| Library / Tipiṭaka / д̇ибидага • Tipiṭaka / бзд̇авад̇т̇у-адтагат̇аа • Petavatthu-aṭṭhakathā |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
куд̣̇д̣̇аганигааяз
Khuddakanikāye
бзд̇авад̇т̇у-адтагат̇аа
Petavatthu-aṭṭhakathā
г̇ант̇аарамбхагат̇аа
Ganthārambhakathā
махаагаарун̣игам̣ наат̇ам̣, н̃зяяасааг̇арабаараг̇ум̣;
Mahākāruṇikaṃ nāthaṃ, ñeyyasāgarapāraguṃ;
ванд̣̇з нибун̣аг̇амбхийра-вижид̇ранаяад̣̇зсанам̣.
Vande nipuṇagambhīra-vicitranayadesanaṃ.
виж̇ж̇аажаран̣асамбаннаа, язна нияяанд̇и логад̇о;
Vijjācaraṇasampannā, yena niyyanti lokato;
ванд̣̇з д̇амуд̇д̇амам̣ д̇хаммам̣, саммаасамб̣уд̣̇д̇хабууж̇ид̇ам̣.
Vande tamuttamaṃ dhammaṃ, sammāsambuddhapūjitaṃ.
сийлаад̣̇иг̇ун̣асамбанно, тид̇о маг̇г̇апалзсу яо;
Sīlādiguṇasampanno, ṭhito maggaphalesu yo;
ванд̣̇з арияасан̇гхам̣ д̇ам̣, бун̃н̃агкзд̇д̇ам̣ ануд̇д̇арам̣.
Vande ariyasaṅghaṃ taṃ, puññakkhettaṃ anuttaraṃ.
ванд̣̇анааж̇анид̇ам̣ бун̃н̃ам̣, ид̇и яам̣ рад̇анад̇д̇аяз;
Vandanājanitaṃ puññaṃ, iti yaṃ ratanattaye;
хад̇анд̇арааяо саб̣б̣ад̇т̇а, худ̇ваахам̣ д̇асса д̇зж̇асаа.
Hatantarāyo sabbattha, hutvāhaṃ tassa tejasā.
бзд̇зхи жа гад̇ам̣ гаммам̣, яам̣ яам̣ буримаж̇аад̇ису;
Petehi ca kataṃ kammaṃ, yaṃ yaṃ purimajātisu;
бзд̇абхааваавахам̣ д̇ам̣ д̇ам̣, д̇зсан̃хи палабхзд̣̇ад̇о.
Petabhāvāvahaṃ taṃ taṃ, tesañhi phalabhedato.
багаасаяанд̇ий б̣уд̣̇д̇хаанам̣, д̣̇зсанаа яаа висзсад̇о;
Pakāsayantī buddhānaṃ, desanā yā visesato;
сам̣взг̇аж̇ананий гамма-палабажжагкагаариний.
Saṃvegajananī kamma-phalapaccakkhakārinī.
бзд̇авад̇т̇ууд̇и наамзна, субарин̃н̃аад̇авад̇т̇угаа;
Petavatthūti nāmena, supariññātavatthukā;
яам̣ куд̣̇д̣̇аганигааяасмим̣, сан̇г̇ааяим̣су махзсаяо.
Yaṃ khuddakanikāyasmiṃ, saṅgāyiṃsu mahesayo.
д̇асса саммааваламб̣ид̇ваа, бораан̣адтагат̇аанаяам̣;
Tassa sammāvalambitvā, porāṇaṭṭhakathānayaṃ;
д̇ад̇т̇а д̇ад̇т̇а нид̣̇аанаани, вибхаавзнд̇о висзсад̇о.
Tattha tattha nidānāni, vibhāvento visesato.
сувисуд̣̇д̇хам̣ асам̣гин̣н̣ам̣, нибун̣ад̇т̇авинижчаяам̣;
Suvisuddhaṃ asaṃkiṇṇaṃ, nipuṇatthavinicchayaṃ;
махаавихаараваасийнам̣, самаяам̣ авиломаяам̣.
Mahāvihāravāsīnaṃ, samayaṃ avilomayaṃ.
яат̇ааб̣алам̣ гариссаами, ад̇т̇асам̣ван̣н̣анам̣ субхам̣;
Yathābalaṃ karissāmi, atthasaṃvaṇṇanaṃ subhaṃ;
саггажжам̣ бхаасад̇о д̇ам̣ мз, нисаамаяат̇а саад̇хавод̇и.
Sakkaccaṃ bhāsato taṃ me, nisāmayatha sādhavoti.
д̇ад̇т̇а бзд̇авад̇т̇ууд̇и сздтибуд̇д̇аад̣̇игасса д̇асса д̇асса сад̇д̇асса бзд̇абхаавахзд̇убхууд̇ам̣ гаммам̣, д̇асса бана багаасанавасзна бавад̇д̇о ‘‘кзд̇д̇уубамаа араханд̇о’’д̇иаад̣̇игаа барияад̇д̇ид̇хаммо ид̇ха ‘‘бзд̇авад̇т̇уу’’д̇и ад̇хиббзд̇о.
Tattha petavatthūti seṭṭhiputtādikassa tassa tassa sattassa petabhāvahetubhūtaṃ kammaṃ, tassa pana pakāsanavasena pavatto ‘‘khettūpamā arahanto’’tiādikā pariyattidhammo idha ‘‘petavatthū’’ti adhippeto.
д̇аяид̣̇ам̣ бзд̇авад̇т̇у гзна бхаасид̇ам̣, гад̇т̇а бхаасид̇ам̣, гад̣̇аа бхаасид̇ам̣, гасмаа жа бхаасид̇анд̇и? вужжад̇з – ид̣̇ан̃хи бзд̇авад̇т̇у д̣̇увид̇хзна бавад̇д̇ам̣ адтуббад̇д̇ивасзна, бужчаависсаж̇ж̇анавасзна жа. д̇ад̇т̇а яам̣ адтуббад̇д̇ивасзна бавад̇д̇ам̣, д̇ам̣ бхаг̇авад̇аа бхаасид̇ам̣, ид̇арам̣ наарад̣̇ад̇т̇зраад̣̇ийхи бужчид̇ам̣ д̇зхи д̇зхи бзд̇зхи бхаасид̇ам̣. сад̇т̇аа бана яасмаа наарад̣̇ад̇т̇зраад̣̇ийхи д̇асмим̣ д̇асмим̣ бужчаависсаж̇ж̇анз аарожид̇з д̇ам̣ д̇ам̣ адтуббад̇д̇им̣ гад̇ваа самбад̇д̇абарисааяа д̇хаммам̣ д̣̇зсзси, д̇асмаа саб̣б̣амбзд̇ам̣ бзд̇авад̇т̇у сад̇т̇аараа бхаасид̇амзва наама ж̇аад̇ам̣. бавад̇д̇ид̇аварад̇хаммажаггз хи сад̇т̇ари д̇ад̇т̇а д̇ад̇т̇а рааж̇аг̇ахаад̣̇ийсу вихаранд̇з язбхуяязна д̇ааяа д̇ааяа адтуббад̇д̇ияаа бужчаависсаж̇ж̇анавасзна сад̇д̇аанам̣ гаммапалабажжагкагаран̣ааяа д̇ам̣ д̇ам̣ бзд̇авад̇т̇у д̣̇зсанаарул̣ханд̇и аяам̣ д̇аавзд̇т̇а ‘‘гзна бхаасид̇а’’нд̇иаад̣̇ийнам̣ бад̣̇аанам̣ саад̇хааран̣ад̇о виссаж̇ж̇анаа. асаад̇хааран̣ад̇о бана д̇асса д̇асса вад̇т̇усса ад̇т̇аван̣н̣анааяамзва ааг̇амиссад̇и.
Tayidaṃ petavatthu kena bhāsitaṃ, kattha bhāsitaṃ, kadā bhāsitaṃ, kasmā ca bhāsitanti? Vuccate – idañhi petavatthu duvidhena pavattaṃ aṭṭhuppattivasena, pucchāvissajjanavasena ca. Tattha yaṃ aṭṭhuppattivasena pavattaṃ, taṃ bhagavatā bhāsitaṃ, itaraṃ nāradattherādīhi pucchitaṃ tehi tehi petehi bhāsitaṃ. Satthā pana yasmā nāradattherādīhi tasmiṃ tasmiṃ pucchāvissajjane ārocite taṃ taṃ aṭṭhuppattiṃ katvā sampattaparisāya dhammaṃ desesi, tasmā sabbampetaṃ petavatthu satthārā bhāsitameva nāma jātaṃ. Pavattitavaradhammacakke hi satthari tattha tattha rājagahādīsu viharante yebhuyyena tāya tāya aṭṭhuppattiyā pucchāvissajjanavasena sattānaṃ kammaphalapaccakkhakaraṇāya taṃ taṃ petavatthu desanāruḷhanti ayaṃ tāvettha ‘‘kena bhāsita’’ntiādīnaṃ padānaṃ sādhāraṇato vissajjanā. Asādhāraṇato pana tassa tassa vatthussa atthavaṇṇanāyameva āgamissati.
д̇ам̣ банзд̇ам̣ бзд̇авад̇т̇у винаяабидагам̣ суд̇д̇анд̇абидагам̣ абхид̇хаммабидаганд̇и д̇ийсу бидагзсу суд̇д̇анд̇абидагабарияаабаннам̣, д̣̇ийгханигааяо маж̇жхиманигааяо сам̣яуд̇д̇анигааяо ан̇г̇уд̇д̇аранигааяо куд̣̇д̣̇аганигааяод̇и бан̃жасу нигааязсу куд̣̇д̣̇аганигааяабарияаабаннам̣, суд̇д̇ам̣ г̇зяяам̣ взяяаагаран̣ам̣ г̇аат̇аа уд̣̇аанам̣ ид̇ивуд̇д̇агам̣ ж̇аад̇агам̣ аб̣бхуд̇ад̇хаммам̣ взд̣̇алланд̇и навасу саасанан̇г̇зсу г̇аат̇аасан̇г̇ахам̣.
Taṃ panetaṃ petavatthu vinayapiṭakaṃ suttantapiṭakaṃ abhidhammapiṭakanti tīsu piṭakesu suttantapiṭakapariyāpannaṃ, dīghanikāyo majjhimanikāyo saṃyuttanikāyo aṅguttaranikāyo khuddakanikāyoti pañcasu nikāyesu khuddakanikāyapariyāpannaṃ, suttaṃ geyyaṃ veyyākaraṇaṃ gāthā udānaṃ itivuttakaṃ jātakaṃ abbhutadhammaṃ vedallanti navasu sāsanaṅgesu gāthāsaṅgahaṃ.
‘‘д̣̇ваасийд̇и б̣уд̣̇д̇хад̇о г̇ан̣хим̣, д̣̇вз сахассаани бхигкуд̇о;
‘‘Dvāsīti buddhato gaṇhiṃ, dve sahassāni bhikkhuto;
жад̇ураасийд̇и сахассаани, яз мз д̇хаммаа бавад̇д̇ино’’д̇и. (т̇зраг̇аа. 1027) –
Caturāsīti sahassāni, ye me dhammā pavattino’’ti. (theragā. 1027) –
звам̣ д̇хаммабхан̣д̣ааг̇ааригзна бадин̃н̃аад̇зсу жад̇ураасийд̇ияаа д̇хаммагканд̇хасахассзсу гад̇ибаяад̇хаммагканд̇хасан̇г̇ахам̣, бхаан̣аваарад̇о жад̇убхаан̣аваарамад̇д̇ам̣, ваг̇г̇ад̇о – ураг̇аваг̇г̇о уб̣б̣ариваг̇г̇о жуул̣аваг̇г̇о махааваг̇г̇од̇и жад̇уваг̇г̇асан̇г̇ахам̣. д̇зсу батамаваг̇г̇з д̣̇ваад̣̇аса вад̇т̇ууни, д̣̇уд̇ияаваг̇г̇з д̇зраса вад̇т̇ууни, д̇ад̇ияаваг̇г̇з д̣̇аса вад̇т̇ууни, жад̇уд̇т̇аваг̇г̇з сол̣аса вад̇т̇уунийд̇и вад̇т̇уд̇о згабан̃н̃аасавад̇т̇убадиман̣д̣ид̇ам̣. д̇асса ваг̇г̇зсу ураг̇аваг̇г̇о аад̣̇и, вад̇т̇уусу кзд̇д̇уубамабзд̇авад̇т̇у аад̣̇и, д̇ассааби ‘‘кзд̇д̇уубамаа араханд̇о’’д̇и аяам̣ г̇аат̇аа аад̣̇и.
Evaṃ dhammabhaṇḍāgārikena paṭiññātesu caturāsītiyā dhammakkhandhasahassesu katipayadhammakkhandhasaṅgahaṃ, bhāṇavārato catubhāṇavāramattaṃ, vaggato – uragavaggo ubbarivaggo cūḷavaggo mahāvaggoti catuvaggasaṅgahaṃ. Tesu paṭhamavagge dvādasa vatthūni, dutiyavagge terasa vatthūni, tatiyavagge dasa vatthūni, catutthavagge soḷasa vatthūnīti vatthuto ekapaññāsavatthupaṭimaṇḍitaṃ. Tassa vaggesu uragavaggo ādi, vatthūsu khettūpamapetavatthu ādi, tassāpi ‘‘khettūpamā arahanto’’ti ayaṃ gāthā ādi.
