Library / Tipiṭaka / ติปิฎก • Tipiṭaka / ปฎฺฐานปาฬิ • Paṭṭhānapāḷi

    ๕. คนฺถโคจฺฉกํ

    5. Ganthagocchakaṃ

    ๒๖. คนฺถทุกํ

    26. Ganthadukaṃ

    ๑. ปฎิจฺจวาโร

    1. Paṭiccavāro

    ๑. ปจฺจยานุโลมํ

    1. Paccayānulomaṃ

    ๑. วิภงฺควาโร

    1. Vibhaṅgavāro

    เหตุปจฺจโย

    Hetupaccayo

    ๑. คนฺถํ ธมฺมํ ปฎิจฺจ คโนฺถ ธโมฺม อุปฺปชฺชติ เหตุปจฺจยา – สีลพฺพตปรามาสํ กายคนฺถํ ปฎิจฺจ อภิชฺฌากายคโนฺถ, อภิชฺฌากายคนฺถํ ปฎิจฺจ สีลพฺพตปรามาโส กายคโนฺถ, อิทํสจฺจาภินิเวสํ กายคนฺถํ ปฎิจฺจ อภิชฺฌากายคโนฺถ, อภิชฺฌากายคนฺถํ ปฎิจฺจ อิทํสจฺจาภินิเวโส กายคโนฺถฯ (๑)

    1. Ganthaṃ dhammaṃ paṭicca gantho dhammo uppajjati hetupaccayā – sīlabbataparāmāsaṃ kāyaganthaṃ paṭicca abhijjhākāyagantho, abhijjhākāyaganthaṃ paṭicca sīlabbataparāmāso kāyagantho, idaṃsaccābhinivesaṃ kāyaganthaṃ paṭicca abhijjhākāyagantho, abhijjhākāyaganthaṃ paṭicca idaṃsaccābhiniveso kāyagantho. (1)

    คนฺถํ ธมฺมํ ปฎิจฺจ โนคโนฺถ ธโมฺม อุปฺปชฺชติ เหตุปจฺจยา – คเนฺถ ปฎิจฺจ สมฺปยุตฺตกา ขนฺธา จิตฺตสมุฎฺฐานญฺจ รูปํฯ (๒)

    Ganthaṃ dhammaṃ paṭicca nogantho dhammo uppajjati hetupaccayā – ganthe paṭicca sampayuttakā khandhā cittasamuṭṭhānañca rūpaṃ. (2)

    คนฺถํ ธมฺมํ ปฎิจฺจ คโนฺถ จ โนคโนฺถ จ ธมฺมา อุปฺปชฺชนฺติ เหตุปจฺจยา – สีลพฺพตปรามาสํ กายคนฺถํ ปฎิจฺจ อภิชฺฌากายคโนฺถ สมฺปยุตฺตกา จ ขนฺธา จิตฺตสมุฎฺฐานญฺจ รูปํ (จกฺกํ)ฯ (๓)

    Ganthaṃ dhammaṃ paṭicca gantho ca nogantho ca dhammā uppajjanti hetupaccayā – sīlabbataparāmāsaṃ kāyaganthaṃ paṭicca abhijjhākāyagantho sampayuttakā ca khandhā cittasamuṭṭhānañca rūpaṃ (cakkaṃ). (3)

    ๒. โนคนฺถํ ธมฺมํ ปฎิจฺจ โนคโนฺถ ธโมฺม อุปฺปชฺชติ เหตุปจฺจยา – โนคนฺถํ เอกํ ขนฺธํ ปฎิจฺจ ตโย ขนฺธา จิตฺตสมุฎฺฐานญฺจ รูปํ…เป.… เทฺว ขเนฺธ…เป.… ปฎิสนฺธิกฺขเณ…เป.… ขเนฺธ ปฎิจฺจ วตฺถุ, วตฺถุํ ปฎิจฺจ ขนฺธา, เอกํ มหาภูตํ…เป.…ฯ (๑)

    2. Noganthaṃ dhammaṃ paṭicca nogantho dhammo uppajjati hetupaccayā – noganthaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ…pe…. (1)

    โนคนฺถํ ธมฺมํ ปฎิจฺจ คโนฺถ ธโมฺม อุปฺปชฺชติ เหตุปจฺจยา – โนคเนฺถ ขเนฺธ ปฎิจฺจ คนฺถาฯ (๒)

    Noganthaṃ dhammaṃ paṭicca gantho dhammo uppajjati hetupaccayā – noganthe khandhe paṭicca ganthā. (2)

    โนคนฺถํ ธมฺมํ ปฎิจฺจ คโนฺถ จ โนคโนฺถ จ ธมฺมา อุปฺปชฺชนฺติ เหตุปจฺจยา – โนคนฺถํ เอกํ ขนฺธํ ปฎิจฺจ ตโย ขนฺธา คนฺถา จ จิตฺตสมุฎฺฐานญฺจ รูปํ…เป.… เทฺว ขเนฺธ…เป.…ฯ (๓)

    Noganthaṃ dhammaṃ paṭicca gantho ca nogantho ca dhammā uppajjanti hetupaccayā – noganthaṃ ekaṃ khandhaṃ paṭicca tayo khandhā ganthā ca cittasamuṭṭhānañca rūpaṃ…pe… dve khandhe…pe…. (3)

    ๓. คนฺถญฺจ โนคนฺถญฺจ ธมฺมํ ปฎิจฺจ คโนฺถ ธโมฺม อุปฺปชฺชติ เหตุปจฺจยา – สีลพฺพตปรามาสํ กายคนฺถญฺจ สมฺปยุตฺตเก จ ขเนฺธ ปฎิจฺจ อภิชฺฌากายคโนฺถ (จกฺกํ)ฯ (๑)

    3. Ganthañca noganthañca dhammaṃ paṭicca gantho dhammo uppajjati hetupaccayā – sīlabbataparāmāsaṃ kāyaganthañca sampayuttake ca khandhe paṭicca abhijjhākāyagantho (cakkaṃ). (1)

    คนฺถญฺจ โนคนฺถญฺจ ธมฺมํ ปฎิจฺจ โนคโนฺถ ธโมฺม อุปฺปชฺชติ เหตุปจฺจยา – โนคนฺถํ เอกํ ขนฺธญฺจ คเนฺถ จ ปฎิจฺจ ตโย ขนฺธา จิตฺตสมุฎฺฐานญฺจ รูปํ…เป.… เทฺว ขเนฺธ จ…เป.… คเนฺถ จ สมฺปยุตฺตเก ขเนฺธ จ ปฎิจฺจ จิตฺตสมุฎฺฐานํ รูปํฯ (๒)

    Ganthañca noganthañca dhammaṃ paṭicca nogantho dhammo uppajjati hetupaccayā – noganthaṃ ekaṃ khandhañca ganthe ca paṭicca tayo khandhā cittasamuṭṭhānañca rūpaṃ…pe… dve khandhe ca…pe… ganthe ca sampayuttake khandhe ca paṭicca cittasamuṭṭhānaṃ rūpaṃ. (2)

    คนฺถญฺจ โนคนฺถญฺจ ธมฺมํ ปฎิจฺจ คโนฺถ จ โนคโนฺถ จ ธมฺมา อุปฺปชฺชนฺติ เหตุปจฺจยา – โนคนฺถํ เอกํ ขนฺธญฺจ สีลพฺพตปรามาสกายคนฺถญฺจ ปฎิจฺจ ตโย ขนฺธา อภิชฺฌากายคโนฺถ จิตฺตสมุฎฺฐานญฺจ รูปํ…เป.… เทฺว ขเนฺธ จ…เป.…ฯ (จกฺกํฯ สํขิตฺตํฯ) (๓)

    Ganthañca noganthañca dhammaṃ paṭicca gantho ca nogantho ca dhammā uppajjanti hetupaccayā – noganthaṃ ekaṃ khandhañca sīlabbataparāmāsakāyaganthañca paṭicca tayo khandhā abhijjhākāyagantho cittasamuṭṭhānañca rūpaṃ…pe… dve khandhe ca…pe…. (Cakkaṃ. Saṃkhittaṃ.) (3)

    อารมฺมณปจฺจยา…เป.… อวิคตปจฺจยาฯ

    Ārammaṇapaccayā…pe… avigatapaccayā.

    ๑. ปจฺจยานุโลมํ

    1. Paccayānulomaṃ

    ๒. สงฺขฺยาวาโร

    2. Saṅkhyāvāro

    สุทฺธํ

    Suddhaṃ

    ๔. เหตุยา นว, อารมฺมเณ นว, อธิปติยา นว (สพฺพตฺถ นว), วิปาเก เอกํ, อาหาเร นว…เป.… อวิคเต นวฯ

    4. Hetuyā nava, ārammaṇe nava, adhipatiyā nava (sabbattha nava), vipāke ekaṃ, āhāre nava…pe… avigate nava.

    อนุโลมํฯ

    Anulomaṃ.

    ๒. ปจฺจยปจฺจนียํ

    2. Paccayapaccanīyaṃ

    ๑. วิภงฺควาโร

    1. Vibhaṅgavāro

    นเหตุปจฺจโย

    Nahetupaccayo

    ๕. โนคนฺถํ ธมฺมํ ปฎิจฺจ โนคโนฺถ ธโมฺม อุปฺปชฺชติ นเหตุปจฺจยา – อเหตุกํ โนคนฺถํ เอกํ ขนฺธํ ปฎิจฺจ ตโย ขนฺธา จิตฺตสมุฎฺฐานญฺจ รูปํ…เป.… เทฺว ขเนฺธ…เป.… อเหตุกปฎิสนฺธิกฺขเณ (ยาว อสญฺญสตฺตา), วิจิกิจฺฉาสหคเต อุทฺธจฺจสหคเต ขเนฺธ ปฎิจฺจ วิจิกิจฺฉาสหคโต อุทฺธจฺจสหคโต โมโหฯ (๑)

    5. Noganthaṃ dhammaṃ paṭicca nogantho dhammo uppajjati nahetupaccayā – ahetukaṃ noganthaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe (yāva asaññasattā), vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (1)

    นอารมฺมณปจฺจยาทิ

    Naārammaṇapaccayādi

    ๖. คนฺถํ ธมฺมํ ปฎิจฺจ โนคโนฺถ ธโมฺม อุปฺปชฺชติ นอารมฺมณปจฺจยา – คเนฺถ ปฎิจฺจ จิตฺตสมุฎฺฐานํ รูปํฯ (๑)

    6. Ganthaṃ dhammaṃ paṭicca nogantho dhammo uppajjati naārammaṇapaccayā – ganthe paṭicca cittasamuṭṭhānaṃ rūpaṃ. (1)

    โนคนฺถํ ธมฺมํ ปฎิจฺจ โนคโนฺถ ธโมฺม อุปฺปชฺชติ นอารมฺมณปจฺจยา – โนคเนฺถ ขเนฺธ ปฎิจฺจ จิตฺตสมุฎฺฐานํ รูปํ; ปฎิสนฺธิกฺขเณ…เป.… (ยาว อสญฺญสตฺตา)ฯ (๑)

    Noganthaṃ dhammaṃ paṭicca nogantho dhammo uppajjati naārammaṇapaccayā – noganthe khandhe paṭicca cittasamuṭṭhānaṃ rūpaṃ; paṭisandhikkhaṇe…pe… (yāva asaññasattā). (1)

    คนฺถญฺจ โนคนฺถญฺจ ธมฺมํ ปฎิจฺจ โนคโนฺถ ธโมฺม อุปฺปชฺชติ นอารมฺมณปจฺจยา – คเนฺถ จ สมฺปยุตฺตเก จ ขเนฺธ ปฎิจฺจ จิตฺตสมุฎฺฐานํ รูปํ (สํขิตฺตํ)ฯ

    Ganthañca noganthañca dhammaṃ paṭicca nogantho dhammo uppajjati naārammaṇapaccayā – ganthe ca sampayuttake ca khandhe paṭicca cittasamuṭṭhānaṃ rūpaṃ (saṃkhittaṃ).

    นอธิปติปจฺจยา… นว, นอนนฺตรปจฺจยา… ตีณิ, นสมนนฺตรปจฺจยา… ตีณิ, นอญฺญมญฺญปจฺจยา… ตีณิ, นอุปนิสฺสยปจฺจยา… ตีณิฯ

    Naadhipatipaccayā… nava, naanantarapaccayā… tīṇi, nasamanantarapaccayā… tīṇi, naaññamaññapaccayā… tīṇi, naupanissayapaccayā… tīṇi.

    นปุเรชาตปจฺจยาทิ

    Napurejātapaccayādi

    ๗. คนฺถํ ธมฺมํ ปฎิจฺจ คโนฺถ ธโมฺม อุปฺปชฺชติ นปุเรชาตปจฺจยา – อรูเป อิทํสจฺจาภินิเวสํ กายคนฺถํ ปฎิจฺจ อภิชฺฌากายคโนฺถ, อภิชฺฌากายคนฺถํ ปฎิจฺจ อิทํสจฺจาภินิเวโส กายคโนฺถ (อรูเป สีลพฺพตปรามาโส นตฺถิ, เอวํ นว ปญฺหา กาตพฺพา), นปจฺฉาชาเต นว, นอาเสวเน นว, นกเมฺม ตีณิ, นวิปาเก นว, นอาหาเร เอกํ, นอินฺทฺริเย เอกํ, นฌาเน เอกํ, นมเคฺค เอกํ, นสมฺปยุเตฺต ตีณิ, นวิปฺปยุเตฺต นว, โนนตฺถิยา ตีณิ, โนวิคเต ตีณิฯ

    7. Ganthaṃ dhammaṃ paṭicca gantho dhammo uppajjati napurejātapaccayā – arūpe idaṃsaccābhinivesaṃ kāyaganthaṃ paṭicca abhijjhākāyagantho, abhijjhākāyaganthaṃ paṭicca idaṃsaccābhiniveso kāyagantho (arūpe sīlabbataparāmāso natthi, evaṃ nava pañhā kātabbā), napacchājāte nava, naāsevane nava, nakamme tīṇi, navipāke nava, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte tīṇi, navippayutte nava, nonatthiyā tīṇi, novigate tīṇi.

    ๒. ปจฺจยปจฺจนียํ

    2. Paccayapaccanīyaṃ

    ๒. สงฺขฺยาวาโร

    2. Saṅkhyāvāro

    สุทฺธํ

    Suddhaṃ

    ๘. นเหตุยา เอกํ, นอารมฺมเณ ตีณิ, นอธิปติยา นว, นอนนฺตเร ตีณิ, นสมนนฺตเร ตีณิ, นอญฺญมเญฺญ ตีณิ, นอุปนิสฺสเย ตีณิ, นปุเรชาเต นว, นปจฺฉาชาเต นว, นอาเสวเน นว, นกเมฺม ตีณิ, นวิปาเก นว, นอาหาเร เอกํ, นอินฺทฺริเย เอกํ, นฌาเน เอกํ, นมเคฺค เอกํ, นสมฺปยุเตฺต ตีณิ , นวิปฺปยุเตฺต นว, โนนตฺถิยา ตีณิ, โนวิคเต ตีณิฯ

    8. Nahetuyā ekaṃ, naārammaṇe tīṇi, naadhipatiyā nava, naanantare tīṇi, nasamanantare tīṇi, naaññamaññe tīṇi, naupanissaye tīṇi, napurejāte nava, napacchājāte nava, naāsevane nava, nakamme tīṇi, navipāke nava, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte tīṇi , navippayutte nava, nonatthiyā tīṇi, novigate tīṇi.

    ๓. ปจฺจยานุโลมปจฺจนียํ

    3. Paccayānulomapaccanīyaṃ

    ๙. เหตุปจฺจยา นอารมฺมเณ ตีณิ, นอธิปติยา นว (สํขิตฺตํ, เอวํ คเณตพฺพํ)ฯ

    9. Hetupaccayā naārammaṇe tīṇi, naadhipatiyā nava (saṃkhittaṃ, evaṃ gaṇetabbaṃ).

    ๔. ปจฺจยปจฺจนียานุโลมํ

    4. Paccayapaccanīyānulomaṃ

    ๑๐. นเหตุปจฺจยา อารมฺมเณ เอกํ…เป.… อนนฺตเร เอกํ…เป.… อวิคเต เอกํฯ

    10. Nahetupaccayā ārammaṇe ekaṃ…pe… anantare ekaṃ…pe… avigate ekaṃ.

    ๒. สหชาตวาโร

    2. Sahajātavāro

    (สหชาตวาโร ปฎิจฺจวารสทิโส)ฯ

    (Sahajātavāro paṭiccavārasadiso).

    ๓. ปจฺจยวาโร

    3. Paccayavāro

    ๑. ปจฺจยานุโลมํ

    1. Paccayānulomaṃ

    ๑. วิภงฺควาโร

    1. Vibhaṅgavāro

    เหตุปจฺจโย

    Hetupaccayo

    ๑๑. คนฺถํ ธมฺมํ ปจฺจยา คโนฺถ ธโมฺม อุปฺปชฺชติ เหตุปจฺจยา… ตีณิ (ปฎิจฺจวารสทิโส)ฯ

    11. Ganthaṃ dhammaṃ paccayā gantho dhammo uppajjati hetupaccayā… tīṇi (paṭiccavārasadiso).

    โนคนฺถํ ธมฺมํ ปจฺจยา โนคโนฺถ ธโมฺม อุปฺปชฺชติ เหตุปจฺจยา – โนคนฺถํ เอกํ ขนฺธํ ปจฺจยา ตโย ขนฺธา จิตฺตสมุฎฺฐานญฺจ รูปํ…เป.… เทฺว ขเนฺธ…เป.… ปฎิสนฺธิกฺขเณ…เป.… ขเนฺธ ปจฺจยา วตฺถุ, วตฺถุํ ปจฺจยา ขนฺธาฯ เอกํ มหาภูตํ…เป.… วตฺถุํ ปจฺจยา โนคนฺถา ขนฺธาฯ (๑)

    Noganthaṃ dhammaṃ paccayā nogantho dhammo uppajjati hetupaccayā – noganthaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… khandhe paccayā vatthu, vatthuṃ paccayā khandhā. Ekaṃ mahābhūtaṃ…pe… vatthuṃ paccayā noganthā khandhā. (1)

    โนคนฺถํ ธมฺมํ ปจฺจยา คโนฺถ ธโมฺม อุปฺปชฺชติ เหตุปจฺจยา – โนคเนฺถ ขเนฺธ ปจฺจยา คนฺถา, วตฺถุํ ปจฺจยา คนฺถาฯ (๒)

    Noganthaṃ dhammaṃ paccayā gantho dhammo uppajjati hetupaccayā – noganthe khandhe paccayā ganthā, vatthuṃ paccayā ganthā. (2)

    โนคนฺถํ ธมฺมํ ปจฺจยา คโนฺถ จ โนคโนฺถ จ ธมฺมา อุปฺปชฺชนฺติ เหตุปจฺจยา – โนคนฺถํ เอกํ ขนฺธํ ปจฺจยา ตโย ขนฺธา คนฺถา จ จิตฺตสมุฎฺฐานญฺจ รูปํ…เป.… เทฺว ขเนฺธ…เป.… วตฺถุํ ปจฺจยา คนฺถา สมฺปยุตฺตกา จ ขนฺธาฯ (๓)

    Noganthaṃ dhammaṃ paccayā gantho ca nogantho ca dhammā uppajjanti hetupaccayā – noganthaṃ ekaṃ khandhaṃ paccayā tayo khandhā ganthā ca cittasamuṭṭhānañca rūpaṃ…pe… dve khandhe…pe… vatthuṃ paccayā ganthā sampayuttakā ca khandhā. (3)

    ๑๒. คนฺถญฺจ โนคนฺถญฺจ ธมฺมํ ปจฺจยา คโนฺถ ธโมฺม อุปฺปชฺชติ เหตุปจฺจยา – สีลพฺพตปรามาสํ กายคนฺถญฺจ สมฺปยุตฺตเก จ ขเนฺธ ปจฺจยา อภิชฺฌากายคโนฺถ (จกฺกํ)ฯ สีลพฺพตปรามาสํ กายคนฺถญฺจ วตฺถุญฺจ ปจฺจยา อภิชฺฌากายคโนฺถ (จกฺกํ)ฯ (๑)

    12. Ganthañca noganthañca dhammaṃ paccayā gantho dhammo uppajjati hetupaccayā – sīlabbataparāmāsaṃ kāyaganthañca sampayuttake ca khandhe paccayā abhijjhākāyagantho (cakkaṃ). Sīlabbataparāmāsaṃ kāyaganthañca vatthuñca paccayā abhijjhākāyagantho (cakkaṃ). (1)

    คนฺถญฺจ โนคนฺถญฺจ ธมฺมํ ปจฺจยา โนคโนฺถ ธโมฺม อุปฺปชฺชติ เหตุปจฺจยา – โนคนฺถํ เอกํ ขนฺธญฺจ คเนฺถ จ ปจฺจยา ตโย ขนฺธา จิตฺตสมุฎฺฐานญฺจ รูปํ…เป.… เทฺว ขเนฺธ…เป.… คเนฺถ จ วตฺถุญฺจ ปจฺจยา โนคนฺถา ขนฺธาฯ (๒)

    Ganthañca noganthañca dhammaṃ paccayā nogantho dhammo uppajjati hetupaccayā – noganthaṃ ekaṃ khandhañca ganthe ca paccayā tayo khandhā cittasamuṭṭhānañca rūpaṃ…pe… dve khandhe…pe… ganthe ca vatthuñca paccayā noganthā khandhā. (2)

    คนฺถญฺจ โนคนฺถญฺจ ธมฺมํ ปจฺจยา คโนฺถ จ โนคโนฺถ จ ธมฺมา อุปฺปชฺชนฺติ เหตุปจฺจยา – โนคนฺถํ เอกํ ขนฺธญฺจ สีลพฺพตปรามาสํ กายคนฺถญฺจ ปจฺจยา ตโย ขนฺธา อภิชฺฌากายคโนฺถ จ จิตฺตสมุฎฺฐานญฺจ รูปํ…เป.… เทฺว ขเนฺธ…เป.… (จกฺกํ)ฯ สีลพฺพตปรามาสํ กายคนฺถญฺจ วตฺถุญฺจ ปจฺจยา อภิชฺฌากายคโนฺถ จ สมฺปยุตฺตกา จ ขนฺธา (จกฺกํ)ฯ (๓)

    Ganthañca noganthañca dhammaṃ paccayā gantho ca nogantho ca dhammā uppajjanti hetupaccayā – noganthaṃ ekaṃ khandhañca sīlabbataparāmāsaṃ kāyaganthañca paccayā tayo khandhā abhijjhākāyagantho ca cittasamuṭṭhānañca rūpaṃ…pe… dve khandhe…pe… (cakkaṃ). Sīlabbataparāmāsaṃ kāyaganthañca vatthuñca paccayā abhijjhākāyagantho ca sampayuttakā ca khandhā (cakkaṃ). (3)

    ๑. ปจฺจยานุโลมํ

    1. Paccayānulomaṃ

    ๒. สงฺขฺยาวาโร

    2. Saṅkhyāvāro

    ๑๓. เหตุยา นว, อารมฺมเณ นว, อธิปติยา นว…เป.… อวิคเต นวฯ

    13. Hetuyā nava, ārammaṇe nava, adhipatiyā nava…pe… avigate nava.

    อนุโลมํฯ

    Anulomaṃ.

    ๒. ปจฺจยปจฺจนียํ

    2. Paccayapaccanīyaṃ

    ๑. วิภงฺควาโร

    1. Vibhaṅgavāro

    นเหตุปจฺจโย

    Nahetupaccayo

    ๑๔. โนคนฺถํ ธมฺมํ ปจฺจยา โนคโนฺถ ธโมฺม อุปฺปชฺชติ นเหตุปจฺจยา – อเหตุกํ โนคนฺถํ เอกํ ขนฺธํ ปจฺจยา ตโย ขนฺธา จิตฺตสมุฎฺฐานญฺจ รูปํ…เป.… เทฺว ขเนฺธ…เป.… ปฎิสนฺธิกฺขเณ…เป.… (ยาว อสญฺญสตฺตา), จกฺขายตนํ ปจฺจยา จกฺขุวิญฺญาณํ…เป.… กายายตนํ ปจฺจยา กายวิญฺญาณํฯ วตฺถุํ ปจฺจยา อเหตุกา โนคนฺถา ขนฺธา, วิจิกิจฺฉาสหคเต อุทฺธจฺจสหคเต ขเนฺธ จ วตฺถุญฺจ ปจฺจยา วิจิกิจฺฉาสหคโต อุทฺธจฺจสหคโต โมโห (สํขิตฺตํ)ฯ

    14. Noganthaṃ dhammaṃ paccayā nogantho dhammo uppajjati nahetupaccayā – ahetukaṃ noganthaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… (yāva asaññasattā), cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ. Vatthuṃ paccayā ahetukā noganthā khandhā, vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho (saṃkhittaṃ).

    ๒. ปจฺจยปจฺจนียํ

    2. Paccayapaccanīyaṃ

    ๒. สงฺขฺยาวาโร

    2. Saṅkhyāvāro

    ๑๕. นเหตุยา เอกํ, นอารมฺมเณ ตีณิ, นอธิปติยา นว (เอวํ คเณตพฺพํ)ฯ

    15. Nahetuyā ekaṃ, naārammaṇe tīṇi, naadhipatiyā nava (evaṃ gaṇetabbaṃ).

    ๓. ปจฺจยานุโลมปจฺจนียํ

    3. Paccayānulomapaccanīyaṃ

    ๑๖. เหตุปจฺจยา นอารมฺมเณ ตีณิ, นอธิปติยา นว…เป.… โนวิคเต ตีณิฯ

    16. Hetupaccayā naārammaṇe tīṇi, naadhipatiyā nava…pe… novigate tīṇi.

    ๔. ปจฺจยปจฺจนียานุโลมํ

    4. Paccayapaccanīyānulomaṃ

    ๑๗. นเหตุปจฺจยา อารมฺมเณ เอกํ…เป.… อวิคเต เอกํฯ

    17. Nahetupaccayā ārammaṇe ekaṃ…pe… avigate ekaṃ.

    ๔-๖. นิสฺสย-สํสฎฺฐ-สมฺปยุตฺตวาโร

    4-6. Nissaya-saṃsaṭṭha-sampayuttavāro

    (นิสฺสยวาโร ปจฺจยวารสทิโสวฯ สํสฎฺฐวาโรปิ สมฺปยุตฺตวาโรปิ นว ปญฺหา กาตพฺพา, รูปํ นตฺถิฯ)

    (Nissayavāro paccayavārasadisova. Saṃsaṭṭhavāropi sampayuttavāropi nava pañhā kātabbā, rūpaṃ natthi.)

    ๗. ปญฺหาวาโร

    7. Pañhāvāro

    ๑. ปจฺจยานุโลมํ

    1. Paccayānulomaṃ

    ๑. วิภงฺควาโร

    1. Vibhaṅgavāro

    เหตุปจฺจโย

    Hetupaccayo

    ๑๘. คโนฺถ ธโมฺม คนฺถสฺส ธมฺมสฺส เหตุปจฺจเยน ปจฺจโย – คนฺถา เหตู สมฺปยุตฺตกานํ คนฺถานํ เหตุปจฺจเยน ปจฺจโยฯ (๑)

    18. Gantho dhammo ganthassa dhammassa hetupaccayena paccayo – ganthā hetū sampayuttakānaṃ ganthānaṃ hetupaccayena paccayo. (1)

    คโนฺถ ธโมฺม โนคนฺถสฺส ธมฺมสฺส เหตุปจฺจเยน ปจฺจโย – คนฺถา เหตู สมฺปยุตฺตกานํ ขนฺธานํ จิตฺตสมุฎฺฐานานญฺจ รูปานํ เหตุปจฺจเยน ปจฺจโยฯ (๒)

    Gantho dhammo noganthassa dhammassa hetupaccayena paccayo – ganthā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (2)

    คโนฺถ ธโมฺม คนฺถสฺส จ โนคนฺถสฺส จ ธมฺมสฺส เหตุปจฺจเยน ปจฺจโย – คนฺถา เหตู สมฺปยุตฺตกานํ ขนฺธานํ คนฺถานญฺจ จิตฺตสมุฎฺฐานานญฺจ รูปานํ เหตุปจฺจเยน ปจฺจโยฯ (๓)

    Gantho dhammo ganthassa ca noganthassa ca dhammassa hetupaccayena paccayo – ganthā hetū sampayuttakānaṃ khandhānaṃ ganthānañca cittasamuṭṭhānānañca rūpānaṃ hetupaccayena paccayo. (3)

    ๑๙. โนคโนฺถ ธโมฺม โนคนฺถสฺส ธมฺมสฺส เหตุปจฺจเยน ปจฺจโย – โนคนฺถา เหตู สมฺปยุตฺตกานํ ขนฺธานํ จิตฺตสมุฎฺฐานานญฺจ รูปานํ เหตุปจฺจเยน ปจฺจโย; ปฎิสนฺธิกฺขเณ…เป.…ฯ (๑)

    19. Nogantho dhammo noganthassa dhammassa hetupaccayena paccayo – noganthā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo; paṭisandhikkhaṇe…pe…. (1)

    โนคโนฺถ ธโมฺม คนฺถสฺส ธมฺมสฺส เหตุปจฺจเยน ปจฺจโย – โนคนฺถา เหตู สมฺปยุตฺตกานํ คนฺถานํ เหตุปจฺจเยน ปจฺจโยฯ (๒)

    Nogantho dhammo ganthassa dhammassa hetupaccayena paccayo – noganthā hetū sampayuttakānaṃ ganthānaṃ hetupaccayena paccayo. (2)

    โนคโนฺถ ธโมฺม คนฺถสฺส จ โนคนฺถสฺส จ ธมฺมสฺส เหตุปจฺจเยน ปจฺจโย – โนคนฺถา เหตู สมฺปยุตฺตกานํ ขนฺธานํ คนฺถานญฺจ จิตฺตสมุฎฺฐานานญฺจ รูปานํ เหตุปจฺจเยน ปจฺจโยฯ (๓)

    Nogantho dhammo ganthassa ca noganthassa ca dhammassa hetupaccayena paccayo – noganthā hetū sampayuttakānaṃ khandhānaṃ ganthānañca cittasamuṭṭhānānañca rūpānaṃ hetupaccayena paccayo. (3)

    ๒๐. คโนฺถ จ โนคโนฺถ จ ธมฺมา คนฺถสฺส ธมฺมสฺส เหตุปจฺจเยน ปจฺจโย – คนฺถา จ โนคนฺถา จ เหตู สมฺปยุตฺตกานํ คนฺถานํ เหตุปจฺจเยน ปจฺจโยฯ (๑)

    20. Gantho ca nogantho ca dhammā ganthassa dhammassa hetupaccayena paccayo – ganthā ca noganthā ca hetū sampayuttakānaṃ ganthānaṃ hetupaccayena paccayo. (1)

    คโนฺถ จ โนคโนฺถ จ ธมฺมา โนคนฺถสฺส ธมฺมสฺส เหตุปจฺจเยน ปจฺจโย – คนฺถา จ โนคนฺถา จ เหตู สมฺปยุตฺตกานํ ขนฺธานํ จิตฺตสมุฎฺฐานานญฺจ รูปานํ เหตุปจฺจเยน ปจฺจโยฯ (๒)

    Gantho ca nogantho ca dhammā noganthassa dhammassa hetupaccayena paccayo – ganthā ca noganthā ca hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (2)

    คโนฺถ จ โนคโนฺถ จ ธมฺมา คนฺถสฺส จ โนคนฺถสฺส จ ธมฺมสฺส เหตุปจฺจเยน ปจฺจโย – คนฺถา จ โนคนฺถา จ เหตู สมฺปยุตฺตกานํ ขนฺธานํ คนฺถานญฺจ จิตฺตสมุฎฺฐานานญฺจ รูปานํ เหตุปจฺจเยน ปจฺจโยฯ (๓)

    Gantho ca nogantho ca dhammā ganthassa ca noganthassa ca dhammassa hetupaccayena paccayo – ganthā ca noganthā ca hetū sampayuttakānaṃ khandhānaṃ ganthānañca cittasamuṭṭhānānañca rūpānaṃ hetupaccayena paccayo. (3)

