| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
куд̣̇д̣̇аганигааяз
Khuddakanikāye
бадисамбхид̣̇аамаг̇г̇а-адтагат̇аа
Paṭisambhidāmagga-aṭṭhakathā
(батамо бхааг̇о)
(Paṭhamo bhāgo)
г̇ант̇аарамбхагат̇аа
Ganthārambhakathā
яо саб̣б̣алогаад̇иг̇асаб̣б̣асобхаа-
Yo sabbalokātigasabbasobhā-
яуд̇д̇зхи саб̣б̣зхи г̇ун̣зхи яуд̇д̇о;
Yuttehi sabbehi guṇehi yutto;
д̣̇осзхи саб̣б̣зхи саваасанзхи,
Dosehi sabbehi savāsanehi,
муд̇д̇о вимуд̇д̇им̣ бараман̃жа д̣̇аад̇аа.
Mutto vimuttiṃ paramañca dātā.
нижжам̣ д̣̇аяаажанд̣̇анасийд̇ажид̇д̇о,
Niccaṃ dayācandanasītacitto,
бан̃н̃ааравиж̇ж̇од̇ид̇асаб̣б̣анзяяо;
Paññāravijjotitasabbaneyyo;
саб̣б̣зсу бхууд̇зсу д̇амаг̇г̇абхууд̇ам̣,
Sabbesu bhūtesu tamaggabhūtaṃ,
бхууд̇ад̇т̇анаат̇ам̣ сирасаа намид̇ваа.
Bhūtatthanāthaṃ sirasā namitvā.
яо саб̣б̣абхууд̇зсу мунийва аг̇г̇о, ананд̇асан̇кзсу ж̇инад̇д̇аж̇зсу;
Yo sabbabhūtesu munīva aggo, anantasaṅkhesu jinattajesu;
ахуу д̣̇аяаан̃аан̣аг̇ун̣зхи сад̇т̇улийлаанугаарий ж̇анад̇аахид̇зсу.
Ahū dayāñāṇaguṇehi satthulīlānukārī janatāhitesu.
д̇ам̣ саарибуд̇д̇ам̣ мунирааж̇абуд̇д̇ам̣, т̇зрам̣ т̇ираанзгаг̇ун̣аабхираамам̣;
Taṃ sāriputtaṃ munirājaputtaṃ, theraṃ thirānekaguṇābhirāmaṃ;
бан̃н̃аабабхаавуг̇г̇ад̇ажааругид̇д̇им̣, сусанд̇авуд̇д̇ин̃жа ат̇о намид̇ваа.
Paññāpabhāvuggatacārukittiṃ, susantavuttiñca atho namitvā.
сад̣̇д̇хаммажаггаанубавад̇д̇агзна , сад̣̇д̇хаммасзнаабад̇исаавагзна;
Saddhammacakkānupavattakena , saddhammasenāpatisāvakena;
суд̇д̇зсу вуд̇д̇зсу д̇ат̇ааг̇ад̇зна, бхууд̇ад̇т̇авзд̣̇ид̇д̇амубааг̇ад̇зна.
Suttesu vuttesu tathāgatena, bhūtatthavedittamupāgatena.
яо бхаасид̇о бхаасид̇аговид̣̇зна, д̇хаммаббад̣̇ийбуж̇ж̇аланааяагзна;
Yo bhāsito bhāsitakovidena, dhammappadīpujjalanāyakena;
баато висидто бадисамбхид̣̇аанам̣, маг̇г̇од̇и д̇аннаамависзсид̇о жа.
Pāṭho visiṭṭho paṭisambhidānaṃ, maggoti tannāmavisesito ca.
вижид̇д̇анаанад̇д̇анаяобаг̇уул̣хо, г̇амбхийрабан̃н̃зхи сад̣̇ааваг̇аал̣хо;
Vicittanānattanayopagūḷho, gambhīrapaññehi sadāvagāḷho;
ад̇д̇ад̇т̇алогад̇т̇абарааяан̣зхи, сам̣сзванийяо суж̇анзхи нижжам̣.
Attatthalokatthaparāyaṇehi, saṃsevanīyo sujanehi niccaṃ.
н̃аан̣аббабхзд̣̇ааваханасса д̇асса, яог̇ийхинзгзхи нисзвид̇асса;
Ñāṇappabhedāvahanassa tassa, yogīhinekehi nisevitassa;
ад̇т̇ам̣ абуб̣б̣ам̣ ануван̣н̣аяанд̇о, суд̇д̇ан̃жа яуд̇д̇ин̃жа ануггаманд̇о.
Atthaṃ apubbaṃ anuvaṇṇayanto, suttañca yuttiñca anukkamanto.
авоггаманд̇о самаяаа сагаа жа, анаамасанд̇о самаяам̣ баран̃жа;
Avokkamanto samayā sakā ca, anāmasanto samayaṃ parañca;
буб̣б̣обад̣̇зсадтагат̇аанаяан̃жа, яат̇аануруубам̣ убасам̣харанд̇о.
Pubbopadesaṭṭhakathānayañca, yathānurūpaṃ upasaṃharanto.
вагкаамахам̣ адтагат̇ам̣ ж̇анасса, хид̇ааяа сад̣̇д̇хаммажирадтид̇ад̇т̇ам̣;
Vakkhāmahaṃ aṭṭhakathaṃ janassa, hitāya saddhammaciraṭṭhitatthaṃ;
саггажжа сад̣̇д̇хаммабагаасиним̣ д̇ам̣, сун̣аат̇а д̇хаарзт̇а жа саад̇ху санд̇од̇и.
Sakkacca saddhammapakāsiniṃ taṃ, suṇātha dhāretha ca sādhu santoti.
д̇ад̇т̇а бадисамбхид̣̇аанам̣ маг̇г̇од̇и д̇аннаамависзсид̇о жаад̇и вуд̇д̇ад̇д̇аа бадисамбхид̣̇аамаг̇г̇асса бадисамбхид̣̇аамаг̇г̇ад̇аа д̇аава вад̇д̇аб̣б̣аа. жад̇ассо хи бадисамбхид̣̇аа – ад̇т̇абадисамбхид̣̇аа, д̇хаммабадисамбхид̣̇аа, нируд̇д̇ибадисамбхид̣̇аа, бадибхаанабадисамбхид̣̇аад̇и. д̇аасам̣ бадисамбхид̣̇аанам̣ маг̇г̇о ад̇хиг̇амуубааяод̇и бадисамбхид̣̇аамаг̇г̇о, бадисамбхид̣̇аабадилаабхахзд̇ууд̇и вуд̇д̇ам̣ ход̇и. гат̇амаяам̣ д̇аасам̣ маг̇г̇о ход̇ийд̇и жз? бабхзд̣̇ад̇о д̣̇зсид̇ааяа д̣̇зсанааяа бадисамбхид̣̇аан̃аан̣аавахад̇д̇аа. наанаабхзд̣̇абхиннаанан̃хи д̇хаммаанам̣ наанаабхзд̣̇абхиннаа д̣̇зсанаа сод̇уунам̣ арияабуг̇г̇алаанам̣ бадисамбхид̣̇аан̃аан̣аббабхзд̣̇ан̃жа сан̃ж̇анзд̇и, бут̇уж̇ж̇анаанам̣ ааяад̇им̣ бадисамбхид̣̇аан̃аан̣аббабхзд̣̇ааяа жа бажжаяо ход̇и. вуд̇д̇ан̃жа – ‘‘бабхзд̣̇ад̇о хи д̣̇зсанаа гханавиниб̣бхог̇абадисамбхид̣̇аан̃аан̣аавахаа ход̇ий’’д̇и (д̇ха. са. адта. 1.гаамааважарагусалабад̣̇абхааж̇анийяа). аяан̃жа наанаабхзд̣̇абхиннаа д̣̇зсанаа, д̇знассаа бадисамбхид̣̇аанам̣ маг̇г̇ад̇д̇асид̣̇д̇хи.
Tattha paṭisambhidānaṃ maggoti tannāmavisesito cāti vuttattā paṭisambhidāmaggassa paṭisambhidāmaggatā tāva vattabbā. Catasso hi paṭisambhidā – atthapaṭisambhidā, dhammapaṭisambhidā, niruttipaṭisambhidā, paṭibhānapaṭisambhidāti. Tāsaṃ paṭisambhidānaṃ maggo adhigamūpāyoti paṭisambhidāmaggo, paṭisambhidāpaṭilābhahetūti vuttaṃ hoti. Kathamayaṃ tāsaṃ maggo hotīti ce? Pabhedato desitāya desanāya paṭisambhidāñāṇāvahattā. Nānābhedabhinnānañhi dhammānaṃ nānābhedabhinnā desanā sotūnaṃ ariyapuggalānaṃ paṭisambhidāñāṇappabhedañca sañjaneti, puthujjanānaṃ āyatiṃ paṭisambhidāñāṇappabhedāya ca paccayo hoti. Vuttañca – ‘‘pabhedato hi desanā ghanavinibbhogapaṭisambhidāñāṇāvahā hotī’’ti (dha. sa. aṭṭha. 1.kāmāvacarakusalapadabhājanīya). Ayañca nānābhedabhinnā desanā, tenassā paṭisambhidānaṃ maggattasiddhi.
