Library / Tipiṭaka / д̇ибидага • Tipiṭaka / д̣̇ийгха нигааяа (адтагат̇аа) • Dīgha nikāya (aṭṭhakathā)

    намо д̇асса бхаг̇авад̇о арахад̇о саммаасамб̣уд̣̇д̇хасса

    Namo tassa bhagavato arahato sammāsambuddhassa

    д̣̇ийгханигааяз

    Dīghanikāye

    сийлагканд̇хаваг̇г̇адтагат̇аа

    Sīlakkhandhavaggaṭṭhakathā

    г̇ант̇аарамбхагат̇аа

    Ganthārambhakathā

    гарун̣аасийд̇алахад̣̇аяам̣ , бан̃н̃аабаж̇ж̇од̇авихад̇амохад̇амам̣;

    Karuṇāsītalahadayaṃ , paññāpajjotavihatamohatamaṃ;

    санараамаралогаг̇арум̣, ванд̣̇з суг̇ад̇ам̣ г̇ад̇ивимуд̇д̇ам̣.

    Sanarāmaralokagaruṃ, vande sugataṃ gativimuttaṃ.

    б̣уд̣̇д̇хоби б̣уд̣̇д̇хабхаавам̣, бхаавзд̇ваа жзва сажчигад̇ваа жа;

    Buddhopi buddhabhāvaṃ, bhāvetvā ceva sacchikatvā ca;

    яам̣ убаг̇ад̇о г̇ад̇амалам̣, ванд̣̇з д̇амануд̇д̇арам̣ д̇хаммам̣.

    Yaṃ upagato gatamalaṃ, vande tamanuttaraṃ dhammaṃ.

    суг̇ад̇асса орасаанам̣, буд̇д̇аанам̣ маарасзнамат̇анаанам̣;

    Sugatassa orasānaṃ, puttānaṃ mārasenamathanānaṃ;

    адтаннамби самуухам̣, сирасаа ванд̣̇з арияасан̇гхам̣.

    Aṭṭhannampi samūhaṃ, sirasā vande ariyasaṅghaṃ.

    ид̇и мз басаннамад̇ино, рад̇анад̇д̇аяаванд̣̇анаамаяам̣ бун̃н̃ам̣;

    Iti me pasannamatino, ratanattayavandanāmayaṃ puññaṃ;

    яам̣ сувихад̇анд̇арааяо, худ̇ваа д̇ассаанубхаавзна.

    Yaṃ suvihatantarāyo, hutvā tassānubhāvena.

    д̣̇ийгхасса д̣̇ийгхасуд̇д̇ан̇гид̇асса, нибун̣асса ааг̇амаварасса;

    Dīghassa dīghasuttaṅkitassa, nipuṇassa āgamavarassa;

    б̣уд̣̇д̇хаануб̣уд̣̇д̇хасам̣ван̣н̣ид̇асса, сад̣̇д̇хаавахаг̇ун̣асса.

    Buddhānubuddhasaṃvaṇṇitassa, saddhāvahaguṇassa.

    ад̇т̇аббагаасанад̇т̇ам̣, адтагат̇аа аад̣̇ид̇о васисад̇зхи;

    Atthappakāsanatthaṃ, aṭṭhakathā ādito vasisatehi;

    бан̃жахи яаа сан̇г̇ийд̇аа, анусан̇г̇ийд̇аа жа бажчааби.

    Pañcahi yā saṅgītā, anusaṅgītā ca pacchāpi.

    сийхал̣ад̣̇ийбам̣ бана аабхад̇аат̇а, васинаа махаамахинд̣̇зна;

    Sīhaḷadīpaṃ pana ābhatātha, vasinā mahāmahindena;

    табид̇аа сийхал̣абхаасааяа, д̣̇ийбаваасийнамад̇т̇ааяа.

    Ṭhapitā sīhaḷabhāsāya, dīpavāsīnamatthāya.

    абанзд̇ваана д̇ад̇охам̣, сийхал̣абхаасам̣ манорамам̣ бхаасам̣;

    Apanetvāna tatohaṃ, sīhaḷabhāsaṃ manoramaṃ bhāsaṃ;

    д̇анд̇инаяаанужчавигам̣, ааробзнд̇о виг̇ад̇ад̣̇осам̣.

    Tantinayānucchavikaṃ, āropento vigatadosaṃ.

    самаяам̣ авиломзнд̇о, т̇зраанам̣ т̇зравам̣сабад̣̇ийбаанам̣;

    Samayaṃ avilomento, therānaṃ theravaṃsapadīpānaṃ;

    сунибун̣авинижчаяаанам̣, махаавихаарз ниваасийнам̣.

    Sunipuṇavinicchayānaṃ, mahāvihāre nivāsīnaṃ.

    хид̇ваа бунаббунааг̇ад̇амад̇т̇ам̣, ад̇т̇ам̣ багаасаяиссаами;

    Hitvā punappunāgatamatthaṃ, atthaṃ pakāsayissāmi;

    суж̇анасса жа д̇удтад̇т̇ам̣, жирадтид̇ад̇т̇ан̃жа д̇хаммасса.

    Sujanassa ca tuṭṭhatthaṃ, ciraṭṭhitatthañca dhammassa.

    сийлагат̇аа д̇худ̇ад̇хаммаа, гаммадтаанаани жзва саб̣б̣аани;

    Sīlakathā dhutadhammā, kammaṭṭhānāni ceva sabbāni;

    жарияаавид̇хаанасахид̇о, жхаанасамаабад̇д̇ивид̇т̇ааро.

    Cariyāvidhānasahito, jhānasamāpattivitthāro.

    саб̣б̣аа жа абхин̃н̃ааяо, бан̃н̃аасан̇галананижчаяо жзва;

    Sabbā ca abhiññāyo, paññāsaṅkalananicchayo ceva;

    канд̇хад̇хаад̇ааяад̇анинд̣̇рияаани, арияаани жзва жад̇д̇аари.

    Khandhadhātāyatanindriyāni, ariyāni ceva cattāri.

    сажжаани бажжаяаагаарад̣̇зсанаа, субарисуд̣̇д̇ханибун̣анаяаа;

    Saccāni paccayākāradesanā, suparisuddhanipuṇanayā;

    авимуд̇д̇ад̇анд̇имаг̇г̇аа, вибассанаа бхааванаа жзва.

    Avimuttatantimaggā, vipassanā bhāvanā ceva.

    ид̇и бана саб̣б̣ам̣ яасмаа, висуд̣̇д̇химаг̇г̇з маяаа субарисуд̣̇д̇хам̣;

    Iti pana sabbaṃ yasmā, visuddhimagge mayā suparisuddhaṃ;

    вуд̇д̇ам̣ д̇асмаа бхияяо, на д̇ам̣ ид̇ха вижаараяиссаами.

    Vuttaṃ tasmā bhiyyo, na taṃ idha vicārayissāmi.

    ‘‘маж̇жхз висуд̣̇д̇химаг̇г̇о, зса жад̇уннамби ааг̇амаанан̃хи;

    ‘‘Majjhe visuddhimaggo, esa catunnampi āgamānañhi;

    тад̇ваа багаасаяиссад̇и, д̇ад̇т̇а яат̇аа бхаасид̇ам̣ ад̇т̇ам̣’’.

    Ṭhatvā pakāsayissati, tattha yathā bhāsitaṃ atthaṃ’’.

    ижжзва гад̇о д̇асмаа, д̇амби г̇ахзд̇ваана сад̣̇д̇химзд̇ааяа;

    Icceva kato tasmā, tampi gahetvāna saddhimetāya;

    адтагат̇ааяа виж̇аанат̇а, д̣̇ийгхааг̇аманиссид̇ам̣ ад̇т̇анд̇и.

    Aṭṭhakathāya vijānatha, dīghāgamanissitaṃ atthanti.

    нид̣̇аанагат̇аа

    Nidānakathā

    д̇ад̇т̇а д̣̇ийгхааг̇амо наама сийлагканд̇хаваг̇г̇о, махааваг̇г̇о, баат̇игаваг̇г̇од̇и ваг̇г̇ад̇о д̇иваг̇г̇о ход̇и; суд̇д̇ад̇о жад̇уд̇д̇им̣сасуд̇д̇асан̇г̇ахо. д̇асса ваг̇г̇зсу сийлагканд̇хаваг̇г̇о аад̣̇и, суд̇д̇зсу б̣рахмаж̇аалам̣. б̣рахмаж̇аалассааби ‘‘звам̣ мз суд̇а’’нд̇иаад̣̇игам̣ ааяасмад̇аа аананд̣̇зна батамамахаасан̇г̇ийд̇игаалз вуд̇д̇ам̣ нид̣̇аанамаад̣̇и.

    Tattha dīghāgamo nāma sīlakkhandhavaggo, mahāvaggo, pāthikavaggoti vaggato tivaggo hoti; suttato catuttiṃsasuttasaṅgaho. Tassa vaggesu sīlakkhandhavaggo ādi, suttesu brahmajālaṃ. Brahmajālassāpi ‘‘evaṃ me suta’’ntiādikaṃ āyasmatā ānandena paṭhamamahāsaṅgītikāle vuttaṃ nidānamādi.

    батамамахаасан̇г̇ийд̇игат̇аа

    Paṭhamamahāsaṅgītikathā

    батамамахаасан̇г̇ийд̇и наама жзсаа гин̃жааби винаяабидагз д̇анд̇имааруул̣хаа, нид̣̇аанагосаллад̇т̇ам̣ бана ид̇хааби звам̣ взд̣̇ид̇аб̣б̣аа. д̇хаммажаггаббавад̇д̇анан̃хи аад̣̇им̣ гад̇ваа яаава субхад̣̇д̣̇абариб̣б̣ааж̇агавинаяанаа гад̇аб̣уд̣̇д̇хагижжз, гусинаарааяам̣ убавад̇д̇анз маллаанам̣ саалаванз яамагасаалаанаманд̇арз висаакабун̣н̣амад̣̇ивасз бажжуусасамаяз анубаад̣̇исзсааяа ниб̣б̣аанад̇хаад̇уяаа бариниб̣б̣уд̇з бхаг̇авад̇и логанаат̇з, бхаг̇авад̇о д̇хаад̇убхааж̇анад̣̇ивасз саннибад̇ид̇аанам̣ сад̇д̇аннам̣ бхигкусад̇асахассаанам̣ сан̇гхад̇т̇зро ааяасмаа махаагассабо сад̇д̇аахабариниб̣б̣уд̇з бхаг̇авад̇и субхад̣̇д̣̇зна вуд̣дхабаб̣б̣аж̇ид̇зна – ‘‘алам̣, аавусо, маа сожид̇т̇а, маа барид̣̇звид̇т̇а, сумуд̇д̇аа маяам̣ д̇зна махаасаман̣зна, убад̣̇д̣̇уд̇аа жа хома – ‘ид̣̇ам̣ во габбад̇и, ид̣̇ам̣ во на габбад̇ий’д̇и, ид̣̇аани бана маяам̣ яам̣ ижчиссаама, д̇ам̣ гариссаама, яам̣ на ижчиссаама на д̇ам̣ гариссаамаа’’д̇и (жуул̣ава. 437) вуд̇д̇аважанамануссаранд̇о, ийд̣̇исасса жа сан̇гхасаннибаад̇асса буна д̣̇уллабхабхаавам̣ ман̃н̃амаано, ‘‘таанам̣ ко банзд̇ам̣ виж̇ж̇ад̇и, яам̣ баабабхигкуу ‘ад̇ийд̇асад̇т̇угам̣ бааважана’нд̇и ман̃н̃амаанаа багкам̣ лабхид̇ваа нажирассзва сад̣̇д̇хаммам̣ анд̇арад̇хаабзяяум̣, яаава жа д̇хаммавинаяо д̇идтад̇и, д̇аава анад̇ийд̇асад̇т̇угамзва бааважанам̣ ход̇и. вуд̇д̇ан̃хзд̇ам̣ бхаг̇авад̇аа –

    Paṭhamamahāsaṅgīti nāma cesā kiñcāpi vinayapiṭake tantimārūḷhā, nidānakosallatthaṃ pana idhāpi evaṃ veditabbā. Dhammacakkappavattanañhi ādiṃ katvā yāva subhaddaparibbājakavinayanā katabuddhakicce, kusinārāyaṃ upavattane mallānaṃ sālavane yamakasālānamantare visākhapuṇṇamadivase paccūsasamaye anupādisesāya nibbānadhātuyā parinibbute bhagavati lokanāthe, bhagavato dhātubhājanadivase sannipatitānaṃ sattannaṃ bhikkhusatasahassānaṃ saṅghatthero āyasmā mahākassapo sattāhaparinibbute bhagavati subhaddena vuḍḍhapabbajitena – ‘‘alaṃ, āvuso, mā socittha, mā paridevittha, sumuttā mayaṃ tena mahāsamaṇena, upaddutā ca homa – ‘idaṃ vo kappati, idaṃ vo na kappatī’ti, idāni pana mayaṃ yaṃ icchissāma, taṃ karissāma, yaṃ na icchissāma na taṃ karissāmā’’ti (cūḷava. 437) vuttavacanamanussaranto, īdisassa ca saṅghasannipātassa puna dullabhabhāvaṃ maññamāno, ‘‘ṭhānaṃ kho panetaṃ vijjati, yaṃ pāpabhikkhū ‘atītasatthukaṃ pāvacana’nti maññamānā pakkhaṃ labhitvā nacirasseva saddhammaṃ antaradhāpeyyuṃ, yāva ca dhammavinayo tiṭṭhati, tāva anatītasatthukameva pāvacanaṃ hoti. Vuttañhetaṃ bhagavatā –

    ‘яо во, аананд̣̇а, маяаа д̇хаммо жа винаяо жа д̣̇зсид̇о бан̃н̃ад̇д̇о, со во мамажжаязна сад̇т̇аа’д̇и (д̣̇ий. ни. 2.216).

    ‘Yo vo, ānanda, mayā dhammo ca vinayo ca desito paññatto, so vo mamaccayena satthā’ti (dī. ni. 2.216).

    ‘яам̣нуунаахам̣ д̇хамман̃жа винаяан̃жа сан̇г̇ааязяяам̣, яат̇аяид̣̇ам̣ саасанам̣ ад̣̇д̇ханияам̣ асса жирадтид̇игам̣’.

    ‘Yaṃnūnāhaṃ dhammañca vinayañca saṅgāyeyyaṃ, yathayidaṃ sāsanaṃ addhaniyaṃ assa ciraṭṭhitikaṃ’.

    яан̃жаахам̣ бхаг̇авад̇аа –

    Yañcāhaṃ bhagavatā –

    ‘д̇хаарзссаси бана мз д̇вам̣, гассаба, саан̣аани бам̣сугуулаани ниб̣б̣асанааний’д̇и (сам̣. ни. 2.154) вад̇ваа жийварз саад̇хааран̣абарибхог̇зна.

    ‘Dhāressasi pana me tvaṃ, kassapa, sāṇāni paṃsukūlāni nibbasanānī’ti (saṃ. ni. 2.154) vatvā cīvare sādhāraṇaparibhogena.

    ‘ахам̣, бхигкавз, яаавад̣̇зва ааган̇каами вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихараами; гассабоби, бхигкавз, яаавад̣̇зва, ааган̇кад̇и вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇ий’д̇и (сам̣. ни. 2.152).

    ‘Ahaṃ, bhikkhave, yāvadeva ākaṅkhāmi vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharāmi; kassapopi, bhikkhave, yāvadeva, ākaṅkhati vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharatī’ti (saṃ. ni. 2.152).

    звамаад̣̇инаа наязна наваанубуб̣б̣авихаарачал̣абхин̃н̃ааббабхзд̣̇з уд̇д̇аримануссад̇хаммз ад̇д̇анаа самасамадтабанзна жа ануг̇г̇ахид̇о, д̇ат̇аа аагаасз баан̣им̣ жаалзд̇ваа алаг̇г̇ажид̇д̇ад̇ааяа жзва жанд̣̇обамабадибад̣̇ааяа жа басам̣сид̇о, д̇асса гиман̃н̃ам̣ аан̣ан̣яам̣ бхависсад̇и. нану мам̣ бхаг̇аваа рааж̇аа вияа сагагаважаиссарияаануббад̣̇аанзна ад̇д̇ано гулавам̣саббад̇идтаабагам̣ буд̇д̇ам̣ ‘сад̣̇д̇хаммавам̣саббад̇идтаабаго мз аяам̣ бхависсад̇ий’д̇и, манд̇ваа иминаа асаад̇хааран̣зна ануг̇г̇ахзна ануг̇г̇ахзси, имааяа жа ул̣аарааяа басам̣сааяа басам̣сийд̇и жинд̇аяанд̇о д̇хаммавинаяасан̇г̇ааяанад̇т̇ам̣ бхигкуунам̣ уссаахам̣ ж̇анзси. яат̇ааха –

    Evamādinā nayena navānupubbavihārachaḷabhiññāppabhede uttarimanussadhamme attanā samasamaṭṭhapanena ca anuggahito, tathā ākāse pāṇiṃ cāletvā alaggacittatāya ceva candopamapaṭipadāya ca pasaṃsito, tassa kimaññaṃ āṇaṇyaṃ bhavissati. Nanu maṃ bhagavā rājā viya sakakavacaissariyānuppadānena attano kulavaṃsappatiṭṭhāpakaṃ puttaṃ ‘saddhammavaṃsappatiṭṭhāpako me ayaṃ bhavissatī’ti, mantvā iminā asādhāraṇena anuggahena anuggahesi, imāya ca uḷārāya pasaṃsāya pasaṃsīti cintayanto dhammavinayasaṅgāyanatthaṃ bhikkhūnaṃ ussāhaṃ janesi. Yathāha –

    ‘‘ат̇а ко ааяасмаа махаагассабо бхигкуу ааманд̇зси – ‘згамид̣̇аахам̣, аавусо, самаяам̣ баавааяа гусинаарам̣ ад̣̇д̇хаанамаг̇г̇аббадибанно махад̇аа бхигкусан̇гхзна сад̣̇д̇хим̣ бан̃жамад̇д̇зхи бхигкусад̇зхий’’д̇и (жуул̣ава. 437) саб̣б̣ам̣ субхад̣̇д̣̇аган̣д̣ам̣ вид̇т̇аарад̇о взд̣̇ид̇аб̣б̣ам̣. ад̇т̇ам̣ банасса махаабариниб̣б̣аанаавасаанз ааг̇ад̇адтаанзязва гат̇аяиссаама.

    ‘‘Atha kho āyasmā mahākassapo bhikkhū āmantesi – ‘ekamidāhaṃ, āvuso, samayaṃ pāvāya kusināraṃ addhānamaggappaṭipanno mahatā bhikkhusaṅghena saddhiṃ pañcamattehi bhikkhusatehī’’ti (cūḷava. 437) sabbaṃ subhaddakaṇḍaṃ vitthārato veditabbaṃ. Atthaṃ panassa mahāparinibbānāvasāne āgataṭṭhāneyeva kathayissāma.

    д̇ад̇о барам̣ ааха –

    Tato paraṃ āha –

    ‘‘ханд̣̇а маяам̣, аавусо, д̇хамман̃жа винаяан̃жа сан̇г̇ааяаама, бурз ад̇хаммо д̣̇иббад̇и, д̇хаммо бадиб̣аахияяад̇и; бурз авинаяо д̣̇иббад̇и, винаяо бадиб̣аахияяад̇и; бурз ад̇хаммаваад̣̇ино б̣алаванд̇о хонд̇и, д̇хаммаваад̣̇ино д̣̇уб̣б̣алаа хонд̇и, бурз авинаяаваад̣̇ино б̣алаванд̇о хонд̇и, винаяаваад̣̇ино д̣̇уб̣б̣алаа хонд̇ий’’д̇и (жуул̣ава. 437).

    ‘‘Handa mayaṃ, āvuso, dhammañca vinayañca saṅgāyāma, pure adhammo dippati, dhammo paṭibāhiyyati; pure avinayo dippati, vinayo paṭibāhiyyati; pure adhammavādino balavanto honti, dhammavādino dubbalā honti, pure avinayavādino balavanto honti, vinayavādino dubbalā hontī’’ti (cūḷava. 437).

    бхигкуу аахам̣су – ‘‘д̇зна хи, бханд̇з, т̇зро бхигкуу ужжинад̇уу’’д̇и. т̇зро бана сагаланаван̇г̇асад̇т̇усаасанабарияад̇д̇ид̇харз бут̇уж̇ж̇анасод̇аабаннасагад̣̇ааг̇аамианааг̇аами сугкавибассага кийн̣аасавабхигкуу анзгасад̇з, анзгасахассз жа важ̇ж̇зд̇ваа д̇ибидагасаб̣б̣абарияад̇д̇иббабхзд̣̇ад̇харз бадисамбхид̣̇ааббад̇д̇з махаанубхаавз язбхуяязна бхаг̇авад̇о зд̇ад̣̇аг̇г̇ам̣ ааробид̇з д̇звиж̇ж̇аад̣̇ибхзд̣̇з кийн̣аасавабхигкууязва згуунабан̃жасад̇з бариг̇г̇ахзси. яз санд̇хааяа ид̣̇ам̣ вуд̇д̇ам̣ – ‘‘ат̇а ко ааяасмаа махаагассабо згзнуунаани бан̃жа араханд̇асад̇аани ужжиний’’д̇и (жуул̣ава. 437).

    Bhikkhū āhaṃsu – ‘‘tena hi, bhante, thero bhikkhū uccinatū’’ti. Thero pana sakalanavaṅgasatthusāsanapariyattidhare puthujjanasotāpannasakadāgāmianāgāmi sukkhavipassaka khīṇāsavabhikkhū anekasate, anekasahasse ca vajjetvā tipiṭakasabbapariyattippabhedadhare paṭisambhidāppatte mahānubhāve yebhuyyena bhagavato etadaggaṃ āropite tevijjādibhede khīṇāsavabhikkhūyeva ekūnapañcasate pariggahesi. Ye sandhāya idaṃ vuttaṃ – ‘‘atha kho āyasmā mahākassapo ekenūnāni pañca arahantasatāni uccinī’’ti (cūḷava. 437).

    гисса бана т̇зро згзнуунамагаасийд̇и? ааяасмад̇о аананд̣̇ад̇т̇зрасса огаасагаран̣ад̇т̇ам̣. д̇знахааяасмад̇аа сахааби, винааби, на саггаа д̇хаммасан̇г̇ийд̇им̣ гаад̇ум̣. со хааяасмаа сзгко сагаран̣ийяо, д̇асмаа сахааби на саггаа. яасмаа банасса гин̃жи д̣̇асаб̣алад̣̇зсид̇ам̣ суд̇д̇аг̇зяяаад̣̇игам̣ аббажжагкам̣ наама над̇т̇и. яат̇ааха –

    Kissa pana thero ekenūnamakāsīti? Āyasmato ānandattherassa okāsakaraṇatthaṃ. Tenahāyasmatā sahāpi, vināpi, na sakkā dhammasaṅgītiṃ kātuṃ. So hāyasmā sekkho sakaraṇīyo, tasmā sahāpi na sakkā. Yasmā panassa kiñci dasabaladesitaṃ suttageyyādikaṃ appaccakkhaṃ nāma natthi. Yathāha –

    ‘‘д̣̇ваасийд̇и б̣уд̣̇д̇хад̇о г̇ан̣хим̣, д̣̇вз сахассаани бхигкуд̇о;

    ‘‘Dvāsīti buddhato gaṇhiṃ, dve sahassāni bhikkhuto;

    жад̇ураасийд̇и сахассаани, яз мз д̇хаммаа бавад̇д̇ино’’д̇и. (т̇зраг̇аа. 1027);

    Caturāsīti sahassāni, ye me dhammā pavattino’’ti. (theragā. 1027);

    д̇асмаа винааби на саггаа.