    อารมฺมณปจฺจโย

    Ārammaṇapaccayo

    ๒๑. คโนฺถ ธโมฺม คนฺถสฺส ธมฺมสฺส อารมฺมณปจฺจเยน ปจฺจโย – คเนฺถ อารพฺภ คนฺถา อุปฺปชฺชนฺติฯ (มูลํ กาตพฺพํ) คเนฺถ อารพฺภ โนคนฺถา ขนฺธา อุปฺปชฺชนฺติฯ (มูลํ กาตพฺพํ) คเนฺถ อารพฺภ คนฺถา จ สมฺปยุตฺตกา จ ขนฺธา อุปฺปชฺชนฺติฯ (๓)

    21. Gantho dhammo ganthassa dhammassa ārammaṇapaccayena paccayo – ganthe ārabbha ganthā uppajjanti. (Mūlaṃ kātabbaṃ) ganthe ārabbha noganthā khandhā uppajjanti. (Mūlaṃ kātabbaṃ) ganthe ārabbha ganthā ca sampayuttakā ca khandhā uppajjanti. (3)

    ๒๒. โนคโนฺถ ธโมฺม โนคนฺถสฺส ธมฺมสฺส อารมฺมณปจฺจเยน ปจฺจโย – ทานํ ทตฺวา สีลํ…เป.… อุโปสถกมฺมํ กตฺวา ตํ ปจฺจเวกฺขติ, ปุเพฺพ สุจิณฺณานิ…เป.… ฌานา…เป.… อริยา มคฺคา วุฎฺฐหิตฺวา มคฺคํ ปจฺจเวกฺขนฺติ, ผลํ ปจฺจเวกฺขนฺติ, นิพฺพานํ ปจฺจเวกฺขนฺติฯ นิพฺพานํ โคตฺรภุสฺส, โวทานสฺส, มคฺคสฺส, ผลสฺส, อาวชฺชนาย อารมฺมณปจฺจเยน ปจฺจโย; อริยา โนคเนฺถ ปหีเน กิเลเส…เป.… วิกฺขมฺภิเต กิเลเส ปจฺจเวกฺขนฺติ, ปุเพฺพ…เป.… จกฺขุํ…เป.… วตฺถุํ โนคเนฺถ ขเนฺธ อนิจฺจโต…เป.… โทมนสฺสํ อุปฺปชฺชติ; ทิเพฺพน จกฺขุนา รูปํ ปสฺสติ, ทิพฺพาย โสตธาตุยา สทฺทํ สุณาติฯ เจโตปริยญาเณน โนคนฺถจิตฺตสมงฺคิสฺส จิตฺตํ ชานาติ, อากาสานญฺจายตนํ วิญฺญาณญฺจายตนสฺส…เป.… อากิญฺจญฺญายตนํ เนวสญฺญานาสญฺญายตนสฺส…เป.… รูปายตนํ จกฺขุวิญฺญาณสฺส…เป.… โผฎฺฐพฺพายตนํ กายวิญฺญาณสฺส…เป.… โนคนฺถา ขนฺธา อิทฺธิวิธญาณสฺส, เจโตปริยญาณสฺส, ปุเพฺพนิวาสานุสฺสติญาณสฺส, ยถากมฺมูปคญาณสฺส, อนาคตํสญาณสฺส, อาวชฺชนาย อารมฺมณปจฺจเยน ปจฺจโยฯ (๑)

    22. Nogantho dhammo noganthassa dhammassa ārammaṇapaccayena paccayo – dānaṃ datvā sīlaṃ…pe… uposathakammaṃ katvā taṃ paccavekkhati, pubbe suciṇṇāni…pe… jhānā…pe… ariyā maggā vuṭṭhahitvā maggaṃ paccavekkhanti, phalaṃ paccavekkhanti, nibbānaṃ paccavekkhanti. Nibbānaṃ gotrabhussa, vodānassa, maggassa, phalassa, āvajjanāya ārammaṇapaccayena paccayo; ariyā noganthe pahīne kilese…pe… vikkhambhite kilese paccavekkhanti, pubbe…pe… cakkhuṃ…pe… vatthuṃ noganthe khandhe aniccato…pe… domanassaṃ uppajjati; dibbena cakkhunā rūpaṃ passati, dibbāya sotadhātuyā saddaṃ suṇāti. Cetopariyañāṇena noganthacittasamaṅgissa cittaṃ jānāti, ākāsānañcāyatanaṃ viññāṇañcāyatanassa…pe… ākiñcaññāyatanaṃ nevasaññānāsaññāyatanassa…pe… rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa…pe… noganthā khandhā iddhividhañāṇassa, cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (1)

    โนคโนฺถ ธโมฺม คนฺถสฺส ธมฺมสฺส อารมฺมณปจฺจเยน ปจฺจโย – ทานํ ทตฺวา สีลํ…เป.… อุโปสถกมฺมํ กตฺวา ตํ อสฺสาเทติ อภินนฺทติ, ตํ อารพฺภ ราโค อุปฺปชฺชติ, ทิฎฺฐิ อุปฺปชฺชติ , โทมนสฺสํ อุปฺปชฺชติ; ปุเพฺพ สุจิณฺณานิ…เป.… ฌานา…เป.… จกฺขุํ…เป.… วตฺถุํ โนคเนฺถ ขเนฺธ อสฺสาเทติ อภินนฺทติ, ตํ อารพฺภ ราโค อุปฺปชฺชติ…เป.… โทมนสฺสํ อุปฺปชฺชติฯ (๒)

    Nogantho dhammo ganthassa dhammassa ārammaṇapaccayena paccayo – dānaṃ datvā sīlaṃ…pe… uposathakammaṃ katvā taṃ assādeti abhinandati, taṃ ārabbha rāgo uppajjati, diṭṭhi uppajjati , domanassaṃ uppajjati; pubbe suciṇṇāni…pe… jhānā…pe… cakkhuṃ…pe… vatthuṃ noganthe khandhe assādeti abhinandati, taṃ ārabbha rāgo uppajjati…pe… domanassaṃ uppajjati. (2)

    โนคโนฺถ ธโมฺม คนฺถสฺส จ โนคนฺถสฺส จ ธมฺมสฺส อารมฺมณปจฺจเยน ปจฺจโย – ทานํ ทตฺวา สีลํ…เป.… อุโปสถกมฺมํ กตฺวา ตํ อสฺสาเทติ อภินนฺทติ, ตํ อารพฺภ คนฺถา จ สมฺปยุตฺตกา จ ขนฺธา อุปฺปชฺชนฺติ, ปุเพฺพ สุจิณฺณานิ…เป.… ฌานา…เป.… จกฺขุํ…เป.… วตฺถุํ โนคเนฺถ ขเนฺธ อสฺสาเทติ อภินนฺทติ, ตํ อารพฺภ คนฺถา จ สมฺปยุตฺตกา จ ขนฺธา อุปฺปชฺชนฺติฯ (๓)

    Nogantho dhammo ganthassa ca noganthassa ca dhammassa ārammaṇapaccayena paccayo – dānaṃ datvā sīlaṃ…pe… uposathakammaṃ katvā taṃ assādeti abhinandati, taṃ ārabbha ganthā ca sampayuttakā ca khandhā uppajjanti, pubbe suciṇṇāni…pe… jhānā…pe… cakkhuṃ…pe… vatthuṃ noganthe khandhe assādeti abhinandati, taṃ ārabbha ganthā ca sampayuttakā ca khandhā uppajjanti. (3)

    คโนฺถ จ โนคโนฺถ จ ธมฺมา คนฺถสฺส ธมฺมสฺส อารมฺมณปจฺจเยน ปจฺจโย… ตีณิ (อารพฺภ กาตพฺพา)ฯ

    Gantho ca nogantho ca dhammā ganthassa dhammassa ārammaṇapaccayena paccayo… tīṇi (ārabbha kātabbā).

    อธิปติปจฺจโย

    Adhipatipaccayo

    ๒๓. คโนฺถ ธโมฺม คนฺถสฺส ธมฺมสฺส อธิปติปจฺจเยน ปจฺจโย… ตีณิ (อารมฺมณสทิสา, ครุการมฺมณา กาตพฺพา)ฯ

    23. Gantho dhammo ganthassa dhammassa adhipatipaccayena paccayo… tīṇi (ārammaṇasadisā, garukārammaṇā kātabbā).

    โนคโนฺถ ธโมฺม โนคนฺถสฺส ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติฯ อารมฺมณาธิปติ – ทานํ…เป.… สีลํ…เป.… อุโปสถกมฺมํ…เป.… ปุเพฺพ…เป.… ฌานา…เป.… อริยา มคฺคา…เป.… ผลํ…เป.… นิพฺพานํ…เป.… นิพฺพานํ โคตฺรภุสฺส, โวทานสฺส, มคฺคสฺส, ผลสฺส อธิปติปจฺจเยน ปจฺจโย; จกฺขุํ…เป.… วตฺถุํ โนคเนฺถ ขเนฺธ ครุํ กตฺวา อสฺสาเทติ อภินนฺทติ, ตํ ครุํ กตฺวา ราโค อุปฺปชฺชติ, ทิฎฺฐิ อุปฺปชฺชติฯ สหชาตาธิปติ – โนคนฺถาธิปติ สมฺปยุตฺตกานํ ขนฺธานํ จิตฺตสมุฎฺฐานานญฺจ รูปานํ อธิปติปจฺจเยน ปจฺจโยฯ (๑)

    Nogantho dhammo noganthassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ…pe… sīlaṃ…pe… uposathakammaṃ…pe… pubbe…pe… jhānā…pe… ariyā maggā…pe… phalaṃ…pe… nibbānaṃ…pe… nibbānaṃ gotrabhussa, vodānassa, maggassa, phalassa adhipatipaccayena paccayo; cakkhuṃ…pe… vatthuṃ noganthe khandhe garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. Sahajātādhipati – noganthādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)

    โนคโนฺถ ธโมฺม คนฺถสฺส ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติฯ อารมฺมณาธิปติ – ทานํ…เป.… สีลํ…เป.… อุโปสถกมฺมํ…เป.… ปุเพฺพ สุจิณฺณานิ …เป.… ฌานา…เป.… จกฺขุํ…เป.… วตฺถุํ โนคเนฺถ ขเนฺธ ครุํ กตฺวา ตํ อสฺสาเทติ อภินนฺทติ, ตํ ครุํ กตฺวา ราโค อุปฺปชฺชติ, ทิฎฺฐิ อุปฺปชฺชติฯ สหชาตาธิปติ – โนคนฺถาธิปติ คนฺถานํ อธิปติปจฺจเยน ปจฺจโยฯ (๒)

    Nogantho dhammo ganthassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ…pe… sīlaṃ…pe… uposathakammaṃ…pe… pubbe suciṇṇāni …pe… jhānā…pe… cakkhuṃ…pe… vatthuṃ noganthe khandhe garuṃ katvā taṃ assādeti abhinandati, taṃ garuṃ katvā rāgo uppajjati, diṭṭhi uppajjati. Sahajātādhipati – noganthādhipati ganthānaṃ adhipatipaccayena paccayo. (2)

    โนคโนฺถ ธโมฺม คนฺถสฺส จ โนคนฺถสฺส จ ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติฯ อารมฺมณาธิปติ – ทานํ…เป.… โนคเนฺถ ขเนฺธ ครุํ กตฺวา อสฺสาเทติ อภินนฺทติ, ตํ ครุํ กตฺวา คนฺถา จ สมฺปยุตฺตกา จ ขนฺธา อุปฺปชฺชนฺติฯ สหชาตาธิปติ – โนคนฺถาธิปติ สมฺปยุตฺตกานํ ขนฺธานํ คนฺถานญฺจ จิตฺตสมุฎฺฐานานญฺจ รูปานํ อธิปติปจฺจเยน ปจฺจโยฯ (๓)

    Nogantho dhammo ganthassa ca noganthassa ca dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ…pe… noganthe khandhe garuṃ katvā assādeti abhinandati, taṃ garuṃ katvā ganthā ca sampayuttakā ca khandhā uppajjanti. Sahajātādhipati – noganthādhipati sampayuttakānaṃ khandhānaṃ ganthānañca cittasamuṭṭhānānañca rūpānaṃ adhipatipaccayena paccayo. (3)

    ๒๔. คโนฺถ จ โนคโนฺถ จ ธมฺมา คนฺถสฺส ธมฺมสฺส อธิปติปจฺจเยน ปจฺจโย – อารมฺมณาธิปติ… ตีณิฯ

    24. Gantho ca nogantho ca dhammā ganthassa dhammassa adhipatipaccayena paccayo – ārammaṇādhipati… tīṇi.

    อนนฺตรปจฺจโย

    Anantarapaccayo

    ๒๕. คโนฺถ ธโมฺม คนฺถสฺส ธมฺมสฺส อนนฺตรปจฺจเยน ปจฺจโย – ปุริมา ปุริมา คนฺถา ปจฺฉิมานํ ปจฺฉิมานํ คนฺถานํ อนนฺตรปจฺจเยน ปจฺจโยฯ (๑)

    25. Gantho dhammo ganthassa dhammassa anantarapaccayena paccayo – purimā purimā ganthā pacchimānaṃ pacchimānaṃ ganthānaṃ anantarapaccayena paccayo. (1)

    คโนฺถ ธโมฺม โนคนฺถสฺส ธมฺมสฺส อนนฺตรปจฺจเยน ปจฺจโย – ปุริมา ปุริมา คนฺถา ปจฺฉิมานํ ปจฺฉิมานํ โนคนฺถานํ ขนฺธานํ อนนฺตรปจฺจเยน ปจฺจโย; คนฺถา วุฎฺฐานสฺส อนนฺตรปจฺจเยน ปจฺจโยฯ (๒)

    Gantho dhammo noganthassa dhammassa anantarapaccayena paccayo – purimā purimā ganthā pacchimānaṃ pacchimānaṃ noganthānaṃ khandhānaṃ anantarapaccayena paccayo; ganthā vuṭṭhānassa anantarapaccayena paccayo. (2)

    คโนฺถ ธโมฺม คนฺถสฺส จ โนคนฺถสฺส จ ธมฺมสฺส อนนฺตรปจฺจเยน ปจฺจโย – ปุริมา ปุริมา คนฺถา ปจฺฉิมานํ ปจฺฉิมานํ คนฺถานํ สมฺปยุตฺตกานญฺจ ขนฺธานํ อนนฺตรปจฺจเยน ปจฺจโยฯ (๓)

    Gantho dhammo ganthassa ca noganthassa ca dhammassa anantarapaccayena paccayo – purimā purimā ganthā pacchimānaṃ pacchimānaṃ ganthānaṃ sampayuttakānañca khandhānaṃ anantarapaccayena paccayo. (3)

    ๒๖. โนคโนฺถ ธโมฺม โนคนฺถสฺส ธมฺมสฺส อนนฺตรปจฺจเยน ปจฺจโย… ตีณิ (เทฺว อาวชฺชนา กาตพฺพา, ปฐโม นตฺถิ)ฯ

    26. Nogantho dhammo noganthassa dhammassa anantarapaccayena paccayo… tīṇi (dve āvajjanā kātabbā, paṭhamo natthi).

    คโนฺถ จ โนคโนฺถ จ ธมฺมา คนฺถสฺส ธมฺมสฺส อนนฺตรปจฺจเยน ปจฺจโย… ตีณิ (เอกมฺปิ วุฎฺฐานํ กาตพฺพํ, มเชฺฌ)ฯ

    Gantho ca nogantho ca dhammā ganthassa dhammassa anantarapaccayena paccayo… tīṇi (ekampi vuṭṭhānaṃ kātabbaṃ, majjhe).

    สมนนฺตรปจฺจยาทิ

    Samanantarapaccayādi

    ๒๗. คโนฺถ ธโมฺม คนฺถสฺส ธมฺมสฺส สมนนฺตรปจฺจเยน ปจฺจโย… นว… สหชาตปจฺจเยน ปจฺจโย… นว… อญฺญมญฺญปจฺจเยน ปจฺจโย… นว , นิสฺสยปจฺจเยน ปจฺจโย… นวฯ

    27. Gantho dhammo ganthassa dhammassa samanantarapaccayena paccayo… nava… sahajātapaccayena paccayo… nava… aññamaññapaccayena paccayo… nava , nissayapaccayena paccayo… nava.

    อุปนิสฺสยปจฺจโย

    Upanissayapaccayo

    ๒๘. คโนฺถ ธโมฺม คนฺถสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – คนฺถา คนฺถานํ อุปนิสฺสยปจฺจเยน ปจฺจโย… ตีณิฯ

    28. Gantho dhammo ganthassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – ganthā ganthānaṃ upanissayapaccayena paccayo… tīṇi.

    ๒๙. โนคโนฺถ ธโมฺม โนคนฺถสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย …เป.…ฯ ปกตูปนิสฺสโย – สทฺธํ อุปนิสฺสาย ทานํ เทติ…เป.… มานํ ชเปฺปติ, ทิฎฺฐิํ คณฺหาติ; สีลํ…เป.… เสนาสนํ อุปนิสฺสาย ทานํ เทติ…เป.… สงฺฆํ ภินฺทติ; สทฺธา…เป.… เสนาสนํ สทฺธาย…เป.… ผลสมาปตฺติยา อุปนิสฺสยปจฺจเยน ปจฺจโยฯ (๑)

    29. Nogantho dhammo noganthassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo …pe…. Pakatūpanissayo – saddhaṃ upanissāya dānaṃ deti…pe… mānaṃ jappeti, diṭṭhiṃ gaṇhāti; sīlaṃ…pe… senāsanaṃ upanissāya dānaṃ deti…pe… saṅghaṃ bhindati; saddhā…pe… senāsanaṃ saddhāya…pe… phalasamāpattiyā upanissayapaccayena paccayo. (1)

    โนคโนฺถ ธโมฺม คนฺถสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – สทฺธํ อุปนิสฺสาย ทิฎฺฐิํ คณฺหาติ; สีลํ…เป.… เสนาสนํ อุปนิสฺสาย ปาณํ หนติ…เป.… สงฺฆํ ภินฺทติ; สทฺธา…เป.… เสนาสนํ ราคสฺส…เป.… ปตฺถนาย อุปนิสฺสยปจฺจเยน ปจฺจโยฯ (๒)

    Nogantho dhammo ganthassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya diṭṭhiṃ gaṇhāti; sīlaṃ…pe… senāsanaṃ upanissāya pāṇaṃ hanati…pe… saṅghaṃ bhindati; saddhā…pe… senāsanaṃ rāgassa…pe… patthanāya upanissayapaccayena paccayo. (2)

    โนคโนฺถ ธโมฺม คนฺถสฺส จ โนคนฺถสฺส จ ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – สทฺธํ อุปนิสฺสาย มานํ ชเปฺปติ, ทิฎฺฐิํ คณฺหาติ, สีลํ…เป.… เสนาสนํ อุปนิสฺสาย ปาณํ หนติ …เป.… สงฺฆํ ภินฺทติ, สทฺธา…เป.… เสนาสนํ คนฺถานํ สมฺปยุตฺตกานญฺจ ขนฺธานํ อุปนิสฺสยปจฺจเยน ปจฺจโยฯ (๓)

    Nogantho dhammo ganthassa ca noganthassa ca dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya mānaṃ jappeti, diṭṭhiṃ gaṇhāti, sīlaṃ…pe… senāsanaṃ upanissāya pāṇaṃ hanati …pe… saṅghaṃ bhindati, saddhā…pe… senāsanaṃ ganthānaṃ sampayuttakānañca khandhānaṃ upanissayapaccayena paccayo. (3)

    คโนฺถ จ โนคโนฺถ จ ธมฺมา คนฺถสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย… ตีณิ (อารมฺมณนเยน กาตพฺพา)ฯ

    Gantho ca nogantho ca dhammā ganthassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo… tīṇi (ārammaṇanayena kātabbā).

    ปุเรชาตปจฺจยาทิ

    Purejātapaccayādi

    ๓๐. โนคโนฺถ ธโมฺม โนคนฺถสฺส ธมฺมสฺส ปุเรชาตปจฺจเยน ปจฺจโย – อารมฺมณปุเรชาตํ, วตฺถุปุเรชาตํฯ อารมฺมณปุเรชาตํ – จกฺขุํ…เป.… วตฺถุํ อนิจฺจโต…เป.… โทมนสฺสํ อุปฺปชฺชติ, ทิเพฺพน จกฺขุนา รูปํ ปสฺสติ, ทิพฺพาย โสตธาตุยา สทฺทํ สุณาติ, รูปายตนํ จกฺขุวิญฺญาณสฺส…เป.… โผฎฺฐพฺพายตนํ กายวิญฺญาณสฺส…เป.…ฯ วตฺถุปุเรชาตํ – จกฺขายตนํ จกฺขุวิญฺญาณสฺส…เป.… กายายตนํ กายวิญฺญาณสฺส…เป.… วตฺถุ โนคนฺถานํ ขนฺธานํ ปุเรชาตปจฺจเยน ปจฺจโยฯ (๑)

    30. Nogantho dhammo noganthassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ aniccato…pe… domanassaṃ uppajjati, dibbena cakkhunā rūpaṃ passati, dibbāya sotadhātuyā saddaṃ suṇāti, rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa…pe…. Vatthupurejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa…pe… vatthu noganthānaṃ khandhānaṃ purejātapaccayena paccayo. (1)

    โนคโนฺถ ธโมฺม คนฺถสฺส ธมฺมสฺส ปุเรชาตปจฺจเยน ปจฺจโย – อารมฺมณปุเรชาตํ, วตฺถุปุเรชาตํฯ อารมฺมณปุเรชาตํ – จกฺขุํ…เป.… วตฺถุํ อสฺสาเทติ อภินนฺทติ, ตํ อารพฺภ ราโค อุปฺปชฺชติ, ทิฎฺฐิ อุปฺปชฺชติ, โทมนสฺสํ อุปฺปชฺชติฯ วตฺถุปุเรชาตํ – วตฺถุ คนฺถานํ ปุเรชาตปจฺจเยน ปจฺจโยฯ (๒)

    Nogantho dhammo ganthassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ assādeti abhinandati, taṃ ārabbha rāgo uppajjati, diṭṭhi uppajjati, domanassaṃ uppajjati. Vatthupurejātaṃ – vatthu ganthānaṃ purejātapaccayena paccayo. (2)

    โนคโนฺถ ธโมฺม คนฺถสฺส จ โนคนฺถสฺส จ ธมฺมสฺส ปุเรชาตปจฺจเยน ปจฺจโย – อารมฺมณปุเรชาตํ, วตฺถุปุเรชาตํฯ อารมฺมณปุเรชาตํ – จกฺขุํ…เป.… วตฺถุํ อสฺสาเทติ อภินนฺทติ, ตํ อารพฺภ คนฺถา จ สมฺปยุตฺตกา จ ขนฺธา อุปฺปชฺชนฺติฯ วตฺถุปุเรชาตํ – วตฺถุ คนฺถานํ สมฺปยุตฺตกานญฺจ ขนฺธานํ ปุเรชาตปจฺจเยน ปจฺจโยฯ (๓)

    Nogantho dhammo ganthassa ca noganthassa ca dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ assādeti abhinandati, taṃ ārabbha ganthā ca sampayuttakā ca khandhā uppajjanti. Vatthupurejātaṃ – vatthu ganthānaṃ sampayuttakānañca khandhānaṃ purejātapaccayena paccayo. (3)

    ปจฺฉาชาตปจฺจเยน ปจฺจโย… ตีณิ, อาเสวนปจฺจเยน ปจฺจโย… นวฯ

    Pacchājātapaccayena paccayo… tīṇi, āsevanapaccayena paccayo… nava.

    กมฺมปจฺจโย

    Kammapaccayo

    ๓๑. โนคโนฺถ ธโมฺม โนคนฺถสฺส ธมฺมสฺส กมฺมปจฺจเยน ปจฺจโย – สหชาตา, นานากฺขณิกาฯ สหชาตา – โนคนฺถา เจตนา สมฺปยุตฺตกานํ ขนฺธานํ จิตฺตสมุฎฺฐานานญฺจ รูปานํ กมฺมปจฺจเยน ปจฺจโย; ปฎิสนฺธิกฺขเณ…เป.…ฯ นานากฺขณิกา – โนคนฺถา เจตนา วิปากานํ ขนฺธานํ กฎตฺตา จ รูปานํ กมฺมปจฺจเยน ปจฺจโยฯ (๑)

    31. Nogantho dhammo noganthassa dhammassa kammapaccayena paccayo – sahajātā, nānākkhaṇikā. Sahajātā – noganthā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo; paṭisandhikkhaṇe…pe…. Nānākkhaṇikā – noganthā cetanā vipākānaṃ khandhānaṃ kaṭattā ca rūpānaṃ kammapaccayena paccayo. (1)

    โนคโนฺถ ธโมฺม คนฺถสฺส ธมฺมสฺส กมฺมปจฺจเยน ปจฺจโย – โนคนฺถา เจตนา สมฺปยุตฺตกานํ คนฺถานํ กมฺมปจฺจเยน ปจฺจโยฯ (๒)

    Nogantho dhammo ganthassa dhammassa kammapaccayena paccayo – noganthā cetanā sampayuttakānaṃ ganthānaṃ kammapaccayena paccayo. (2)

    โนคโนฺถ ธโมฺม คนฺถสฺส จ โนคนฺถสฺส จ ธมฺมสฺส กมฺมปจฺจเยน ปจฺจโย – โนคนฺถา เจตนา สมฺปยุตฺตกานํ ขนฺธานํ คนฺถานญฺจ จิตฺตสมุฎฺฐานานญฺจ รูปานํ กมฺมปจฺจเยน ปจฺจโยฯ (๓)

    Nogantho dhammo ganthassa ca noganthassa ca dhammassa kammapaccayena paccayo – noganthā cetanā sampayuttakānaṃ khandhānaṃ ganthānañca cittasamuṭṭhānānañca rūpānaṃ kammapaccayena paccayo. (3)

    วิปากปจฺจยาทิ

    Vipākapaccayādi

    ๓๒. โนคโนฺถ ธโมฺม โนคนฺถสฺส ธมฺมสฺส วิปากปจฺจเยน ปจฺจโย… เอกํ… อาหารปจฺจเยน ปจฺจโย… ตีณิ… อินฺทฺริยปจฺจเยน ปจฺจโย… ตีณิ… ฌานปจฺจเยน ปจฺจโย… ตีณิ… มคฺคปจฺจเยน ปจฺจโย… นว… สมฺปยุตฺตปจฺจเยน ปจฺจโย… นวฯ

    32. Nogantho dhammo noganthassa dhammassa vipākapaccayena paccayo… ekaṃ… āhārapaccayena paccayo… tīṇi… indriyapaccayena paccayo… tīṇi… jhānapaccayena paccayo… tīṇi… maggapaccayena paccayo… nava… sampayuttapaccayena paccayo… nava.

    วิปฺปยุตฺตปจฺจโย

    Vippayuttapaccayo

    ๓๓. คโนฺถ ธโมฺม โนคนฺถสฺส ธมฺมสฺส วิปฺปยุตฺตปจฺจเยน ปจฺจโย – สหชาตํ, ปจฺฉาชาตํ (สํขิตฺตํ)ฯ (๑)

    33. Gantho dhammo noganthassa dhammassa vippayuttapaccayena paccayo – sahajātaṃ, pacchājātaṃ (saṃkhittaṃ). (1)

    โนคโนฺถ ธโมฺม โนคนฺถสฺส ธมฺมสฺส วิปฺปยุตฺตปจฺจเยน ปจฺจโย – สหชาตํ, ปุเรชาตํ, ปจฺฉาชาตํ (สํขิตฺตํ)ฯ (๑)

    Nogantho dhammo noganthassa dhammassa vippayuttapaccayena paccayo – sahajātaṃ, purejātaṃ, pacchājātaṃ (saṃkhittaṃ). (1)

    โนคโนฺถ ธโมฺม คนฺถสฺส ธมฺมสฺส วิปฺปยุตฺตปจฺจเยน ปจฺจโยฯ ปุเรชาตํ – วตฺถุ คนฺถานํ วิปฺปยุตฺตปจฺจเยน ปจฺจโยฯ (๒)

    Nogantho dhammo ganthassa dhammassa vippayuttapaccayena paccayo. Purejātaṃ – vatthu ganthānaṃ vippayuttapaccayena paccayo. (2)

    โนคโนฺถ ธโมฺม คนฺถสฺส จ โนคนฺถสฺส จ ธมฺมสฺส วิปฺปยุตฺตปจฺจเยน ปจฺจโยฯ ปุเรชาตํ – วตฺถุ คนฺถานํ สมฺปยุตฺตกานญฺจ ขนฺธานํ วิปฺปยุตฺตปจฺจเยน ปจฺจโยฯ (๓)

    Nogantho dhammo ganthassa ca noganthassa ca dhammassa vippayuttapaccayena paccayo. Purejātaṃ – vatthu ganthānaṃ sampayuttakānañca khandhānaṃ vippayuttapaccayena paccayo. (3)

    คโนฺถ จ โนคโนฺถ จ ธมฺมา โนคนฺถสฺส ธมฺมสฺส วิปฺปยุตฺตปจฺจเยน ปจฺจโย – สหชาตํ, ปจฺฉาชาตํ (สํขิตฺตํ)ฯ (๑)

    Gantho ca nogantho ca dhammā noganthassa dhammassa vippayuttapaccayena paccayo – sahajātaṃ, pacchājātaṃ (saṃkhittaṃ). (1)

    อตฺถิปจฺจโย

    Atthipaccayo

    ๓๔. คโนฺถ ธโมฺม คนฺถสฺส ธมฺมสฺส อตฺถิปจฺจเยน ปจฺจโย… เอกํ (ปฎิจฺจสทิสํ)ฯ

    34. Gantho dhammo ganthassa dhammassa atthipaccayena paccayo… ekaṃ (paṭiccasadisaṃ).

    คโนฺถ ธโมฺม โนคนฺถสฺส ธมฺมสฺส อตฺถิปจฺจเยน ปจฺจโย – สหชาตํ, ปจฺฉาชาตํฯ สหชาตา – คนฺถา สมฺปยุตฺตกานํ ขนฺธานํ จิตฺตสมุฎฺฐานานญฺจ รูปานํ อตฺถิปจฺจเยน ปจฺจโยฯ ปจฺฉาชาตา – คนฺถา ปุเรชาตสฺส อิมสฺส กายสฺส อตฺถิปจฺจเยน ปจฺจโยฯ (๒)

    Gantho dhammo noganthassa dhammassa atthipaccayena paccayo – sahajātaṃ, pacchājātaṃ. Sahajātā – ganthā sampayuttakānaṃ khandhānaṃ cittasamuṭṭhānānañca rūpānaṃ atthipaccayena paccayo. Pacchājātā – ganthā purejātassa imassa kāyassa atthipaccayena paccayo. (2)

    คโนฺถ ธโมฺม คนฺถสฺส จ โนคนฺถสฺส จ ธมฺมสฺส อตฺถิปจฺจเยน ปจฺจโย… เอกํ (ปฎิจฺจสทิสํ)ฯ (๓)

    Gantho dhammo ganthassa ca noganthassa ca dhammassa atthipaccayena paccayo… ekaṃ (paṭiccasadisaṃ). (3)

    ๓๕. โนคโนฺถ ธโมฺม โนคนฺถสฺส ธมฺมสฺส อตฺถิปจฺจเยน ปจฺจโย – สหชาตํ, ปุเรชาตํ, ปจฺฉาชาตํ, อาหารํ, อินฺทฺริยํ (สํขิตฺตํ)ฯ (๑)

    35. Nogantho dhammo noganthassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ (saṃkhittaṃ). (1)

    โนคโนฺถ ธโมฺม คนฺถสฺส ธมฺมสฺส อตฺถิปจฺจเยน ปจฺจโย – สหชาตํ, ปุเรชาตํฯ สหชาตา – โนคนฺถา ขนฺธา คนฺถานํ อตฺถิปจฺจเยน ปจฺจโยฯ ปุเรชาตํ – จกฺขุํ…เป.… วตฺถุํ อสฺสาเทติ อภินนฺทติ, ตํ อารพฺภ ราโค อุปฺปชฺชติ, ทิฎฺฐิ อุปฺปชฺชติ, โทมนสฺสํ อุปฺปชฺชติ, วตฺถุ คนฺถานํ อตฺถิปจฺจเยน ปจฺจโย ฯ (๒)

    Nogantho dhammo ganthassa dhammassa atthipaccayena paccayo – sahajātaṃ, purejātaṃ. Sahajātā – noganthā khandhā ganthānaṃ atthipaccayena paccayo. Purejātaṃ – cakkhuṃ…pe… vatthuṃ assādeti abhinandati, taṃ ārabbha rāgo uppajjati, diṭṭhi uppajjati, domanassaṃ uppajjati, vatthu ganthānaṃ atthipaccayena paccayo . (2)