д̇ад̇т̇а жад̇ассод̇и г̇ан̣анабарижчзд̣̇о. бадисамбхид̣̇аад̇и бабхзд̣̇аа. ‘‘ад̇т̇з н̃аан̣ам̣ ад̇т̇абадисамбхид̣̇аа, д̇хаммз н̃аан̣ам̣ д̇хаммабадисамбхид̣̇аа, д̇ад̇ра д̇хамманируд̇д̇аабхилаабз н̃аан̣ам̣ нируд̇д̇ибадисамбхид̣̇аа, н̃аан̣зсу н̃аан̣ам̣ бадибхаанабадисамбхид̣̇аа’’д̇и (вибха. 718) вуд̇д̇ад̇д̇аа на ан̃н̃асса гассажи бабхзд̣̇аа, н̃аан̣ассзва бабхзд̣̇аа. д̇асмаа ‘‘жад̇ассо бадисамбхид̣̇аа’’д̇и жад̇д̇ааро н̃аан̣аббабхзд̣̇аад̇и ад̇т̇о. ад̇т̇аббабхзд̣̇асса саллагкан̣авибхааванававад̇т̇аанагаран̣асамад̇т̇ам̣ ад̇т̇з бабхзд̣̇аг̇ад̇ам̣ н̃аан̣ам̣ ад̇т̇абадисамбхид̣̇аа. д̇хаммаббабхзд̣̇асса саллагкан̣авибхааванававад̇т̇аанагаран̣асамад̇т̇ам̣ д̇хаммз бабхзд̣̇аг̇ад̇ам̣ н̃аан̣ам̣ д̇хаммабадисамбхид̣̇аа. нируд̇д̇иббабхзд̣̇асса саллагкан̣авибхааванававад̇т̇аанагаран̣асамад̇т̇ам̣ нируд̇д̇аабхилаабз бабхзд̣̇аг̇ад̇ам̣ н̃аан̣ам̣ нируд̇д̇ибадисамбхид̣̇аа. бадибхаанаббабхзд̣̇асса саллагкан̣авибхааванававад̇т̇аанагаран̣асамад̇т̇ам̣ бадибхаанз бабхзд̣̇аг̇ад̇ам̣ н̃аан̣ам̣ бадибхаанабадисамбхид̣̇аа.
Tattha catassoti gaṇanaparicchedo. Paṭisambhidāti pabhedā. ‘‘Atthe ñāṇaṃ atthapaṭisambhidā, dhamme ñāṇaṃ dhammapaṭisambhidā, tatra dhammaniruttābhilāpe ñāṇaṃ niruttipaṭisambhidā, ñāṇesu ñāṇaṃ paṭibhānapaṭisambhidā’’ti (vibha. 718) vuttattā na aññassa kassaci pabhedā, ñāṇasseva pabhedā. Tasmā ‘‘catasso paṭisambhidā’’ti cattāro ñāṇappabhedāti attho. Atthappabhedassa sallakkhaṇavibhāvanavavatthānakaraṇasamatthaṃ atthe pabhedagataṃ ñāṇaṃ atthapaṭisambhidā. Dhammappabhedassa sallakkhaṇavibhāvanavavatthānakaraṇasamatthaṃ dhamme pabhedagataṃ ñāṇaṃ dhammapaṭisambhidā. Niruttippabhedassa sallakkhaṇavibhāvanavavatthānakaraṇasamatthaṃ niruttābhilāpe pabhedagataṃ ñāṇaṃ niruttipaṭisambhidā. Paṭibhānappabhedassa sallakkhaṇavibhāvanavavatthānakaraṇasamatthaṃ paṭibhāne pabhedagataṃ ñāṇaṃ paṭibhānapaṭisambhidā.
д̇ад̇т̇а ад̇т̇од̇и сан̇кзбад̇о хзд̇упалам̣. д̇ан̃хи яасмаа хзд̇уанусаарзна арийяад̇и ад̇хиг̇амийяад̇и баабун̣ийяад̇и, д̇асмаа ад̇т̇од̇и вужжад̇и. бабхзд̣̇ад̇о бана яам̣гин̃жи бажжаяасамуббаннам̣, ниб̣б̣аанам̣, бхаасид̇ад̇т̇о, вибааго, гирияаад̇и имз бан̃жа д̇хаммаа ад̇т̇од̇и взд̣̇ид̇аб̣б̣аа. д̇ам̣ ад̇т̇ам̣ бажжавзгканд̇асса д̇асмим̣ ад̇т̇з бабхзд̣̇аг̇ад̇ам̣ н̃аан̣ам̣ ад̇т̇абадисамбхид̣̇аа.
Tattha atthoti saṅkhepato hetuphalaṃ. Tañhi yasmā hetuanusārena arīyati adhigamīyati pāpuṇīyati, tasmā atthoti vuccati. Pabhedato pana yaṃkiñci paccayasamuppannaṃ, nibbānaṃ, bhāsitattho, vipāko, kiriyāti ime pañca dhammā atthoti veditabbā. Taṃ atthaṃ paccavekkhantassa tasmiṃ atthe pabhedagataṃ ñāṇaṃ atthapaṭisambhidā.
д̇хаммод̇и сан̇кзбад̇о бажжаяо. со хи яасмаа д̇ам̣ д̇ам̣ вид̣̇ахад̇и бавад̇д̇зд̇и жзва баабзд̇и жа, д̇асмаа д̇хаммод̇и вужжад̇и. бабхзд̣̇ад̇о бана яо гожи паланиб̣б̣ад̇д̇аго хзд̇у, арияамаг̇г̇о, бхаасид̇ам̣, гусалам̣, агусаланд̇и имз бан̃жа д̇хаммаа д̇хаммод̇и взд̣̇ид̇аб̣б̣аа. д̇ам̣ д̇хаммам̣ бажжавзгканд̇асса д̇асмим̣ д̇хаммз бабхзд̣̇аг̇ад̇ам̣ н̃аан̣ам̣ д̇хаммабадисамбхид̣̇аа. аяамзва хи ад̇т̇о абхид̇хаммз (вибха. 719-725) –
Dhammoti saṅkhepato paccayo. So hi yasmā taṃ taṃ vidahati pavatteti ceva pāpeti ca, tasmā dhammoti vuccati. Pabhedato pana yo koci phalanibbattako hetu, ariyamaggo, bhāsitaṃ, kusalaṃ, akusalanti ime pañca dhammā dhammoti veditabbā. Taṃ dhammaṃ paccavekkhantassa tasmiṃ dhamme pabhedagataṃ ñāṇaṃ dhammapaṭisambhidā. Ayameva hi attho abhidhamme (vibha. 719-725) –
‘‘д̣̇угкз н̃аан̣ам̣ ад̇т̇абадисамбхид̣̇аа, д̣̇угкасамуд̣̇аяз н̃аан̣ам̣ д̇хаммабадисамбхид̣̇аа, д̣̇угканирод̇хз н̃аан̣ам̣ ад̇т̇абадисамбхид̣̇аа, д̣̇угканирод̇хаг̇ааминияаа бадибад̣̇ааяа н̃аан̣ам̣ д̇хаммабадисамбхид̣̇аа. хзд̇умхи н̃аан̣ам̣ д̇хаммабадисамбхид̣̇аа, хзд̇упалз н̃аан̣ам̣ ад̇т̇абадисамбхид̣̇аа.
‘‘Dukkhe ñāṇaṃ atthapaṭisambhidā, dukkhasamudaye ñāṇaṃ dhammapaṭisambhidā, dukkhanirodhe ñāṇaṃ atthapaṭisambhidā, dukkhanirodhagāminiyā paṭipadāya ñāṇaṃ dhammapaṭisambhidā. Hetumhi ñāṇaṃ dhammapaṭisambhidā, hetuphale ñāṇaṃ atthapaṭisambhidā.
‘‘яз д̇хаммаа ж̇аад̇аа бхууд̇аа сан̃ж̇аад̇аа ниб̣б̣ад̇д̇аа абхиниб̣б̣ад̇д̇аа баад̇убхууд̇аа, имзсу д̇хаммзсу н̃аан̣ам̣ ад̇т̇абадисамбхид̣̇аа, яамхаа д̇хаммаа д̇з д̇хаммаа ж̇аад̇аа бхууд̇аа сан̃ж̇аад̇аа ниб̣б̣ад̇д̇аа абхиниб̣б̣ад̇д̇аа баад̇убхууд̇аа, д̇зсу д̇хаммзсу н̃аан̣ам̣ д̇хаммабадисамбхид̣̇аа.