    Tasmā vināpi na sakkā.

    яад̣̇и звам̣ сзгкоби самаано д̇хаммасан̇г̇ийд̇ияаа б̣ахугаарад̇д̇аа т̇зрзна ужжинид̇аб̣б̣о асса, ат̇а гасмаа на ужжинид̇од̇и? баруубаваад̣̇авиваж̇ж̇анад̇о. т̇зро хи ааяасманд̇з аананд̣̇з ад̇ивияа виссад̇т̇о ахоси, д̇ат̇аа хи нам̣ сирасмим̣ балид̇зсу ж̇аад̇зсуби ‘на вааяам̣ гумаараго мад̇д̇аман̃н̃аасий’д̇и, (сам̣. ни. 2.154) гумаарагаваад̣̇зна овад̣̇ад̇и. сагяагулаббасуд̇о жааяасмаа д̇ат̇ааг̇ад̇асса бхаад̇аа жуул̣абид̇убуд̇д̇о. д̇ад̇т̇а гзжи бхигкуу чанд̣̇ааг̇аманам̣ вияа ман̃н̃амаанаа – ‘‘б̣ахуу асзгкабадисамбхид̣̇ааббад̇д̇з бхигкуу табзд̇ваа аананд̣̇ам̣ сзгкабадисамбхид̣̇ааббад̇д̇ам̣ т̇зро ужжиний’’д̇и убавад̣̇зяяум̣. д̇ам̣ баруубаваад̣̇ам̣ бариваж̇ж̇знд̇о, ‘аананд̣̇ам̣ винаа д̇хаммасан̇г̇ийд̇им̣ на саггаа гаад̇ум̣, бхигкуунам̣язва нам̣ анумад̇ияаа г̇ахзссаамий’д̇и на ужжини.

    Yadi evaṃ sekkhopi samāno dhammasaṅgītiyā bahukārattā therena uccinitabbo assa, atha kasmā na uccinitoti? Parūpavādavivajjanato. Thero hi āyasmante ānande ativiya vissattho ahosi, tathā hi naṃ sirasmiṃ palitesu jātesupi ‘na vāyaṃ kumārako mattamaññāsī’ti, (saṃ. ni. 2.154) kumārakavādena ovadati. Sakyakulappasuto cāyasmā tathāgatassa bhātā cūḷapituputto. Tattha keci bhikkhū chandāgamanaṃ viya maññamānā – ‘‘bahū asekkhapaṭisambhidāppatte bhikkhū ṭhapetvā ānandaṃ sekkhapaṭisambhidāppattaṃ thero uccinī’’ti upavadeyyuṃ. Taṃ parūpavādaṃ parivajjento, ‘ānandaṃ vinā dhammasaṅgītiṃ na sakkā kātuṃ, bhikkhūnaṃyeva naṃ anumatiyā gahessāmī’ti na uccini.

    ат̇а саяамзва бхигкуу аананд̣̇ассад̇т̇ааяа т̇зрам̣ яаажим̣су. яат̇ааха –

    Atha sayameva bhikkhū ānandassatthāya theraṃ yāciṃsu. Yathāha –

    ‘‘бхигкуу ааяасманд̇ам̣ махаагассабам̣ зд̇ад̣̇авожум̣ – ‘аяам̣, бханд̇з, ааяасмаа аананд̣̇о гин̃жааби сзгко абхаб̣б̣о чанд̣̇аа д̣̇осаа мохаа бхаяаа аг̇ад̇им̣ г̇анд̇ум̣, б̣аху жаанзна бхаг̇авад̇о санд̇игз д̇хаммо жа винаяо жа барияад̇д̇о, д̇зна хи, бханд̇з, т̇зро ааяасманд̇амби аананд̣̇ам̣ ужжинад̇уу’д̇и. ат̇а ко ааяасмаа махаагассабо ааяасманд̇амби аананд̣̇ам̣ ужжиний’’д̇и (жуул̣ава. 437).

    ‘‘Bhikkhū āyasmantaṃ mahākassapaṃ etadavocuṃ – ‘ayaṃ, bhante, āyasmā ānando kiñcāpi sekkho abhabbo chandā dosā mohā bhayā agatiṃ gantuṃ, bahu cānena bhagavato santike dhammo ca vinayo ca pariyatto, tena hi, bhante, thero āyasmantampi ānandaṃ uccinatū’ti. Atha kho āyasmā mahākassapo āyasmantampi ānandaṃ uccinī’’ti (cūḷava. 437).

    звам̣ бхигкуунам̣ анумад̇ияаа ужжинид̇зна д̇знааяасмад̇аа сад̣̇д̇хим̣ бан̃жат̇зрасад̇аани ахзсум̣.

    Evaṃ bhikkhūnaṃ anumatiyā uccinitena tenāyasmatā saddhiṃ pañcatherasatāni ahesuṃ.

    ат̇а ко т̇зраанам̣ бхигкуунам̣ зд̇ад̣̇ахоси – ‘‘гад̇т̇а ну ко маяам̣ д̇хамман̃жа винаяан̃жа сан̇г̇ааязяяаамаа’’д̇и? ат̇а ко т̇зраанам̣ бхигкуунам̣ зд̇ад̣̇ахоси – ‘‘рааж̇аг̇ахам̣ ко махааг̇ожарам̣ бахууд̇асзнаасанам̣, яам̣нууна маяам̣ рааж̇аг̇ахз вассам̣ васанд̇аа д̇хамман̃жа винаяан̃жа сан̇г̇ааязяяаама, на ан̃н̃з бхигкуу рааж̇аг̇ахз вассам̣ убаг̇ажчзяяу’’нд̇и (жуул̣ава. 437).

    Atha kho therānaṃ bhikkhūnaṃ etadahosi – ‘‘kattha nu kho mayaṃ dhammañca vinayañca saṅgāyeyyāmā’’ti? Atha kho therānaṃ bhikkhūnaṃ etadahosi – ‘‘rājagahaṃ kho mahāgocaraṃ pahūtasenāsanaṃ, yaṃnūna mayaṃ rājagahe vassaṃ vasantā dhammañca vinayañca saṅgāyeyyāma, na aññe bhikkhū rājagahe vassaṃ upagaccheyyu’’nti (cūḷava. 437).

    гасмаа бана нзсам̣ зд̇ад̣̇ахоси? ‘‘ид̣̇ам̣ бана амхаагам̣ т̇ааварагаммам̣, гожи висабхааг̇абуг̇г̇ало сан̇гхамаж̇жхам̣ бависид̇ваа уггодзяяаа’’д̇и. ат̇ааяасмаа махаагассабо н̃ад̇д̇ид̣̇уд̇иязна гаммзна саавзси –

    Kasmā pana nesaṃ etadahosi? ‘‘Idaṃ pana amhākaṃ thāvarakammaṃ, koci visabhāgapuggalo saṅghamajjhaṃ pavisitvā ukkoṭeyyā’’ti. Athāyasmā mahākassapo ñattidutiyena kammena sāvesi –

    ‘‘сун̣аад̇у мз, аавусо сан̇гхо, яад̣̇и сан̇гхасса бад̇д̇агаллам̣ сан̇гхо имаани бан̃жа бхигкусад̇аани самманнзяяа рааж̇аг̇ахз вассам̣ васанд̇аани д̇хамман̃жа винаяан̃жа сан̇г̇ааяид̇ум̣, на ан̃н̃зхи бхигкуухи рааж̇аг̇ахз вассам̣ васид̇аб̣б̣а’’нд̇и. зсаа н̃ад̇д̇и.

    ‘‘Suṇātu me, āvuso saṅgho, yadi saṅghassa pattakallaṃ saṅgho imāni pañca bhikkhusatāni sammanneyya rājagahe vassaṃ vasantāni dhammañca vinayañca saṅgāyituṃ, na aññehi bhikkhūhi rājagahe vassaṃ vasitabba’’nti. Esā ñatti.

    ‘‘сун̣аад̇у мз, аавусо сан̇гхо, сан̇гхо имаани бан̃жабхигкусад̇аани самманна’’д̇и ‘рааж̇аг̇ахз вассам̣ васанд̇аани д̇хамман̃жа винаяан̃жа сан̇г̇ааяид̇ум̣, на ан̃н̃зхи бхигкуухи рааж̇аг̇ахз вассам̣ васид̇аб̣б̣анд̇и. яассааяасмад̇о камад̇и имзсам̣ бан̃жаннам̣ бхигкусад̇аанам̣ саммуд̇и’ рааж̇аг̇ахз вассам̣ васанд̇аанам̣ д̇хамман̃жа винаяан̃жа сан̇г̇ааяид̇ум̣, на ан̃н̃зхи бхигкуухи рааж̇аг̇ахз вассам̣ васид̇аб̣б̣анд̇и, со д̇ун̣хасса; яасса нагкамад̇и, со бхаасзяяа.

    ‘‘Suṇātu me, āvuso saṅgho, saṅgho imāni pañcabhikkhusatāni sammanna’’ti ‘rājagahe vassaṃ vasantāni dhammañca vinayañca saṅgāyituṃ, na aññehi bhikkhūhi rājagahe vassaṃ vasitabbanti. Yassāyasmato khamati imesaṃ pañcannaṃ bhikkhusatānaṃ sammuti’ rājagahe vassaṃ vasantānaṃ dhammañca vinayañca saṅgāyituṃ, na aññehi bhikkhūhi rājagahe vassaṃ vasitabbanti, so tuṇhassa; yassa nakkhamati, so bhāseyya.

    ‘‘саммад̇аани сан̇гхзна имаани бан̃жабхигкусад̇аани рааж̇аг̇ахз вассам̣ васанд̇аани д̇хамман̃жа винаяан̃жа сан̇г̇ааяид̇ум̣, на ан̃н̃зхи бхигкуухи рааж̇аг̇ахз вассам̣ васид̇аб̣б̣анд̇и, камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и (жуул̣ава. 438).

    ‘‘Sammatāni saṅghena imāni pañcabhikkhusatāni rājagahe vassaṃ vasantāni dhammañca vinayañca saṅgāyituṃ, na aññehi bhikkhūhi rājagahe vassaṃ vasitabbanti, khamati saṅghassa, tasmā tuṇhī, evametaṃ dhārayāmī’’ti (cūḷava. 438).

    аяам̣ бана гаммаваажаа д̇ат̇ааг̇ад̇асса бариниб̣б̣аанад̇о згавийсад̇имз д̣̇ивасз гад̇аа. бхаг̇аваа хи висаакабун̣н̣амааяам̣ бажжуусасамаяз бариниб̣б̣уд̇о, ат̇асса сад̇д̇аахам̣ суван̣н̣аван̣н̣ам̣ сарийрам̣ г̇анд̇хамаалаад̣̇ийхи бууж̇аяим̣су. звам̣ сад̇д̇аахам̣ саад̇хугийл̣анад̣̇ивасаа наама ахзсум̣. д̇ад̇о сад̇д̇аахам̣ жид̇агааяа аг̇г̇инаа жхааяи, сад̇д̇аахам̣ сад̇д̇ибан̃ж̇арам̣ гад̇ваа санд̇хааг̇аарасаалааяам̣ д̇хаад̇убууж̇ам̣ гарим̣сууд̇и, згавийсад̇и д̣̇ивасаа г̇ад̇аа. ж̇здтамууласуггабагкабан̃жамияам̣язва д̇хаад̇уяо бхааж̇аяим̣су. зд̇асмим̣ д̇хаад̇убхааж̇анад̣̇ивасз саннибад̇ид̇асса махаабхигкусан̇гхасса субхад̣̇д̣̇зна вуд̣дхабаб̣б̣аж̇ид̇зна гад̇ам̣ анаажаарам̣ аарожзд̇ваа вуд̇д̇анаязнзва жа бхигкуу ужжинид̇ваа аяам̣ гаммаваажаа гад̇аа.

    Ayaṃ pana kammavācā tathāgatassa parinibbānato ekavīsatime divase katā. Bhagavā hi visākhapuṇṇamāyaṃ paccūsasamaye parinibbuto, athassa sattāhaṃ suvaṇṇavaṇṇaṃ sarīraṃ gandhamālādīhi pūjayiṃsu. Evaṃ sattāhaṃ sādhukīḷanadivasā nāma ahesuṃ. Tato sattāhaṃ citakāya agginā jhāyi, sattāhaṃ sattipañjaraṃ katvā sandhāgārasālāyaṃ dhātupūjaṃ kariṃsūti, ekavīsati divasā gatā. Jeṭṭhamūlasukkapakkhapañcamiyaṃyeva dhātuyo bhājayiṃsu. Etasmiṃ dhātubhājanadivase sannipatitassa mahābhikkhusaṅghassa subhaddena vuḍḍhapabbajitena kataṃ anācāraṃ ārocetvā vuttanayeneva ca bhikkhū uccinitvā ayaṃ kammavācā katā.

    иман̃жа бана гаммаваажам̣ гад̇ваа т̇зро бхигкуу ааманд̇зси – ‘‘аавусо, ид̣̇аани д̇умхаагам̣ жад̇д̇аалийса д̣̇ивасаа огаасо гад̇о, д̇ад̇о барам̣ ‘аяам̣ наама но балиб̣од̇хо ад̇т̇ий’д̇и, вад̇д̇ум̣ на лаб̣бхаа, д̇асмаа зд̇т̇анд̇арз яасса рог̇абалиб̣од̇хо ваа аажарияубаж̇жхааяабалиб̣од̇хо ваа маад̇аабид̇убалиб̣од̇хо ваа ад̇т̇и, бад̇д̇ам̣ ваа бана бажид̇аб̣б̣ам̣, жийварам̣ ваа гаад̇аб̣б̣ам̣, со д̇ам̣ балиб̣од̇хам̣ чинд̣̇ид̇ваа д̇ам̣ гаран̣ийяам̣ гарод̇уу’’д̇и.

    Imañca pana kammavācaṃ katvā thero bhikkhū āmantesi – ‘‘āvuso, idāni tumhākaṃ cattālīsa divasā okāso kato, tato paraṃ ‘ayaṃ nāma no palibodho atthī’ti, vattuṃ na labbhā, tasmā etthantare yassa rogapalibodho vā ācariyupajjhāyapalibodho vā mātāpitupalibodho vā atthi, pattaṃ vā pana pacitabbaṃ, cīvaraṃ vā kātabbaṃ, so taṃ palibodhaṃ chinditvā taṃ karaṇīyaṃ karotū’’ti.

    зван̃жа бана вад̇ваа т̇зро ад̇д̇ано бан̃жасад̇ааяа барисааяа баривуд̇о рааж̇аг̇ахам̣ г̇ад̇о. ан̃н̃зби махаат̇зраа ад̇д̇ано ад̇д̇ано бариваарз г̇ахзд̇ваа согасалласамаббид̇ам̣ махааж̇анам̣ ассаасзд̇угаамаа д̇ам̣ д̇ам̣ д̣̇исам̣ багганд̇аа. бун̣н̣ад̇т̇зро бана сад̇д̇асад̇абхигкубаривааро ‘д̇ат̇ааг̇ад̇асса бариниб̣б̣аанадтаанам̣ ааг̇ад̇ааг̇ад̇ам̣ махааж̇анам̣ ассаасзссаамий’д̇и гусинаарааяам̣язва адтааси.

    Evañca pana vatvā thero attano pañcasatāya parisāya parivuto rājagahaṃ gato. Aññepi mahātherā attano attano parivāre gahetvā sokasallasamappitaṃ mahājanaṃ assāsetukāmā taṃ taṃ disaṃ pakkantā. Puṇṇatthero pana sattasatabhikkhuparivāro ‘tathāgatassa parinibbānaṭṭhānaṃ āgatāgataṃ mahājanaṃ assāsessāmī’ti kusinārāyaṃyeva aṭṭhāsi.

    ааяасмаа аананд̣̇о яат̇аа буб̣б̣з абариниб̣б̣уд̇асса, звам̣ бариниб̣б̣уд̇ассааби бхаг̇авад̇о саяамзва бад̇д̇ажийварамаад̣̇ааяа бан̃жахи бхигкусад̇зхи сад̣̇д̇хим̣ язна саавад̇т̇и д̇зна жааригам̣ баггаами. г̇ажчад̇о г̇ажчад̇о банасса бариваараа бхигкуу г̇ан̣анабат̇ам̣ вийд̇ивад̇д̇аа. д̇знааяасмад̇аа г̇ад̇аг̇ад̇адтаанз махаабарид̣̇зво ахоси . анубуб̣б̣зна бана саавад̇т̇имануббад̇д̇з т̇зрз саавад̇т̇иваасино мануссаа ‘‘т̇зро гира ааг̇ад̇о’’д̇и суд̇ваа г̇анд̇хамаалаад̣̇ихад̇т̇аа бажжуг̇г̇анд̇ваа – ‘‘бханд̇з, аананд̣̇а, буб̣б̣з бхаг̇авад̇аа сад̣̇д̇хим̣ ааг̇ажчат̇а, аж̇ж̇а гухим̣ бхаг̇аванд̇ам̣ табзд̇ваа ааг̇ад̇ад̇т̇аа’’д̇иаад̣̇ийни вад̣̇амаанаа барод̣̇им̣су. б̣уд̣̇д̇хасса бхаг̇авад̇о бариниб̣б̣аанад̣̇ивасз вияа махаабарид̣̇зво ахоси.

    Āyasmā ānando yathā pubbe aparinibbutassa, evaṃ parinibbutassāpi bhagavato sayameva pattacīvaramādāya pañcahi bhikkhusatehi saddhiṃ yena sāvatthi tena cārikaṃ pakkāmi. Gacchato gacchato panassa parivārā bhikkhū gaṇanapathaṃ vītivattā. Tenāyasmatā gatagataṭṭhāne mahāparidevo ahosi . Anupubbena pana sāvatthimanuppatte there sāvatthivāsino manussā ‘‘thero kira āgato’’ti sutvā gandhamālādihatthā paccuggantvā – ‘‘bhante, ānanda, pubbe bhagavatā saddhiṃ āgacchatha, ajja kuhiṃ bhagavantaṃ ṭhapetvā āgatatthā’’tiādīni vadamānā parodiṃsu. Buddhassa bhagavato parinibbānadivase viya mahāparidevo ahosi.

    д̇ад̇ра суд̣̇ам̣ ааяасмаа аананд̣̇о анижжад̇аад̣̇ибадисам̣яуд̇д̇ааяа д̇хаммияаагат̇ааяа д̇ам̣ махааж̇анам̣ сан̃н̃аабзд̇ваа ж̇зд̇аванам̣ бависид̇ваа д̣̇асаб̣алзна васид̇аг̇анд̇хагудим̣ ванд̣̇ид̇ваа д̣̇ваарам̣ виварид̇ваа ман̃жабийтам̣ нийхарид̇ваа бабподзд̇ваа г̇анд̇хагудим̣ саммаж̇ж̇ид̇ваа милаад̇амаалаагажаварам̣ чад̣д̣зд̇ваа ман̃жабийтам̣ ад̇ихарид̇ваа буна яат̇аатаанз табзд̇ваа бхаг̇авад̇о тид̇агаалз гаран̣ийяам̣ вад̇д̇ам̣ саб̣б̣амагааси. гурумаано жа нхаанагодтагасаммаж̇ж̇анауд̣̇агубадтаабанаад̣̇игаалзсу г̇анд̇хагудим̣ ванд̣̇ид̇ваа – ‘‘нану бхаг̇аваа, аяам̣ д̇умхаагам̣ нхаанагаало, аяам̣ д̇хаммад̣̇зсанаагаало, аяам̣ бхигкуунам̣ оваад̣̇ад̣̇аанагаало, аяам̣ сийхасзяяагаббанагаало, аяам̣ мукад̇хованагаало’’д̇иаад̣̇инаа наязна барид̣̇звамаанова агааси, яат̇аа д̇ам̣ бхаг̇авад̇о г̇ун̣аг̇ан̣аамад̇арасан̃н̃уд̇ааяа бад̇идтид̇абзмо жзва акийн̣аасаво жа анзгзсу жа ж̇аад̇исад̇асахассзсу ан̃н̃аман̃н̃ассуубагаарасан̃ж̇анид̇ажид̇д̇амад̣̇д̣̇аво. д̇амзнам̣ ан̃н̃ад̇араа д̣̇звад̇аа – ‘‘бханд̇з, аананд̣̇а, д̇умхз звам̣ барид̣̇звамаанаа гат̇ам̣ ан̃н̃з ассаасзссат̇аа’’д̇и сам̣взж̇зси. со д̇ассаа важанзна сам̣виг̇г̇ахад̣̇аяо сант̇амбхид̇ваа д̇ат̇ааг̇ад̇асса бариниб̣б̣аанад̇о бабхуд̇и таананисаж̇ж̇аб̣ахулад̇д̇аа уссаннад̇хаад̇угам̣ гааяам̣ самассаасзд̇ум̣ д̣̇уд̇ияад̣̇ивасз кийравирзжанам̣ бивид̇ваа вихаарзязва нисийд̣̇и. яам̣ санд̇хааяа субхзна маан̣авзна бахид̇ам̣ маан̣авагам̣ зд̇ад̣̇авожа –

    Tatra sudaṃ āyasmā ānando aniccatādipaṭisaṃyuttāya dhammiyākathāya taṃ mahājanaṃ saññāpetvā jetavanaṃ pavisitvā dasabalena vasitagandhakuṭiṃ vanditvā dvāraṃ vivaritvā mañcapīṭhaṃ nīharitvā papphoṭetvā gandhakuṭiṃ sammajjitvā milātamālākacavaraṃ chaḍḍetvā mañcapīṭhaṃ atiharitvā puna yathāṭhāne ṭhapetvā bhagavato ṭhitakāle karaṇīyaṃ vattaṃ sabbamakāsi. Kurumāno ca nhānakoṭṭhakasammajjanaudakupaṭṭhāpanādikālesu gandhakuṭiṃ vanditvā – ‘‘nanu bhagavā, ayaṃ tumhākaṃ nhānakālo, ayaṃ dhammadesanākālo, ayaṃ bhikkhūnaṃ ovādadānakālo, ayaṃ sīhaseyyakappanakālo, ayaṃ mukhadhovanakālo’’tiādinā nayena paridevamānova akāsi, yathā taṃ bhagavato guṇagaṇāmatarasaññutāya patiṭṭhitapemo ceva akhīṇāsavo ca anekesu ca jātisatasahassesu aññamaññassūpakārasañjanitacittamaddavo. Tamenaṃ aññatarā devatā – ‘‘bhante, ānanda, tumhe evaṃ paridevamānā kathaṃ aññe assāsessathā’’ti saṃvejesi. So tassā vacanena saṃviggahadayo santhambhitvā tathāgatassa parinibbānato pabhuti ṭhānanisajjabahulattā ussannadhātukaṃ kāyaṃ samassāsetuṃ dutiyadivase khīravirecanaṃ pivitvā vihāreyeva nisīdi. Yaṃ sandhāya subhena māṇavena pahitaṃ māṇavakaṃ etadavoca –

    ‘‘агаало, ко маан̣авага, ад̇т̇и мз аж̇ж̇а бхзсаж̇ж̇амад̇д̇аа бийд̇аа, аббзва наама свзби убасан̇гамзяяаамаа’’д̇и (д̣̇ий. ни. 1.447).

