| Library / Tipiṭaka / д̇ибидага • Tipiṭaka / ган̇каавид̇аран̣ий-бураан̣а-дийгаа • Kaṅkhāvitaraṇī-purāṇa-ṭīkā |
г̇ант̇аарамбхагат̇ааван̣н̣анаа
Ganthārambhakathāvaṇṇanā
виббасаннзнаад̇и вивид̇хаббасаннзна. гат̇ам̣? ‘‘ид̇иби со…бз… б̣уд̣̇д̇хо бхаг̇аваа, сваагкаад̇о…бз… вин̃н̃уухи, суббадибанно…бз… логассаа’’д̇и (а. ни. 5.10) звамаад̣̇инаа. ‘‘жзд̇асаа’’д̇и вуд̇д̇ад̇д̇аа д̇ийсу ванд̣̇анаасу жзд̇ованд̣̇анаа ад̇хиббзд̇аа. д̇анниннад̇аад̣̇ивасзна гааяаад̣̇ийхи бан̣аамагаран̣ам̣ ванд̣̇анаа, г̇ун̣авасзна манасааби д̇ат̇аава гаран̣ам̣ маанам̣, бажжаяаббадибад̇д̇ияаад̣̇ийхи бууж̇аагаран̣ам̣ бууж̇аа, бажжаяаад̣̇ийнам̣ абхисан̇каран̣ам̣ саггажжа гаран̣ам̣ саггааро, д̇зсам̣. бхааж̇ананд̇и аад̇хааро, ад̇хигаран̣ам̣ ваа.
Vippasannenāti vividhappasannena. Kathaṃ? ‘‘Itipi so…pe… buddho bhagavā, svākkhāto…pe… viññūhi, suppaṭipanno…pe… lokassā’’ti (a. ni. 5.10) evamādinā. ‘‘Cetasā’’ti vuttattā tīsu vandanāsu cetovandanā adhippetā. Tanninnatādivasena kāyādīhi paṇāmakaraṇaṃ vandanā, guṇavasena manasāpi tathāva karaṇaṃ mānaṃ, paccayappaṭipattiyādīhi pūjākaraṇaṃ pūjā, paccayādīnaṃ abhisaṅkharaṇaṃ sakkacca karaṇaṃ sakkāro, tesaṃ. Bhājananti ādhāro, adhikaraṇaṃ vā.
т̇зраа махаагассабаад̣̇аяо, д̇зсам̣ вам̣сод̇и т̇зравам̣со, ааг̇амаад̇хиг̇амасамбад̣̇ааяа д̇асса вам̣сасса бад̣̇ийбабхууд̇аад̇и т̇зравам̣саббад̣̇ийбаа, д̇зсам̣ т̇зравам̣саббад̣̇ийбаанам̣. асам̣хийрад̇д̇аа т̇ираанам̣. винаяаггамзд̇и винаяабидагз, аарамбхаануруубаважанамзд̇ам̣. суд̇д̇аабхид̇хаммзсуби д̇з т̇ираа зва. ‘‘б̣уд̣̇д̇хам̣ д̇хамман̃жа сан̇гхан̃жа буб̣б̣аажарияасийхаанан̃жаа’’д̇и авад̇ваа гасмаа висум̣ вуд̇д̇анд̇и жз? баяож̇анависзсад̣̇ассанад̇т̇ам̣. вад̇т̇уд̇д̇аяасса хи бан̣аамагаран̣асса анд̇арааяанивааран̣ам̣ баяож̇анам̣ ад̇д̇ано ниссаяабхууд̇аанам̣ аажарияаанам̣ бан̣аамагаран̣асса убагааран̃н̃уд̇аад̣̇ассанам̣. д̇зна б̣уд̣̇д̇хан̃жа д̇хамман̃жа сан̇гхан̃жа ванд̣̇ид̇ваа, жа-сад̣̇д̣̇зна буб̣б̣аажарияасийхаанан̃жа намо гад̇ваад̇и яож̇анаа. ат̇а ваа ‘‘ванд̣̇ид̇ваа’’д̇и жзд̇ованд̣̇анам̣ д̣̇ассзд̇ваа д̇ад̇о ‘‘намо гад̇ваа’’д̇и ваажааванд̣̇анаа, ‘‘гад̇ан̃ж̇алий’’д̇и гааяаванд̣̇анааби д̣̇ассид̇аад̇и яож̇зд̇аб̣б̣ам̣.
Therā mahākassapādayo, tesaṃ vaṃsoti theravaṃso, āgamādhigamasampadāya tassa vaṃsassa padīpabhūtāti theravaṃsappadīpā, tesaṃ theravaṃsappadīpānaṃ. Asaṃhīrattā thirānaṃ. Vinayakkameti vinayapiṭake, ārambhānurūpavacanametaṃ. Suttābhidhammesupi te thirā eva. ‘‘Buddhaṃ dhammañca saṅghañca pubbācariyasīhānañcā’’ti avatvā kasmā visuṃ vuttanti ce? Payojanavisesadassanatthaṃ. Vatthuttayassa hi paṇāmakaraṇassa antarāyanivāraṇaṃ payojanaṃ attano nissayabhūtānaṃ ācariyānaṃ paṇāmakaraṇassa upakāraññutādassanaṃ. Tena buddhañca dhammañca saṅghañca vanditvā, ca-saddena pubbācariyasīhānañca namo katvāti yojanā. Atha vā ‘‘vanditvā’’ti cetovandanaṃ dassetvā tato ‘‘namo katvā’’ti vācāvandanā, ‘‘katañjalī’’ti kāyavandanāpi dassitāti yojetabbaṃ.
ид̣̇аани абхид̇хаанаббаяож̇анам̣ д̣̇ассзд̇ум̣ ‘‘баамогка’’нд̇иаад̣̇имааха. д̇ад̇т̇а баамогканд̇и бад̇хаанам̣. сийлан̃хи саб̣б̣зсам̣ гусалад̇хаммаанам̣ бад̇хаанам̣ аад̣̇ибхаавад̇о. яат̇аа жа сад̇д̇аанам̣ каж̇ж̇абхож̇ж̇алзяяабзяяавасзна жад̇уб̣б̣ид̇хоби аахааро мукзна бависид̇ваа ан̇г̇аман̇г̇аани парад̇и, звам̣ яог̇иноби жаад̇убхуумагам̣ гусалам̣ сийламукзна бависид̇ваа ад̇т̇асид̣̇д̇хим̣ самбаад̣̇зд̇и. д̇зна вуд̇д̇ам̣ ‘‘мука’’нд̇иаад̣̇и. ат̇а ваа муканд̇и убааяо, д̇зна могкаббавзсааяа ниб̣б̣аанасажчигирияааяа мукам̣ убааяод̇и ад̇т̇о. махзсинаа яам̣ баад̇имогкам̣ багаасид̇анд̇и самб̣анд̇хо. маханд̇з сийлаад̣̇игканд̇хз зси г̇авзсийд̇и махзси.
Idāni abhidhānappayojanaṃ dassetuṃ ‘‘pāmokkha’’ntiādimāha. Tattha pāmokkhanti padhānaṃ. Sīlañhi sabbesaṃ kusaladhammānaṃ padhānaṃ ādibhāvato. Yathā ca sattānaṃ khajjabhojjaleyyapeyyavasena catubbidhopi āhāro mukhena pavisitvā aṅgamaṅgāni pharati, evaṃ yoginopi cātubhūmakaṃ kusalaṃ sīlamukhena pavisitvā atthasiddhiṃ sampādeti. Tena vuttaṃ ‘‘mukha’’ntiādi. Atha vā mukhanti upāyo, tena mokkhappavesāya nibbānasacchikiriyāya mukhaṃ upāyoti attho. Mahesinā yaṃ pātimokkhaṃ pakāsitanti sambandho. Mahante sīlādikkhandhe esi gavesīti mahesi.
суурад̇зна ниваад̇знаад̇и ‘‘д̇ад̇т̇а гад̇амам̣ соражжам̣? яо гааяиго авийд̇иггамо’’д̇иаад̣̇инаа (д̇ха. са. 1349) суурад̇зна, нийжавуд̇д̇инаа маануд̣̇д̇хажжавасзна ад̇д̇аанам̣ анугкибанабхаавзна ниваад̇зна. винаяаажаараяуд̇д̇зна жаарид̇д̇аваарид̇д̇зхи яуд̇д̇зна. ‘‘сон̣ад̇т̇зрзна яаажид̇о’’д̇и авад̇ваа ‘‘суурад̇знаа’’д̇иаад̣̇и гасмаа вуд̇д̇ам̣, гим̣ д̣̇уссийлзна ваа д̣̇удтзна ваа алаж̇ж̇инаа ваа яаажид̇зна ван̣н̣анаа гаад̇ум̣ на ваддад̇ийд̇и жз? на на ваддад̇и. т̇зрасса важанам̣ бадигкибид̇ум̣ на саггаа, зваруубаг̇ун̣о т̇зрова, яаажанавасзна гад̇д̇аб̣б̣о аад̣̇арзнаад̇и д̣̇ассзд̇ум̣ вуд̇д̇ам̣.
Sūratena nivātenāti ‘‘tattha katamaṃ soraccaṃ? Yo kāyiko avītikkamo’’tiādinā (dha. sa. 1349) sūratena, nīcavuttinā mānuddhaccavasena attānaṃ anukkhipanabhāvena nivātena. Vinayācārayuttena cārittavārittehi yuttena. ‘‘Soṇattherena yācito’’ti avatvā ‘‘sūratenā’’tiādi kasmā vuttaṃ, kiṃ dussīlena vā duṭṭhena vā alajjinā vā yācitena vaṇṇanā kātuṃ na vaṭṭatīti ce? Na na vaṭṭati. Therassa vacanaṃ paṭikkhipituṃ na sakkā, evarūpaguṇo therova, yācanavasena kattabbo ādarenāti dassetuṃ vuttaṃ.
наамзнаад̇и ад̇д̇ано г̇ун̣анаамзна. сад̣̇д̣̇алагкан̣асубхад̇о, винижчаяасубхад̇о, вин̃н̃зяяасубхад̇о жа субхам̣.
Nāmenāti attano guṇanāmena. Saddalakkhaṇasubhato, vinicchayasubhato, viññeyyasubhato ca subhaṃ.
г̇ант̇аарамбхагат̇ааван̣н̣анаа нидтид̇аа.
Ganthārambhakathāvaṇṇanā niṭṭhitā.
