̇ам̣ аахари.
Sobhatimaccho gaṅgeyyoti idaṃ satthā jetavane viharanto dve daharabhikkhū ārabbha kathesi. Te kira sāvatthivāsino kulaputtā sāsane pabbajitvā asubhabhāvanaṃ anunuyuñjitvā rūpapasaṃsakā hutvā rūpaṃ upalāḷentā vicariṃsu. Te ekadivasaṃ ‘‘tvaṃ na sobhasi, ahaṃ sobhāmī’’ti rūpaṃ nissāya uppannavivādā avidūre nisinnaṃ ekaṃ mahallakattheraṃ disvā ‘‘eso amhākaṃ sobhanabhāvaṃ vā asobhanabhāvaṃ vā jānissatī’’ti taṃ upasaṅkamitvā ‘‘bhante, ko amhesu sobhano’’ti pucchiṃsu. So ‘‘āvuso, tumhehi ahameva sobhanataro’’ti āha. Daharā ‘‘ayaṃ mahallako amhehi pucchitaṃ akathetvā apucchitaṃ kathetī’’ti taṃ paribhāsitvā pakkamiṃsu. Sā tesaṃ kiriyā bhikkhusaṅghe pākaṭā jātā. Athekadivasaṃ dhammasabhāyaṃ kathaṃ samuṭṭhāpesuṃ – ‘‘āvuso, asuko mahallako thero kira te rūpanissitake dahare lajjāpesī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, ime dve daharā idāneva rūpapasaṃsakā, pubbepete rūpameva upalāḷentā vicariṃsū’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о г̇ан̇г̇аад̇ийрз ругкад̣̇звад̇аа ахоси. д̇ад̣̇аа г̇ан̇г̇ааяамунаанам̣ самааг̇амадтаанз г̇ан̇г̇зяяо жа яаамунзяяо жа д̣̇вз мажчаа ‘‘ахам̣ собхаами, д̇вам̣ на собхасий’’д̇и руубам̣ ниссааяа вивад̣̇амаанаа авид̣̇уурз г̇ан̇г̇аад̇ийрз гажчабам̣ нибаннам̣ д̣̇исваа ‘‘зсо амхаагам̣ собханабхаавам̣ ваа асобханабхаавам̣ ваа ж̇ааниссад̇ий’’д̇и д̇ам̣ убасан̇гамид̇ваа ‘‘гим̣ ну ко, самма гажчаба, г̇ан̇г̇зяяо собхад̇и, уд̣̇ааху яаамунзяяо’’д̇и бужчим̣су. гажчабо ‘‘г̇ан̇г̇зяяоби собхад̇и , яаамунзяяоби собхад̇и, д̇умхзхи бана д̣̇вийхи ахамзва ад̇ирзгад̇арам̣ собхаамий’’д̇и имамад̇т̇ам̣ багаасзнд̇о батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto gaṅgātīre rukkhadevatā ahosi. Tadā gaṅgāyamunānaṃ samāgamaṭṭhāne gaṅgeyyo ca yāmuneyyo ca dve macchā ‘‘ahaṃ sobhāmi, tvaṃ na sobhasī’’ti rūpaṃ nissāya vivadamānā avidūre gaṅgātīre kacchapaṃ nipannaṃ disvā ‘‘eso amhākaṃ sobhanabhāvaṃ vā asobhanabhāvaṃ vā jānissatī’’ti taṃ upasaṅkamitvā ‘‘kiṃ nu kho, samma kacchapa, gaṅgeyyo sobhati, udāhu yāmuneyyo’’ti pucchiṃsu. Kacchapo ‘‘gaṅgeyyopi sobhati , yāmuneyyopi sobhati, tumhehi pana dvīhi ahameva atirekataraṃ sobhāmī’’ti imamatthaṃ pakāsento paṭhamaṃ gāthamāha –
109.
109.
‘‘собхад̇и мажчо г̇ан̇г̇зяяо, ат̇о собхад̇и яаамуно;
‘‘Sobhati maccho gaṅgeyyo, atho sobhati yāmuno;
жад̇уббад̣̇ояам̣ бурисо, ниг̇род̇хабариман̣д̣ало;
Catuppadoyaṃ puriso, nigrodhaparimaṇḍalo;
ийсагааяад̇аг̇ийво жа, саб̣б̣зва ад̇ирожад̇ий’’д̇и.
