Library / Tipiṭaka / д̇ибидага • Tipiṭaka / нзд̇д̇иббагаран̣а-дийгаа • Nettippakaraṇa-ṭīkā

    намо д̇асса бхаг̇авад̇о арахад̇о саммаасамб̣уд̣̇д̇хасса

    Namo tassa bhagavato arahato sammāsambuddhassa

    куд̣̇д̣̇аганигааяз

    Khuddakanikāye

    нзд̇д̇иббагаран̣а-дийгаа

    Nettippakaraṇa-ṭīkā

    г̇ант̇аарамбхагат̇ааван̣н̣анаа

    Ganthārambhakathāvaṇṇanā

    сам̣ван̣н̣анаарамбхз (д̣̇ий. ни. дий. 1.г̇ант̇аарамбхагат̇ааван̣н̣анаа; ма. ни. дий. 1.1 г̇ант̇аарамбхагат̇ааван̣н̣анаа; сам̣. ни. дий. 1.1.1 г̇ант̇аарамбхагат̇ааван̣н̣анаа) рад̇анад̇д̇аяаванд̣̇анаа сам̣ван̣н̣зд̇аб̣б̣асса д̇хаммасса бабхаваниссаяависуд̣̇д̇хибадивзд̣̇анад̇т̇ам̣, д̇ам̣ бана д̇хаммасам̣ван̣н̣анаасу вин̃н̃уунам̣ б̣ахумаануббаад̣̇анад̇т̇ам̣, д̇ам̣ саммад̣̇зва д̇зсам̣ уг̇г̇ахан̣ад̇хааран̣аад̣̇иггамалад̣̇д̇хаб̣б̣ааяа саммаабадибад̇д̇ияаа саб̣б̣ахид̇асуканибпаад̣̇анад̇т̇ам̣. ат̇а ваа ман̇г̇алабхаавад̇о, саб̣б̣агирияаасу буб̣б̣агижжабхаавад̇о, бан̣д̣ид̇зхи саммаажарид̇абхаавад̇о, ааяад̇им̣ барзсам̣ д̣̇идтаануг̇ад̇иаабаж̇ж̇анад̇о жа сам̣ван̣н̣анааяам̣ рад̇анад̇д̇аяабан̣аамагирияаа. ат̇а ваа рад̇анад̇д̇аяабан̣аамагаран̣ам̣ бууж̇анийяабууж̇аабун̃н̃ависзсаниб̣б̣ад̇д̇анад̇т̇ам̣, д̇ам̣ ад̇д̇ано яат̇аалад̣̇д̇хасамбад̇д̇инимид̇д̇асса гаммасса б̣алаануббад̣̇аанад̇т̇ам̣, анд̇араа жа д̇асса асан̇гожанад̇т̇ам̣, д̇ад̣̇убхаяам̣ ананд̇арааязна адтагат̇ааяа барисамаабанад̇т̇ам̣. ид̣̇амзва жа баяож̇анам̣ аажариязна ид̇хаад̇хиббзд̇ам̣. д̇ат̇аа хи вагкад̇и ‘‘ванд̣̇анааж̇анид̇ам̣…бз… д̇асса д̇зж̇асаа’’д̇и. вад̇т̇уд̇д̇аяабууж̇аа хи нирад̇исаяабун̃н̃агкзд̇д̇асамб̣уд̣̇д̇хияаа абаримзяяаббабхааво бун̃н̃аад̇исаяод̇и б̣ахувид̇ханд̇арааязби логасанниваасз анд̇арааяаниб̣анд̇ханасагаласам̣гилзсавид̣̇д̇хам̣санааяа баход̇и, бхаяаад̣̇иубад̣̇д̣̇аван̃жа ниваарзд̇и. яат̇ааха –

