| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
8. г̇ан̣игаасуд̇д̇аван̣н̣анаа
8. Gaṇikāsuttavaṇṇanā
58. адтамз д̣̇вз бууг̇аад̇и д̣̇вз г̇ан̣аа. ан̃н̃ад̇ариссаа г̇ан̣игааяаад̇и ан̃н̃ад̇арааяа наг̇арасобхинияаа. саарад̇д̇аад̇и судту рад̇д̇аа. бадиб̣ад̣̇д̇хажид̇д̇аад̇и гилзсавасзна б̣ад̣̇д̇хажид̇д̇аа. рааж̇аг̇ахз гира згасмим̣ чан̣ад̣̇ивасз б̣ахуу д̇худ̇д̇абурисаа г̇ан̣аб̣анд̇ханзна вижаранд̇аа згамзгасса згамзгам̣ взсим̣ аанзд̇ваа уяяаанам̣ бависид̇ваа чан̣агийл̣ам̣ гийл̣им̣су. д̇ад̇о барамби д̣̇вз д̇аяо чан̣ад̣̇ивасз д̇ам̣ д̇ам̣язва взсим̣ аанзд̇ваа чан̣агийл̣ам̣ гийл̣им̣су. ат̇аабарасмим̣ чан̣ад̣̇ивасз ан̃н̃зби д̇худ̇д̇аа д̇ат̇зва чан̣агийл̣ам̣ гийл̣ид̇угаамаа взсияо аанзнд̇аа буримад̇худ̇д̇зхи буб̣б̣з аанийд̇ам̣ згам̣ взсим̣ аанзнд̇и. ид̇арз д̇ам̣ д̣̇исваа ‘‘аяам̣ амхаагам̣ бариг̇г̇ахо’’д̇и аахам̣су. д̇зби д̇ат̇зва аахам̣су. ‘‘звам̣ амхаагам̣ бариг̇г̇ахо, амхаагам̣ бариг̇г̇ахо’’д̇и галахам̣ вад̣дхзд̇ваа баан̣иббахаараад̣̇ийни агам̣су. д̇зна вуд̇д̇ам̣ – ‘‘д̇зна ко бана самаязна рааж̇аг̇ахз д̣̇вз бууг̇аа’’д̇иаад̣̇и. д̇ад̇т̇а убаггаманд̇ийд̇и бахаранд̇и. маран̣амби ниг̇ажчанд̇ийд̇и б̣алавуубаггамзхи маран̣ам̣ убаг̇ажчанд̇и, ид̇арзби маран̣амад̇д̇ам̣ маран̣аббамаан̣ад̣̇угкам̣ баабун̣анд̇и.
58. Aṭṭhame dve pūgāti dve gaṇā. Aññatarissā gaṇikāyāti aññatarāya nagarasobhiniyā. Sārattāti suṭṭhu rattā. Paṭibaddhacittāti kilesavasena baddhacittā. Rājagahe kira ekasmiṃ chaṇadivase bahū dhuttapurisā gaṇabandhanena vicarantā ekamekassa ekamekaṃ vesiṃ ānetvā uyyānaṃ pavisitvā chaṇakīḷaṃ kīḷiṃsu. Tato parampi dve tayo chaṇadivase taṃ taṃyeva vesiṃ ānetvā chaṇakīḷaṃ kīḷiṃsu. Athāparasmiṃ chaṇadivase aññepi dhuttā tatheva chaṇakīḷaṃ kīḷitukāmā vesiyo ānentā purimadhuttehi pubbe ānītaṃ ekaṃ vesiṃ ānenti. Itare taṃ disvā ‘‘ayaṃ amhākaṃ pariggaho’’ti āhaṃsu. Tepi tatheva āhaṃsu. ‘‘Evaṃ amhākaṃ pariggaho, amhākaṃ pariggaho’’ti kalahaṃ vaḍḍhetvā pāṇippahārādīni akaṃsu. Tena vuttaṃ – ‘‘tena kho pana samayena rājagahe dve pūgā’’tiādi. Tattha upakkamantīti paharanti. Maraṇampi nigacchantīti balavūpakkamehi maraṇaṃ upagacchanti, itarepi maraṇamattaṃ maraṇappamāṇadukkhaṃ pāpuṇanti.