Īsakāyatagīvo ca, sabbeva atirocatī’’ti.
д̇ад̇т̇а жад̇уббад̣̇ояанд̇и жад̇уббад̣̇о аяам̣. бурисод̇и ад̇д̇аанам̣ санд̇хааяа вад̣̇ад̇и. ниг̇род̇хабариман̣д̣алод̇и суж̇аад̇о ниг̇род̇хо вияа бариман̣д̣ало. ийсагааяад̇аг̇ийвод̇и рат̇ийсаа вияа ааяад̇аг̇ийво . саб̣б̣зва ад̇ирожад̇ийд̇и звам̣ сан̣таанасамбанно гажчабо саб̣б̣зва ад̇ирожад̇и, ахамзва саб̣б̣з д̇умхз ад̇иггамид̇ваа собхаамийд̇и вад̣̇ад̇и.
Tattha catuppadoyanti catuppado ayaṃ. Purisoti attānaṃ sandhāya vadati. Nigrodhaparimaṇḍaloti sujāto nigrodho viya parimaṇḍalo. Īsakāyatagīvoti rathīsā viya āyatagīvo . Sabbeva atirocatīti evaṃ saṇṭhānasampanno kacchapo sabbeva atirocati, ahameva sabbe tumhe atikkamitvā sobhāmīti vadati.
мажчаа д̇асса гат̇ам̣ худ̇ваа ‘‘амбхо! баабагажчаба амхзхи бужчид̇ам̣ агат̇зд̇ваа ан̃н̃амзва гат̇зсий’’д̇и вад̇ваа д̣̇уд̇ияам̣ г̇аат̇амааха –
Macchā tassa kathaṃ hutvā ‘‘ambho! Pāpakacchapa amhehi pucchitaṃ akathetvā aññameva kathesī’’ti vatvā dutiyaṃ gāthamāha –
110.
110.
‘‘яам̣ бужчид̇о на д̇ам̣ агкааси, ан̃н̃ам̣ агкааси бужчид̇о;
‘‘Yaṃ pucchito na taṃ akkhāsi, aññaṃ akkhāsi pucchito;
ад̇т̇аббасам̣саго босо, нааяам̣ асмаага ружжад̇ий’’д̇и.
Atthappasaṃsako poso, nāyaṃ asmāka ruccatī’’ti.
д̇ад̇т̇а ад̇д̇аббасам̣сагод̇и ад̇д̇аанам̣ басам̣санасийло ад̇д̇уггам̣саго босо. нааяам̣ асмаага ружжад̇ийд̇и аяам̣ баабагажчабо амхаагам̣ на ружжад̇и на камад̇ийд̇и гажчабасса убари уд̣̇агам̣ кибид̇ваа сагадтаанамзва г̇амим̣су.
Tattha attappasaṃsakoti attānaṃ pasaṃsanasīlo attukkaṃsako poso. Nāyaṃ asmāka ruccatīti ayaṃ pāpakacchapo amhākaṃ na ruccati na khamatīti kacchapassa upari udakaṃ khipitvā sakaṭṭhānameva gamiṃsu.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа д̣̇вз мажчаа д̣̇вз д̣̇ахарабхигкуу ахзсум̣, гажчабо махаллаго, имасса гааран̣асса бажжагкагааригаа г̇ан̇г̇аад̇ийрз ниб̣б̣ад̇д̇аругкад̣̇звад̇аа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā dve macchā dve daharabhikkhū ahesuṃ, kacchapo mahallako, imassa kāraṇassa paccakkhakārikā gaṅgātīre nibbattarukkhadevatā pana ahameva ahosi’’nti.
г̇ан̇г̇зяяаж̇аад̇агаван̣н̣анаа бан̃жамаа.
Gaṅgeyyajātakavaṇṇanā pañcamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 205. г̇ан̇г̇зяяаж̇аад̇агам̣ • 205. Gaṅgeyyajātakaṃ