    ‘‘Akālo, kho māṇavaka, atthi me ajja bhesajjamattā pītā, appeva nāma svepi upasaṅkameyyāmā’’ti (dī. ni. 1.447).

    д̣̇уд̇ияад̣̇ивасз жзд̇агад̇т̇зрзна бажчаасаман̣зна г̇анд̇ваа субхзна маан̣авзна будто имасмим̣ д̣̇ийгханигааяз субхасуд̇д̇ам̣ наама д̣̇асамам̣ суд̇д̇ам̣ абхааси.

    Dutiyadivase cetakattherena pacchāsamaṇena gantvā subhena māṇavena puṭṭho imasmiṃ dīghanikāye subhasuttaṃ nāma dasamaṃ suttaṃ abhāsi.

    ат̇а аананд̣̇ад̇т̇зро ж̇зд̇аванамахаавихаарз кан̣д̣апуллаббадисан̇каран̣ам̣ гаараабзд̇ваа убагадтааяа вассуубанааяигааяа бхигкусан̇гхам̣ охааяа рааж̇аг̇ахам̣ г̇ад̇о д̇ат̇аа ан̃н̃зби д̇хаммасан̇г̇аахагаа бхигкууд̇и. зван̃хи г̇ад̇з, д̇з санд̇хааяа жа ид̣̇ам̣ вуд̇д̇ам̣ – ‘‘ат̇а ко т̇зраа бхигкуу рааж̇аг̇ахам̣ аг̇амам̣су, д̇хамман̃жа винаяан̃жа сан̇г̇ааяид̇у’’нд̇и (жуул̣ава. 438). д̇з аасал̣хийбун̣н̣амааяам̣ убосат̇ам̣ гад̇ваа баадибад̣̇ад̣̇ивасз саннибад̇ид̇ваа вассам̣ убаг̇ажчим̣су.

    Atha ānandatthero jetavanamahāvihāre khaṇḍaphullappaṭisaṅkharaṇaṃ kārāpetvā upakaṭṭhāya vassūpanāyikāya bhikkhusaṅghaṃ ohāya rājagahaṃ gato tathā aññepi dhammasaṅgāhakā bhikkhūti. Evañhi gate, te sandhāya ca idaṃ vuttaṃ – ‘‘atha kho therā bhikkhū rājagahaṃ agamaṃsu, dhammañca vinayañca saṅgāyitu’’nti (cūḷava. 438). Te āsaḷhīpuṇṇamāyaṃ uposathaṃ katvā pāṭipadadivase sannipatitvā vassaṃ upagacchiṃsu.

    д̇зна ко бана самаязна рааж̇аг̇ахам̣ бариваарзд̇ваа адтаараса махаавихаараа хонд̇и, д̇з саб̣б̣зби чад̣д̣ид̇абад̇ид̇ауглаабаа ахзсум̣. бхаг̇авад̇о хи бариниб̣б̣аанз саб̣б̣зби бхигкуу ад̇д̇ано ад̇д̇ано бад̇д̇ажийварамаад̣̇ааяа вихаарз жа баривзн̣з жа чад̣д̣зд̇ваа аг̇амам̣су. д̇ад̇т̇а гад̇игавад̇д̇ам̣ гурумаанаа т̇зраа бхаг̇авад̇о важанабууж̇анад̇т̇ам̣ д̇ид̇т̇ияаваад̣̇абариможанад̇т̇ан̃жа – ‘батамам̣ маасам̣ кан̣д̣апуллаббадисан̇каран̣ам̣ гаромаа’д̇и жинд̇зсум̣. д̇ид̇т̇ияаа хи звам̣ вад̣̇зяяум̣ – ‘‘саман̣асса г̇од̇амасса саавагаа сад̇т̇ари тид̇зязва вихаарз бадиж̇аг̇г̇им̣су, бариниб̣б̣уд̇з чад̣д̣зсум̣, гулаанам̣ махаад̇ханабарижжааг̇о винассад̇ий’’д̇и. д̇зсан̃жа ваад̣̇абариможанад̇т̇ам̣ жинд̇зсунд̇и вуд̇д̇ам̣ ход̇и. звам̣ жинд̇аяид̇ваа жа бана гад̇игавад̇д̇ам̣ гарим̣су. яам̣ санд̇хааяа вуд̇д̇ам̣ –

    Tena kho pana samayena rājagahaṃ parivāretvā aṭṭhārasa mahāvihārā honti, te sabbepi chaḍḍitapatitauklāpā ahesuṃ. Bhagavato hi parinibbāne sabbepi bhikkhū attano attano pattacīvaramādāya vihāre ca pariveṇe ca chaḍḍetvā agamaṃsu. Tattha katikavattaṃ kurumānā therā bhagavato vacanapūjanatthaṃ titthiyavādaparimocanatthañca – ‘paṭhamaṃ māsaṃ khaṇḍaphullappaṭisaṅkharaṇaṃ karomā’ti cintesuṃ. Titthiyā hi evaṃ vadeyyuṃ – ‘‘samaṇassa gotamassa sāvakā satthari ṭhiteyeva vihāre paṭijaggiṃsu, parinibbute chaḍḍesuṃ, kulānaṃ mahādhanapariccāgo vinassatī’’ti. Tesañca vādaparimocanatthaṃ cintesunti vuttaṃ hoti. Evaṃ cintayitvā ca pana katikavattaṃ kariṃsu. Yaṃ sandhāya vuttaṃ –

    ‘‘ат̇а ко т̇зраанам̣ бхигкуунам̣ зд̇ад̣̇ахоси – бхаг̇авад̇аа, ко аавусо, кан̣д̣апуллаббадисан̇каран̣ам̣ ван̣н̣ид̇ам̣, ханд̣̇а маяам̣, аавусо, батамам̣ маасам̣ кан̣д̣апуллаббадисан̇каран̣ам̣ гарома, маж̇жхимам̣ маасам̣ саннибад̇ид̇ваа д̇хамман̃жа винаяан̃жа сан̇г̇ааяиссаамаа’’д̇и (жуул̣ава. 438).

    ‘‘Atha kho therānaṃ bhikkhūnaṃ etadahosi – bhagavatā, kho āvuso, khaṇḍaphullappaṭisaṅkharaṇaṃ vaṇṇitaṃ, handa mayaṃ, āvuso, paṭhamaṃ māsaṃ khaṇḍaphullappaṭisaṅkharaṇaṃ karoma, majjhimaṃ māsaṃ sannipatitvā dhammañca vinayañca saṅgāyissāmā’’ti (cūḷava. 438).

    д̇з д̣̇уд̇ияад̣̇ивасз г̇анд̇ваа рааж̇ад̣̇ваарз адтам̣су. рааж̇аа ааг̇анд̇ваа ванд̣̇ид̇ваа – ‘‘гим̣ бханд̇з, ааг̇ад̇ад̇т̇аа’’д̇и ад̇д̇анаа гад̇д̇аб̣б̣агижжам̣ бужчи. т̇зраа адтаараса махаавихаарабадисан̇каран̣ад̇т̇ааяа хад̇т̇агаммам̣ бадивзд̣̇зсум̣. рааж̇аа хад̇т̇агаммагаарагз мануссз ад̣̇ааси. т̇зраа батамам̣ маасам̣ саб̣б̣авихаарз бадисан̇караабзд̇ваа ран̃н̃о аарожзсум̣ – ‘‘нидтид̇ам̣, махаарааж̇а, вихаарабадисан̇каран̣ам̣, ид̣̇аани д̇хаммавинаяасан̇г̇ахам̣ гаромаа’’д̇и. ‘‘саад̇ху бханд̇з висадтаа гарот̇а, маяхам̣ аан̣аажаггам̣ , д̇умхааган̃жа д̇хаммажаггам̣ ход̇у, аан̣аабзт̇а, бханд̇з, гим̣ гаромий’’д̇и. ‘‘сан̇г̇ахам̣ гаронд̇аанам̣ бхигкуунам̣ саннисаж̇ж̇адтаанам̣ махаарааж̇аа’’д̇и. ‘‘гад̇т̇а гароми, бханд̇з’’д̇и? ‘‘взбхаарабаб̣б̣ад̇абассз сад̇д̇абан̣н̣и г̇ухаад̣̇ваарз гаад̇ум̣ яуд̇д̇ам̣ махаарааж̇аа’’д̇и. ‘‘саад̇ху, бханд̇з’’д̇и ко рааж̇аа аж̇аад̇асад̇д̇у виссагаммунаа ниммид̇асад̣̇исам̣ сувибхад̇д̇абхид̇д̇ит̇амбхасобаанам̣, наанаавид̇хамаалаагаммалад̇аагаммавижид̇д̇ам̣, абхибхаванд̇амива рааж̇абхаванавибхууд̇им̣, авахасанд̇амива д̣̇звавимаанасирим̣, сирияаа нигзд̇анамива зганибаад̇ад̇ид̇т̇амива жа д̣̇звамануссанаяанавихам̣г̇аанам̣, логарааман̣зяяагамива самбин̣д̣ид̇ам̣ д̣̇адтаб̣б̣асаараман̣д̣ам̣ ман̣д̣абам̣ гаараабзд̇ваа вивид̇хагусумад̣̇аамоламб̣агавиниг̇г̇аланд̇ажаарувид̇аанам̣ наанаарад̇анавижид̇д̇аман̣игоддимад̇аламива жа, нам̣ наанаабубпуубахааравижид̇д̇асубаринидтид̇абхуумигаммам̣ б̣рахмавимаанасад̣̇исам̣ алан̇гарид̇ваа, д̇асмим̣ махааман̣д̣абз бан̃жасад̇аанам̣ бхигкуунам̣ анаг̇гхаани бан̃жа габбияабажжад̇т̇аран̣асад̇аани бан̃н̃абзд̇ваа, д̣̇агкин̣абхааг̇ам̣ ниссааяа уд̇д̇араабхимукам̣ т̇зраасанам̣, ман̣д̣абамаж̇жхз бурад̇т̇аабхимукам̣ б̣уд̣̇д̇хасса бхаг̇авад̇о аасанаарахам̣ д̇хаммаасанам̣ бан̃н̃абзд̇ваа, д̣̇анд̇акажид̇ам̣ б̣ийж̇анин̃жзд̇т̇а табзд̇ваа, бхигкусан̇гхасса аарожаабзси – ‘‘нидтид̇ам̣, бханд̇з, мама гижжа’’нд̇и.

    Te dutiyadivase gantvā rājadvāre aṭṭhaṃsu. Rājā āgantvā vanditvā – ‘‘kiṃ bhante, āgatatthā’’ti attanā kattabbakiccaṃ pucchi. Therā aṭṭhārasa mahāvihārapaṭisaṅkharaṇatthāya hatthakammaṃ paṭivedesuṃ. Rājā hatthakammakārake manusse adāsi. Therā paṭhamaṃ māsaṃ sabbavihāre paṭisaṅkharāpetvā rañño ārocesuṃ – ‘‘niṭṭhitaṃ, mahārāja, vihārapaṭisaṅkharaṇaṃ, idāni dhammavinayasaṅgahaṃ karomā’’ti. ‘‘Sādhu bhante visaṭṭhā karotha, mayhaṃ āṇācakkaṃ , tumhākañca dhammacakkaṃ hotu, āṇāpetha, bhante, kiṃ karomī’’ti. ‘‘Saṅgahaṃ karontānaṃ bhikkhūnaṃ sannisajjaṭṭhānaṃ mahārājā’’ti. ‘‘Kattha karomi, bhante’’ti? ‘‘Vebhārapabbatapasse sattapaṇṇi guhādvāre kātuṃ yuttaṃ mahārājā’’ti. ‘‘Sādhu, bhante’’ti kho rājā ajātasattu vissakammunā nimmitasadisaṃ suvibhattabhittithambhasopānaṃ, nānāvidhamālākammalatākammavicittaṃ, abhibhavantamiva rājabhavanavibhūtiṃ, avahasantamiva devavimānasiriṃ, siriyā niketanamiva ekanipātatitthamiva ca devamanussanayanavihaṃgānaṃ, lokarāmaṇeyyakamiva sampiṇḍitaṃ daṭṭhabbasāramaṇḍaṃ maṇḍapaṃ kārāpetvā vividhakusumadāmolambakaviniggalantacāruvitānaṃ nānāratanavicittamaṇikoṭṭimatalamiva ca, naṃ nānāpupphūpahāravicittasupariniṭṭhitabhūmikammaṃ brahmavimānasadisaṃ alaṅkaritvā, tasmiṃ mahāmaṇḍape pañcasatānaṃ bhikkhūnaṃ anagghāni pañca kappiyapaccattharaṇasatāni paññapetvā, dakkhiṇabhāgaṃ nissāya uttarābhimukhaṃ therāsanaṃ, maṇḍapamajjhe puratthābhimukhaṃ buddhassa bhagavato āsanārahaṃ dhammāsanaṃ paññapetvā, dantakhacitaṃ bījaniñcettha ṭhapetvā, bhikkhusaṅghassa ārocāpesi – ‘‘niṭṭhitaṃ, bhante, mama kicca’’nti.

    д̇асмин̃жа бана д̣̇ивасз згажжз бхигкуу ааяасманд̇ам̣ аананд̣̇ам̣ санд̇хааяа звамаахам̣су – ‘‘имасмим̣ бхигкусан̇гхз зго бхигку виссаг̇анд̇хам̣ вааяанд̇о вижарад̇ий’’д̇и. т̇зро д̇ам̣ суд̇ваа имасмим̣ бхигкусан̇гхз ан̃н̃о виссаг̇анд̇хам̣ вааяанд̇о вижаран̣агабхигку наама над̇т̇и. ад̣̇д̇хаа зд̇з мам̣ санд̇хааяа вад̣̇анд̇ийд̇и сам̣взг̇ам̣ аабаж̇ж̇и. згажжз нам̣ аахам̣суязва – ‘‘свз аавусо, аананд̣̇а, саннибаад̇о, д̇ван̃жа сзгко сагаран̣ийяо, д̇зна д̇з на яуд̇д̇ам̣ саннибаад̇ам̣ г̇анд̇ум̣, аббамад̇д̇о хохий’’д̇и.

    Tasmiñca pana divase ekacce bhikkhū āyasmantaṃ ānandaṃ sandhāya evamāhaṃsu – ‘‘imasmiṃ bhikkhusaṅghe eko bhikkhu vissagandhaṃ vāyanto vicaratī’’ti. Thero taṃ sutvā imasmiṃ bhikkhusaṅghe añño vissagandhaṃ vāyanto vicaraṇakabhikkhu nāma natthi. Addhā ete maṃ sandhāya vadantīti saṃvegaṃ āpajji. Ekacce naṃ āhaṃsuyeva – ‘‘sve āvuso, ānanda, sannipāto, tvañca sekkho sakaraṇīyo, tena te na yuttaṃ sannipātaṃ gantuṃ, appamatto hohī’’ti.

    ат̇а ко ааяасмаа аананд̣̇о – ‘свз саннибаад̇о, на ко мзд̇ам̣ бад̇ируубам̣ яваахам̣ сзгко самаано саннибаад̇ам̣ г̇ажчзяяа’нд̇и, б̣ахуд̣̇зва рад̇д̇им̣ гааяаг̇ад̇ааяа сад̇ияаа вийд̇инаамзд̇ваа рад̇д̇ияаа бажжуусасамаяз жан̇гамаа орохид̇ваа вихаарам̣ бависид̇ваа ‘‘нибаж̇ж̇иссаамий’’д̇и гааяам̣ ааваж̇ж̇зси, д̣̇вз баад̣̇аа бхуумид̇о муд̇д̇аа, абад̇д̇ан̃жа сийсам̣ б̣имб̣оханам̣, зд̇асмим̣ анд̇арз анубаад̣̇ааяа аасавзхи жид̇д̇ам̣ вимужжи. аяан̃хи ааяасмаа жан̇гамзна б̣ахи вийд̇инаамзд̇ваа висзсам̣ ниб̣б̣ад̇д̇зд̇ум̣ асаггонд̇о жинд̇зси – ‘‘нану мам̣ бхаг̇аваа зд̇ад̣̇авожа – ‘гад̇абун̃н̃оси д̇вам̣, аананд̣̇а, бад̇хаанамануяун̃ж̇а, киббам̣ хохиси анаасаво’д̇и (д̣̇ий. ни. 2.207). б̣уд̣̇д̇хаанан̃жа гат̇аад̣̇осо наама над̇т̇и, мама бана ажжаарад̣̇д̇хам̣ вийрияам̣, д̇зна мз жид̇д̇ам̣ уд̣̇д̇хажжааяа сам̣вад̇д̇ад̇и. ханд̣̇аахам̣ вийрияасамад̇ам̣ яож̇змий’’д̇и, жан̇гамаа орохид̇ваа баад̣̇ад̇хованадтаанз тад̇ваа баад̣̇з д̇ховид̇ваа вихаарам̣ бависид̇ваа ман̃жагз нисийд̣̇ид̇ваа, ‘‘т̇огам̣ виссамиссаамий’’д̇и гааяам̣ ман̃жагз абанаамзси. д̣̇вз баад̣̇аа бхуумид̇о муд̇д̇аа, сийсам̣ б̣имб̣оханамаббад̇д̇ам̣, зд̇асмим̣ анд̇арз анубаад̣̇ааяа аасавзхи жид̇д̇ам̣ вимуд̇д̇ам̣, жад̇уирияаабат̇авирахид̇ам̣ т̇зрасса арахад̇д̇ам̣. д̇зна ‘‘имасмим̣ саасанз анибанно анисинно адтид̇о ажан̇гаманд̇о го бхигку арахад̇д̇ам̣ бад̇д̇о’’д̇и вуд̇д̇з ‘‘аананд̣̇ад̇т̇зро’’д̇и вад̇д̇ум̣ ваддад̇и.

    Atha kho āyasmā ānando – ‘sve sannipāto, na kho metaṃ patirūpaṃ yvāhaṃ sekkho samāno sannipātaṃ gaccheyya’nti, bahudeva rattiṃ kāyagatāya satiyā vītināmetvā rattiyā paccūsasamaye caṅkamā orohitvā vihāraṃ pavisitvā ‘‘nipajjissāmī’’ti kāyaṃ āvajjesi, dve pādā bhūmito muttā, apattañca sīsaṃ bimbohanaṃ, etasmiṃ antare anupādāya āsavehi cittaṃ vimucci. Ayañhi āyasmā caṅkamena bahi vītināmetvā visesaṃ nibbattetuṃ asakkonto cintesi – ‘‘nanu maṃ bhagavā etadavoca – ‘katapuññosi tvaṃ, ānanda, padhānamanuyuñja, khippaṃ hohisi anāsavo’ti (dī. ni. 2.207). Buddhānañca kathādoso nāma natthi, mama pana accāraddhaṃ vīriyaṃ, tena me cittaṃ uddhaccāya saṃvattati. Handāhaṃ vīriyasamataṃ yojemī’’ti, caṅkamā orohitvā pādadhovanaṭṭhāne ṭhatvā pāde dhovitvā vihāraṃ pavisitvā mañcake nisīditvā, ‘‘thokaṃ vissamissāmī’’ti kāyaṃ mañcake apanāmesi. Dve pādā bhūmito muttā, sīsaṃ bimbohanamappattaṃ, etasmiṃ antare anupādāya āsavehi cittaṃ vimuttaṃ, catuiriyāpathavirahitaṃ therassa arahattaṃ. Tena ‘‘imasmiṃ sāsane anipanno anisinno aṭṭhito acaṅkamanto ko bhikkhu arahattaṃ patto’’ti vutte ‘‘ānandatthero’’ti vattuṃ vaṭṭati.

    ат̇а т̇зраа бхигкуу д̣̇уд̇ияад̣̇ивасз бан̃жамияам̣ гаал̣абагкасса гад̇абхад̇д̇агижжаа бад̇д̇ажийварам̣ бадисаамзд̇ваа д̇хаммасабхааяам̣ саннибад̇им̣су. ат̇а ко ааяасмаа аананд̣̇о арахаа самаано саннибаад̇ам̣ аг̇амааси. гат̇ам̣ аг̇амааси? ‘‘ид̣̇аанимхи саннибаад̇амаж̇жхам̣ бависанаарахо’’д̇и хадтад̇удтажид̇д̇о згам̣сам̣ жийварам̣ гад̇ваа б̣анд̇ханаа муд̇д̇ад̇аалабаггам̣ вияа, бан̣д̣угамб̣алз нигкид̇д̇аж̇аад̇иман̣и вияа, виг̇ад̇авалаахагз набхз самуг̇г̇ад̇абун̣н̣ажанд̣̇о вияа, б̣аалаад̇абасампассавигасид̇арзн̣убин̃ж̇араг̇аб̣бхам̣ бад̣̇умам̣ вияа жа, барисуд̣̇д̇хзна барияод̣̇аад̇зна саббабхзна сассирийгзна жа мукаварзна ад̇д̇ано арахад̇д̇аббад̇д̇им̣ аарожаяамаано вияа аг̇амааси. ат̇а нам̣ д̣̇исваа ааяасмад̇о махаагассабасса зд̇ад̣̇ахоси – ‘‘собхад̇и вад̇а бхо арахад̇д̇аббад̇д̇о аананд̣̇о, сажз сад̇т̇аа д̇харзяяа, ад̣̇д̇хаа аж̇ж̇аананд̣̇асса саад̇хугаарам̣ д̣̇ад̣̇зяяа, ханд̣̇а , д̣̇ааниссаахам̣ сад̇т̇аараа д̣̇аад̇аб̣б̣ам̣ саад̇хугаарам̣ д̣̇ад̣̇аамий’’д̇и, д̇игкад̇д̇ум̣ саад̇хугаарамад̣̇ааси.