зд̇амад̇т̇ам̣ вид̣̇ид̇ваад̇и зд̇ам̣ гаамзсу г̇зд̇хам̣ виваад̣̇амуулам̣ саб̣б̣аанад̇т̇амууланд̇и саб̣б̣аагаарад̇о вид̣̇ид̇ваа. имам̣ уд̣̇аананд̇и анд̇ад̣̇ваяз жа маж̇жхимааяа бадибад̇д̇ияаа аад̣̇ийнаваанисам̣савибхааванам̣ имам̣ уд̣̇аанам̣ уд̣̇аанзси.
Etamatthaṃ viditvāti etaṃ kāmesu gedhaṃ vivādamūlaṃ sabbānatthamūlanti sabbākārato viditvā. Imaṃ udānanti antadvaye ca majjhimāya paṭipattiyā ādīnavānisaṃsavibhāvanaṃ imaṃ udānaṃ udānesi.
д̇ад̇т̇а яан̃жа бад̇д̇анд̇и яам̣ руубаад̣̇ибан̃жагаамаг̇ун̣аж̇аад̇ам̣ бад̇д̇ам̣ ‘‘над̇т̇и гаамзсу д̣̇осо’’д̇и д̣̇идтим̣ бурагкад̇ваа ваа абурагкад̇ваа ваа зд̇арахи лад̣̇д̇хам̣ анубхуяяамаанам̣. яан̃жа бад̇д̇аб̣б̣анд̇и яан̃жа гаамаг̇ун̣аж̇аад̇амзва ‘‘бхун̃ж̇ид̇аб̣б̣аа гаамаа, барибхун̃ж̇ид̇аб̣б̣аа гаамаа, аасзвид̇аб̣б̣аа гаамаа, бадисзвид̇аб̣б̣аа гаамаа, яо гаамз барибхун̃ж̇ад̇и, со логам̣ вад̣дхзд̇и, яо логам̣ вад̣дхзд̇и, со б̣ахум̣ бун̃н̃ам̣ басавад̇ий’’д̇и д̣̇идтим̣ убаниссааяа д̇ам̣ аниссаж̇ж̇ид̇ваа гад̇зна гаммунаа анааг̇ад̇з бад̇д̇аб̣б̣ам̣ анубхавид̇аб̣б̣ан̃жа. убхаяамзд̇ам̣ раж̇аанугин̣н̣анд̇и зд̇ам̣ убхаяам̣ бад̇д̇ам̣ бад̇д̇аб̣б̣ан̃жа рааг̇араж̇аад̣̇ийхи анугин̣н̣ам̣. самбад̇д̇з хи вад̇т̇угаамз анубхаванд̇о рааг̇араж̇зна вогин̣н̣о ход̇и, д̇ад̇т̇а бана сам̣гилидтажид̇д̇асса палз ааяад̇им̣ аабаннз д̣̇оманассуббад̇д̇ияаа д̣̇осараж̇зна вогин̣н̣о ход̇и, убхаяад̇т̇ааби мохараж̇зна вогин̣н̣о ход̇и. гасса банзд̇ам̣ раж̇аанугин̣н̣анд̇и ааха – ‘‘аад̇урассаанусигкад̇о’’д̇и гаамабад̇т̇анаавасзна гилзсаад̇урасса, д̇асса жа палзна д̣̇угкаад̇урасса жа убхаяад̇т̇ааби бадигаараабхилаасааяа гилзсапалз анусигкад̇о.