    Saṃvaṇṇanārambhe (dī. ni. ṭī. 1.ganthārambhakathāvaṇṇanā; ma. ni. ṭī. 1.1 ganthārambhakathāvaṇṇanā; saṃ. ni. ṭī. 1.1.1 ganthārambhakathāvaṇṇanā) ratanattayavandanā saṃvaṇṇetabbassa dhammassa pabhavanissayavisuddhipaṭivedanatthaṃ, taṃ pana dhammasaṃvaṇṇanāsu viññūnaṃ bahumānuppādanatthaṃ, taṃ sammadeva tesaṃ uggahaṇadhāraṇādikkamaladdhabbāya sammāpaṭipattiyā sabbahitasukhanipphādanatthaṃ. Atha vā maṅgalabhāvato, sabbakiriyāsu pubbakiccabhāvato, paṇḍitehi sammācaritabhāvato, āyatiṃ paresaṃ diṭṭhānugatiāpajjanato ca saṃvaṇṇanāyaṃ ratanattayapaṇāmakiriyā. Atha vā ratanattayapaṇāmakaraṇaṃ pūjanīyapūjāpuññavisesanibbattanatthaṃ, taṃ attano yathāladdhasampattinimittassa kammassa balānuppadānatthaṃ, antarā ca tassa asaṅkocanatthaṃ, tadubhayaṃ anantarāyena aṭṭhakathāya parisamāpanatthaṃ. Idameva ca payojanaṃ ācariyena idhādhippetaṃ. Tathā hi vakkhati ‘‘vandanājanitaṃ…pe… tassa tejasā’’ti. Vatthuttayapūjā hi niratisayapuññakkhettasambuddhiyā aparimeyyappabhāvo puññātisayoti bahuvidhantarāyepi lokasannivāse antarāyanibandhanasakalasaṃkilesaviddhaṃsanāya pahoti, bhayādiupaddavañca nivāreti. Yathāha –

    ‘‘бууж̇аарахз бууж̇аяад̇о, б̣уд̣̇д̇хз яад̣̇и ва саавагз’’д̇и. (д̇ха. ба. 195; аба. т̇зра 1.10.1) жа,

    ‘‘Pūjārahe pūjayato, buddhe yadi va sāvake’’ti. (dha. pa. 195; apa. thera 1.10.1) ca,

    д̇ат̇аа –

    Tathā –

    ‘‘яз, бхигкавз, б̣уд̣̇д̇хз басаннаа, аг̇г̇з д̇з басаннаа, аг̇г̇з ко бана басаннаанам̣ аг̇г̇о вибааго ход̇ий’’д̇и (а. ни. 4.34; ид̇иву. 90) жа,

    ‘‘Ye, bhikkhave, buddhe pasannā, agge te pasannā, agge kho pana pasannānaṃ aggo vipāko hotī’’ti (a. ni. 4.34; itivu. 90) ca,

    д̇ат̇аа –

    Tathā –

    ‘‘‘б̣уд̣̇д̇хо’д̇и гид̇д̇аяанд̇асса, гааяз бхавад̇и яаа бийд̇и;

    ‘‘‘Buddho’ti kittayantassa, kāye bhavati yā pīti;

    варамзва хи саа бийд̇и, гасин̣знаби ж̇амб̣уд̣̇ийбасса;

    Varameva hi sā pīti, kasiṇenapi jambudīpassa;

    ‘‘‘д̇хаммо’д̇и…бз… ‘сан̇гхо’д̇и…бз… д̣̇ийбассаа’’д̇и. (д̣̇ий. ни. адта. 1.6; ид̇иву. адта 90; д̣̇ий. ни. дий. 1.г̇ант̇аарамбхагат̇ааван̣н̣анаа; ма. ни. дий. 1.1; а. ни. дий. 2.4.34) жа,

    ‘‘‘Dhammo’ti…pe… ‘saṅgho’ti…pe… dīpassā’’ti. (dī. ni. aṭṭha. 1.6; itivu. aṭṭha 90; dī. ni. ṭī. 1.ganthārambhakathāvaṇṇanā; ma. ni. ṭī. 1.1; a. ni. ṭī. 2.4.34) ca,