    Atha therā bhikkhū dutiyadivase pañcamiyaṃ kāḷapakkhassa katabhattakiccā pattacīvaraṃ paṭisāmetvā dhammasabhāyaṃ sannipatiṃsu. Atha kho āyasmā ānando arahā samāno sannipātaṃ agamāsi. Kathaṃ agamāsi? ‘‘Idānimhi sannipātamajjhaṃ pavisanāraho’’ti haṭṭhatuṭṭhacitto ekaṃsaṃ cīvaraṃ katvā bandhanā muttatālapakkaṃ viya, paṇḍukambale nikkhittajātimaṇi viya, vigatavalāhake nabhe samuggatapuṇṇacando viya, bālātapasamphassavikasitareṇupiñjaragabbhaṃ padumaṃ viya ca, parisuddhena pariyodātena sappabhena sassirīkena ca mukhavarena attano arahattappattiṃ ārocayamāno viya agamāsi. Atha naṃ disvā āyasmato mahākassapassa etadahosi – ‘‘sobhati vata bho arahattappatto ānando, sace satthā dhareyya, addhā ajjānandassa sādhukāraṃ dadeyya, handa , dānissāhaṃ satthārā dātabbaṃ sādhukāraṃ dadāmī’’ti, tikkhattuṃ sādhukāramadāsi.

    маж̇жхимабхаан̣агаа бана вад̣̇анд̇и – ‘‘аананд̣̇ад̇т̇зро ад̇д̇ано арахад̇д̇аббад̇д̇им̣ н̃аабзд̇угаамо бхигкуухи сад̣̇д̇хим̣ нааг̇ад̇о, бхигкуу яат̇аавуд̣дхам̣ ад̇д̇ано ад̇д̇ано бад̇д̇аасанз нисийд̣̇анд̇аа аананд̣̇ад̇т̇зрасса аасанам̣ табзд̇ваа нисиннаа. д̇ад̇т̇а гзжи звамаахам̣су – ‘зд̇ам̣ аасанам̣ гассаа’д̇и? ‘аананд̣̇ассаа’д̇и. ‘аананд̣̇о бана гухим̣ г̇ад̇о’д̇и? д̇асмим̣ самаяз т̇зро жинд̇зси – ‘ид̣̇аани маяхам̣ г̇аманагаало’д̇и. д̇ад̇о ад̇д̇ано аанубхаавам̣ д̣̇ассзнд̇о бат̇авияам̣ нимуж̇ж̇ид̇ваа ад̇д̇ано аасанзязва ад̇д̇аанам̣ д̣̇ассзсий’’д̇и, аагаасзна г̇анд̇ваа нисийд̣̇ийд̇иби згз. яат̇аа ваа д̇ат̇аа ваа ход̇у. саб̣б̣ат̇ааби д̇ам̣ д̣̇исваа ааяасмад̇о махаагассабасса саад̇хугаарад̣̇аанам̣ яуд̇д̇амзва.

    Majjhimabhāṇakā pana vadanti – ‘‘ānandatthero attano arahattappattiṃ ñāpetukāmo bhikkhūhi saddhiṃ nāgato, bhikkhū yathāvuḍḍhaṃ attano attano pattāsane nisīdantā ānandattherassa āsanaṃ ṭhapetvā nisinnā. Tattha keci evamāhaṃsu – ‘etaṃ āsanaṃ kassā’ti? ‘Ānandassā’ti. ‘Ānando pana kuhiṃ gato’ti? Tasmiṃ samaye thero cintesi – ‘idāni mayhaṃ gamanakālo’ti. Tato attano ānubhāvaṃ dassento pathaviyaṃ nimujjitvā attano āsaneyeva attānaṃ dassesī’’ti, ākāsena gantvā nisīdītipi eke. Yathā vā tathā vā hotu. Sabbathāpi taṃ disvā āyasmato mahākassapassa sādhukāradānaṃ yuttameva.

    звам̣ ааг̇ад̇з бана д̇асмим̣ ааяасманд̇з махаагассабад̇т̇зро бхигкуу ааманд̇зси – ‘‘аавусо, гим̣ батамам̣ сан̇г̇ааяаама, д̇хаммам̣ ваа винаяам̣ ваа’’д̇и? бхигкуу аахам̣су – ‘‘бханд̇з, махаагассаба, винаяо наама б̣уд̣̇д̇хасаасанасса ааяу. винаяз тид̇з саасанам̣ тид̇ам̣ наама ход̇и. д̇асмаа батамам̣ винаяам̣ сан̇г̇ааяаамаа’’д̇и. ‘‘гам̣ д̇хурам̣ гад̇ваа’’д̇и? ‘‘ааяасманд̇ам̣ убаали’’нд̇и. ‘‘гим̣ аананд̣̇о наббаход̇ий’’д̇и? ‘‘но наббаход̇и’’. аби жа ко бана саммаасамб̣уд̣̇д̇хо д̇харамааноязва винаяабарияад̇д̇им̣ ниссааяа ааяасманд̇ам̣ убаалим̣ зд̇ад̣̇аг̇г̇з табзси – ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ винаяад̇хараанам̣ яад̣̇ид̣̇ам̣ убаалий’’д̇и (а. ни. 1.228). ‘д̇асмаа убаалид̇т̇зрам̣ бужчид̇ваа винаяам̣ сан̇г̇ааяаамаа’д̇и.

    Evaṃ āgate pana tasmiṃ āyasmante mahākassapatthero bhikkhū āmantesi – ‘‘āvuso, kiṃ paṭhamaṃ saṅgāyāma, dhammaṃ vā vinayaṃ vā’’ti? Bhikkhū āhaṃsu – ‘‘bhante, mahākassapa, vinayo nāma buddhasāsanassa āyu. Vinaye ṭhite sāsanaṃ ṭhitaṃ nāma hoti. Tasmā paṭhamaṃ vinayaṃ saṅgāyāmā’’ti. ‘‘Kaṃ dhuraṃ katvā’’ti? ‘‘Āyasmantaṃ upāli’’nti. ‘‘Kiṃ ānando nappahotī’’ti? ‘‘No nappahoti’’. Api ca kho pana sammāsambuddho dharamānoyeva vinayapariyattiṃ nissāya āyasmantaṃ upāliṃ etadagge ṭhapesi – ‘‘etadaggaṃ, bhikkhave, mama sāvakānaṃ bhikkhūnaṃ vinayadharānaṃ yadidaṃ upālī’’ti (a. ni. 1.228). ‘Tasmā upālittheraṃ pucchitvā vinayaṃ saṅgāyāmā’ti.

    д̇ад̇о т̇зро винаяам̣ бужчанад̇т̇ааяа ад̇д̇анаава ад̇д̇аанам̣ самманни. убаалид̇т̇зроби виссаж̇ж̇анад̇т̇ааяа самманни. д̇ад̇рааяам̣ баал̣и – ат̇а ко ааяасмаа махаагассабо сан̇гхам̣ н̃аабзси –

    Tato thero vinayaṃ pucchanatthāya attanāva attānaṃ sammanni. Upālittheropi vissajjanatthāya sammanni. Tatrāyaṃ pāḷi – atha kho āyasmā mahākassapo saṅghaṃ ñāpesi –

    ‘‘сун̣аад̇у мз, аавусо, сан̇гхо, яад̣̇и сан̇гхасса бад̇д̇агаллам̣,

    ‘‘Suṇātu me, āvuso, saṅgho, yadi saṅghassa pattakallaṃ,

    ахам̣ убаалим̣ винаяам̣ бужчзяяа’’нд̇и.

    Ahaṃ upāliṃ vinayaṃ puccheyya’’nti.

    ааяасмааби убаали сан̇гхам̣ н̃аабзси –

    Āyasmāpi upāli saṅghaṃ ñāpesi –

    ‘‘сун̣аад̇у мз, бханд̇з, сан̇гхо, яад̣̇и сан̇гхасса бад̇д̇агаллам̣,

    ‘‘Suṇātu me, bhante, saṅgho, yadi saṅghassa pattakallaṃ,

    ахам̣ ааяасмад̇аа махаагассабзна винаяам̣ будто виссаж̇ж̇зяяа’’нд̇и. (жуул̣ава. 439);

    Ahaṃ āyasmatā mahākassapena vinayaṃ puṭṭho vissajjeyya’’nti. (cūḷava. 439);

    звам̣ ад̇д̇аанам̣ самманнид̇ваа ааяасмаа убаали удтааяаасанаа згам̣сам̣ жийварам̣ гад̇ваа т̇зрз бхигкуу ванд̣̇ид̇ваа д̇хаммаасанз нисийд̣̇и д̣̇анд̇акажид̇ам̣ б̣ийж̇аним̣ г̇ахзд̇ваа, д̇ад̇о махаагассабад̇т̇зро т̇зраасанз нисийд̣̇ид̇ваа ааяасманд̇ам̣ убаалим̣ винаяам̣ бужчи. ‘‘батамам̣ аавусо, убаали, баарааж̇игам̣ гад̇т̇а бан̃н̃ад̇д̇а’’нд̇и? ‘‘взсаалияам̣, бханд̇з’’д̇и. ‘‘гам̣ аараб̣бхаа’’д̇и? ‘‘суд̣̇иннам̣ галанд̣̇абуд̇д̇ам̣ аараб̣бхаа’’д̇и. ‘‘гисмим̣ вад̇т̇усми’’нд̇и? ‘‘мзт̇унад̇хаммз’’д̇и.

    Evaṃ attānaṃ sammannitvā āyasmā upāli uṭṭhāyāsanā ekaṃsaṃ cīvaraṃ katvā there bhikkhū vanditvā dhammāsane nisīdi dantakhacitaṃ bījaniṃ gahetvā, tato mahākassapatthero therāsane nisīditvā āyasmantaṃ upāliṃ vinayaṃ pucchi. ‘‘Paṭhamaṃ āvuso, upāli, pārājikaṃ kattha paññatta’’nti? ‘‘Vesāliyaṃ, bhante’’ti. ‘‘Kaṃ ārabbhā’’ti? ‘‘Sudinnaṃ kalandaputtaṃ ārabbhā’’ti. ‘‘Kismiṃ vatthusmi’’nti? ‘‘Methunadhamme’’ti.

    ‘‘ат̇а ко ааяасмаа махаагассабо ааяасманд̇ам̣ убаалим̣ батамасса баарааж̇игасса вад̇т̇умби бужчи, нид̣̇аанамби бужчи, буг̇г̇аламби бужчи, бан̃н̃ад̇д̇имби бужчи, анубан̃н̃ад̇д̇имби бужчи, аабад̇д̇имби бужчи, анаабад̇д̇имби бужчи’’ (жуул̣ава. 439). будто будто ааяасмаа убаали виссаж̇ж̇зси.

    ‘‘Atha kho āyasmā mahākassapo āyasmantaṃ upāliṃ paṭhamassa pārājikassa vatthumpi pucchi, nidānampi pucchi, puggalampi pucchi, paññattimpi pucchi, anupaññattimpi pucchi, āpattimpi pucchi, anāpattimpi pucchi’’ (cūḷava. 439). Puṭṭho puṭṭho āyasmā upāli vissajjesi.

    гим̣ банзд̇т̇а батамабаарааж̇игз гин̃жи абанзд̇аб̣б̣ам̣ ваа багкибид̇аб̣б̣ам̣ ваа ад̇т̇и над̇т̇ийд̇и? абанзд̇аб̣б̣ам̣ над̇т̇и. б̣уд̣̇д̇хасса хи бхаг̇авад̇о бхаасид̇з абанзд̇аб̣б̣ам̣ наама над̇т̇и. на хи д̇ат̇ааг̇ад̇аа згаб̣яан̃ж̇анамби нирад̇т̇агам̣ вад̣̇анд̇и. саавагаанам̣ бана д̣̇звад̇аанам̣ ваа бхаасид̇з абанзд̇аб̣б̣амби ход̇и, д̇ам̣ д̇хаммасан̇г̇аахагад̇т̇зраа абанаяим̣су. багкибид̇аб̣б̣ам̣ бана саб̣б̣ад̇т̇ааби ад̇т̇и, д̇асмаа яам̣ яад̇т̇а багкибид̇ум̣ яуд̇д̇ам̣, д̇ам̣ багкибим̣суязва. гим̣ бана д̇анд̇и? ‘д̇зна самаязнаа’д̇и ваа, ‘д̇зна ко бана самаязнаа’д̇и ваа, ‘ат̇а код̇и ваа’, ‘звам̣ вуд̇д̇зд̇и’ ваа, ‘зд̇ад̣̇авожаа’д̇и ваа, звамаад̣̇игам̣ самб̣анд̇хаважанамад̇д̇ам̣. звам̣ багкибид̇аб̣б̣аяуд̇д̇ам̣ багкибид̇ваа бана – ‘‘ид̣̇ам̣ батамабаарааж̇ига’’нд̇и табзсум̣. батамабаарааж̇игз сан̇г̇ахамааруул̣хз бан̃жа араханд̇асад̇аани сан̇г̇ахам̣ ааробид̇анаязнзва г̇ан̣асаж̇жхааяамагам̣су – ‘‘д̇зна самаязна б̣уд̣̇д̇хо бхаг̇аваа взран̃ж̇ааяам̣ вихарад̇ий’’д̇и. д̇зсам̣ саж̇жхааяаарад̣̇д̇хагаалзязва саад̇хугаарам̣ д̣̇ад̣̇амаанаа вияа махаабат̇авий уд̣̇агабарияанд̇ам̣ гад̇ваа агамбид̇т̇а.

    Kiṃ panettha paṭhamapārājike kiñci apanetabbaṃ vā pakkhipitabbaṃ vā atthi natthīti? Apanetabbaṃ natthi. Buddhassa hi bhagavato bhāsite apanetabbaṃ nāma natthi. Na hi tathāgatā ekabyañjanampi niratthakaṃ vadanti. Sāvakānaṃ pana devatānaṃ vā bhāsite apanetabbampi hoti, taṃ dhammasaṅgāhakattherā apanayiṃsu. Pakkhipitabbaṃ pana sabbatthāpi atthi, tasmā yaṃ yattha pakkhipituṃ yuttaṃ, taṃ pakkhipiṃsuyeva. Kiṃ pana tanti? ‘Tena samayenā’ti vā, ‘tena kho pana samayenā’ti vā, ‘atha khoti vā’, ‘evaṃ vutteti’ vā, ‘etadavocā’ti vā, evamādikaṃ sambandhavacanamattaṃ. Evaṃ pakkhipitabbayuttaṃ pakkhipitvā pana – ‘‘idaṃ paṭhamapārājika’’nti ṭhapesuṃ. Paṭhamapārājike saṅgahamārūḷhe pañca arahantasatāni saṅgahaṃ āropitanayeneva gaṇasajjhāyamakaṃsu – ‘‘tena samayena buddho bhagavā verañjāyaṃ viharatī’’ti. Tesaṃ sajjhāyāraddhakāleyeva sādhukāraṃ dadamānā viya mahāpathavī udakapariyantaṃ katvā akampittha.

    зд̇знзва наязна сзсаани д̇ийн̣и баарааж̇игаани сан̇г̇ахам̣ ааробзд̇ваа ‘‘ид̣̇ам̣ баарааж̇игаган̣д̣а’’нд̇и табзсум̣. д̇зраса сан̇гхаад̣̇исзсаани ‘‘д̇зрасага’’нд̇и табзсум̣. д̣̇вз сигкаабад̣̇аани ‘‘анияад̇ааний’’д̇и табзсум̣. д̇им̣са сигкаабад̣̇аани ‘‘ниссаг̇г̇ияаани баажид̇д̇ияааний’’д̇и табзсум̣ . д̣̇взнавуд̇и сигкаабад̣̇аани ‘‘баажид̇д̇ияааний’’д̇и табзсум̣. жад̇д̇аари сигкаабад̣̇аани ‘‘баадид̣̇зсанийяааний’’д̇и табзсум̣. бан̃жасад̇д̇ад̇и сигкаабад̣̇аани ‘‘сзкияааний’’д̇и табзсум̣. сад̇д̇а д̇хаммз ‘‘ад̇хигаран̣асамат̇аа’’д̇и табзсум̣. звам̣ сад̇д̇авийсаад̇хигаани д̣̇вз сигкаабад̣̇асад̇аани ‘‘махаавибхан̇г̇о’’д̇и гид̇д̇зд̇ваа табзсум̣. махаавибхан̇г̇аавасаанзби буриманаязнзва махаабат̇авий агамбид̇т̇а.

    Eteneva nayena sesāni tīṇi pārājikāni saṅgahaṃ āropetvā ‘‘idaṃ pārājikakaṇḍa’’nti ṭhapesuṃ. Terasa saṅghādisesāni ‘‘terasaka’’nti ṭhapesuṃ. Dve sikkhāpadāni ‘‘aniyatānī’’ti ṭhapesuṃ. Tiṃsa sikkhāpadāni ‘‘nissaggiyāni pācittiyānī’’ti ṭhapesuṃ . Dvenavuti sikkhāpadāni ‘‘pācittiyānī’’ti ṭhapesuṃ. Cattāri sikkhāpadāni ‘‘pāṭidesanīyānī’’ti ṭhapesuṃ. Pañcasattati sikkhāpadāni ‘‘sekhiyānī’’ti ṭhapesuṃ. Satta dhamme ‘‘adhikaraṇasamathā’’ti ṭhapesuṃ. Evaṃ sattavīsādhikāni dve sikkhāpadasatāni ‘‘mahāvibhaṅgo’’ti kittetvā ṭhapesuṃ. Mahāvibhaṅgāvasānepi purimanayeneva mahāpathavī akampittha.

    д̇ад̇о бхигкунийвибхан̇г̇з адта сигкаабад̣̇аани ‘‘баарааж̇игаган̣д̣ам̣ наама ид̣̇а’’нд̇и табзсум̣. сад̇д̇араса сигкаабад̣̇аани ‘‘сад̇д̇арасага’’нд̇и табзсум̣. д̇им̣са сигкаабад̣̇аани ‘‘ниссаг̇г̇ияаани баажид̇д̇ияааний’’д̇и табзсум̣. часадтисад̇асигкаабад̣̇аани ‘‘баажид̇д̇ияааний’’д̇и табзсум̣. адта сигкаабад̣̇аани ‘‘баадид̣̇зсанийяааний’’д̇и табзсум̣. бан̃жасад̇д̇ад̇и сигкаабад̣̇аани ‘‘сзкияааний’’д̇и табзсум̣. сад̇д̇а д̇хаммз ‘‘ад̇хигаран̣асамат̇аа’’д̇и табзсум̣. звам̣ д̇ийн̣и сигкаабад̣̇асад̇аани жад̇д̇аари жа сигкаабад̣̇аани ‘‘бхигкунийвибхан̇г̇о’’д̇и гид̇д̇зд̇ваа – ‘‘аяам̣ убхад̇о вибхан̇г̇о наама жад̇усадтибхаан̣авааро’’д̇и табзсум̣. убхад̇овибхан̇г̇аавасаанзби вуд̇д̇анаязнзва махаабат̇авигамбо ахоси.

    Tato bhikkhunīvibhaṅge aṭṭha sikkhāpadāni ‘‘pārājikakaṇḍaṃ nāma ida’’nti ṭhapesuṃ. Sattarasa sikkhāpadāni ‘‘sattarasaka’’nti ṭhapesuṃ. Tiṃsa sikkhāpadāni ‘‘nissaggiyāni pācittiyānī’’ti ṭhapesuṃ. Chasaṭṭhisatasikkhāpadāni ‘‘pācittiyānī’’ti ṭhapesuṃ. Aṭṭha sikkhāpadāni ‘‘pāṭidesanīyānī’’ti ṭhapesuṃ. Pañcasattati sikkhāpadāni ‘‘sekhiyānī’’ti ṭhapesuṃ. Satta dhamme ‘‘adhikaraṇasamathā’’ti ṭhapesuṃ. Evaṃ tīṇi sikkhāpadasatāni cattāri ca sikkhāpadāni ‘‘bhikkhunīvibhaṅgo’’ti kittetvā – ‘‘ayaṃ ubhato vibhaṅgo nāma catusaṭṭhibhāṇavāro’’ti ṭhapesuṃ. Ubhatovibhaṅgāvasānepi vuttanayeneva mahāpathavikampo ahosi.

    зд̇знзвубааязна асийд̇ибхаан̣аваарабаримаан̣ам̣ канд̇хагам̣, бан̃жавийсад̇ибхаан̣аваарабаримаан̣ам̣ баривааран̃жа сан̇г̇ахам̣ ааробзд̇ваа ‘‘ид̣̇ам̣ винаяабидагам̣ наамаа’’д̇и табзсум̣ . винаяабидагаавасаанзби вуд̇д̇анаязнзва махаабат̇авигамбо ахоси. д̇ам̣ ааяасманд̇ам̣ убаалим̣ бадижчаабзсум̣ – ‘‘аавусо, имам̣ д̇уяхам̣ ниссид̇агз ваажзхий’’д̇и. винаяабидагасан̇г̇ахаавасаанз убаалид̇т̇зро д̣̇анд̇акажид̇ам̣ б̣ийж̇аним̣ нигкибид̇ваа д̇хаммаасанаа орохид̇ваа т̇зрз бхигкуу ванд̣̇ид̇ваа ад̇д̇ано бад̇д̇аасанз нисийд̣̇и.

    Etenevupāyena asītibhāṇavāraparimāṇaṃ khandhakaṃ, pañcavīsatibhāṇavāraparimāṇaṃ parivārañca saṅgahaṃ āropetvā ‘‘idaṃ vinayapiṭakaṃ nāmā’’ti ṭhapesuṃ . Vinayapiṭakāvasānepi vuttanayeneva mahāpathavikampo ahosi. Taṃ āyasmantaṃ upāliṃ paṭicchāpesuṃ – ‘‘āvuso, imaṃ tuyhaṃ nissitake vācehī’’ti. Vinayapiṭakasaṅgahāvasāne upālitthero dantakhacitaṃ bījaniṃ nikkhipitvā dhammāsanā orohitvā there bhikkhū vanditvā attano pattāsane nisīdi.

    винаяам̣ сан̇г̇ааяид̇ваа д̇хаммам̣ сан̇г̇ааяид̇угаамо ааяасмаа махаагассабо бхигкуу бужчи – ‘‘д̇хаммам̣ сан̇г̇ааяанд̇з хи гам̣ буг̇г̇алам̣ д̇хурам̣ гад̇ваа д̇хаммо сан̇г̇ааяид̇аб̣б̣о’’д̇и? бхигкуу – ‘‘аананд̣̇ад̇т̇зрам̣ д̇хурам̣ гад̇ваа’’д̇и аахам̣су.

    Vinayaṃ saṅgāyitvā dhammaṃ saṅgāyitukāmo āyasmā mahākassapo bhikkhū pucchi – ‘‘dhammaṃ saṅgāyante hi kaṃ puggalaṃ dhuraṃ katvā dhammo saṅgāyitabbo’’ti? Bhikkhū – ‘‘ānandattheraṃ dhuraṃ katvā’’ti āhaṃsu.