    โนคโนฺถ ธโมฺม คนฺถสฺส จ โนคนฺถสฺส จ ธมฺมสฺส อตฺถิปจฺจเยน ปจฺจโย – สหชาตํ, ปุเรชาตํฯ สหชาโต – โนคโนฺถ เอโก ขโนฺธ ติณฺณนฺนํ ขนฺธานํ คนฺถานญฺจ จิตฺตสมุฎฺฐานานญฺจ รูปานํ อตฺถิปจฺจเยน ปจฺจโย…เป.…ฯ ปุเรชาตํ – จกฺขุํ…เป.… วตฺถุํ อสฺสาเทติ อภินนฺทติ , ตํ อารพฺภ คนฺถา จ สมฺปยุตฺตกา จ ขนฺธา อุปฺปชฺชนฺติ; วตฺถุ คนฺถานํ สมฺปยุตฺตกานญฺจ ขนฺธานํ อตฺถิปจฺจเยน ปจฺจโยฯ (๓)

    Nogantho dhammo ganthassa ca noganthassa ca dhammassa atthipaccayena paccayo – sahajātaṃ, purejātaṃ. Sahajāto – nogantho eko khandho tiṇṇannaṃ khandhānaṃ ganthānañca cittasamuṭṭhānānañca rūpānaṃ atthipaccayena paccayo…pe…. Purejātaṃ – cakkhuṃ…pe… vatthuṃ assādeti abhinandati , taṃ ārabbha ganthā ca sampayuttakā ca khandhā uppajjanti; vatthu ganthānaṃ sampayuttakānañca khandhānaṃ atthipaccayena paccayo. (3)

    ๓๖. คโนฺถ จ โนคโนฺถ จ ธมฺมา คนฺถสฺส ธมฺมสฺส อตฺถิปจฺจเยน ปจฺจโย – สหชาตํ, ปุเรชาตํฯ สหชาโต – สีลพฺพตปรามาโส กายคโนฺถ จ สมฺปยุตฺตกา จ ขนฺธา อภิชฺฌากายคนฺถสฺส อตฺถิปจฺจเยน ปจฺจโย (จกฺกํ)ฯ สหชาโต – สีลพฺพตปรามาโส กายคโนฺถ จ วตฺถุ จ อภิชฺฌากายคนฺถสฺส อตฺถิปจฺจเยน ปจฺจโยฯ (จกฺกํ)ฯ (๑)

    36. Gantho ca nogantho ca dhammā ganthassa dhammassa atthipaccayena paccayo – sahajātaṃ, purejātaṃ. Sahajāto – sīlabbataparāmāso kāyagantho ca sampayuttakā ca khandhā abhijjhākāyaganthassa atthipaccayena paccayo (cakkaṃ). Sahajāto – sīlabbataparāmāso kāyagantho ca vatthu ca abhijjhākāyaganthassa atthipaccayena paccayo. (Cakkaṃ). (1)

    คโนฺถ จ โนคโนฺถ จ ธมฺมา โนคนฺถสฺส ธมฺมสฺส อตฺถิปจฺจเยน ปจฺจโย – สหชาตํ, ปุเรชาตํ, ปจฺฉาชาตํ, อาหารํ, อินฺทฺริยํฯ สหชาโต – โนคโนฺถ เอโก ขโนฺธ จ คโนฺถ จ ติณฺณนฺนํ ขนฺธานํ จิตฺตสมุฎฺฐานานญฺจ รูปานํ อตฺถิปจฺจเยน ปจฺจโย…เป.… เทฺว ขนฺธา จ…เป.…ฯ สหชาตา – คนฺถา จ วตฺถุ จ โนคนฺถานํ ขนฺธานํ อตฺถิปจฺจเยน ปจฺจโยฯ สหชาตา – คนฺถา จ มหาภูตา จ จิตฺตสมุฎฺฐานานญฺจ รูปานํ อตฺถิปจฺจเยน ปจฺจโยฯ ปจฺฉาชาตา – คนฺถา จ สมฺปยุตฺตกา จ ขนฺธา ปุเรชาตสฺส อิมสฺส กายสฺส อตฺถิปจฺจเยน ปจฺจโยฯ ปจฺฉาชาตา – คนฺถา จ กพฬีกาโร อาหาโร จ อิมสฺส กายสฺส อตฺถิปจฺจเยน ปจฺจโยฯ ปจฺฉาชาตา – คนฺถา จ รูปชีวิตินฺทฺริยญฺจ กฎตฺตารูปานํ อตฺถิปจฺจเยน ปจฺจโยฯ (๒)

    Gantho ca nogantho ca dhammā noganthassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ. Sahajāto – nogantho eko khandho ca gantho ca tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… dve khandhā ca…pe…. Sahajātā – ganthā ca vatthu ca noganthānaṃ khandhānaṃ atthipaccayena paccayo. Sahajātā – ganthā ca mahābhūtā ca cittasamuṭṭhānānañca rūpānaṃ atthipaccayena paccayo. Pacchājātā – ganthā ca sampayuttakā ca khandhā purejātassa imassa kāyassa atthipaccayena paccayo. Pacchājātā – ganthā ca kabaḷīkāro āhāro ca imassa kāyassa atthipaccayena paccayo. Pacchājātā – ganthā ca rūpajīvitindriyañca kaṭattārūpānaṃ atthipaccayena paccayo. (2)

    คโนฺถ จ โนคโนฺถ จ ธมฺมา คนฺถสฺส จ โนคนฺถสฺส จ ธมฺมสฺส อตฺถิปจฺจเยน ปจฺจโย – สหชาตํ, ปุเรชาตํฯ สหชาโต – โนคโนฺถ เอโก ขโนฺธ จ สีลพฺพตปรามาโส กายคโนฺถ จ ติณฺณนฺนํ ขนฺธานํ อภิชฺฌากายคนฺถสฺส จ จิตฺตสมุฎฺฐานานญฺจ รูปานํ อตฺถิปจฺจเยน ปจฺจโย…เป.…ฯ สหชาโต – สีลพฺพตปรามาโส กายคโนฺถ จ วตฺถุ จ อภิชฺฌากายคนฺถสฺส จ สมฺปยุตฺตกานญฺจ ขนฺธานํ อตฺถิปจฺจเยน ปจฺจโย (จกฺกํ)ฯ (๓)

    Gantho ca nogantho ca dhammā ganthassa ca noganthassa ca dhammassa atthipaccayena paccayo – sahajātaṃ, purejātaṃ. Sahajāto – nogantho eko khandho ca sīlabbataparāmāso kāyagantho ca tiṇṇannaṃ khandhānaṃ abhijjhākāyaganthassa ca cittasamuṭṭhānānañca rūpānaṃ atthipaccayena paccayo…pe…. Sahajāto – sīlabbataparāmāso kāyagantho ca vatthu ca abhijjhākāyaganthassa ca sampayuttakānañca khandhānaṃ atthipaccayena paccayo (cakkaṃ). (3)

    ๑. ปจฺจยานุโลมํ

    1. Paccayānulomaṃ

    ๒. สงฺขฺยาวาโร

    2. Saṅkhyāvāro

    สุทฺธํ

    Suddhaṃ

    ๓๗. เหตุยา นว, อารมฺมเณ นว (สพฺพตฺถ นว), อุปนิสฺสเย นว, ปุเรชาเต ตีณิ, ปจฺฉาชาเต ตีณิ, อาเสวเน นว, กเมฺม ตีณิ, วิปาเก เอกํ, อาหาเร ตีณิ, อินฺทฺริเย ตีณิ, ฌาเน ตีณิ, มเคฺค นว, สมฺปยุเตฺต นว, วิปฺปยุเตฺต ปญฺจ, อตฺถิยา นว, นตฺถิยา นว, วิคเต นว, อวิคเต นวฯ

    37. Hetuyā nava, ārammaṇe nava (sabbattha nava), upanissaye nava, purejāte tīṇi, pacchājāte tīṇi, āsevane nava, kamme tīṇi, vipāke ekaṃ, āhāre tīṇi, indriye tīṇi, jhāne tīṇi, magge nava, sampayutte nava, vippayutte pañca, atthiyā nava, natthiyā nava, vigate nava, avigate nava.

    อนุโลมํฯ

    Anulomaṃ.

    ปจฺจนียุทฺธาโร

    Paccanīyuddhāro

    ๓๘. คโนฺถ ธโมฺม คนฺถสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโยฯ (๑)

    38. Gantho dhammo ganthassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)

    คโนฺถ ธโมฺม โนคนฺถสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโย… ปจฺฉาชาตปจฺจเยน ปจฺจโยฯ (๒)

    Gantho dhammo noganthassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo. (2)

    คโนฺถ ธโมฺม คนฺถสฺส จ โนคนฺถสฺส จ ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโยฯ (๓)

    Gantho dhammo ganthassa ca noganthassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (3)

    ๓๙. โนคโนฺถ ธโมฺม โนคนฺถสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโย… ปุเรชาตปจฺจเยน ปจฺจโย… ปจฺฉาชาตปจฺจเยน ปจฺจโย… กมฺมปจฺจเยน ปจฺจโย… อาหารปจฺจเยน ปจฺจโย… อินฺทฺริยปจฺจเยน ปจฺจโยฯ (๑)

    39. Nogantho dhammo noganthassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (1)

    โนคโนฺถ ธโมฺม คนฺถสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโย… ปุเรชาตปจฺจเยน ปจฺจโยฯ (๒)

    Nogantho dhammo ganthassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo. (2)

    โนคโนฺถ ธโมฺม คนฺถสฺส จ โนคนฺถสฺส จ ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโย… ปุเรชาตปจฺจเยน ปจฺจโยฯ (๓)

    Nogantho dhammo ganthassa ca noganthassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo. (3)

    ๔๐. คโนฺถ จ โนคโนฺถ จ ธมฺมา คนฺถสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโยฯ (๑)

    40. Gantho ca nogantho ca dhammā ganthassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)

    คโนฺถ จ โนคโนฺถ จ ธมฺมา โนคนฺถสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโย… ปจฺฉาชาตปจฺจเยน ปจฺจโยฯ (๒)

    Gantho ca nogantho ca dhammā noganthassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo. (2)

    คโนฺถ จ โนคโนฺถ จ ธมฺมา คนฺถสฺส จ โนคนฺถสฺส จ ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโยฯ (๓)

    Gantho ca nogantho ca dhammā ganthassa ca noganthassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (3)

    ๒. ปจฺจยปจฺจนียํ

    2. Paccayapaccanīyaṃ

    ๒. สงฺขฺยาวาโร

    2. Saṅkhyāvāro

    ๔๑. นเหตุยา นว, นอารมฺมเณ นว (สพฺพตฺถ นว), โนอวิคเต นวฯ

    41. Nahetuyā nava, naārammaṇe nava (sabbattha nava), noavigate nava.

    ๓. ปจฺจยานุโลมปจฺจนียํ

    3. Paccayānulomapaccanīyaṃ

    เหตุทุกํ

    Hetudukaṃ

    ๔๒. เหตุปจฺจยา นอารมฺมเณ นว…เป.… นสมนนฺตเร นว , นอญฺญมเญฺญ ตีณิ, นอุปนิสฺสเย นว (สพฺพตฺถ นว), นมเคฺค นว, นสมฺปยุเตฺต ตีณิ, นวิปฺปยุเตฺต นว, โนนตฺถิยา นว, โนวิคเต นวฯ

    42. Hetupaccayā naārammaṇe nava…pe… nasamanantare nava , naaññamaññe tīṇi, naupanissaye nava (sabbattha nava), namagge nava, nasampayutte tīṇi, navippayutte nava, nonatthiyā nava, novigate nava.

    ๔. ปจฺจยปจฺจนียานุโลมํ

    4. Paccayapaccanīyānulomaṃ

    ๔๓. นเหตุปจฺจยา อารมฺมเณ นว, อธิปติยา นว (อนุโลมปทานิ ปริปุณฺณานิ กาตพฺพานิ), อวิคเต นวฯ

    43. Nahetupaccayā ārammaṇe nava, adhipatiyā nava (anulomapadāni paripuṇṇāni kātabbāni), avigate nava.

    คนฺถทุกํ นิฎฺฐิตํฯ

    Ganthadukaṃ niṭṭhitaṃ.

    ๒๗. คนฺถนิยทุกํ

    27. Ganthaniyadukaṃ

    ๑-๗. วารสตฺตกํ

    1-7. Vārasattakaṃ

    ๔๔. คนฺถนิยํ ธมฺมํ ปฎิจฺจ คนฺถนิโย ธโมฺม อุปฺปชฺชติ เหตุปจฺจยา – คนฺถนิยํ เอกํ ขนฺธํ (สํขิตฺตํ)ฯ

    44. Ganthaniyaṃ dhammaṃ paṭicca ganthaniyo dhammo uppajjati hetupaccayā – ganthaniyaṃ ekaṃ khandhaṃ (saṃkhittaṃ).

    (ยถา จูฬนฺตรทุเก โลกิยทุกํ เอวํ วิภชิตพฺพํ นินฺนานากรณํฯ)

    (Yathā cūḷantaraduke lokiyadukaṃ evaṃ vibhajitabbaṃ ninnānākaraṇaṃ.)

    คนฺถนิยทุกํ นิฎฺฐิตํฯ

    Ganthaniyadukaṃ niṭṭhitaṃ.

    ๒๘. คนฺถสมฺปยุตฺตทุกํ

    28. Ganthasampayuttadukaṃ

    ๑. ปฎิจฺจวาโร

    1. Paṭiccavāro

    ๑. ปจฺจยานุโลมํ

    1. Paccayānulomaṃ

    ๑. วิภงฺควาโร

    1. Vibhaṅgavāro

    เหตุปจฺจโย

    Hetupaccayo

    ๔๕. คนฺถสมฺปยุตฺตํ ธมฺมํ ปฎิจฺจ คนฺถสมฺปยุโตฺต ธโมฺม อุปฺปชฺชติ เหตุปจฺจยา – คนฺถสมฺปยุตฺตํ เอกํ ขนฺธํ ปฎิจฺจ ตโย ขนฺธา…เป.… เทฺว ขเนฺธ…เป.…ฯ (๑)

    45. Ganthasampayuttaṃ dhammaṃ paṭicca ganthasampayutto dhammo uppajjati hetupaccayā – ganthasampayuttaṃ ekaṃ khandhaṃ paṭicca tayo khandhā…pe… dve khandhe…pe…. (1)

    คนฺถสมฺปยุตฺตํ ธมฺมํ ปฎิจฺจ คนฺถวิปฺปยุโตฺต ธโมฺม อุปฺปชฺชติ เหตุปจฺจยา – คนฺถสมฺปยุเตฺต ขเนฺธ ปฎิจฺจ จิตฺตสมุฎฺฐานํ รูปํ, ทิฎฺฐิคตวิปฺปยุตฺตโลภสหคเต ขเนฺธ ปฎิจฺจ โลโภ จิตฺตสมุฎฺฐานญฺจ รูปํ, โทมนสฺสสหคเต ขเนฺธ ปฎิจฺจ ปฎิฆํ จิตฺตสมุฎฺฐานญฺจ รูปํฯ (๒)

    Ganthasampayuttaṃ dhammaṃ paṭicca ganthavippayutto dhammo uppajjati hetupaccayā – ganthasampayutte khandhe paṭicca cittasamuṭṭhānaṃ rūpaṃ, diṭṭhigatavippayuttalobhasahagate khandhe paṭicca lobho cittasamuṭṭhānañca rūpaṃ, domanassasahagate khandhe paṭicca paṭighaṃ cittasamuṭṭhānañca rūpaṃ. (2)

    คนฺถสมฺปยุตฺตํ ธมฺมํ ปฎิจฺจ คนฺถสมฺปยุโตฺต จ คนฺถวิปฺปยุโตฺต จ ธมฺมา อุปฺปชฺชนฺติ เหตุปจฺจยา – คนฺถสมฺปยุตฺตํ เอกํ ขนฺธํ ปฎิจฺจ ตโย ขนฺธา จิตฺตสมุฎฺฐานญฺจ รูปํ…เป.… เทฺว ขเนฺธ…เป.… ทิฎฺฐิคตวิปฺปยุตฺตโลภสหคตํ เอกํ ขนฺธํ ปฎิจฺจ ตโย ขนฺธา โลโภ จ จิตฺตสมุฎฺฐานญฺจ รูปํ…เป.… เทฺว ขเนฺธ…เป.… โทมนสฺสสหคตํ เอกํ ขนฺธํ ปฎิจฺจ ตโย ขนฺธา ปฎิฆญฺจ จิตฺตสมุฎฺฐานญฺจ รูปํ…เป.… เทฺว ขเนฺธ…เป.…ฯ (๓)

    Ganthasampayuttaṃ dhammaṃ paṭicca ganthasampayutto ca ganthavippayutto ca dhammā uppajjanti hetupaccayā – ganthasampayuttaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… diṭṭhigatavippayuttalobhasahagataṃ ekaṃ khandhaṃ paṭicca tayo khandhā lobho ca cittasamuṭṭhānañca rūpaṃ…pe… dve khandhe…pe… domanassasahagataṃ ekaṃ khandhaṃ paṭicca tayo khandhā paṭighañca cittasamuṭṭhānañca rūpaṃ…pe… dve khandhe…pe…. (3)

    ๔๖. คนฺถวิปฺปยุตฺตํ ธมฺมํ ปฎิจฺจ คนฺถวิปฺปยุโตฺต ธโมฺม อุปฺปชฺชติ เหตุปจฺจยา – คนฺถวิปฺปยุตฺตํ เอกํ ขนฺธํ ปฎิจฺจ ตโย ขนฺธา จิตฺตสมุฎฺฐานญฺจ รูปํ…เป.… เทฺว ขเนฺธ…เป.… ทิฎฺฐิคตวิปฺปยุตฺตํ โลภํ ปฎิจฺจ จิตฺตสมุฎฺฐานํ รูปํ, ปฎิฆํ ปฎิจฺจ จิตฺตสมุฎฺฐานํ รูปํ; ปฎิสนฺธิกฺขเณ…เป.… ขเนฺธ ปฎิจฺจ (สํขิตฺตํ)ฯ (๑)

    46. Ganthavippayuttaṃ dhammaṃ paṭicca ganthavippayutto dhammo uppajjati hetupaccayā – ganthavippayuttaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… diṭṭhigatavippayuttaṃ lobhaṃ paṭicca cittasamuṭṭhānaṃ rūpaṃ, paṭighaṃ paṭicca cittasamuṭṭhānaṃ rūpaṃ; paṭisandhikkhaṇe…pe… khandhe paṭicca (saṃkhittaṃ). (1)

    คนฺถวิปฺปยุตฺตํ ธมฺมํ ปฎิจฺจ คนฺถสมฺปยุโตฺต ธโมฺม อุปฺปชฺชติ เหตุปจฺจยา – ทิฎฺฐิคตวิปฺปยุตฺตํ โลภํ ปฎิจฺจ สมฺปยุตฺตกา ขนฺธา, ปฎิฆํ ปฎิจฺจ สมฺปยุตฺตกา ขนฺธาฯ (๒)

    Ganthavippayuttaṃ dhammaṃ paṭicca ganthasampayutto dhammo uppajjati hetupaccayā – diṭṭhigatavippayuttaṃ lobhaṃ paṭicca sampayuttakā khandhā, paṭighaṃ paṭicca sampayuttakā khandhā. (2)

    คนฺถวิปฺปยุตฺตํ ธมฺมํ ปฎิจฺจ คนฺถสมฺปยุโตฺต จ คนฺถวิปฺปยุโตฺต จ ธมฺมา อุปฺปชฺชนฺติ เหตุปจฺจยา – ทิฎฺฐิคตวิปฺปยุตฺตํ โลภํ ปฎิจฺจ สมฺปยุตฺตกา ขนฺธา จิตฺตสมุฎฺฐานญฺจ รูปํ, ปฎิฆํ ปฎิจฺจ สมฺปยุตฺตกา ขนฺธา จิตฺตสมุฎฺฐานญฺจ รูปํฯ (๓)

    Ganthavippayuttaṃ dhammaṃ paṭicca ganthasampayutto ca ganthavippayutto ca dhammā uppajjanti hetupaccayā – diṭṭhigatavippayuttaṃ lobhaṃ paṭicca sampayuttakā khandhā cittasamuṭṭhānañca rūpaṃ, paṭighaṃ paṭicca sampayuttakā khandhā cittasamuṭṭhānañca rūpaṃ. (3)

    ๔๗. คนฺถสมฺปยุตฺตญฺจ คนฺถวิปฺปยุตฺตญฺจ ธมฺมํ ปฎิจฺจ คนฺถสมฺปยุโตฺต ธโมฺม อุปฺปชฺชติ เหตุปจฺจยา – ทิฎฺฐิคตวิปฺปยุตฺตโลภสหคตํ เอกํ ขนฺธญฺจ โลภญฺจ ปฎิจฺจ ตโย ขนฺธา…เป.… เทฺว ขเนฺธ…เป.… โทมนสฺสสหคตํ เอกํ ขนฺธญฺจ ปฎิฆญฺจ ปฎิจฺจ ตโย ขนฺธา…เป.… เทฺว ขเนฺธ…เป.…ฯ (๑)

    47. Ganthasampayuttañca ganthavippayuttañca dhammaṃ paṭicca ganthasampayutto dhammo uppajjati hetupaccayā – diṭṭhigatavippayuttalobhasahagataṃ ekaṃ khandhañca lobhañca paṭicca tayo khandhā…pe… dve khandhe…pe… domanassasahagataṃ ekaṃ khandhañca paṭighañca paṭicca tayo khandhā…pe… dve khandhe…pe…. (1)

    คนฺถสมฺปยุตฺตญฺจ คนฺถวิปฺปยุตฺตญฺจ ธมฺมํ ปฎิจฺจ คนฺถวิปฺปยุโตฺต ธโมฺม อุปฺปชฺชติ เหตุปจฺจยา – คนฺถสมฺปยุเตฺต ขเนฺธ จ มหาภูเต จ ปฎิจฺจ จิตฺตสมุฎฺฐานํ รูปํ, ทิฎฺฐิคตวิปฺปยุตฺตโลภสหคเต ขเนฺธ จ โลภญฺจ ปฎิจฺจ จิตฺตสมุฎฺฐานํ รูปํ, โทมนสฺสสหคเต ขเนฺธ จ ปฎิฆญฺจ ปฎิจฺจ จิตฺตสมุฎฺฐานํ รูปํฯ (๒)

    Ganthasampayuttañca ganthavippayuttañca dhammaṃ paṭicca ganthavippayutto dhammo uppajjati hetupaccayā – ganthasampayutte khandhe ca mahābhūte ca paṭicca cittasamuṭṭhānaṃ rūpaṃ, diṭṭhigatavippayuttalobhasahagate khandhe ca lobhañca paṭicca cittasamuṭṭhānaṃ rūpaṃ, domanassasahagate khandhe ca paṭighañca paṭicca cittasamuṭṭhānaṃ rūpaṃ. (2)

    คนฺถสมฺปยุตฺตญฺจ คนฺถวิปฺปยุตฺตญฺจ ธมฺมํ ปฎิจฺจ คนฺถสมฺปยุโตฺต จ คนฺถวิปฺปยุโตฺต จ ธมฺมา อุปฺปชฺชนฺติ เหตุปจฺจยา – ทิฎฺฐิคตวิปฺปยุตฺตโลภสหคตํ เอกํ ขนฺธญฺจ โลภญฺจ ปฎิจฺจ ตโย ขนฺธา จิตฺตสมุฎฺฐานญฺจ รูปํ…เป.… เทฺว ขเนฺธ…เป.… โทมนสฺสสหคตํ เอกํ ขนฺธญฺจ ปฎิฆญฺจ ปฎิจฺจ ตโย ขนฺธา จิตฺตสมุฎฺฐานญฺจ รูปํ…เป.… เทฺว ขเนฺธ…เป.…ฯ (๓)

    Ganthasampayuttañca ganthavippayuttañca dhammaṃ paṭicca ganthasampayutto ca ganthavippayutto ca dhammā uppajjanti hetupaccayā – diṭṭhigatavippayuttalobhasahagataṃ ekaṃ khandhañca lobhañca paṭicca tayo khandhā cittasamuṭṭhānañca rūpaṃ…pe… dve khandhe…pe… domanassasahagataṃ ekaṃ khandhañca paṭighañca paṭicca tayo khandhā cittasamuṭṭhānañca rūpaṃ…pe… dve khandhe…pe…. (3)

    อารมฺมณปจฺจโย

    Ārammaṇapaccayo

    ๔๘. คนฺถสมฺปยุตฺตํ ธมฺมํ ปฎิจฺจ คนฺถสมฺปยุโตฺต ธโมฺม อุปฺปชฺชติ อารมฺมณปจฺจยา – คนฺถสมฺปยุตฺตํ เอกํ ขนฺธํ ปฎิจฺจ ตโย ขนฺธา…เป.… เทฺว ขเนฺธ…เป.…ฯ (๑)

    48. Ganthasampayuttaṃ dhammaṃ paṭicca ganthasampayutto dhammo uppajjati ārammaṇapaccayā – ganthasampayuttaṃ ekaṃ khandhaṃ paṭicca tayo khandhā…pe… dve khandhe…pe…. (1)

    คนฺถสมฺปยุตฺตํ ธมฺมํ ปฎิจฺจ คนฺถวิปฺปยุโตฺต ธโมฺม อุปฺปชฺชติ อารมฺมณปจฺจยา – ทิฎฺฐิคตวิปฺปยุตฺตโลภสหคเต ขเนฺธ ปฎิจฺจ โลโภ, โทมนสฺสสหคเต ขเนฺธ ปฎิจฺจ ปฎิฆํฯ (๒)

    Ganthasampayuttaṃ dhammaṃ paṭicca ganthavippayutto dhammo uppajjati ārammaṇapaccayā – diṭṭhigatavippayuttalobhasahagate khandhe paṭicca lobho, domanassasahagate khandhe paṭicca paṭighaṃ. (2)

    คนฺถสมฺปยุตฺตํ ธมฺมํ ปฎิจฺจ คนฺถสมฺปยุโตฺต จ คนฺถวิปฺปยุโตฺต จ ธมฺมา อุปฺปชฺชนฺติ อารมฺมณปจฺจยา – ทิฎฺฐิคตวิปฺปยุตฺตโลภสหคตํ เอกํ ขนฺธํ ปฎิจฺจ ตโย ขนฺธา โลโภ จ…เป.… เทฺว ขเนฺธ…เป.… โทมนสฺสสหคตํ เอกํ ขนฺธํ ปฎิจฺจ ตโย ขนฺธา ปฎิฆญฺจ…เป.… เทฺว ขเนฺธ…เป.…ฯ (๓)

    Ganthasampayuttaṃ dhammaṃ paṭicca ganthasampayutto ca ganthavippayutto ca dhammā uppajjanti ārammaṇapaccayā – diṭṭhigatavippayuttalobhasahagataṃ ekaṃ khandhaṃ paṭicca tayo khandhā lobho ca…pe… dve khandhe…pe… domanassasahagataṃ ekaṃ khandhaṃ paṭicca tayo khandhā paṭighañca…pe… dve khandhe…pe…. (3)

    ๔๙. คนฺถวิปฺปยุตฺตํ ธมฺมํ ปฎิจฺจ คนฺถวิปฺปยุโตฺต ธโมฺม อุปฺปชฺชติ อารมฺมณปจฺจยา – คนฺถวิปฺปยุตฺตํ เอกํ ขนฺธํ ปฎิจฺจ ตโย ขนฺธา…เป.… เทฺว ขเนฺธ…เป.… ปฎิสนฺธิกฺขเณ…เป.… วตฺถุํ ปฎิจฺจ ขนฺธาฯ (๑)

    49. Ganthavippayuttaṃ dhammaṃ paṭicca ganthavippayutto dhammo uppajjati ārammaṇapaccayā – ganthavippayuttaṃ ekaṃ khandhaṃ paṭicca tayo khandhā…pe… dve khandhe…pe… paṭisandhikkhaṇe…pe… vatthuṃ paṭicca khandhā. (1)

    คนฺถวิปฺปยุตฺตํ ธมฺมํ ปฎิจฺจ คนฺถสมฺปยุโตฺต ธโมฺม อุปฺปชฺชติ อารมฺมณปจฺจยา – ทิฎฺฐิคตวิปฺปยุตฺตํ โลภํ ปฎิจฺจ สมฺปยุตฺตกา ขนฺธา, ปฎิฆํ ปฎิจฺจ สมฺปยุตฺตกา ขนฺธาฯ (๒)

    Ganthavippayuttaṃ dhammaṃ paṭicca ganthasampayutto dhammo uppajjati ārammaṇapaccayā – diṭṭhigatavippayuttaṃ lobhaṃ paṭicca sampayuttakā khandhā, paṭighaṃ paṭicca sampayuttakā khandhā. (2)

    คนฺถสมฺปยุตฺตญฺจ คนฺถวิปฺปยุตฺตญฺจ ธมฺมํ ปฎิจฺจ คนฺถสมฺปยุโตฺต ธโมฺม อุปฺปชฺชติ อารมฺมณปจฺจยา – ทิฎฺฐิคตวิปฺปยุตฺตโลภสหคตํ เอกํ ขนฺธญฺจ โลภญฺจ ปฎิจฺจ ตโย ขนฺธา…เป.… เทฺว ขเนฺธ…เป.… โทมนสฺสสหคตํ เอกํ ขนฺธญฺจ ปฎิฆญฺจ ปฎิจฺจ ตโย ขนฺธา…เป.… เทฺว ขเนฺธ…เป.… (สํขิตฺตํ)ฯ (๑)

    Ganthasampayuttañca ganthavippayuttañca dhammaṃ paṭicca ganthasampayutto dhammo uppajjati ārammaṇapaccayā – diṭṭhigatavippayuttalobhasahagataṃ ekaṃ khandhañca lobhañca paṭicca tayo khandhā…pe… dve khandhe…pe… domanassasahagataṃ ekaṃ khandhañca paṭighañca paṭicca tayo khandhā…pe… dve khandhe…pe… (saṃkhittaṃ). (1)

    ๑. ปจฺจยานุโลมํ

    1. Paccayānulomaṃ

    ๒. สงฺขฺยาวาโร

    2. Saṅkhyāvāro

    สุทฺธํ

    Suddhaṃ

    ๕๐. เหตุยา นว, อารมฺมเณ ฉ, อธิปติยา นว, อนนฺตเร ฉ, สมนนฺตเร ฉ, สหชาเต นว, อญฺญมเญฺญ ฉ, นิสฺสเย นว, อุปนิสฺสเย ฉ, ปุเรชาเต ฉ, อาเสวเน ฉ, กเมฺม นว, วิปาเก เอกํ, อาหาเร นว, อินฺทฺริเย นว, ฌาเน นว, มเคฺค นว, สมฺปยุเตฺต ฉ, วิปฺปยุเตฺต นว, อตฺถิยา นว, นตฺถิยา ฉ, วิคเต ฉ, อวิคเต นวฯ

    50. Hetuyā nava, ārammaṇe cha, adhipatiyā nava, anantare cha, samanantare cha, sahajāte nava, aññamaññe cha, nissaye nava, upanissaye cha, purejāte cha, āsevane cha, kamme nava, vipāke ekaṃ, āhāre nava, indriye nava, jhāne nava, magge nava, sampayutte cha, vippayutte nava, atthiyā nava, natthiyā cha, vigate cha, avigate nava.

    อนุโลมํฯ

    Anulomaṃ.

    ๒. ปจฺจยปจฺจนียํ

    2. Paccayapaccanīyaṃ

    ๑. วิภงฺควาโร

    1. Vibhaṅgavāro

    นเหตุปจฺจโย

    Nahetupaccayo

    ๕๑. คนฺถวิปฺปยุตฺตํ ธมฺมํ ปฎิจฺจ คนฺถวิปฺปยุโตฺต ธโมฺม อุปฺปชฺชติ นเหตุปจฺจยา – อเหตุกํ คนฺถวิปฺปยุตฺตํ เอกํ ขนฺธํ ปฎิจฺจ ตโย ขนฺธา จิตฺตสมุฎฺฐานญฺจ รูปํ…เป.… เทฺว ขเนฺธ…เป.… อเหตุกปฎิสนฺธิกฺขเณ…เป.… (ยาว อสญฺญสตฺตา) วิจิกิจฺฉาสหคเต อุทฺธจฺจสหคเต ขเนฺธ ปฎิจฺจ วิจิกิจฺฉาสหคโต อุทฺธจฺจสหคโต โมโห (สํขิตฺตํ)ฯ (๑)

    51. Ganthavippayuttaṃ dhammaṃ paṭicca ganthavippayutto dhammo uppajjati nahetupaccayā – ahetukaṃ ganthavippayuttaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe…pe… (yāva asaññasattā) vicikicchāsahagate uddhaccasahagate khandhe paṭicca vicikicchāsahagato uddhaccasahagato moho (saṃkhittaṃ). (1)

    ๒. ปจฺจยปจฺจนียํ

    2. Paccayapaccanīyaṃ

    ๒. สงฺขฺยาวาโร

    2. Saṅkhyāvāro

    สุทฺธํ

    Suddhaṃ

    ๕๒. นเหตุยา เอกํ, นอารมฺมเณ ตีณิ, นอธิปติยา นว, นอนนฺตเร ตีณิ, นสมนนฺตเร ตีณิ, นอญฺญมเญฺญ ตีณิ, นอุปนิสฺสเย ตีณิ, นปุเรชาเต สตฺต (นปุเรชาเต วิภชเนฺตน อรูปํ ปฐมํ กาตพฺพํ , รูปํ ยตฺถ ลพฺภติ ปจฺฉา กาตพฺพํ, ปฎิฆญฺจ อรูเป นตฺถิ), นปจฺฉาชาเต นว, นอาเสวเน นว, นกเมฺม จตฺตาริ, นวิปาเก นว, นอาหาเร เอกํ, นอินฺทฺริเย เอกํ, นฌาเน เอกํ, นมเคฺค เอกํ, นสมฺปยุเตฺต ตีณิ, นวิปฺปยุเตฺต ฉ, โนนตฺถิยา ตีณิ, โนวิคเต ตีณิฯ

    52. Nahetuyā ekaṃ, naārammaṇe tīṇi, naadhipatiyā nava, naanantare tīṇi, nasamanantare tīṇi, naaññamaññe tīṇi, naupanissaye tīṇi, napurejāte satta (napurejāte vibhajantena arūpaṃ paṭhamaṃ kātabbaṃ , rūpaṃ yattha labbhati pacchā kātabbaṃ, paṭighañca arūpe natthi), napacchājāte nava, naāsevane nava, nakamme cattāri, navipāke nava, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte tīṇi, navippayutte cha, nonatthiyā tīṇi, novigate tīṇi.

    ๓. ปจฺจยานุโลมปจฺจนียํ

    3. Paccayānulomapaccanīyaṃ

    ๕๓. เหตุปจฺจยา นอารมฺมเณ ตีณิ, นอธิปติยา นว (เอวํ คเณตพฺพํ, สํขิตฺตํ), โนวิคเต ตีณิฯ

    53. Hetupaccayā naārammaṇe tīṇi, naadhipatiyā nava (evaṃ gaṇetabbaṃ, saṃkhittaṃ), novigate tīṇi.

    ๔. ปจฺจยปจฺจนียานุโลมํ

    4. Paccayapaccanīyānulomaṃ

    ๕๔. นเหตุปจฺจยา อารมฺมเณ เอกํ…เป.… อวิคเต เอกํฯ

    54. Nahetupaccayā ārammaṇe ekaṃ…pe… avigate ekaṃ.

    ๒. สหชาตวาโร

    2. Sahajātavāro

    (สหชาตวาโรปิ เอวํ กาตโพฺพฯ)

    (Sahajātavāropi evaṃ kātabbo.)

    ๓. ปจฺจยวาโร

    3. Paccayavāro

    ๑. ปจฺจยานุโลมํ

    1. Paccayānulomaṃ

    ๑. วิภงฺควาโร

    1. Vibhaṅgavāro

    เหตุปจฺจโย

    Hetupaccayo

    ๕๕. คนฺถสมฺปยุตฺตํ ธมฺมํ ปจฺจยา คนฺถสมฺปยุโตฺต ธโมฺม อุปฺปชฺชติ เหตุปจฺจยา… ตีณิ (ปฎิจฺจสทิสา)ฯ

    55. Ganthasampayuttaṃ dhammaṃ paccayā ganthasampayutto dhammo uppajjati hetupaccayā… tīṇi (paṭiccasadisā).

    คนฺถวิปฺปยุตฺตํ ธมฺมํ ปจฺจยา คนฺถวิปฺปยุโตฺต ธโมฺม อุปฺปชฺชติ เหตุปจฺจยา – คนฺถวิปฺปยุตฺตํ เอกํ ขนฺธํ ปจฺจยา…เป.… ปฎิสนฺธิกฺขเณ…เป.… ขเนฺธ ปจฺจยา วตฺถุ, วตฺถุํ ปจฺจยา ขนฺธา, เอกํ มหาภูตํ…เป.… วตฺถุํ ปจฺจยา คนฺถวิปฺปยุตฺตา ขนฺธาฯ (๑)

    Ganthavippayuttaṃ dhammaṃ paccayā ganthavippayutto dhammo uppajjati hetupaccayā – ganthavippayuttaṃ ekaṃ khandhaṃ paccayā…pe… paṭisandhikkhaṇe…pe… khandhe paccayā vatthu, vatthuṃ paccayā khandhā, ekaṃ mahābhūtaṃ…pe… vatthuṃ paccayā ganthavippayuttā khandhā. (1)

    คนฺถวิปฺปยุตฺตํ ธมฺมํ ปจฺจยา คนฺถสมฺปยุโตฺต ธโมฺม อุปฺปชฺชติ เหตุปจฺจยา – วตฺถุํ ปจฺจยา คนฺถสมฺปยุตฺตกา ขนฺธา, ทิฎฺฐิคตวิปฺปยุตฺตํ โลภํ ปจฺจยา สมฺปยุตฺตกา ขนฺธา, ปฎิฆํ ปจฺจยา สมฺปยุตฺตกา ขนฺธาฯ (๒)

    Ganthavippayuttaṃ dhammaṃ paccayā ganthasampayutto dhammo uppajjati hetupaccayā – vatthuṃ paccayā ganthasampayuttakā khandhā, diṭṭhigatavippayuttaṃ lobhaṃ paccayā sampayuttakā khandhā, paṭighaṃ paccayā sampayuttakā khandhā. (2)

    คนฺถวิปฺปยุตฺตํ ธมฺมํ ปจฺจยา คนฺถสมฺปยุโตฺต จ คนฺถวิปฺปยุโตฺต จ ธมฺมา อุปฺปชฺชนฺติ เหตุปจฺจยา – วตฺถุํ ปจฺจยา คนฺถสมฺปยุตฺตกา ขนฺธา, มหาภูเต ปจฺจยา จิตฺตสมุฎฺฐานํ รูปํ, ทิฎฺฐิคตวิปฺปยุตฺตํ โลภํ ปจฺจยา สมฺปยุตฺตกา ขนฺธา จิตฺตสมุฎฺฐานญฺจ รูปํ, ปฎิฆํ ปจฺจยา สมฺปยุตฺตกา ขนฺธา จิตฺตสมุฎฺฐานญฺจ รูปํ, วตฺถุํ ปจฺจยา ทิฎฺฐิคตวิปฺปยุตฺตโลภสหคตา ขนฺธา จ โลโภ จ, วตฺถุํ ปจฺจยา โทมนสฺสสหคตา ขนฺธา จ ปฎิฆญฺจฯ (๓)

    Ganthavippayuttaṃ dhammaṃ paccayā ganthasampayutto ca ganthavippayutto ca dhammā uppajjanti hetupaccayā – vatthuṃ paccayā ganthasampayuttakā khandhā, mahābhūte paccayā cittasamuṭṭhānaṃ rūpaṃ, diṭṭhigatavippayuttaṃ lobhaṃ paccayā sampayuttakā khandhā cittasamuṭṭhānañca rūpaṃ, paṭighaṃ paccayā sampayuttakā khandhā cittasamuṭṭhānañca rūpaṃ, vatthuṃ paccayā diṭṭhigatavippayuttalobhasahagatā khandhā ca lobho ca, vatthuṃ paccayā domanassasahagatā khandhā ca paṭighañca. (3)

    ๕๖. คนฺถสมฺปยุตฺตญฺจ คนฺถวิปฺปยุตฺตญฺจ ธมฺมํ ปจฺจยา คนฺถสมฺปยุโตฺต ธโมฺม อุปฺปชฺชติ เหตุปจฺจยา – คนฺถสมฺปยุตฺตํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป.… เทฺว ขเนฺธ…เป.… ทิฎฺฐิคตวิปฺปยุตฺตโลภสหคตํ เอกํ ขนฺธญฺจ วตฺถุญฺจ โลภญฺจ ปจฺจยา ตโย ขนฺธา …เป.… เทฺว ขเนฺธ…เป.… โทมนสฺสสหคตํ เอกํ ขนฺธญฺจ วตฺถุญฺจ ปฎิฆญฺจ ปจฺจยา ตโย ขนฺธา…เป.… เทฺว ขเนฺธ…เป.…ฯ (๑)

    56. Ganthasampayuttañca ganthavippayuttañca dhammaṃ paccayā ganthasampayutto dhammo uppajjati hetupaccayā – ganthasampayuttaṃ ekaṃ khandhañca vatthuñca paccayā tayo khandhā…pe… dve khandhe…pe… diṭṭhigatavippayuttalobhasahagataṃ ekaṃ khandhañca vatthuñca lobhañca paccayā tayo khandhā …pe… dve khandhe…pe… domanassasahagataṃ ekaṃ khandhañca vatthuñca paṭighañca paccayā tayo khandhā…pe… dve khandhe…pe…. (1)

    คนฺถสมฺปยุตฺตญฺจ คนฺถวิปฺปยุตฺตญฺจ ธมฺมํ ปจฺจยา คนฺถวิปฺปยุโตฺต ธโมฺม อุปฺปชฺชติ เหตุปจฺจยา – คนฺถสมฺปยุเตฺต ขเนฺธ จ มหาภูเต จ ปจฺจยา จิตฺตสมุฎฺฐานํ รูปํ, ทิฎฺฐิคตวิปฺปยุตฺตโลภสหคเต ขเนฺธ จ โลภญฺจ ปจฺจยา จิตฺตสมุฎฺฐานํ รูปํ, โทมนสฺสสหคเต ขเนฺธ จ ปฎิฆญฺจ ปจฺจยา จิตฺตสมุฎฺฐานํ รูปํ, ทิฎฺฐิคตวิปฺปยุตฺตโลภสหคเต ขเนฺธ จ วตฺถุญฺจ ปจฺจยา โลโภ, โทมนสฺสสหคเต ขเนฺธ จ วตฺถุญฺจ ปจฺจยา ปฎิฆํฯ (๒)

    Ganthasampayuttañca ganthavippayuttañca dhammaṃ paccayā ganthavippayutto dhammo uppajjati hetupaccayā – ganthasampayutte khandhe ca mahābhūte ca paccayā cittasamuṭṭhānaṃ rūpaṃ, diṭṭhigatavippayuttalobhasahagate khandhe ca lobhañca paccayā cittasamuṭṭhānaṃ rūpaṃ, domanassasahagate khandhe ca paṭighañca paccayā cittasamuṭṭhānaṃ rūpaṃ, diṭṭhigatavippayuttalobhasahagate khandhe ca vatthuñca paccayā lobho, domanassasahagate khandhe ca vatthuñca paccayā paṭighaṃ. (2)

    คนฺถสมฺปยุตฺตญฺจ คนฺถวิปฺปยุตฺตญฺจ ธมฺมํ ปจฺจยา คนฺถสมฺปยุโตฺต จ คนฺถวิปฺปยุโตฺต จ ธมฺมา อุปฺปชฺชนฺติ เหตุปจฺจยา – คนฺถสมฺปยุตฺตํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป.… เทฺว ขเนฺธ…เป.… คนฺถสมฺปยุเตฺต ขเนฺธ จ มหาภูเต จ ปจฺจยา จิตฺตสมุฎฺฐานํ รูปํ, ทิฎฺฐิคตวิปฺปยุตฺตโลภสหคตํ เอกํ ขนฺธญฺจ โลภญฺจ ปจฺจยา ตโย ขนฺธา จิตฺตสมุฎฺฐานญฺจ รูปํ…เป.… เทฺว ขเนฺธ…เป.… โทมนสฺสสหคตํ เอกํ ขนฺธญฺจ ปฎิฆญฺจ ปจฺจยา ตโย ขนฺธา จิตฺตสมุฎฺฐานญฺจ รูปํ…เป.… เทฺว ขเนฺธ…เป.… ทิฎฺฐิคตวิปฺปยุตฺตโลภสหคตํ เอกํ ขนฺธญฺจ วตฺถุญฺจ ปจฺจยา ตโย ขนฺธา โลโภ จ…เป.… เทฺว ขเนฺธ…เป.… โทมนสฺสสหคตํ เอกํ ขนฺธญฺจ วตฺถุญฺจ ปจฺจยา ตโย ขนฺธา ปฎิฆญฺจ…เป.… เทฺว ขเนฺธ…เป.… (สํขิตฺตํ)ฯ (๓)

    Ganthasampayuttañca ganthavippayuttañca dhammaṃ paccayā ganthasampayutto ca ganthavippayutto ca dhammā uppajjanti hetupaccayā – ganthasampayuttaṃ ekaṃ khandhañca vatthuñca paccayā tayo khandhā…pe… dve khandhe…pe… ganthasampayutte khandhe ca mahābhūte ca paccayā cittasamuṭṭhānaṃ rūpaṃ, diṭṭhigatavippayuttalobhasahagataṃ ekaṃ khandhañca lobhañca paccayā tayo khandhā cittasamuṭṭhānañca rūpaṃ…pe… dve khandhe…pe… domanassasahagataṃ ekaṃ khandhañca paṭighañca paccayā tayo khandhā cittasamuṭṭhānañca rūpaṃ…pe… dve khandhe…pe… diṭṭhigatavippayuttalobhasahagataṃ ekaṃ khandhañca vatthuñca paccayā tayo khandhā lobho ca…pe… dve khandhe…pe… domanassasahagataṃ ekaṃ khandhañca vatthuñca paccayā tayo khandhā paṭighañca…pe… dve khandhe…pe… (saṃkhittaṃ). (3)

    ๑. ปจฺจยานุโลมํ

    1. Paccayānulomaṃ

    ๒. สงฺขฺยาวาโร

    2. Saṅkhyāvāro

    สุทฺธํ

    Suddhaṃ

    ๕๗. เหตุยา นว, อารมฺมเณ นว, อธิปติยา นว, อนนฺตเร นว, สมนนฺตเร นว (สพฺพตฺถ นว), วิปาเก เอกํ, อาหาเร นว…เป.… อวิคเต นวฯ

    57. Hetuyā nava, ārammaṇe nava, adhipatiyā nava, anantare nava, samanantare nava (sabbattha nava), vipāke ekaṃ, āhāre nava…pe… avigate nava.

    อนุโลมํฯ

    Anulomaṃ.

    ๒. ปจฺจยปจฺจนียํ

    2. Paccayapaccanīyaṃ

    ๑. วิภงฺควาโร

    1. Vibhaṅgavāro

    นเหตุปจฺจโย

    Nahetupaccayo

    ๕๘. คนฺถวิปฺปยุตฺตํ ธมฺมํ ปจฺจยา คนฺถวิปฺปยุโตฺต ธโมฺม อุปฺปชฺชติ นเหตุปจฺจยา – อเหตุกํ คนฺถวิปฺปยุตฺตํ…เป.… อเหตุกปฎิสนฺธิกฺขเณ (ยาว อสญฺญสตฺตา), จกฺขายตนํ ปจฺจยา จกฺขุวิญฺญาณํ…เป.… กายายตนํ ปจฺจยา กายวิญฺญาณํ, วตฺถุํ ปจฺจยา อเหตุกา คนฺถวิปฺปยุตฺตา ขนฺธา, วิจิกิจฺฉาสหคเต อุทฺธจฺจสหคเต ขเนฺธ จ วตฺถุญฺจ ปจฺจยา วิจิกิจฺฉาสหคโต อุทฺธจฺจสหคโต โมโห (สํขิตฺตํ)ฯ

    58. Ganthavippayuttaṃ dhammaṃ paccayā ganthavippayutto dhammo uppajjati nahetupaccayā – ahetukaṃ ganthavippayuttaṃ…pe… ahetukapaṭisandhikkhaṇe (yāva asaññasattā), cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ, vatthuṃ paccayā ahetukā ganthavippayuttā khandhā, vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho (saṃkhittaṃ).

    ๒. ปจฺจยปจฺจนียํ

    2. Paccayapaccanīyaṃ

    ๒. สงฺขฺยาวาโร

    2. Saṅkhyāvāro

    สุทฺธํ

    Suddhaṃ

    ๕๙. นเหตุยา เอกํ, นอารมฺมเณ ตีณิ, นอธิปติยา นว, นอนนฺตเร ตีณิ…เป.… นอุปนิสฺสเย ตีณิ, นปุเรชาเต สตฺต, นปจฺฉาชาเต นว, นอาเสวเน นว, นกเมฺม จตฺตาริ, นวิปาเก นว, นอาหาเร เอกํ, นอินฺทฺริเย เอกํ, นฌาเน เอกํ, นมเคฺค เอกํ, นสมฺปยุเตฺต ตีณิ, นวิปฺปยุเตฺต ฉ, โนนตฺถิยา ตีณิ, โนวิคเต ตีณิฯ

    59. Nahetuyā ekaṃ, naārammaṇe tīṇi, naadhipatiyā nava, naanantare tīṇi…pe… naupanissaye tīṇi, napurejāte satta, napacchājāte nava, naāsevane nava, nakamme cattāri, navipāke nava, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte tīṇi, navippayutte cha, nonatthiyā tīṇi, novigate tīṇi.

    ๓. ปจฺจยานุโลมปจฺจนียํ

    3. Paccayānulomapaccanīyaṃ

    ๖๐. เหตุปจฺจยา นอารมฺมเณ ตีณิ, นอธิปติยา นว (เอวํ คเณตพฺพํ)ฯ

    60. Hetupaccayā naārammaṇe tīṇi, naadhipatiyā nava (evaṃ gaṇetabbaṃ).

    ๔. ปจฺจยปจฺจนียานุโลมํ

    4. Paccayapaccanīyānulomaṃ

    ๖๑. นเหตุปจฺจยา อารมฺมเณ เอกํ…เป.… อวิคเต เอกํฯ

    61. Nahetupaccayā ārammaṇe ekaṃ…pe… avigate ekaṃ.

    ๔. นิสฺสยวาโร

    4. Nissayavāro

    (นิสฺสยวาโร ปจฺจยวารสทิโส)ฯ

    (Nissayavāro paccayavārasadiso).

    ๕. สํสฎฺฐวาโร

    5. Saṃsaṭṭhavāro

    ๑. ปจฺจยานุโลมํ

    1. Paccayānulomaṃ

    ๑. วิภงฺควาโร

    1. Vibhaṅgavāro

    เหตุปจฺจโย

    Hetupaccayo

    ๖๒. คนฺถสมฺปยุตฺตํ ธมฺมํ สํสโฎฺฐ คนฺถสมฺปยุโตฺต ธโมฺม อุปฺปชฺชติ เหตุปจฺจยา – คนฺถสมฺปยุตฺตํ เอกํ ขนฺธํ สํสฎฺฐา ตโย ขนฺธา…เป.… เทฺว ขเนฺธ…เป.…ฯ (๑)

    62. Ganthasampayuttaṃ dhammaṃ saṃsaṭṭho ganthasampayutto dhammo uppajjati hetupaccayā – ganthasampayuttaṃ ekaṃ khandhaṃ saṃsaṭṭhā tayo khandhā…pe… dve khandhe…pe…. (1)

    คนฺถสมฺปยุตฺตํ ธมฺมํ สํสโฎฺฐ คนฺถวิปฺปยุโตฺต ธโมฺม อุปฺปชฺชติ เหตุปจฺจยา – ทิฎฺฐิคตวิปฺปยุตฺตโลภสหคเต ขเนฺธ สํสโฎฺฐ โลโภ, โทมนสฺสสหคเต ขเนฺธ สํสฎฺฐํ ปฎิฆํฯ (๒)

    Ganthasampayuttaṃ dhammaṃ saṃsaṭṭho ganthavippayutto dhammo uppajjati hetupaccayā – diṭṭhigatavippayuttalobhasahagate khandhe saṃsaṭṭho lobho, domanassasahagate khandhe saṃsaṭṭhaṃ paṭighaṃ. (2)

    คนฺถสมฺปยุตฺตํ ธมฺมํ สํสโฎฺฐ คนฺถสมฺปยุโตฺต จ คนฺถวิปฺปยุโตฺต จ ธมฺมา อุปฺปชฺชนฺติ เหตุปจฺจยา – ทิฎฺฐิคตวิปฺปยุตฺตโลภสหคตํ เอกํ ขนฺธํ สํสฎฺฐา ตโย ขนฺธา โลโภ จ…เป.… เทฺว ขเนฺธ…เป.… โทมนสฺสสหคตํ เอกํ ขนฺธํ สํสฎฺฐา ตโย ขนฺธา ปฎิฆญฺจ…เป.… เทฺว ขเนฺธ…เป.…ฯ (๓)

    Ganthasampayuttaṃ dhammaṃ saṃsaṭṭho ganthasampayutto ca ganthavippayutto ca dhammā uppajjanti hetupaccayā – diṭṭhigatavippayuttalobhasahagataṃ ekaṃ khandhaṃ saṃsaṭṭhā tayo khandhā lobho ca…pe… dve khandhe…pe… domanassasahagataṃ ekaṃ khandhaṃ saṃsaṭṭhā tayo khandhā paṭighañca…pe… dve khandhe…pe…. (3)

    ๖๓. คนฺถวิปฺปยุตฺตํ ธมฺมํ สํสโฎฺฐ คนฺถวิปฺปยุโตฺต ธโมฺม อุปฺปชฺชติ เหตุปจฺจยา – คนฺถวิปฺปยุตฺตํ เอกํ ขนฺธํ สํสฎฺฐา ตโย ขนฺธา…เป.… เทฺว ขเนฺธ…เป.… ปฎิสนฺธิกฺขเณ…เป.…ฯ (๑)

    63. Ganthavippayuttaṃ dhammaṃ saṃsaṭṭho ganthavippayutto dhammo uppajjati hetupaccayā – ganthavippayuttaṃ ekaṃ khandhaṃ saṃsaṭṭhā tayo khandhā…pe… dve khandhe…pe… paṭisandhikkhaṇe…pe…. (1)

    คนฺถวิปฺปยุตฺตํ ธมฺมํ สํสโฎฺฐ คนฺถสมฺปยุโตฺต ธโมฺม อุปฺปชฺชติ เหตุปจฺจยา – ทิฎฺฐิคตวิปฺปยุตฺตํ โลภํ สํสฎฺฐา สมฺปยุตฺตกา ขนฺธา, ปฎิฆํ สํสฎฺฐา สมฺปยุตฺตกา ขนฺธาฯ (๒)

    Ganthavippayuttaṃ dhammaṃ saṃsaṭṭho ganthasampayutto dhammo uppajjati hetupaccayā – diṭṭhigatavippayuttaṃ lobhaṃ saṃsaṭṭhā sampayuttakā khandhā, paṭighaṃ saṃsaṭṭhā sampayuttakā khandhā. (2)

    คนฺถสมฺปยุตฺตญฺจ คนฺถวิปฺปยุตฺตญฺจ ธมฺมํ สํสโฎฺฐ คนฺถสมฺปยุโตฺต ธโมฺม อุปฺปชฺชติ เหตุปจฺจยา – ทิฎฺฐิคตวิปฺปยุตฺตํ โลภสหคตํ เอกํ ขนฺธญฺจ โลภญฺจ สํสฎฺฐา ตโย ขนฺธา…เป.… เทฺว ขเนฺธ…เป.… โทมนสฺสสหคตํ เอกํ ขนฺธญฺจ ปฎิฆญฺจ สํสฎฺฐา ตโย ขนฺธา…เป.… เทฺว ขเนฺธ…เป.… (สํขิตฺตํ)ฯ

    Ganthasampayuttañca ganthavippayuttañca dhammaṃ saṃsaṭṭho ganthasampayutto dhammo uppajjati hetupaccayā – diṭṭhigatavippayuttaṃ lobhasahagataṃ ekaṃ khandhañca lobhañca saṃsaṭṭhā tayo khandhā…pe… dve khandhe…pe… domanassasahagataṃ ekaṃ khandhañca paṭighañca saṃsaṭṭhā tayo khandhā…pe… dve khandhe…pe… (saṃkhittaṃ).

    ๑. ปจฺจยานุโลมํ

    1. Paccayānulomaṃ

    ๒. สงฺขฺยาวาโร

    2. Saṅkhyāvāro

    ๖๔. เหตุยา ฉ, อารมฺมเณ ฉ, อธิปติยา ฉ (สพฺพตฺถ ฉ), วิปาเก เอกํ, อาหาเร ฉ…เป.… อวิคเต ฉฯ

    64. Hetuyā cha, ārammaṇe cha, adhipatiyā cha (sabbattha cha), vipāke ekaṃ, āhāre cha…pe… avigate cha.

    อนุโลมํฯ

    Anulomaṃ.

    ๒. ปจฺจยปจฺจนียํ

    2. Paccayapaccanīyaṃ

    ๑. วิภงฺควาโร

    1. Vibhaṅgavāro

    นเหตุปจฺจโย

    Nahetupaccayo

    ๖๕. คนฺถวิปฺปยุตฺตํ ธมฺมํ สํสโฎฺฐ คนฺถวิปฺปยุโตฺต ธโมฺม อุปฺปชฺชติ นเหตุปจฺจยา – อเหตุกํ คนฺถวิปฺปยุตฺตํ…เป.… อเหตุกปฎิสนฺธิกฺขเณ…เป.… วิจิกิจฺฉาสหคเต อุทฺธจฺจสหคเต ขเนฺธ สํสโฎฺฐ วิจิกิจฺฉาสหคโต อุทฺธจฺจสหคโต โมโห (สํขิตฺตํ)ฯ

    65. Ganthavippayuttaṃ dhammaṃ saṃsaṭṭho ganthavippayutto dhammo uppajjati nahetupaccayā – ahetukaṃ ganthavippayuttaṃ…pe… ahetukapaṭisandhikkhaṇe…pe… vicikicchāsahagate uddhaccasahagate khandhe saṃsaṭṭho vicikicchāsahagato uddhaccasahagato moho (saṃkhittaṃ).

    ๒. ปจฺจยปจฺจนียํ

    2. Paccayapaccanīyaṃ

    ๒. สงฺขฺยาวาโร

    2. Saṅkhyāvāro

    ๖๖. นเหตุยา เอกํ, นอธิปติยา ฉ, นปุเรชาเต ฉ, นปจฺฉาชาเต ฉ, นอาเสวเน ฉ, นกเมฺม จตฺตาริ, นวิปาเก ฉ, นฌาเน เอกํ, นมเคฺค เอกํ, นวิปฺปยุเตฺต ฉฯ

    66. Nahetuyā ekaṃ, naadhipatiyā cha, napurejāte cha, napacchājāte cha, naāsevane cha, nakamme cattāri, navipāke cha, najhāne ekaṃ, namagge ekaṃ, navippayutte cha.

    ๓. ปจฺจยานุโลมปจฺจนียํ

    3. Paccayānulomapaccanīyaṃ

    ๖๗. เหตุปจฺจยา นอธิปติยา ฉ, นปุเรชาเต ฉ, นปจฺฉาชาเต ฉ, นอาเสวเน ฉ, นกเมฺม จตฺตาริ, นวิปาเก ฉ, นวิปฺปยุเตฺต ฉฯ

    67. Hetupaccayā naadhipatiyā cha, napurejāte cha, napacchājāte cha, naāsevane cha, nakamme cattāri, navipāke cha, navippayutte cha.

    ๔. ปจฺจยปจฺจนียานุโลมํ

    4. Paccayapaccanīyānulomaṃ

    ๖๘. นเหตุปจฺจยา อารมฺมเณ เอกํ, อนนฺตเร เอกํ…เป.… อวิคเต เอกํฯ

    68. Nahetupaccayā ārammaṇe ekaṃ, anantare ekaṃ…pe… avigate ekaṃ.

    ๖. สมฺปยุตฺตวาโร

    6. Sampayuttavāro

    (สมฺปยุตฺตวาโร สํสฎฺฐวารสทิโส)ฯ

    (Sampayuttavāro saṃsaṭṭhavārasadiso).

    ๗. ปญฺหาวาโร

    7. Pañhāvāro

    ๑. ปจฺจยานุโลมํ

    1. Paccayānulomaṃ

    ๑. วิภงฺควาโร

    1. Vibhaṅgavāro

    เหตุปจฺจโย

    Hetupaccayo

    ๖๙. คนฺถสมฺปยุโตฺต ธโมฺม คนฺถสมฺปยุตฺตสฺส ธมฺมสฺส เหตุปจฺจเยน ปจฺจโย – คนฺถสมฺปยุตฺตา เหตู สมฺปยุตฺตกานํ ขนฺธานํ เหตุปจฺจเยน ปจฺจโยฯ (๑)

    69. Ganthasampayutto dhammo ganthasampayuttassa dhammassa hetupaccayena paccayo – ganthasampayuttā hetū sampayuttakānaṃ khandhānaṃ hetupaccayena paccayo. (1)

    คนฺถสมฺปยุโตฺต ธโมฺม คนฺถวิปฺปยุตฺตสฺส ธมฺมสฺส เหตุปจฺจเยน ปจฺจโย – คนฺถสมฺปยุตฺตา เหตู จิตฺตสมุฎฺฐานานํ รูปานํ เหตุปจฺจเยน ปจฺจโย; ทิฎฺฐิคตวิปฺปยุตฺตโลภสหคโต เหตุ โลภสฺส จิตฺตสมุฎฺฐานานญฺจ รูปานํ เหตุปจฺจเยน ปจฺจโย; โทมนสฺสสหคโต เหตุ ปฎิฆสฺส จิตฺตสมุฎฺฐานานญฺจ รูปานํ เหตุปจฺจเยน ปจฺจโยฯ (๒)

    Ganthasampayutto dhammo ganthavippayuttassa dhammassa hetupaccayena paccayo – ganthasampayuttā hetū cittasamuṭṭhānānaṃ rūpānaṃ hetupaccayena paccayo; diṭṭhigatavippayuttalobhasahagato hetu lobhassa cittasamuṭṭhānānañca rūpānaṃ hetupaccayena paccayo; domanassasahagato hetu paṭighassa cittasamuṭṭhānānañca rūpānaṃ hetupaccayena paccayo. (2)

    คนฺถสมฺปยุโตฺต ธโมฺม คนฺถสมฺปยุตฺตสฺส จ คนฺถวิปฺปยุตฺตสฺส จ ธมฺมสฺส เหตุปจฺจเยน ปจฺจโย – คนฺถสมฺปยุตฺตา เหตู สมฺปยุตฺตกานํ ขนฺธานํ จิตฺตสมุฎฺฐานานญฺจ รูปานํ เหตุปจฺจเยน ปจฺจโย; ทิฎฺฐิคตวิปฺปยุตฺตโลภสหคโต เหตุ สมฺปยุตฺตกานํ ขนฺธานํ โลภสฺส จ จิตฺตสมุฎฺฐานานญฺจ รูปานํ เหตุปจฺจเยน ปจฺจโย; โทมนสฺสสหคโต เหตุ สมฺปยุตฺตกานํ ขนฺธานํ ปฎิฆสฺส จ จิตฺตสมุฎฺฐานานญฺจ รูปานํ เหตุปจฺจเยน ปจฺจโยฯ (๓)

    Ganthasampayutto dhammo ganthasampayuttassa ca ganthavippayuttassa ca dhammassa hetupaccayena paccayo – ganthasampayuttā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo; diṭṭhigatavippayuttalobhasahagato hetu sampayuttakānaṃ khandhānaṃ lobhassa ca cittasamuṭṭhānānañca rūpānaṃ hetupaccayena paccayo; domanassasahagato hetu sampayuttakānaṃ khandhānaṃ paṭighassa ca cittasamuṭṭhānānañca rūpānaṃ hetupaccayena paccayo. (3)

    ๗๐. คนฺถวิปฺปยุโตฺต ธโมฺม คนฺถวิปฺปยุตฺตสฺส ธมฺมสฺส เหตุปจฺจเยน ปจฺจโย – คนฺถวิปฺปยุตฺตา เหตู สมฺปยุตฺตกานํ ขนฺธานํ จิตฺตสมุฎฺฐานานญฺจ รูปานํ เหตุปจฺจเยน ปจฺจโย; ทิฎฺฐิคตวิปฺปยุโตฺต โลโภ จิตฺตสมุฎฺฐานานํ รูปานํ เหตุปจฺจเยน ปจฺจโย; ปฎิฆํ จิตฺตสมุฎฺฐานานํ รูปานํ เหตุปจฺจเยน ปจฺจโย; ปฎิสนฺธิกฺขเณ…เป.…ฯ (๑)

    70. Ganthavippayutto dhammo ganthavippayuttassa dhammassa hetupaccayena paccayo – ganthavippayuttā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo; diṭṭhigatavippayutto lobho cittasamuṭṭhānānaṃ rūpānaṃ hetupaccayena paccayo; paṭighaṃ cittasamuṭṭhānānaṃ rūpānaṃ hetupaccayena paccayo; paṭisandhikkhaṇe…pe…. (1)

    คนฺถวิปฺปยุโตฺต ธโมฺม คนฺถสมฺปยุตฺตสฺส ธมฺมสฺส เหตุปจฺจเยน ปจฺจโย – ทิฎฺฐิคตวิปฺปยุโตฺต โลโภ สมฺปยุตฺตกานํ ขนฺธานํ เหตุปจฺจเยน ปจฺจโย; ปฎิฆํ สมฺปยุตฺตกานํ ขนฺธานํ เหตุปจฺจเยน ปจฺจโยฯ (๒)

    Ganthavippayutto dhammo ganthasampayuttassa dhammassa hetupaccayena paccayo – diṭṭhigatavippayutto lobho sampayuttakānaṃ khandhānaṃ hetupaccayena paccayo; paṭighaṃ sampayuttakānaṃ khandhānaṃ hetupaccayena paccayo. (2)

    คนฺถวิปฺปยุโตฺต ธโมฺม คนฺถสมฺปยุตฺตสฺส จ คนฺถวิปฺปยุตฺตสฺส จ ธมฺมสฺส เหตุปจฺจเยน ปจฺจโย – ทิฎฺฐิคตวิปฺปยุโตฺต โลโภ สมฺปยุตฺตกานํ ขนฺธานํ จิตฺตสมุฎฺฐานานญฺจ รูปานํ เหตุปจฺจเยน ปจฺจโย; ปฎิฆํ สมฺปยุตฺตกานํ ขนฺธานํ จิตฺตสมุฎฺฐานานญฺจ รูปานํ เหตุปจฺจเยน ปจฺจโยฯ (๓)

    Ganthavippayutto dhammo ganthasampayuttassa ca ganthavippayuttassa ca dhammassa hetupaccayena paccayo – diṭṭhigatavippayutto lobho sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo; paṭighaṃ sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (3)

    ๗๑. คนฺถสมฺปยุโตฺต จ คนฺถวิปฺปยุโตฺต จ ธมฺมา คนฺถสมฺปยุตฺตสฺส ธมฺมสฺส เหตุปจฺจเยน ปจฺจโย – ทิฎฺฐิคตวิปฺปยุตฺตโลภสหคโต เหตุ จ โลโภ จ สมฺปยุตฺตกานํ ขนฺธานํ เหตุปจฺจเยน ปจฺจโย; โทมนสฺสสหคโต เหตุ จ ปฎิฆญฺจ สมฺปยุตฺตกานํ ขนฺธานํ เหตุปจฺจเยน ปจฺจโยฯ (๑)

    71. Ganthasampayutto ca ganthavippayutto ca dhammā ganthasampayuttassa dhammassa hetupaccayena paccayo – diṭṭhigatavippayuttalobhasahagato hetu ca lobho ca sampayuttakānaṃ khandhānaṃ hetupaccayena paccayo; domanassasahagato hetu ca paṭighañca sampayuttakānaṃ khandhānaṃ hetupaccayena paccayo. (1)

    คนฺถสมฺปยุโตฺต จ คนฺถวิปฺปยุโตฺต จ ธมฺมา คนฺถวิปฺปยุตฺตสฺส ธมฺมสฺส เหตุปจฺจเยน ปจฺจโย – ทิฎฺฐิคตวิปฺปยุตฺตโลภสหคโต เหตุ จ โลโภ จ จิตฺตสมุฎฺฐานานํ รูปานํ เหตุปจฺจเยน ปจฺจโย; โทมนสฺสสหคโต เหตุ จ ปฎิฆญฺจ จิตฺตสมุฎฺฐานานํ รูปานํ เหตุปจฺจเยน ปจฺจโยฯ (๒)

    Ganthasampayutto ca ganthavippayutto ca dhammā ganthavippayuttassa dhammassa hetupaccayena paccayo – diṭṭhigatavippayuttalobhasahagato hetu ca lobho ca cittasamuṭṭhānānaṃ rūpānaṃ hetupaccayena paccayo; domanassasahagato hetu ca paṭighañca cittasamuṭṭhānānaṃ rūpānaṃ hetupaccayena paccayo. (2)

    คนฺถสมฺปยุโตฺต จ คนฺถวิปฺปยุโตฺต จ ธมฺมา คนฺถสมฺปยุตฺตสฺส จ คนฺถวิปฺปยุตฺตสฺส จ ธมฺมสฺส เหตุปจฺจเยน ปจฺจโย – ทิฎฺฐิคตวิปฺปยุตฺตโลภสหคโต เหตุ จ โลโภ จ สมฺปยุตฺตกานํ ขนฺธานํ จิตฺตสมุฎฺฐานานญฺจ รูปานํ เหตุปจฺจเยน ปจฺจโย; โทมนสฺสสหคโต เหตุ จ ปฎิฆญฺจ สมฺปยุตฺตกานํ ขนฺธานํ จิตฺตสมุฎฺฐานานญฺจ รูปานํ เหตุปจฺจเยน ปจฺจโยฯ (๓)

    Ganthasampayutto ca ganthavippayutto ca dhammā ganthasampayuttassa ca ganthavippayuttassa ca dhammassa hetupaccayena paccayo – diṭṭhigatavippayuttalobhasahagato hetu ca lobho ca sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo; domanassasahagato hetu ca paṭighañca sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (3)

    อารมฺมณปจฺจโย

    Ārammaṇapaccayo

    ๗๒. คนฺถสมฺปยุโตฺต ธโมฺม คนฺถสมฺปยุตฺตสฺส ธมฺมสฺส อารมฺมณปจฺจเยน ปจฺจโย – คนฺถสมฺปยุเตฺต ขเนฺธ อารพฺภ คนฺถสมฺปยุตฺตกา ขนฺธา อุปฺปชฺชนฺติ ฯ (ตีสุปิ มูลา ปุจฺฉิตพฺพา) คนฺถสมฺปยุเตฺต ขเนฺธ อารพฺภ คนฺถวิปฺปยุตฺตา ขนฺธา อุปฺปชฺชนฺติ, คนฺถสมฺปยุเตฺต ขเนฺธ อารพฺภ ทิฎฺฐิคตวิปฺปยุตฺตโลภสหคตา ขนฺธา จ โลโภ จ อุปฺปชฺชนฺติ, โทมนสฺสสหคตา ขนฺธา จ ปฎิฆญฺจ อุปฺปชฺชนฺติฯ (๓)

    72. Ganthasampayutto dhammo ganthasampayuttassa dhammassa ārammaṇapaccayena paccayo – ganthasampayutte khandhe ārabbha ganthasampayuttakā khandhā uppajjanti . (Tīsupi mūlā pucchitabbā) ganthasampayutte khandhe ārabbha ganthavippayuttā khandhā uppajjanti, ganthasampayutte khandhe ārabbha diṭṭhigatavippayuttalobhasahagatā khandhā ca lobho ca uppajjanti, domanassasahagatā khandhā ca paṭighañca uppajjanti. (3)

    ๗๓. คนฺถวิปฺปยุโตฺต ธโมฺม คนฺถวิปฺปยุตฺตสฺส ธมฺมสฺส อารมฺมณปจฺจเยน ปจฺจโย – ทานํ ทตฺวา สีลํ…เป.… อุโปสถกมฺมํ กตฺวา ตํ ปจฺจเวกฺขติ, ปุเพฺพ สุจิณฺณานิ ปจฺจเวกฺขติ, ฌานา วุฎฺฐหิตฺวา ฌานํ ปจฺจเวกฺขติ, อริยา มคฺคา วุฎฺฐหิตฺวา มคฺคํ ปจฺจเวกฺขนฺติ, ผลํ ปจฺจเวกฺขนฺติ, นิพฺพานํ ปจฺจเวกฺขนฺติ, นิพฺพานํ โคตฺรภุสฺส, โวทานสฺส, มคฺคสฺส, ผลสฺส, อาวชฺชนาย อารมฺมณปจฺจเยน ปจฺจโย; อริยา คนฺถวิปฺปยุเตฺต ปหีเน กิเลเส ปจฺจเวกฺขนฺติ, วิกฺขมฺภิเต กิเลเส ปจฺจเวกฺขนฺติ, ปุเพฺพ สมุทาจิเณฺณ กิเลเส ชานนฺติ, จกฺขุํ…เป.… วตฺถุํ คนฺถวิปฺปยุเตฺต ขเนฺธ จ โลภญฺจ ปฎิฆญฺจ อนิจฺจโต…เป.… วิปสฺสติ, อสฺสาเทติ อภินนฺทติ , ตํ อารพฺภ คนฺถวิปฺปยุโตฺต ราโค อุปฺปชฺชติ, วิจิกิจฺฉา…เป.… อุทฺธจฺจํ…เป.… โทมนสฺสํ อุปฺปชฺชติ, ทิเพฺพน จกฺขุนา รูปํ ปสฺสติ, ทิพฺพาย โสตธาตุยา สทฺทํ สุณาติ, เจโตปริยญาเณน คนฺถวิปฺปยุตฺตจิตฺตสมงฺคิสฺส จิตฺตํ ชานาติ, อากาสานญฺจายตนํ วิญฺญาณญฺจายตนสฺส…เป.… อากิญฺจญฺญายตนํ เนวสญฺญานาสญฺญายตนสฺส…เป.… รูปายตนํ จกฺขุวิญฺญาณสฺส…เป.… โผฎฺฐพฺพายตนํ กายวิญฺญาณสฺส…เป.… คนฺถวิปฺปยุตฺตา ขนฺธา อิทฺธิวิธญาณสฺส, เจโตปริยญาณสฺส, ปุเพฺพนิวาสานุสฺสติญาณสฺส, ยถากมฺมูปคญาณสฺส, อนาคตํสญาณสฺส, อาวชฺชนาย อารมฺมณปจฺจเยน ปจฺจโยฯ (๑)

    73. Ganthavippayutto dhammo ganthavippayuttassa dhammassa ārammaṇapaccayena paccayo – dānaṃ datvā sīlaṃ…pe… uposathakammaṃ katvā taṃ paccavekkhati, pubbe suciṇṇāni paccavekkhati, jhānā vuṭṭhahitvā jhānaṃ paccavekkhati, ariyā maggā vuṭṭhahitvā maggaṃ paccavekkhanti, phalaṃ paccavekkhanti, nibbānaṃ paccavekkhanti, nibbānaṃ gotrabhussa, vodānassa, maggassa, phalassa, āvajjanāya ārammaṇapaccayena paccayo; ariyā ganthavippayutte pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti, cakkhuṃ…pe… vatthuṃ ganthavippayutte khandhe ca lobhañca paṭighañca aniccato…pe… vipassati, assādeti abhinandati , taṃ ārabbha ganthavippayutto rāgo uppajjati, vicikicchā…pe… uddhaccaṃ…pe… domanassaṃ uppajjati, dibbena cakkhunā rūpaṃ passati, dibbāya sotadhātuyā saddaṃ suṇāti, cetopariyañāṇena ganthavippayuttacittasamaṅgissa cittaṃ jānāti, ākāsānañcāyatanaṃ viññāṇañcāyatanassa…pe… ākiñcaññāyatanaṃ nevasaññānāsaññāyatanassa…pe… rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa…pe… ganthavippayuttā khandhā iddhividhañāṇassa, cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (1)

    คนฺถวิปฺปยุโตฺต ธโมฺม คนฺถสมฺปยุตฺตสฺส ธมฺมสฺส อารมฺมณปจฺจเยน ปจฺจโย – ทานํ ทตฺวา สีลํ…เป.… อุโปสถกมฺมํ…เป.… ปุเพฺพ…เป.… ฌานา…เป.… ตํ อสฺสาเทติ อภินนฺทติ, ตํ อารพฺภ คนฺถสมฺปยุโตฺต ราโค อุปฺปชฺชติ… ทิฎฺฐิ อุปฺปชฺชติ… โทมนสฺสํ อุปฺปชฺชติ (สํขิตฺตํ)ฯ (๒)

    Ganthavippayutto dhammo ganthasampayuttassa dhammassa ārammaṇapaccayena paccayo – dānaṃ datvā sīlaṃ…pe… uposathakammaṃ…pe… pubbe…pe… jhānā…pe… taṃ assādeti abhinandati, taṃ ārabbha ganthasampayutto rāgo uppajjati… diṭṭhi uppajjati… domanassaṃ uppajjati (saṃkhittaṃ). (2)

    คนฺถวิปฺปยุโตฺต ธโมฺม คนฺถสมฺปยุตฺตสฺส จ คนฺถวิปฺปยุตฺตสฺส จ ธมฺมสฺส อารมฺมณปจฺจเยน ปจฺจโย – จกฺขุํ…เป.… วตฺถุํ คนฺถวิปฺปยุเตฺต ขเนฺธ จ โลภญฺจ ปฎิฆญฺจ อารพฺภ ทิฎฺฐิคตวิปฺปยุตฺตโลภสหคตา ขนฺธา จ โลโภ จ โทมนสฺสสหคตา ขนฺธา จ ปฎิฆญฺจ อุปฺปชฺชนฺติฯ (๓)

    Ganthavippayutto dhammo ganthasampayuttassa ca ganthavippayuttassa ca dhammassa ārammaṇapaccayena paccayo – cakkhuṃ…pe… vatthuṃ ganthavippayutte khandhe ca lobhañca paṭighañca ārabbha diṭṭhigatavippayuttalobhasahagatā khandhā ca lobho ca domanassasahagatā khandhā ca paṭighañca uppajjanti. (3)

    ๗๔. คนฺถสมฺปยุโตฺต จ คนฺถวิปฺปยุโตฺต จ ธมฺมา คนฺถสมฺปยุตฺตสฺส ธมฺมสฺส อารมฺมณปจฺจเยน ปจฺจโย – ทิฎฺฐิคตวิปฺปยุตฺตโลภสหคเต ขเนฺธ จ โลภญฺจ โทมนสฺสสหคเต ขเนฺธ จ ปฎิฆญฺจ อารพฺภ คนฺถสมฺปยุตฺตกา ขนฺธา อุปฺปชฺชนฺติฯ (มูลํ ปุจฺฉิตพฺพํ) ทิฎฺฐิคตวิปฺปยุตฺตโลภสหคเต ขเนฺธ จ โลภญฺจ โทมนสฺสสหคเต ขเนฺธ จ ปฎิฆญฺจ อารพฺภ คนฺถวิปฺปยุตฺตา ขนฺธา อุปฺปชฺชนฺติ, ทิฎฺฐิคตวิปฺปยุตฺตโลภสหคเต ขเนฺธ จ โลภญฺจ โทมนสฺสสหคเต ขเนฺธ จ ปฎิฆญฺจ อารพฺภ ทิฎฺฐิคตวิปฺปยุตฺตโลภสหคตา ขนฺธา จ โลโภ จ โทมนสฺสสหคตา ขนฺธา จ ปฎิฆญฺจ อุปฺปชฺชนฺติฯ (๓)

    74. Ganthasampayutto ca ganthavippayutto ca dhammā ganthasampayuttassa dhammassa ārammaṇapaccayena paccayo – diṭṭhigatavippayuttalobhasahagate khandhe ca lobhañca domanassasahagate khandhe ca paṭighañca ārabbha ganthasampayuttakā khandhā uppajjanti. (Mūlaṃ pucchitabbaṃ) diṭṭhigatavippayuttalobhasahagate khandhe ca lobhañca domanassasahagate khandhe ca paṭighañca ārabbha ganthavippayuttā khandhā uppajjanti, diṭṭhigatavippayuttalobhasahagate khandhe ca lobhañca domanassasahagate khandhe ca paṭighañca ārabbha diṭṭhigatavippayuttalobhasahagatā khandhā ca lobho ca domanassasahagatā khandhā ca paṭighañca uppajjanti. (3)

    อธิปติปจฺจโย

    Adhipatipaccayo

    ๗๕. คนฺถสมฺปยุโตฺต ธโมฺม คนฺถสมฺปยุตฺตสฺส ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติฯ อารมฺมณาธิปติ – คนฺถสมฺปยุเตฺต ขเนฺธ ครุํ กตฺวา คนฺถสมฺปยุตฺตกา ขนฺธา อุปฺปชฺชนฺติฯ สหชาตาธิปติ – คนฺถสมฺปยุตฺตาธิปติ สมฺปยุตฺตกานํ ขนฺธานํ อธิปติปจฺจเยน ปจฺจโยฯ (๑)

    75. Ganthasampayutto dhammo ganthasampayuttassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – ganthasampayutte khandhe garuṃ katvā ganthasampayuttakā khandhā uppajjanti. Sahajātādhipati – ganthasampayuttādhipati sampayuttakānaṃ khandhānaṃ adhipatipaccayena paccayo. (1)

    คนฺถสมฺปยุโตฺต ธโมฺม คนฺถวิปฺปยุตฺตสฺส ธมฺมสฺส อธิปติปจฺจเยน ปจฺจโย – อารมฺมณาธิปติ , สหชาตาธิปติฯ อารมฺมณาธิปติ – คนฺถสมฺปยุเตฺต ขเนฺธ ครุํ กตฺวา ทิฎฺฐิคตวิปฺปยุโตฺต โลโภ อุปฺปชฺชติฯ สหชาตาธิปติ – คนฺถสมฺปยุตฺตาธิปติ จิตฺตสมุฎฺฐานานํ รูปานํ อธิปติปจฺจเยน ปจฺจโย; ทิฎฺฐิคตวิปฺปยุตฺตโลภสหคตาธิปติ โลภสฺส จ จิตฺตสมุฎฺฐานานญฺจ รูปานํ อธิปติปจฺจเยน ปจฺจโย; โทมนสฺสสหคตาธิปติ ปฎิฆสฺส จ จิตฺตสมุฎฺฐานานญฺจ รูปานํ อธิปติปจฺจเยน ปจฺจโยฯ (๒)

    Ganthasampayutto dhammo ganthavippayuttassa dhammassa adhipatipaccayena paccayo – ārammaṇādhipati , sahajātādhipati. Ārammaṇādhipati – ganthasampayutte khandhe garuṃ katvā diṭṭhigatavippayutto lobho uppajjati. Sahajātādhipati – ganthasampayuttādhipati cittasamuṭṭhānānaṃ rūpānaṃ adhipatipaccayena paccayo; diṭṭhigatavippayuttalobhasahagatādhipati lobhassa ca cittasamuṭṭhānānañca rūpānaṃ adhipatipaccayena paccayo; domanassasahagatādhipati paṭighassa ca cittasamuṭṭhānānañca rūpānaṃ adhipatipaccayena paccayo. (2)

    คนฺถสมฺปยุโตฺต ธโมฺม คนฺถสมฺปยุตฺตสฺส จ คนฺถวิปฺปยุตฺตสฺส จ ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติฯ อารมฺมณาธิปติ – คนฺถสมฺปยุเตฺต ขเนฺธ ครุํ กตฺวา ทิฎฺฐิคตวิปฺปยุตฺตโลภสหคตา ขนฺธา จ โลโภ จ อุปฺปชฺชนฺติฯ สหชาตาธิปติ – ทิฎฺฐิคตวิปฺปยุตฺตโลภสหคตาธิปติ สมฺปยุตฺตกานํ ขนฺธานํ โลภสฺส จ จิตฺตสมุฎฺฐานานญฺจ รูปานํ อธิปติปจฺจเยน ปจฺจโย; โทมนสฺสสหคตาธิปติ สมฺปยุตฺตกานํ ขนฺธานํ ปฎิฆสฺส จ จิตฺตสมุฎฺฐานานญฺจ รูปานํ อธิปติปจฺจเยน ปจฺจโยฯ(๓)

    Ganthasampayutto dhammo ganthasampayuttassa ca ganthavippayuttassa ca dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – ganthasampayutte khandhe garuṃ katvā diṭṭhigatavippayuttalobhasahagatā khandhā ca lobho ca uppajjanti. Sahajātādhipati – diṭṭhigatavippayuttalobhasahagatādhipati sampayuttakānaṃ khandhānaṃ lobhassa ca cittasamuṭṭhānānañca rūpānaṃ adhipatipaccayena paccayo; domanassasahagatādhipati sampayuttakānaṃ khandhānaṃ paṭighassa ca cittasamuṭṭhānānañca rūpānaṃ adhipatipaccayena paccayo.(3)

    ๗๖. คนฺถวิปฺปยุโตฺต ธโมฺม คนฺถวิปฺปยุตฺตสฺส ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติฯ อารมฺมณาธิปติ – ทานํ…เป.… สีลํ…เป.… อุโปสถกมฺมํ กตฺวา ตํ ครุํ กตฺวา ปจฺจเวกฺขติ, ปุเพฺพ สุจิณฺณานิ ครุํ กตฺวา ปจฺจเวกฺขติ, ฌานา วุฎฺฐหิตฺวา ฌานํ ครุํ กตฺวา ปจฺจเวกฺขติ, อริยา มคฺคา วุฎฺฐหิตฺวา มคฺคํ ครุํ กตฺวา ปจฺจเวกฺขนฺติ, ผลา วุฎฺฐหิตฺวา ผลํ ครุํ กตฺวา ปจฺจเวกฺขนฺติ , นิพฺพานํ ครุํ กตฺวา ปจฺจเวกฺขนฺติ, นิพฺพานํ โคตฺรภุสฺส, โวทานสฺส, มคฺคสฺส, ผลสฺส อธิปติปจฺจเยน ปจฺจโย; จกฺขุํ…เป.… วตฺถุํ คนฺถวิปฺปยุเตฺต ขเนฺธ จ โลภญฺจ ครุํ กตฺวา อสฺสาเทติ อภินนฺทติ, ตํ ครุํ กตฺวา คนฺถวิปฺปยุโตฺต ราโค อุปฺปชฺชติฯ สหชาตาธิปติ – คนฺถวิปฺปยุตฺตาธิปติ สมฺปยุตฺตกานํ ขนฺธานํ จิตฺตสมุฎฺฐานานญฺจ รูปานํ อธิปติปจฺจเยน ปจฺจโยฯ (๑)

    76. Ganthavippayutto dhammo ganthavippayuttassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ…pe… sīlaṃ…pe… uposathakammaṃ katvā taṃ garuṃ katvā paccavekkhati, pubbe suciṇṇāni garuṃ katvā paccavekkhati, jhānā vuṭṭhahitvā jhānaṃ garuṃ katvā paccavekkhati, ariyā maggā vuṭṭhahitvā maggaṃ garuṃ katvā paccavekkhanti, phalā vuṭṭhahitvā phalaṃ garuṃ katvā paccavekkhanti , nibbānaṃ garuṃ katvā paccavekkhanti, nibbānaṃ gotrabhussa, vodānassa, maggassa, phalassa adhipatipaccayena paccayo; cakkhuṃ…pe… vatthuṃ ganthavippayutte khandhe ca lobhañca garuṃ katvā assādeti abhinandati, taṃ garuṃ katvā ganthavippayutto rāgo uppajjati. Sahajātādhipati – ganthavippayuttādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)

    คนฺถวิปฺปยุโตฺต ธโมฺม คนฺถสมฺปยุตฺตสฺส ธมฺมสฺส อธิปติปจฺจเยน ปจฺจโยฯ อารมฺมณาธิปติ – ทานํ…เป.… สีลํ…เป.… อุโปสถกมฺมํ…เป.… ปุเพฺพ สุจิณฺณานิ…เป.… ฌานา วุฎฺฐหิตฺวา ฌานํ…เป.… จกฺขุํ…เป.… วตฺถุํ คนฺถวิปฺปยุเตฺต ขเนฺธ จ โลภญฺจ ครุํ กตฺวา อสฺสาเทติ อภินนฺทติ, ตํ ครุํ กตฺวา คนฺถสมฺปยุโตฺต ราโค อุปฺปชฺชติ… ทิฎฺฐิ อุปฺปชฺชติฯ (๒)

    Ganthavippayutto dhammo ganthasampayuttassa dhammassa adhipatipaccayena paccayo. Ārammaṇādhipati – dānaṃ…pe… sīlaṃ…pe… uposathakammaṃ…pe… pubbe suciṇṇāni…pe… jhānā vuṭṭhahitvā jhānaṃ…pe… cakkhuṃ…pe… vatthuṃ ganthavippayutte khandhe ca lobhañca garuṃ katvā assādeti abhinandati, taṃ garuṃ katvā ganthasampayutto rāgo uppajjati… diṭṭhi uppajjati. (2)

    คนฺถวิปฺปยุโตฺต ธโมฺม คนฺถสมฺปยุตฺตสฺส จ คนฺถวิปฺปยุตฺตสฺส จ ธมฺมสฺส อธิปติปจฺจเยน ปจฺจโยฯ อารมฺมณาธิปติ – จกฺขุํ…เป.… วตฺถุํ คนฺถวิปฺปยุเตฺต ขเนฺธ จ โลภญฺจ ครุํ กตฺวา ทิฎฺฐิคตวิปฺปยุตฺตโลภสหคตา ขนฺธา จ โลโภ จ อุปฺปชฺชนฺติฯ (๓)

    Ganthavippayutto dhammo ganthasampayuttassa ca ganthavippayuttassa ca dhammassa adhipatipaccayena paccayo. Ārammaṇādhipati – cakkhuṃ…pe… vatthuṃ ganthavippayutte khandhe ca lobhañca garuṃ katvā diṭṭhigatavippayuttalobhasahagatā khandhā ca lobho ca uppajjanti. (3)

    ๗๗. คนฺถสมฺปยุโตฺต จ คนฺถวิปฺปยุโตฺต จ ธมฺมา คนฺถสมฺปยุตฺตสฺส ธมฺมสฺส อธิปติปจฺจเยน ปจฺจโยฯ อารมฺมณาธิปติ – ทิฎฺฐิคตวิปฺปยุตฺตโลภสหคเต ขเนฺธ จ โลภญฺจ ครุํ กตฺวา คนฺถสมฺปยุตฺตกา ขนฺธา อุปฺปชฺชนฺติฯ (มูลา ปุจฺฉิตพฺพา) ทิฎฺฐิคตวิปฺปยุตฺตโลภสหคเต ขเนฺธ จ โลภญฺจ ครุํ กตฺวา ทิฎฺฐิคตวิปฺปยุโตฺต โลโภ อุปฺปชฺชติฯ (มูลา ปุจฺฉิตพฺพา) ทิฎฺฐิคตวิปฺปยุตฺตโลภสหคเต ขเนฺธ จ โลภญฺจ ครุํ กตฺวา ทิฎฺฐิคตวิปฺปยุตฺตโลภสหคตา ขนฺธา จ โลโภ จ อุปฺปชฺชนฺติฯ (๓)

    77. Ganthasampayutto ca ganthavippayutto ca dhammā ganthasampayuttassa dhammassa adhipatipaccayena paccayo. Ārammaṇādhipati – diṭṭhigatavippayuttalobhasahagate khandhe ca lobhañca garuṃ katvā ganthasampayuttakā khandhā uppajjanti. (Mūlā pucchitabbā) diṭṭhigatavippayuttalobhasahagate khandhe ca lobhañca garuṃ katvā diṭṭhigatavippayutto lobho uppajjati. (Mūlā pucchitabbā) diṭṭhigatavippayuttalobhasahagate khandhe ca lobhañca garuṃ katvā diṭṭhigatavippayuttalobhasahagatā khandhā ca lobho ca uppajjanti. (3)

    อนนฺตรปจฺจโย

    Anantarapaccayo

    ๗๘. คนฺถสมฺปยุโตฺต ธโมฺม คนฺถสมฺปยุตฺตสฺส ธมฺมสฺส อนนฺตรปจฺจเยน ปจฺจโย – ปุริมา ปุริมา คนฺถสมฺปยุตฺตา ขนฺธา ปจฺฉิมานํ ปจฺฉิมานํ คนฺถสมฺปยุตฺตกานํ ขนฺธานํ อนนฺตรปจฺจเยน ปจฺจโยฯ (มูลา ปุจฺฉิตพฺพา) ปุริมา ปุริมา ทิฎฺฐิคตวิปฺปยุตฺตโลภสหคตา ขนฺธา ปจฺฉิมสฺส ปจฺฉิมสฺส ทิฎฺฐิคตวิปฺปยุตฺตสฺส โลภสฺส อนนฺตรปจฺจเยน ปจฺจโย; ปุริมา ปุริมา โทมนสฺสสหคตา ขนฺธา ปจฺฉิมสฺส ปจฺฉิมสฺส ปฎิฆสฺส อนนฺตรปจฺจเยน ปจฺจโย; คนฺถสมฺปยุตฺตา ขนฺธา วุฎฺฐานสฺส อนนฺตรปจฺจเยน ปจฺจโยฯ (มูลา ปุจฺฉิตพฺพา) ปุริมา ปุริมา ทิฎฺฐิคตวิปฺปยุตฺตโลภสหคตา ขนฺธา ปจฺฉิมานํ ปจฺฉิมานํ ทิฎฺฐิคตวิปฺปยุตฺตโลภสหคตานํ ขนฺธานํ โลภสฺส จ อนนฺตรปจฺจเยน ปจฺจโย; ปุริมา ปุริมา โทมนสฺสสหคตา ขนฺธา ปจฺฉิมานํ ปจฺฉิมานํ โทมนสฺสสหคตานํ ขนฺธานํ ปฎิฆสฺส จ อนนฺตรปจฺจเยน ปจฺจโยฯ (๓)

    78. Ganthasampayutto dhammo ganthasampayuttassa dhammassa anantarapaccayena paccayo – purimā purimā ganthasampayuttā khandhā pacchimānaṃ pacchimānaṃ ganthasampayuttakānaṃ khandhānaṃ anantarapaccayena paccayo. (Mūlā pucchitabbā) purimā purimā diṭṭhigatavippayuttalobhasahagatā khandhā pacchimassa pacchimassa diṭṭhigatavippayuttassa lobhassa anantarapaccayena paccayo; purimā purimā domanassasahagatā khandhā pacchimassa pacchimassa paṭighassa anantarapaccayena paccayo; ganthasampayuttā khandhā vuṭṭhānassa anantarapaccayena paccayo. (Mūlā pucchitabbā) purimā purimā diṭṭhigatavippayuttalobhasahagatā khandhā pacchimānaṃ pacchimānaṃ diṭṭhigatavippayuttalobhasahagatānaṃ khandhānaṃ lobhassa ca anantarapaccayena paccayo; purimā purimā domanassasahagatā khandhā pacchimānaṃ pacchimānaṃ domanassasahagatānaṃ khandhānaṃ paṭighassa ca anantarapaccayena paccayo. (3)

    ๗๙. คนฺถวิปฺปยุโตฺต ธโมฺม คนฺถวิปฺปยุตฺตสฺส ธมฺมสฺส อนนฺตรปจฺจเยน ปจฺจโย – ปุริโม ปุริโม ทิฎฺฐิคตวิปฺปยุโตฺต โลโภ ปจฺฉิมสฺส ปจฺฉิมสฺส ทิฎฺฐิคตวิปฺปยุตฺตสฺส โลภสฺส อนนฺตรปจฺจเยน ปจฺจโย; ปุริมํ ปุริมํ ปฎิฆํ ปจฺฉิมสฺส ปจฺฉิมสฺส ปฎิฆสฺส อนนฺตรปจฺจเยน ปจฺจโย; ปุริมา ปุริมา คนฺถวิปฺปยุตฺตา ขนฺธา ปจฺฉิมานํ ปจฺฉิมานํ คนฺถวิปฺปยุตฺตานํ ขนฺธานํ อนนฺตรปจฺจเยน ปจฺจโย; อนุโลมํ โคตฺรภุสฺส…เป.… ผลสมาปตฺติยา อนนฺตรปจฺจเยน ปจฺจโยฯ (๑)

    79. Ganthavippayutto dhammo ganthavippayuttassa dhammassa anantarapaccayena paccayo – purimo purimo diṭṭhigatavippayutto lobho pacchimassa pacchimassa diṭṭhigatavippayuttassa lobhassa anantarapaccayena paccayo; purimaṃ purimaṃ paṭighaṃ pacchimassa pacchimassa paṭighassa anantarapaccayena paccayo; purimā purimā ganthavippayuttā khandhā pacchimānaṃ pacchimānaṃ ganthavippayuttānaṃ khandhānaṃ anantarapaccayena paccayo; anulomaṃ gotrabhussa…pe… phalasamāpattiyā anantarapaccayena paccayo. (1)

    คนฺถวิปฺปยุโตฺต ธโมฺม คนฺถสมฺปยุตฺตสฺส ธมฺมสฺส อนนฺตรปจฺจเยน ปจฺจโย – ปุริโม ปุริโม ทิฎฺฐิคตวิปฺปยุโตฺต โลโภ ปจฺฉิมานํ ปจฺฉิมานํ ทิฎฺฐิคตวิปฺปยุตฺตโลภสหคตานํ ขนฺธานํ อนนฺตรปจฺจเยน ปจฺจโย; ปุริมํ ปุริมํ ปฎิฆํ ปจฺฉิมานํ ปจฺฉิมานํ โทมนสฺสสหคตานํ ขนฺธานํ อนนฺตรปจฺจเยน ปจฺจโย; อาวชฺชนา คนฺถสมฺปยุตฺตกานํ ขนฺธานํ อนนฺตรปจฺจเยน ปจฺจโยฯ (๒)

    Ganthavippayutto dhammo ganthasampayuttassa dhammassa anantarapaccayena paccayo – purimo purimo diṭṭhigatavippayutto lobho pacchimānaṃ pacchimānaṃ diṭṭhigatavippayuttalobhasahagatānaṃ khandhānaṃ anantarapaccayena paccayo; purimaṃ purimaṃ paṭighaṃ pacchimānaṃ pacchimānaṃ domanassasahagatānaṃ khandhānaṃ anantarapaccayena paccayo; āvajjanā ganthasampayuttakānaṃ khandhānaṃ anantarapaccayena paccayo. (2)

    คนฺถวิปฺปยุโตฺต ธโมฺม คนฺถสมฺปยุตฺตสฺส จ คนฺถวิปฺปยุตฺตสฺส จ ธมฺมสฺส อนนฺตรปจฺจเยน ปจฺจโย – ปุริโม ปุริโม ทิฎฺฐิคตวิปฺปยุโตฺต โลโภ ปจฺฉิมานํ ปจฺฉิมานํ ทิฎฺฐิคตวิปฺปยุตฺตโลภสหคตานํ ขนฺธานํ โลภสฺส จ อนนฺตรปจฺจเยน ปจฺจโย; ปุริมํ ปุริมํ ปฎิฆํ ปจฺฉิมานํ ปจฺฉิมานํ โทมนสฺสสหคตานํ ขนฺธานํ ปฎิฆสฺส จ อนนฺตรปจฺจเยน ปจฺจโย; อาวชฺชนา ทิฎฺฐิคตวิปฺปยุตฺตโลภสหคตานํ ขนฺธานํ โลภสฺส จ โทมนสฺสสหคตานํ ขนฺธานํ ปฎิฆสฺส จ อนนฺตรปจฺจเยน ปจฺจโยฯ (๓)

    Ganthavippayutto dhammo ganthasampayuttassa ca ganthavippayuttassa ca dhammassa anantarapaccayena paccayo – purimo purimo diṭṭhigatavippayutto lobho pacchimānaṃ pacchimānaṃ diṭṭhigatavippayuttalobhasahagatānaṃ khandhānaṃ lobhassa ca anantarapaccayena paccayo; purimaṃ purimaṃ paṭighaṃ pacchimānaṃ pacchimānaṃ domanassasahagatānaṃ khandhānaṃ paṭighassa ca anantarapaccayena paccayo; āvajjanā diṭṭhigatavippayuttalobhasahagatānaṃ khandhānaṃ lobhassa ca domanassasahagatānaṃ khandhānaṃ paṭighassa ca anantarapaccayena paccayo. (3)

    ๘๐. คนฺถสมฺปยุโตฺต จ คนฺถวิปฺปยุโตฺต จ ธมฺมา คนฺถสมฺปยุตฺตสฺส ธมฺมสฺส อนนฺตรปจฺจเยน ปจฺจโย – ปุริมา ปุริมา ทิฎฺฐิคตวิปฺปยุตฺตโลภสหคตา ขนฺธา จ โลโภ จ ปจฺฉิมานํ ปจฺฉิมานํ ทิฎฺฐิคตวิปฺปยุตฺตโลภสหคตานํ ขนฺธานํ อนนฺตรปจฺจเยน ปจฺจโย; ปุริมา ปุริมา โทมนสฺสสหคตา ขนฺธา จ ปฎิฆญฺจ ปจฺฉิมานํ ปจฺฉิมานํ โทมนสฺสสหคตานํ ขนฺธานํ อนนฺตรปจฺจเยน ปจฺจโยฯ (มูลา ปุจฺฉิตพฺพา) ปุริมา ปุริมา ทิฎฺฐิคตวิปฺปยุตฺตโลภสหคตา ขนฺธา จ โลโภ จ ปจฺฉิมสฺส ปจฺฉิมสฺส ทิฎฺฐิคตวิปฺปยุตฺตสฺส โลภสฺส อนนฺตรปจฺจเยน ปจฺจโย; ปุริมา ปุริมา โทมนสฺสสหคตา ขนฺธา จ ปฎิฆญฺจ ปจฺฉิมสฺส ปจฺฉิมสฺส ปฎิฆสฺส อนนฺตรปจฺจเยน ปจฺจโย; ทิฎฺฐิคตวิปฺปยุตฺตโลภสหคตา ขนฺธา จ โลโภ จ โทมนสฺสสหคตา ขนฺธา จ ปฎิฆญฺจ วุฎฺฐานสฺส อนนฺตรปจฺจเยน ปจฺจโยฯ (มูลา ปุจฺฉิตพฺพา) ปุริมา ปุริมา ทิฎฺฐิคตวิปฺปยุตฺตโลภสหคตา ขนฺธา จ โลโภ จ ปจฺฉิมานํ ปจฺฉิมานํ ทิฎฺฐิคตวิปฺปยุตฺตโลภสหคตานํ ขนฺธานํ โลภสฺส จ อนนฺตรปจฺจเยน ปจฺจโย; ปุริมา ปุริมา โทมนสฺสสหคตา ขนฺธา จ ปฎิฆญฺจ ปจฺฉิมานํ ปจฺฉิมานํ โทมนสฺสสหคตานํ ขนฺธานํ ปฎิฆสฺส จ อนนฺตรปจฺจเยน ปจฺจโยฯ (๓)

    80. Ganthasampayutto ca ganthavippayutto ca dhammā ganthasampayuttassa dhammassa anantarapaccayena paccayo – purimā purimā diṭṭhigatavippayuttalobhasahagatā khandhā ca lobho ca pacchimānaṃ pacchimānaṃ diṭṭhigatavippayuttalobhasahagatānaṃ khandhānaṃ anantarapaccayena paccayo; purimā purimā domanassasahagatā khandhā ca paṭighañca pacchimānaṃ pacchimānaṃ domanassasahagatānaṃ khandhānaṃ anantarapaccayena paccayo. (Mūlā pucchitabbā) purimā purimā diṭṭhigatavippayuttalobhasahagatā khandhā ca lobho ca pacchimassa pacchimassa diṭṭhigatavippayuttassa lobhassa anantarapaccayena paccayo; purimā purimā domanassasahagatā khandhā ca paṭighañca pacchimassa pacchimassa paṭighassa anantarapaccayena paccayo; diṭṭhigatavippayuttalobhasahagatā khandhā ca lobho ca domanassasahagatā khandhā ca paṭighañca vuṭṭhānassa anantarapaccayena paccayo. (Mūlā pucchitabbā) purimā purimā diṭṭhigatavippayuttalobhasahagatā khandhā ca lobho ca pacchimānaṃ pacchimānaṃ diṭṭhigatavippayuttalobhasahagatānaṃ khandhānaṃ lobhassa ca anantarapaccayena paccayo; purimā purimā domanassasahagatā khandhā ca paṭighañca pacchimānaṃ pacchimānaṃ domanassasahagatānaṃ khandhānaṃ paṭighassa ca anantarapaccayena paccayo. (3)

    สมนนฺตรปจฺจยาทิ

    Samanantarapaccayādi

    ๘๑. คนฺถสมฺปยุโตฺต ธโมฺม คนฺถสมฺปยุตฺตสฺส ธมฺมสฺส สมนนฺตรปจฺจเยน ปจฺจโย… สหชาตปจฺจเยน ปจฺจโย… อญฺญมญฺญปจฺจเยน ปจฺจโย… นิสฺสยปจฺจเยน ปจฺจโยฯ

    81. Ganthasampayutto dhammo ganthasampayuttassa dhammassa samanantarapaccayena paccayo… sahajātapaccayena paccayo… aññamaññapaccayena paccayo… nissayapaccayena paccayo.

    อุปนิสฺสยปจฺจโย

    Upanissayapaccayo

    ๘๒. คนฺถสมฺปยุโตฺต ธโมฺม คนฺถสมฺปยุตฺตสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – คนฺถสมฺปยุตฺตา ขนฺธา คนฺถสมฺปยุตฺตกานํ ขนฺธานํ อุปนิสฺสยปจฺจเยน ปจฺจโยฯ (มูลํ ปุจฺฉิตพฺพํ , ตีณิปิ อุปนิสฺสยา) คนฺถสมฺปยุตฺตา ขนฺธา คนฺถวิปฺปยุตฺตานํ ขนฺธานํ อุปนิสฺสยปจฺจเยน ปจฺจโยฯ (มูลํ, ตีณิปิ อุปนิสฺสยา) คนฺถสมฺปยุตฺตา ขนฺธา ทิฎฺฐิคตวิปฺปยุตฺตโลภสหคตานํ ขนฺธานํ โลภสฺส จ อุปนิสฺสยปจฺจเยน ปจฺจโย; โทมนสฺสสหคตานํ ขนฺธานํ ปฎิฆสฺส จ อุปนิสฺสยปจฺจเยน ปจฺจโยฯ (๓)

    82. Ganthasampayutto dhammo ganthasampayuttassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – ganthasampayuttā khandhā ganthasampayuttakānaṃ khandhānaṃ upanissayapaccayena paccayo. (Mūlaṃ pucchitabbaṃ , tīṇipi upanissayā) ganthasampayuttā khandhā ganthavippayuttānaṃ khandhānaṃ upanissayapaccayena paccayo. (Mūlaṃ, tīṇipi upanissayā) ganthasampayuttā khandhā diṭṭhigatavippayuttalobhasahagatānaṃ khandhānaṃ lobhassa ca upanissayapaccayena paccayo; domanassasahagatānaṃ khandhānaṃ paṭighassa ca upanissayapaccayena paccayo. (3)

    ๘๓. คนฺถวิปฺปยุโตฺต ธโมฺม คนฺถวิปฺปยุตฺตสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – สทฺธํ อุปนิสฺสาย ทานํ เทติ…เป.… สมาปตฺติํ อุปฺปาเทติ… มานํ ชเปฺปติ… สีลํ…เป.… ปญฺญํ … ราคํ… โทสํ… โมหํ… มานํ… ปตฺถนํ… กายิกํ สุขํ… กายิกํ ทุกฺขํ… อุตุํ… โภชนํ… เสนาสนํ อุปนิสฺสาย ทานํ เทติ…เป.… สมาปตฺติํ อุปฺปาเทติ… ปาณํ หนติ…เป.… สงฺฆํ ภินฺทติ; สทฺธา…เป.… ปญฺญา, ราโค…เป.… ปตฺถนา…เป.… เสนาสนํ สทฺธาย…เป.… ปญฺญาย… ราคสฺส… โทสสฺส… โมหสฺส… มานสฺส… ปตฺถนาย…เป.… ผลสมาปตฺติยา อุปนิสฺสยปจฺจเยน ปจฺจโยฯ (๑)

    83. Ganthavippayutto dhammo ganthavippayuttassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya dānaṃ deti…pe… samāpattiṃ uppādeti… mānaṃ jappeti… sīlaṃ…pe… paññaṃ … rāgaṃ… dosaṃ… mohaṃ… mānaṃ… patthanaṃ… kāyikaṃ sukhaṃ… kāyikaṃ dukkhaṃ… utuṃ… bhojanaṃ… senāsanaṃ upanissāya dānaṃ deti…pe… samāpattiṃ uppādeti… pāṇaṃ hanati…pe… saṅghaṃ bhindati; saddhā…pe… paññā, rāgo…pe… patthanā…pe… senāsanaṃ saddhāya…pe… paññāya… rāgassa… dosassa… mohassa… mānassa… patthanāya…pe… phalasamāpattiyā upanissayapaccayena paccayo. (1)

    คนฺถวิปฺปยุโตฺต ธโมฺม คนฺถสมฺปยุตฺตสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – สทฺธํ อุปนิสฺสาย มานํ ชเปฺปติ, ทิฎฺฐิํ คณฺหาติ; สีลํ…เป.… ปญฺญํ… ราคํ…เป.… มานํ… ปตฺถนํ…เป.… เสนาสนํ อุปนิสฺสาย ปาณํ หนติ…เป.… สงฺฆํ ภินฺทติ; สทฺธา…เป.… เสนาสนํ ราคสฺส… โทสสฺส … โมหสฺส… มานสฺส… ทิฎฺฐิยา… ปตฺถนาย อุปนิสฺสยปจฺจเยน ปจฺจโยฯ (๒)

    Ganthavippayutto dhammo ganthasampayuttassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya mānaṃ jappeti, diṭṭhiṃ gaṇhāti; sīlaṃ…pe… paññaṃ… rāgaṃ…pe… mānaṃ… patthanaṃ…pe… senāsanaṃ upanissāya pāṇaṃ hanati…pe… saṅghaṃ bhindati; saddhā…pe… senāsanaṃ rāgassa… dosassa … mohassa… mānassa… diṭṭhiyā… patthanāya upanissayapaccayena paccayo. (2)

    คนฺถวิปฺปยุโตฺต ธโมฺม คนฺถสมฺปยุตฺตสฺส จ คนฺถวิปฺปยุตฺตสฺส จ ธมฺมสฺส อุปนิสฺสยปจฺจเยน ปจฺจโย (ตีณิ อุปนิสฺสยา); สทฺธํ อุปนิสฺสาย มานํ ชเปฺปติ; สีลํ…เป.… ปญฺญํ… ราคํ… โทสํ… โมหํ… มานํ… ปตฺถนํ… กายิกํ สุขํ…เป.… เสนาสนํ อุปนิสฺสาย ปาณํ หนติ…เป.… สงฺฆํ ภินฺทติ; สทฺธา…เป.… ปญฺญา… ราโค… โทโส… โมโห… มาโน… ปตฺถนา…เป.… เสนาสนํ ทิฎฺฐิคตวิปฺปยุตฺตโลภสหคตานํ ขนฺธานํ โลภสฺส จ โทมนสฺสสหคตานํ ขนฺธานํ ปฎิฆสฺส จ อุปนิสฺสยปจฺจเยน ปจฺจโยฯ (๓)

    Ganthavippayutto dhammo ganthasampayuttassa ca ganthavippayuttassa ca dhammassa upanissayapaccayena paccayo (tīṇi upanissayā); saddhaṃ upanissāya mānaṃ jappeti; sīlaṃ…pe… paññaṃ… rāgaṃ… dosaṃ… mohaṃ… mānaṃ… patthanaṃ… kāyikaṃ sukhaṃ…pe… senāsanaṃ upanissāya pāṇaṃ hanati…pe… saṅghaṃ bhindati; saddhā…pe… paññā… rāgo… doso… moho… māno… patthanā…pe… senāsanaṃ diṭṭhigatavippayuttalobhasahagatānaṃ khandhānaṃ lobhassa ca domanassasahagatānaṃ khandhānaṃ paṭighassa ca upanissayapaccayena paccayo. (3)

    ๘๔. คนฺถสมฺปยุโตฺต จ คนฺถวิปฺปยุโตฺต จ ธมฺมา คนฺถสมฺปยุตฺตสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย …เป.…ฯ ปกตูปนิสฺสโย – ทิฎฺฐิคตวิปฺปยุตฺตโลภสหคตา ขนฺธา จ โลโภ จ โทมนสฺสสหคตา ขนฺธา จ ปฎิฆญฺจ คนฺถสมฺปยุตฺตกานํ ขนฺธานํ อุปนิสฺสยปจฺจเยน ปจฺจโยฯ (มูลํ กาตพฺพํ) ทิฎฺฐิคตวิปฺปยุตฺตโลภสหคตา ขนฺธา จ โลโภ จ โทมนสฺสสหคตา ขนฺธา จ ปฎิฆญฺจ คนฺถวิปฺปยุตฺตานํ ขนฺธานํ ทิฎฺฐิคตวิปฺปยุตฺตโลภสฺส จ ปฎิฆสฺส จ อุปนิสฺสยปจฺจเยน ปจฺจโยฯ (มูลํ ปุจฺฉิตพฺพํ) ทิฎฺฐิคตวิปฺปยุตฺตโลภสหคตา ขนฺธา จ โลโภ จ โทมนสฺสสหคตา ขนฺธา จ ปฎิฆญฺจ ทิฎฺฐิคตวิปฺปยุตฺตโลภสหคตานํ ขนฺธานํ โลภสฺส จ โทมนสฺสสหคตานํ ขนฺธานํ ปฎิฆสฺส จ อุปนิสฺสยปจฺจเยน ปจฺจโยฯ (๓)

    84. Ganthasampayutto ca ganthavippayutto ca dhammā ganthasampayuttassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo …pe…. Pakatūpanissayo – diṭṭhigatavippayuttalobhasahagatā khandhā ca lobho ca domanassasahagatā khandhā ca paṭighañca ganthasampayuttakānaṃ khandhānaṃ upanissayapaccayena paccayo. (Mūlaṃ kātabbaṃ) diṭṭhigatavippayuttalobhasahagatā khandhā ca lobho ca domanassasahagatā khandhā ca paṭighañca ganthavippayuttānaṃ khandhānaṃ diṭṭhigatavippayuttalobhassa ca paṭighassa ca upanissayapaccayena paccayo. (Mūlaṃ pucchitabbaṃ) diṭṭhigatavippayuttalobhasahagatā khandhā ca lobho ca domanassasahagatā khandhā ca paṭighañca diṭṭhigatavippayuttalobhasahagatānaṃ khandhānaṃ lobhassa ca domanassasahagatānaṃ khandhānaṃ paṭighassa ca upanissayapaccayena paccayo. (3)

    ปุเรชาตปจฺจโย

    Purejātapaccayo

    ๘๕. คนฺถวิปฺปยุโตฺต ธโมฺม คนฺถวิปฺปยุตฺตสฺส ธมฺมสฺส ปุเรชาตปจฺจเยน ปจฺจโย – อารมฺมณปุเรชาตํ, วตฺถุปุเรชาตํฯ อารมฺมณปุเรชาตํ – จกฺขุํ…เป.… วตฺถุํ อนิจฺจโต วิปสฺสติ, อสฺสาเทติ อภินนฺทติ, ตํ อารพฺภ คนฺถวิปฺปยุโตฺต ราโค อุปฺปชฺชติ, วิจิกิจฺฉา…เป.… อุทฺธจฺจํ…เป.… โทมนสฺสํ อุปฺปชฺชติ; ทิเพฺพน จกฺขุนา รูปํ ปสฺสติ, ทิพฺพาย โสตธาตุยา สทฺทํ สุณาติฯ รูปายตนํ จกฺขุวิญฺญาณสฺส…เป.… โผฎฺฐพฺพายตนํ กายวิญฺญาณสฺส…เป.…ฯ วตฺถุปุเรชาตํ – จกฺขายตนํ จกฺขุวิญฺญาณสฺส…เป.… กายายตนํ กายวิญฺญาณสฺส…เป.… วตฺถุ คนฺถวิปฺปยุตฺตานํ ขนฺธานํ ทิฎฺฐิคตวิปฺปยุตฺตสฺส โลภสฺส จ ปฎิฆสฺส จ ปุเรชาตปจฺจเยน ปจฺจโยฯ (๑)

    85. Ganthavippayutto dhammo ganthavippayuttassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ aniccato vipassati, assādeti abhinandati, taṃ ārabbha ganthavippayutto rāgo uppajjati, vicikicchā…pe… uddhaccaṃ…pe… domanassaṃ uppajjati; dibbena cakkhunā rūpaṃ passati, dibbāya sotadhātuyā saddaṃ suṇāti. Rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa…pe…. Vatthupurejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa…pe… vatthu ganthavippayuttānaṃ khandhānaṃ diṭṭhigatavippayuttassa lobhassa ca paṭighassa ca purejātapaccayena paccayo. (1)

    คนฺถวิปฺปยุโตฺต ธโมฺม คนฺถสมฺปยุตฺตสฺส ธมฺมสฺส ปุเรชาตปจฺจเยน ปจฺจโย – อารมฺมณปุเรชาตํ, วตฺถุปุเรชาตํฯ อารมฺมณปุเรชาตํ – จกฺขุํ…เป.… วตฺถุํ อสฺสาเทติ อภินนฺทติ, ตํ อารพฺภ คนฺถสมฺปยุโตฺต ราโค อุปฺปชฺชติ, ทิฎฺฐิ…เป.… โทมนสฺสํ อุปฺปชฺชติฯ วตฺถุปุเรชาตํ – วตฺถุ คนฺถสมฺปยุตฺตกานํ ขนฺธานํ ปุเรชาตปจฺจเยน ปจฺจโยฯ (๒)

    Ganthavippayutto dhammo ganthasampayuttassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ assādeti abhinandati, taṃ ārabbha ganthasampayutto rāgo uppajjati, diṭṭhi…pe… domanassaṃ uppajjati. Vatthupurejātaṃ – vatthu ganthasampayuttakānaṃ khandhānaṃ purejātapaccayena paccayo. (2)

    คนฺถวิปฺปยุโตฺต ธโมฺม คนฺถสมฺปยุตฺตสฺส จ คนฺถวิปฺปยุตฺตสฺส จ ธมฺมสฺส ปุเรชาตปจฺจเยน ปจฺจโย – อารมฺมณปุเรชาตํ, วตฺถุปุเรชาตํฯ อารมฺมณปุเรชาตํ – จกฺขุํ…เป.… วตฺถุํ อารพฺภ ทิฎฺฐิคตวิปฺปยุตฺตโลภสหคตา ขนฺธา จ โลโภ จ โทมนสฺสสหคตา ขนฺธา จ ปฎิฆญฺจ อุปฺปชฺชนฺติ ฯ วตฺถุปุเรชาตํ – วตฺถุ ทิฎฺฐิคตวิปฺปยุตฺตโลภสหคตานํ ขนฺธานํ โลภสฺส จ โทมนสฺสสหคตานํ ขนฺธานํ ปฎิฆสฺส จ ปุเรชาตปจฺจเยน ปจฺจโยฯ (๓)

    Ganthavippayutto dhammo ganthasampayuttassa ca ganthavippayuttassa ca dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ ārabbha diṭṭhigatavippayuttalobhasahagatā khandhā ca lobho ca domanassasahagatā khandhā ca paṭighañca uppajjanti . Vatthupurejātaṃ – vatthu diṭṭhigatavippayuttalobhasahagatānaṃ khandhānaṃ lobhassa ca domanassasahagatānaṃ khandhānaṃ paṭighassa ca purejātapaccayena paccayo. (3)

    ปจฺฉาชาตปจฺจโย

    Pacchājātapaccayo

    ๘๖. คนฺถสมฺปยุโตฺต ธโมฺม คนฺถวิปฺปยุตฺตสฺส ธมฺมสฺส ปจฺฉาชาตปจฺจเยน ปจฺจโย… เอกํฯ

    86. Ganthasampayutto dhammo ganthavippayuttassa dhammassa pacchājātapaccayena paccayo… ekaṃ.

    คนฺถวิปฺปยุโตฺต ธโมฺม คนฺถวิปฺปยุตฺตสฺส ธมฺมสฺส ปจฺฉาชาตปจฺจเยน ปจฺจโย… เอกํฯ

    Ganthavippayutto dhammo ganthavippayuttassa dhammassa pacchājātapaccayena paccayo… ekaṃ.

    คนฺถสมฺปยุโตฺต จ คนฺถวิปฺปยุโตฺต จ ธมฺมา คนฺถวิปฺปยุตฺตสฺส ธมฺมสฺส ปจฺฉาชาตปจฺจเยน ปจฺจโย – ปจฺฉาชาตา ทิฎฺฐิคตวิปฺปยุตฺตโลภสหคตา ขนฺธา จ โลโภ จ โทมนสฺสสหคตา ขนฺธา จ ปฎิฆญฺจ ปุเรชาตสฺส อิมสฺส กายสฺส ปจฺฉาชาตปจฺจเยน ปจฺจโยฯ (๑)

    Ganthasampayutto ca ganthavippayutto ca dhammā ganthavippayuttassa dhammassa pacchājātapaccayena paccayo – pacchājātā diṭṭhigatavippayuttalobhasahagatā khandhā ca lobho ca domanassasahagatā khandhā ca paṭighañca purejātassa imassa kāyassa pacchājātapaccayena paccayo. (1)

    อาเสวนปจฺจโย

    Āsevanapaccayo

    ๘๗. คนฺถสมฺปยุโตฺต ธโมฺม คนฺถสมฺปยุตฺตสฺส ธมฺมสฺส อาเสวนปจฺจเยน ปจฺจโย (อนนฺตรสทิสํ, อาวชฺชนาปิ วุฎฺฐานมฺปิ นตฺถิ)ฯ

    87. Ganthasampayutto dhammo ganthasampayuttassa dhammassa āsevanapaccayena paccayo (anantarasadisaṃ, āvajjanāpi vuṭṭhānampi natthi).

    กมฺมปจฺจโย

    Kammapaccayo

    ๘๘. คนฺถสมฺปยุโตฺต ธโมฺม คนฺถสมฺปยุตฺตสฺส ธมฺมสฺส กมฺมปจฺจเยน ปจฺจโย – คนฺถสมฺปยุตฺตา เจตนา สมฺปยุตฺตกานํ ขนฺธานํ กมฺมปจฺจเยน ปจฺจโยฯ (๑)

    88. Ganthasampayutto dhammo ganthasampayuttassa dhammassa kammapaccayena paccayo – ganthasampayuttā cetanā sampayuttakānaṃ khandhānaṃ kammapaccayena paccayo. (1)

    คนฺถสมฺปยุโตฺต ธโมฺม คนฺถวิปฺปยุตฺตสฺส ธมฺมสฺส กมฺมปจฺจเยน ปจฺจโย – สหชาตา, นานากฺขณิกาฯ สหชาตา – คนฺถสมฺปยุตฺตา เจตนา จิตฺตสมุฎฺฐานานํ รูปานํ กมฺมปจฺจเยน ปจฺจโย; ทิฎฺฐิคตวิปฺปยุตฺตโลภสหคตา เจตนา โลภสฺส จ จิตฺตสมุฎฺฐานานญฺจ รูปานํ กมฺมปจฺจเยน ปจฺจโย; โทมนสฺสสหคตา เจตนา ปฎิฆสฺส จ จิตฺตสมุฎฺฐานานญฺจ รูปานํ กมฺมปจฺจเยน ปจฺจโยฯ นานากฺขณิกา – คนฺถสมฺปยุตฺตา เจตนา วิปากานํ ขนฺธานํ กฎตฺตา จ รูปานํ กมฺมปจฺจเยน ปจฺจโยฯ (๒)

    Ganthasampayutto dhammo ganthavippayuttassa dhammassa kammapaccayena paccayo – sahajātā, nānākkhaṇikā. Sahajātā – ganthasampayuttā cetanā cittasamuṭṭhānānaṃ rūpānaṃ kammapaccayena paccayo; diṭṭhigatavippayuttalobhasahagatā cetanā lobhassa ca cittasamuṭṭhānānañca rūpānaṃ kammapaccayena paccayo; domanassasahagatā cetanā paṭighassa ca cittasamuṭṭhānānañca rūpānaṃ kammapaccayena paccayo. Nānākkhaṇikā – ganthasampayuttā cetanā vipākānaṃ khandhānaṃ kaṭattā ca rūpānaṃ kammapaccayena paccayo. (2)

    คนฺถสมฺปยุโตฺต ธโมฺม คนฺถสมฺปยุตฺตสฺส จ คนฺถวิปฺปยุตฺตสฺส จ ธมฺมสฺส กมฺมปจฺจเยน ปจฺจโย – คนฺถสมฺปยุตฺตา เจตนา สมฺปยุตฺตกานํ ขนฺธานํ จิตฺตสมุฎฺฐานานญฺจ รูปานํ กมฺมปจฺจเยน ปจฺจโย; ทิฎฺฐิคตวิปฺปยุตฺตโลภสหคตา เจตนา สมฺปยุตฺตกานํ ขนฺธานํ โลภสฺส จ จิตฺตสมุฎฺฐานานญฺจ รูปานํ กมฺมปจฺจเยน ปจฺจโย; โทมนสฺสสหคตา เจตนา สมฺปยุตฺตกานํ ขนฺธานํ ปฎิฆสฺส จ จิตฺตสมุฎฺฐานานญฺจ รูปานํ กมฺมปจฺจเยน ปจฺจโยฯ (๓)

    Ganthasampayutto dhammo ganthasampayuttassa ca ganthavippayuttassa ca dhammassa kammapaccayena paccayo – ganthasampayuttā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo; diṭṭhigatavippayuttalobhasahagatā cetanā sampayuttakānaṃ khandhānaṃ lobhassa ca cittasamuṭṭhānānañca rūpānaṃ kammapaccayena paccayo; domanassasahagatā cetanā sampayuttakānaṃ khandhānaṃ paṭighassa ca cittasamuṭṭhānānañca rūpānaṃ kammapaccayena paccayo. (3)

    ๘๙. คนฺถวิปฺปยุโตฺต ธโมฺม คนฺถวิปฺปยุตฺตสฺส ธมฺมสฺส กมฺมปจฺจเยน ปจฺจโย – สหชาตา, นานากฺขณิกาฯ สหชาตา – คนฺถวิปฺปยุตฺตา เจตนา สมฺปยุตฺตกานํ ขนฺธานํ จิตฺตสมุฎฺฐานานญฺจ รูปานํ กมฺมปจฺจเยน ปจฺจโย; ปฎิสนฺธิกฺขเณ…เป.…ฯ นานากฺขณิกา – คนฺถวิปฺปยุตฺตา เจตนา วิปากานํ ขนฺธานํ กฎตฺตา จ รูปานํ กมฺมปจฺจเยน ปจฺจโยฯ (๑)

    89. Ganthavippayutto dhammo ganthavippayuttassa dhammassa kammapaccayena paccayo – sahajātā, nānākkhaṇikā. Sahajātā – ganthavippayuttā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo; paṭisandhikkhaṇe…pe…. Nānākkhaṇikā – ganthavippayuttā cetanā vipākānaṃ khandhānaṃ kaṭattā ca rūpānaṃ kammapaccayena paccayo. (1)

    วิปากปจฺจยาทิ

    Vipākapaccayādi

    ๙๐. คนฺถวิปฺปยุโตฺต ธโมฺม คนฺถวิปฺปยุตฺตสฺส ธมฺมสฺส วิปากปจฺจเยน ปจฺจโย… เอกํฯ

    90. Ganthavippayutto dhammo ganthavippayuttassa dhammassa vipākapaccayena paccayo… ekaṃ.

    คนฺถสมฺปยุโตฺต ธโมฺม คนฺถสมฺปยุตฺตสฺส ธมฺมสฺส อาหารปจฺจเยน ปจฺจโย… จตฺตาริ… อินฺทฺริยปจฺจเยน ปจฺจโย… จตฺตาริ… ฌานปจฺจเยน ปจฺจโย… จตฺตาริ… มคฺคปจฺจเยน ปจฺจโย … จตฺตาริ… สมฺปยุตฺตปจฺจเยน ปจฺจโย… ฉฯ

    Ganthasampayutto dhammo ganthasampayuttassa dhammassa āhārapaccayena paccayo… cattāri… indriyapaccayena paccayo… cattāri… jhānapaccayena paccayo… cattāri… maggapaccayena paccayo … cattāri… sampayuttapaccayena paccayo… cha.

    วิปฺปยุตฺตปจฺจโย

    Vippayuttapaccayo

    ๙๑. คนฺถสมฺปยุโตฺต ธโมฺม คนฺถวิปฺปยุตฺตสฺส ธมฺมสฺส วิปฺปยุตฺตปจฺจเยน ปจฺจโย – สหชาตํ, ปจฺฉาชาตํ (สํขิตฺตํ, วิภชิตพฺพํ)ฯ (๑)

    91. Ganthasampayutto dhammo ganthavippayuttassa dhammassa vippayuttapaccayena paccayo – sahajātaṃ, pacchājātaṃ (saṃkhittaṃ, vibhajitabbaṃ). (1)

    คนฺถวิปฺปยุโตฺต ธโมฺม คนฺถวิปฺปยุตฺตสฺส ธมฺมสฺส วิปฺปยุตฺตปจฺจเยน ปจฺจโย – สหชาตํ, ปุเรชาตํ, ปจฺฉาชาตํ (สํขิตฺตํ)ฯ (๑)

    Ganthavippayutto dhammo ganthavippayuttassa dhammassa vippayuttapaccayena paccayo – sahajātaṃ, purejātaṃ, pacchājātaṃ (saṃkhittaṃ). (1)

    คนฺถวิปฺปยุโตฺต ธโมฺม คนฺถสมฺปยุตฺตสฺส ธมฺมสฺส วิปฺปยุตฺตปจฺจเยน ปจฺจโยฯ ปุเรชาตํ – วตฺถุ คนฺถสมฺปยุตฺตกานํ ขนฺธานํ วิปฺปยุตฺตปจฺจเยน ปจฺจโยฯ (๒)

    Ganthavippayutto dhammo ganthasampayuttassa dhammassa vippayuttapaccayena paccayo. Purejātaṃ – vatthu ganthasampayuttakānaṃ khandhānaṃ vippayuttapaccayena paccayo. (2)

    คนฺถวิปฺปยุโตฺต ธโมฺม คนฺถสมฺปยุตฺตสฺส จ คนฺถวิปฺปยุตฺตสฺส จ ธมฺมสฺส วิปฺปยุตฺตปจฺจเยน ปจฺจโยฯ ปุเรชาตํ – วตฺถุ ทิฎฺฐิคตวิปฺปยุตฺตโลภสหคตานํ ขนฺธานํ โลภสฺส จ โทมนสฺสสหคตานํ ขนฺธานํ ปฎิฆสฺส จ วิปฺปยุตฺตปจฺจเยน ปจฺจโยฯ (๓)

    Ganthavippayutto dhammo ganthasampayuttassa ca ganthavippayuttassa ca dhammassa vippayuttapaccayena paccayo. Purejātaṃ – vatthu diṭṭhigatavippayuttalobhasahagatānaṃ khandhānaṃ lobhassa ca domanassasahagatānaṃ khandhānaṃ paṭighassa ca vippayuttapaccayena paccayo. (3)

    ๙๒. คนฺถสมฺปยุโตฺต จ คนฺถวิปฺปยุโตฺต จ ธมฺมา คนฺถวิปฺปยุตฺตสฺส ธมฺมสฺส วิปฺปยุตฺตปจฺจเยน ปจฺจโย – สหชาตํ, ปจฺฉาชาตํฯ สหชาตา – ทิฎฺฐิคตวิปฺปยุตฺตโลภสหคตา ขนฺธา จ โลโภ จ จิตฺตสมุฎฺฐานานํ รูปานํ วิปฺปยุตฺตปจฺจเยน ปจฺจโย; โทมนสฺสสหคตา ขนฺธา จ ปฎิฆญฺจ จิตฺตสมุฎฺฐานานํ รูปานํ วิปฺปยุตฺตปจฺจเยน ปจฺจโยฯ ปจฺฉาชาตา – ทิฎฺฐิคตวิปฺปยุตฺตโลภสหคตา ขนฺธา จ โลโภ จ โทมนสฺสสหคตา ขนฺธา จ ปฎิฆญฺจ ปุเรชาตสฺส อิมสฺส กายสฺส วิปฺปยุตฺตปจฺจเยน ปจฺจโยฯ (๑)

    92. Ganthasampayutto ca ganthavippayutto ca dhammā ganthavippayuttassa dhammassa vippayuttapaccayena paccayo – sahajātaṃ, pacchājātaṃ. Sahajātā – diṭṭhigatavippayuttalobhasahagatā khandhā ca lobho ca cittasamuṭṭhānānaṃ rūpānaṃ vippayuttapaccayena paccayo; domanassasahagatā khandhā ca paṭighañca cittasamuṭṭhānānaṃ rūpānaṃ vippayuttapaccayena paccayo. Pacchājātā – diṭṭhigatavippayuttalobhasahagatā khandhā ca lobho ca domanassasahagatā khandhā ca paṭighañca purejātassa imassa kāyassa vippayuttapaccayena paccayo. (1)

    อตฺถิปจฺจโย

    Atthipaccayo

    ๙๓. คนฺถสมฺปยุโตฺต ธโมฺม คนฺถสมฺปยุตฺตสฺส ธมฺมสฺส อตฺถิปจฺจเยน ปจฺจโย… เอกํ (ปฎิจฺจสทิสํ)ฯ (๑)

    93. Ganthasampayutto dhammo ganthasampayuttassa dhammassa atthipaccayena paccayo… ekaṃ (paṭiccasadisaṃ). (1)

    คนฺถสมฺปยุโตฺต ธโมฺม คนฺถวิปฺปยุตฺตสฺส ธมฺมสฺส อตฺถิปจฺจเยน ปจฺจโย – สหชาตํ, ปจฺฉาชาตํ (สํขิตฺตํ, วิภชิตพฺพํ)ฯ (๒)

    Ganthasampayutto dhammo ganthavippayuttassa dhammassa atthipaccayena paccayo – sahajātaṃ, pacchājātaṃ (saṃkhittaṃ, vibhajitabbaṃ). (2)

    คนฺถสมฺปยุโตฺต ธโมฺม คนฺถสมฺปยุตฺตสฺส จ คนฺถวิปฺปยุตฺตสฺส จ ธมฺมสฺส อตฺถิปจฺจเยน ปจฺจโย… เอกํ (ปฎิจฺจสทิสํ)ฯ (๓)

    Ganthasampayutto dhammo ganthasampayuttassa ca ganthavippayuttassa ca dhammassa atthipaccayena paccayo… ekaṃ (paṭiccasadisaṃ). (3)

    ๙๔. คนฺถวิปฺปยุโตฺต ธโมฺม คนฺถวิปฺปยุตฺตสฺส ธมฺมสฺส อตฺถิปจฺจเยน ปจฺจโย – สหชาตํ, ปุเรชาตํ, ปจฺฉาชาตํ, อาหารํ, อินฺทฺริยํ (สํขิตฺตํ, วิภชิตพฺพํ)ฯ (๑)

    94. Ganthavippayutto dhammo ganthavippayuttassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ (saṃkhittaṃ, vibhajitabbaṃ). (1)

    คนฺถวิปฺปยุโตฺต ธโมฺม คนฺถสมฺปยุตฺตสฺส ธมฺมสฺส อตฺถิปจฺจเยน ปจฺจโย – สหชาตํ, ปุเรชาตํฯ สหชาโต – ทิฎฺฐิคตวิปฺปยุโตฺต โลโภ สมฺปยุตฺตกานํ ขนฺธานํ อตฺถิปจฺจเยน ปจฺจโย; โทมนสฺสสหคตํ ปฎิฆํ สมฺปยุตฺตกานํ ขนฺธานํ อตฺถิปจฺจเยน ปจฺจโยฯ ปุเรชาตํ – จกฺขุํ…เป.… วตฺถุํ อสฺสาเทติ อภินนฺทติ, ตํ อารพฺภ คนฺถสมฺปยุโตฺต ราโค…เป.… ทิฎฺฐิ…เป.… โทมนสฺสํ อุปฺปชฺชติ, วตฺถุ คนฺถสมฺปยุตฺตกานํ ขนฺธานํ อตฺถิปจฺจเยน ปจฺจโยฯ (๒)

    Ganthavippayutto dhammo ganthasampayuttassa dhammassa atthipaccayena paccayo – sahajātaṃ, purejātaṃ. Sahajāto – diṭṭhigatavippayutto lobho sampayuttakānaṃ khandhānaṃ atthipaccayena paccayo; domanassasahagataṃ paṭighaṃ sampayuttakānaṃ khandhānaṃ atthipaccayena paccayo. Purejātaṃ – cakkhuṃ…pe… vatthuṃ assādeti abhinandati, taṃ ārabbha ganthasampayutto rāgo…pe… diṭṭhi…pe… domanassaṃ uppajjati, vatthu ganthasampayuttakānaṃ khandhānaṃ atthipaccayena paccayo. (2)

    คนฺถวิปฺปยุโตฺต ธโมฺม คนฺถสมฺปยุตฺตสฺส จ คนฺถวิปฺปยุตฺตสฺส จ ธมฺมสฺส อตฺถิปจฺจเยน ปจฺจโย – สหชาตํ, ปุเรชาตํฯ สหชาโต – ทิฎฺฐิคตวิปฺปยุโตฺต โลโภ สมฺปยุตฺตกานํ ขนฺธานํ จิตฺตสมุฎฺฐานานญฺจ รูปานํ อตฺถิปจฺจเยน ปจฺจโย; ปฎิฆํ สมฺปยุตฺตกานํ ขนฺธานํ จิตฺตสมุฎฺฐานานญฺจ รูปานํ อตฺถิปจฺจเยน ปจฺจโยฯ ปุเรชาตํ – จกฺขุํ…เป.… วตฺถุํ อารพฺภ ทิฎฺฐิคตวิปฺปยุตฺตโลภสหคตา ขนฺธา จ โลโภ จ โทมนสฺสสหคตา ขนฺธา จ ปฎิฆญฺจ อุปฺปชฺชนฺติ, วตฺถุ ทิฎฺฐิคตวิปฺปยุตฺตโลภสหคตานํ ขนฺธานํ โลภสฺส จ โทมนสฺสสหคตานํ ขนฺธานํ ปฎิฆสฺส จ อตฺถิปจฺจเยน ปจฺจโยฯ (๓)

    Ganthavippayutto dhammo ganthasampayuttassa ca ganthavippayuttassa ca dhammassa atthipaccayena paccayo – sahajātaṃ, purejātaṃ. Sahajāto – diṭṭhigatavippayutto lobho sampayuttakānaṃ khandhānaṃ cittasamuṭṭhānānañca rūpānaṃ atthipaccayena paccayo; paṭighaṃ sampayuttakānaṃ khandhānaṃ cittasamuṭṭhānānañca rūpānaṃ atthipaccayena paccayo. Purejātaṃ – cakkhuṃ…pe… vatthuṃ ārabbha diṭṭhigatavippayuttalobhasahagatā khandhā ca lobho ca domanassasahagatā khandhā ca paṭighañca uppajjanti, vatthu diṭṭhigatavippayuttalobhasahagatānaṃ khandhānaṃ lobhassa ca domanassasahagatānaṃ khandhānaṃ paṭighassa ca atthipaccayena paccayo. (3)

    ๙๕. คนฺถสมฺปยุโตฺต จ คนฺถวิปฺปยุโตฺต จ ธมฺมา คนฺถสมฺปยุตฺตสฺส ธมฺมสฺส อตฺถิปจฺจเยน ปจฺจโย – สหชาตํ, ปุเรชาตํฯ สหชาโต – คนฺถสมฺปยุโตฺต เอโก ขโนฺธ จ วตฺถุ จ ติณฺณนฺนํ ขนฺธานํ อตฺถิปจฺจเยน ปจฺจโย…เป.… เทฺว ขนฺธา จ…เป.…ฯ สหชาโต – ทิฎฺฐิคตวิปฺปยุตฺตโลภสหคโต เอโก ขโนฺธ จ โลโภ จ ติณฺณนฺนํ ขนฺธานํ อตฺถิปจฺจเยน ปจฺจโย…เป.… เทฺว ขนฺธา จ…เป.… โทมนสฺสสหคโต เอโก ขโนฺธ จ ปฎิฆญฺจ ติณฺณนฺนํ ขนฺธานํ อตฺถิปจฺจเยน ปจฺจโย…เป.… เทฺว ขนฺธา จ…เป.…ฯ (๑)

    95. Ganthasampayutto ca ganthavippayutto ca dhammā ganthasampayuttassa dhammassa atthipaccayena paccayo – sahajātaṃ, purejātaṃ. Sahajāto – ganthasampayutto eko khandho ca vatthu ca tiṇṇannaṃ khandhānaṃ atthipaccayena paccayo…pe… dve khandhā ca…pe…. Sahajāto – diṭṭhigatavippayuttalobhasahagato eko khandho ca lobho ca tiṇṇannaṃ khandhānaṃ atthipaccayena paccayo…pe… dve khandhā ca…pe… domanassasahagato eko khandho ca paṭighañca tiṇṇannaṃ khandhānaṃ atthipaccayena paccayo…pe… dve khandhā ca…pe…. (1)

    คนฺถสมฺปยุโตฺต จ คนฺถวิปฺปยุโตฺต จ ธมฺมา คนฺถวิปฺปยุตฺตสฺส ธมฺมสฺส อตฺถิปจฺจเยน ปจฺจโย – สหชาตํ, ปุเรชาตํ, ปจฺฉาชาตํ, อาหารํ, อินฺทฺริยํฯ สหชาตา – คนฺถสมฺปยุตฺตา ขนฺธา จ มหาภูตา จ จิตฺตสมุฎฺฐานานํ รูปานํ อตฺถิปจฺจเยน ปจฺจโยฯ สหชาตา – ทิฎฺฐิคตวิปฺปยุตฺตโลภสหคตา ขนฺธา จ โลโภ จ จิตฺตสมุฎฺฐานานํ รูปานํ อตฺถิปจฺจเยน ปจฺจโยฯ สหชาตา – โทมนสฺสสหคตา ขนฺธา จ ปฎิฆญฺจ จิตฺตสมุฎฺฐานานํ รูปานํ อตฺถิปจฺจเยน ปจฺจโย; ทิฎฺฐิคตวิปฺปยุตฺตโลภสหคตา ขนฺธา จ วตฺถุ จ โลภสฺส อตฺถิปจฺจเยน ปจฺจโย; โทมนสฺสสหคตา ขนฺธา จ วตฺถุ จ ปฎิฆสฺส อตฺถิปจฺจเยน ปจฺจโยฯ ปจฺฉาชาตา – ทิฎฺฐิคตวิปฺปยุตฺตโลภสหคตา ขนฺธา จ โลโภ จ โทมนสฺสสหคตา ขนฺธา จ ปฎิฆญฺจ ปุเรชาตสฺส อิมสฺส กายสฺส อตฺถิปจฺจเยน ปจฺจโยฯ ปจฺฉาชาตา – คนฺถสมฺปยุตฺตา ขนฺธา จ กพฬีกาโร อาหาโร จ อิมสฺส กายสฺส อตฺถิปจฺจเยน ปจฺจโยฯ ปจฺฉาชาตา – คนฺถสมฺปยุตฺตา ขนฺธา จ รูปชีวิตินฺทฺริยญฺจ กฎตฺตารูปานํ อตฺถิปจฺจเยน ปจฺจโยฯ (๒)

    Ganthasampayutto ca ganthavippayutto ca dhammā ganthavippayuttassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ. Sahajātā – ganthasampayuttā khandhā ca mahābhūtā ca cittasamuṭṭhānānaṃ rūpānaṃ atthipaccayena paccayo. Sahajātā – diṭṭhigatavippayuttalobhasahagatā khandhā ca lobho ca cittasamuṭṭhānānaṃ rūpānaṃ atthipaccayena paccayo. Sahajātā – domanassasahagatā khandhā ca paṭighañca cittasamuṭṭhānānaṃ rūpānaṃ atthipaccayena paccayo; diṭṭhigatavippayuttalobhasahagatā khandhā ca vatthu ca lobhassa atthipaccayena paccayo; domanassasahagatā khandhā ca vatthu ca paṭighassa atthipaccayena paccayo. Pacchājātā – diṭṭhigatavippayuttalobhasahagatā khandhā ca lobho ca domanassasahagatā khandhā ca paṭighañca purejātassa imassa kāyassa atthipaccayena paccayo. Pacchājātā – ganthasampayuttā khandhā ca kabaḷīkāro āhāro ca imassa kāyassa atthipaccayena paccayo. Pacchājātā – ganthasampayuttā khandhā ca rūpajīvitindriyañca kaṭattārūpānaṃ atthipaccayena paccayo. (2)

    คนฺถสมฺปยุโตฺต จ คนฺถวิปฺปยุโตฺต จ ธมฺมา คนฺถสมฺปยุตฺตสฺส จ คนฺถวิปฺปยุตฺตสฺส จ ธมฺมสฺส อตฺถิปจฺจเยน ปจฺจโย – สหชาตํ, ปุเรชาตํฯ สหชาโต – ทิฎฺฐิคตวิปฺปยุตฺตโลภสหคโต เอโก ขโนฺธ จ โลโภ จ ติณฺณนฺนํ ขนฺธานํ จิตฺตสมุฎฺฐานานญฺจ รูปานํ อตฺถิปจฺจเยน ปจฺจโย…เป.… เทฺว ขนฺธา จ…เป.…ฯ สหชาโต – โทมนสฺสสหคโต เอโก ขโนฺธ จ ปฎิฆญฺจ ติณฺณนฺนํ ขนฺธานํ จิตฺตสมุฎฺฐานานญฺจ รูปานํ อตฺถิปจฺจเยน ปจฺจโย…เป.… เทฺว ขนฺธา จ…เป.…ฯ สหชาโต – ทิฎฺฐิคตวิปฺปยุตฺตโลภสหคโต เอโก ขโนฺธ จ วตฺถุ จ ติณฺณนฺนํ ขนฺธานํ โลภสฺส จ อตฺถิปจฺจเยน ปจฺจโย…เป.… เทฺว ขนฺธา จ…เป.…ฯ สหชาโต – โทมนสฺสสหคโต เอโก ขโนฺธ จ วตฺถุ จ ติณฺณนฺนํ ขนฺธานํ ปฎิฆสฺส จ อตฺถิปจฺจเยน ปจฺจโย…เป.… เทฺว ขนฺธา จ…เป.…ฯ (๓)

    Ganthasampayutto ca ganthavippayutto ca dhammā ganthasampayuttassa ca ganthavippayuttassa ca dhammassa atthipaccayena paccayo – sahajātaṃ, purejātaṃ. Sahajāto – diṭṭhigatavippayuttalobhasahagato eko khandho ca lobho ca tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… dve khandhā ca…pe…. Sahajāto – domanassasahagato eko khandho ca paṭighañca tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… dve khandhā ca…pe…. Sahajāto – diṭṭhigatavippayuttalobhasahagato eko khandho ca vatthu ca tiṇṇannaṃ khandhānaṃ lobhassa ca atthipaccayena paccayo…pe… dve khandhā ca…pe…. Sahajāto – domanassasahagato eko khandho ca vatthu ca tiṇṇannaṃ khandhānaṃ paṭighassa ca atthipaccayena paccayo…pe… dve khandhā ca…pe…. (3)

    ๑. ปจฺจยานุโลมํ

    1. Paccayānulomaṃ

    ๒. สงฺขฺยาวาโร

    2. Saṅkhyāvāro

    สุทฺธํ

    Suddhaṃ

    ๙๖. เหตุยา นว, อารมฺมเณ นว, อธิปติยา นว, อนนฺตเร นว, สมนนฺตเร นว, สหชาเต นว, อญฺญมเญฺญ ฉ, นิสฺสเย นว, อุปนิสฺสเย นว, ปุเรชาเต ตีณิ, ปจฺฉาชาเต ตีณิ, อาเสวเน นว, กเมฺม จตฺตาริ, วิปาเก เอกํ, อาหาเร จตฺตาริ , อินฺทฺริเย จตฺตาริ, ฌาเน จตฺตาริ, มเคฺค จตฺตาริ, สมฺปยุเตฺต ฉ, วิปฺปยุเตฺต ปญฺจ, อตฺถิยา นว, นตฺถิยา นว, วิคเต นว, อวิคเต นวฯ

    96. Hetuyā nava, ārammaṇe nava, adhipatiyā nava, anantare nava, samanantare nava, sahajāte nava, aññamaññe cha, nissaye nava, upanissaye nava, purejāte tīṇi, pacchājāte tīṇi, āsevane nava, kamme cattāri, vipāke ekaṃ, āhāre cattāri , indriye cattāri, jhāne cattāri, magge cattāri, sampayutte cha, vippayutte pañca, atthiyā nava, natthiyā nava, vigate nava, avigate nava.

    อนุโลมํฯ

    Anulomaṃ.

    ปจฺจนียุทฺธาโร

    Paccanīyuddhāro

    ๙๗. คนฺถสมฺปยุโตฺต ธโมฺม คนฺถสมฺปยุตฺตสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโยฯ (๑)

    97. Ganthasampayutto dhammo ganthasampayuttassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)

    คนฺถสมฺปยุโตฺต ธโมฺม คนฺถวิปฺปยุตฺตสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโย… ปจฺฉาชาตปจฺจเยน ปจฺจโย… กมฺมปจฺจเยน ปจฺจโยฯ (๒)

    Ganthasampayutto dhammo ganthavippayuttassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo… kammapaccayena paccayo. (2)

    คนฺถสมฺปยุโตฺต ธโมฺม คนฺถสมฺปยุตฺตสฺส จ คนฺถวิปฺปยุตฺตสฺส จ ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโยฯ (๓)

    Ganthasampayutto dhammo ganthasampayuttassa ca ganthavippayuttassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (3)

    ๙๘. คนฺถวิปฺปยุโตฺต ธโมฺม คนฺถวิปฺปยุตฺตสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโย… ปุเรชาตปจฺจเยน ปจฺจโย… ปจฺฉาชาตปจฺจเยน ปจฺจโย… กมฺมปจฺจเยน ปจฺจโย… อาหารปจฺจเยน ปจฺจโย… อินฺทฺริยปจฺจเยน ปจฺจโยฯ (๑)

    98. Ganthavippayutto dhammo ganthavippayuttassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (1)

    คนฺถวิปฺปยุโตฺต ธโมฺม คนฺถสมฺปยุตฺตสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโย… ปุเรชาตปจฺจเยน ปจฺจโยฯ (๒)

    Ganthavippayutto dhammo ganthasampayuttassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo. (2)

    คนฺถวิปฺปยุโตฺต ธโมฺม คนฺถสมฺปยุตฺตสฺส จ คนฺถวิปฺปยุตฺตสฺส จ ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโย… ปุเรชาตปจฺจเยน ปจฺจโยฯ (๓)

    Ganthavippayutto dhammo ganthasampayuttassa ca ganthavippayuttassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo. (3)

    ๙๙. คนฺถสมฺปยุโตฺต จ คนฺถวิปฺปยุโตฺต จ ธมฺมา คนฺถสมฺปยุตฺตสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโยฯ (๑)

    99. Ganthasampayutto ca ganthavippayutto ca dhammā ganthasampayuttassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)

    คนฺถสมฺปยุโตฺต จ คนฺถวิปฺปยุโตฺต จ ธมฺมา คนฺถวิปฺปยุตฺตสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโย… ปจฺฉาชาตปจฺจเยน ปจฺจโยฯ (๒)

    Ganthasampayutto ca ganthavippayutto ca dhammā ganthavippayuttassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo. (2)

    คนฺถสมฺปยุโตฺต จ คนฺถวิปฺปยุโตฺต จ ธมฺมา คนฺถสมฺปยุตฺตสฺส จ คนฺถวิปฺปยุตฺตสฺส จ ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโยฯ (๓)

    Ganthasampayutto ca ganthavippayutto ca dhammā ganthasampayuttassa ca ganthavippayuttassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (3)

    ๒. ปจฺจยปจฺจนียํ

    2. Paccayapaccanīyaṃ

    ๒. สงฺขฺยาวาโร

    2. Saṅkhyāvāro

    ๑๐๐. นเหตุยา นว, นอารมฺมเณ นว (สพฺพตฺถ นว), โนอวิคเต นวฯ

    100. Nahetuyā nava, naārammaṇe nava (sabbattha nava), noavigate nava.

    ๓. ปจฺจยานุโลมปจฺจนียํ

    3. Paccayānulomapaccanīyaṃ

    เหตุทุกํ

    Hetudukaṃ

    ๑๐๑. เหตุปจฺจยา นอารมฺมเณ นว, นอธิปติยา นว…เป.… นสมนนฺตเร นว, นอญฺญมเญฺญ ตีณิ, นอุปนิสฺสเย นว…เป.… นมเคฺค นว , นสมฺปยุเตฺต ตีณิ, นวิปฺปยุเตฺต ฉ, โนนตฺถิยา นว, โนวิคเต นวฯ

    101. Hetupaccayā naārammaṇe nava, naadhipatiyā nava…pe… nasamanantare nava, naaññamaññe tīṇi, naupanissaye nava…pe… namagge nava , nasampayutte tīṇi, navippayutte cha, nonatthiyā nava, novigate nava.

    ๔. ปจฺจยปจฺจนียานุโลมํ

    4. Paccayapaccanīyānulomaṃ

    นเหตุทุกํ

    Nahetudukaṃ

    ๑๐๒. นเหตุปจฺจยา อารมฺมเณ นว, อธิปติยา นว (อนุโลมมาติกา วิตฺถาเรตพฺพา)…เป.… อวิคเต นวฯ

    102. Nahetupaccayā ārammaṇe nava, adhipatiyā nava (anulomamātikā vitthāretabbā)…pe… avigate nava.

    คนฺถสมฺปยุตฺตทุกํ นิฎฺฐิตํฯ

    Ganthasampayuttadukaṃ niṭṭhitaṃ.

    ๒๙. คนฺถคนฺถนิยทุกํ

    29. Ganthaganthaniyadukaṃ

    ๑. ปฎิจฺจวาโร

    1. Paṭiccavāro

    เหตุปจฺจโย

    Hetupaccayo

    ๑๐๓. คนฺถเญฺจว คนฺถนิยญฺจ ธมฺมํ ปฎิจฺจ คโนฺถ เจว คนฺถนิโย จ ธโมฺม อุปฺปชฺชติ เหตุปจฺจยา – สีลพฺพตปรามาสํ กายคนฺถํ ปฎิจฺจ อภิชฺฌากายคโนฺถ, อภิชฺฌากายคนฺถํ ปฎิจฺจ สีลพฺพตปรามาโส กายคโนฺถ, อิทํสจฺจาภินิเวสกายคนฺถํ ปฎิจฺจ อภิชฺฌากายคโนฺถ, อภิชฺฌากายคนฺถํ ปฎิจฺจ อิทํสจฺจาภินิเวสกายคโนฺถฯ (๑)

    103. Ganthañceva ganthaniyañca dhammaṃ paṭicca gantho ceva ganthaniyo ca dhammo uppajjati hetupaccayā – sīlabbataparāmāsaṃ kāyaganthaṃ paṭicca abhijjhākāyagantho, abhijjhākāyaganthaṃ paṭicca sīlabbataparāmāso kāyagantho, idaṃsaccābhinivesakāyaganthaṃ paṭicca abhijjhākāyagantho, abhijjhākāyaganthaṃ paṭicca idaṃsaccābhinivesakāyagantho. (1)

    คนฺถเญฺจว คนฺถนิยญฺจ ธมฺมํ ปฎิจฺจ คนฺถนิโย เจว โน จ คโนฺถ ธโมฺม อุปฺปชฺชติ เหตุปจฺจยา – คเนฺถ ปฎิจฺจ สมฺปยุตฺตกา ขนฺธา จิตฺตสมุฎฺฐานญฺจ รูปํฯ (๒)

    Ganthañceva ganthaniyañca dhammaṃ paṭicca ganthaniyo ceva no ca gantho dhammo uppajjati hetupaccayā – ganthe paṭicca sampayuttakā khandhā cittasamuṭṭhānañca rūpaṃ. (2)

    คนฺถเญฺจว คนฺถนิยญฺจ ธมฺมํ ปฎิจฺจ คโนฺถ เจว คนฺถนิโย จ คนฺถนิโย เจว โน จ คโนฺถ จ ธมฺมา อุปฺปชฺชนฺติ เหตุปจฺจยาฯ (๑)

    Ganthañceva ganthaniyañca dhammaṃ paṭicca gantho ceva ganthaniyo ca ganthaniyo ceva no ca gantho ca dhammā uppajjanti hetupaccayā. (1)

    ๒-๖. สหชาต-ปจฺจย-นิสฺสย-สํสฎฺฐ-สมฺปยุตฺตวาโร

    2-6. Sahajāta-paccaya-nissaya-saṃsaṭṭha-sampayuttavāro

    (ปฎิจฺจวารมฺปิ สหชาตวารมฺปิ ปจฺจยวารมฺปิ นิสฺสยวารมฺปิ สํสฎฺฐวารมฺปิ สมฺปยุตฺตวารมฺปิ คนฺถทุกสทิสํ นินฺนานากรณํฯ)

    (Paṭiccavārampi sahajātavārampi paccayavārampi nissayavārampi saṃsaṭṭhavārampi sampayuttavārampi ganthadukasadisaṃ ninnānākaraṇaṃ.)

    ๗. ปญฺหาวาโร

    7. Pañhāvāro

    ๑. ปจฺจยานุโลมํ

    1. Paccayānulomaṃ

    ๑. วิภงฺควาโร

    1. Vibhaṅgavāro

    เหตุปจฺจโย

    Hetupaccayo

    ๑๐๔. คโนฺถ เจว คนฺถนิโย จ ธโมฺม คนฺถสฺส เจว คนฺถนิยสฺส จ ธมฺมสฺส เหตุปจฺจเยน ปจฺจโย – คนฺถา เหตู สมฺปยุตฺตกานํ คนฺถานํ เหตุปจฺจเยน ปจฺจโย (เอวํ นว ปญฺหา วิตฺถาเรตพฺพา)ฯ

    104. Gantho ceva ganthaniyo ca dhammo ganthassa ceva ganthaniyassa ca dhammassa hetupaccayena paccayo – ganthā hetū sampayuttakānaṃ ganthānaṃ hetupaccayena paccayo (evaṃ nava pañhā vitthāretabbā).

