| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
куд̣̇д̣̇аганигааяз
Khuddakanikāye
суд̇д̇анибаад̇а-адтагат̇аа
Suttanipāta-aṭṭhakathā
(батамо бхааг̇о)
(Paṭhamo bhāgo)
г̇ант̇аарамбхагат̇аа
Ganthārambhakathā
уд̇д̇амам̣ ванд̣̇анзяяаанам̣, ванд̣̇ид̇ваа рад̇анад̇д̇аяам̣;
Uttamaṃ vandaneyyānaṃ, vanditvā ratanattayaṃ;
яо куд̣̇д̣̇аганигааяамхи, куд̣̇д̣̇аажаараббахааяинаа.
Yo khuddakanikāyamhi, khuddācārappahāyinā.
д̣̇зсид̇о логанаат̇зна, логаниссаран̣зсинаа;
Desito lokanāthena, lokanissaraṇesinā;
д̇асса суд̇д̇анибаад̇асса, гариссаамад̇т̇аван̣н̣анам̣.
Tassa suttanipātassa, karissāmatthavaṇṇanaṃ.
аяам̣ суд̇д̇анибаад̇о жа, куд̣̇д̣̇агзсвзва ог̇ад̇хо;
Ayaṃ suttanipāto ca, khuddakesveva ogadho;
яасмаа д̇асмаа имассааби, гариссаамад̇т̇аван̣н̣анам̣.
Yasmā tasmā imassāpi, karissāmatthavaṇṇanaṃ.
г̇аат̇аасад̇асамаагин̣н̣о, г̇зяяаб̣яаагаран̣ан̇гид̇о;
Gāthāsatasamākiṇṇo, geyyabyākaraṇaṅkito;
гасмаа суд̇д̇анибаад̇од̇и, сан̇камзса г̇ад̇од̇и жз.
Kasmā suttanipātoti, saṅkhamesa gatoti ce.
сувуд̇д̇ад̇о саванад̇о, ад̇т̇аанам̣ судту д̇аан̣ад̇о;
Suvuttato savanato, atthānaṃ suṭṭhu tāṇato;
суужанаа сууд̣̇анаа жзва, яасмаа суд̇д̇ам̣ бавужжад̇и.
Sūcanā sūdanā ceva, yasmā suttaṃ pavuccati.
д̇ат̇ааруубаани суд̇д̇аани, нибаад̇зд̇ваа д̇ад̇о д̇ад̇о;
Tathārūpāni suttāni, nipātetvā tato tato;
самуухад̇о аяам̣ д̇асмаа, сан̇камзвамубааг̇ад̇о.
Samūhato ayaṃ tasmā, saṅkhamevamupāgato.
саб̣б̣аани жааби суд̇д̇аани, бамаан̣анд̇зна д̇аад̣̇ино;
Sabbāni cāpi suttāni, pamāṇantena tādino;
важанаани аяам̣ д̇зсам̣, нибаад̇о жа яад̇о д̇ад̇о.
Vacanāni ayaṃ tesaṃ, nipāto ca yato tato.
ан̃н̃асан̇каанимид̇д̇аанам̣, висзсаанамабхаавад̇о;
Aññasaṅkhānimittānaṃ, visesānamabhāvato;
сан̇кам̣ суд̇д̇анибаад̇од̇и, звамзва самаж̇жхаг̇аад̇и.
Saṅkhaṃ suttanipātoti, evameva samajjhagāti.