    ат̇а ко ааяасмаа махаагассабо сан̇гхам̣ н̃аабзси –

    Atha kho āyasmā mahākassapo saṅghaṃ ñāpesi –

    ‘‘сун̣аад̇у мз, аавусо, сан̇гхо, яад̣̇и сан̇гхасса бад̇д̇агаллам̣,

    ‘‘Suṇātu me, āvuso, saṅgho, yadi saṅghassa pattakallaṃ,

    ахам̣ аананд̣̇ам̣ д̇хаммам̣ бужчзяяа’’нд̇и;

    Ahaṃ ānandaṃ dhammaṃ puccheyya’’nti;

    ат̇а ко ааяасмаа аананд̣̇о сан̇гхам̣ н̃аабзси –

    Atha kho āyasmā ānando saṅghaṃ ñāpesi –

    ‘‘сун̣аад̇у мз, бханд̇з, сан̇гхо, яад̣̇и сан̇гхасса бад̇д̇агаллам̣,

    ‘‘Suṇātu me, bhante, saṅgho, yadi saṅghassa pattakallaṃ,

    ахам̣ ааяасмад̇аа махаагассабзна д̇хаммам̣ будто виссаж̇ж̇зяяа’’нд̇и;

    Ahaṃ āyasmatā mahākassapena dhammaṃ puṭṭho vissajjeyya’’nti;

    ат̇а ко ааяасмаа аананд̣̇о удтааяаасанаа згам̣сам̣ жийварам̣ гад̇ваа т̇зрз бхигкуу ванд̣̇ид̇ваа д̇хаммаасанз нисийд̣̇и д̣̇анд̇акажид̇ам̣ б̣ийж̇аним̣ г̇ахзд̇ваа. ат̇а ко ааяасмаа махаагассабо бхигкуу бужчи – ‘‘гад̇арам̣, аавусо, бидагам̣ батамам̣ сан̇г̇ааяаамаа’’д̇и? ‘‘суд̇д̇анд̇абидагам̣, бханд̇з’’д̇и. ‘‘суд̇д̇анд̇абидагз жад̇ассо сан̇г̇ийд̇ияо, д̇аасу батамам̣ гад̇арам̣ сан̇г̇ийд̇и’’нд̇и? ‘‘д̣̇ийгхасан̇г̇ийд̇им̣, бханд̇з’’д̇и. ‘‘д̣̇ийгхасан̇г̇ийд̇ияам̣ жад̇уд̇им̣са суд̇д̇аани, д̇аяо ваг̇г̇аа, д̇зсу батамам̣ гад̇арам̣ ваг̇г̇а’’нд̇и? ‘‘сийлагканд̇хаваг̇г̇ам̣, бханд̇з’’д̇и. ‘‘сийлагканд̇хаваг̇г̇з д̇зраса суд̇д̇анд̇аа, д̇зсу батамам̣ гад̇арам̣ суд̇д̇а’’нд̇и? ‘‘б̣рахмаж̇ааласуд̇д̇ам̣ наама бханд̇з, д̇ивид̇хасийлаалан̇гад̇ам̣, наанаавид̇хамижчааж̇ийвагуха лабанаад̣̇ивид̣̇д̇хам̣санам̣, д̣̇ваасадтид̣̇идтиж̇аалавинивзтанам̣, д̣̇асасахассилогад̇хаад̇угамбанам̣, д̇ам̣ батамам̣ сан̇г̇ааяаамаа’’д̇и.

    Atha kho āyasmā ānando uṭṭhāyāsanā ekaṃsaṃ cīvaraṃ katvā there bhikkhū vanditvā dhammāsane nisīdi dantakhacitaṃ bījaniṃ gahetvā. Atha kho āyasmā mahākassapo bhikkhū pucchi – ‘‘kataraṃ, āvuso, piṭakaṃ paṭhamaṃ saṅgāyāmā’’ti? ‘‘Suttantapiṭakaṃ, bhante’’ti. ‘‘Suttantapiṭake catasso saṅgītiyo, tāsu paṭhamaṃ kataraṃ saṅgīti’’nti? ‘‘Dīghasaṅgītiṃ, bhante’’ti. ‘‘Dīghasaṅgītiyaṃ catutiṃsa suttāni, tayo vaggā, tesu paṭhamaṃ kataraṃ vagga’’nti? ‘‘Sīlakkhandhavaggaṃ, bhante’’ti. ‘‘Sīlakkhandhavagge terasa suttantā, tesu paṭhamaṃ kataraṃ sutta’’nti? ‘‘Brahmajālasuttaṃ nāma bhante, tividhasīlālaṅkataṃ, nānāvidhamicchājīvakuha lapanādividdhaṃsanaṃ, dvāsaṭṭhidiṭṭhijālaviniveṭhanaṃ, dasasahassilokadhātukampanaṃ, taṃ paṭhamaṃ saṅgāyāmā’’ti.

    ат̇а ко ааяасмаа махаагассабо ааяасманд̇ам̣ аананд̣̇ам̣ зд̇ад̣̇авожа, ‘‘б̣рахмаж̇аалам̣, аавусо аананд̣̇а, гад̇т̇а бхаасид̇а’’нд̇и? ‘‘анд̇араа жа, бханд̇з, рааж̇аг̇ахам̣ анд̇араа жа наал̣анд̣̇ам̣ рааж̇ааг̇аарагз амб̣аладтигааяа’’нд̇и. ‘‘гам̣ аараб̣бхаа’’д̇и ? ‘‘суббияан̃жа бариб̣б̣ааж̇агам̣, б̣рахмад̣̇ад̇д̇ан̃жа маан̣ава’’нд̇и. ‘‘гисмим̣ вад̇т̇усми’’нд̇и? ‘‘ван̣н̣ааван̣н̣з’’д̇и. ат̇а ко ааяасмаа махаагассабо ааяасманд̇ам̣ аананд̣̇ам̣ б̣рахмаж̇ааласса нид̣̇аанамби бужчи, буг̇г̇аламби бужчи, вад̇т̇умби бужчи (жуул̣ава. 440). ааяасмаа аананд̣̇о виссаж̇ж̇зси. виссаж̇ж̇анаавасаанз бан̃жа араханд̇асад̇аани г̇ан̣асаж̇жхааяамагам̣су. вуд̇д̇анаязнзва жа бат̇авигамбо ахоси.

    Atha kho āyasmā mahākassapo āyasmantaṃ ānandaṃ etadavoca, ‘‘brahmajālaṃ, āvuso ānanda, kattha bhāsita’’nti? ‘‘Antarā ca, bhante, rājagahaṃ antarā ca nāḷandaṃ rājāgārake ambalaṭṭhikāya’’nti. ‘‘Kaṃ ārabbhā’’ti ? ‘‘Suppiyañca paribbājakaṃ, brahmadattañca māṇava’’nti. ‘‘Kismiṃ vatthusmi’’nti? ‘‘Vaṇṇāvaṇṇe’’ti. Atha kho āyasmā mahākassapo āyasmantaṃ ānandaṃ brahmajālassa nidānampi pucchi, puggalampi pucchi, vatthumpi pucchi (cūḷava. 440). Āyasmā ānando vissajjesi. Vissajjanāvasāne pañca arahantasatāni gaṇasajjhāyamakaṃsu. Vuttanayeneva ca pathavikampo ahosi.

    звам̣ б̣рахмаж̇аалам̣ сан̇г̇ааяид̇ваа д̇ад̇о барам̣ ‘‘сааман̃н̃апалам̣, банаавусо аананд̣̇а, гад̇т̇а бхаасид̇а’’нд̇иаад̣̇инаа наязна бужчаависсаж̇ж̇анаануггамзна сад̣̇д̇хим̣ б̣рахмаж̇аалзна саб̣б̣зби д̇зраса суд̇д̇анд̇з сан̇г̇ааяид̇ваа – ‘‘аяам̣ сийлагканд̇хаваг̇г̇о наамаа’’д̇и гид̇д̇зд̇ваа табзсум̣.

    Evaṃ brahmajālaṃ saṅgāyitvā tato paraṃ ‘‘sāmaññaphalaṃ, panāvuso ānanda, kattha bhāsita’’ntiādinā nayena pucchāvissajjanānukkamena saddhiṃ brahmajālena sabbepi terasa suttante saṅgāyitvā – ‘‘ayaṃ sīlakkhandhavaggo nāmā’’ti kittetvā ṭhapesuṃ.

    д̇ад̣̇ананд̇арам̣ махааваг̇г̇ам̣, д̇ад̣̇ананд̇арам̣ баат̇игаваг̇г̇анд̇и, звам̣ д̇иваг̇г̇асан̇г̇ахам̣ жад̇уд̇им̣сасуд̇д̇абадиман̣д̣ид̇ам̣ жад̇усадтибхаан̣аваарабаримаан̣ам̣ д̇анд̇им̣ сан̇г̇ааяид̇ваа ‘‘аяам̣ д̣̇ийгханигааяо наамаа’’д̇и вад̇ваа ааяасманд̇ам̣ аананд̣̇ам̣ бадижчаабзсум̣ – ‘‘аавусо, имам̣ д̇уяхам̣ ниссид̇агз ваажзхий’’д̇и.

    Tadanantaraṃ mahāvaggaṃ, tadanantaraṃ pāthikavagganti, evaṃ tivaggasaṅgahaṃ catutiṃsasuttapaṭimaṇḍitaṃ catusaṭṭhibhāṇavāraparimāṇaṃ tantiṃ saṅgāyitvā ‘‘ayaṃ dīghanikāyo nāmā’’ti vatvā āyasmantaṃ ānandaṃ paṭicchāpesuṃ – ‘‘āvuso, imaṃ tuyhaṃ nissitake vācehī’’ti.

    д̇ад̇о ананд̇арам̣ асийд̇ибхаан̣аваарабаримаан̣ам̣ маж̇жхиманигааяам̣ сан̇г̇ааяид̇ваа д̇хаммасзнаабад̇исаарибуд̇д̇ад̇т̇зрасса ниссид̇агз бадижчаабзсум̣ – ‘‘имам̣ д̇умхз барихарат̇аа’’д̇и.

    Tato anantaraṃ asītibhāṇavāraparimāṇaṃ majjhimanikāyaṃ saṅgāyitvā dhammasenāpatisāriputtattherassa nissitake paṭicchāpesuṃ – ‘‘imaṃ tumhe pariharathā’’ti.

    д̇ад̇о ананд̇арам̣ сад̇абхаан̣аваарабаримаан̣ам̣ сам̣яуд̇д̇анигааяам̣ сан̇г̇ааяид̇ваа махаагассабад̇т̇зрам̣ бадижчаабзсум̣ – ‘‘бханд̇з, имам̣ д̇умхаагам̣ ниссид̇агз ваажзт̇аа’’д̇и.

    Tato anantaraṃ satabhāṇavāraparimāṇaṃ saṃyuttanikāyaṃ saṅgāyitvā mahākassapattheraṃ paṭicchāpesuṃ – ‘‘bhante, imaṃ tumhākaṃ nissitake vācethā’’ti.

    д̇ад̇о ананд̇арам̣ вийсад̇ибхаан̣аваарасад̇абаримаан̣ам̣ ан̇г̇уд̇д̇аранигааяам̣ сан̇г̇ааяид̇ваа ануруд̣̇д̇хад̇т̇зрам̣ бадижчаабзсум̣ – ‘‘имам̣ д̇умхаагам̣ ниссид̇агз ваажзт̇аа’’д̇и.

    Tato anantaraṃ vīsatibhāṇavārasataparimāṇaṃ aṅguttaranikāyaṃ saṅgāyitvā anuruddhattheraṃ paṭicchāpesuṃ – ‘‘imaṃ tumhākaṃ nissitake vācethā’’ti.

    д̇ад̇о ананд̇арам̣ д̇хаммасан̇г̇ахавибхан̇г̇ад̇хаад̇угат̇аабуг̇г̇алабан̃н̃ад̇д̇игат̇аавад̇т̇уяамагабадтаанам̣ абхид̇хаммод̇и вужжад̇и. звам̣ сам̣ван̣н̣ид̇ам̣ сукуман̃аан̣аг̇ожарам̣ д̇анд̇им̣ сан̇г̇ааяид̇ваа – ‘‘ид̣̇ам̣ абхид̇хаммабидагам̣ наамаа’’д̇и вад̇ваа бан̃жа араханд̇асад̇аани саж̇жхааяамагам̣су. вуд̇д̇анаязнзва бат̇авигамбо ахосийд̇и.

    Tato anantaraṃ dhammasaṅgahavibhaṅgadhātukathāpuggalapaññattikathāvatthuyamakapaṭṭhānaṃ abhidhammoti vuccati. Evaṃ saṃvaṇṇitaṃ sukhumañāṇagocaraṃ tantiṃ saṅgāyitvā – ‘‘idaṃ abhidhammapiṭakaṃ nāmā’’ti vatvā pañca arahantasatāni sajjhāyamakaṃsu. Vuttanayeneva pathavikampo ahosīti.

    д̇ад̇о барам̣ ж̇аад̇агам̣, нид̣̇д̣̇зсо, бадисамбхид̣̇аамаг̇г̇о, абад̣̇аанам̣, суд̇д̇анибаад̇о, куд̣̇д̣̇агабаато, д̇хаммабад̣̇ам̣, уд̣̇аанам̣, ид̇ивуд̇д̇агам̣, вимаанавад̇т̇у, бзд̇авад̇т̇у, т̇зраг̇аат̇аа , т̇зрийг̇аат̇аад̇и имам̣ д̇анд̇им̣ сан̇г̇ааяид̇ваа ‘‘куд̣̇д̣̇агаг̇ант̇о наамааяа’’нд̇и жа вад̇ваа ‘‘абхид̇хаммабидагасмим̣язва сан̇г̇ахам̣ ааробаяим̣суу’’д̇и д̣̇ийгхабхаан̣агаа вад̣̇анд̇и. маж̇жхимабхаан̣агаа бана ‘‘жарияаабидагаб̣уд̣̇д̇хавам̣сзхи сад̣̇д̇хим̣ саб̣б̣амбзд̇ам̣ куд̣̇д̣̇агаг̇ант̇ам̣ наама суд̇д̇анд̇абидагз барияаабанна’’нд̇и вад̣̇анд̇и.

    Tato paraṃ jātakaṃ, niddeso, paṭisambhidāmaggo, apadānaṃ, suttanipāto, khuddakapāṭho, dhammapadaṃ, udānaṃ, itivuttakaṃ, vimānavatthu, petavatthu, theragāthā , therīgāthāti imaṃ tantiṃ saṅgāyitvā ‘‘khuddakagantho nāmāya’’nti ca vatvā ‘‘abhidhammapiṭakasmiṃyeva saṅgahaṃ āropayiṃsū’’ti dīghabhāṇakā vadanti. Majjhimabhāṇakā pana ‘‘cariyāpiṭakabuddhavaṃsehi saddhiṃ sabbampetaṃ khuddakaganthaṃ nāma suttantapiṭake pariyāpanna’’nti vadanti.

    звамзд̇ам̣ саб̣б̣амби б̣уд̣̇д̇хаважанам̣ расавасзна згавид̇хам̣, д̇хаммавинаяавасзна д̣̇увид̇хам̣, батамамаж̇жхимабажчимавасзна д̇ивид̇хам̣. д̇ат̇аа бидагавасзна. нигааяавасзна бан̃жавид̇хам̣, ан̇г̇авасзна нававид̇хам̣, д̇хаммагканд̇хавасзна жад̇ураасийд̇исахассавид̇ханд̇и взд̣̇ид̇аб̣б̣ам̣.

    Evametaṃ sabbampi buddhavacanaṃ rasavasena ekavidhaṃ, dhammavinayavasena duvidhaṃ, paṭhamamajjhimapacchimavasena tividhaṃ. Tathā piṭakavasena. Nikāyavasena pañcavidhaṃ, aṅgavasena navavidhaṃ, dhammakkhandhavasena caturāsītisahassavidhanti veditabbaṃ.

    гат̇ам̣ расавасзна згавид̇хам̣? яан̃хи бхаг̇авад̇аа ануд̇д̇арам̣ саммаасамб̣од̇хим̣ абхисамб̣уж̇жхид̇ваа яаава анубаад̣̇исзсааяа ниб̣б̣аанад̇хаад̇уяаа бариниб̣б̣ааяад̇и, зд̇т̇анд̇арз бан̃жажад̇д̇аалийсавассаани д̣̇звамануссанааг̇аяагкаад̣̇аяо анусаасанд̇зна ваа бажжавзгканд̇зна ваа вуд̇д̇ам̣, саб̣б̣ам̣ д̇ам̣ згарасам̣ вимуд̇д̇ирасамзва ход̇и. звам̣ расавасзна згавид̇хам̣.

    Kathaṃ rasavasena ekavidhaṃ? Yañhi bhagavatā anuttaraṃ sammāsambodhiṃ abhisambujjhitvā yāva anupādisesāya nibbānadhātuyā parinibbāyati, etthantare pañcacattālīsavassāni devamanussanāgayakkhādayo anusāsantena vā paccavekkhantena vā vuttaṃ, sabbaṃ taṃ ekarasaṃ vimuttirasameva hoti. Evaṃ rasavasena ekavidhaṃ.

    гат̇ам̣ д̇хаммавинаяавасзна д̣̇увид̇хам̣? саб̣б̣амзва жзд̇ам̣ д̇хаммо жзва винаяо жаад̇и сан̇кяам̣ г̇ажчад̇и. д̇ад̇т̇а винаяабидагам̣ винаяо, авасзсам̣ б̣уд̣̇д̇хаважанам̣ д̇хаммо. д̇знзвааха ‘‘яаннууна маяам̣ д̇хамман̃жа винаяан̃жа сан̇г̇ааязяяаамаа’’д̇и (жуул̣ава. 437). ‘‘ахам̣ убаалим̣ винаяам̣ бужчзяяам̣, аананд̣̇ам̣ д̇хаммам̣ бужчзяяа’’нд̇и жа. звам̣ д̇хаммавинаяавасзна д̣̇увид̇хам̣.

    Kathaṃ dhammavinayavasena duvidhaṃ? Sabbameva cetaṃ dhammo ceva vinayo cāti saṅkhyaṃ gacchati. Tattha vinayapiṭakaṃ vinayo, avasesaṃ buddhavacanaṃ dhammo. Tenevāha ‘‘yannūna mayaṃ dhammañca vinayañca saṅgāyeyyāmā’’ti (cūḷava. 437). ‘‘Ahaṃ upāliṃ vinayaṃ puccheyyaṃ, ānandaṃ dhammaṃ puccheyya’’nti ca. Evaṃ dhammavinayavasena duvidhaṃ.

    гат̇ам̣ батамамаж̇жхимабажчимавасзна д̇ивид̇хам̣? саб̣б̣амзва хид̣̇ам̣ батамаб̣уд̣̇д̇хаважанам̣, маж̇жхимаб̣уд̣̇д̇хаважанам̣, бажчимаб̣уд̣̇д̇хаважананд̇и д̇иббабхзд̣̇ам̣ ход̇и. д̇ад̇т̇а –

    Kathaṃ paṭhamamajjhimapacchimavasena tividhaṃ? Sabbameva hidaṃ paṭhamabuddhavacanaṃ, majjhimabuddhavacanaṃ, pacchimabuddhavacananti tippabhedaṃ hoti. Tattha –

    ‘‘анзгаж̇аад̇исам̣саарам̣, санд̇хаависсам̣ аниб̣б̣исам̣;

    ‘‘Anekajātisaṃsāraṃ, sandhāvissaṃ anibbisaṃ;

    г̇ахагаарам̣ г̇авзсанд̇о, д̣̇угкаа ж̇аад̇и бунаббунам̣.

    Gahakāraṃ gavesanto, dukkhā jāti punappunaṃ.

    г̇ахагаарага д̣̇идтоси, буна г̇зхам̣ на гаахаси;

    Gahakāraka diṭṭhosi, puna gehaṃ na kāhasi;

    саб̣б̣аа д̇з паасугаа бхаг̇г̇аа, г̇ахагуудам̣ висан̇кад̇ам̣;

    Sabbā te phāsukā bhaggā, gahakūṭaṃ visaṅkhataṃ;

    висан̇каараг̇ад̇ам̣ жид̇д̇ам̣, д̇ан̣хаанам̣ каяамаж̇жхаг̇аа’’д̇и. (д̇ха. ба. 153-54);

    Visaṅkhāragataṃ cittaṃ, taṇhānaṃ khayamajjhagā’’ti. (dha. pa. 153-54);

    ид̣̇ам̣ батамаб̣уд̣̇д̇хаважанам̣. гзжи ‘‘яад̣̇аа хавз баад̇убхаванд̇и д̇хаммаа’’д̇и (махаава. 1) канд̇хагз уд̣̇аанаг̇аат̇ам̣ вад̣̇анд̇и. зсаа бана баадибад̣̇ад̣̇ивасз саб̣б̣ан̃н̃убхааваббад̇д̇асса соманассамаяан̃аан̣зна бажжаяаагаарам̣ бажжавзгканд̇асса уббаннаа уд̣̇аанаг̇аат̇аад̇и взд̣̇ид̇аб̣б̣аа.

    Idaṃ paṭhamabuddhavacanaṃ. Keci ‘‘yadā have pātubhavanti dhammā’’ti (mahāva. 1) khandhake udānagāthaṃ vadanti. Esā pana pāṭipadadivase sabbaññubhāvappattassa somanassamayañāṇena paccayākāraṃ paccavekkhantassa uppannā udānagāthāti veditabbā.

    яам̣ бана бариниб̣б̣аанагаалз абхааси – ‘‘ханд̣̇а д̣̇аани, бхигкавз, ааманд̇аяаами во, ваяад̇хаммаа сан̇каараа, аббамаад̣̇зна самбаад̣̇зт̇аа’’д̇и (д̣̇ий. ни. 2.218) ид̣̇ам̣ бажчимаб̣уд̣̇д̇хаважанам̣. убхиннаманд̇арз яам̣ вуд̇д̇ам̣, зд̇ам̣ маж̇жхимаб̣уд̣̇д̇хаважанам̣ наама. звам̣ батамамаж̇жхимабажчимаб̣уд̣̇д̇хаважанавасзна д̇ивид̇хам̣.

    Yaṃ pana parinibbānakāle abhāsi – ‘‘handa dāni, bhikkhave, āmantayāmi vo, vayadhammā saṅkhārā, appamādena sampādethā’’ti (dī. ni. 2.218) idaṃ pacchimabuddhavacanaṃ. Ubhinnamantare yaṃ vuttaṃ, etaṃ majjhimabuddhavacanaṃ nāma. Evaṃ paṭhamamajjhimapacchimabuddhavacanavasena tividhaṃ.

