| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
நமோ தஸ்ஸ ப⁴க³வதோ அரஹதோ ஸம்மாஸம்பு³த்³த⁴ஸ்ஸ
Namo tassa bhagavato arahato sammāsambuddhassa
வினயபிடகே
Vinayapiṭake
வஜிரபு³த்³தி⁴-டீகா
Vajirabuddhi-ṭīkā
க³ந்தா²ரம்ப⁴கதா²
Ganthārambhakathā
பஞ்ஞாவிஸுத்³தா⁴ய த³யாய ஸப்³பே³;
Paññāvisuddhāya dayāya sabbe;
விமோசிதா யேன வினெய்யஸத்தா;
Vimocitā yena vineyyasattā;
தங் சக்கு²பூ⁴தங் ஸிரஸா நமித்வா;
Taṃ cakkhubhūtaṃ sirasā namitvā;
லோகஸ்ஸ லோகந்தக³தஸ்ஸ த⁴ம்மங்.
Lokassa lokantagatassa dhammaṃ.
ஸங்க⁴ஞ்ச ஸீலாதி³கு³ணேஹி யுத்த-
Saṅghañca sīlādiguṇehi yutta-
மாதா³ய ஸப்³பே³ஸு பதே³ஸு ஸாரங்;
Mādāya sabbesu padesu sāraṃ;
ஸங்கே²பகாமேன மமாஸயேன;
Saṅkhepakāmena mamāsayena;
ஸஞ்சோதி³தோ பி⁴க்கு²ஹிதஞ்ச தி³ஸ்வா.
Sañcodito bhikkhuhitañca disvā.
ஸமந்தபாஸாதி³கஸஞ்ஞிதாய ;
Samantapāsādikasaññitāya ;
ஸம்பு³த்³த⁴கோ⁴ஸாசரியோதி³தாய;
Sambuddhaghosācariyoditāya;
ஸமாஸதோ லீனபதே³ லிகி²ஸ்ஸங்;
Samāsato līnapade likhissaṃ;
ஸமாஸதோ லீனபதே³ லிகீ²தங்.
Samāsato līnapade likhītaṃ.
ஸஞ்ஞா நிமித்தங் கத்தா ச, பரிமாணங் பயோஜனங்;
Saññā nimittaṃ kattā ca, parimāṇaṃ payojanaṃ;
ஸப்³பா³க³மஸ்ஸ புப்³பே³வ, வத்தப்³ப³ங் வத்துமிச்ச²தாதி. –
Sabbāgamassa pubbeva, vattabbaṃ vattumicchatāti. –
வசனதோ ஸமந்தபாஸாதி³கேதி ஸஞ்ஞா. தீ³பந்தரே பி⁴க்கு²ஜனஸ்ஸ அத்த²ங் நாபி⁴ஸம்பு⁴ணாதீதி நிமித்தங். பு³த்³த⁴கோ⁴ஸோதி க³ரூஹி க³ஹிதனாமதெ⁴ய்யேனாதி கத்தா. ஸமதி⁴கஸத்தவீஸதிஸஹஸ்ஸமத்தேன தஸ்ஸ க³ந்தே²னாதி பரிமாணங். சிரட்டி²தத்த²ங் த⁴ம்மஸ்ஸாதி பயோஜனங்.
Vacanato samantapāsādiketi saññā. Dīpantare bhikkhujanassa atthaṃ nābhisambhuṇātīti nimittaṃ. Buddhaghosoti garūhi gahitanāmadheyyenāti kattā. Samadhikasattavīsatisahassamattena tassa ganthenāti parimāṇaṃ. Ciraṭṭhitatthaṃ dhammassāti payojanaṃ.
தத்ராஹ – ‘‘வத்தப்³ப³ங் வத்துமிச்ச²தாதி யங் வுத்தங், தத்த² கத²ங்விதோ⁴ வத்தா’’தி? உச்சதே –
Tatrāha – ‘‘vattabbaṃ vattumicchatāti yaṃ vuttaṃ, tattha kathaṃvidho vattā’’ti? Uccate –
பாட²த்த²விதூ³ஸங்ஹீரோ, வத்தா ஸுசி அமச்ச²ரோ;
Pāṭhatthavidūsaṃhīro, vattā suci amaccharo;
சதுக்கமபரிச்சாகீ³, தே³ஸகஸ்ஸ ஹிதுஸ்ஸுகோதி. (மஹானி॰ அட்ட²॰ க³ந்தா²ரம்ப⁴கதா²);
Catukkamapariccāgī, desakassa hitussukoti. (mahāni. aṭṭha. ganthārambhakathā);
தத்ர படீ²யதேதி பாடோ². ஸோ ஹி அனேகப்பகாரோ அத்தா²னுரூபோ அத்தா²னநுரூபோ சேதி. கத²ங்? ஸந்தா⁴யபா⁴ஸிதோ ப்³யஞ்ஜனபா⁴ஸிதோ ஸாவஸேஸபாடோ² நிரவஸேஸபாடோ² நீதோ நெய்யோதி. தத்ர அனேகத்த²வத்தா ஸந்தா⁴யபா⁴ஸிதோ நாம ‘‘மாதரங் பிதரங் ஹந்த்வா’’திஆதி³ (த⁴॰ ப॰ 294). ஏகத்த²வத்தா ப்³யஞ்ஜனபா⁴ஸிதோ நாம ‘‘மனோபுப்³ப³ங்க³மா த⁴ம்மா’’த்யாதி³ (த⁴॰ ப॰ 1, 2; நெத்தி॰ 90, 92; பேடகோ॰ 14). ஸாவஸேஸோ நாம ‘‘ஸப்³ப³ங், பி⁴க்க²வே, ஆதி³த்த’’மித்யாதி³ (மஹாவ॰ 54; ஸங்॰ நி॰ 4.28). விபரீதோ நிரவஸேஸோ நாம ‘‘ஸப்³பே³ த⁴ம்மா ஸப்³பா³காரேன பு³த்³த⁴ஸ்ஸ ப⁴க³வதோ ஞாணமுகே² ஆபாத²ங் ஆக³ச்ச²ந்தீ’’த்யாதி³ (மஹானி॰ 156; படி॰ ம॰ 3.5). யதா² வசனங், ததா² அவக³ந்தப்³போ³ நீதோ நாம ‘‘அனிச்சங் து³க்க²மனத்தா’’த்யாதி³. யுத்தியா அனுஸ்ஸரிதப்³போ³ நெய்யோ நாம ‘‘ஏகபுக்³க³லோ, பி⁴க்க²வே’’த்யாதி³ (அ॰ நி॰ 1.170).
Tatra paṭhīyateti pāṭho. So hi anekappakāro atthānurūpo atthānanurūpo ceti. Kathaṃ? Sandhāyabhāsito byañjanabhāsito sāvasesapāṭho niravasesapāṭho nīto neyyoti. Tatra anekatthavattā sandhāyabhāsito nāma ‘‘mātaraṃ pitaraṃ hantvā’’tiādi (dha. pa. 294). Ekatthavattā byañjanabhāsito nāma ‘‘manopubbaṅgamā dhammā’’tyādi (dha. pa. 1, 2; netti. 90, 92; peṭako. 14). Sāvaseso nāma ‘‘sabbaṃ, bhikkhave, āditta’’mityādi (mahāva. 54; saṃ. ni. 4.28). Viparīto niravaseso nāma ‘‘sabbe dhammā sabbākārena buddhassa bhagavato ñāṇamukhe āpāthaṃ āgacchantī’’tyādi (mahāni. 156; paṭi. ma. 3.5). Yathā vacanaṃ, tathā avagantabbo nīto nāma ‘‘aniccaṃ dukkhamanattā’’tyādi. Yuttiyā anussaritabbo neyyo nāma ‘‘ekapuggalo, bhikkhave’’tyādi (a. ni. 1.170).
அத்தோ²பி அனேகப்பகாரோ பாட²த்தோ² ஸபா⁴வத்தோ² ஞெய்யத்தோ² பாடா²னுரூபோ பாடா²னநுரூபோ ஸாவஸேஸத்தோ² நிரவஸேஸத்தோ² நீதத்தோ² நெய்யத்தொ²த்யாதி³. தத்த² யோ தங்தங்ஸஞ்ஞாபனத்த²முச்சாரீயதே பாடோ², ஸ பாட²த்தோ² ‘‘ஸாத்த²ங் ஸப்³யஞ்ஜன’’மித்யாதீ³ஸு (பாரா॰ 1; தீ³॰ நி॰ 1.190) விய. ரூபாரூபத⁴ம்மானங் லக்க²ணரஸாதி³ ஸபா⁴வத்தோ² ‘‘ஸம்மாதி³ட்டி²ங் பா⁴வேதீ’’த்யாதீ³ஸு (விப⁴॰ 489; ஸங்॰ நி॰ 5.3) விய. யோ ஞாயமானோ ஹிதாய ப⁴வதி, ஸ ஞாதுமரஹத்தா ஞெய்யத்தோ² ‘‘அத்த²வாதீ³ த⁴ம்மவாதீ³’’த்யேவமாதீ³ஸு (தீ³॰ நி॰ 1.9, 194; 3.238; ம॰ நி॰ 1.411) விய. யதா²பாட²ங் பா⁴ஸிதோ பாடா²னுரூபோ ‘‘சக்கு², பி⁴க்க²வே, புராணகம்ம’’ந்தி (ஸங்॰ நி॰ 4.146) ப⁴க³வதா வுத்தமதோ சக்கு²மபி கம்மந்தி. ப்³யஞ்ஜனச்சா²யாய அத்த²ங் படிபா³ஹயமானேன வுத்தோ பாடா²னநுரூபோ. வஜ்ஜேதப்³ப³ங் கிஞ்சி அபரிச்சஜித்வா பரிஸேஸங் கத்வா வுத்தோ ஸாவஸேஸத்தோ² ‘‘சக்கு²ஞ்ச படிச்ச ரூபே ச உப்பஜ்ஜதீ’’தி (ஸங்॰ நி॰ 4.60; மஹானி॰ 107) ச, ‘‘ஸப்³பே³ தஸந்தி த³ண்ட³ஸ்ஸ, ஸப்³பே³ பா⁴யந்தி மச்சுனோ’’த்யாதீ³ஸு (த⁴॰ ப॰ 129) விய. விபரீதோ நிரவஸேஸத்தோ² ‘‘ஸந்தா⁴விதங் ஸங்ஸரிதங் மமஞ்சேவ தும்ஹாகஞ்ச (தீ³॰ நி॰ 2.155; மஹா॰ 287; நெத்தி॰ 114). தத்ர, பி⁴க்க²வே, கோ மந்தா கோ ஸத்³தா⁴தா…பே॰… அஞ்ஞத்ர தி³ட்ட²பதே³ஹீ’’த்யாதி³ (அ॰ நி॰ 7.66). ஸத்³த³வஸேனேவ வேத³னீயோ நீதத்தோ² ‘‘ரூபா ஸத்³தா³ ரஸா க³ந்தா⁴, பொ²ட்ட²ப்³பா³ ச மனோரமா’’த்யாதீ³ஸு (ஸங்॰ நி॰ 1.151, 165; மஹாவ॰ 33) விய. ஸம்முதிவஸேன வேதி³தப்³போ³ நெய்யத்தோ² ‘‘சத்தாரோமே, பி⁴க்க²வே, வலாஹகூபமாபுக்³க³லா’’த்யாதீ³ஸு விய (அ॰ நி॰ 4.101; பு॰ ப॰ 157). ஆஹ ச –
Atthopi anekappakāro pāṭhattho sabhāvattho ñeyyattho pāṭhānurūpo pāṭhānanurūpo sāvasesattho niravasesattho nītattho neyyatthotyādi. Tattha yo taṃtaṃsaññāpanatthamuccārīyate pāṭho, sa pāṭhattho ‘‘sātthaṃ sabyañjana’’mityādīsu (pārā. 1; dī. ni. 1.190) viya. Rūpārūpadhammānaṃ lakkhaṇarasādi sabhāvattho ‘‘sammādiṭṭhiṃ bhāvetī’’tyādīsu (vibha. 489; saṃ. ni. 5.3) viya. Yo ñāyamāno hitāya bhavati, sa ñātumarahattā ñeyyattho ‘‘atthavādī dhammavādī’’tyevamādīsu (dī. ni. 1.9, 194; 3.238; ma. ni. 1.411) viya. Yathāpāṭhaṃ bhāsito pāṭhānurūpo ‘‘cakkhu, bhikkhave, purāṇakamma’’nti (saṃ. ni. 4.146) bhagavatā vuttamato cakkhumapi kammanti. Byañjanacchāyāya atthaṃ paṭibāhayamānena vutto pāṭhānanurūpo. Vajjetabbaṃ kiñci apariccajitvā parisesaṃ katvā vutto sāvasesattho ‘‘cakkhuñca paṭicca rūpe ca uppajjatī’’ti (saṃ. ni. 4.60; mahāni. 107) ca, ‘‘sabbe tasanti daṇḍassa, sabbe bhāyanti maccuno’’tyādīsu (dha. pa. 129) viya. Viparīto niravasesattho ‘‘sandhāvitaṃ saṃsaritaṃ mamañceva tumhākañca (dī. ni. 2.155; mahā. 287; netti. 114). Tatra, bhikkhave, ko mantā ko saddhātā…pe… aññatra diṭṭhapadehī’’tyādi (a. ni. 7.66). Saddavaseneva vedanīyo nītattho ‘‘rūpā saddā rasā gandhā, phoṭṭhabbā ca manoramā’’tyādīsu (saṃ. ni. 1.151, 165; mahāva. 33) viya. Sammutivasena veditabbo neyyattho ‘‘cattārome, bhikkhave, valāhakūpamāpuggalā’’tyādīsu viya (a. ni. 4.101; pu. pa. 157). Āha ca –
‘‘யோ அத்தோ² ஸத்³த³தோ ஞெய்யோ, நீதத்த²ங் இதி தங் விதூ³;
‘‘Yo attho saddato ñeyyo, nītatthaṃ iti taṃ vidū;
அத்த²ஸ்ஸேவாபி⁴ஸாமக்³கீ³, நெய்யத்தோ² இதி கத்²யதே’’தி.
Atthassevābhisāmaggī, neyyattho iti kathyate’’ti.
ஏவங் பபே⁴த³க³தே பாட²த்தே² விஜானாதீதி பாட²த்த²விதூ³. ந ஸங்ஹீரதே பரபவாதீ³ஹி தீ³க⁴ரத்தங் தித்த²வாஸேனெத்யஸங்ஹீரோ. பா⁴வனாயாக³மாதி⁴க³மஸம்பன்னத்தா வத்துங் ஸக்கோதீதி வத்தா, ஸங்கே²பவித்தா²ரனயேன ஹேதுதா³ஹரணாதீ³ஹி அவபோ³த⁴யிதுங் ஸமத்தொ²த்யத்தோ². ஸோசயத்யத்தானங் பரே சேதி ஸுசி, து³ஸ்ஸீல்யது³த்³தி³ட்டி²மலவிரஹிதொத்யத்தோ². து³ஸ்ஸீலோ ஹி அத்தானமுபஹந்துனாதெ³ய்யவாசோ ச ப⁴வத்யபத்தாஹாராசாரோ இவ நிச்சாதுரோ வேஜ்ஜோ. து³த்³தி³ட்டி² பரங் உபஹந்தி, நாவஸ்ஸங் நிஸ்ஸயோ ச ப⁴வத்யஹிவாளக³ஹாகுலோ இவ கமலஸண்டோ³. உப⁴யவிபன்னோ ஸப்³ப³தா²ப்யனுபாஸனீயோ ப⁴வதி கூ³த²க³தமிவ ச²வாலாதங் கூ³த²க³தோ விய ச கண்ஹஸப்போ. உப⁴யஸம்பன்னோ பன ஸுசி ஸப்³ப³தா²ப்யுபாஸனீயோ ஸேவிதப்³போ³ ச விஞ்ஞூஹி, நிருபத்³த³வோ இவ ரதனாகரோ. நாஸ்ஸ மச்ச²ரொத்யமச்ச²ரோ, அஹீனாசரியமுட்டீ²த்யத்தோ². ஸுத்தஸுத்தானுலோமாசரியவாத³அத்தனோமதிஸங்கா²தஸ்ஸ சதுக்கஸ்ஸாபரிச்சாகீ³, தத³த்த²ஸ்ஸேவ ப்³யாக்²யாதெத்யத்தோ². அத² வா பச்சக்கா²னுமானஸத்³த³த்தா²பத்திப்பபே⁴த³ஸ்ஸ பமாணசதுக்கஸ்ஸாபரிச்சாகீ³.
Evaṃ pabhedagate pāṭhatthe vijānātīti pāṭhatthavidū. Na saṃhīrate parapavādīhi dīgharattaṃ titthavāsenetyasaṃhīro. Bhāvanāyāgamādhigamasampannattā vattuṃ sakkotīti vattā, saṅkhepavitthāranayena hetudāharaṇādīhi avabodhayituṃ samatthotyattho. Socayatyattānaṃ pare ceti suci, dussīlyaduddiṭṭhimalavirahitotyattho. Dussīlo hi attānamupahantunādeyyavāco ca bhavatyapattāhārācāro iva niccāturo vejjo. Duddiṭṭhi paraṃ upahanti, nāvassaṃ nissayo ca bhavatyahivāḷagahākulo iva kamalasaṇḍo. Ubhayavipanno sabbathāpyanupāsanīyo bhavati gūthagatamiva chavālātaṃ gūthagato viya ca kaṇhasappo. Ubhayasampanno pana suci sabbathāpyupāsanīyo sevitabbo ca viññūhi, nirupaddavo iva ratanākaro. Nāssa maccharotyamaccharo, ahīnācariyamuṭṭhītyattho. Suttasuttānulomācariyavādaattanomatisaṅkhātassa catukkassāpariccāgī, tadatthasseva byākhyātetyattho. Atha vā paccakkhānumānasaddatthāpattippabhedassa pamāṇacatukkassāpariccāgī.
‘‘ஏகங்ஸவசனங் ஏகங், விப⁴ஜ்ஜவசனாபரங்;
‘‘Ekaṃsavacanaṃ ekaṃ, vibhajjavacanāparaṃ;
ததியங் படிபுச்செ²ய்ய, சதுத்த²ங் பன டா²பயே’’தி. –
Tatiyaṃ paṭipuccheyya, catutthaṃ pana ṭhāpaye’’ti. –
ஏவங் வுத்தசதுக்கஸ்ஸ வா அபரிச்சாகீ³; ஹிதுஸ்ஸுகோ இதி ஸோதூனங் ஹிதாயொஸ்ஸுகோ, தேஸமவபோ³த⁴னங் பதி பத்தே²தீ த்யத்தோ²; ஸோ ஏஸோ ஸுசித்தா பியோ; சதுக்கஸ்ஸ அபரிச்சாகி³த்தா க³ரு; அஸங்ஹீரத்தா பா⁴வனீயோ; தே³ஸகத்தா வத்தா; ஹிதுஸ்ஸுகத்தா வசனக்க²மோ; பாட²த்த²விது³த்தா க³ம்பீ⁴ரகத²ங் கத்தா; அமச்ச²ரத்தா நோ சட்டா²னே நியோஜகோதி;
Evaṃ vuttacatukkassa vā apariccāgī; Hitussuko iti sotūnaṃ hitāyossuko, tesamavabodhanaṃ pati patthetī tyattho; So eso sucittā piyo; Catukkassa apariccāgittā garu; Asaṃhīrattā bhāvanīyo; Desakattā vattā; Hitussukattā vacanakkhamo; Pāṭhatthaviduttā gambhīrakathaṃ kattā; Amaccharattā no caṭṭhāne niyojakoti;
‘‘பியோ க³ரு பா⁴வனீயோ, வத்தா ச வசனக்க²மோ;
‘‘Piyo garu bhāvanīyo, vattā ca vacanakkhamo;
க³ம்பீ⁴ரஞ்ச கத²ங் கத்தா, நோ சட்டா²னே நியோஜகோ’’. (அ॰ நி॰ 7.37; நெத்தி॰ 113) –
Gambhīrañca kathaṃ kattā, no caṭṭhāne niyojako’’. (a. ni. 7.37; netti. 113) –
இதிஅபி⁴ஹிதோ தே³ஸகோ;
Itiabhihito desako;
ஸோதா இதா³னி அபி⁴தீ⁴யதே –
Sotā idāni abhidhīyate –
த⁴ம்மாசரியக³ரு ஸத்³தா⁴-பஞ்ஞாதி³கு³ணமண்டி³தோ;
Dhammācariyagaru saddhā-paññādiguṇamaṇḍito;
அஸடா²மாயோ ஸோதாஸ்ஸ, ஸுமேதோ⁴ அமதாமுகோ².
Asaṭhāmāyo sotāssa, sumedho amatāmukho.
தத்த² த⁴ம்மக³ருத்தா கத²ங் ந பரிப⁴வதி, ஆசரியக³ருத்தா கதி²கங் ந பரிப⁴வதி, ஸத்³தா⁴பஞ்ஞாதி³கு³ணபடிமண்டி³தத்தா அத்தானங் ந பரிப⁴வதி, அஸடா²மாயத்தா அமதாபி⁴முக²த்தா ச அவிக்கி²த்தசித்தோ ப⁴வதி, ஸுமேத⁴த்தா யோனிஸோமனஸிகரோதீத்யத்தோ². வுத்தஞ்ஹேதங் –
Tattha dhammagaruttā kathaṃ na paribhavati, ācariyagaruttā kathikaṃ na paribhavati, saddhāpaññādiguṇapaṭimaṇḍitattā attānaṃ na paribhavati, asaṭhāmāyattā amatābhimukhattā ca avikkhittacitto bhavati, sumedhattā yonisomanasikarotītyattho. Vuttañhetaṃ –
‘‘பஞ்சஹி, பி⁴க்க²வே, த⁴ம்மேஹி ஸமன்னாக³தோ ஸுணந்தோ ஸத்³த⁴ம்மங் ப⁴ப்³போ³ நியாமங் ஓக்கமிதுங் குஸலேஸு த⁴ம்மேஸு ஸம்மத்தங். கதமேஹி பஞ்சஹி? ந கத²ங் பரிபோ⁴தி, ந கதி²கங் பரிபோ⁴தி, ந அத்தானங் பரிபோ⁴தி, அவிக்கி²த்தசித்தோ த⁴ம்மங் ஸுணாதி ஏகக்³க³சித்தோ, யோனிஸோ ச மனஸி கரோதீ’’தி (அ॰ நி॰ 5.151).
‘‘Pañcahi, bhikkhave, dhammehi samannāgato suṇanto saddhammaṃ bhabbo niyāmaṃ okkamituṃ kusalesu dhammesu sammattaṃ. Katamehi pañcahi? Na kathaṃ paribhoti, na kathikaṃ paribhoti, na attānaṃ paribhoti, avikkhittacitto dhammaṃ suṇāti ekaggacitto, yoniso ca manasi karotī’’ti (a. ni. 5.151).
தங்லக்க²ணப்பத்தத்தா பா⁴வனா ப⁴வதி ஸவனஸ்ஸெத்யுத்தோ ஸோதா.
Taṃlakkhaṇappattattā bhāvanā bhavati savanassetyutto sotā.