    д̇ат̇аа –

    Tathā –

    ‘‘яасмим̣, махаанаама, самаяз арияасааваго д̇ат̇ааг̇ад̇ам̣ ануссарад̇и, нзвасса д̇асмим̣ самаяз рааг̇абарияудтид̇ам̣ жид̇д̇ам̣ ход̇и, на д̣̇оса…бз… на мохабарияудтид̇ам̣ жид̇д̇ам̣ ход̇ий’’д̇и (а. ни. 6.10; 11.11) жа,

    ‘‘Yasmiṃ, mahānāma, samaye ariyasāvako tathāgataṃ anussarati, nevassa tasmiṃ samaye rāgapariyuṭṭhitaṃ cittaṃ hoti, na dosa…pe… na mohapariyuṭṭhitaṃ cittaṃ hotī’’ti (a. ni. 6.10; 11.11) ca,

    д̇ат̇аа –

    Tathā –

    ‘‘аран̃н̃з ругкамуулз ваа…бз…;

    ‘‘Araññe rukkhamūle vā…pe…;

    бхаяам̣ ваа чамбхид̇ад̇д̇ам̣ ваа, ломахам̣со на хзссад̇ий’’д̇и. (сам̣. ни. 1.249) жа;

    Bhayaṃ vā chambhitattaṃ vā, lomahaṃso na hessatī’’ti. (saṃ. ni. 1.249) ca;

    д̇ад̇т̇а яасса рад̇анад̇д̇аяасса ванд̣̇анам̣ гад̇д̇угаамо, д̇асса г̇ун̣аад̇исаяаяог̇асанд̣̇ассанад̇т̇ам̣ ‘‘махаагаарун̣ига’’нд̇иаад̣̇инаа г̇аат̇аад̇д̇аяамааха. г̇ун̣аад̇исаяаяог̇зна хи ванд̣̇анаарахабхааво, ванд̣̇анаарахз жа гад̇аа ванд̣̇анаа яат̇аад̇хиббзд̇аббаяож̇анам̣ саад̇хзд̇ийд̇и. д̇ад̇т̇а яассаа сам̣ван̣н̣анам̣ гад̇д̇угаамо, саа нзд̇д̇и висзсад̇о яат̇аануломасаасанасанниссаяаа, д̇асса жа вижид̇д̇аагаараббавад̇д̇ивибхаавиний. д̇ат̇аа хи суд̇д̇анд̇ад̣̇зсанаа на винаяад̣̇зсанаа вияа гарун̣ааббад̇хаанаа, нааби абхид̇хаммад̣̇зсанаа вияа бан̃н̃ааббад̇хаанаа, ат̇а ко гарун̣аабан̃н̃ааббад̇хаанаад̇и д̇ад̣̇убхаяаббад̇хаанад̣̇зсанаависзсавибхааванам̣ д̇аава саммаасамб̣уд̣̇д̇хасса т̇оманам̣ гаад̇ум̣ д̇аммуулагад̇д̇аа сзсарад̇анаанам̣ ‘‘махаагаарун̣игам̣ наат̇а’’нд̇иаад̣̇и вуд̇д̇ам̣.

    Tattha yassa ratanattayassa vandanaṃ kattukāmo, tassa guṇātisayayogasandassanatthaṃ ‘‘mahākāruṇika’’ntiādinā gāthāttayamāha. Guṇātisayayogena hi vandanārahabhāvo, vandanārahe ca katā vandanā yathādhippetappayojanaṃ sādhetīti. Tattha yassā saṃvaṇṇanaṃ kattukāmo, sā netti visesato yathānulomasāsanasannissayā, tassa ca vicittākārappavattivibhāvinī. Tathā hi suttantadesanā na vinayadesanā viya karuṇāppadhānā, nāpi abhidhammadesanā viya paññāppadhānā, atha kho karuṇāpaññāppadhānāti tadubhayappadhānadesanāvisesavibhāvanaṃ tāva sammāsambuddhassa thomanaṃ kātuṃ tammūlakattā sesaratanānaṃ ‘‘mahākāruṇikaṃ nātha’’ntiādi vuttaṃ.