    гат̇ам̣ бидагавасзна д̇ивид̇хам̣? саб̣б̣амби жзд̇ам̣ винаяабидагам̣ суд̇д̇анд̇абидагам̣ абхид̇хаммабидаганд̇и д̇иббабхзд̣̇амзва ход̇и. д̇ад̇т̇а батамасан̇г̇ийд̇ияам̣ сан̇г̇ийд̇ан̃жа асан̇г̇ийд̇ан̃жа саб̣б̣амби самод̇хаанзд̇ваа убхаяаани баад̇имогкаани, д̣̇вз вибхан̇г̇аа, д̣̇ваавийсад̇и канд̇хагаа, сол̣асабариваараад̇и – ид̣̇ам̣ винаяабидагам̣ наама. б̣рахмаж̇аалаад̣̇ижад̇уд̇д̇им̣сасуд̇д̇асан̇г̇ахо д̣̇ийгханигааяо, муулабарияааяасуд̇д̇аад̣̇ид̣̇ияад̣дхасад̇ад̣̇взсуд̇д̇асан̇г̇ахо маж̇жхиманигааяо, огхад̇аран̣асуд̇д̇аад̣̇исад̇д̇асуд̇д̇асахассасад̇д̇асад̇ад̣̇ваасадтисуд̇д̇асан̇г̇ахо сам̣яуд̇д̇анигааяо, жид̇д̇абарияаад̣̇аанасуд̇д̇аад̣̇инавасуд̇д̇асахассабан̃жасад̇асад̇д̇абан̃н̃аасасуд̇д̇асан̇г̇ахо ан̇г̇уд̇д̇аранигааяо, куд̣̇д̣̇агабаата-д̇хаммабад̣̇а-уд̣̇аана-ид̇ивуд̇д̇ага-суд̇д̇анибаад̇а-вимаанавад̇т̇у-бзд̇авад̇т̇у-т̇зраг̇аат̇аа-т̇зрийг̇аат̇аа-ж̇аад̇ага-нид̣̇д̣̇зса-бадисамбхид̣̇аамаг̇г̇а-абад̣̇аана-б̣уд̣̇д̇хавам̣са-жарияаабидагавасзна баннарасаббабхзд̣̇о куд̣̇д̣̇аганигааяод̇и ид̣̇ам̣ суд̇д̇анд̇абидагам̣ наама. д̇хаммасан̇г̇ахо, вибхан̇г̇о, д̇хаад̇угат̇аа, буг̇г̇алабан̃н̃ад̇д̇и, гат̇аавад̇т̇у, яамагам̣, бадтаананд̇и – ид̣̇ам̣ абхид̇хаммабидагам̣ наама. д̇ад̇т̇а –

    Kathaṃ piṭakavasena tividhaṃ? Sabbampi cetaṃ vinayapiṭakaṃ suttantapiṭakaṃ abhidhammapiṭakanti tippabhedameva hoti. Tattha paṭhamasaṅgītiyaṃ saṅgītañca asaṅgītañca sabbampi samodhānetvā ubhayāni pātimokkhāni, dve vibhaṅgā, dvāvīsati khandhakā, soḷasaparivārāti – idaṃ vinayapiṭakaṃ nāma. Brahmajālādicatuttiṃsasuttasaṅgaho dīghanikāyo, mūlapariyāyasuttādidiyaḍḍhasatadvesuttasaṅgaho majjhimanikāyo, oghataraṇasuttādisattasuttasahassasattasatadvāsaṭṭhisuttasaṅgaho saṃyuttanikāyo, cittapariyādānasuttādinavasuttasahassapañcasatasattapaññāsasuttasaṅgaho aṅguttaranikāyo, khuddakapāṭha-dhammapada-udāna-itivuttaka-suttanipāta-vimānavatthu-petavatthu-theragāthā-therīgāthā-jātaka-niddesa-paṭisambhidāmagga-apadāna-buddhavaṃsa-cariyāpiṭakavasena pannarasappabhedo khuddakanikāyoti idaṃ suttantapiṭakaṃ nāma. Dhammasaṅgaho, vibhaṅgo, dhātukathā, puggalapaññatti, kathāvatthu, yamakaṃ, paṭṭhānanti – idaṃ abhidhammapiṭakaṃ nāma. Tattha –

    ‘‘вивид̇хависзсанаяад̇д̇аа, винаяанад̇о жзва гааяаваажаанам̣;

    ‘‘Vividhavisesanayattā, vinayanato ceva kāyavācānaṃ;

    винаяад̇т̇авид̣̇уухи аяам̣, винаяо винаяод̇и агкаад̇о’’.

    Vinayatthavidūhi ayaṃ, vinayo vinayoti akkhāto’’.

    вивид̇хаа хи зд̇т̇а бан̃жавид̇хабаад̇имогкуд̣̇д̣̇зсабаарааж̇игаад̣̇и сад̇д̇а аабад̇д̇игканд̇хамаад̇игаа вибхан̇г̇аад̣̇иббабхзд̣̇аа наяаа. висзсабхууд̇аа жа д̣̇ал̣хийгаммасит̇илагаран̣аббаяож̇анаа анубан̃н̃ад̇д̇инаяаа. гааяигаваажасигааж̇жхаажааранисзд̇ханад̇о жзса гааяам̣ ваажан̃жа винзд̇и, д̇асмаа вивид̇ханаяад̇д̇аа висзсанаяад̇д̇аа гааяаваажаанам̣ винаяанад̇о жзва винаяод̇и агкаад̇о. д̇знзд̇амзд̇асса важанад̇т̇агосаллад̇т̇ам̣ вуд̇д̇ам̣ –

    Vividhā hi ettha pañcavidhapātimokkhuddesapārājikādi satta āpattikkhandhamātikā vibhaṅgādippabhedā nayā. Visesabhūtā ca daḷhīkammasithilakaraṇappayojanā anupaññattinayā. Kāyikavācasikaajjhācāranisedhanato cesa kāyaṃ vācañca vineti, tasmā vividhanayattā visesanayattā kāyavācānaṃ vinayanato ceva vinayoti akkhāto. Tenetametassa vacanatthakosallatthaṃ vuttaṃ –

    ‘‘вивид̇хависзсанаяад̇д̇аа, винаяанад̇о жзва гааяаваажаанам̣;

    ‘‘Vividhavisesanayattā, vinayanato ceva kāyavācānaṃ;

    винаяад̇т̇авид̣̇уухи аяам̣, винаяо винаяод̇и агкаад̇о’’д̇и.

    Vinayatthavidūhi ayaṃ, vinayo vinayoti akkhāto’’ti.

    ид̇арам̣ бана –

    Itaraṃ pana –

    ‘‘ад̇т̇аанам̣ суужанад̇о сувуд̇д̇ад̇о, саванад̇от̇а сууд̣̇анад̇о;

    ‘‘Atthānaṃ sūcanato suvuttato, savanatotha sūdanato;

    суд̇д̇аан̣аа суд̇д̇асабхааг̇ад̇о жа, суд̇д̇анд̇и агкаад̇ам̣.

    Suttāṇā suttasabhāgato ca, suttanti akkhātaṃ.

    д̇ан̃хи ад̇д̇ад̇т̇абарад̇т̇аад̣̇ибхзд̣̇з ад̇т̇з суужзд̇и. сувуд̇д̇аа жзд̇т̇а ад̇т̇аа, взнзяяаж̇жхаасаяаануломзна вуд̇д̇ад̇д̇аа. савад̇и жзд̇ам̣ ад̇т̇з сассамива палам̣, басавад̇ийд̇и вуд̇д̇ам̣ ход̇и. сууд̣̇ад̇и жзд̇ам̣ д̇хзну вияа кийрам̣, баг̇гхараабзд̇ийд̇и вуд̇д̇ам̣ ход̇и. судту жа нз д̇ааяад̇и, рагкад̇ийд̇и вуд̇д̇ам̣ ход̇и. суд̇д̇асабхааг̇ан̃жзд̇ам̣, яат̇аа хи д̇ажчагаанам̣ суд̇д̇ам̣ бамаан̣ам̣ ход̇и, звамзд̇амби вин̃н̃уунам̣. яат̇аа жа суд̇д̇зна сан̇г̇ахид̇аани бубпаани на вигирийяанд̇и, на вид̣̇д̇хам̣сийяанд̇и, звамзва д̇зна сан̇г̇ахид̇аа ад̇т̇аа. д̇знзд̇амзд̇асса важанад̇т̇агосаллад̇т̇ам̣ вуд̇д̇ам̣ –

    Tañhi attatthaparatthādibhede atthe sūceti. Suvuttā cettha atthā, veneyyajjhāsayānulomena vuttattā. Savati cetaṃ atthe sassamiva phalaṃ, pasavatīti vuttaṃ hoti. Sūdati cetaṃ dhenu viya khīraṃ, paggharāpetīti vuttaṃ hoti. Suṭṭhu ca ne tāyati, rakkhatīti vuttaṃ hoti. Suttasabhāgañcetaṃ, yathā hi tacchakānaṃ suttaṃ pamāṇaṃ hoti, evametampi viññūnaṃ. Yathā ca suttena saṅgahitāni pupphāni na vikirīyanti, na viddhaṃsīyanti, evameva tena saṅgahitā atthā. Tenetametassa vacanatthakosallatthaṃ vuttaṃ –

    ‘‘ад̇т̇аанам̣ суужанад̇о, сувуд̇д̇ад̇о саванад̇от̇а сууд̣̇анад̇о;

    ‘‘Atthānaṃ sūcanato, suvuttato savanatotha sūdanato;

    суд̇д̇аан̣аа суд̇д̇асабхааг̇ад̇о жа, суд̇д̇анд̇и агкаад̇а’’нд̇и.

    Suttāṇā suttasabhāgato ca, suttanti akkhāta’’nti.

    ид̇аро бана –

    Itaro pana –

    ‘‘яам̣ зд̇т̇а вуд̣дхиманд̇о, салагкан̣аа бууж̇ид̇аа барижчиннаа;

    ‘‘Yaṃ ettha vuḍḍhimanto, salakkhaṇā pūjitā paricchinnā;

    вуд̇д̇аад̇хигаа жа д̇хаммаа, абхид̇хаммо д̇зна агкаад̇о’’.

    Vuttādhikā ca dhammā, abhidhammo tena akkhāto’’.

    аяан̃хи абхисад̣̇д̣̇о вуд̣дхилагкан̣абууж̇ид̇абарижчиннаад̇хигзсу д̣̇иссад̇и. д̇ат̇аа хзса ‘‘б̣аал̣хаа мз д̣̇угкаа взд̣̇анаа абхиггаманд̇и, но бадиггаманд̇ий’’д̇иаад̣̇ийсу (ма. ни. 3.389) вуд̣дхияам̣ ааг̇ад̇о. ‘‘яаа д̇аа рад̇д̇ияо абхин̃н̃аад̇аа абхилагкид̇аа’’д̇иаад̣̇ийсу (ма. ни. 1.49) салагкан̣з. ‘‘рааж̇аабхирааж̇аа мануж̇инд̣̇о’’д̇иаад̣̇ийсу (ма. ни. 2.399) бууж̇ид̇з. ‘‘бадиб̣ало винзд̇ум̣ абхид̇хаммз абхивинаяз’’д̇иаад̣̇ийсу (махаава. 85) барижчиннз. ан̃н̃аман̃н̃асан̇гаравирахид̇з д̇хаммз жа винаяз жаад̇и вуд̇д̇ам̣ ход̇и. ‘‘абхигганд̇зна ван̣н̣знаа’’д̇иаад̣̇ийсу (ви. ва. 819) ад̇хигз.

    Ayañhi abhisaddo vuḍḍhilakkhaṇapūjitaparicchinnādhikesu dissati. Tathā hesa ‘‘bāḷhā me dukkhā vedanā abhikkamanti, no paṭikkamantī’’tiādīsu (ma. ni. 3.389) vuḍḍhiyaṃ āgato. ‘‘Yā tā rattiyo abhiññātā abhilakkhitā’’tiādīsu (ma. ni. 1.49) salakkhaṇe. ‘‘Rājābhirājā manujindo’’tiādīsu (ma. ni. 2.399) pūjite. ‘‘Paṭibalo vinetuṃ abhidhamme abhivinaye’’tiādīsu (mahāva. 85) paricchinne. Aññamaññasaṅkaravirahite dhamme ca vinaye cāti vuttaṃ hoti. ‘‘Abhikkantena vaṇṇenā’’tiādīsu (vi. va. 819) adhike.

    зд̇т̇а жа ‘‘руубуубабад̇д̇ияаа маг̇г̇ам̣ бхаавзд̇и’’ (д̇ха. са. 251), ‘‘мзд̇д̇аасахаг̇ад̇зна жзд̇асаа згам̣ д̣̇исам̣ парид̇ваа вихарад̇ий’’д̇иаад̣̇инаа (вибха. 642) наязна вуд̣дхиманд̇оби д̇хаммаа вуд̇д̇аа. ‘‘руубаарамман̣ам̣ ваа сад̣̇д̣̇аарамман̣ам̣ ваа’’д̇иаад̣̇инаа (д̇ха. са. 1) наязна аарамман̣аад̣̇ийхи лагкан̣ийяад̇д̇аа салагкан̣ааби. ‘‘сзгкаа д̇хаммаа, асзгкаа д̇хаммаа, логуд̇д̇араа д̇хаммаа’’д̇иаад̣̇инаа (д̇ха. са. д̇игамаад̇игаа 11, д̣̇угамаад̇игаа 12) наязна бууж̇ид̇ааби, бууж̇аарахаад̇и ад̇хиббааяо. ‘‘пассо ход̇и, взд̣̇анаа ход̇ий’’д̇иаад̣̇инаа (д̇ха. са. 1) наязна сабхаавабарижчиннад̇д̇аа барижчиннааби. ‘‘махаг̇г̇ад̇аа д̇хаммаа, аббамаан̣аа д̇хаммаа (д̇ха. са. д̇игамаад̇игаа 11), ануд̇д̇араа д̇хаммаа’’д̇иаад̣̇инаа (д̇ха. са. д̣̇угамаад̇игаа 11) наязна ад̇хигааби д̇хаммаа вуд̇д̇аа. д̇знзд̇амзд̇асса важанад̇т̇агосаллад̇т̇ам̣ вуд̇д̇ам̣ –

    Ettha ca ‘‘rūpūpapattiyā maggaṃ bhāveti’’ (dha. sa. 251), ‘‘mettāsahagatena cetasā ekaṃ disaṃ pharitvā viharatī’’tiādinā (vibha. 642) nayena vuḍḍhimantopi dhammā vuttā. ‘‘Rūpārammaṇaṃ vā saddārammaṇaṃ vā’’tiādinā (dha. sa. 1) nayena ārammaṇādīhi lakkhaṇīyattā salakkhaṇāpi. ‘‘Sekkhā dhammā, asekkhā dhammā, lokuttarā dhammā’’tiādinā (dha. sa. tikamātikā 11, dukamātikā 12) nayena pūjitāpi, pūjārahāti adhippāyo. ‘‘Phasso hoti, vedanā hotī’’tiādinā (dha. sa. 1) nayena sabhāvaparicchinnattā paricchinnāpi. ‘‘Mahaggatā dhammā, appamāṇā dhammā (dha. sa. tikamātikā 11), anuttarā dhammā’’tiādinā (dha. sa. dukamātikā 11) nayena adhikāpi dhammā vuttā. Tenetametassa vacanatthakosallatthaṃ vuttaṃ –

    ‘‘яам̣ зд̇т̇а вуд̣дхиманд̇о, салагкан̣аа бууж̇ид̇аа барижчиннаа;

    ‘‘Yaṃ ettha vuḍḍhimanto, salakkhaṇā pūjitā paricchinnā;

    вуд̇д̇аад̇хигаа жа д̇хаммаа, абхид̇хаммо д̇зна агкаад̇о’’д̇и.

    Vuttādhikā ca dhammā, abhidhammo tena akkhāto’’ti.

    яам̣ банзд̇т̇а ависидтам̣, д̇ам̣ –

    Yaṃ panettha avisiṭṭhaṃ, taṃ –

    ‘‘бидагам̣ бидагад̇т̇авид̣̇уу, барияад̇д̇иб̣бхааж̇анад̇т̇ад̇о ааху;

    ‘‘Piṭakaṃ piṭakatthavidū, pariyattibbhājanatthato āhu;

    д̇зна самод̇хаанзд̇ваа, д̇аяоби винаяаад̣̇аяо н̃зяяаа’’.

    Tena samodhānetvā, tayopi vinayādayo ñeyyā’’.

    барияад̇д̇иби хи ‘‘маа бидагасамбад̣̇аанзнаа’’д̇иаад̣̇ийсу (а. ни. 3.66) бидаганд̇и вужжад̇и. ‘‘ат̇а бурисо ааг̇ажчзяяа гуд̣̇аалабидагамаад̣̇ааяаа’’д̇иаад̣̇ийсу (а. ни. 3.70) яам̣ гин̃жи бхааж̇анамби. д̇асмаа ‘бидагам̣ бидагад̇т̇авид̣̇уу барияад̇д̇ибхааж̇анад̇т̇ад̇о ааху.

    Pariyattipi hi ‘‘mā piṭakasampadānenā’’tiādīsu (a. ni. 3.66) piṭakanti vuccati. ‘‘Atha puriso āgaccheyya kudālapiṭakamādāyā’’tiādīsu (a. ni. 3.70) yaṃ kiñci bhājanampi. Tasmā ‘piṭakaṃ piṭakatthavidū pariyattibhājanatthato āhu.

    ид̣̇аани ‘д̇зна самод̇хаанзд̇ваа д̇аяоби винаяаад̣̇аяо н̃зяяаа’д̇и, д̇зна звам̣ д̣̇увид̇хад̇т̇зна бидагасад̣̇д̣̇зна саха самаасам̣ гад̇ваа винаяо жа со бидаган̃жа барияад̇д̇ибхаавад̇о, д̇асса д̇асса ад̇т̇асса бхааж̇анад̇о жаад̇и винаяабидагам̣, яат̇аавуд̇д̇знзва наязна суд̇д̇анд̇ан̃жа д̇ам̣ бидаган̃жаад̇и суд̇д̇анд̇абидагам̣, абхид̇хаммо жа со бидаган̃жаад̇и абхид̇хаммабидаганд̇и. звамзд̇з д̇аяоби винаяаад̣̇аяо н̃зяяаа.

    Idāni ‘tena samodhānetvātayopi vinayādayo ñeyyā’ti, tena evaṃ duvidhatthena piṭakasaddena saha samāsaṃ katvā vinayo ca so piṭakañca pariyattibhāvato, tassa tassa atthassa bhājanato cāti vinayapiṭakaṃ, yathāvutteneva nayena suttantañca taṃ piṭakañcāti suttantapiṭakaṃ, abhidhammo ca so piṭakañcāti abhidhammapiṭakanti. Evamete tayopi vinayādayo ñeyyā.

    звам̣ н̃ад̇ваа жа бунаби д̇зсуязва бидагзсу наанаббагаарагосаллад̇т̇ам̣ –

    Evaṃ ñatvā ca punapi tesuyeva piṭakesu nānappakārakosallatthaṃ –

    ‘‘д̣̇зсанаасаасанагат̇аабхзд̣̇ам̣ д̇зсу яат̇аарахам̣;

    ‘‘Desanāsāsanakathābhedaṃ tesu yathārahaṃ;

    сигкааббахаанаг̇амбхийрабхааван̃жа барид̣̇ийбаяз.

    Sikkhāppahānagambhīrabhāvañca paridīpaye.

    барияад̇д̇ибхзд̣̇ам̣ самбад̇д̇им̣, вибад̇д̇ин̃жааби яам̣ яахим̣;

    Pariyattibhedaṃ sampattiṃ, vipattiñcāpi yaṃ yahiṃ;

    баабун̣аад̇и яат̇аа бхигку, д̇амби саб̣б̣ам̣ вибхааваяз’’.

    Pāpuṇāti yathā bhikkhu, tampi sabbaṃ vibhāvaye’’.

    д̇ад̇рааяам̣ барид̣̇ийбанаа вибхааванаа жа. зд̇аани хи д̇ийн̣и бидагаани яат̇ааггамам̣ аан̣аавохаарабарамад̇т̇ад̣̇зсанаа, яат̇аабараад̇хаяат̇аануломаяат̇аад̇хаммасаасанаани, сам̣вараасам̣варад̣̇идтивинивзтананаамаруубабарижчзд̣̇агат̇аад̇и жа вужжанд̇и. зд̇т̇а хи винаяабидагам̣ аан̣аарахзна бхаг̇авад̇аа аан̣ааб̣аахуллад̇о д̣̇зсид̇ад̇д̇аа аан̣аад̣̇зсанаа, суд̇д̇анд̇абидагам̣ вохаарагусалзна бхаг̇авад̇аа вохаараб̣аахуллад̇о д̣̇зсид̇ад̇д̇аа вохаарад̣̇зсанаа, абхид̇хаммабидагам̣ барамад̇т̇агусалзна бхаг̇авад̇аа барамад̇т̇аб̣аахуллад̇о д̣̇зсид̇ад̇д̇аа барамад̇т̇ад̣̇зсанаад̇и вужжад̇и.

    Tatrāyaṃ paridīpanā vibhāvanā ca. Etāni hi tīṇi piṭakāni yathākkamaṃ āṇāvohāraparamatthadesanā, yathāparādhayathānulomayathādhammasāsanāni, saṃvarāsaṃvaradiṭṭhiviniveṭhananāmarūpaparicchedakathāti ca vuccanti. Ettha hi vinayapiṭakaṃ āṇārahena bhagavatā āṇābāhullato desitattā āṇādesanā, suttantapiṭakaṃ vohārakusalena bhagavatā vohārabāhullato desitattā vohāradesanā, abhidhammapiṭakaṃ paramatthakusalena bhagavatā paramatthabāhullato desitattā paramatthadesanāti vuccati.

    д̇ат̇аа батамам̣ – ‘яз д̇з бажураабараад̇хаа сад̇д̇аа, д̇з яат̇аабараад̇хам̣ зд̇т̇а саасид̇аа’д̇и яат̇аабараад̇хасаасанам̣, д̣̇уд̇ияам̣ – ‘анзгаж̇жхаасаяаанусаяажарияаад̇химуд̇д̇игаа сад̇д̇аа яат̇аануломам̣ зд̇т̇а саасид̇аа’д̇и яат̇аануломасаасанам̣, д̇ад̇ияам̣ – ‘д̇хаммабун̃ж̇амад̇д̇з ‘‘ахам̣ мамаа’’д̇и сан̃н̃ино сад̇д̇аа яат̇аад̇хаммам̣ зд̇т̇а саасид̇аа’д̇и яат̇аад̇хаммасаасананд̇и вужжад̇и.

    Tathā paṭhamaṃ – ‘ye te pacurāparādhā sattā, te yathāparādhaṃ ettha sāsitā’ti yathāparādhasāsanaṃ, dutiyaṃ – ‘anekajjhāsayānusayacariyādhimuttikā sattā yathānulomaṃ ettha sāsitā’ti yathānulomasāsanaṃ, tatiyaṃ – ‘dhammapuñjamatte ‘‘ahaṃ mamā’’ti saññino sattā yathādhammaṃ ettha sāsitā’ti yathādhammasāsananti vuccati.

    д̇ат̇аа батамам̣ – аж̇жхаажаарабадибагкабхууд̇о сам̣вараасам̣варо зд̇т̇а гат̇ид̇од̇и сам̣вараасам̣варагат̇аа. сам̣вараасам̣варод̇и куд̣̇д̣̇аго жзва маханд̇о жа сам̣варо, гаммаагаммам̣ вияа, палаапалам̣ вияа жа, д̣̇уд̇ияам̣ – ‘‘д̣̇ваасадтид̣̇идтибадибагкабхууд̇аа д̣̇идтивинивзтанаа зд̇т̇а гат̇ид̇аа’’д̇и д̣̇идтивинивзтанагат̇аа, д̇ад̇ияам̣ – ‘‘рааг̇аад̣̇ибадибагкабхууд̇о наамаруубабарижчзд̣̇о зд̇т̇а гат̇ид̇о’’д̇и наамаруубабарижчзд̣̇агат̇аад̇и вужжад̇и.

