| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
г̇ант̇аарамбхагат̇ааван̣н̣анаа
Ganthārambhakathāvaṇṇanā
саб̣б̣агусалад̇хаммаббамукасса вибулол̣аараг̇ун̣ависзсаавахасса барамаг̇амбхийрасса баад̇имогкасса ад̇т̇асам̣ван̣н̣анам̣ гад̇д̇угаамояамаажарияо батамам̣ д̇аава ‘‘б̣уд̣̇д̇хам̣ д̇хамма’’нд̇иаад̣̇инаа рад̇анад̇д̇аяаббан̣аамагаран̣зна ад̇д̇ано жид̇д̇асанд̇аанам̣ бунаад̇и. висуд̣̇д̇хажид̇д̇асанд̇аананиссаяаа хи бан̃н̃аа д̇игкависад̣̇абхааваббад̇д̇ияаа яат̇аад̇хиббзд̇асам̣ван̣н̣анааяа барияосаанаг̇аманасамад̇т̇аа ход̇ийд̇и . абижа рад̇анад̇д̇аяаббан̣аамзна вид̇худ̇асаб̣б̣агиб̣б̣исз жид̇д̇асанд̇аанз бхаванд̇аруубажид̇ааниби анд̇арааяигагаммаани бажжаяавзгаллад̇о яат̇аад̇хиббзд̇ааяа ад̇т̇асам̣ван̣н̣анааяа нааламанд̇арааяагаран̣ааяаад̇иби аажарияасса рад̇анад̇д̇аяаванд̣̇анаа.
Sabbakusaladhammappamukhassa vipuloḷāraguṇavisesāvahassa paramagambhīrassa pātimokkhassa atthasaṃvaṇṇanaṃ kattukāmoyamācariyo paṭhamaṃ tāva ‘‘buddhaṃ dhamma’’ntiādinā ratanattayappaṇāmakaraṇena attano cittasantānaṃ punāti. Visuddhacittasantānanissayā hi paññā tikkhavisadabhāvappattiyā yathādhippetasaṃvaṇṇanāya pariyosānagamanasamatthā hotīti . Apica ratanattayappaṇāmena vidhutasabbakibbise cittasantāne bhavantarūpacitānipi antarāyikakammāni paccayavekallato yathādhippetāya atthasaṃvaṇṇanāya nālamantarāyakaraṇāyātipi ācariyassa ratanattayavandanā.
д̇ад̇т̇а б̣уд̣̇д̇хасад̣̇д̣̇асса д̇аава ‘‘б̣уж̇жхид̇аа сажжаанийд̇и б̣уд̣̇д̇хо, б̣од̇хзд̇аа баж̇ааяаад̇и б̣уд̣̇д̇хо’’д̇иаад̣̇инаа (махаани. 192; жуул̣ани. баарааяанад̇т̇уд̇иг̇аат̇аанид̣̇д̣̇зса 97; бади. ма. 1.162) нид̣̇д̣̇зсанаязна ад̇т̇о взд̣̇ид̇аб̣б̣о. ат̇а ваа саваасанааяа ан̃н̃аан̣анид̣̇д̣̇ааяа ажжанд̇авиг̇амад̇о, б̣уд̣̇д̇хияаа ваа вигасид̇абхаавад̇о б̣уд̣̇д̇хаваад̇и б̣уд̣̇д̇хо ж̇ааг̇аран̣авигасанад̇т̇авасзна. ат̇а ваа гассажиби н̃зяяад̇хаммасса анаваб̣уд̣̇д̇хасса абхаавзна, н̃зяяависзсасса жа гаммабхаавзна аг̇г̇ахан̣ад̇о гаммаважанижчааяа абхаавзна аваг̇аманад̇т̇авасзнзва гад̇д̇унид̣̇д̣̇зсо лаб̣бхад̇ийд̇и б̣уд̣̇д̇хаваад̇и б̣уд̣̇д̇хо яат̇аа ‘‘д̣̇игкид̇о на д̣̇ад̣̇аад̇ий’’д̇и. ад̇т̇ад̇о бана баарамид̇аабарибхаавид̇зна саяамбхун̃аан̣зна сахаваасанааяа виг̇ад̇авид̣̇д̇хасд̇аниравасзсубаггилзсо махаагарун̣аасаб̣б̣ан̃н̃уд̇ан̃н̃аан̣аад̣̇иабаримзяяаг̇ун̣аг̇ан̣аад̇хаарова канд̇хасанд̇аано б̣уд̣̇д̇хо. яат̇ааха –
Tattha buddhasaddassa tāva ‘‘bujjhitā saccānīti buddho, bodhetā pajāyāti buddho’’tiādinā (mahāni. 192; cūḷani. pārāyanatthutigāthāniddesa 97; paṭi. ma. 1.162) niddesanayena attho veditabbo. Atha vā savāsanāya aññāṇaniddāya accantavigamato, buddhiyā vā vikasitabhāvato buddhavāti buddho jāgaraṇavikasanatthavasena. Atha vā kassacipi ñeyyadhammassa anavabuddhassa abhāvena, ñeyyavisesassa ca kammabhāvena aggahaṇato kammavacanicchāya abhāvena avagamanatthavaseneva kattuniddeso labbhatīti buddhavāti buddho yathā ‘‘dikkhito na dadātī’’ti. Atthato pana pāramitāparibhāvitena sayambhuñāṇena sahavāsanāya vigataviddhastaniravasesupakkileso mahākaruṇāsabbaññutaññāṇādiaparimeyyaguṇagaṇādhārova khandhasantāno buddho. Yathāha –
‘‘б̣уд̣̇д̇ход̇и яо со бхаг̇аваа саяамбхуу анаажарияаго буб̣б̣з анануссуд̇зсу д̇хаммзсу саамам̣ сажжаани абхисамб̣уж̇жхи, д̇ад̇т̇а жа саб̣б̣ан̃н̃уд̇ам̣ бад̇д̇о, б̣алзсу жа васийбхаава’’нд̇и (махаани. 192; жуул̣ани. баарааяанад̇т̇уд̇иг̇аат̇аанид̣̇д̣̇зса 97; бади. ма. 1.161),
‘‘Buddhoti yo so bhagavā sayambhū anācariyako pubbe ananussutesu dhammesu sāmaṃ saccāni abhisambujjhi, tattha ca sabbaññutaṃ patto, balesu ca vasībhāva’’nti (mahāni. 192; cūḷani. pārāyanatthutigāthāniddesa 97; paṭi. ma. 1.161),
д̇ам̣ б̣уд̣̇д̇хам̣.
Taṃ buddhaṃ.
д̇хаарзд̇ийд̇и д̇хаммо. аяан̃хи яат̇аанусидтам̣ бадибаж̇ж̇амаанз абааяад̣̇угкз, сам̣саарад̣̇угкз жа абад̇амаанз д̇хаарзд̇ийд̇и, д̇анниб̣б̣ад̇д̇агагилзсавид̣̇д̇хам̣санан̃жзд̇т̇а д̇хааран̣ам̣. зван̃жа гад̇ваа арияамаг̇г̇о, д̇асса д̇ад̣̇ад̇т̇асид̣̇д̇хихзд̇уд̇ааяа ниб̣б̣аанан̃жаад̇и убхаяамзва ниббарияааяад̇о д̇хаарзд̇и. арияапалан̃жа бана д̇ам̣самужчиннагилзсабадиббассамбханзна д̇ад̣̇анугуулад̇ааяа, барияад̇д̇ид̇хаммо жа д̇ад̣̇ад̇хиг̇амахзд̇уд̇ааяаад̇и убхаяамби барияааяад̇о д̇хаарзд̇ийд̇и взд̣̇ид̇аб̣б̣ам̣, д̇ам̣ д̇хаммам̣. жа-сад̣̇д̣̇о самужжаяад̇т̇о. д̇зна яат̇аавуд̇д̇ам̣ б̣уд̣̇д̇хам̣, иман̃жа д̇хаммам̣ ванд̣̇ид̇ваад̇и б̣уд̣̇д̇харад̇анзна саха ванд̣̇анагирияааяа д̇хаммарад̇анам̣ самужжинод̇и.
Dhāretīti dhammo. Ayañhi yathānusiṭṭhaṃ paṭipajjamāne apāyadukkhe, saṃsāradukkhe ca apatamāne dhāretīti, tannibbattakakilesaviddhaṃsanañcettha dhāraṇaṃ. Evañca katvā ariyamaggo, tassa tadatthasiddhihetutāya nibbānañcāti ubhayameva nippariyāyato dhāreti. Ariyaphalañca pana taṃsamucchinnakilesapaṭippassambhanena tadanukūlatāya, pariyattidhammo ca tadadhigamahetutāyāti ubhayampi pariyāyato dhāretīti veditabbaṃ, taṃ dhammaṃ. Ca-saddo samuccayattho. Tena yathāvuttaṃ buddhaṃ, imañca dhammaṃ vanditvāti buddharatanena saha vandanakiriyāya dhammaratanaṃ samuccinoti.
на гзвалам̣ ид̣̇ам̣ д̣̇ваяамзваад̇и ааха ‘‘сан̇гхан̃жаа’’д̇и. ариязна д̣̇идтисийласааман̃н̃зна сам̣хад̇о гхадид̇од̇и сан̇гхо, адтаарияабуг̇г̇аласамуухо. д̇зхи д̇зхи ваа маг̇г̇апалзхи гилзсад̣̇арат̇аанам̣ самужчзд̣̇абадиббассамбханавасзна саммад̣̇зва гхаад̇ид̇ад̇д̇аа сан̇гхо, бот̇уж̇ж̇анигасан̇гхассааби буб̣б̣абхааг̇аббадибад̣̇ааяа тид̇ад̇д̇аа буримажзд̇анааяа вияа д̣̇аанз зд̇т̇зва сан̇г̇ахо д̣̇адтаб̣б̣о. соби хи гин̃жааби ариязна д̣̇идтисийласааман̃н̃зна асам̣хад̇о, нияяаанигабагкиязна бана бот̇уж̇ж̇анигзна сам̣хад̇ад̇д̇аа д̣̇агкин̣зяяабан̣ибаад̇аарахо сан̇гхоязваад̇и, д̇ам̣ сан̇гхам̣. жа-сад̣̇д̣̇ассад̇т̇о зд̇т̇ааби вуд̇д̇анаязнзва взд̣̇ид̇аб̣б̣о.
Na kevalaṃ idaṃ dvayamevāti āha ‘‘saṅghañcā’’ti. Ariyena diṭṭhisīlasāmaññena saṃhato ghaṭitoti saṅgho, aṭṭhaariyapuggalasamūho. Tehi tehi vā maggaphalehi kilesadarathānaṃ samucchedapaṭippassambhanavasena sammadeva ghātitattā saṅgho, pothujjanikasaṅghassāpi pubbabhāgappaṭipadāya ṭhitattā purimacetanāya viya dāne ettheva saṅgaho daṭṭhabbo. Sopi hi kiñcāpi ariyena diṭṭhisīlasāmaññena asaṃhato, niyyānikapakkhiyena pana pothujjanikena saṃhatattā dakkhiṇeyyapaṇipātāraho saṅghoyevāti, taṃ saṅghaṃ. Ca-saddassattho etthāpi vuttanayeneva veditabbo.
гим̣висидтам̣ б̣уд̣̇д̇хам̣, д̇хаммам̣, сан̇гхан̃жаад̇и ааха ‘‘ванд̣̇анаамаанабууж̇аасаггаарабхааж̇ана’’нд̇и. ид̣̇ан̃жа висзсанам̣ бажжзгам̣ яож̇зд̇аб̣б̣ам̣ ‘‘ванд̣̇анаамаанабууж̇аасаггаарабхааж̇анам̣. б̣уд̣̇д̇хам̣…бз… ванд̣̇анаамаанабууж̇аасаггаарабхааж̇анам̣ сан̇гхан̃жаа’’д̇и. д̇ад̇т̇а сад̣̇звагзна логзна арахад̇аад̣̇ийхи г̇ун̣зхи сздтабхаавзна гарияамаано бан̣аамо ванд̣̇анаа, саммаано маано, г̇анд̇хабубпаад̣̇ийхи убахааро бууж̇аа, абхисан̇кад̇абажжаяад̣̇аанам̣ саггааро, ванд̣̇анаа жа маано жа бууж̇аа жа саггааро жа ванд̣̇анаамаанабууж̇аасаггаараа, д̇зсам̣ махабпалабхаавагаран̣зна бхааж̇анад̇д̇аа аад̇хаарад̇д̇аа ванд̣̇анаамаанабууж̇аасаггаарабхааж̇анам̣. иминаа рад̇анад̇д̇аяасса арахад̇аад̣̇ийхи г̇ун̣зхи асамабхаавам̣ д̣̇ассзд̇и. д̇анд̣̇ассанамби д̇аггад̇асса нибажжагаарасса сасанд̇аанабаванаад̣̇ивасзна яат̇аад̇хиббзд̇ааяа ад̇т̇асам̣ван̣н̣анааяа нибпаад̣̇анасамад̇т̇абхаавад̣̇ийбанад̇т̇анд̇и взд̣̇ид̇аб̣б̣ам̣.
Kiṃvisiṭṭhaṃ buddhaṃ, dhammaṃ, saṅghañcāti āha ‘‘vandanāmānapūjāsakkārabhājana’’nti. Idañca visesanaṃ paccekaṃ yojetabbaṃ ‘‘vandanāmānapūjāsakkārabhājanaṃ. Buddhaṃ…pe… vandanāmānapūjāsakkārabhājanaṃ saṅghañcā’’ti. Tattha sadevakena lokena arahatādīhi guṇehi seṭṭhabhāvena kariyamāno paṇāmo vandanā, sammāno māno, gandhapupphādīhi upahāro pūjā, abhisaṅkhatapaccayadānaṃ sakkāro, vandanā ca māno ca pūjā ca sakkāro ca vandanāmānapūjāsakkārā, tesaṃ mahapphalabhāvakaraṇena bhājanattā ādhārattā vandanāmānapūjāsakkārabhājanaṃ. Iminā ratanattayassa arahatādīhi guṇehi asamabhāvaṃ dasseti. Tandassanampi takkatassa nipaccakārassa sasantānapavanādivasena yathādhippetāya atthasaṃvaṇṇanāya nipphādanasamatthabhāvadīpanatthanti veditabbaṃ.
виббасаннзна жзд̇асаа ванд̣̇ид̇ваад̇и арахад̇аад̣̇ианзгаббагаараг̇ун̣ависзсаануссаран̣авасзна вивид̇хзна, висзсзна ваа басаннзна манасаа сад̣̇д̇хим̣ гааяаваажаахи гаран̣абхууд̇аахи абхиванд̣̇ияаад̇и ад̇т̇о, д̇ийхи д̣̇ваарзхи намассид̇ваад̇и вуд̇д̇ам̣ ход̇и. д̇ивид̇хаа жааяам̣ ванд̣̇анаа гааяаважийманованд̣̇анаанам̣ васзна. д̇ад̇т̇а б̣уд̣̇д̇хаад̣̇иг̇ун̣аарамман̣аа гаамааважарагусалагирияаанам̣ ан̃н̃ад̇аражзд̇анаа гааяаважийвин̃н̃ад̇д̇ияо самудтаабзд̇ваа гааяаважийд̣̇вааравасзна уббаннаа гааяаважийванд̣̇анаад̇и вужжад̇и, убхаяавин̃н̃ад̇д̇ияо бана асамудтаабзд̇ваа манод̣̇вааравасзна уббаннаа манованд̣̇анаад̇и. имасса бад̣̇асса ‘‘ван̣н̣анам̣ ван̣н̣аяиссаамий’’д̇и иминаа самб̣анд̇хо.
Vippasannena cetasā vanditvāti arahatādianekappakāraguṇavisesānussaraṇavasena vividhena, visesena vā pasannena manasā saddhiṃ kāyavācāhi karaṇabhūtāhi abhivandiyāti attho, tīhi dvārehi namassitvāti vuttaṃ hoti. Tividhā cāyaṃ vandanā kāyavacīmanovandanānaṃ vasena. Tattha buddhādiguṇārammaṇā kāmāvacarakusalakiriyānaṃ aññataracetanā kāyavacīviññattiyo samuṭṭhāpetvā kāyavacīdvāravasena uppannā kāyavacīvandanāti vuccati, ubhayaviññattiyo pana asamuṭṭhāpetvā manodvāravasena uppannā manovandanāti. Imassa padassa ‘‘vaṇṇanaṃ vaṇṇayissāmī’’ti iminā sambandho.
звам̣ рад̇анад̇д̇аяасса бан̣аамам̣ д̣̇ассзд̇ваа ид̣̇аани ад̇д̇ано ниссаяабхууд̇аанам̣ адтагат̇аажарияаанан̃жа бан̣аамам̣ д̣̇ассзнд̇о ‘‘т̇зравам̣саббад̣̇ийбаана’’нд̇иаад̣̇имааха. д̇ад̇т̇а гад̇ан̃ж̇алий буб̣б̣аажарияасийхаанам̣ намо гад̇ваад̇и самб̣анд̇хо. гад̇о ан̃ж̇али гарабудо зд̇знаад̇и гад̇ан̃ж̇алий. чанд̣̇аанурагкан̣ад̇т̇ан̃хзд̇т̇а д̣̇ийгхо , гад̇ан̃ж̇алий худ̇ваад̇и вуд̇д̇ам̣ ход̇и. буб̣б̣аажарияаа бораан̣адтагат̇аагаараа д̇амб̣абан̣н̣ияаа махаат̇зраа, д̇з зва бариссаяасаханад̇о, бадибагкабхууд̇агилзсахананад̇о, бараваад̣̇имиг̇зхи абад̇хам̣санийяад̇о жа сийхасад̣̇исад̇д̇аа сийхаад̇и буб̣б̣аажарияасийхаа, д̇зсам̣ буб̣б̣аажарияасийхаанам̣. гийд̣̇исаа д̇з буб̣б̣аажарияасийхаа, язсам̣ д̇аяаа намо гарийяад̇ийд̇и ааха ‘‘т̇зравам̣саббад̣̇ийбаана’’нд̇иаад̣̇и. д̇ад̇т̇а т̇зравам̣саббад̣̇ийбаананд̇и т̇ирзхи сийлагканд̇хаад̣̇ийхи саманнааг̇ад̇аад̇и т̇зраа, махаагассабаад̣̇аяо, д̇зсам̣ вам̣со анваяод̇и т̇зравам̣со. зд̇зна бхинналад̣̇д̇хигаанам̣ сад̇д̇арасабхзд̣̇аанам̣ махаасан̇гхигаад̣̇ийнам̣ вам̣сам̣ бадигкибад̇и, т̇зравам̣сабарияаабаннаа худ̇ваа бана ааг̇амаад̇хиг̇амасамбаннад̇д̇аа бан̃н̃аабаж̇ж̇од̇зна д̇асса т̇зравам̣сасса д̣̇ийбанад̇о т̇зравам̣саббад̣̇ийбаа, буб̣б̣аажарияасийхаа, д̇зсам̣ т̇зравам̣саббад̣̇ийбаанам̣. асам̣хийрад̇д̇аа т̇ираанам̣. винаяаггамзд̇и аарамбхаануруубаважанамзд̇ам̣, д̇з бана суд̇д̇аабхид̇хаммзсуби т̇ираа зва.
Evaṃ ratanattayassa paṇāmaṃ dassetvā idāni attano nissayabhūtānaṃ aṭṭhakathācariyānañca paṇāmaṃ dassento ‘‘theravaṃsappadīpāna’’ntiādimāha. Tattha katañjalī pubbācariyasīhānaṃ namo katvāti sambandho. Kato añjali karapuṭo etenāti katañjalī. Chandānurakkhaṇatthañhettha dīgho , katañjalī hutvāti vuttaṃ hoti. Pubbācariyā porāṇaṭṭhakathākārā tambapaṇṇiyā mahātherā, te eva parissayasahanato, paṭipakkhabhūtakilesahananato, paravādimigehi apadhaṃsanīyato ca sīhasadisattā sīhāti pubbācariyasīhā, tesaṃ pubbācariyasīhānaṃ. Kīdisā te pubbācariyasīhā, yesaṃ tayā namo karīyatīti āha ‘‘theravaṃsappadīpāna’’ntiādi. Tattha theravaṃsappadīpānanti thirehi sīlakkhandhādīhi samannāgatāti therā, mahākassapādayo, tesaṃ vaṃso anvayoti theravaṃso. Etena bhinnaladdhikānaṃ sattarasabhedānaṃ mahāsaṅghikādīnaṃ vaṃsaṃ paṭikkhipati, theravaṃsapariyāpannā hutvā pana āgamādhigamasampannattā paññāpajjotena tassa theravaṃsassa dīpanato theravaṃsappadīpā, pubbācariyasīhā, tesaṃ theravaṃsappadīpānaṃ. Asaṃhīrattā thirānaṃ. Vinayakkameti ārambhānurūpavacanametaṃ, te pana suttābhidhammesupi thirā eva.
звам̣ адтагат̇аажарияаанамби бан̣аамам̣ д̣̇ассзд̇ваа ид̣̇аани сам̣ван̣н̣зд̇аб̣б̣ад̇хаммависзсасса абхид̇хаанаанисам̣сам̣, д̣̇зсагасамбад̇д̇ияо жа д̣̇ассзнд̇о ‘‘баамогка’’нд̇иаад̣̇имааха. д̇ад̇т̇а махзсинаа яам̣ баад̇имогкам̣ багаасид̇анд̇и самб̣анд̇хо. д̇ад̇т̇а махзсинаад̇и маханд̇з сийлаад̣̇игз бан̃жа д̇хаммагканд̇хз зсий г̇авзсийд̇и махзси. маханд̇зхи зсид̇од̇и ваа бут̇уж̇ж̇анасзкаасзкаисийхи висидтад̇д̇аа маханд̇о исийд̇и ваа махзси, саммаасамб̣уд̣̇д̇хо, д̇зна махзсинаа. баад̇имогканд̇и сад̇д̇аабад̇д̇игканд̇хасам̣варабхууд̇ам̣ сигкаабад̣̇асийлам̣, д̇ад̣̇д̣̇ийбанад̇о убхад̇овибхан̇г̇асуд̇д̇асан̇каад̇ам̣ г̇ант̇абаад̇имогкамзва ваа. гимбхууд̇анд̇и ааха ‘‘баамогка’’нд̇иаад̣̇и. бамукз саад̇хууд̇и бамогкам̣, бамогкамзва баамогкам̣, важ̇ж̇абадибагкад̇д̇аа анаваж̇ж̇аанам̣ самаад̇хибан̃н̃аасан̇каад̇аанам̣ барид̇д̇амахаг̇г̇ад̇алогуд̇д̇араанам̣ гусалаанам̣ д̇хаммаанам̣ аад̣̇и бад̇идтаабхууд̇анд̇и ад̇т̇о. ‘‘сийлз бад̇идтааяа наро сабан̃н̃о, жид̇д̇ам̣ бан̃н̃ан̃жа бхааваяа’’нд̇и (сам̣. ни. 1.23, 192; бздаго. 22; ми. ба. 2.1.9) хи вуд̇д̇ам̣. мукамиваад̇и мукам̣, д̣̇ваарам̣. яат̇аа хи сад̇д̇аанам̣ каж̇ж̇абхож̇ж̇алзяяабзяяавасзна жад̇уб̣б̣ид̇хоби аахааро мукзна бависид̇ваа ан̇г̇абажжан̇г̇аани парад̇и, звам̣ яог̇иноби жаад̇убхуумагагусалам̣ сийламукзна бависид̇ваа ад̇т̇асид̣̇д̇хим̣ самбаад̣̇зд̇и. д̇зна вуд̇д̇ам̣ ‘‘мукамиваад̇и мука’’нд̇и. ат̇а ваа мукам̣ д̣̇ваарам̣ могкаббавзсааяа ниб̣б̣аанасажчигирияааяаад̇и ад̇т̇о. вуд̇д̇ан̃хи –
Evaṃ aṭṭhakathācariyānampi paṇāmaṃ dassetvā idāni saṃvaṇṇetabbadhammavisesassa abhidhānānisaṃsaṃ, desakasampattiyo ca dassento ‘‘pāmokkha’’ntiādimāha. Tattha mahesinā yaṃ pātimokkhaṃ pakāsitanti sambandho. Tattha mahesināti mahante sīlādike pañca dhammakkhandhe esī gavesīti mahesi. Mahantehi esitoti vā puthujjanasekhāsekhaisīhi visiṭṭhattā mahanto isīti vā mahesi, sammāsambuddho, tena mahesinā. Pātimokkhanti sattāpattikkhandhasaṃvarabhūtaṃ sikkhāpadasīlaṃ, taddīpanato ubhatovibhaṅgasuttasaṅkhātaṃ ganthapātimokkhameva vā. Kimbhūtanti āha ‘‘pāmokkha’’ntiādi. Pamukhe sādhūti pamokkhaṃ, pamokkhameva pāmokkhaṃ, vajjapaṭipakkhattā anavajjānaṃ samādhipaññāsaṅkhātānaṃ parittamahaggatalokuttarānaṃ kusalānaṃ dhammānaṃ ādi patiṭṭhābhūtanti attho. ‘‘Sīle patiṭṭhāya naro sapañño, cittaṃ paññañca bhāvaya’’nti (saṃ. ni. 1.23, 192; peṭako. 22; mi. pa. 2.1.9) hi vuttaṃ. Mukhamivāti mukhaṃ, dvāraṃ. Yathā hi sattānaṃ khajjabhojjaleyyapeyyavasena catubbidhopi āhāro mukhena pavisitvā aṅgapaccaṅgāni pharati, evaṃ yoginopi cātubhūmakakusalaṃ sīlamukhena pavisitvā atthasiddhiṃ sampādeti. Tena vuttaṃ ‘‘mukhamivāti mukha’’nti. Atha vā mukhaṃ dvāraṃ mokkhappavesāya nibbānasacchikiriyāyāti attho. Vuttañhi –
‘‘авиббадисаарад̇т̇аани ко, аананд̣̇а, гусалаани сийлааний’’д̇и (а. ни. 11.1).
‘‘Avippaṭisāratthāni kho, ānanda, kusalāni sīlānī’’ti (a. ni. 11.1).
д̇ат̇аа –
Tathā –
‘‘авиббадисааро баамож̇ж̇ад̇т̇ааяа, баамож̇ж̇ам̣ бийд̇ад̇т̇ааяа, бийд̇и бассад̣̇д̇хад̇т̇ааяа, бассад̣̇д̇хи сукад̇т̇ааяа, сукам̣ самаад̇хад̇т̇ааяа, самаад̇хи яат̇аабхууд̇ан̃аан̣ад̣̇ассанад̇т̇ааяа, яат̇аабхууд̇ан̃аан̣ад̣̇ассанам̣ ниб̣б̣ид̣̇ад̇т̇ааяа, ниб̣б̣ид̣̇аа вирааг̇ад̇т̇ааяа, вирааг̇о вимуд̇д̇ад̇т̇ааяа, вимуд̇д̇и вимуд̇д̇ин̃аан̣ад̣̇ассанад̇т̇ааяа, вимуд̇д̇ин̃аан̣ад̣̇ассанам̣ анубаад̣̇аабариниб̣б̣аанад̇т̇ааяаа’’д̇и (бари. 366) жа.
‘‘Avippaṭisāro pāmojjatthāya, pāmojjaṃ pītatthāya, pīti passaddhatthāya, passaddhi sukhatthāya, sukhaṃ samādhatthāya, samādhi yathābhūtañāṇadassanatthāya, yathābhūtañāṇadassanaṃ nibbidatthāya, nibbidā virāgatthāya, virāgo vimuttatthāya, vimutti vimuttiñāṇadassanatthāya, vimuttiñāṇadassanaṃ anupādāparinibbānatthāyā’’ti (pari. 366) ca.
звам̣ сам̣ван̣н̣зд̇аб̣б̣ад̇хаммасса абхид̇хаанаад̣̇им̣ д̣̇ассзд̇ваа ид̣̇аани сам̣ван̣н̣анааяа нимид̇д̇ам̣ д̣̇ассзд̇ум̣ ‘‘суурад̇знаа’’д̇иаад̣̇инаа жад̇уд̇т̇аг̇аат̇амааха. д̇ад̇т̇а суурад̇знаад̇и собханз рад̇од̇и суурад̇о у-гаарасса д̣̇ийгхам̣ гад̇ваа, д̇зна суурад̇зна, собханз гааяигаваажасигагаммз рад̇знаад̇и ад̇т̇о, винийд̇знаад̇и вуд̇д̇ам̣ ход̇и. ниваад̇знаад̇и нийжавуд̇д̇инаа. сужисаллзкавуд̇д̇инаад̇и сужибхууд̇аа гилзсасалликанасамад̇т̇аа вуд̇д̇и бадибад̇д̇и зд̇ассаад̇и сужисаллзкавуд̇д̇и, д̇зна сужисаллзкавуд̇д̇инаа, барисуд̣̇д̇хааяа аббижчавуд̇д̇ияаа саманнааг̇ад̇знаад̇и ад̇т̇о. винаяаажаараяуд̇д̇знаад̇и ваарид̇д̇ажаарид̇д̇асийласамбаннзна. ат̇а ваа винаяод̇и жзд̇т̇а баад̇имогкасам̣вараад̣̇ибхзд̣̇о сам̣варавинаяо. аажаарод̇и аажаараг̇ожаранид̣̇д̣̇зсз ааг̇ад̇асаман̣асааруббаажааро . сон̣ад̇т̇зрзнаад̇и зд̇т̇а сон̣од̇и д̇асса наамам̣. т̇ирзхи сийлагканд̇хаад̣̇ийхи саманнааг̇ад̇ад̇д̇аа т̇зро. яаажид̇од̇и абхияаажид̇о. т̇зро хи баад̇имогкасса г̇амбхийрад̇ааяа д̣̇ураваг̇аахад̇ам̣, аажарияасса жа д̇ам̣сам̣ван̣н̣анааяа саамад̇т̇ияам̣ н̃ад̇ваа ‘‘баад̇имогкасса д̇аяаа ад̇т̇асам̣ван̣н̣анаа гаад̇аб̣б̣аа. зван̃хи саасанасса сужирадтид̇игад̇аа ход̇ий’’д̇и саанисам̣саг̇ааравзна яаажанам̣ агааси. д̇ад̣̇асса яаажанам̣ ад̇д̇ано сам̣ван̣н̣анааяа нид̣̇аанабхууд̇ам̣ д̣̇ассзнд̇о ‘‘яаажид̇о’’д̇и ааха.
Evaṃ saṃvaṇṇetabbadhammassa abhidhānādiṃ dassetvā idāni saṃvaṇṇanāya nimittaṃ dassetuṃ ‘‘sūratenā’’tiādinā catutthagāthamāha. Tattha sūratenāti sobhane ratoti sūrato u-kārassa dīghaṃ katvā, tena sūratena, sobhane kāyikavācasikakamme ratenāti attho, vinītenāti vuttaṃ hoti. Nivātenāti nīcavuttinā. Sucisallekhavuttināti sucibhūtā kilesasallikhanasamatthā vutti paṭipatti etassāti sucisallekhavutti, tena sucisallekhavuttinā, parisuddhāya appicchavuttiyā samannāgatenāti attho. Vinayācārayuttenāti vārittacārittasīlasampannena. Atha vā vinayoti cettha pātimokkhasaṃvarādibhedo saṃvaravinayo. Ācāroti ācāragocaraniddese āgatasamaṇasāruppācāro . Soṇattherenāti ettha soṇoti tassa nāmaṃ. Thirehi sīlakkhandhādīhi samannāgatattā thero. Yācitoti abhiyācito. Thero hi pātimokkhassa gambhīratāya duravagāhataṃ, ācariyassa ca taṃsaṃvaṇṇanāya sāmatthiyaṃ ñatvā ‘‘pātimokkhassa tayā atthasaṃvaṇṇanā kātabbā. Evañhi sāsanassa suciraṭṭhitikatā hotī’’ti sānisaṃsagāravena yācanaṃ akāsi. Tadassa yācanaṃ attano saṃvaṇṇanāya nidānabhūtaṃ dassento ‘‘yācito’’ti āha.
зд̇т̇а жа ‘‘суурад̇знаа’’д̇и иминаасса соражжам̣ вужжад̇и. ‘‘ниваад̇знаа’’д̇и иминаа нийжаманад̇аа ниваад̇авуд̇д̇ид̇аа, яааяа ниваад̇авуд̇д̇ид̇ааяа саманнааг̇ад̇о буг̇г̇ало нихад̇амаано, нихад̇ад̣̇аббо, баад̣̇абун̃чанажол̣агасамо, бхиннависаан̣уусабхасамо, уд̣̇д̇хадад̣̇аатасаббасамо жа худ̇ваа сан̣хо сакило сукасамбхаасо ход̇и. ‘‘сужисаллзкавуд̇д̇инаа’’д̇и иминаа инд̣̇рияасам̣варабажжаяасанниссид̇аааж̇ийвабаарисуд̣̇д̇хисийлам̣. ‘‘винаяаажаараяуд̇д̇знаа’’д̇и иминаа баад̇имогкасам̣варасийлам̣ вуд̇д̇анд̇и взд̣̇ид̇аб̣б̣ам̣. зваманзгаг̇ун̣зхи д̇асса абхид̇т̇аванам̣ яат̇аавуд̇д̇аг̇ун̣асаманнааг̇ад̇асса саб̣рахмажаарино аж̇жхзсанам̣ на саггаа бадиб̣аахид̇унд̇и барамаг̇амбхийрассааби баад̇имогкасса ад̇т̇асам̣ван̣н̣анааяам̣ бавад̇д̇аад̇и д̣̇ассанад̇т̇ам̣. гин̃жа – д̇аад̣̇исасса аж̇жхзсанам̣ ниссааяа гарияамаанаа ад̇т̇асам̣ван̣н̣анаа д̇асса аж̇жхзсанаад̇хибажжзна, маман̃жа уссаахасамбад̇д̇ияаа на жирзна барияосаанам̣ г̇ажчад̇ийд̇и гад̇анд̇и взд̣̇ид̇аб̣б̣ам̣.
Ettha ca ‘‘sūratenā’’ti imināssa soraccaṃ vuccati. ‘‘Nivātenā’’ti iminā nīcamanatā nivātavuttitā, yāya nivātavuttitāya samannāgato puggalo nihatamāno, nihatadappo, pādapuñchanacoḷakasamo, bhinnavisāṇūsabhasamo, uddhaṭadāṭhasappasamo ca hutvā saṇho sakhilo sukhasambhāso hoti. ‘‘Sucisallekhavuttinā’’ti iminā indriyasaṃvarapaccayasannissitaājīvapārisuddhisīlaṃ. ‘‘Vinayācārayuttenā’’ti iminā pātimokkhasaṃvarasīlaṃ vuttanti veditabbaṃ. Evamanekaguṇehi tassa abhitthavanaṃ yathāvuttaguṇasamannāgatassa sabrahmacārino ajjhesanaṃ na sakkā paṭibāhitunti paramagambhīrassāpi pātimokkhassa atthasaṃvaṇṇanāyaṃ pavattāti dassanatthaṃ. Kiñca – tādisassa ajjhesanaṃ nissāya kariyamānā atthasaṃvaṇṇanā tassa ajjhesanādhipaccena, mamañca ussāhasampattiyā na cirena pariyosānaṃ gacchatīti katanti veditabbaṃ.
звам̣ сам̣ван̣н̣анааяа нимид̇д̇ам̣ д̣̇ассзд̇ваа ид̣̇аани д̇ассаванз сод̇уж̇анассаад̣̇арам̣ ж̇анзд̇ум̣ д̇аббаяож̇анагаран̣аббагаараниссаяаабхид̇хаанаад̣̇им̣ д̣̇ассзнд̇о ‘‘д̇ад̇т̇аа’’д̇иаад̣̇иг̇аат̇аад̣̇ваяамааха. д̇ад̇т̇а д̇ад̇т̇аад̇и ‘‘яам̣ махзсинаа баад̇имогкам̣ багаасид̇а’’нд̇и вуд̇д̇ам̣, д̇асмим̣ баад̇имогкз. сан̃ж̇аад̇аган̇каананд̇и бад̣̇абад̣̇ад̇т̇авинижчаяавасзна сан̃ж̇аад̇аган̇каанам̣, самуббаннасам̣саяаананд̇и ад̇т̇о. ган̇каавид̇аран̣ад̇т̇ааяаад̇и яат̇аавуд̇д̇асам̣саяасса ад̇иггаманад̇т̇ааяа. д̇ассаад̇и баад̇имогкасса. ван̣н̣ийяад̇и ад̇т̇о гат̇ийяад̇и зд̇ааяаад̇и ван̣н̣анаа, адтагат̇аа, д̇ам̣ ван̣н̣анам̣. имасса жа ‘‘ван̣н̣аяиссаамий’’д̇и иминаа самб̣анд̇хо. гим̣бхууд̇анд̇и ааха ‘‘барибун̣н̣авинижчаяа’’нд̇иаад̣̇и. барибун̣н̣авинижчаяанд̇и канд̇хагабариваарабад̣̇абхааж̇анаад̣̇ивасзна асаад̇хааран̣авинижчаяасса жа нид̣̇аанаад̣̇ивасзна сад̇д̇арасаббабхзд̣̇асса жа саб̣б̣асигкаабад̣̇асаад̇хааран̣авинижчаяасса багаасанад̇о самбун̣н̣авинижчаяам̣.
Evaṃ saṃvaṇṇanāya nimittaṃ dassetvā idāni tassavane sotujanassādaraṃ janetuṃ tappayojanakaraṇappakāranissayābhidhānādiṃ dassento ‘‘tatthā’’tiādigāthādvayamāha. Tattha tatthāti ‘‘yaṃ mahesinā pātimokkhaṃ pakāsita’’nti vuttaṃ, tasmiṃ pātimokkhe. Sañjātakaṅkhānanti padapadatthavinicchayavasena sañjātakaṅkhānaṃ, samuppannasaṃsayānanti attho. Kaṅkhāvitaraṇatthāyāti yathāvuttasaṃsayassa atikkamanatthāya. Tassāti pātimokkhassa. Vaṇṇīyati attho kathīyati etāyāti vaṇṇanā, aṭṭhakathā, taṃ vaṇṇanaṃ. Imassa ca ‘‘vaṇṇayissāmī’’ti iminā sambandho. Kiṃbhūtanti āha ‘‘paripuṇṇavinicchaya’’ntiādi. Paripuṇṇavinicchayanti khandhakaparivārapadabhājanādivasena asādhāraṇavinicchayassa ca nidānādivasena sattarasappabhedassa ca sabbasikkhāpadasādhāraṇavinicchayassa pakāsanato sampuṇṇavinicchayaṃ.
махаавихаараваасийнанд̇и махаамзгхавануяяаанабхуумибхааг̇з бад̇идтид̇о вихааро махаавихааро, яо сад̇т̇уно махааб̣од̇хинаа вибхуусид̇о, д̇ад̇т̇а васанд̇и сийлзнаад̇и махаавихаараваасино, д̇зсам̣ махаавихаараваасийнам̣ . ваажанаамаг̇г̇аниссид̇анд̇и гат̇аамаг̇г̇аниссид̇ам̣, адтагат̇ааниссид̇анд̇и ад̇т̇о, махаавихаараваасийнам̣ сийхал̣адтагат̇аанаяам̣ ид̇ха ниссааяаад̇и вуд̇д̇ам̣ ход̇и. ван̣н̣аяиссаамийд̇и бавад̇д̇аяиссаами. наамзнаад̇и ад̇д̇ано г̇ун̣анаамзна. ган̇каавид̇аранд̇и зд̇ааяаад̇и ган̇каавид̇аран̣ий, д̇ам̣ ган̇каавид̇аран̣им̣. субханд̇и ад̇т̇аб̣яан̃ж̇анасамбаннад̇д̇аа сунд̣̇арам̣, сад̣̇д̣̇алагкан̣асубхад̇о, винижчаяасубхад̇о, вин̃н̃зяяасубхад̇о жа субхам̣ барисуд̣̇д̇хам̣. зд̇т̇а жа ‘‘ган̇каавид̇аран̣ад̇т̇ааяаа’’д̇и иминаа баяож̇анам̣ д̣̇ассзд̇и, бурибун̣н̣авинижчаяа’’нд̇и иминаа сам̣ван̣н̣анааббагаарам̣, ‘‘махаавихаараваасийнам̣ ваажанаамаг̇г̇аниссид̇а’’нд̇и иминаа сам̣ван̣н̣анааяа ниссаяависуд̣̇д̇хим̣ нигааяанд̇аралад̣̇д̇хисан̇гарад̣̇осавиваж̇ж̇анад̇о, ‘‘ван̣н̣аяиссаамий’’д̇и иминаа ад̇д̇ано аж̇жхаасаяам̣ д̣̇ассзд̇ийд̇и д̣̇адтаб̣б̣ам̣. ‘‘вад̇д̇аяиссаамий’’д̇иби баато.
Mahāvihāravāsīnanti mahāmeghavanuyyānabhūmibhāge patiṭṭhito vihāro mahāvihāro, yo satthuno mahābodhinā vibhūsito, tattha vasanti sīlenāti mahāvihāravāsino, tesaṃ mahāvihāravāsīnaṃ . Vācanāmagganissitanti kathāmagganissitaṃ, aṭṭhakathānissitanti attho, mahāvihāravāsīnaṃ sīhaḷaṭṭhakathānayaṃ idha nissāyāti vuttaṃ hoti. Vaṇṇayissāmīti pavattayissāmi. Nāmenāti attano guṇanāmena. Kaṅkhāvitaranti etāyāti kaṅkhāvitaraṇī, taṃ kaṅkhāvitaraṇiṃ. Subhanti atthabyañjanasampannattā sundaraṃ, saddalakkhaṇasubhato, vinicchayasubhato, viññeyyasubhato ca subhaṃ parisuddhaṃ. Ettha ca ‘‘kaṅkhāvitaraṇatthāyā’’ti iminā payojanaṃ dasseti, puripuṇṇavinicchaya’’nti iminā saṃvaṇṇanāppakāraṃ, ‘‘mahāvihāravāsīnaṃ vācanāmagganissita’’nti iminā saṃvaṇṇanāya nissayavisuddhiṃ nikāyantaraladdhisaṅkaradosavivajjanato, ‘‘vaṇṇayissāmī’’ti iminā attano ajjhāsayaṃ dassetīti daṭṭhabbaṃ. ‘‘Vattayissāmī’’tipi pāṭho.
г̇ант̇аарамбхагат̇ааван̣н̣анаа нидтид̇аа.
Ganthārambhakathāvaṇṇanā niṭṭhitā.