‘‘Ye dhammā jātā bhūtā sañjātā nibbattā abhinibbattā pātubhūtā, imesu dhammesu ñāṇaṃ atthapaṭisambhidā, yamhā dhammā te dhammā jātā bhūtā sañjātā nibbattā abhinibbattā pātubhūtā, tesu dhammesu ñāṇaṃ dhammapaṭisambhidā.
‘‘ж̇араамаран̣з н̃аан̣ам̣ ад̇т̇абадисамбхид̣̇аа, ж̇араамаран̣асамуд̣̇аяз н̃аан̣ам̣ д̇хаммабадисамбхид̣̇аа, ж̇араамаран̣анирод̇хз н̃аан̣ам̣ ад̇т̇абадисамбхид̣̇аа, ж̇араамаран̣анирод̇хаг̇ааминияаа бадибад̣̇ааяа н̃аан̣ам̣ д̇хаммабадисамбхид̣̇аа.
‘‘Jarāmaraṇe ñāṇaṃ atthapaṭisambhidā, jarāmaraṇasamudaye ñāṇaṃ dhammapaṭisambhidā, jarāmaraṇanirodhe ñāṇaṃ atthapaṭisambhidā, jarāmaraṇanirodhagāminiyā paṭipadāya ñāṇaṃ dhammapaṭisambhidā.
‘‘ж̇аад̇ияаа н̃аан̣ам̣…бз… бхавз н̃аан̣ам̣…бз… убаад̣̇аанз н̃аан̣ам̣…бз… д̇ан̣хааяа н̃аан̣ам̣…бз… взд̣̇анааяа н̃аан̣ам̣…бз… пассз н̃аан̣ам̣….бз… сал̣ааяад̇анз н̃аан̣ам̣….бз… наамаруубз н̃аан̣ам̣…бз… вин̃н̃аан̣з н̃аан̣ам̣…бз… сан̇каарзсу н̃аан̣ам̣ ад̇т̇абадисамбхид̣̇аа, сан̇каарасамуд̣̇аяз н̃аан̣ам̣ д̇хаммабадисамбхид̣̇аа, сан̇кааранирод̇хз н̃аан̣ам̣ ад̇т̇абадисамбхид̣̇аа, сан̇кааранирод̇хаг̇ааминияаа бадибад̣̇ааяа н̃аан̣ам̣ д̇хаммабадисамбхид̣̇аа.
‘‘Jātiyā ñāṇaṃ…pe… bhave ñāṇaṃ…pe… upādāne ñāṇaṃ…pe… taṇhāya ñāṇaṃ…pe… vedanāya ñāṇaṃ…pe… phasse ñāṇaṃ….pe… saḷāyatane ñāṇaṃ….pe… nāmarūpe ñāṇaṃ…pe… viññāṇe ñāṇaṃ…pe… saṅkhāresu ñāṇaṃ atthapaṭisambhidā, saṅkhārasamudaye ñāṇaṃ dhammapaṭisambhidā, saṅkhāranirodhe ñāṇaṃ atthapaṭisambhidā, saṅkhāranirodhagāminiyā paṭipadāya ñāṇaṃ dhammapaṭisambhidā.
‘‘ид̇ха бхигку д̇хаммам̣ ж̇аанаад̇и – суд̇д̇ам̣ г̇зяяам̣ взяяаагаран̣ам̣ г̇аат̇ам̣ уд̣̇аанам̣ ид̇ивуд̇д̇агам̣ ж̇аад̇агам̣ аб̣бхуд̇ад̇хаммам̣ взд̣̇аллам̣. аяам̣ вужжад̇и д̇хаммабадисамбхид̣̇аа. со д̇асса д̇ассзва бхаасид̇асса ад̇т̇ам̣ ж̇аанаад̇и ‘аяам̣ имасса бхаасид̇асса ад̇т̇о, аяам̣ имасса бхаасид̇асса ад̇т̇о’д̇и. аяам̣ вужжад̇и ад̇т̇абадисамбхид̣̇аа.
‘‘Idha bhikkhu dhammaṃ jānāti – suttaṃ geyyaṃ veyyākaraṇaṃ gāthaṃ udānaṃ itivuttakaṃ jātakaṃ abbhutadhammaṃ vedallaṃ. Ayaṃ vuccati dhammapaṭisambhidā. So tassa tasseva bhāsitassa atthaṃ jānāti ‘ayaṃ imassa bhāsitassa attho, ayaṃ imassa bhāsitassa attho’ti. Ayaṃ vuccati atthapaṭisambhidā.
‘‘гад̇амз д̇хаммаа гусалаа? яасмим̣ самаяз гаамааважарам̣ гусалам̣ жид̇д̇ам̣ уббаннам̣ ход̇и соманассасахаг̇ад̇ам̣ н̃аан̣асамбаяуд̇д̇ам̣ руубаарамман̣ам̣ ваа…бз… д̇хаммаарамман̣ам̣ ваа яам̣ яам̣ ваа банаараб̣бха д̇асмим̣ самаяз пассо ход̇и…бз… авигкзбо ход̇и. имз д̇хаммаа гусалаа. имзсу д̇хаммзсу н̃аан̣ам̣ д̇хаммабадисамбхид̣̇аа, д̇зсам̣ вибаагз н̃аан̣ам̣ ад̇т̇абадисамбхид̣̇аа’’д̇иаад̣̇инаа наязна вибхаж̇ид̇ваа вибхаж̇ид̇ваа д̣̇ассид̇о.
‘‘Katame dhammā kusalā? Yasmiṃ samaye kāmāvacaraṃ kusalaṃ cittaṃ uppannaṃ hoti somanassasahagataṃ ñāṇasampayuttaṃ rūpārammaṇaṃ vā…pe… dhammārammaṇaṃ vā yaṃ yaṃ vā panārabbha tasmiṃ samaye phasso hoti…pe… avikkhepo hoti. Ime dhammā kusalā. Imesu dhammesu ñāṇaṃ dhammapaṭisambhidā, tesaṃ vipāke ñāṇaṃ atthapaṭisambhidā’’tiādinā nayena vibhajitvā vibhajitvā dassito.
д̇ад̇ра д̇хамманируд̇д̇аабхилаабз н̃аан̣анд̇и д̇асмим̣ ад̇т̇з жа д̇хаммз жа яаа сабхааванируд̇д̇и аб̣яабхижааривохааро, д̇асса абхилаабз бхаасанз уд̣̇ийран̣з д̇ам̣ лабид̇ам̣ бхаасид̇ам̣ уд̣̇ийрид̇ам̣ сабхааванируд̇д̇исад̣̇д̣̇ам̣ аарамман̣ам̣ гад̇ваа бажжавзгканд̇асса д̇асмим̣ сабхааванируд̇д̇аабхилаабз ‘‘аяам̣ сабхааванируд̇д̇и, аяам̣ на сабхааванируд̇д̇ий’’д̇и звам̣ д̇ассаа д̇хамманируд̇д̇исан̃н̃ид̇ааяа сабхааванируд̇д̇ияаа мааг̇ад̇хигааяа саб̣б̣асад̇д̇аанам̣ муулабхаасааяа бабхзд̣̇аг̇ад̇ам̣ н̃аан̣ам̣ нируд̇д̇ибадисамбхид̣̇аа. звамаяам̣ нируд̇д̇ибадисамбхид̣̇аа сад̣̇д̣̇аарамман̣аа наама ж̇аад̇аа, на бан̃н̃ад̇д̇иаарамман̣аа. гасмаа? яасмаа сад̣̇д̣̇ам̣ суд̇ваа ‘‘аяам̣ сабхааванируд̇д̇и, аяам̣ на сабхааванируд̇д̇ий’’д̇и ж̇аанаад̇и. бадисамбхид̣̇ааббад̇д̇о хи ‘‘пассо’’д̇и вуд̇д̇з ‘‘аяам̣ сабхааванируд̇д̇ий’’д̇и ж̇аанаад̇и, ‘‘пассаа’’д̇и ваа ‘‘пасса’’нд̇и ваа вуд̇д̇з бана ‘‘аяам̣ на сабхааванируд̇д̇ий’’д̇и ж̇аанаад̇и. взд̣̇анаад̣̇ийсуби зсзва наяо. ан̃н̃ам̣ банзса наамаакяаад̇аубасаг̇г̇анибаад̇аб̣яан̃ж̇анасад̣̇д̣̇ам̣ ж̇аанаад̇и на ж̇аанаад̇ийд̇и? яад̣̇аг̇г̇зна сад̣̇д̣̇ам̣ суд̇ваа ‘‘аяам̣ сабхааванируд̇д̇и, аяам̣ на сабхааванируд̇д̇ий’’д̇и ж̇аанаад̇и, д̇ад̣̇аг̇г̇зна д̇амби ж̇ааниссад̇и. д̇ам̣ бана наяид̣̇ам̣ бадисамбхид̣̇аагижжанд̇и бадигкибид̇ваа ‘‘бхаасам̣ наама сад̇д̇аа уг̇г̇ан̣ханд̇ий’’д̇и вад̇ваа ид̣̇ам̣ гат̇ид̇ам̣ – маад̇аабид̇аро хи д̣̇ахарагаалз гумаарагз ман̃жз ваа бийтз ваа нибаж̇ж̇аабзд̇ваа д̇ам̣ д̇ам̣ гат̇аяамаанаа д̇аани д̇аани гижжаани гаронд̇и, д̣̇аарагаа д̇зсам̣ д̇ам̣ д̇ам̣ бхаасам̣ вавад̇т̇аабзнд̇и ‘‘иминаа ид̣̇ам̣ вуд̇д̇ам̣, иминаа ид̣̇ам̣ вуд̇д̇а’’нд̇и. г̇ажчанд̇з г̇ажчанд̇з гаалз саб̣б̣амби бхаасам̣ ж̇аананд̇и. маад̇аа д̣̇амил̣ий, бид̇аа анд̇хаго. д̇зсам̣ ж̇аад̇ад̣̇аараго сажз маад̇у гат̇ам̣ батамам̣ сун̣аад̇и , д̣̇амил̣абхаасам̣ бхаасиссад̇и. сажз бид̇у гат̇ам̣ батамам̣ сун̣аад̇и, анд̇хагабхаасам̣ бхаасиссад̇и. убхиннамби бана гат̇ам̣ асун̣анд̇о мааг̇ад̇хигабхаасам̣ бхаасиссад̇и.
Tatra dhammaniruttābhilāpe ñāṇanti tasmiṃ atthe ca dhamme ca yā sabhāvanirutti abyabhicārivohāro, tassa abhilāpe bhāsane udīraṇe taṃ lapitaṃ bhāsitaṃ udīritaṃ sabhāvaniruttisaddaṃ ārammaṇaṃ katvā paccavekkhantassa tasmiṃ sabhāvaniruttābhilāpe ‘‘ayaṃ sabhāvanirutti, ayaṃ na sabhāvaniruttī’’ti evaṃ tassā dhammaniruttisaññitāya sabhāvaniruttiyā māgadhikāya sabbasattānaṃ mūlabhāsāya pabhedagataṃ ñāṇaṃ niruttipaṭisambhidā. Evamayaṃ niruttipaṭisambhidā saddārammaṇā nāma jātā, na paññattiārammaṇā. Kasmā? Yasmā saddaṃ sutvā ‘‘ayaṃ sabhāvanirutti, ayaṃ na sabhāvaniruttī’’ti jānāti. Paṭisambhidāppatto hi ‘‘phasso’’ti vutte ‘‘ayaṃ sabhāvaniruttī’’ti jānāti, ‘‘phassā’’ti vā ‘‘phassa’’nti vā vutte pana ‘‘ayaṃ na sabhāvaniruttī’’ti jānāti. Vedanādīsupi eseva nayo. Aññaṃ panesa nāmākhyātaupasagganipātabyañjanasaddaṃ jānāti na jānātīti? Yadaggena saddaṃ sutvā ‘‘ayaṃ sabhāvanirutti, ayaṃ na sabhāvaniruttī’’ti jānāti, tadaggena tampi jānissati. Taṃ pana nayidaṃ paṭisambhidākiccanti paṭikkhipitvā ‘‘bhāsaṃ nāma sattā uggaṇhantī’’ti vatvā idaṃ kathitaṃ – mātāpitaro hi daharakāle kumārake mañce vā pīṭhe vā nipajjāpetvā taṃ taṃ kathayamānā tāni tāni kiccāni karonti, dārakā tesaṃ taṃ taṃ bhāsaṃ vavatthāpenti ‘‘iminā idaṃ vuttaṃ, iminā idaṃ vutta’’nti. Gacchante gacchante kāle sabbampi bhāsaṃ jānanti. Mātā damiḷī, pitā andhako. Tesaṃ jātadārako sace mātu kathaṃ paṭhamaṃ suṇāti , damiḷabhāsaṃ bhāsissati. Sace pitu kathaṃ paṭhamaṃ suṇāti, andhakabhāsaṃ bhāsissati. Ubhinnampi pana kathaṃ asuṇanto māgadhikabhāsaṃ bhāsissati.
яоби аг̇аамагз махаааран̃н̃з ниб̣б̣ад̇д̇о, д̇ад̇т̇а ан̃н̃о гат̇знд̇о наама над̇т̇и, соби ад̇д̇ано д̇хаммад̇ааяа важанам̣ самудтаабзнд̇о мааг̇ад̇хигабхаасамзва бхаасиссад̇и. нираяз д̇иражчаанаяонияам̣ бзд̇д̇ивисаяз мануссалогз д̣̇звалогзд̇и саб̣б̣ад̇т̇а мааг̇ад̇хигабхаасаава уссаннаа. д̇ад̇т̇а сзсаа оддагираад̇аанд̇хагаяонагад̣̇амил̣абхаасаад̣̇игаа бхаасаа баривад̇д̇анд̇и. аяамзвзгаа яат̇аабхужжаб̣рахмавохаараарияавохаарасан̇каад̇аа мааг̇ад̇хигабхаасаа на баривад̇д̇ад̇и. саммаасамб̣уд̣̇д̇хоби д̇збидагам̣ б̣уд̣̇д̇хаважанам̣ д̇анд̇им̣ ааробзнд̇о мааг̇ад̇хигабхаасааяа зва ааробзси. гасмаа? зван̃хи ад̇т̇ам̣ аахарид̇ум̣ сукам̣ ход̇и. мааг̇ад̇хигабхаасааяа хи д̇анд̇им̣ аарул̣хасса б̣уд̣̇д̇хаважанасса бадисамбхид̣̇ааббад̇д̇аанам̣ сод̇абат̇ааг̇аманамзва бабан̃жо . сод̇з бана сан̇гхаддид̇амад̇д̇зязва наяасад̇зна наяасахассзна ад̇т̇о убадтаад̇и. ан̃н̃ааяа бана бхаасааяа д̇анд̇им̣ аарул̣хагам̣ бот̇зд̇ваа бот̇зд̇ваа уг̇г̇ахзд̇аб̣б̣ам̣ ход̇и. б̣ахумби уг̇г̇ахзд̇ваа бана бут̇уж̇ж̇анасса бадисамбхид̣̇ааббад̇д̇и наама над̇т̇и, арияасааваго но бадисамбхид̣̇ааббад̇д̇о наама над̇т̇и.
Yopi agāmake mahāaraññe nibbatto, tattha añño kathento nāma natthi, sopi attano dhammatāya vacanaṃ samuṭṭhāpento māgadhikabhāsameva bhāsissati. Niraye tiracchānayoniyaṃ pettivisaye manussaloke devaloketi sabbattha māgadhikabhāsāva ussannā. Tattha sesā oṭṭakirātaandhakayonakadamiḷabhāsādikā bhāsā parivattanti. Ayamevekā yathābhuccabrahmavohāraariyavohārasaṅkhātā māgadhikabhāsā na parivattati. Sammāsambuddhopi tepiṭakaṃ buddhavacanaṃ tantiṃ āropento māgadhikabhāsāya eva āropesi. Kasmā? Evañhi atthaṃ āharituṃ sukhaṃ hoti. Māgadhikabhāsāya hi tantiṃ āruḷhassa buddhavacanassa paṭisambhidāppattānaṃ sotapathāgamanameva papañco . Sote pana saṅghaṭṭitamatteyeva nayasatena nayasahassena attho upaṭṭhāti. Aññāya pana bhāsāya tantiṃ āruḷhakaṃ pothetvā pothetvā uggahetabbaṃ hoti. Bahumpi uggahetvā pana puthujjanassa paṭisambhidāppatti nāma natthi, ariyasāvako no paṭisambhidāppatto nāma natthi.
н̃аан̣зсу н̃аан̣анд̇и саб̣б̣ад̇т̇аган̃аан̣амаарамман̣ам̣ гад̇ваа бажжавзгканд̇асса д̇асмим̣ н̃аан̣з бабхзд̣̇аг̇ад̇ам̣ н̃аан̣ам̣, яат̇аавуд̇д̇зсу ваа д̇зсу д̇ийсу н̃аан̣зсу г̇ожарагижжаад̣̇ивасзна вид̇т̇аараг̇ад̇ам̣ н̃аан̣ам̣ бадибхаанабадисамбхид̣̇аа.
Ñāṇesu ñāṇanti sabbatthakañāṇamārammaṇaṃ katvā paccavekkhantassa tasmiṃ ñāṇe pabhedagataṃ ñāṇaṃ, yathāvuttesu vā tesu tīsu ñāṇesu gocarakiccādivasena vitthāragataṃ ñāṇaṃ paṭibhānapaṭisambhidā.
имаа бана жад̇ассо бадисамбхид̣̇аа д̣̇вийсу таанзсу бабхзд̣̇ам̣ г̇ажчанд̇и, бан̃жахи гааран̣зхи висад̣̇аа хонд̇ийд̇и взд̣̇ид̇аб̣б̣аа. гад̇амзсу д̣̇вийсу таанзсу бабхзд̣̇ам̣ г̇ажчанд̇и? сзгкабхуумияан̃жа асзгкабхуумияан̃жа. д̇ад̇т̇а саарибуд̇д̇ад̇т̇зрасса махаамог̇г̇аллаанад̇т̇зрасса махаагассабад̇т̇зрасса махаагажжааяанад̇т̇зрасса махаагодтид̇ад̇т̇зрассаад̇и звамаад̣̇ийнам̣ асийд̇ияааби махаат̇зраанам̣ бадисамбхид̣̇аа асзгкабхуумияам̣ бабхзд̣̇ам̣ г̇ад̇аа, аананд̣̇ад̇т̇зрасса, жид̇д̇асса г̇ахабад̇ино, д̇хаммигасса убаасагасса, убаалисса г̇ахабад̇ино, куж̇ж̇уд̇д̇арааяа убаасигааяаад̇извамаад̣̇ийнам̣ бадисамбхид̣̇аа сзгкабхуумияам̣ бабхзд̣̇ам̣ г̇ад̇аад̇и имаасу д̣̇вийсу бхуумийсу бабхзд̣̇ам̣ г̇ажчанд̇и.
Imā pana catasso paṭisambhidā dvīsu ṭhānesu pabhedaṃ gacchanti, pañcahi kāraṇehi visadā hontīti veditabbā. Katamesu dvīsu ṭhānesu pabhedaṃ gacchanti? Sekkhabhūmiyañca asekkhabhūmiyañca. Tattha sāriputtattherassa mahāmoggallānattherassa mahākassapattherassa mahākaccāyanattherassa mahākoṭṭhitattherassāti evamādīnaṃ asītiyāpi mahātherānaṃ paṭisambhidā asekkhabhūmiyaṃ pabhedaṃ gatā, ānandattherassa, cittassa gahapatino, dhammikassa upāsakassa, upālissa gahapatino, khujjuttarāya upāsikāyātievamādīnaṃ paṭisambhidā sekkhabhūmiyaṃ pabhedaṃ gatāti imāsu dvīsu bhūmīsu pabhedaṃ gacchanti.
гад̇амзхи бан̃жахи гааран̣зхи висад̣̇аа хонд̇и? ад̇хиг̇амзна, барияад̇д̇ияаа, саванзна, барибужчааяа, буб̣б̣аяог̇зна. д̇ад̇т̇а ад̇хиг̇амо наама арахад̇д̇аббад̇д̇и. арахад̇д̇ан̃хи бад̇д̇асса бадисамбхид̣̇аа висад̣̇аа хонд̇и. барияад̇д̇и наама б̣уд̣̇д̇хаважанам̣. д̇ан̃хи уг̇г̇ан̣ханд̇асса бадисамбхид̣̇аа висад̣̇аа хонд̇и. саванам̣ наама сад̣̇д̇хаммассаванам̣. саггажжам̣ адтим̣ гад̇ваа д̇хаммам̣ сун̣анд̇асса хи бадисамбхид̣̇аа висад̣̇аа хонд̇и. барибужчаа наама баал̣иадтагат̇аад̣̇ийсу г̇ан̣тибад̣̇аад̇т̇абад̣̇авинижчаяагат̇аа. уг̇г̇ахид̇абаал̣иаад̣̇ийсу хи ад̇т̇ам̣ барибужчанд̇асса бадисамбхид̣̇аа висад̣̇аа хонд̇и. буб̣б̣аяог̇о наама буб̣б̣аб̣уд̣̇д̇хаанам̣ саасанз яог̇ааважарад̇аа г̇ад̇абажжааг̇ад̇игабхаавзна яаава ануломаг̇од̇рабхусамийбам̣ бад̇д̇авибассанаануяог̇о. буб̣б̣аяог̇ааважарасса хи бадисамбхид̣̇аа висад̣̇аа хонд̇и. имзхи бан̃жахи гааран̣зхи висад̣̇аа хонд̇ийд̇и.
Katamehi pañcahi kāraṇehi visadā honti? Adhigamena, pariyattiyā, savanena, paripucchāya, pubbayogena. Tattha adhigamo nāma arahattappatti. Arahattañhi pattassa paṭisambhidā visadā honti. Pariyatti nāma buddhavacanaṃ. Tañhi uggaṇhantassa paṭisambhidā visadā honti. Savanaṃ nāma saddhammassavanaṃ. Sakkaccaṃ aṭṭhiṃ katvā dhammaṃ suṇantassa hi paṭisambhidā visadā honti. Paripucchā nāma pāḷiaṭṭhakathādīsu gaṇṭhipadaatthapadavinicchayakathā. Uggahitapāḷiādīsu hi atthaṃ paripucchantassa paṭisambhidā visadā honti. Pubbayogo nāma pubbabuddhānaṃ sāsane yogāvacaratā gatapaccāgatikabhāvena yāva anulomagotrabhusamīpaṃ pattavipassanānuyogo. Pubbayogāvacarassa hi paṭisambhidā visadā honti. Imehi pañcahi kāraṇehi visadā hontīti.
зд̇зсу бана гааран̣зсу барияад̇д̇и саванам̣ барибужчаад̇и имаани д̇ийн̣и бабхзд̣̇ассзва б̣алавагааран̣аани. буб̣б̣аяог̇о ад̇хиг̇амасса б̣алавабажжаяо, бабхзд̣̇асса ход̇и на ход̇ийд̇и? ход̇и, на бана д̇ат̇аа. барияад̇д̇исаванабарибужчаа хи буб̣б̣з хонд̇у ваа маа ваа, буб̣б̣аяог̇зна бана буб̣б̣з жзва зд̇арахи жа сан̇каарасаммасанам̣ винаа бадисамбхид̣̇аа наама над̇т̇и. имз бана д̣̇взби згад̇о худ̇ваа бадисамбхид̣̇аа убад̇т̇амбхзд̇ваа висад̣̇аа гаронд̇ийд̇и. абарз ааху –
Etesu pana kāraṇesu pariyatti savanaṃ paripucchāti imāni tīṇi pabhedasseva balavakāraṇāni. Pubbayogo adhigamassa balavapaccayo, pabhedassa hoti na hotīti? Hoti, na pana tathā. Pariyattisavanaparipucchā hi pubbe hontu vā mā vā, pubbayogena pana pubbe ceva etarahi ca saṅkhārasammasanaṃ vinā paṭisambhidā nāma natthi. Ime pana dvepi ekato hutvā paṭisambhidā upatthambhetvā visadā karontīti. Apare āhu –
‘‘буб̣б̣аяог̇о б̣аахусажжам̣, д̣̇зсабхаасаа жа ааг̇амо;
‘‘Pubbayogo bāhusaccaṃ, desabhāsā ca āgamo;
барибужчаа ад̇хиг̇амо, г̇арусанниссаяо д̇ат̇аа;
Paripucchā adhigamo, garusannissayo tathā;
мид̇д̇асамбад̇д̇и жзваад̇и, бадисамбхид̣̇абажжаяаа’’д̇и.
Mittasampatti cevāti, paṭisambhidapaccayā’’ti.
д̇ад̇т̇а буб̣б̣аяог̇о вуд̇д̇анаяова. б̣аахусажжам̣ наама д̇зсу д̇зсу сад̇т̇зсу жа сиббааяад̇анзсу жа гусалад̇аа. д̣̇зсабхаасаа наама згасад̇авохаарагусалад̇аа, висзсзна бана мааг̇ад̇хигз госаллам̣. ааг̇амо наама анд̇амасо обаммаваг̇г̇амад̇д̇ассаби б̣уд̣̇д̇хаважанасса барияаабун̣анам̣. барибужчаа наама згаг̇аат̇ааяаби ад̇т̇авинижчаяабужчанам̣. ад̇хиг̇амо наама сод̇аабаннад̇аа ваа сагад̣̇ааг̇аамид̇аа ваа анааг̇аамид̇аа ваа арахад̇д̇ам̣ ваа. г̇арусанниссаяо наама суд̇абадибхаанаб̣ахулаанам̣ г̇аруунам̣ санд̇игз ваасо. мид̇д̇асамбад̇д̇и наама д̇ат̇ааруубаанам̣язва мид̇д̇аанам̣ бадилаабход̇и.
Tattha pubbayogo vuttanayova. Bāhusaccaṃ nāma tesu tesu satthesu ca sippāyatanesu ca kusalatā. Desabhāsā nāma ekasatavohārakusalatā, visesena pana māgadhike kosallaṃ. Āgamo nāma antamaso opammavaggamattassapi buddhavacanassa pariyāpuṇanaṃ. Paripucchā nāma ekagāthāyapi atthavinicchayapucchanaṃ. Adhigamo nāma sotāpannatā vā sakadāgāmitā vā anāgāmitā vā arahattaṃ vā. Garusannissayo nāma sutapaṭibhānabahulānaṃ garūnaṃ santike vāso. Mittasampatti nāma tathārūpānaṃyeva mittānaṃ paṭilābhoti.
д̇ад̇т̇а б̣уд̣̇д̇хаа жа бажжзгаб̣уд̣̇д̇хаа жа буб̣б̣аяог̇ан̃жзва ад̇хиг̇аман̃жа ниссааяа бадисамбхид̣̇аа баабун̣анд̇и, саавагаа саб̣б̣ааниби зд̇аани гааран̣аани. бадисамбхид̣̇ааббад̇д̇ияаа жа баадиязгго гаммадтаанабхааванаануяог̇о наама над̇т̇и, сзгкаанам̣ бана сзгкапалавимогканд̇игаа, асзгкаанам̣ асзгкапалавимогканд̇игаа жа бадисамбхид̣̇ааббад̇д̇и ход̇и. д̇ат̇ааг̇ад̇аанан̃хи д̣̇аса б̣алаани вияа арияаанам̣ арияапалзхзва бадисамбхид̣̇аа иж̇жханд̇ийд̇и. имаасам̣ жад̇ассаннам̣ бадисамбхид̣̇аанам̣ маг̇г̇од̇и бадисамбхид̣̇аамаг̇г̇о, бадисамбхид̣̇аамаг̇г̇о зва багаран̣ам̣ бадисамбхид̣̇аамаг̇г̇аббагаран̣ам̣, багаарзна гарийяанд̇з вужжанд̇з зд̇т̇а наанаабхзд̣̇абхиннаа г̇амбхийраа ад̇т̇аа ид̇и багаран̣ам̣.
Tattha buddhā ca paccekabuddhā ca pubbayogañceva adhigamañca nissāya paṭisambhidā pāpuṇanti, sāvakā sabbānipi etāni kāraṇāni. Paṭisambhidāppattiyā ca pāṭiyekko kammaṭṭhānabhāvanānuyogo nāma natthi, sekkhānaṃ pana sekkhaphalavimokkhantikā, asekkhānaṃ asekkhaphalavimokkhantikā ca paṭisambhidāppatti hoti. Tathāgatānañhi dasa balāni viya ariyānaṃ ariyaphaleheva paṭisambhidā ijjhantīti. Imāsaṃ catassannaṃ paṭisambhidānaṃ maggoti paṭisambhidāmaggo, paṭisambhidāmaggo eva pakaraṇaṃ paṭisambhidāmaggappakaraṇaṃ, pakārena karīyante vuccante ettha nānābhedabhinnā gambhīrā atthā iti pakaraṇaṃ.
д̇ад̣̇зд̇ам̣ бадисамбхид̣̇аамаг̇г̇аббагаран̣ам̣ ад̇т̇асамбаннам̣ б̣яан̃ж̇анасамбаннам̣ г̇амбхийрам̣ г̇амбхийрад̇т̇ам̣ логуд̇д̇араббагаасанам̣ сун̃н̃ад̇аабадисан̃н̃уд̇д̇ам̣ бадибад̇д̇ипалависзсасаад̇ханам̣ бадибад̇д̇ибадибагкабадисзд̇ханам̣ яог̇ааважараанам̣ н̃аан̣аварарад̇анаагарабхууд̇ам̣ д̇хаммагат̇игаанам̣ д̇хаммагат̇аавилаасависзсахзд̇убхууд̇ам̣ сам̣саарабхийругаанам̣ д̣̇угканиссаран̣ам̣ д̇ад̣̇убааяад̣̇ассанзна ассаасаж̇ананад̇т̇ам̣ д̇аббадибагканаасанад̇т̇ан̃жа г̇амбхийрад̇т̇аанан̃жа анзгзсам̣ суд̇д̇анд̇абад̣̇аанам̣ ад̇т̇авиваран̣зна суж̇анахад̣̇аяабарид̇осаж̇ананад̇т̇ам̣ д̇ат̇ааг̇ад̇зна арахад̇аа саммаасамб̣уд̣̇д̇хзна саб̣б̣ад̇т̇а аббадихад̇асаб̣б̣ан̃н̃уд̇ан̃н̃аан̣амахаабад̣̇ийбаавабхаасзна сагалаж̇анавид̇т̇ад̇амахаагарун̣аасинзхасинид̣̇д̇хахад̣̇аязна взнзяяаж̇анахад̣̇аяаг̇ад̇агилзсанд̇хагааравид̇хаманад̇т̇амуж̇ж̇алид̇асса сад̣̇д̇хаммамахаабад̣̇ийбасса д̇ад̣̇ад̇хиббааяавигаасанасинзхабарисзгзна бан̃жавассасахассамавирад̇амуж̇ж̇аланамижчад̇аа логаанугамбагзна сад̇т̇угаббзна д̇хаммарааж̇асса д̇хаммасзнаабад̇инаа ааяасмад̇аа саарибуд̇д̇ад̇т̇зрзна бхаасид̇ам̣ суд̇ваа ааяасмад̇аа аананд̣̇зна батамамахаасан̇г̇ийд̇игаалз яат̇аасуд̇амзва сан̇г̇ийд̇им̣ ааробид̇ам̣.
Tadetaṃ paṭisambhidāmaggappakaraṇaṃ atthasampannaṃ byañjanasampannaṃ gambhīraṃ gambhīratthaṃ lokuttarappakāsanaṃ suññatāpaṭisaññuttaṃ paṭipattiphalavisesasādhanaṃ paṭipattipaṭipakkhapaṭisedhanaṃ yogāvacarānaṃ ñāṇavararatanākarabhūtaṃ dhammakathikānaṃ dhammakathāvilāsavisesahetubhūtaṃ saṃsārabhīrukānaṃ dukkhanissaraṇaṃ tadupāyadassanena assāsajananatthaṃ tappaṭipakkhanāsanatthañca gambhīratthānañca anekesaṃ suttantapadānaṃ atthavivaraṇena sujanahadayaparitosajananatthaṃ tathāgatena arahatā sammāsambuddhena sabbattha appaṭihatasabbaññutaññāṇamahāpadīpāvabhāsena sakalajanavitthatamahākaruṇāsinehasiniddhahadayena veneyyajanahadayagatakilesandhakāravidhamanatthamujjalitassa saddhammamahāpadīpassa tadadhippāyavikāsanasinehaparisekena pañcavassasahassamaviratamujjalanamicchatā lokānukampakena satthukappena dhammarājassa dhammasenāpatinā āyasmatā sāriputtattherena bhāsitaṃ sutvā āyasmatā ānandena paṭhamamahāsaṅgītikāle yathāsutameva saṅgītiṃ āropitaṃ.
д̇ад̣̇зд̇ам̣ винаяабидагам̣ суд̇д̇анд̇абидагам̣ абхид̇хаммабидаганд̇и д̇ийсу бидагзсу суд̇д̇анд̇абидагабарияаабаннам̣. д̣̇ийгханигааяо маж̇жхиманигааяо сам̣яуд̇д̇анигааяо ан̇г̇уд̇д̇аранигааяо куд̣̇д̣̇аганигааяод̇и бан̃жасу махаанигааязсу куд̣̇д̣̇агамахаанигааяабарияаабаннам̣. суд̇д̇ам̣ г̇зяяам̣ взяяаагаран̣ам̣ г̇аат̇аа уд̣̇аанам̣ ид̇ивуд̇д̇агам̣ ж̇аад̇агам̣ аб̣бхуд̇ад̇хаммам̣ взд̣̇алланд̇и навасу сад̇т̇у саасанан̇г̇зсу яат̇аасамбхавам̣ г̇зяяавзяяаагаран̣ан̇г̇ад̣̇ваяасан̇г̇ахид̇ам̣.
Tadetaṃ vinayapiṭakaṃ suttantapiṭakaṃ abhidhammapiṭakanti tīsu piṭakesu suttantapiṭakapariyāpannaṃ. Dīghanikāyo majjhimanikāyo saṃyuttanikāyo aṅguttaranikāyo khuddakanikāyoti pañcasu mahānikāyesu khuddakamahānikāyapariyāpannaṃ. Suttaṃ geyyaṃ veyyākaraṇaṃ gāthā udānaṃ itivuttakaṃ jātakaṃ abbhutadhammaṃ vedallanti navasu satthu sāsanaṅgesu yathāsambhavaṃ geyyaveyyākaraṇaṅgadvayasaṅgahitaṃ.
‘‘д̣̇ваасийд̇и б̣уд̣̇д̇хад̇о г̇ан̣хим̣, д̣̇вз сахассаани бхигкуд̇о;
‘‘Dvāsīti buddhato gaṇhiṃ, dve sahassāni bhikkhuto;
жад̇ураасийд̇и сахассаани, яз мз д̇хаммаа бавад̇д̇ино’’д̇и. (т̇зраг̇аа. 1027) –
Caturāsīti sahassāni, ye me dhammā pavattino’’ti. (theragā. 1027) –
д̇хаммабхан̣д̣ааг̇ааригад̇т̇зрзна бана бан̃жасу таанзсу зд̇ад̣̇аг̇г̇ам̣ ааробид̇зна бадин̃н̃аад̇аанам̣ жад̇ураасийд̇ияаа д̇хаммагканд̇хасахассаанам̣ бхигкуд̇о г̇ахид̇зсу д̣̇вийсу д̇хаммагканд̇хасахассзсу анзгасад̇ад̇хаммагканд̇хасан̇г̇ахид̇ам̣. д̇асса д̇аяо ваг̇г̇аа – махааваг̇г̇о, маж̇жхимаваг̇г̇о, жуул̣аваг̇г̇од̇и. згзгасмим̣ ваг̇г̇асмим̣ д̣̇асад̣̇асагам̣ гад̇ваа н̃аан̣агат̇аад̣̇игаа маад̇игаагат̇аабарияосаанаа самад̇им̣са гат̇аа. зваманзгад̇хаа вавад̇т̇аабид̇асса имасса бадисамбхид̣̇аамаг̇г̇аббагаран̣асса анубуб̣б̣ам̣ абуб̣б̣абад̣̇ад̇т̇аван̣н̣анам̣ гариссаама. иман̃хи багаран̣ам̣ баатад̇о ад̇т̇ад̇о уд̣̇д̣̇исанд̇зна жа нид̣̇д̣̇исанд̇зна жа саггажжам̣ уд̣̇д̣̇исид̇аб̣б̣ам̣ нид̣̇д̣̇исид̇аб̣б̣ан̃жа, уг̇г̇ан̣ханд̇знааби саггажжам̣ уг̇г̇ахзд̇аб̣б̣ам̣ д̇хаарзд̇аб̣б̣ан̃жа. д̇ам̣ гиссахзд̇у? г̇амбхийрад̇д̇аа имасса багаран̣асса логахид̇ааяа логз жирадтид̇ад̇т̇ам̣.
Dhammabhaṇḍāgārikattherena pana pañcasu ṭhānesu etadaggaṃ āropitena paṭiññātānaṃ caturāsītiyā dhammakkhandhasahassānaṃ bhikkhuto gahitesu dvīsu dhammakkhandhasahassesu anekasatadhammakkhandhasaṅgahitaṃ. Tassa tayo vaggā – mahāvaggo, majjhimavaggo, cūḷavaggoti. Ekekasmiṃ vaggasmiṃ dasadasakaṃ katvā ñāṇakathādikā mātikākathāpariyosānā samatiṃsa kathā. Evamanekadhā vavatthāpitassa imassa paṭisambhidāmaggappakaraṇassa anupubbaṃ apubbapadatthavaṇṇanaṃ karissāma. Imañhi pakaraṇaṃ pāṭhato atthato uddisantena ca niddisantena ca sakkaccaṃ uddisitabbaṃ niddisitabbañca, uggaṇhantenāpi sakkaccaṃ uggahetabbaṃ dhāretabbañca. Taṃ kissahetu? Gambhīrattā imassa pakaraṇassa lokahitāya loke ciraṭṭhitatthaṃ.
д̇ад̇т̇а самад̇им̣сааяа гат̇аасу н̃аан̣агат̇аа гасмаа аад̣̇ид̇о гат̇ид̇аад̇и жз? н̃аан̣асса бадибад̇д̇ималависод̇хагад̇д̇зна бадибад̇д̇ияаа аад̣̇ибхууд̇ад̇д̇аа. вуд̇д̇ан̃хи бхаг̇авад̇аа –
Tattha samatiṃsāya kathāsu ñāṇakathā kasmā ādito kathitāti ce? Ñāṇassa paṭipattimalavisodhakattena paṭipattiyā ādibhūtattā. Vuttañhi bhagavatā –
‘‘д̇асмаад̇иха д̇вам̣ бхигку, аад̣̇имзва висод̇хзхи гусалаанам̣ д̇хаммаанам̣. го жаад̣̇и гусалаанам̣ д̇хаммаанам̣, сийлан̃жа сувисуд̣̇д̇хам̣ д̣̇идти жа уж̇угаа’’д̇и (сам̣. ни. 5.369)?
‘‘Tasmātiha tvaṃ bhikkhu, ādimeva visodhehi kusalānaṃ dhammānaṃ. Ko cādi kusalānaṃ dhammānaṃ, sīlañca suvisuddhaṃ diṭṭhi ca ujukā’’ti (saṃ. ni. 5.369)?
уж̇угаа д̣̇идтийд̇и хи саммаад̣̇идтисан̇каад̇ам̣ н̃аан̣ам̣ вуд̇д̇ам̣. д̇асмааби н̃аан̣агат̇аа аад̣̇ид̇о гат̇ид̇аа.
Ujukā diṭṭhīti hi sammādiṭṭhisaṅkhātaṃ ñāṇaṃ vuttaṃ. Tasmāpi ñāṇakathā ādito kathitā.
абарамби вуд̇д̇ам̣ –
Aparampi vuttaṃ –
‘‘д̇ад̇ра, бхигкавз, саммаад̣̇идти буб̣б̣ан̇г̇амаа ход̇и. гат̇ан̃жа, бхигкавз, саммаад̣̇идти буб̣б̣ан̇г̇амаа ход̇и? саммаад̣̇идтим̣ ‘саммаад̣̇идтий’д̇и баж̇аанаад̇и, мижчаад̣̇идтим̣ ‘мижчаад̣̇идтий’д̇и баж̇аанаад̇и. саасса ход̇и саммаад̣̇идти. саммаасан̇габбам̣ ‘саммаасан̇габбо’д̇и баж̇аанаад̇и, мижчаасан̇габбам̣ ‘мижчаасан̇габбо’д̇и баж̇аанаад̇и. саммааваажам̣ ‘саммааваажаа’д̇и баж̇аанаад̇и, мижчааваажам̣ ‘мижчааваажаа’д̇и баж̇аанаад̇и. саммаагамманд̇ам̣ ‘саммаагамманд̇о’д̇и баж̇аанаад̇и, мижчаагамманд̇ам̣ ‘мижчаагамманд̇о’д̇и баж̇аанаад̇и. саммааааж̇ийвам̣ ‘саммааааж̇ийво’д̇и баж̇аанаад̇и, мижчааааж̇ийвам̣ ‘мижчааааж̇ийво’д̇и баж̇аанаад̇и. саммаавааяаамам̣ ‘саммаавааяаамо’д̇и баж̇аанаад̇и, мижчаавааяаамам̣ ‘мижчаавааяаамо’д̇и баж̇аанаад̇и. саммаасад̇им̣ ‘саммаасад̇ий’д̇и баж̇аанаад̇и, мижчаасад̇им̣ ‘мижчаасад̇ий’д̇и баж̇аанаад̇и. саммаасамаад̇хим̣ ‘саммаасамаад̇хий’д̇и баж̇аанаад̇и, мижчаасамаад̇хим̣ ‘мижчаасамаад̇хий’д̇и баж̇аанаад̇и. саасса ход̇и саммаад̣̇идтий’’д̇и (ма. ни. 3.136 аад̣̇аяо).
‘‘Tatra, bhikkhave, sammādiṭṭhi pubbaṅgamā hoti. Kathañca, bhikkhave, sammādiṭṭhi pubbaṅgamā hoti? Sammādiṭṭhiṃ ‘sammādiṭṭhī’ti pajānāti, micchādiṭṭhiṃ ‘micchādiṭṭhī’ti pajānāti. Sāssa hoti sammādiṭṭhi. Sammāsaṅkappaṃ ‘sammāsaṅkappo’ti pajānāti, micchāsaṅkappaṃ ‘micchāsaṅkappo’ti pajānāti. Sammāvācaṃ ‘sammāvācā’ti pajānāti, micchāvācaṃ ‘micchāvācā’ti pajānāti. Sammākammantaṃ ‘sammākammanto’ti pajānāti, micchākammantaṃ ‘micchākammanto’ti pajānāti. Sammāājīvaṃ ‘sammāājīvo’ti pajānāti, micchāājīvaṃ ‘micchāājīvo’ti pajānāti. Sammāvāyāmaṃ ‘sammāvāyāmo’ti pajānāti, micchāvāyāmaṃ ‘micchāvāyāmo’ti pajānāti. Sammāsatiṃ ‘sammāsatī’ti pajānāti, micchāsatiṃ ‘micchāsatī’ti pajānāti. Sammāsamādhiṃ ‘sammāsamādhī’ti pajānāti, micchāsamādhiṃ ‘micchāsamādhī’ti pajānāti. Sāssa hoti sammādiṭṭhī’’ti (ma. ni. 3.136 ādayo).
буб̣б̣ан̇г̇амабхууд̇ааяа хи саммаад̣̇идтияаа сид̣̇д̇хааяа мижчаад̣̇идтийнамби мижчаад̣̇идтибхаавам̣ ж̇ааниссад̇ийд̇и саммаад̣̇идтисан̇каад̇ам̣ н̃аан̣ам̣ д̇аава сод̇хзд̇ум̣ н̃аан̣агат̇аа аад̣̇ид̇о гат̇ид̇аа.
Pubbaṅgamabhūtāya hi sammādiṭṭhiyā siddhāya micchādiṭṭhīnampi micchādiṭṭhibhāvaṃ jānissatīti sammādiṭṭhisaṅkhātaṃ ñāṇaṃ tāva sodhetuṃ ñāṇakathā ādito kathitā.
‘‘абижуд̣̇ааяи , д̇идтад̇у буб̣б̣анд̇о, д̇идтад̇у абаранд̇о, д̇хаммам̣ д̇з д̣̇зсзссаами – имасмим̣ сад̇и ид̣̇ам̣ ход̇и, имассуббаад̣̇аа ид̣̇ам̣ уббаж̇ж̇ад̇и, имасмим̣ асад̇и ид̣̇ам̣ на ход̇и, имасса нирод̇хаа ид̣̇ам̣ нируж̇жхад̇ий’’д̇и (ма. ни. 2.271) жа –
‘‘Apicudāyi , tiṭṭhatu pubbanto, tiṭṭhatu aparanto, dhammaṃ te desessāmi – imasmiṃ sati idaṃ hoti, imassuppādā idaṃ uppajjati, imasmiṃ asati idaṃ na hoti, imassa nirodhā idaṃ nirujjhatī’’ti (ma. ni. 2.271) ca –
буб̣б̣анд̇аабаранд̇ад̣̇идтияо табзд̇ваа н̃аан̣ассзва вуд̇д̇ад̇д̇аа н̃аан̣агат̇аа аад̣̇ид̇о гат̇ид̇аа.
Pubbantāparantadiṭṭhiyo ṭhapetvā ñāṇasseva vuttattā ñāṇakathā ādito kathitā.
‘‘алам̣, субхад̣̇д̣̇а, д̇идтад̇зд̇ам̣ ‘саб̣б̣з д̇з сагааяа бадин̃н̃ааяа аб̣бхан̃н̃им̣су, саб̣б̣зва на аб̣бхан̃н̃им̣су, уд̣̇ааху згажжз аб̣бхан̃н̃им̣су, згажжз на аб̣бхан̃н̃им̣суу’д̇и. д̇хаммам̣ д̇з, субхад̣̇д̣̇а, д̣̇зсзссаами, д̇ам̣ сун̣аахи саад̇хугам̣ манасигарохи, бхаасиссаамий’’д̇и (д̣̇ий. ни. 2.213) жа –
‘‘Alaṃ, subhadda, tiṭṭhatetaṃ ‘sabbe te sakāya paṭiññāya abbhaññiṃsu, sabbeva na abbhaññiṃsu, udāhu ekacce abbhaññiṃsu, ekacce na abbhaññiṃsū’ti. Dhammaṃ te, subhadda, desessāmi, taṃ suṇāhi sādhukaṃ manasikarohi, bhāsissāmī’’ti (dī. ni. 2.213) ca –
бут̇усаман̣аб̣раахман̣абараббаваад̣̇аанам̣ ваад̣̇з табзд̇ваа арияасса адтан̇г̇игасса маг̇г̇асса д̣̇зсид̇ад̇д̇аа, адтан̇г̇игз жа маг̇г̇з саммаад̣̇идтисан̇каад̇асса н̃аан̣асса бад̇хаанад̇д̇аа н̃аан̣агат̇аа аад̣̇ид̇о гат̇ид̇аа.
Puthusamaṇabrāhmaṇaparappavādānaṃ vāde ṭhapetvā ariyassa aṭṭhaṅgikassa maggassa desitattā, aṭṭhaṅgike ca magge sammādiṭṭhisaṅkhātassa ñāṇassa padhānattā ñāṇakathā ādito kathitā.
‘‘жад̇д̇ааримаани, бхигкавз, сод̇аабад̇д̇ияан̇г̇аани саббурисасам̣сзво, сад̣̇д̇хаммассаванам̣, яонисо манасигааро, д̇хаммаануд̇хаммабадибад̇д̇ий’’д̇и (сам̣. ни. 5.1046; д̣̇ий. ни. 3.311) жа –
‘‘Cattārimāni, bhikkhave, sotāpattiyaṅgāni sappurisasaṃsevo, saddhammassavanaṃ, yoniso manasikāro, dhammānudhammapaṭipattī’’ti (saṃ. ni. 5.1046; dī. ni. 3.311) ca –
‘‘сад̣̇д̇хааж̇аад̇о убасан̇гамад̇и, убасан̇гаманд̇о баяирубаасад̇и, баяирубаасанд̇о сод̇ам̣ од̣̇ахад̇и, охид̇асод̇о д̇хаммам̣ сун̣аад̇и, суд̇ваа д̇хаммам̣ д̇хаарзд̇и, д̇хаад̇аанам̣ д̇хаммаанам̣ бан̃н̃ааяа ад̇т̇ам̣ убабаригкад̇и, ад̇т̇ам̣ убабаригкад̇о д̇хаммаа ниж̇жхаанам̣ каманд̇и, д̇хамманиж̇жхаанагканд̇ияаа чанд̣̇о ж̇ааяад̇и, чанд̣̇аж̇аад̇о уссахад̇и, уссахид̇ваа д̇улзд̇и, д̇улаяид̇ваа бад̣̇ахад̇и, бахид̇ад̇д̇о гааязна жзва барамад̇т̇асажжам̣ сажчигарод̇и, бан̃н̃ааяа жа нам̣ бадивиж̇жха бассад̇ий’’д̇и (ма. ни. 2.183, 432) жа –
‘‘Saddhājāto upasaṅkamati, upasaṅkamanto payirupāsati, payirupāsanto sotaṃ odahati, ohitasoto dhammaṃ suṇāti, sutvā dhammaṃ dhāreti, dhātānaṃ dhammānaṃ paññāya atthaṃ upaparikkhati, atthaṃ upaparikkhato dhammā nijjhānaṃ khamanti, dhammanijjhānakkhantiyā chando jāyati, chandajāto ussahati, ussahitvā tuleti, tulayitvā padahati, pahitatto kāyena ceva paramatthasaccaṃ sacchikaroti, paññāya ca naṃ paṭivijjha passatī’’ti (ma. ni. 2.183, 432) ca –
‘‘ид̇ха д̇ат̇ааг̇ад̇о логз уббаж̇ж̇ад̇и…бз… со д̇хаммам̣ д̣̇зсзд̇и аад̣̇игаляаан̣а’’нд̇и аад̣̇ийни (д̣̇ий. ни. 1.190) жа –
‘‘Idha tathāgato loke uppajjati…pe… so dhammaṃ deseti ādikalyāṇa’’nti ādīni (dī. ni. 1.190) ca –
анзгаани суд̇д̇анд̇абад̣̇аани ануломзнд̇зна суд̇амаяз н̃аан̣ам̣ аад̣̇им̣ гад̇ваа яат̇ааггамзна н̃аан̣агат̇аа аад̣̇ид̇о гат̇ид̇аа.
Anekāni suttantapadāni anulomentena sutamaye ñāṇaṃ ādiṃ katvā yathākkamena ñāṇakathā ādito kathitā.
саа банааяам̣ н̃аан̣агат̇аа уд̣̇д̣̇зсанид̣̇д̣̇зсавасзна д̣̇вид̇хаа тид̇аа. уд̣̇д̣̇зсз ‘‘сод̇аавад̇хаанз бан̃н̃аа суд̇амаяз н̃аан̣а’’нд̇иаад̣̇инаа наязна д̇зсад̇д̇ад̇и н̃аан̣аани маад̇игаавасзна уд̣̇д̣̇идтаани. нид̣̇д̣̇зсз ‘‘гат̇ам̣ сод̇аавад̇хаанз бан̃н̃аа суд̇амаяз н̃аан̣ам̣. ‘имз д̇хаммаа абхин̃н̃зяяаа’д̇и сод̇аавад̇хаанам̣, д̇ам̣баж̇аананаа бан̃н̃аа суд̇амаяз н̃аан̣а’’нд̇иаад̣̇инаа наязна д̇ааниязва д̇зсад̇д̇ад̇и н̃аан̣аани вид̇т̇ааравасзна нид̣̇д̣̇идтаанийд̇и.
Sā panāyaṃ ñāṇakathā uddesaniddesavasena dvidhā ṭhitā. Uddese ‘‘sotāvadhāne paññā sutamaye ñāṇa’’ntiādinā nayena tesattati ñāṇāni mātikāvasena uddiṭṭhāni. Niddese ‘‘kathaṃ sotāvadhāne paññā sutamaye ñāṇaṃ. ‘Ime dhammā abhiññeyyā’ti sotāvadhānaṃ, taṃpajānanā paññā sutamaye ñāṇa’’ntiādinā nayena tāniyeva tesattati ñāṇāni vitthāravasena niddiṭṭhānīti.
г̇ант̇аарамбхагат̇аа нидтид̇аа.
Ganthārambhakathā niṭṭhitā.