    Tathā paṭhamaṃ – ajjhācārapaṭipakkhabhūto saṃvarāsaṃvaro ettha kathitoti saṃvarāsaṃvarakathā. Saṃvarāsaṃvaroti khuddako ceva mahanto ca saṃvaro, kammākammaṃ viya, phalāphalaṃ viya ca, dutiyaṃ – ‘‘dvāsaṭṭhidiṭṭhipaṭipakkhabhūtā diṭṭhiviniveṭhanā ettha kathitā’’ti diṭṭhiviniveṭhanakathā, tatiyaṃ – ‘‘rāgādipaṭipakkhabhūto nāmarūpaparicchedo ettha kathito’’ti nāmarūpaparicchedakathāti vuccati.

    д̇ийсуби жзд̇зсу д̇иссо сигкаа, д̇ийн̣и бахаанаани, жад̇уб̣б̣ид̇хо жа г̇амбхийрабхааво взд̣̇ид̇аб̣б̣о. д̇ат̇аа хи винаяабидагз висзсзна ад̇хисийласигкаа вуд̇д̇аа, суд̇д̇анд̇абидагз ад̇хижид̇д̇асигкаа, абхид̇хаммабидагз ад̇хибан̃н̃аасигкаа.

    Tīsupi cetesu tisso sikkhā, tīṇi pahānāni, catubbidho ca gambhīrabhāvo veditabbo. Tathā hi vinayapiṭake visesena adhisīlasikkhā vuttā, suttantapiṭake adhicittasikkhā, abhidhammapiṭake adhipaññāsikkhā.

    винаяабидагз жа вийд̇иггамаббахаанам̣ , гилзсаанам̣ вийд̇иггамабадибагкад̇д̇аа сийласса. суд̇д̇анд̇абидагз барияудтаанаббахаанам̣, барияудтаанабадибагкад̇д̇аа самаад̇хисса. абхид̇хаммабидагз анусаяаббахаанам̣, анусаяабадибагкад̇д̇аа бан̃н̃ааяа. батамз жа д̇ад̣̇ан̇г̇аббахаанам̣, ид̇арзсу вигкамбханасамужчзд̣̇аббахаанаани. батамз жа д̣̇ужжарид̇асам̣гилзсаббахаанам̣, ид̇арзсу д̇ан̣хаад̣̇идтисам̣гилзсаббахаанам̣.

    Vinayapiṭake ca vītikkamappahānaṃ, kilesānaṃ vītikkamapaṭipakkhattā sīlassa. Suttantapiṭake pariyuṭṭhānappahānaṃ, pariyuṭṭhānapaṭipakkhattā samādhissa. Abhidhammapiṭake anusayappahānaṃ, anusayapaṭipakkhattā paññāya. Paṭhame ca tadaṅgappahānaṃ, itaresu vikkhambhanasamucchedappahānāni. Paṭhame ca duccaritasaṃkilesappahānaṃ, itaresu taṇhādiṭṭhisaṃkilesappahānaṃ.

    згамзгасмин̃жзд̇т̇а жад̇уб̣б̣ид̇хоби д̇хаммад̇т̇ад̣̇зсанаа бадивзд̇хаг̇амбхийрабхааво взд̣̇ид̇аб̣б̣о. д̇ад̇т̇а д̇хаммод̇и д̇анд̇и. ад̇т̇од̇и д̇ассааязва ад̇т̇о. д̣̇зсанаад̇и д̇ассаа манасаа вавад̇т̇аабид̇ааяа д̇анд̇ияаа д̣̇зсанаа. бадивзд̇ход̇и д̇анд̇ияаа д̇анд̇иад̇т̇асса жа яат̇аабхууд̇ааваб̣од̇хо. д̇ийсуби жзд̇зсу зд̇з д̇хаммад̇т̇ад̣̇зсанаабадивзд̇хаа. яасмаа сасаад̣̇ийхи вияа махаасамуд̣̇д̣̇о манд̣̇аб̣уд̣̇д̇хийхи д̣̇угког̇аал̣хаа алаб̣бханзяяабад̇идтаа жа, д̇асмаа г̇амбхийраа. звам̣ згамзгасмим̣ зд̇т̇а жад̇уб̣б̣ид̇хоби г̇амбхийрабхааво взд̣̇ид̇аб̣б̣о.

    Ekamekasmiñcettha catubbidhopi dhammatthadesanā paṭivedhagambhīrabhāvo veditabbo. Tattha dhammoti tanti. Atthoti tassāyeva attho. Desanāti tassā manasā vavatthāpitāya tantiyā desanā. Paṭivedhoti tantiyā tantiatthassa ca yathābhūtāvabodho. Tīsupi cetesu ete dhammatthadesanāpaṭivedhā. Yasmā sasādīhi viya mahāsamuddo mandabuddhīhi dukkhogāḷhā alabbhaneyyapatiṭṭhā ca, tasmā gambhīrā. Evaṃ ekamekasmiṃ ettha catubbidhopi gambhīrabhāvo veditabbo.

    абаро наяо, д̇хаммод̇и хзд̇у. вуд̇д̇ан̃хзд̇ам̣ – ‘‘хзд̇умхи н̃аан̣ам̣ д̇хаммабадисамбхид̣̇аа’’д̇и. ад̇т̇од̇и хзд̇упалам̣, вуд̇д̇ан̃хзд̇ам̣ – ‘‘хзд̇упалз н̃аан̣ам̣ ад̇т̇абадисамбхид̣̇аа’’д̇и (вибха. 720). д̣̇зсанаад̇и бан̃н̃ад̇д̇и, яат̇аа д̇хаммам̣ д̇хаммаабхилаабод̇и ад̇хиббааяо. ануломабадиломасан̇кзбавид̇т̇аараад̣̇ивасзна ваа гат̇анам̣. бадивзд̇ход̇и абхисамаяо, со жа логияалогуд̇д̇аро висаяад̇о асаммохад̇о жа, ад̇т̇аануруубам̣ д̇хаммзсу, д̇хаммаануруубам̣ ад̇т̇зсу, бан̃н̃ад̇д̇ибат̇аануруубам̣ бан̃н̃ад̇д̇ийсу аваб̣од̇хо. д̇зсам̣ д̇зсам̣ ваа д̇ад̇т̇а д̇ад̇т̇а вуд̇д̇ад̇хаммаанам̣ бадивиж̇жхид̇аб̣б̣о салагкан̣асан̇каад̇о авибарийд̇асабхааво.

    Aparo nayo, dhammoti hetu. Vuttañhetaṃ – ‘‘hetumhi ñāṇaṃ dhammapaṭisambhidā’’ti. Atthoti hetuphalaṃ, vuttañhetaṃ – ‘‘hetuphale ñāṇaṃ atthapaṭisambhidā’’ti (vibha. 720). Desanāti paññatti, yathā dhammaṃ dhammābhilāpoti adhippāyo. Anulomapaṭilomasaṅkhepavitthārādivasena vā kathanaṃ. Paṭivedhoti abhisamayo, so ca lokiyalokuttaro visayato asammohato ca, atthānurūpaṃ dhammesu, dhammānurūpaṃ atthesu, paññattipathānurūpaṃ paññattīsu avabodho. Tesaṃ tesaṃ vā tattha tattha vuttadhammānaṃ paṭivijjhitabbo salakkhaṇasaṅkhāto aviparītasabhāvo.

    ид̣̇аани яасмаа зд̇зсу бидагзсу яам̣ яам̣ д̇хаммаж̇аад̇ам̣ ваа ад̇т̇аж̇аад̇ам̣ ваа, яаа жааяам̣ яат̇аа яат̇аа н̃аабзд̇аб̣б̣о ад̇т̇о сод̇уунам̣ н̃аан̣асса абхимуко ход̇и, д̇ат̇аа д̇ат̇аа д̇ад̣̇ад̇т̇аж̇од̇игаа д̣̇зсанаа, яо жзд̇т̇а авибарийд̇ааваб̣од̇хасан̇каад̇о бадивзд̇хо, д̇зсам̣ д̇зсам̣ ваа д̇хаммаанам̣ бадивиж̇жхид̇аб̣б̣о салагкан̣асан̇каад̇о авибарийд̇асабхааво. саб̣б̣амбзд̇ам̣ анубажид̇агусаласамбхаарзхи д̣̇уббан̃н̃зхи сасаад̣̇ийхи вияа махаасамуд̣̇д̣̇о д̣̇угког̇аал̣хам̣ алаб̣бханзяяабад̇идтан̃жа, д̇асмаа г̇амбхийрам̣. звамби згамзгасмим̣ зд̇т̇а жад̇уб̣б̣ид̇хоби г̇амбхийрабхааво взд̣̇ид̇аб̣б̣о.

    Idāni yasmā etesu piṭakesu yaṃ yaṃ dhammajātaṃ vā atthajātaṃ vā, yā cāyaṃ yathā yathā ñāpetabbo attho sotūnaṃ ñāṇassa abhimukho hoti, tathā tathā tadatthajotikā desanā, yo cettha aviparītāvabodhasaṅkhāto paṭivedho, tesaṃ tesaṃ vā dhammānaṃ paṭivijjhitabbo salakkhaṇasaṅkhāto aviparītasabhāvo. Sabbampetaṃ anupacitakusalasambhārehi duppaññehi sasādīhi viya mahāsamuddo dukkhogāḷhaṃ alabbhaneyyapatiṭṭhañca, tasmā gambhīraṃ. Evampi ekamekasmiṃ ettha catubbidhopi gambhīrabhāvo veditabbo.

    зд̇д̇аавад̇аа жа –

    Ettāvatā ca –

    ‘‘д̣̇зсанаасаасанагат̇аа, бхзд̣̇ам̣ д̇зсу яат̇аарахам̣;

    ‘‘Desanāsāsanakathā, bhedaṃ tesu yathārahaṃ;

    сигкааббахаанаг̇амбхийра, бхааван̃жа барид̣̇ийбаяз’’д̇и –

    Sikkhāppahānagambhīra, bhāvañca paridīpaye’’ti –

    аяам̣ г̇аат̇аа вуд̇д̇ад̇т̇аава ход̇и.

    Ayaṃ gāthā vuttatthāva hoti.

    ‘‘барияад̇д̇ибхзд̣̇ам̣ самбад̇д̇им̣, вибад̇д̇ин̃жааби яам̣ яахим̣;

    ‘‘Pariyattibhedaṃ sampattiṃ, vipattiñcāpi yaṃ yahiṃ;

    баабун̣аад̇и яат̇аа бхигку, д̇амби саб̣б̣ам̣ вибхааваяз’’д̇и –

    Pāpuṇāti yathā bhikkhu, tampi sabbaṃ vibhāvaye’’ti –

    зд̇т̇а бана д̇ийсу бидагзсу д̇ивид̇хо барияад̇д̇ибхзд̣̇о д̣̇адтаб̣б̣о. д̇иссо хи барияад̇д̇ияо – алаг̇ад̣̇д̣̇уубамаа, ниссаран̣ад̇т̇аа, бхан̣д̣ааг̇ааригабарияад̇д̇ийд̇и.

    Ettha pana tīsu piṭakesu tividho pariyattibhedo daṭṭhabbo. Tisso hi pariyattiyo – alagaddūpamā, nissaraṇatthā, bhaṇḍāgārikapariyattīti.

    д̇ад̇т̇а яаа д̣̇уг̇г̇ахид̇аа, убаарамбхаад̣̇ихзд̇у барияаабудаа, аяам̣ алаг̇ад̣̇д̣̇уубамаа. яам̣ санд̇хааяа вуд̇д̇ам̣ ‘‘сзяяат̇ааби, бхигкавз, бурисо алаг̇ад̣̇д̣̇ад̇т̇иго алаг̇ад̣̇д̣̇аг̇авзсий алаг̇ад̣̇д̣̇абариязсанам̣ жарамаано, со бассзяяа маханд̇ам̣ алаг̇ад̣̇д̣̇ам̣, д̇амзнам̣ бхог̇з ваа нан̇г̇удтз ваа г̇ан̣хзяяа, д̇асса со алаг̇ад̣̇д̣̇о бадибаривад̇д̇ид̇ваа хад̇т̇з ваа б̣аахааяам̣ ваа ан̃н̃ад̇арасмим̣ ваа ан̇г̇абажжан̇г̇з д̣ам̣сзяяа, со д̇ад̇о нид̣̇аанам̣ маран̣ам̣ ваа ниг̇ажчзяяа, маран̣амад̇д̇ам̣ ваа д̣̇угкам̣. д̇ам̣ гисса хзд̇у? д̣̇уг̇г̇ахид̇ад̇д̇аа, бхигкавз, алаг̇ад̣̇д̣̇асса. звамзва ко, бхигкавз, ид̇хзгажжз могхабурисаа д̇хаммам̣ барияаабун̣анд̇и, суд̇д̇ам̣…бз… взд̣̇аллам̣, д̇з д̇ам̣ д̇хаммам̣ барияаабун̣ид̇ваа д̇зсам̣ д̇хаммаанам̣ бан̃н̃ааяа ад̇т̇ам̣ на убабаригканд̇и, д̇зсам̣ д̇з д̇хаммаа бан̃н̃ааяа ад̇т̇ам̣ анубабаригкад̇ам̣ на ниж̇жхаанам̣ каманд̇и, д̇з убаарамбхаанисам̣саа жзва д̇хаммам̣ барияаабун̣анд̇и, ид̇иваад̣̇аббамогкаанисам̣саа жа, яасса жад̇т̇ааяа д̇хаммам̣ барияаабун̣анд̇и, д̇ан̃жасса ад̇т̇ам̣ наанубхонд̇и, д̇зсам̣ д̇з д̇хаммаа д̣̇уг̇г̇ахид̇аа д̣̇ийгхарад̇д̇ам̣ ахид̇ааяа д̣̇угкааяа сам̣вад̇д̇анд̇и. д̇ам̣ гисса хзд̇у? д̣̇уг̇г̇ахид̇ад̇д̇аа, бхигкавз, д̇хаммаана’’нд̇и (ма. ни. 1.238).

    Tattha yā duggahitā, upārambhādihetu pariyāpuṭā, ayaṃ alagaddūpamā. Yaṃ sandhāya vuttaṃ ‘‘seyyathāpi, bhikkhave, puriso alagaddatthiko alagaddagavesī alagaddapariyesanaṃ caramāno, so passeyya mahantaṃ alagaddaṃ, tamenaṃ bhoge vā naṅguṭṭhe vā gaṇheyya, tassa so alagaddo paṭiparivattitvā hatthe vā bāhāyaṃ vā aññatarasmiṃ vā aṅgapaccaṅge ḍaṃseyya, so tato nidānaṃ maraṇaṃ vā nigaccheyya, maraṇamattaṃ vā dukkhaṃ. Taṃ kissa hetu? Duggahitattā, bhikkhave, alagaddassa. Evameva kho, bhikkhave, idhekacce moghapurisā dhammaṃ pariyāpuṇanti, suttaṃ…pe… vedallaṃ, te taṃ dhammaṃ pariyāpuṇitvā tesaṃ dhammānaṃ paññāya atthaṃ na upaparikkhanti, tesaṃ te dhammā paññāya atthaṃ anupaparikkhataṃ na nijjhānaṃ khamanti, te upārambhānisaṃsā ceva dhammaṃ pariyāpuṇanti, itivādappamokkhānisaṃsā ca, yassa catthāya dhammaṃ pariyāpuṇanti, tañcassa atthaṃ nānubhonti, tesaṃ te dhammā duggahitā dīgharattaṃ ahitāya dukkhāya saṃvattanti. Taṃ kissa hetu? Duggahitattā, bhikkhave, dhammāna’’nti (ma. ni. 1.238).

    яаа бана суг̇г̇ахид̇аа сийлагканд̇хаад̣̇ибаарибуурим̣язва ааган̇камаанзна барияаабудаа, на убаарамбхаад̣̇ихзд̇у, аяам̣ ниссаран̣ад̇т̇аа. яам̣ санд̇хааяа вуд̇д̇ам̣ – ‘‘д̇зсам̣ д̇з д̇хаммаа суг̇г̇ахид̇аа д̣̇ийгхарад̇д̇ам̣ хид̇ааяа сукааяа сам̣вад̇д̇анд̇и. д̇ам̣ гисса хзд̇у? суг̇г̇ахид̇ад̇д̇аа, бхигкавз, д̇хаммаана’’нд̇и (ма. ни. 1.239).

    Yā pana suggahitā sīlakkhandhādipāripūriṃyeva ākaṅkhamānena pariyāpuṭā, na upārambhādihetu, ayaṃ nissaraṇatthā. Yaṃ sandhāya vuttaṃ – ‘‘tesaṃ te dhammā suggahitā dīgharattaṃ hitāya sukhāya saṃvattanti. Taṃ kissa hetu? Suggahitattā, bhikkhave, dhammāna’’nti (ma. ni. 1.239).

    яам̣ бана барин̃н̃аад̇агканд̇хо бахийнагилзсо бхаавид̇амаг̇г̇о бадивид̣̇д̇хаагуббо сажчигад̇анирод̇хо кийн̣аасаво гзвалам̣ бавзн̣ийбааланад̇т̇ааяа вам̣саанурагкан̣ад̇т̇ааяа барияаабун̣аад̇и, аяам̣ бхан̣д̣ааг̇ааригабарияад̇д̇ийд̇и.

    Yaṃ pana pariññātakkhandho pahīnakileso bhāvitamaggo paṭividdhākuppo sacchikatanirodho khīṇāsavo kevalaṃ paveṇīpālanatthāya vaṃsānurakkhaṇatthāya pariyāpuṇāti, ayaṃ bhaṇḍāgārikapariyattīti.

    винаяз бана суббадибанно бхигку сийласамбад̣̇ам̣ ниссааяа д̇иссо виж̇ж̇аа баабун̣аад̇и, д̇аасам̣язва жа д̇ад̇т̇а бабхзд̣̇аважанад̇о. суд̇д̇з суббадибанно самаад̇хисамбад̣̇ам̣ ниссааяа ча абхин̃н̃аа баабун̣аад̇и, д̇аасам̣язва жа д̇ад̇т̇а бабхзд̣̇аважанад̇о. абхид̇хаммз суббадибанно бан̃н̃аасамбад̣̇ам̣ ниссааяа жад̇ассо бадисамбхид̣̇аа баабун̣аад̇и, д̇аасан̃жа д̇ад̇т̇зва бабхзд̣̇аважанад̇о, звамзд̇зсу суббадибанно яат̇ааггамзна имам̣ виж̇ж̇аад̇д̇аяачал̣абхин̃н̃аажад̇уббадисамбхид̣̇аабхзд̣̇ам̣ самбад̇д̇им̣ баабун̣аад̇и.

    Vinaye pana suppaṭipanno bhikkhu sīlasampadaṃ nissāya tisso vijjā pāpuṇāti, tāsaṃyeva ca tattha pabhedavacanato. Sutte suppaṭipanno samādhisampadaṃ nissāya cha abhiññā pāpuṇāti, tāsaṃyeva ca tattha pabhedavacanato. Abhidhamme suppaṭipanno paññāsampadaṃ nissāya catasso paṭisambhidā pāpuṇāti, tāsañca tattheva pabhedavacanato, evametesu suppaṭipanno yathākkamena imaṃ vijjāttayachaḷabhiññācatuppaṭisambhidābhedaṃ sampattiṃ pāpuṇāti.

    винаяз бана д̣̇уббадибанно анун̃н̃аад̇асукасампассаад̇т̇аран̣абаавуран̣аад̣̇ипассасааман̃н̃ад̇о бадигкид̇д̇зсу убаад̣̇иннагапассаад̣̇ийсу анаваж̇ж̇асан̃н̃ий ход̇и. вуд̇д̇амби хзд̇ам̣ – ‘‘д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами, яат̇аа яз мз анд̇арааяигаа д̇хаммаа анд̇арааяигаа вуд̇д̇аа бхаг̇авад̇аа, д̇з бадисзвад̇о наалам̣ анд̇арааяааяаа’’д̇и (ма. ни. 1.234). д̇ад̇о д̣̇уссийлабхаавам̣ баабун̣аад̇и. суд̇д̇з д̣̇уббадибанно – ‘‘жад̇д̇ааро мз, бхигкавз, буг̇г̇алаа санд̇о сам̣виж̇ж̇амаанаа’’д̇иаад̣̇ийсу (а. ни. 4.5) ад̇хиббааяам̣ аж̇аананд̇о д̣̇уг̇г̇ахид̇ам̣ г̇ан̣хаад̇и, яам̣ санд̇хааяа вуд̇д̇ам̣ – ‘‘ад̇д̇анаа д̣̇уг̇г̇ахид̇зна амхз жзва аб̣бхаажигкад̇и, ад̇д̇аанан̃жа кан̣ад̇и, б̣ахун̃жа абун̃н̃ам̣ басавад̇ий’’д̇и (ма. ни. 1.236). д̇ад̇о мижчаад̣̇идтид̇ам̣ баабун̣аад̇и. абхид̇хаммз д̣̇уббадибанно д̇хаммажинд̇ам̣ ад̇ид̇хааванд̇о ажинд̇зяяааниби жинд̇зд̇и. д̇ад̇о жид̇д̇агкзбам̣ баабун̣аад̇и, вуд̇д̇ан̃хзд̇ам̣ – ‘‘жад̇д̇ааримаани, бхигкавз, ажинд̇зяяаани, на жинд̇зд̇аб̣б̣аани, яаани жинд̇знд̇о уммаад̣̇асса вигхаад̇асса бхааг̇ий ассаа’’д̇и (а. ни. 4.77). звамзд̇зсу д̣̇уббадибанно яат̇ааггамзна имам̣ д̣̇уссийлабхаава мижчаад̣̇идтид̇аа жид̇д̇агкзбабхзд̣̇ам̣ вибад̇д̇им̣ баабун̣аад̇ий’’д̇и.

    Vinaye pana duppaṭipanno anuññātasukhasamphassaattharaṇapāvuraṇādiphassasāmaññato paṭikkhittesu upādinnakaphassādīsu anavajjasaññī hoti. Vuttampi hetaṃ – ‘‘tathāhaṃ bhagavatā dhammaṃ desitaṃ ājānāmi, yathā ye me antarāyikā dhammā antarāyikā vuttā bhagavatā, te paṭisevato nālaṃ antarāyāyā’’ti (ma. ni. 1.234). Tato dussīlabhāvaṃ pāpuṇāti. Sutte duppaṭipanno – ‘‘cattāro me, bhikkhave, puggalā santo saṃvijjamānā’’tiādīsu (a. ni. 4.5) adhippāyaṃ ajānanto duggahitaṃ gaṇhāti, yaṃ sandhāya vuttaṃ – ‘‘attanā duggahitena amhe ceva abbhācikkhati, attānañca khaṇati, bahuñca apuññaṃ pasavatī’’ti (ma. ni. 1.236). Tato micchādiṭṭhitaṃ pāpuṇāti. Abhidhamme duppaṭipanno dhammacintaṃ atidhāvanto acinteyyānipi cinteti. Tato cittakkhepaṃ pāpuṇāti, vuttañhetaṃ – ‘‘cattārimāni, bhikkhave, acinteyyāni, na cintetabbāni, yāni cintento ummādassa vighātassa bhāgī assā’’ti (a. ni. 4.77). Evametesu duppaṭipanno yathākkamena imaṃ dussīlabhāva micchādiṭṭhitā cittakkhepabhedaṃ vipattiṃ pāpuṇātī’’ti.

