| Library / Tipiṭaka / තිපිටක • Tipiṭaka / විනයවිනිච්‌ඡය-උත්‌තරවිනිච්‌ඡය • Vinayavinicchaya-uttaravinicchaya |
නමො තස්‌ස භගවතො අරහතො සම්‌මාසම්‌බුද්‌ධස්‌ස
Namo tassa bhagavato arahato sammāsambuddhassa
විනයවිනිච්‌ඡයො
Vinayavinicchayo
ගන්‌ථාරම්‌භකථා
Ganthārambhakathā
1.
1.
වන්‌දිත්‌වා සිරසා සෙට්‌ඨං, බුද්‌ධමප්‌පටිපුග්‌ගලං;
Vanditvā sirasā seṭṭhaṃ, buddhamappaṭipuggalaṃ;
භවාභාවකරං ධම්‌මං, ගණඤ්‌චෙව නිරඞ්‌ගණං.
Bhavābhāvakaraṃ dhammaṃ, gaṇañceva niraṅgaṇaṃ.
2.
2.
භික්‌ඛූනං භික්‌ඛුනීනඤ්‌ච, හිතත්‌ථාය සමාහිතො;
Bhikkhūnaṃ bhikkhunīnañca, hitatthāya samāhito;
පවක්‌ඛාමි සමාසෙන, විනයස්‌සවිනිච්‌ඡයං.
Pavakkhāmi samāsena, vinayassavinicchayaṃ.
3.
3.
අනාකුලමසංකිණ්‌ණං, මධුරත්‌ථපදක්‌කමං;
Anākulamasaṃkiṇṇaṃ, madhuratthapadakkamaṃ;
පටුභාවකරං එතං, පරමං විනයක්‌කමෙ.
Paṭubhāvakaraṃ etaṃ, paramaṃ vinayakkame.
4.
4.
අපාරං ඔතරන්‌තානං, සාරං විනයසාගරං;
Apāraṃ otarantānaṃ, sāraṃ vinayasāgaraṃ;
භික්‌ඛූනං භික්‌ඛුනීනඤ්‌ච, නාවාභූතං මනොරමං.
Bhikkhūnaṃ bhikkhunīnañca, nāvābhūtaṃ manoramaṃ.
5.
5.
තස්‌මා විනයනූපායං, විනයස්‌සවිනිච්‌ඡයං;
Tasmā vinayanūpāyaṃ, vinayassavinicchayaṃ;
අවික්‌ඛිත්‌තෙන චිත්‌තෙන, වදතො මෙ නිබොධථ.
Avikkhittena cittena, vadato me nibodhatha.
