| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
куд̣̇д̣̇аганигааяз
Khuddakanikāye
уд̣̇аана-адтагат̇аа
Udāna-aṭṭhakathā
г̇ант̇аарамбхагат̇аа
Ganthārambhakathā
махаагаарун̣игам̣ наат̇ам̣, н̃зяяасааг̇арабаараг̇ум̣;
Mahākāruṇikaṃ nāthaṃ, ñeyyasāgarapāraguṃ;
ванд̣̇з нибун̣аг̇амбхийра-вижид̇ранаяад̣̇зсанам̣.
Vande nipuṇagambhīra-vicitranayadesanaṃ.
виж̇ж̇аажаран̣асамбаннаа, язна нийяанд̇и логад̇о;
Vijjācaraṇasampannā, yena nīyanti lokato;
ванд̣̇з д̇амуд̇д̇амам̣ д̇хаммам̣, саммаасамб̣уд̣̇д̇хабууж̇ид̇ам̣.
Vande tamuttamaṃ dhammaṃ, sammāsambuddhapūjitaṃ.
сийлаад̣̇иг̇ун̣асамбанно, тид̇о маг̇г̇апалзсу яо;
Sīlādiguṇasampanno, ṭhito maggaphalesu yo;
ванд̣̇з арияасан̇гхам̣ д̇ам̣, бун̃н̃агкзд̇д̇ам̣ ануд̇д̇арам̣.
Vande ariyasaṅghaṃ taṃ, puññakkhettaṃ anuttaraṃ.
ванд̣̇анааж̇анид̇ам̣ бун̃н̃ам̣, ид̇и яам̣ рад̇анад̇д̇аяз;
Vandanājanitaṃ puññaṃ, iti yaṃ ratanattaye;
хад̇анд̇арааяо саб̣б̣ад̇т̇а, худ̇ваахам̣ д̇асса д̇зж̇асаа.
Hatantarāyo sabbattha, hutvāhaṃ tassa tejasā.
д̇зна д̇зна нид̣̇аанзна, д̣̇зсид̇аани хид̇зсинаа;
Tena tena nidānena, desitāni hitesinā;
яаани суд̣̇д̇хаабад̣̇аанзна, уд̣̇аанаани махзсинаа.
Yāni suddhāpadānena, udānāni mahesinā.
д̇аани саб̣б̣аани згаж̇жхам̣, ааробзнд̇зхи сан̇г̇ахам̣;
Tāni sabbāni ekajjhaṃ, āropentehi saṅgahaṃ;
уд̣̇аанам̣ наама сан̇г̇ийд̇ам̣, д̇хаммасан̇г̇аахагзхи яам̣.
Udānaṃ nāma saṅgītaṃ, dhammasaṅgāhakehi yaṃ.
ж̇инасса д̇хаммасам̣взг̇а-баамож̇ж̇абарид̣̇ийбанам̣;
Jinassa dhammasaṃvega-pāmojjaparidīpanaṃ;
соманассасамудтаана-г̇аат̇аахи бадиман̣д̣ид̇ам̣.
Somanassasamuṭṭhāna-gāthāhi paṭimaṇḍitaṃ.
д̇асса г̇амбхийран̃аан̣зхи, ог̇аахзд̇аб̣б̣абхаавад̇о;
Tassa gambhīrañāṇehi, ogāhetabbabhāvato;
гин̃жааби д̣̇уггараа гаад̇ум̣, ад̇т̇асам̣ван̣н̣анаа маяаа.
Kiñcāpi dukkarā kātuṃ, atthasaṃvaṇṇanā mayā.
сахасам̣ван̣н̣анам̣ яасмаа, д̇харад̇з сад̇т̇усаасанам̣;
Sahasaṃvaṇṇanaṃ yasmā, dharate satthusāsanaṃ;
буб̣б̣аажарияасийхаанам̣, д̇идтад̇зва винижчаяо.
Pubbācariyasīhānaṃ, tiṭṭhateva vinicchayo.
д̇асмаа д̇ам̣ аваламб̣ид̇ваа, ог̇аахзд̇ваана бан̃жаби;
Tasmā taṃ avalambitvā, ogāhetvāna pañcapi;
нигааяз убаниссааяа, бораан̣адтагат̇аанаяам̣.