    зд̇д̇аавад̇аа жа –

    Ettāvatā ca –

    ‘‘барияад̇д̇ибхзд̣̇ам̣ самбад̇д̇им̣, вибад̇д̇ин̃жааби яам̣ яахим̣;

    ‘‘Pariyattibhedaṃ sampattiṃ, vipattiñcāpi yaṃ yahiṃ;

    баабун̣аад̇и яат̇аа бхигку, д̇амби саб̣б̣ам̣ вибхааваяз’’д̇и –

    Pāpuṇāti yathā bhikkhu, tampi sabbaṃ vibhāvaye’’ti –

    аяамби г̇аат̇аа вуд̇д̇ад̇т̇аава ход̇и. звам̣ наанаббагаарад̇о бидагаани н̃ад̇ваа д̇зсам̣ васзнзд̇ам̣ б̣уд̣̇д̇хаважанам̣ д̇ивид̇ханд̇и н̃аад̇аб̣б̣ам̣.

    Ayampi gāthā vuttatthāva hoti. Evaṃ nānappakārato piṭakāni ñatvā tesaṃ vasenetaṃ buddhavacanaṃ tividhanti ñātabbaṃ.

    гат̇ам̣ нигааяавасзна бан̃жавид̇хам̣? саб̣б̣амзва жзд̇ам̣ д̣̇ийгханигааяо, маж̇жхиманигааяо, сам̣яуд̇д̇анигааяо, ан̇г̇уд̇д̇аранигааяо, куд̣̇д̣̇аганигааяод̇и бан̃жаббабхзд̣̇ам̣ ход̇и. д̇ад̇т̇а гад̇амо д̣̇ийгханигааяо? д̇иваг̇г̇асан̇г̇ахаани б̣рахмаж̇аалаад̣̇ийни жад̇уд̇д̇им̣са суд̇д̇аани.

    Kathaṃ nikāyavasena pañcavidhaṃ? Sabbameva cetaṃ dīghanikāyo, majjhimanikāyo, saṃyuttanikāyo, aṅguttaranikāyo, khuddakanikāyoti pañcappabhedaṃ hoti. Tattha katamo dīghanikāyo? Tivaggasaṅgahāni brahmajālādīni catuttiṃsa suttāni.

    ‘‘жад̇уд̇д̇им̣сзва суд̇д̇анд̇аа, д̇иваг̇г̇о яасса сан̇г̇ахо;

    ‘‘Catuttiṃseva suttantā, tivaggo yassa saṅgaho;

    зса д̣̇ийгханигааяод̇и, батамо ануломиго’’д̇и.

    Esa dīghanikāyoti, paṭhamo anulomiko’’ti.

    гасмаа банзса д̣̇ийгханигааяод̇и вужжад̇и? д̣̇ийгхаббамаан̣аанам̣ суд̇д̇аанам̣ самуухад̇о ниваасад̇о жа. самууханиваасаа хи нигааяод̇и вужжанд̇и. ‘‘наахам̣, бхигкавз, ан̃н̃ам̣ зганигааяамби саманубассаами звам̣ жид̇д̇ам̣, яат̇аяид̣̇ам̣, бхигкавз , д̇иражчаанаг̇ад̇аа баан̣аа’’ (сам̣. ни. 2.100). бон̣иганигааяо жигкаллиганигааяод̇и звамаад̣̇ийни жзд̇т̇а саад̇хагаани саасанад̇о логад̇о жа. звам̣ сзсаанамби нигааяабхаавз важанад̇т̇о взд̣̇ид̇аб̣б̣о.

    Kasmā panesa dīghanikāyoti vuccati? Dīghappamāṇānaṃ suttānaṃ samūhato nivāsato ca. Samūhanivāsā hi nikāyoti vuccanti. ‘‘Nāhaṃ, bhikkhave, aññaṃ ekanikāyampi samanupassāmi evaṃ cittaṃ, yathayidaṃ, bhikkhave , tiracchānagatā pāṇā’’ (saṃ. ni. 2.100). Poṇikanikāyo cikkhallikanikāyoti evamādīni cettha sādhakāni sāsanato lokato ca. Evaṃ sesānampi nikāyabhāve vacanattho veditabbo.

    гад̇амо маж̇жхиманигааяо? маж̇жхимаббамаан̣аани бан̃жад̣̇асаваг̇г̇асан̇г̇ахаани муулабарияааяасуд̇д̇аад̣̇ийни д̣̇ияад̣дхасад̇ам̣ д̣̇вз жа суд̇д̇аани.

    Katamo majjhimanikāyo? Majjhimappamāṇāni pañcadasavaggasaṅgahāni mūlapariyāyasuttādīni diyaḍḍhasataṃ dve ca suttāni.

    ‘‘д̣̇ияад̣дхасад̇асуд̇д̇анд̇аа, д̣̇вз жа суд̇д̇аани яад̇т̇а со;

    ‘‘Diyaḍḍhasatasuttantā, dve ca suttāni yattha so;

    нигааяо маж̇жхимо бан̃жа, д̣̇асаваг̇г̇абариг̇г̇ахо’’д̇и.

    Nikāyo majjhimo pañca, dasavaggapariggaho’’ti.

    гад̇амо сам̣яуд̇д̇анигааяо? д̣̇звад̇аасам̣яуд̇д̇аад̣̇ивасзна гат̇ид̇аани огхад̇аран̣аад̣̇ийни сад̇д̇а суд̇д̇асахассаани сад̇д̇а жа суд̇д̇асад̇аани д̣̇ваасадти жа суд̇д̇аани.

    Katamo saṃyuttanikāyo? Devatāsaṃyuttādivasena kathitāni oghataraṇādīni satta suttasahassāni satta ca suttasatāni dvāsaṭṭhi ca suttāni.

    ‘‘сад̇д̇асуд̇д̇асахассаани , сад̇д̇асуд̇д̇асад̇аани жа;

    ‘‘Sattasuttasahassāni , sattasuttasatāni ca;

    д̣̇ваасадти жзва суд̇д̇анд̇аа, зсо сам̣яуд̇д̇асан̇г̇ахо’’д̇и.

    Dvāsaṭṭhi ceva suttantā, eso saṃyuttasaṅgaho’’ti.

    гад̇амо ан̇г̇уд̇д̇аранигааяо? згзгаан̇г̇аад̇ирзгавасзна гат̇ид̇аани жид̇д̇абарияаад̣̇аанаад̣̇ийни нава суд̇д̇асахассаани бан̃жа суд̇д̇асад̇аани сад̇д̇абан̃н̃аасан̃жа суд̇д̇аани.

    Katamo aṅguttaranikāyo? Ekekaaṅgātirekavasena kathitāni cittapariyādānādīni nava suttasahassāni pañca suttasatāni sattapaññāsañca suttāni.

    ‘‘нава суд̇д̇асахассаани, бан̃жа суд̇д̇асад̇аани жа;

    ‘‘Nava suttasahassāni, pañca suttasatāni ca;

    сад̇д̇абан̃н̃ааса суд̇д̇аани, сан̇кяаа ан̇г̇уд̇д̇арз аяа’’нд̇и.

    Sattapaññāsa suttāni, saṅkhyā aṅguttare aya’’nti.

    гад̇амо куд̣̇д̣̇аганигааяо? сагалам̣ винаяабидагам̣, абхид̇хаммабидагам̣, куд̣̇д̣̇агабаатаад̣̇аяо жа буб̣б̣з д̣̇ассид̇аа бан̃жад̣̇асаббабхзд̣̇аа, табзд̇ваа жад̇д̇ааро нигааяз авасзсам̣ б̣уд̣̇д̇хаважанам̣.

    Katamo khuddakanikāyo? Sakalaṃ vinayapiṭakaṃ, abhidhammapiṭakaṃ, khuddakapāṭhādayo ca pubbe dassitā pañcadasappabhedā, ṭhapetvā cattāro nikāye avasesaṃ buddhavacanaṃ.

    ‘‘табзд̇ваа жад̇уробзд̇з, нигааяз д̣̇ийгхааад̣̇игз;

    ‘‘Ṭhapetvā caturopete, nikāye dīghaādike;

    д̇ад̣̇ан̃н̃ам̣ б̣уд̣̇д̇хаважанам̣, нигааяо куд̣̇д̣̇аго мад̇о’’д̇и.

    Tadaññaṃ buddhavacanaṃ, nikāyo khuddako mato’’ti.

    звам̣ нигааяавасзна бан̃жавид̇хам̣.

    Evaṃ nikāyavasena pañcavidhaṃ.

    гат̇ам̣ ан̇г̇авасзна нававид̇хам̣? саб̣б̣амзва хид̣̇ам̣ суд̇д̇ам̣, г̇зяяам̣, взяяаагаран̣ам̣, г̇аат̇аа, уд̣̇аанам̣, ид̇ивуд̇д̇агам̣, ж̇аад̇агам̣, аб̣бхуд̇ад̇хаммам̣, взд̣̇алланд̇и наваббабхзд̣̇ам̣ ход̇и. д̇ад̇т̇а убхад̇овибхан̇г̇анид̣̇д̣̇зсаканд̇хагабариваараа, суд̇д̇анибаад̇з ман̇г̇аласуд̇д̇арад̇анасуд̇д̇анаалагасуд̇д̇ад̇уваддагасуд̇д̇аани жа ан̃н̃амби жа суд̇д̇анаамагам̣ д̇ат̇ааг̇ад̇аважанам̣ суд̇д̇анд̇и взд̣̇ид̇аб̣б̣ам̣. саб̣б̣амби саг̇аат̇агам̣ суд̇д̇ам̣ г̇зяяанд̇и взд̣̇ид̇аб̣б̣ам̣. висзсзна сам̣яуд̇д̇агз сагалоби саг̇аат̇аваг̇г̇о, сагаламби абхид̇хаммабидагам̣, ниг̇г̇аат̇агам̣ суд̇д̇ам̣, яан̃жа ан̃н̃амби адтахи ан̇г̇зхи асан̇г̇ахид̇ам̣ б̣уд̣̇д̇хаважанам̣, д̇ам̣ взяяаагаран̣анд̇и взд̣̇ид̇аб̣б̣ам̣. д̇хаммабад̣̇ам̣, т̇зраг̇аат̇аа, т̇зрийг̇аат̇аа, суд̇д̇анибаад̇з носуд̇д̇анаамигаа суд̣̇д̇хигаг̇аат̇аа жа г̇аат̇аад̇и взд̣̇ид̇аб̣б̣аа. соманассан̃н̃аан̣амаяигаг̇аат̇аа бадисам̣яуд̇д̇аа д̣̇взасийд̇и суд̇д̇анд̇аа уд̣̇аананд̇и взд̣̇ид̇аб̣б̣ам̣. ‘‘вуд̇д̇ан̃хзд̇ам̣ бхаг̇авад̇аа’’д̇иаад̣̇инаяаббавад̇д̇аа д̣̇асуд̇д̇арасад̇асуд̇д̇анд̇аа ид̇ивуд̇д̇аганд̇и взд̣̇ид̇аб̣б̣ам̣. абан̣н̣агаж̇аад̇агаад̣̇ийни бан̃н̃аасаад̇хигаани бан̃жаж̇аад̇агасад̇аани ‘ж̇аад̇ага’нд̇и взд̣̇ид̇аб̣б̣ам̣. ‘‘жад̇д̇ааромз, бхигкавз, ажчарияаа аб̣бхуд̇аа д̇хаммаа аананд̣̇з’’д̇иаад̣̇инаяаббавад̇д̇аа (д̣̇ий. ни. 2.209) саб̣б̣зби ажчарияаб̣бхуд̇ад̇хаммабадисам̣яуд̇д̇асуд̇д̇анд̇аа аб̣бхуд̇ад̇хамманд̇и взд̣̇ид̇аб̣б̣ам̣. жуул̣авзд̣̇алла-махаавзд̣̇алла-саммаад̣̇идти-саггабан̃ха-сан̇каарабхааж̇анияа-махаабун̣н̣амасуд̇д̇аад̣̇аяо саб̣б̣зби взд̣̇ан̃жа д̇удтин̃жа лад̣̇д̇хаа лад̣̇д̇хаа бужчид̇асуд̇д̇анд̇аа взд̣̇алланд̇и взд̣̇ид̇аб̣б̣ам̣. звам̣ ан̇г̇авасзна нававид̇хам̣.

    Kathaṃ aṅgavasena navavidhaṃ? Sabbameva hidaṃ suttaṃ, geyyaṃ, veyyākaraṇaṃ, gāthā, udānaṃ, itivuttakaṃ, jātakaṃ, abbhutadhammaṃ, vedallanti navappabhedaṃ hoti. Tattha ubhatovibhaṅganiddesakhandhakaparivārā, suttanipāte maṅgalasuttaratanasuttanālakasuttatuvaṭṭakasuttāni ca aññampi ca suttanāmakaṃ tathāgatavacanaṃ suttanti veditabbaṃ. Sabbampi sagāthakaṃ suttaṃ geyyanti veditabbaṃ. Visesena saṃyuttake sakalopi sagāthavaggo, sakalampi abhidhammapiṭakaṃ, niggāthakaṃ suttaṃ, yañca aññampi aṭṭhahi aṅgehi asaṅgahitaṃ buddhavacanaṃ, taṃ veyyākaraṇanti veditabbaṃ. Dhammapadaṃ, theragāthā, therīgāthā, suttanipāte nosuttanāmikā suddhikagāthā ca gāthāti veditabbā. Somanassaññāṇamayikagāthā paṭisaṃyuttā dveasīti suttantā udānanti veditabbaṃ. ‘‘Vuttañhetaṃ bhagavatā’’tiādinayappavattā dasuttarasatasuttantā itivuttakanti veditabbaṃ. Apaṇṇakajātakādīni paññāsādhikāni pañcajātakasatāni ‘jātaka’nti veditabbaṃ. ‘‘Cattārome, bhikkhave, acchariyā abbhutā dhammā ānande’’tiādinayappavattā (dī. ni. 2.209) sabbepi acchariyabbhutadhammapaṭisaṃyuttasuttantā abbhutadhammanti veditabbaṃ. Cūḷavedalla-mahāvedalla-sammādiṭṭhi-sakkapañha-saṅkhārabhājaniya-mahāpuṇṇamasuttādayo sabbepi vedañca tuṭṭhiñca laddhā laddhā pucchitasuttantā vedallanti veditabbaṃ. Evaṃ aṅgavasena navavidhaṃ.

    гат̇ам̣ д̇хаммагканд̇хавасзна жад̇ураасийд̇исахассавид̇хам̣? саб̣б̣амзва жзд̇ам̣ б̣уд̣̇д̇хаважанам̣ –

    Kathaṃ dhammakkhandhavasena caturāsītisahassavidhaṃ? Sabbameva cetaṃ buddhavacanaṃ –

    ‘‘д̣̇ваасийд̇и б̣уд̣̇д̇хад̇о г̇ан̣хим̣, д̣̇вз сахассаани бхигкуд̇о;

    ‘‘Dvāsīti buddhato gaṇhiṃ, dve sahassāni bhikkhuto;

    жад̇ураасийд̇и сахассаани, яз мз д̇хаммаа бавад̇д̇ино’’д̇и.

    Caturāsīti sahassāni, ye me dhammā pavattino’’ti.

    звам̣ барид̣̇ийбид̇ад̇хаммагканд̇хавасзна жад̇ураасийд̇исахассаббабхзд̣̇ам̣ ход̇и. д̇ад̇т̇а згаанусанд̇хигам̣ суд̇д̇ам̣ зго д̇хаммагканд̇хо. яам̣ анзгаанусанд̇хигам̣, д̇ад̇т̇а анусанд̇хивасзна д̇хаммагканд̇хаг̇ан̣анаа. г̇аат̇ааб̣анд̇хзсу бан̃хаабужчанам̣ зго д̇хаммагканд̇хо, виссаж̇ж̇анам̣ зго. абхид̇хаммз згамзгам̣ д̇игад̣̇угабхааж̇анам̣, згамзган̃жа жид̇д̇аваарабхааж̇анам̣, згамзго д̇хаммагканд̇хо. винаяз ад̇т̇и вад̇т̇у, ад̇т̇и маад̇игаа, ад̇т̇и бад̣̇абхааж̇анийяам̣, ад̇т̇и анд̇араабад̇д̇и, ад̇т̇и аабад̇д̇и, ад̇т̇и анаабад̇д̇и, ад̇т̇и д̇игажчзд̣̇о. д̇ад̇т̇а згамзго годтаасо згамзго д̇хаммагканд̇ход̇и взд̣̇ид̇аб̣б̣о. звам̣ д̇хаммагканд̇хавасзна жад̇ураасийд̇исахассавид̇хам̣.

    Evaṃ paridīpitadhammakkhandhavasena caturāsītisahassappabhedaṃ hoti. Tattha ekānusandhikaṃ suttaṃ eko dhammakkhandho. Yaṃ anekānusandhikaṃ, tattha anusandhivasena dhammakkhandhagaṇanā. Gāthābandhesu pañhāpucchanaṃ eko dhammakkhandho, vissajjanaṃ eko. Abhidhamme ekamekaṃ tikadukabhājanaṃ, ekamekañca cittavārabhājanaṃ, ekameko dhammakkhandho. Vinaye atthi vatthu, atthi mātikā, atthi padabhājanīyaṃ, atthi antarāpatti, atthi āpatti, atthi anāpatti, atthi tikacchedo. Tattha ekameko koṭṭhāso ekameko dhammakkhandhoti veditabbo. Evaṃ dhammakkhandhavasena caturāsītisahassavidhaṃ.

    звамзд̇ам̣ абхзд̣̇ад̇о расавасзна згавид̇хам̣, бхзд̣̇ад̇о д̇хаммавинаяаад̣̇ивасзна д̣̇увид̇хаад̣̇ибхзд̣̇ам̣ б̣уд̣̇д̇хаважанам̣ сан̇г̇ааяанд̇зна махаагассабаббамукзна васийг̇ан̣зна ‘‘аяам̣ д̇хаммо, аяам̣ винаяо, ид̣̇ам̣ батамаб̣уд̣̇д̇хаважанам̣, ид̣̇ам̣ маж̇жхимаб̣уд̣̇д̇хаважанам̣, ид̣̇ам̣ бажчимаб̣уд̣̇д̇хаважанам̣, ид̣̇ам̣ винаяабидагам̣, ид̣̇ам̣ суд̇д̇анд̇абидагам̣, ид̣̇ам̣ абхид̇хаммабидагам̣, аяам̣ д̣̇ийгханигааяо…бз… аяам̣ куд̣̇д̣̇аганигааяо, имаани суд̇д̇аад̣̇ийни наван̇г̇аани, имаани жад̇ураасийд̇и д̇хаммагканд̇хасахассааний’’д̇и, имам̣ бабхзд̣̇ам̣ вавад̇т̇абзд̇ваава сан̇г̇ийд̇ам̣. на гзвалан̃жа имамзва, ан̃н̃амби уд̣̇д̣̇аанасан̇г̇аха-ваг̇г̇асан̇г̇аха-бзяяааласан̇г̇аха-згаганибаад̇а-д̣̇уганибаад̇аад̣̇инибаад̇асан̇г̇аха-сам̣яуд̇д̇асан̇г̇аха-бан̣н̣аасасан̇г̇ахаад̣̇и-анзгавид̇хам̣ д̇ийсу бидагзсу санд̣̇иссамаанам̣ сан̇г̇ахаббабхзд̣̇ам̣ вавад̇т̇абзд̇ваа зва сад̇д̇ахи маасзхи сан̇г̇ийд̇ам̣.

    Evametaṃ abhedato rasavasena ekavidhaṃ, bhedato dhammavinayādivasena duvidhādibhedaṃ buddhavacanaṃ saṅgāyantena mahākassapappamukhena vasīgaṇena ‘‘ayaṃ dhammo, ayaṃ vinayo, idaṃ paṭhamabuddhavacanaṃ, idaṃ majjhimabuddhavacanaṃ, idaṃ pacchimabuddhavacanaṃ, idaṃ vinayapiṭakaṃ, idaṃ suttantapiṭakaṃ, idaṃ abhidhammapiṭakaṃ, ayaṃ dīghanikāyo…pe… ayaṃ khuddakanikāyo, imāni suttādīni navaṅgāni, imāni caturāsīti dhammakkhandhasahassānī’’ti, imaṃ pabhedaṃ vavatthapetvāva saṅgītaṃ. Na kevalañca imameva, aññampi uddānasaṅgaha-vaggasaṅgaha-peyyālasaṅgaha-ekakanipāta-dukanipātādinipātasaṅgaha-saṃyuttasaṅgaha-paṇṇāsasaṅgahādi-anekavidhaṃ tīsu piṭakesu sandissamānaṃ saṅgahappabhedaṃ vavatthapetvā eva sattahi māsehi saṅgītaṃ.

    сан̇г̇ийд̇ибарияосаанз жасса – ‘‘ид̣̇ам̣ махаагассабад̇т̇зрзна д̣̇асаб̣аласса саасанам̣ бан̃жавассасахассабаримаан̣агаалам̣ бавад̇д̇анасамад̇т̇ам̣ гад̇а’’нд̇и сан̃ж̇аад̇аббамод̣̇аа саад̇хугаарам̣ вияа д̣̇ад̣̇амаанаа аяам̣ махаабат̇авий уд̣̇агабарияанд̇ам̣ гад̇ваа анзгаббагаарам̣ гамби сан̇гамби самбагамби самбавзд̇хи, анзгаани жа ажчарияаани баад̇урахзсунд̇и, аяам̣ батамамахаасан̇г̇ийд̇и наама. яаа логз –

    Saṅgītipariyosāne cassa – ‘‘idaṃ mahākassapattherena dasabalassa sāsanaṃ pañcavassasahassaparimāṇakālaṃ pavattanasamatthaṃ kata’’nti sañjātappamodā sādhukāraṃ viya dadamānā ayaṃ mahāpathavī udakapariyantaṃ katvā anekappakāraṃ kampi saṅkampi sampakampi sampavedhi, anekāni ca acchariyāni pāturahesunti, ayaṃ paṭhamamahāsaṅgīti nāma. Yā loke –

    ‘‘сад̇зхи бан̃жахи гад̇аа, д̇зна бан̃жасад̇аад̇и жа;

    ‘‘Satehi pañcahi katā, tena pañcasatāti ca;

    т̇зрзхзва гад̇ад̇д̇аа жа, т̇зригаад̇и бавужжад̇ий’’д̇и.

    Thereheva katattā ca, therikāti pavuccatī’’ti.




    Next: 1. б̣рахмаж̇ааласуд̇д̇аван̣н̣анаа • 1. Brahmajālasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact