| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
நமோ தஸ்ஸ ப⁴க³வதோ அரஹதோ ஸம்மாஸம்பு³த்³த⁴ஸ்ஸ
Namo tassa bhagavato arahato sammāsambuddhassa
வினயபிடகே
Vinayapiṭake
விமதிவினோத³னீ-டீகா (பட²மோ பா⁴கோ³)
Vimativinodanī-ṭīkā (paṭhamo bhāgo)
க³ந்தா²ரம்ப⁴கதா²
Ganthārambhakathā
கருணாபுண்ணஹத³யங் , ஸுக³தங் ஹிததா³யகங்;
Karuṇāpuṇṇahadayaṃ , sugataṃ hitadāyakaṃ;
நத்வா த⁴ம்மஞ்ச விமலங், ஸங்க⁴ஞ்ச கு³ணஸம்பத³ங்.
Natvā dhammañca vimalaṃ, saṅghañca guṇasampadaṃ.
வண்ணனா நிபுணாஹேஸுங், வினயட்ட²கதா²ய யா;
Vaṇṇanā nipuṇāhesuṃ, vinayaṭṭhakathāya yā;
புப்³ப³கேஹி கதா நேகா, நானானயஸமாகுலா.
Pubbakehi katā nekā, nānānayasamākulā.
தத்த² காசி ஸுவித்தி²ண்ணா, து³க்கோ²கா³ஹா ச க³ந்த²தோ;
Tattha kāci suvitthiṇṇā, dukkhogāhā ca ganthato;
விரத்³தா⁴ அத்த²தோ சாபி, ஸத்³த³தோ சாபி கத்த²சி.
Viraddhā atthato cāpi, saddato cāpi katthaci.
காசி கத்த²சி அபுண்ணா, காசி ஸம்மோஹகாரினீ;
Kāci katthaci apuṇṇā, kāci sammohakārinī;
தஸ்மா தாஹி ஸமாதா³ய, ஸாரங் ஸங்கே²பரூபதோ.
Tasmā tāhi samādāya, sāraṃ saṅkheparūpato.
லீனத்த²ஞ்ச பகாஸெந்தோ, விரத்³த⁴ஞ்ச விஸோத⁴யங்;
Līnatthañca pakāsento, viraddhañca visodhayaṃ;
உபட்டி²தனயஞ்சாபி, தத்த² தத்த² பகாஸயங்.
Upaṭṭhitanayañcāpi, tattha tattha pakāsayaṃ.
வினயே விமதிங் சே²துங், பி⁴க்கூ²னங் லஹுவுத்தினங்;
Vinaye vimatiṃ chetuṃ, bhikkhūnaṃ lahuvuttinaṃ;
ஸங்கே²பேன லிகி²ஸ்ஸாமி, தஸ்ஸா லீனத்த²வண்ணனங்.
Saṅkhepena likhissāmi, tassā līnatthavaṇṇanaṃ.