Nikāye upanissāya, porāṇaṭṭhakathānayaṃ.
сувисуд̣̇д̇хам̣ асам̣гин̣н̣ам̣, нибун̣ад̇т̇авинижчаяам̣;
Suvisuddhaṃ asaṃkiṇṇaṃ, nipuṇatthavinicchayaṃ;
махаавихаараваасийнам̣, самаяам̣ авиломаяам̣.
Mahāvihāravāsīnaṃ, samayaṃ avilomayaṃ.
бунаббунааг̇ад̇ам̣ ад̇т̇ам̣, важ̇ж̇аяид̇ваана саад̇хугам̣;
Punappunāgataṃ atthaṃ, vajjayitvāna sādhukaṃ;
яат̇ааб̣алам̣ гариссаами, уд̣̇аанассад̇т̇аван̣н̣анам̣.
Yathābalaṃ karissāmi, udānassatthavaṇṇanaṃ.
ид̇и ааган̇камаанасса, сад̣̇д̇хаммасса жирадтид̇им̣;
Iti ākaṅkhamānassa, saddhammassa ciraṭṭhitiṃ;
вибхаж̇анд̇асса д̇ассад̇т̇ам̣, саад̇ху г̇ан̣ханд̇у саад̇хавод̇и.
Vibhajantassa tassatthaṃ, sādhu gaṇhantu sādhavoti.
д̇ад̇т̇а уд̣̇аананд̇и гзнадтзна уд̣̇аанам̣? уд̣̇аананадтзна. гимид̣̇ам̣ уд̣̇аанам̣ наама? бийд̇ивзг̇асамудтаабид̇о уд̣̇аахааро. яат̇аа хи яам̣ д̇злаад̣̇и минид̇аб̣б̣авад̇т̇у маанам̣ г̇ахзд̇ум̣ на саггод̇и, виссанд̣̇ид̇ваа г̇ажчад̇и, д̇ам̣ ‘‘авасзго’’д̇и вужжад̇и. яан̃жа ж̇алам̣ д̇ал̣аагам̣ г̇ахзд̇ум̣ на саггод̇и, аж̇жход̇т̇арид̇ваа г̇ажчад̇и, д̇ам̣ ‘‘огхо’’д̇и вужжад̇и. звамзва яам̣ бийд̇ивзг̇асамудтаабид̇ам̣ вид̇аггавибпаарам̣ анд̇охад̣̇аяам̣ санд̇хаарзд̇ум̣ на саггод̇и, со ад̇хиго худ̇ваа анд̇о асан̣тахид̇ваа б̣ахи важийд̣̇ваарзна нигканд̇о бадиг̇г̇аахаганирабзгко уд̣̇аахаарависзсо ‘‘уд̣̇аана’’нд̇и вужжад̇и. д̇хаммасам̣взг̇авасзнаби аяамаагааро лаб̣бхад̇зва.
Tattha udānanti kenaṭṭhena udānaṃ? Udānanaṭṭhena. Kimidaṃ udānaṃ nāma? Pītivegasamuṭṭhāpito udāhāro. Yathā hi yaṃ telādi minitabbavatthu mānaṃ gahetuṃ na sakkoti, vissanditvā gacchati, taṃ ‘‘avaseko’’ti vuccati. Yañca jalaṃ taḷākaṃ gahetuṃ na sakkoti, ajjhottharitvā gacchati, taṃ ‘‘ogho’’ti vuccati. Evameva yaṃ pītivegasamuṭṭhāpitaṃ vitakkavipphāraṃ antohadayaṃ sandhāretuṃ na sakkoti, so adhiko hutvā anto asaṇṭhahitvā bahi vacīdvārena nikkhanto paṭiggāhakanirapekkho udāhāraviseso ‘‘udāna’’nti vuccati. Dhammasaṃvegavasenapi ayamākāro labbhateva.
д̇аяид̣̇ам̣ гад̇т̇ажи г̇аат̇ааб̣анд̇хавасзна гад̇т̇ажи ваагяавасзна бавад̇д̇ам̣. яам̣ бана адтагат̇аасу ‘‘соманассан̃аан̣амаяигаг̇аат̇аабадисам̣яуд̇д̇аа’’д̇и уд̣̇ааналагкан̣ам̣ вуд̇д̇ам̣, д̇ам̣ язбхуяяавасзна вуд̇д̇ам̣. язбхуяязна хи уд̣̇аанам̣ г̇аат̇ааб̣анд̇хавасзна бхаасид̇ам̣ бийд̇исоманассасамудтаабид̇ан̃жа. ид̇арамби бана ‘‘ад̇т̇и, бхигкавз, д̇ад̣̇ааяад̇анам̣, яад̇т̇а нзва бат̇авий на аабо’’д̇иаад̣̇ийсу (уд̣̇аа. 71) ‘‘сукагаамаани бхууд̇аани, яо д̣̇ан̣д̣зна вихим̣сад̇ий’’д̇и (д̇ха. ба. 131), ‘‘сажз бхааяат̇а д̣̇угкасса, сажз во д̣̇угкамаббияа’’нд̇и звамаад̣̇ийсу (уд̣̇аа. 44; нзд̇д̇и. 91) жа лаб̣бхад̇и.
Tayidaṃ katthaci gāthābandhavasena katthaci vākyavasena pavattaṃ. Yaṃ pana aṭṭhakathāsu ‘‘somanassañāṇamayikagāthāpaṭisaṃyuttā’’ti udānalakkhaṇaṃ vuttaṃ, taṃ yebhuyyavasena vuttaṃ. Yebhuyyena hi udānaṃ gāthābandhavasena bhāsitaṃ pītisomanassasamuṭṭhāpitañca. Itarampi pana ‘‘atthi, bhikkhave, tadāyatanaṃ, yattha neva pathavī na āpo’’tiādīsu (udā. 71) ‘‘sukhakāmāni bhūtāni, yo daṇḍena vihiṃsatī’’ti (dha. pa. 131), ‘‘sace bhāyatha dukkhassa, sace vo dukkhamappiya’’nti evamādīsu (udā. 44; netti. 91) ca labbhati.
звам̣ д̇аяид̣̇ам̣ саб̣б̣ан̃н̃уб̣уд̣̇д̇хабхаасид̇ам̣, бажжзгаб̣уд̣̇д̇хабхаасид̇ам̣, саавагабхаасид̇анд̇и д̇ивид̇хам̣ ход̇и. д̇ад̇т̇а бажжзгаб̣уд̣̇д̇хабхаасид̇ам̣ – ‘‘саб̣б̣зсу бхууд̇зсу нид̇хааяа д̣̇ан̣д̣ам̣, авихзтаяам̣ ан̃н̃ад̇арамби д̇зса’’нд̇иаад̣̇инаа (су. ни. 35; жуул̣ани. каг̇г̇ависаан̣асуд̇д̇анид̣̇д̣̇зса 121) каг̇г̇ависаан̣асуд̇д̇з ааг̇ад̇амзва. саавагабхаасид̇ааниби –
Evaṃ tayidaṃ sabbaññubuddhabhāsitaṃ, paccekabuddhabhāsitaṃ, sāvakabhāsitanti tividhaṃ hoti. Tattha paccekabuddhabhāsitaṃ – ‘‘sabbesu bhūtesu nidhāya daṇḍaṃ, aviheṭhayaṃ aññatarampi tesa’’ntiādinā (su. ni. 35; cūḷani. khaggavisāṇasuttaniddesa 121) khaggavisāṇasutte āgatameva. Sāvakabhāsitānipi –
‘‘саб̣б̣о рааг̇о бахийно мз, саб̣б̣о д̣̇осо самуухад̇о;
‘‘Sabbo rāgo pahīno me, sabbo doso samūhato;
саб̣б̣о мз вихад̇о мохо, сийд̇ибхууд̇осми ниб̣б̣уд̇о’’д̇и. (т̇зраг̇аа. 79) –
Sabbo me vihato moho, sītibhūtosmi nibbuto’’ti. (theragā. 79) –
аад̣̇инаа т̇зраг̇аат̇аасу –
Ādinā theragāthāsu –
‘‘гааязна сам̣вуд̇аа аасим̣, ваажааяа уд̣̇а жзд̇асаа;
‘‘Kāyena saṃvutā āsiṃ, vācāya uda cetasā;
самуулам̣ д̇ан̣хамаб̣б̣уяха, сийд̇ибхууд̇аасми ниб̣б̣уд̇аа’’д̇и. (т̇зрийг̇аа. 15) –
Samūlaṃ taṇhamabbuyha, sītibhūtāsmi nibbutā’’ti. (therīgā. 15) –
аад̣̇инаа т̇зрийг̇аат̇аасу жа ааг̇ад̇аани. д̇аани бана д̇зсам̣ т̇зраанам̣ т̇зрийнан̃жа на гзвалам̣ уд̣̇аанаани зва, ат̇а ко сийханаад̣̇ааби хонд̇и. саггаад̣̇ийхи д̣̇звзхи бхаасид̇аани ‘‘ахо д̣̇аанам̣ барамад̣̇аанам̣, гассабз суббад̇идтид̇а’’нд̇иаад̣̇ийни (уд̣̇аа. 27), аараамад̣̇ан̣д̣аб̣раахман̣аад̣̇ийхи мануссзхи жа бхаасид̇аани ‘‘намо д̇асса бхаг̇авад̇о’’д̇иаад̣̇ийни (а. ни. 2.38) д̇иссо сан̇г̇ийд̇ияо ааруул̣хаани уд̣̇аанаани санд̇и зва, на д̇аани ид̇ха ад̇хиббзд̇аани. яаани бана саммаасамб̣уд̣̇д̇хзна саамам̣ аахажжа бхаасид̇аани ж̇инаважанабхууд̇аани, яаани санд̇хааяа бхаг̇авад̇аа барияад̇д̇ид̇хаммам̣ навад̇хаа вибхаж̇ид̇ваа уд̣̇д̣̇исанд̇зна уд̣̇аананд̇и вуд̇д̇аани, д̇аанзва д̇хаммасан̇г̇аахагзхи ‘‘уд̣̇аана’’нд̇и сан̇г̇ийд̇анд̇и д̇ад̣̇звзд̇т̇а сам̣ван̣н̣зд̇аб̣б̣абхаавзна г̇ахид̇ам̣.
Ādinā therīgāthāsu ca āgatāni. Tāni pana tesaṃ therānaṃ therīnañca na kevalaṃ udānāni eva, atha kho sīhanādāpi honti. Sakkādīhi devehi bhāsitāni ‘‘aho dānaṃ paramadānaṃ, kassape suppatiṭṭhita’’ntiādīni (udā. 27), ārāmadaṇḍabrāhmaṇādīhi manussehi ca bhāsitāni ‘‘namo tassa bhagavato’’tiādīni (a. ni. 2.38) tisso saṅgītiyo ārūḷhāni udānāni santi eva, na tāni idha adhippetāni. Yāni pana sammāsambuddhena sāmaṃ āhacca bhāsitāni jinavacanabhūtāni, yāni sandhāya bhagavatā pariyattidhammaṃ navadhā vibhajitvā uddisantena udānanti vuttāni, tāneva dhammasaṅgāhakehi ‘‘udāna’’nti saṅgītanti tadevettha saṃvaṇṇetabbabhāvena gahitaṃ.
яаа бана ‘‘анзгаж̇аад̇исам̣саара’’нд̇иаад̣̇иг̇аат̇ааяа д̣̇ийбид̇аа бхаг̇авад̇аа б̣од̇химуулз уд̣̇аанавасзна бавад̇д̇ид̇аа анзгасад̇асахассаанам̣ саммаасамб̣уд̣̇д̇хаанам̣ авиж̇ахид̇ауд̣̇аанаг̇аат̇аа жа, зд̇аа абарабхааг̇з бана д̇хаммабхан̣д̣ааг̇ааригасса бхаг̇авад̇аа д̣̇зсид̇ад̇д̇аа д̇хаммасан̇г̇аахагзхи уд̣̇аанабаал̣ияам̣ сан̇г̇ахам̣ анааробзд̇ваа д̇хаммабад̣̇з сан̇г̇ийд̇аа. яан̃жа ‘‘ан̃н̃ааси вад̇а, бхо гон̣д̣ан̃н̃о, ан̃н̃ааси вад̇а, бхо гон̣д̣ан̃н̃о’’д̇и (махаава. 17; сам̣. ни. 5.1081; бади. ма. 2.30) уд̣̇аанаважанам̣ д̣̇асасахассилогад̇хаад̇уяаа д̣̇звамануссаанам̣ бавзд̣̇анасамад̇т̇аниг̇гхосавибпаарам̣ бхаг̇авад̇аа бхаасид̇ам̣, д̇ад̣̇аби д̇хаммажаггаббавад̇д̇анасуд̇д̇анд̇ад̣̇зсанаабарияосаанз ад̇д̇анаа ад̇хиг̇ад̇ад̇хаммзгад̣̇зсасса яат̇аад̣̇зсид̇асса арияамаг̇г̇асса саавагзсу саб̣б̣абатамам̣ т̇зрзна ад̇хиг̇ад̇ад̇д̇аа ад̇д̇ано бариссамасса сапалабхаавабажжавзгкан̣ахзд̇угам̣ батамаб̣од̇хияам̣ саб̣б̣зсам̣ зва бхигкуунам̣ саммаабадибад̇д̇ибажжавзгкан̣ахзд̇угам̣ ‘‘аараад̇хаяим̣су вад̇а мам̣ бхигкуу згам̣ самаяа’’нд̇иаад̣̇иважанам̣ (ма. ни. 1.225) вияа бийд̇исоманассаж̇анид̇ам̣ уд̣̇аахаарамад̇д̇ам̣, ‘‘яад̣̇аа хавз баад̇убхаванд̇и д̇хаммаа’’д̇иаад̣̇иважанам̣ (махаава. 1-3; уд̣̇аа. 1-3) вияа бавад̇д̇ияаа нивад̇д̇ияаа ваа на багаасананд̇и, на д̇хаммасан̇г̇аахагзхи уд̣̇аанабаал̣ияам̣ сан̇г̇ийд̇анд̇и д̣̇адтаб̣б̣ам̣.
Yā pana ‘‘anekajātisaṃsāra’’ntiādigāthāya dīpitā bhagavatā bodhimūle udānavasena pavattitā anekasatasahassānaṃ sammāsambuddhānaṃ avijahitaudānagāthā ca, etā aparabhāge pana dhammabhaṇḍāgārikassa bhagavatā desitattā dhammasaṅgāhakehi udānapāḷiyaṃ saṅgahaṃ anāropetvā dhammapade saṅgītā. Yañca ‘‘aññāsi vata, bho koṇḍañño, aññāsi vata, bho koṇḍañño’’ti (mahāva. 17; saṃ. ni. 5.1081; paṭi. ma. 2.30) udānavacanaṃ dasasahassilokadhātuyā devamanussānaṃ pavedanasamatthanigghosavipphāraṃ bhagavatā bhāsitaṃ, tadapi dhammacakkappavattanasuttantadesanāpariyosāne attanā adhigatadhammekadesassa yathādesitassa ariyamaggassa sāvakesu sabbapaṭhamaṃ therena adhigatattā attano parissamassa saphalabhāvapaccavekkhaṇahetukaṃ paṭhamabodhiyaṃ sabbesaṃ eva bhikkhūnaṃ sammāpaṭipattipaccavekkhaṇahetukaṃ ‘‘ārādhayiṃsu vata maṃ bhikkhū ekaṃ samaya’’ntiādivacanaṃ (ma. ni. 1.225) viya pītisomanassajanitaṃ udāhāramattaṃ, ‘‘yadā have pātubhavanti dhammā’’tiādivacanaṃ (mahāva. 1-3; udā. 1-3) viya pavattiyā nivattiyā vā na pakāsananti, na dhammasaṅgāhakehi udānapāḷiyaṃ saṅgītanti daṭṭhabbaṃ.
д̇ам̣ банзд̇ам̣ уд̣̇аанам̣ винаяабидагам̣, суд̇д̇анд̇абидагам̣, абхид̇хаммабидаганд̇и д̇ийсу бидагзсу суд̇д̇анд̇абидагабарияаабаннам̣, д̣̇ийгханигааяо, маж̇жхиманигааяо, сам̣яуд̇д̇анигааяо, ан̇г̇уд̇д̇аранигааяо, куд̣̇д̣̇аганигааяод̇и бан̃жасу нигааязсу куд̣̇д̣̇аганигааяабарияаабаннам̣, суд̇д̇ам̣, г̇зяяам̣, взяяаагаран̣ам̣, г̇аат̇аа, уд̣̇аанам̣, ид̇ивуд̇д̇агам̣, ж̇аад̇агам̣, аб̣бхуд̇ад̇хаммам̣, взд̣̇алланд̇и навасу саасанан̇г̇зсу уд̣̇аанасан̇г̇ахам̣.
Taṃ panetaṃ udānaṃ vinayapiṭakaṃ, suttantapiṭakaṃ, abhidhammapiṭakanti tīsu piṭakesu suttantapiṭakapariyāpannaṃ, dīghanikāyo, majjhimanikāyo, saṃyuttanikāyo, aṅguttaranikāyo, khuddakanikāyoti pañcasu nikāyesu khuddakanikāyapariyāpannaṃ, suttaṃ, geyyaṃ, veyyākaraṇaṃ, gāthā, udānaṃ, itivuttakaṃ, jātakaṃ, abbhutadhammaṃ, vedallanti navasu sāsanaṅgesu udānasaṅgahaṃ.
‘‘д̣̇ваасийд̇и б̣уд̣̇д̇хад̇о г̇ан̣хим̣, д̣̇вз сахассаани бхигкуд̇о;
‘‘Dvāsīti buddhato gaṇhiṃ, dve sahassāni bhikkhuto;
жад̇ураасийд̇и сахассаани, яз мз д̇хаммаа бавад̇д̇ино’’д̇и. (т̇зраг̇аа. 1027) –
Caturāsīti sahassāni, ye me dhammā pavattino’’ti. (theragā. 1027) –
звам̣ д̇хаммабхан̣д̣ааг̇ааригзна бадин̃н̃аад̇зсу жад̇ураасийд̇ияаа д̇хаммагканд̇хасахассзсу гад̇ибаяад̇хаммагканд̇хасан̇г̇ахам̣. б̣од̇хиваг̇г̇о, мужалинд̣̇аваг̇г̇о, нанд̣̇аваг̇г̇о, мзгхияаваг̇г̇о, сон̣аваг̇г̇о, ж̇ажжанд̇хаваг̇г̇о, жуул̣аваг̇г̇о, баадалиг̇аамияаваг̇г̇од̇и ваг̇г̇ад̇о адтаваг̇г̇ам̣; суд̇д̇ад̇о асийд̇исуд̇д̇асан̇г̇ахам̣, г̇аат̇аад̇о бан̃жанавуд̇иуд̣̇аанаг̇аат̇аасан̇г̇ахам̣. бхаан̣аваарад̇о ад̣дхуунанавамад̇д̇аа бхаан̣аваараа. анусанд̇хид̇о б̣од̇хисуд̇д̇з бужчаанусанд̇хивасзна згаанусанд̇хи, суббаваасаасуд̇д̇з бужчаанусанд̇хияат̇аанусанд̇хивасзна д̣̇вз анусанд̇хий, сзсзсу яат̇аанусанд̇хивасзна згзгова анусанд̇хи, аж̇жхаасаяаанусанд̇хи банзд̇т̇а над̇т̇и. звам̣ саб̣б̣ат̇ааби згаасийд̇ианусанд̇хисан̇г̇ахам̣. бад̣̇ад̇о сад̇аад̇хигаани згавийса бад̣̇асахассаани, г̇аат̇аабаад̣̇ад̇о д̇звийсад̇и жад̇уссад̇аад̇хигаани адта сахассаани , агкарад̇о сад̇д̇асахассаад̇хигаани садти сахассаани д̇ийн̣и жа сад̇аани д̣̇ваасийд̇и жа агкараани. д̇знзд̇ам̣ вужжад̇и –
Evaṃ dhammabhaṇḍāgārikena paṭiññātesu caturāsītiyā dhammakkhandhasahassesu katipayadhammakkhandhasaṅgahaṃ. Bodhivaggo, mucalindavaggo, nandavaggo, meghiyavaggo, soṇavaggo, jaccandhavaggo, cūḷavaggo, pāṭaligāmiyavaggoti vaggato aṭṭhavaggaṃ; suttato asītisuttasaṅgahaṃ, gāthāto pañcanavutiudānagāthāsaṅgahaṃ. Bhāṇavārato aḍḍhūnanavamattā bhāṇavārā. Anusandhito bodhisutte pucchānusandhivasena ekānusandhi, suppavāsāsutte pucchānusandhiyathānusandhivasena dve anusandhī, sesesu yathānusandhivasena ekekova anusandhi, ajjhāsayānusandhi panettha natthi. Evaṃ sabbathāpi ekāsītianusandhisaṅgahaṃ. Padato satādhikāni ekavīsa padasahassāni, gāthāpādato tevīsati catussatādhikāni aṭṭha sahassāni , akkharato sattasahassādhikāni saṭṭhi sahassāni tīṇi ca satāni dvāsīti ca akkharāni. Tenetaṃ vuccati –
‘‘асийд̇и зва суд̇д̇анд̇аа, ваг̇г̇аа адта самаасад̇о;
‘‘Asīti eva suttantā, vaggā aṭṭha samāsato;
г̇аат̇аа жа бан̃жанавуд̇и, уд̣̇аанасса багаасид̇аа.
Gāthā ca pañcanavuti, udānassa pakāsitā.
‘‘ад̣дхуунанавамад̇д̇аа жа, бхаан̣аваараа бамаан̣ад̇о;
‘‘Aḍḍhūnanavamattā ca, bhāṇavārā pamāṇato;
згаад̇хигаа д̇ат̇аасийд̇и, уд̣̇аанассаанусанд̇хияо.
Ekādhikā tathāsīti, udānassānusandhiyo.
‘‘згавийсасахассаани, сад̇ан̃жзва вижагкан̣о;
‘‘Ekavīsasahassāni, satañceva vicakkhaṇo;
бад̣̇аанзд̇аануд̣̇аанасса, г̇ан̣ид̇аани винид̣̇д̣̇исз’’.
Padānetānudānassa, gaṇitāni viniddise’’.
г̇аат̇аабаад̣̇ад̇о бана –
Gāthāpādato pana –
‘‘адтасахассамад̇д̇аани, жад̇д̇аарзва сад̇аани жа;
‘‘Aṭṭhasahassamattāni, cattāreva satāni ca;
баад̣̇аанзд̇аануд̣̇аанасса, д̇звийсад̇и жа нид̣̇д̣̇исз.
Pādānetānudānassa, tevīsati ca niddise.
‘‘агкараанам̣ сахассаани, садти сад̇д̇а сад̇аани жа;
‘‘Akkharānaṃ sahassāni, saṭṭhi satta satāni ca;
д̇ийн̣и д̣̇ваасийд̇и жа д̇ат̇аа, уд̣̇аанасса бавзд̣̇ид̇аа’’д̇и.
Tīṇi dvāsīti ca tathā, udānassa paveditā’’ti.
д̇асса адтасу ваг̇г̇зсу б̣од̇хиваг̇г̇о аад̣̇и, суд̇д̇зсу батамам̣ б̣од̇хисуд̇д̇ам̣, д̇ассааби звам̣ мз суд̇анд̇иаад̣̇игам̣ ааяасмад̇аа аананд̣̇зна батамамахаасан̇г̇ийд̇игаалз вуд̇д̇анид̣̇аанамаад̣̇и. саа банааяам̣ батамамахаасан̇г̇ийд̇и винаяабидагз (жуул̣ава. 437) д̇анд̇имааруул̣хаа зва. яо банзд̇т̇а нид̣̇аанагосаллад̇т̇ам̣ вад̇д̇аб̣б̣о гат̇аамаг̇г̇о соби суман̇г̇алавилаасинияам̣ д̣̇ийгханигааяадтагат̇ааяам̣ (д̣̇ий. ни. адта. 1.нид̣̇аанагат̇аа) вуд̇д̇о зваад̇и д̇ад̇т̇а вуд̇д̇анаязнзва взд̣̇ид̇аб̣б̣о.
Tassa aṭṭhasu vaggesu bodhivaggo ādi, suttesu paṭhamaṃ bodhisuttaṃ, tassāpi evaṃ me sutantiādikaṃ āyasmatā ānandena paṭhamamahāsaṅgītikāle vuttanidānamādi. Sā panāyaṃ paṭhamamahāsaṅgīti vinayapiṭake (cūḷava. 437) tantimārūḷhā eva. Yo panettha nidānakosallatthaṃ vattabbo kathāmaggo sopi sumaṅgalavilāsiniyaṃ dīghanikāyaṭṭhakathāyaṃ (dī. ni. aṭṭha. 1.nidānakathā) vutto evāti tattha vuttanayeneva veditabbo.