Tattha yañca pattanti yaṃ rūpādipañcakāmaguṇajātaṃ pattaṃ ‘‘natthi kāmesu doso’’ti diṭṭhiṃ purakkhatvā vā apurakkhatvā vā etarahi laddhaṃ anubhuyyamānaṃ. Yañca pattabbanti yañca kāmaguṇajātameva ‘‘bhuñjitabbā kāmā, paribhuñjitabbā kāmā, āsevitabbā kāmā, paṭisevitabbā kāmā, yo kāme paribhuñjati, so lokaṃ vaḍḍheti, yo lokaṃ vaḍḍheti, so bahuṃ puññaṃ pasavatī’’ti diṭṭhiṃ upanissāya taṃ anissajjitvā katena kammunā anāgate pattabbaṃ anubhavitabbañca. Ubhayametaṃ rajānukiṇṇanti etaṃ ubhayaṃ pattaṃ pattabbañca rāgarajādīhi anukiṇṇaṃ. Sampatte hi vatthukāme anubhavanto rāgarajena vokiṇṇo hoti, tattha pana saṃkiliṭṭhacittassa phale āyatiṃ āpanne domanassuppattiyā dosarajena vokiṇṇo hoti, ubhayatthāpi moharajena vokiṇṇo hoti. Kassa panetaṃ rajānukiṇṇanti āha – ‘‘āturassānusikkhato’’ti kāmapatthanāvasena kilesāturassa, tassa ca phalena dukkhāturassa ca ubhayatthāpi paṭikārābhilāsāya kilesaphale anusikkhato.
д̇ат̇аа яан̃жа бад̇д̇анд̇и яам̣ ажзлагавад̇аад̣̇ивасзна бад̇д̇ам̣ ад̇д̇абарид̇аабанам̣ . яан̃жа бад̇д̇аб̣б̣анд̇и яам̣ мижчаад̣̇идтигаммасамаад̣̇аанахзд̇у абааязсу бад̇д̇аб̣б̣ам̣ палам̣. убхаяамзд̇ам̣ раж̇аанугин̣н̣анд̇и д̇ад̣̇убхаяам̣ д̣̇угкараж̇аанугин̣н̣ам̣. аад̇урассаад̇и гааяагиламат̇зна д̣̇угкаад̇урасса. анусигкад̇од̇и мижчаад̣̇идтим̣, д̇ассаа самаад̣̇ааяагз буг̇г̇алз жа анусигкад̇о.
Tathā yañca pattanti yaṃ acelakavatādivasena pattaṃ attaparitāpanaṃ . Yañca pattabbanti yaṃ micchādiṭṭhikammasamādānahetu apāyesu pattabbaṃ phalaṃ. Ubhayametaṃ rajānukiṇṇanti tadubhayaṃ dukkharajānukiṇṇaṃ. Āturassāti kāyakilamathena dukkhāturassa. Anusikkhatoti micchādiṭṭhiṃ, tassā samādāyake puggale ca anusikkhato.