    อารมฺมณปจฺจโย

    Ārammaṇapaccayo

    ๑๐๕. คโนฺถ เจว คนฺถนิโย จ ธโมฺม คนฺถสฺส เจว คนฺถนิยสฺส จ ธมฺมสฺส อารมฺมณปจฺจเยน ปจฺจโย – คเนฺถ อารพฺภ คนฺถา อุปฺปชฺชนฺติฯ (มูลํ ปุจฺฉิตพฺพํ) คเนฺถ อารพฺภ คนฺถนิยา เจว โน จ คนฺถา ขนฺธา อุปฺปชฺชนฺติฯ (มูลํ ปุจฺฉิตพฺพํ) คเนฺถ อารพฺภ คนฺถา จ สมฺปยุตฺตกา จ ขนฺธา อุปฺปชฺชนฺติฯ (๓)

    105. Gantho ceva ganthaniyo ca dhammo ganthassa ceva ganthaniyassa ca dhammassa ārammaṇapaccayena paccayo – ganthe ārabbha ganthā uppajjanti. (Mūlaṃ pucchitabbaṃ) ganthe ārabbha ganthaniyā ceva no ca ganthā khandhā uppajjanti. (Mūlaṃ pucchitabbaṃ) ganthe ārabbha ganthā ca sampayuttakā ca khandhā uppajjanti. (3)

    ๑๐๖. คนฺถนิโย เจว โน จ คโนฺถ ธโมฺม คนฺถนิยสฺส เจว โน จ คนฺถสฺส จ ธมฺมสฺส อารมฺมณปจฺจเยน ปจฺจโย – ทานํ…เป.… สีลํ…เป.… อุโปสถกมฺมํ กตฺวา ตํ ปจฺจเวกฺขติ, ปุเพฺพ สุจิณฺณานิ…เป.… ฌานา…เป.… อริยา โคตฺรภุํ ปจฺจเวกฺขนฺติ, โวทานํ ปจฺจเวกฺขนฺติ, ปหีเน กิเลเส…เป.… วิกฺขมฺภิเต กิเลเส ปจฺจเวกฺขนฺติ, ปุเพฺพ สมุทาจิเณฺณ กิเลเส ชานนฺติ, จกฺขุํ…เป.… วตฺถุํ คนฺถนิเย เจว โน จ คเนฺถ ขเนฺธ อนิจฺจโต…เป.… โทมนสฺสํ อุปฺปชฺชติ; ทิเพฺพน จกฺขุนา รูปํ ปสฺสติ, ทิพฺพาย โสตธาตุยา สทฺทํ สุณาติฯ (สพฺพํ วิตฺถาเรตพฺพํ) อาวชฺชนาย อารมฺมณปจฺจเยน ปจฺจโยฯ (๑)

    106. Ganthaniyo ceva no ca gantho dhammo ganthaniyassa ceva no ca ganthassa ca dhammassa ārammaṇapaccayena paccayo – dānaṃ…pe… sīlaṃ…pe… uposathakammaṃ katvā taṃ paccavekkhati, pubbe suciṇṇāni…pe… jhānā…pe… ariyā gotrabhuṃ paccavekkhanti, vodānaṃ paccavekkhanti, pahīne kilese…pe… vikkhambhite kilese paccavekkhanti, pubbe samudāciṇṇe kilese jānanti, cakkhuṃ…pe… vatthuṃ ganthaniye ceva no ca ganthe khandhe aniccato…pe… domanassaṃ uppajjati; dibbena cakkhunā rūpaṃ passati, dibbāya sotadhātuyā saddaṃ suṇāti. (Sabbaṃ vitthāretabbaṃ) āvajjanāya ārammaṇapaccayena paccayo. (1)

    คนฺถนิโย เจว โน จ คโนฺถ ธโมฺม คนฺถสฺส เจว คนฺถนิยสฺส จ ธมฺมสฺส อารมฺมณปจฺจเยน ปจฺจโย – ทานํ…เป.… สีลํ…เป.… อุโปสถกมฺมํ กตฺวา ตํ อสฺสาเทติ อภินนฺทติ , ตํ อารพฺภ ราโค อุปฺปชฺชติ, ทิฎฺฐิ…เป.… วิจิกิจฺฉา…เป.… โทมนสฺสํ อุปฺปชฺชติ; ปุเพฺพ สุจิณฺณานิ…เป.… ฌานา วุฎฺฐหิตฺวา ฌานํ…เป.… จกฺขุํ…เป.… วตฺถุํ คนฺถนิเย เจว โน จ คเนฺถ ขเนฺธ อสฺสาเทติ อภินนฺทติ, ตํ อารพฺภ ราโค อุปฺปชฺชติ, ทิฎฺฐิ…เป.… โทมนสฺสํ อุปฺปชฺชติฯ (๒)

    Ganthaniyo ceva no ca gantho dhammo ganthassa ceva ganthaniyassa ca dhammassa ārammaṇapaccayena paccayo – dānaṃ…pe… sīlaṃ…pe… uposathakammaṃ katvā taṃ assādeti abhinandati , taṃ ārabbha rāgo uppajjati, diṭṭhi…pe… vicikicchā…pe… domanassaṃ uppajjati; pubbe suciṇṇāni…pe… jhānā vuṭṭhahitvā jhānaṃ…pe… cakkhuṃ…pe… vatthuṃ ganthaniye ceva no ca ganthe khandhe assādeti abhinandati, taṃ ārabbha rāgo uppajjati, diṭṭhi…pe… domanassaṃ uppajjati. (2)

    คนฺถนิโย เจว โน จ คโนฺถ ธโมฺม คนฺถสฺส เจว คนฺถนิยสฺส จ คนฺถนิยสฺส เจว โน จ คนฺถสฺส จ ธมฺมสฺส อารมฺมณปจฺจเยน ปจฺจโย – ทานํ…เป.… สีลํ…เป.… อุโปสถกมฺมํ…เป.… ปุเพฺพ สุจิณฺณานิ…เป.… ฌานา วุฎฺฐหิตฺวา ฌานํ…เป.… จกฺขุํ…เป.… วตฺถุํ คนฺถนิเย เจว โน จ คเนฺถ ขเนฺธ อสฺสาเทติ อภินนฺทติ, ตํ อารพฺภ คนฺถา จ สมฺปยุตฺตกา จ ขนฺธา อุปฺปชฺชนฺติ (เอวํ อิตเรปิ ตีณิ วิตฺถาเรตพฺพา)ฯ (๓)

    Ganthaniyo ceva no ca gantho dhammo ganthassa ceva ganthaniyassa ca ganthaniyassa ceva no ca ganthassa ca dhammassa ārammaṇapaccayena paccayo – dānaṃ…pe… sīlaṃ…pe… uposathakammaṃ…pe… pubbe suciṇṇāni…pe… jhānā vuṭṭhahitvā jhānaṃ…pe… cakkhuṃ…pe… vatthuṃ ganthaniye ceva no ca ganthe khandhe assādeti abhinandati, taṃ ārabbha ganthā ca sampayuttakā ca khandhā uppajjanti (evaṃ itarepi tīṇi vitthāretabbā). (3)

    (อารพฺภ กาตพฺพาฯ อิมสฺมิํ ทุเก โลกุตฺตรํ นตฺถิ, คนฺถทุกสทิสํ, นินฺนานากรณํฯ ‘‘คนฺถนิย’’นฺติ นิยาเมตพฺพํ, มเคฺค นว ปญฺหา กาตพฺพาฯ)

    (Ārabbha kātabbā. Imasmiṃ duke lokuttaraṃ natthi, ganthadukasadisaṃ, ninnānākaraṇaṃ. ‘‘Ganthaniya’’nti niyāmetabbaṃ, magge nava pañhā kātabbā.)

    คนฺถคนฺถนิยทุกํ นิฎฺฐิตํฯ

    Ganthaganthaniyadukaṃ niṭṭhitaṃ.

    ๓๐. คนฺถคนฺถสมฺปยุตฺตทุกํ

    30. Ganthaganthasampayuttadukaṃ

    ๑. ปฎิจฺจวาโร

    1. Paṭiccavāro

    ๑-๔. ปจฺจยจตุกฺกํ

    1-4. Paccayacatukkaṃ

    เหตุปจฺจโย

    Hetupaccayo

    ๑๐๗. คนฺถเญฺจว คนฺถสมฺปยุตฺตญฺจ ธมฺมํ ปฎิจฺจ คโนฺถ เจว คนฺถสมฺปยุโตฺต จ ธโมฺม อุปฺปชฺชติ เหตุปจฺจยา – สีลพฺพตปรามาสํ กายคนฺถํ ปฎิจฺจ อภิชฺฌากายคโนฺถ, อภิชฺฌากายคนฺถํ ปฎิจฺจ สีลพฺพตปรามาโส กายคโนฺถ, อิทํสจฺจาภินิเวสกายคนฺถํ ปฎิจฺจ อภิชฺฌากายคโนฺถ, อภิชฺฌากายคนฺถํ ปฎิจฺจ อิทํสจฺจาภินิเวโส กายคโนฺถฯ (๑)

    107. Ganthañceva ganthasampayuttañca dhammaṃ paṭicca gantho ceva ganthasampayutto ca dhammo uppajjati hetupaccayā – sīlabbataparāmāsaṃ kāyaganthaṃ paṭicca abhijjhākāyagantho, abhijjhākāyaganthaṃ paṭicca sīlabbataparāmāso kāyagantho, idaṃsaccābhinivesakāyaganthaṃ paṭicca abhijjhākāyagantho, abhijjhākāyaganthaṃ paṭicca idaṃsaccābhiniveso kāyagantho. (1)

    คนฺถเญฺจว คนฺถสมฺปยุตฺตญฺจ ธมฺมํ ปฎิจฺจ คนฺถสมฺปยุโตฺต เจว โน จ คโนฺถ ธโมฺม อุปฺปชฺชติ เหตุปจฺจยา – คเนฺถ ปฎิจฺจ สมฺปยุตฺตกา ขนฺธาฯ (๒)

    Ganthañceva ganthasampayuttañca dhammaṃ paṭicca ganthasampayutto ceva no ca gantho dhammo uppajjati hetupaccayā – ganthe paṭicca sampayuttakā khandhā. (2)

    คนฺถเญฺจว คนฺถสมฺปยุตฺตญฺจ ธมฺมํ ปฎิจฺจ คโนฺถ เจว คนฺถสมฺปยุโตฺต จ คนฺถสมฺปยุโตฺต เจว โน จ คโนฺถ จ ธมฺมา อุปฺปชฺชนฺติ เหตุปจฺจยา – สีลพฺพตปรามาสํ กายคนฺถํ ปฎิจฺจ อภิชฺฌากายคโนฺถ สมฺปยุตฺตกา จ ขนฺธา (จกฺกํ)ฯ (๓)

    Ganthañceva ganthasampayuttañca dhammaṃ paṭicca gantho ceva ganthasampayutto ca ganthasampayutto ceva no ca gantho ca dhammā uppajjanti hetupaccayā – sīlabbataparāmāsaṃ kāyaganthaṃ paṭicca abhijjhākāyagantho sampayuttakā ca khandhā (cakkaṃ). (3)

    ๑๐๘. คนฺถสมฺปยุตฺตเญฺจว โน จ คนฺถํ ธมฺมํ ปฎิจฺจ คนฺถสมฺปยุโตฺต เจว โน จ คโนฺถ ธโมฺม อุปฺปชฺชติ เหตุปจฺจยา – คนฺถสมฺปยุตฺตเญฺจว โน จ คนฺถํ เอกํ ขนฺธํ ปฎิจฺจ ตโย ขนฺธา…เป.… เทฺว ขเนฺธ…เป.…ฯ (๑)

    108. Ganthasampayuttañceva no ca ganthaṃ dhammaṃ paṭicca ganthasampayutto ceva no ca gantho dhammo uppajjati hetupaccayā – ganthasampayuttañceva no ca ganthaṃ ekaṃ khandhaṃ paṭicca tayo khandhā…pe… dve khandhe…pe…. (1)

    คนฺถสมฺปยุตฺตเญฺจว โน จ คนฺถํ ธมฺมํ ปฎิจฺจ คโนฺถ เจว คนฺถสมฺปยุโตฺต จ ธโมฺม อุปฺปชฺชติ เหตุปจฺจยา – คนฺถสมฺปยุเตฺต เจว โน จ คเนฺถ ขเนฺธ ปฎิจฺจ คนฺถาฯ (๒)

    Ganthasampayuttañceva no ca ganthaṃ dhammaṃ paṭicca gantho ceva ganthasampayutto ca dhammo uppajjati hetupaccayā – ganthasampayutte ceva no ca ganthe khandhe paṭicca ganthā. (2)

    คนฺถสมฺปยุตฺตเญฺจว โน จ คนฺถํ ธมฺมํ ปฎิจฺจ คโนฺถ เจว คนฺถสมฺปยุโตฺต จ คนฺถสมฺปยุโตฺต เจว โน จ คโนฺถ จ ธมฺมา อุปฺปชฺชนฺติ เหตุปจฺจยา – คนฺถสมฺปยุตฺตเญฺจว โน จ คนฺถํ เอกํ ขนฺธํ ปฎิจฺจ ตโย ขนฺธา คนฺถา จ…เป.… เทฺว ขเนฺธ…เป.…ฯ (๓)

    Ganthasampayuttañceva no ca ganthaṃ dhammaṃ paṭicca gantho ceva ganthasampayutto ca ganthasampayutto ceva no ca gantho ca dhammā uppajjanti hetupaccayā – ganthasampayuttañceva no ca ganthaṃ ekaṃ khandhaṃ paṭicca tayo khandhā ganthā ca…pe… dve khandhe…pe…. (3)

    ๑๐๙. คนฺถเญฺจว คนฺถสมฺปยุตฺตญฺจ คนฺถสมฺปยุตฺตเญฺจว โน จ คนฺถญฺจ ธมฺมํ ปฎิจฺจ คโนฺถ เจว คนฺถสมฺปยุโตฺต จ ธโมฺม อุปฺปชฺชติ เหตุปจฺจยา – คเนฺถ จ สมฺปยุตฺตเก จ ขเนฺธ ปฎิจฺจ คนฺถาฯ (๑)

    109. Ganthañceva ganthasampayuttañca ganthasampayuttañceva no ca ganthañca dhammaṃ paṭicca gantho ceva ganthasampayutto ca dhammo uppajjati hetupaccayā – ganthe ca sampayuttake ca khandhe paṭicca ganthā. (1)

    คนฺถเญฺจว คนฺถสมฺปยุตฺตญฺจ คนฺถสมฺปยุตฺตเญฺจว โน จ คนฺถญฺจ ธมฺมํ ปฎิจฺจ คนฺถสมฺปยุโตฺต เจว โน จ คโนฺถ ธโมฺม อุปฺปชฺชติ เหตุปจฺจยา – คนฺถสมฺปยุตฺตเญฺจว โน จ คนฺถํ เอกํ ขนฺธญฺจ คเนฺถ จ ปฎิจฺจ ตโย ขนฺธา…เป.… เทฺว ขเนฺธ จ…เป.…ฯ (๒)

    Ganthañceva ganthasampayuttañca ganthasampayuttañceva no ca ganthañca dhammaṃ paṭicca ganthasampayutto ceva no ca gantho dhammo uppajjati hetupaccayā – ganthasampayuttañceva no ca ganthaṃ ekaṃ khandhañca ganthe ca paṭicca tayo khandhā…pe… dve khandhe ca…pe…. (2)

    คนฺถเญฺจว คนฺถสมฺปยุตฺตญฺจ คนฺถสมฺปยุตฺตเญฺจว โน จ คนฺถญฺจ ธมฺมํ ปฎิจฺจ คโนฺถ เจว คนฺถสมฺปยุโตฺต จ คนฺถสมฺปยุโตฺต เจว โน จ คโนฺถ จ ธมฺมา อุปฺปชฺชนฺติ เหตุปจฺจยา – คนฺถสมฺปยุตฺตเญฺจว โน จ คนฺถํ เอกํ ขนฺธญฺจ สีลพฺพตปรามาสํ กายคนฺถญฺจ ปฎิจฺจ ตโย ขนฺธา อภิชฺฌากายคโนฺถ จ…เป.… เทฺว ขเนฺธ จ…เป.… (จกฺกํ พนฺธิตพฺพํฯ สํขิตฺตํ)ฯ (๓)

    Ganthañceva ganthasampayuttañca ganthasampayuttañceva no ca ganthañca dhammaṃ paṭicca gantho ceva ganthasampayutto ca ganthasampayutto ceva no ca gantho ca dhammā uppajjanti hetupaccayā – ganthasampayuttañceva no ca ganthaṃ ekaṃ khandhañca sīlabbataparāmāsaṃ kāyaganthañca paṭicca tayo khandhā abhijjhākāyagantho ca…pe… dve khandhe ca…pe… (cakkaṃ bandhitabbaṃ. Saṃkhittaṃ). (3)

    ๑๑๐. เหตุยา นว, อารมฺมเณ นว (สพฺพตฺถ นว), กเมฺม นว, อาหาเร นว…เป.… อวิคเต นวฯ

    110. Hetuyā nava, ārammaṇe nava (sabbattha nava), kamme nava, āhāre nava…pe… avigate nava.

    อนุโลมํฯ

    Anulomaṃ.

    ๒. ปจฺจยปจฺจนียํ

    2. Paccayapaccanīyaṃ

    ๑๑๑. คนฺถเญฺจว คนฺถสมฺปยุตฺตญฺจ ธมฺมํ ปฎิจฺจ คโนฺถ เจว คนฺถสมฺปยุโตฺต จ ธโมฺม อุปฺปชฺชติ นอธิปติปจฺจยา (สํขิตฺตํ)ฯ

    111. Ganthañceva ganthasampayuttañca dhammaṃ paṭicca gantho ceva ganthasampayutto ca dhammo uppajjati naadhipatipaccayā (saṃkhittaṃ).

    (อิธ นเหตุปจฺจโย นตฺถิ) นอธิปติยา นว, นปุเรชาเต นว, นปจฺฉาชาเต นว, นอาเสวเน นว, นกเมฺม ตีณิ, นวิปาเก นว, นวิปฺปยุเตฺต นวฯ

    (Idha nahetupaccayo natthi) naadhipatiyā nava, napurejāte nava, napacchājāte nava, naāsevane nava, nakamme tīṇi, navipāke nava, navippayutte nava.

    ๒-๖. สหชาต-ปจฺจย-นิสฺสย-สํสฎฺฐ-สมฺปยุตฺตวาโร

    2-6. Sahajāta-paccaya-nissaya-saṃsaṭṭha-sampayuttavāro

    (เอวํ อิตเร เทฺว คณนาปิ สหชาตวาโรปิ ปจฺจยวาโรปิ นิสฺสยวาโรปิ สํสฎฺฐวาโรปิ สมฺปยุตฺตวาโรปิ ปฎิจฺจวารสทิสาฯ)

    (Evaṃ itare dve gaṇanāpi sahajātavāropi paccayavāropi nissayavāropi saṃsaṭṭhavāropi sampayuttavāropi paṭiccavārasadisā.)

    ๗. ปญฺหาวาโร

    7. Pañhāvāro

    ๑. ปจฺจยานุโลมํ

    1. Paccayānulomaṃ

    ๑. วิภงฺควาโร

    1. Vibhaṅgavāro

    เหตุปจฺจโย

    Hetupaccayo

    ๑๑๒. คโนฺถ เจว คนฺถสมฺปยุโตฺต จ ธโมฺม คนฺถสฺส เจว คนฺถสมฺปยุตฺตสฺส จ ธมฺมสฺส เหตุปจฺจเยน ปจฺจโย – คนฺถา เจว คนฺถสมฺปยุตฺตา จ เหตู สมฺปยุตฺตกานํ คนฺถานํ เหตุปจฺจเยน ปจฺจโยฯ (๑)

    112. Gantho ceva ganthasampayutto ca dhammo ganthassa ceva ganthasampayuttassa ca dhammassa hetupaccayena paccayo – ganthā ceva ganthasampayuttā ca hetū sampayuttakānaṃ ganthānaṃ hetupaccayena paccayo. (1)

    คโนฺถ เจว คนฺถสมฺปยุโตฺต จ ธโมฺม คนฺถสมฺปยุตฺตสฺส เจว โน จ คนฺถสฺส ธมฺมสฺส เหตุปจฺจเยน ปจฺจโย – คนฺถา เจว คนฺถสมฺปยุตฺตา จ เหตู สมฺปยุตฺตกานํ ขนฺธานํ เหตุปจฺจเยน ปจฺจโยฯ (๒)

    Gantho ceva ganthasampayutto ca dhammo ganthasampayuttassa ceva no ca ganthassa dhammassa hetupaccayena paccayo – ganthā ceva ganthasampayuttā ca hetū sampayuttakānaṃ khandhānaṃ hetupaccayena paccayo. (2)

    คโนฺถ เจว คนฺถสมฺปยุโตฺต จ ธโมฺม คนฺถสฺส เจว คนฺถสมฺปยุตฺตสฺส จ คนฺถสมฺปยุตฺตสฺส เจว โน จ คนฺถสฺส จ ธมฺมสฺส เหตุปจฺจเยน ปจฺจโย – คนฺถา เจว คนฺถสมฺปยุตฺตา จ เหตู สมฺปยุตฺตกานํ ขนฺธานํ คนฺถานญฺจ เหตุปจฺจเยน ปจฺจโยฯ (๓)

    Gantho ceva ganthasampayutto ca dhammo ganthassa ceva ganthasampayuttassa ca ganthasampayuttassa ceva no ca ganthassa ca dhammassa hetupaccayena paccayo – ganthā ceva ganthasampayuttā ca hetū sampayuttakānaṃ khandhānaṃ ganthānañca hetupaccayena paccayo. (3)

    ๑๑๓. คนฺถสมฺปยุโตฺต เจว โน จ คโนฺถ ธโมฺม คนฺถสมฺปยุตฺตสฺส เจว โน จ คนฺถสฺส ธมฺมสฺส เหตุปจฺจเยน ปจฺจโย – คนฺถสมฺปยุตฺตา เจว โน จ คนฺถา เหตู สมฺปยุตฺตกานํ คนฺถานํ เหตุปจฺจเยน ปจฺจโยฯ (๑)

    113. Ganthasampayutto ceva no ca gantho dhammo ganthasampayuttassa ceva no ca ganthassa dhammassa hetupaccayena paccayo – ganthasampayuttā ceva no ca ganthā hetū sampayuttakānaṃ ganthānaṃ hetupaccayena paccayo. (1)

    คนฺถสมฺปยุโตฺต เจว โน จ คโนฺถ ธโมฺม คนฺถสฺส เจว คนฺถสมฺปยุตฺตสฺส จ ธมฺมสฺส เหตุปจฺจเยน ปจฺจโย – คนฺถสมฺปยุตฺตา เจว โน จ คนฺถา เหตู สมฺปยุตฺตกานํ คนฺถานํ เหตุปจฺจเยน ปจฺจโยฯ (๒)

    Ganthasampayutto ceva no ca gantho dhammo ganthassa ceva ganthasampayuttassa ca dhammassa hetupaccayena paccayo – ganthasampayuttā ceva no ca ganthā hetū sampayuttakānaṃ ganthānaṃ hetupaccayena paccayo. (2)

    คนฺถสมฺปยุโตฺต เจว โน จ คโนฺถ ธโมฺม คนฺถสฺส เจว คนฺถสมฺปยุตฺตสฺส จ คนฺถสมฺปยุตฺตสฺส เจว โน จ คนฺถสฺส จ ธมฺมสฺส เหตุปจฺจเยน ปจฺจโย – คนฺถสมฺปยุตฺตา เจว โน จ คนฺถา เหตู สมฺปยุตฺตกานํ ขนฺธานํ คนฺถานญฺจ เหตุปจฺจเยน ปจฺจโยฯ (๓)

    Ganthasampayutto ceva no ca gantho dhammo ganthassa ceva ganthasampayuttassa ca ganthasampayuttassa ceva no ca ganthassa ca dhammassa hetupaccayena paccayo – ganthasampayuttā ceva no ca ganthā hetū sampayuttakānaṃ khandhānaṃ ganthānañca hetupaccayena paccayo. (3)

    ๑๑๔. คโนฺถ เจว คนฺถสมฺปยุโตฺต จ คนฺถสมฺปยุโตฺต เจว โน จ คโนฺถ จ ธมฺมา คนฺถสฺส เจว คนฺถสมฺปยุตฺตสฺส จ ธมฺมสฺส เหตุปจฺจเยน ปจฺจโย – คนฺถา เจว คนฺถสมฺปยุตฺตา จ คนฺถสมฺปยุตฺตา เจว โน จ คนฺถา จ เหตู สมฺปยุตฺตกานํ ขนฺธานํ เหตุปจฺจเยน ปจฺจโยฯ (๑)

    114. Gantho ceva ganthasampayutto ca ganthasampayutto ceva no ca gantho ca dhammā ganthassa ceva ganthasampayuttassa ca dhammassa hetupaccayena paccayo – ganthā ceva ganthasampayuttā ca ganthasampayuttā ceva no ca ganthā ca hetū sampayuttakānaṃ khandhānaṃ hetupaccayena paccayo. (1)

    คโนฺถ เจว คนฺถสมฺปยุโตฺต จ คนฺถสมฺปยุโตฺต เจว โน จ คโนฺถ จ ธมฺมา คนฺถสมฺปยุตฺตสฺส เจว โน จ คนฺถสฺส ธมฺมสฺส เหตุปจฺจเยน ปจฺจโย – คนฺถา เจว คนฺถสมฺปยุตฺตา จ คนฺถสมฺปยุตฺตา เจว โน จ คนฺถา จ เหตู สมฺปยุตฺตกานํ ขนฺธานํ เหตุปจฺจเยน ปจฺจโยฯ (๒)

    Gantho ceva ganthasampayutto ca ganthasampayutto ceva no ca gantho ca dhammā ganthasampayuttassa ceva no ca ganthassa dhammassa hetupaccayena paccayo – ganthā ceva ganthasampayuttā ca ganthasampayuttā ceva no ca ganthā ca hetū sampayuttakānaṃ khandhānaṃ hetupaccayena paccayo. (2)

    คโนฺถ เจว คนฺถสมฺปยุโตฺต จ คนฺถสมฺปยุโตฺต เจว โน จ คโนฺถ จ ธมฺมา คนฺถสฺส เจว คนฺถสมฺปยุตฺตสฺส จ คนฺถสมฺปยุตฺตสฺส เจว โน จ คนฺถสฺส จ ธมฺมสฺส เหตุปจฺจเยน ปจฺจโย – คนฺถา เจว คนฺถสมฺปยุตฺตา จ คนฺถสมฺปยุตฺตา เจว โน จ คนฺถา จ เหตู สมฺปยุตฺตกานํ ขนฺธานํ คนฺถานญฺจ เหตุปจฺจเยน ปจฺจโยฯ (๓)

    Gantho ceva ganthasampayutto ca ganthasampayutto ceva no ca gantho ca dhammā ganthassa ceva ganthasampayuttassa ca ganthasampayuttassa ceva no ca ganthassa ca dhammassa hetupaccayena paccayo – ganthā ceva ganthasampayuttā ca ganthasampayuttā ceva no ca ganthā ca hetū sampayuttakānaṃ khandhānaṃ ganthānañca hetupaccayena paccayo. (3)

    อารมฺมณปจฺจยาทิ

    Ārammaṇapaccayādi

    ๑๑๕. คโนฺถ เจว คนฺถสมฺปยุโตฺต จ ธโมฺม คนฺถสฺส เจว คนฺถสมฺปยุตฺตสฺส จ ธมฺมสฺส อารมฺมณปจฺจเยน ปจฺจโย – คเนฺถ อารพฺภ คนฺถา อุปฺปชฺชนฺติฯ (มูลํ กาตพฺพํ) คเนฺถ อารพฺภ คนฺถสมฺปยุตฺตา เจว โน จ คนฺถา ขนฺธา อุปฺปชฺชนฺติฯ (มูลํ กาตพฺพํ) คเนฺถ อารพฺภ คนฺถา จ คนฺถสมฺปยุตฺตกา จ ขนฺธา อุปฺปชฺชนฺติฯ (๓)

    115. Gantho ceva ganthasampayutto ca dhammo ganthassa ceva ganthasampayuttassa ca dhammassa ārammaṇapaccayena paccayo – ganthe ārabbha ganthā uppajjanti. (Mūlaṃ kātabbaṃ) ganthe ārabbha ganthasampayuttā ceva no ca ganthā khandhā uppajjanti. (Mūlaṃ kātabbaṃ) ganthe ārabbha ganthā ca ganthasampayuttakā ca khandhā uppajjanti. (3)

    คนฺถสมฺปยุโตฺต เจว โน จ คโนฺถ ธโมฺม คนฺถสมฺปยุตฺตสฺส เจว โน จ คนฺถสฺส ธมฺมสฺส อารมฺมณปจฺจเยน ปจฺจโย – คนฺถสมฺปยุเตฺต เจว โน จ คเนฺถ ขเนฺธ อารพฺภ คนฺถสมฺปยุตฺตา เจว โน จ คนฺถา ขนฺธา อุปฺปชฺชนฺติฯ (มูลํ กาตพฺพํ) คนฺถสมฺปยุเตฺต เจว โน จ คเนฺถ ขเนฺธ อารพฺภ คนฺถา อุปฺปชฺชนฺติฯ (มูลํ กาตพฺพํ) คนฺถสมฺปยุเตฺต เจว โน จ คเนฺถ ขเนฺธ อารพฺภ คนฺถา จ คนฺถสมฺปยุตฺตกา จ ขนฺธา อุปฺปชฺชนฺติฯ (๓)

    Ganthasampayutto ceva no ca gantho dhammo ganthasampayuttassa ceva no ca ganthassa dhammassa ārammaṇapaccayena paccayo – ganthasampayutte ceva no ca ganthe khandhe ārabbha ganthasampayuttā ceva no ca ganthā khandhā uppajjanti. (Mūlaṃ kātabbaṃ) ganthasampayutte ceva no ca ganthe khandhe ārabbha ganthā uppajjanti. (Mūlaṃ kātabbaṃ) ganthasampayutte ceva no ca ganthe khandhe ārabbha ganthā ca ganthasampayuttakā ca khandhā uppajjanti. (3)

    (เอวํ อิตเรปิ ตีณิ ปญฺหา กาตพฺพา อารมฺมณสทิสํเยวฯ อธิปติยาปิ อนนฺตเรปิ อุปนิสฺสเยปิ วิภาโค นตฺถิฯ)

    (Evaṃ itarepi tīṇi pañhā kātabbā ārammaṇasadisaṃyeva. Adhipatiyāpi anantarepi upanissayepi vibhāgo natthi.)

    ๑. ปจฺจยานุโลมํ

    1. Paccayānulomaṃ

    ๒. สงฺขฺยาวาโร

    2. Saṅkhyāvāro

    สุทฺธํ

    Suddhaṃ

    ๑๑๖. เหตุยา นว, อารมฺมเณ นว, อธิปติยา นว, อนนฺตเร นว, สมนนฺตเร นว, สหชาเต นว, อญฺญมเญฺญ นว, นิสฺสเย นว, อุปนิสฺสเย นว, อาเสวเน นว, กเมฺม ตีณิ , อาหาเร ตีณิ, อินฺทฺริเย ตีณิ, ฌาเน ตีณิ, มเคฺค นว, สมฺปยุเตฺต นว, อตฺถิยา นว, นตฺถิยา นว, วิคเต นว, อวิคเต นวฯ

    116. Hetuyā nava, ārammaṇe nava, adhipatiyā nava, anantare nava, samanantare nava, sahajāte nava, aññamaññe nava, nissaye nava, upanissaye nava, āsevane nava, kamme tīṇi , āhāre tīṇi, indriye tīṇi, jhāne tīṇi, magge nava, sampayutte nava, atthiyā nava, natthiyā nava, vigate nava, avigate nava.

    (อรูปํเยว ปจฺจยํ, เอเกกสฺส ตีณิ ตีณิ กาตพฺพาฯ อารมฺมณญฺจ สหชาตญฺจ อุปนิสฺสยญฺจ นวสุปิ ปริวเตฺตตพฺพํฯ เอวํ ปญฺหาวาเรปิ สพฺพํ กาตพฺพํฯ)

    (Arūpaṃyeva paccayaṃ, ekekassa tīṇi tīṇi kātabbā. Ārammaṇañca sahajātañca upanissayañca navasupi parivattetabbaṃ. Evaṃ pañhāvārepi sabbaṃ kātabbaṃ.)

    คนฺถคนฺถสมฺปยุตฺตทุกํ นิฎฺฐิตํฯ

    Ganthaganthasampayuttadukaṃ niṭṭhitaṃ.

    ๓๑. คนฺถวิปฺปยุตฺตคนฺถนิยทุกํ

    31. Ganthavippayuttaganthaniyadukaṃ

    ๑. ปฎิจฺจวาโร

    1. Paṭiccavāro

    เหตุปจฺจโย

    Hetupaccayo

    ๑๑๗. คนฺถวิปฺปยุตฺตคนฺถนิยํ ธมฺมํ ปฎิจฺจ คนฺถวิปฺปยุตฺตคนฺถนิโย ธโมฺม อุปฺปชฺชติ เหตุปจฺจยา – คนฺถวิปฺปยุตฺตํ คนฺถนิยํ เอกํ ขนฺธํ ปฎิจฺจ ตโย ขนฺธา จิตฺตสมุฎฺฐานญฺจ รูปํ…เป.… เทฺว ขเนฺธ…เป.… ปฎิสนฺธิกฺขเณ…เป.… เอกํ มหาภูตํ…เป.… (ยถา จูฬนฺตรทุเก โลกิยทุกํ เอวํ วิตฺถาเรตพฺพํ นินฺนานากรณํ)ฯ

    117. Ganthavippayuttaganthaniyaṃ dhammaṃ paṭicca ganthavippayuttaganthaniyo dhammo uppajjati hetupaccayā – ganthavippayuttaṃ ganthaniyaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… ekaṃ mahābhūtaṃ…pe… (yathā cūḷantaraduke lokiyadukaṃ evaṃ vitthāretabbaṃ ninnānākaraṇaṃ).

    คนฺถวิปฺปยุตฺตคนฺถนิยทุกํ นิฎฺฐิตํฯ

    Ganthavippayuttaganthaniyadukaṃ niṭṭhitaṃ.

    คนฺถโคจฺฉกํ นิฎฺฐิตํฯ

    Ganthagocchakaṃ niṭṭhitaṃ.




    Next: ๖-๗. โอฆโยคโคจฺฉกํ • 6-7. Oghayogagocchakaṃ


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact