| Library / Tipiṭaka / д̇ибидага • Tipiṭaka / уд̣̇аанабаал̣и • Udānapāḷi |
8. г̇ан̣игаасуд̇д̇ам̣
8. Gaṇikāsuttaṃ
58. звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇зна ко бана самаязна рааж̇аг̇ахз д̣̇вз бууг̇аа ан̃н̃ад̇ариссаа г̇ан̣игааяа саарад̇д̇аа хонд̇и бадиб̣ад̣̇д̇хажид̇д̇аа; бхан̣д̣анаж̇аад̇аа галахаж̇аад̇аа виваад̣̇аабаннаа ан̃н̃аман̃н̃ам̣ баан̣ийхиби убаггаманд̇и , лзд̣д̣уухиби убаггаманд̇и , д̣̇ан̣д̣зхиби убаггаманд̇и, сад̇т̇зхиби убаггаманд̇и. д̇з д̇ад̇т̇а маран̣амби ниг̇ажчанд̇и маран̣амад̇д̇амби д̣̇угкам̣.
58. Evaṃ me sutaṃ – ekaṃ samayaṃ bhagavā rājagahe viharati veḷuvane kalandakanivāpe. Tena kho pana samayena rājagahe dve pūgā aññatarissā gaṇikāya sārattā honti paṭibaddhacittā; bhaṇḍanajātā kalahajātā vivādāpannā aññamaññaṃ pāṇīhipi upakkamanti , leḍḍūhipi upakkamanti , daṇḍehipi upakkamanti, satthehipi upakkamanti. Te tattha maraṇampi nigacchanti maraṇamattampi dukkhaṃ.
ат̇а ко самб̣ахулаа бхигкуу буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа рааж̇аг̇ахам̣ бин̣д̣ааяа баависим̣су. рааж̇аг̇ахз бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇аа язна бхаг̇аваа д̇знубасан̇гамим̣су ; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з бхигкуу бхаг̇аванд̇ам̣ зд̇ад̣̇авожум̣ –
Atha kho sambahulā bhikkhū pubbaṇhasamayaṃ nivāsetvā pattacīvaramādāya rājagahaṃ piṇḍāya pāvisiṃsu. Rājagahe piṇḍāya caritvā pacchābhattaṃ piṇḍapātapaṭikkantā yena bhagavā tenupasaṅkamiṃsu ; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te bhikkhū bhagavantaṃ etadavocuṃ –
‘‘ид̇ха, бханд̇з, рааж̇аг̇ахз д̣̇вз бууг̇аа ан̃н̃ад̇ариссаа г̇ан̣игааяа саарад̇д̇аа бадиб̣ад̣̇д̇хажид̇д̇аа; бхан̣д̣анаж̇аад̇аа галахаж̇аад̇аа виваад̣̇аабаннаа ан̃н̃аман̃н̃ам̣ баан̣ийхиби убаггаманд̇и, лзд̣д̣уухиби убаггаманд̇и, д̣̇ан̣д̣зхиби убаггаманд̇и, сад̇т̇зхиби убаггаманд̇и. д̇з д̇ад̇т̇а маран̣амби ниг̇ажчанд̇и маран̣амад̇д̇амби д̣̇угка’’нд̇и.
‘‘Idha, bhante, rājagahe dve pūgā aññatarissā gaṇikāya sārattā paṭibaddhacittā; bhaṇḍanajātā kalahajātā vivādāpannā aññamaññaṃ pāṇīhipi upakkamanti, leḍḍūhipi upakkamanti, daṇḍehipi upakkamanti, satthehipi upakkamanti. Te tattha maraṇampi nigacchanti maraṇamattampi dukkha’’nti.
ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзси –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘яан̃жа бад̇д̇ам̣ яан̃жа бад̇д̇аб̣б̣ам̣, убхаяамзд̇ам̣ раж̇аанугин̣н̣ам̣, аад̇урассаанусигкад̇о. яз жа сигкаасаараа сийлаб̣б̣ад̇ам̣ ж̇ийвид̇ам̣ б̣рахмажарияам̣ убадтаанасаараа, аяамзго анд̇о. яз жа звам̣ваад̣̇ино – ‘над̇т̇и гаамзсу д̣̇осо’д̇и, аяам̣ д̣̇уд̇ияо анд̇о. ижжзд̇з убхо анд̇аа гадасивад̣дханаа, гадасияо д̣̇идтим̣ вад̣дхзнд̇и. зд̇зд̇з убхо анд̇з анабхин̃н̃ааяа олийяанд̇и згз, ад̇ид̇хааванд̇и згз. яз жа ко д̇з абхин̃н̃ааяа д̇ад̇ра жа наахзсум̣, д̇зна жа нааман̃н̃им̣су, ваддам̣ д̇зсам̣ над̇т̇и бан̃н̃аабанааяаа’’д̇и. адтамам̣.
‘‘Yañca pattaṃ yañca pattabbaṃ, ubhayametaṃ rajānukiṇṇaṃ, āturassānusikkhato. Ye ca sikkhāsārā sīlabbataṃ jīvitaṃ brahmacariyaṃ upaṭṭhānasārā, ayameko anto. Ye ca evaṃvādino – ‘natthi kāmesu doso’ti, ayaṃ dutiyo anto. Iccete ubho antā kaṭasivaḍḍhanā, kaṭasiyo diṭṭhiṃ vaḍḍhenti. Etete ubho ante anabhiññāya olīyanti eke, atidhāvanti eke. Ye ca kho te abhiññāya tatra ca nāhesuṃ, tena ca nāmaññiṃsu, vaṭṭaṃ tesaṃ natthi paññāpanāyā’’ti. Aṭṭhamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / уд̣̇аана-адтагат̇аа • Udāna-aṭṭhakathā / 8. г̇ан̣игаасуд̇д̇аван̣н̣анаа • 8. Gaṇikāsuttavaṇṇanā