яз жа сигкаасаараад̇и язхи яат̇аасамаад̣̇иннам̣ сийлаб̣б̣ад̇аад̣̇исан̇каад̇ам̣ сигкам̣ саарад̇о г̇ахзд̇ваа ‘‘иминаа сам̣саарасуд̣̇д̇хий’’д̇и гат̇ид̇аа. д̇знааха – сийлаб̣б̣ад̇ам̣ ж̇ийвид̇ам̣ б̣рахмажарияам̣ убадтаанасаараад̇и. д̇ад̇т̇а яам̣ ‘‘на гаромий’’д̇и орамад̇и, д̇ам̣ сийлам̣, висабхож̇анагижчаажаран̣аад̣̇игам̣ вад̇ам̣, саагабхагкад̇аад̣̇иж̇ийвигаа ж̇ийвид̇ам̣, мзт̇унавирад̇и б̣рахмажарияам̣, зд̇зсам̣ ануд̇идтанам̣ убадтаанам̣, бхууд̇абин̣д̣агабарибхан̣д̣аад̣̇ивасзна канд̇хад̣̇звасиваад̣̇ибарижаран̣ам̣ ваа убадтаанам̣, звамзд̇зхи яат̇аавуд̇д̇зхи сийлаад̣̇ийхи сам̣саарасуд̣̇д̇хи ход̇ийд̇и д̇аани саарад̇о г̇ахзд̇ваа тид̇аа саман̣аб̣раахман̣аа сигкаасаараа сийлаб̣б̣ад̇ам̣ ж̇ийвид̇ам̣ б̣рахмажарияам̣ ‘‘убадтаанасаараа’’д̇и взд̣̇ид̇аб̣б̣аа. аяамзго анд̇од̇и аяам̣ сийлаб̣б̣ад̇абараамаасавасзна ад̇д̇агиламат̇аануяог̇асан̇каад̇о маж̇жхимааяа бадибад̇д̇ияаа уббат̇абхууд̇о лаамагадтзна жа зго анд̇о. аяам̣ д̣̇уд̇ияо анд̇од̇и аяам̣ гаамасукаллигаануяог̇о гаамзсу баад̇аб̣яад̇аабад̇д̇исан̇каад̇о д̣̇уд̇ияо вуд̇д̇анаязна анд̇о.
Ye ca sikkhāsārāti yehi yathāsamādinnaṃ sīlabbatādisaṅkhātaṃ sikkhaṃ sārato gahetvā ‘‘iminā saṃsārasuddhī’’ti kathitā. Tenāha – sīlabbataṃ jīvitaṃ brahmacariyaṃ upaṭṭhānasārāti. Tattha yaṃ ‘‘na karomī’’ti oramati, taṃ sīlaṃ, visabhojanakicchācaraṇādikaṃ vataṃ, sākabhakkhatādijīvikā jīvitaṃ, methunavirati brahmacariyaṃ, etesaṃ anutiṭṭhanaṃ upaṭṭhānaṃ, bhūtapiṇḍakaparibhaṇḍādivasena khandhadevasivādiparicaraṇaṃ vā upaṭṭhānaṃ, evametehi yathāvuttehi sīlādīhi saṃsārasuddhi hotīti tāni sārato gahetvā ṭhitā samaṇabrāhmaṇā sikkhāsārā sīlabbataṃ jīvitaṃ brahmacariyaṃ ‘‘upaṭṭhānasārā’’ti veditabbā. Ayameko antoti ayaṃ sīlabbataparāmāsavasena attakilamathānuyogasaṅkhāto majjhimāya paṭipattiyā uppathabhūto lāmakaṭṭhena ca eko anto. Ayaṃ dutiyo antoti ayaṃ kāmasukhallikānuyogo kāmesu pātabyatāpattisaṅkhāto dutiyo vuttanayena anto.
ижжзд̇з убхо анд̇аад̇и гаамасукаллигаануяог̇о ад̇д̇агиламат̇аануяог̇о жа ид̇и зд̇з убхо анд̇аа. д̇з жа ко зд̇арахи бад̇д̇з, ааяад̇им̣ бад̇д̇аб̣б̣з жа гилзсад̣̇угкараж̇аанугин̣н̣з гаамаг̇ун̣з ад̇д̇абарид̇аабанз жа аллийнзхи гилзсад̣̇угкаад̇ураанам̣ анусигканд̇зхи, саяан̃жа гилзсад̣̇угкаад̇урзхи бадибаж̇ж̇ид̇аб̣б̣ад̇д̇аа лаамагаа уббат̇абхууд̇аа жаад̇и анд̇аа. гадасивад̣дханаад̇и анд̇хабут̇уж̇ж̇анзхи абхиган̇кид̇аб̣б̣адтзна гадасисан̇каад̇аанам̣ д̇ан̣хааавиж̇ж̇аанам̣ абхивад̣дханаа. гадасияо д̣̇идтим̣ вад̣дхзнд̇ийд̇и д̇аа бана гадасияо наанаббагаарад̣̇идтим̣ вад̣дхзнд̇и. вад̇т̇угаамзсу ассаад̣̇аанубассино хи д̇з баж̇ахид̇ум̣ асаггонд̇асса д̇ан̣хааавиж̇ж̇аасахагаарийгааран̣ам̣ лабхид̇ваа ‘‘над̇т̇и д̣̇инна’’нд̇иаад̣̇инаа (д̇ха. са. 1221; вибха. 938) над̇т̇игад̣̇идтим̣ агирияад̣̇идтим̣ ахзд̇угад̣̇идтин̃жа г̇ан̣хаабзнд̇и, ад̇д̇абарид̇аабанам̣ ануяуд̇д̇асса бана авиж̇ж̇аад̇ан̣хаасахагаарийгааран̣ам̣ лабхид̇ваа ‘‘сийлзна суд̣̇д̇хи вад̇зна суд̣̇д̇хий’’д̇иаад̣̇инаа ад̇д̇асуд̣̇д̇хиабхилаасзна сийлаб̣б̣ад̇абараамаасад̣̇идтим̣ г̇ан̣хаабзнд̇и. саггааяад̣̇идтияаа бана д̇зсам̣ бажжаяабхааво баагадоязва. звам̣ анд̇ад̣̇ваяуубаниссаязна д̇ан̣хааавиж̇ж̇аанам̣ д̣̇идтивад̣дхагад̇аа взд̣̇ид̇аб̣б̣аа. гзжи бана ‘‘гадасийд̇и бан̃жаннам̣ канд̇хаанам̣ ад̇хиважана’’нд̇и вад̣̇анд̇и. д̇зсам̣ яад̣̇аг̇г̇зна д̇ад̇о анд̇ад̣̇ваяад̇о сам̣саарасуд̣̇д̇хи на ход̇и, д̇ад̣̇аг̇г̇зна д̇з убаад̣̇аанагканд̇хз абхивад̣дхзд̇ийд̇и ад̇хиббааяо. абарз бана ‘‘гадасивад̣дханаа’’д̇и бад̣̇асса ‘‘абараабарам̣ ж̇араамаран̣зхи сиват̇игавад̣дханаа’’д̇и ад̇т̇ам̣ вад̣̇анд̇и. д̇зхиби анд̇ад̣̇ваяасса сам̣саарасуд̣̇д̇хихзд̇убхааваабхаавоязва вуд̇д̇о, гадасияаа бана д̣̇идтивад̣дханагааран̣абхааво вад̇д̇аб̣б̣о.
Iccete ubho antāti kāmasukhallikānuyogo attakilamathānuyogo ca iti ete ubho antā. Te ca kho etarahi patte, āyatiṃ pattabbe ca kilesadukkharajānukiṇṇe kāmaguṇe attaparitāpane ca allīnehi kilesadukkhāturānaṃ anusikkhantehi, sayañca kilesadukkhāturehi paṭipajjitabbattā lāmakā uppathabhūtā cāti antā. Kaṭasivaḍḍhanāti andhaputhujjanehi abhikaṅkhitabbaṭṭhena kaṭasisaṅkhātānaṃ taṇhāavijjānaṃ abhivaḍḍhanā. Kaṭasiyo diṭṭhiṃ vaḍḍhentīti tā pana kaṭasiyo nānappakāradiṭṭhiṃ vaḍḍhenti. Vatthukāmesu assādānupassino hi te pajahituṃ asakkontassa taṇhāavijjāsahakārīkāraṇaṃ labhitvā ‘‘natthi dinna’’ntiādinā (dha. sa. 1221; vibha. 938) natthikadiṭṭhiṃ akiriyadiṭṭhiṃ ahetukadiṭṭhiñca gaṇhāpenti, attaparitāpanaṃ anuyuttassa pana avijjātaṇhāsahakārīkāraṇaṃ labhitvā ‘‘sīlena suddhi vatena suddhī’’tiādinā attasuddhiabhilāsena sīlabbataparāmāsadiṭṭhiṃ gaṇhāpenti. Sakkāyadiṭṭhiyā pana tesaṃ paccayabhāvo pākaṭoyeva. Evaṃ antadvayūpanissayena taṇhāavijjānaṃ diṭṭhivaḍḍhakatā veditabbā. Keci pana ‘‘kaṭasīti pañcannaṃ khandhānaṃ adhivacana’’nti vadanti. Tesaṃ yadaggena tato antadvayato saṃsārasuddhi na hoti, tadaggena te upādānakkhandhe abhivaḍḍhetīti adhippāyo. Apare pana ‘‘kaṭasivaḍḍhanā’’ti padassa ‘‘aparāparaṃ jarāmaraṇehi sivathikavaḍḍhanā’’ti atthaṃ vadanti. Tehipi antadvayassa saṃsārasuddhihetubhāvābhāvoyeva vutto, kaṭasiyā pana diṭṭhivaḍḍhanakāraṇabhāvo vattabbo.
зд̇з д̇з убхо анд̇з анабхин̃н̃ааяаад̇и д̇з зд̇з яат̇аавуд̇д̇з убхоби анд̇з аж̇аанид̇ваа ‘‘имз анд̇аа д̇з жа звам̣г̇ахид̇аа звам̣анудтид̇аа звам̣г̇ад̇игаа звам̣абхисамбарааяаа’’д̇и звам̣ аж̇аананахзд̇у аж̇аананагааран̣аа. ‘‘бан̃н̃ааяа жасса д̣̇исваа аасаваа баригкийн̣аа’’д̇иаад̣̇ийсу (бу. ба. 208; а. ни. 9.43) вияасса хзд̇уад̇т̇ад̇аа д̣̇адтаб̣б̣аа. олийяанд̇и згзд̇и згз гаамасукаануяог̇авасзна сан̇гожам̣ аабаж̇ж̇анд̇и. ад̇ид̇хааванд̇и згзд̇и згз ад̇д̇агиламат̇аануяог̇авасзна ад̇иггаманд̇и. гаамасукамануяуд̇д̇аа хи вийрияасса агаран̣ад̇о госаж̇ж̇авасзна саммаабадибад̇д̇ид̇о сан̇гожамаабаннад̇аа олийяанд̇и наама, ад̇д̇абарид̇аабанамануяуд̇д̇аа бана госаж̇ж̇ам̣ бахааяа анубааязна вийрияаарамбхам̣ гаронд̇аа саммаабадибад̇д̇ияаа ад̇иггаманад̇о ад̇ид̇хааванд̇и наама, д̇ад̣̇убхаяам̣ бана д̇ад̇т̇а аад̣̇ийнаваад̣̇ассанад̇о. д̇зна вуд̇д̇ам̣ – ‘‘убхо анд̇з анабхин̃н̃ааяа олийяанд̇и згз ад̇ид̇хааванд̇и згз’’д̇и. д̇ад̇т̇а д̇ан̣хаабхинанд̣̇анавасзна олийяанд̇и, д̣̇идтаабхинанд̣̇анавасзна ад̇ид̇хааванд̇ийд̇и взд̣̇ид̇аб̣б̣ам̣.
Ete te ubho ante anabhiññāyāti te ete yathāvutte ubhopi ante ajānitvā ‘‘ime antā te ca evaṃgahitā evaṃanuṭṭhitā evaṃgatikā evaṃabhisamparāyā’’ti evaṃ ajānanahetu ajānanakāraṇā. ‘‘Paññāya cassa disvā āsavā parikkhīṇā’’tiādīsu (pu. pa. 208; a. ni. 9.43) viyassa hetuatthatā daṭṭhabbā. Olīyanti eketi eke kāmasukhānuyogavasena saṅkocaṃ āpajjanti. Atidhāvanti eketi eke attakilamathānuyogavasena atikkamanti. Kāmasukhamanuyuttā hi vīriyassa akaraṇato kosajjavasena sammāpaṭipattito saṅkocamāpannatā olīyanti nāma, attaparitāpanamanuyuttā pana kosajjaṃ pahāya anupāyena vīriyārambhaṃ karontā sammāpaṭipattiyā atikkamanato atidhāvanti nāma, tadubhayaṃ pana tattha ādīnavādassanato. Tena vuttaṃ – ‘‘ubho ante anabhiññāya olīyanti eke atidhāvanti eke’’ti. Tattha taṇhābhinandanavasena olīyanti, diṭṭhābhinandanavasena atidhāvantīti veditabbaṃ.
ат̇а ваа сассад̇аабхинивзсавасзна олийяанд̇и згз, ужчзд̣̇аабхинивзсавасзна ад̇ид̇хааванд̇и згз. г̇осийлаад̣̇ивасзна хи ад̇д̇абарид̇аабанамануяуд̇д̇аа згажжз ‘‘иминаахам̣ сийлзна ваа вад̇зна ваа д̇абзна ваа б̣рахмажариязна ваа д̣̇зво ваа бхависсаами д̣̇зван̃н̃ад̇аро ваа, д̇ад̇т̇а нижжо д̇хуво сассад̇о авибарин̣аамад̇хаммо сассад̇исамам̣ д̇ат̇зва тассаамий’’д̇и сассад̇ад̣̇ассанам̣ абхинивисанд̇аа сам̣саарз олийяанд̇и наама, гаамасукамануяуд̇д̇аа бана згажжз яам̣гин̃жи гад̇ваа инд̣̇рияаани санд̇аббзд̇угаамаа логааяад̇игаа вияа д̇ад̣̇ануг̇ун̣ам̣ ужчзд̣̇ад̣̇ассанам̣ абхинивисанд̇аа анубааязна ваддубажчзд̣̇асса бариязсанад̇о ад̇ид̇хааванд̇и наама. звам̣ сассад̇ужчзд̣̇авасзнаби олийяанаад̇ид̇хааванаани взд̣̇ид̇аб̣б̣аани.
Atha vā sassatābhinivesavasena olīyanti eke, ucchedābhinivesavasena atidhāvanti eke. Gosīlādivasena hi attaparitāpanamanuyuttā ekacce ‘‘imināhaṃ sīlena vā vatena vā tapena vā brahmacariyena vā devo vā bhavissāmi devaññataro vā, tattha nicco dhuvo sassato avipariṇāmadhammo sassatisamaṃ tatheva ṭhassāmī’’ti sassatadassanaṃ abhinivisantā saṃsāre olīyanti nāma, kāmasukhamanuyuttā pana ekacce yaṃkiñci katvā indriyāni santappetukāmā lokāyatikā viya tadanuguṇaṃ ucchedadassanaṃ abhinivisantā anupāyena vaṭṭupacchedassa pariyesanato atidhāvanti nāma. Evaṃ sassatucchedavasenapi olīyanātidhāvanāni veditabbāni.
яз жа ко д̇з абхин̃н̃ааяаад̇и яз жа ко бана арияабуг̇г̇алаа д̇з яат̇аавуд̇д̇з убхо анд̇з ‘‘имз анд̇аа звам̣г̇ахид̇аа звам̣анудтид̇аа звам̣г̇ад̇игаа звам̣абхисамбарааяаа’’д̇и абхивисидтзна н̃аан̣зна вибассанаасахид̇ааяа маг̇г̇абан̃н̃ааяа ж̇аанид̇ваа маж̇жхимабадибад̣̇ам̣ саммаабадибаннаа, д̇ааяа саммаабадибад̇д̇ияаа. д̇ад̇ра жа наахзсунд̇и д̇ад̇ра д̇асмим̣ анд̇ад̣̇ваяз бад̇ид̇аа на ахзсум̣, д̇ам̣ анд̇ад̣̇ваяам̣ баж̇ахим̣сууд̇и ад̇т̇о. д̇зна жа нааман̃н̃им̣сууд̇и д̇зна анд̇ад̣̇ваяабахаанзна ‘‘мама ид̣̇ам̣ анд̇ад̣̇ваяабахаанам̣, ахам̣ анд̇ад̣̇ваяам̣ бахаасим̣, иминаа анд̇ад̣̇ваяабахаанзна сзяяо’’д̇иаад̣̇инаа д̇ан̣хаад̣̇идтимаанаман̃н̃анаавасзна на аман̃н̃им̣су саб̣б̣аман̃н̃анаанам̣ саммад̣̇зва бахийнад̇д̇аа. зд̇т̇а жа аг̇г̇апалз тид̇з арияабуг̇г̇алз санд̇хааяа ‘‘д̇ад̇ра жа наахзсум̣, д̇зна жа нааман̃н̃им̣суу’’д̇и ад̇ийд̇агаалавасзна аяам̣ д̣̇зсанаа бавад̇д̇аа, маг̇г̇агкан̣з бана ад̇хиббзд̇з вад̇д̇амаанагаалавасзнзва вад̇д̇аб̣б̣ам̣ сияаа. ваддам̣ д̇зсам̣ над̇т̇и бан̃н̃аабанааяаад̇и яз звам̣ бахийнасаб̣б̣аман̃н̃анаа уд̇д̇амабурисаа, д̇зсам̣ анубаад̣̇аабариниб̣б̣уд̇аанам̣ гаммавибаагагилзсавасзна д̇ивид̇хамби ваддам̣ над̇т̇и бан̃н̃аабанааяа, вад̇д̇амаанагканд̇хабхзд̣̇ад̇о уд̣̇д̇хам̣ анубаад̣̇аано вияа ж̇аад̇авзд̣̇о абан̃н̃ад̇д̇игабхаавамзва г̇ажчад̇ийд̇и ад̇т̇о.
Ye ca kho te abhiññāyāti ye ca kho pana ariyapuggalā te yathāvutte ubho ante ‘‘ime antā evaṃgahitā evaṃanuṭṭhitā evaṃgatikā evaṃabhisamparāyā’’ti abhivisiṭṭhena ñāṇena vipassanāsahitāya maggapaññāya jānitvā majjhimapaṭipadaṃ sammāpaṭipannā, tāya sammāpaṭipattiyā. Tatra ca nāhesunti tatra tasmiṃ antadvaye patitā na ahesuṃ, taṃ antadvayaṃ pajahiṃsūti attho. Tena ca nāmaññiṃsūti tena antadvayapahānena ‘‘mama idaṃ antadvayapahānaṃ, ahaṃ antadvayaṃ pahāsiṃ, iminā antadvayapahānena seyyo’’tiādinā taṇhādiṭṭhimānamaññanāvasena na amaññiṃsu sabbamaññanānaṃ sammadeva pahīnattā. Ettha ca aggaphale ṭhite ariyapuggale sandhāya ‘‘tatra ca nāhesuṃ, tena ca nāmaññiṃsū’’ti atītakālavasena ayaṃ desanā pavattā, maggakkhaṇe pana adhippete vattamānakālavaseneva vattabbaṃ siyā. Vaṭṭaṃ tesaṃ natthi paññāpanāyāti ye evaṃ pahīnasabbamaññanā uttamapurisā, tesaṃ anupādāparinibbutānaṃ kammavipākakilesavasena tividhampi vaṭṭaṃ natthi paññāpanāya, vattamānakkhandhabhedato uddhaṃ anupādāno viya jātavedo apaññattikabhāvameva gacchatīti attho.
адтамасуд̇д̇аван̣н̣анаа нидтид̇аа.
Aṭṭhamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 8. г̇ан̣игаасуд̇д̇ам̣ • 8. Gaṇikāsuttaṃ