    д̇ад̇т̇а гирад̇ийд̇и (д̣̇ий. ни. дий. 1.г̇ант̇аарамбхагат̇ааван̣н̣анаа; ма. ни. дий. 1.1; сам̣. ни. дий. 1.1.1; а. ни. дий. 1.1.1) гарун̣аа, барад̣̇угкам̣ вигкибад̇и абанзд̇ийд̇и ад̇т̇о. ат̇а ваа гин̣аад̇ийд̇и гарун̣аа, барад̣̇угкз сад̇и гаарун̣игам̣ хим̣сад̇и виб̣аад̇хад̇ийд̇и ад̇т̇о . гамбанам̣ гарод̇ийд̇и ваа гарун̣аа, барад̣̇угкз сад̇и саад̇хуунам̣ хад̣̇аяакзд̣̇ам̣ гарод̇ийд̇и ад̇т̇о. гамид̇и ваа сукам̣, д̇ам̣ рунд̇хад̇ийд̇и гарун̣аа. зсаа хи барад̣̇угкаабанаяанагаамад̇аалагкан̣аа, ад̇д̇асуканирабзгкад̇ааяа гаарун̣игаанам̣ сукам̣ рунд̇хад̇и виб̣анд̇хад̇ийд̇и ад̇т̇о. гирияад̇и д̣̇угкид̇зсу басаарияад̇ийд̇и ваа гарун̣аа, гарун̣ааяа нияуд̇д̇од̇и гаарун̣иго яат̇аа ‘‘д̣̇оваариго’’д̇и (а. ни. 7.67). яат̇аа хи д̣̇ваарадтаанад̇о ан̃н̃ад̇т̇а вад̇д̇амааноби д̣̇ваарабадиб̣ад̣̇д̇хаж̇ийвиго бурисо д̣̇ваараанад̇ивад̇д̇авуд̇д̇ид̇ааяа д̣̇ваарз нияуд̇д̇од̇и ‘‘д̣̇оваариго’’д̇и вужжад̇и, звам̣ бхаг̇аваа мзд̇д̇аад̣̇ивасзна гарун̣аавихаарад̇о ан̃н̃ад̇т̇а вад̇д̇амааноби гарун̣аанад̇ивад̇д̇авуд̇д̇ид̇ааяа гарун̣ааяа нияуд̇д̇од̇и ‘‘гаарун̣иго’’д̇и вужжад̇и. махаабхинийхаарад̇о бадтааяа хи яаава махаабариниб̣б̣аанаа логахид̇ад̇т̇амзва логанаат̇аа д̇идтанд̇ийд̇и. маханд̇о гаарун̣игод̇и махаагаарун̣иго. сад̇иби бхаг̇авад̇о д̇ад̣̇ан̃н̃аг̇ун̣аанамби васзна маханд̇абхаавз гаарун̣игасад̣̇д̣̇асаннид̇хаанзна вуд̇д̇ад̇д̇аа гарун̣аавасзнзвзд̇т̇а маханд̇абхааво взд̣̇ид̇аб̣б̣о яат̇аа ‘‘махаавзяяаагаран̣о’’д̇и. зван̃жа гад̇ваа ‘‘махаагаарун̣иго’’д̇и иминаа бад̣̇зна буг̇г̇алаад̇хидтаанзна сад̇т̇у махаагарун̣аа вуд̇д̇аа ход̇и.

    Tattha kiratīti (dī. ni. ṭī. 1.ganthārambhakathāvaṇṇanā; ma. ni. ṭī. 1.1; saṃ. ni. ṭī. 1.1.1; a. ni. ṭī. 1.1.1) karuṇā, paradukkhaṃ vikkhipati apanetīti attho. Atha vā kiṇātīti karuṇā, paradukkhe sati kāruṇikaṃ hiṃsati vibādhatīti attho . Kampanaṃ karotīti vā karuṇā, paradukkhe sati sādhūnaṃ hadayakhedaṃ karotīti attho. Kamiti vā sukhaṃ, taṃ rundhatīti karuṇā. Esā hi paradukkhāpanayanakāmatālakkhaṇā, attasukhanirapekkhatāya kāruṇikānaṃ sukhaṃ rundhati vibandhatīti attho. Kiriyati dukkhitesu pasāriyatīti vā karuṇā, karuṇāya niyuttoti kāruṇiko yathā ‘‘dovāriko’’ti (a. ni. 7.67). Yathā hi dvāraṭṭhānato aññattha vattamānopi dvārapaṭibaddhajīviko puriso dvārānativattavuttitāya dvāre niyuttoti ‘‘dovāriko’’ti vuccati, evaṃ bhagavā mettādivasena karuṇāvihārato aññattha vattamānopi karuṇānativattavuttitāya karuṇāya niyuttoti ‘‘kāruṇiko’’ti vuccati. Mahābhinīhārato paṭṭhāya hi yāva mahāparinibbānā lokahitatthameva lokanāthā tiṭṭhantīti. Mahanto kāruṇikoti mahākāruṇiko. Satipi bhagavato tadaññaguṇānampi vasena mahantabhāve kāruṇikasaddasannidhānena vuttattā karuṇāvasenevettha mahantabhāvo veditabbo yathā ‘‘mahāveyyākaraṇo’’ti. Evañca katvā ‘‘mahākāruṇiko’’ti iminā padena puggalādhiṭṭhānena satthu mahākaruṇā vuttā hoti.

    абаро наяо – ад̇т̇асаад̇ханад̇о гарун̣ам̣ гарун̣ааяанам̣ гарун̣аасамбавад̇д̇анам̣ арахад̇ийд̇и гаарун̣иго . бхаг̇авад̇о хи саб̣б̣ан̃н̃уд̇ааяа анавасзсад̇о сад̇д̇аанам̣ хид̇ам̣, хид̇убааяан̃жа ж̇аанад̇о, д̇ад̇т̇а жа агилаасуно хид̇зсид̇аа сад̇т̇игаа, на д̇ат̇аа ан̃н̃зсанд̇и. ат̇а ваа гарун̣аа гарун̣ааяанам̣ сийлам̣ багад̇и сабхааво зд̇ассаад̇и гаарун̣иго. бхаг̇аваа хи бат̇авийпассаад̣̇аяо вияа гагкал̣апусанаад̣̇исабхааваа гарун̣аасабхааво сабхаавабхууд̇агарун̣од̇и ад̇т̇о. сзсам̣ буримасад̣̇исамзва. ат̇а ваа махаависаяад̇ааяа, махаанубхаавад̇ааяа, махабпалад̇ааяа жа махад̇ий гарун̣аад̇и махаагарун̣аа. бхаг̇авад̇о хи гарун̣аа ниравасзсзсу сад̇д̇зсу бавад̇д̇ад̇и, бавад̇д̇амаанаа жа анан̃н̃асаад̇хааран̣аа бавад̇д̇ад̇и, д̣̇идтад̇хаммигаад̣̇ибхзд̣̇ан̃жа маханд̇амзва сад̇д̇аанам̣ хид̇асукам̣ зганд̇ад̇о нибпаад̣̇зд̇и, махаагарун̣ааяа нияуд̇д̇од̇и махаагаарун̣иго, д̇ам̣ махаагаарун̣игам̣. сзсам̣ саб̣б̣ам̣ вуд̇д̇анаязнзва взд̣̇ид̇аб̣б̣ам̣. сумааг̇ад̇хаад̣̇ибад̣̇аанам̣ вияа жзд̇т̇а сад̣̇д̣̇асид̣̇д̇хи взд̣̇ид̇аб̣б̣аа.

    Aparo nayo – atthasādhanato karuṇaṃ karuṇāyanaṃ karuṇāsampavattanaṃ arahatīti kāruṇiko. Bhagavato hi sabbaññutāya anavasesato sattānaṃ hitaṃ, hitupāyañca jānato, tattha ca akilāsuno hitesitā satthikā, na tathā aññesanti. Atha vā karuṇā karuṇāyanaṃ sīlaṃ pakati sabhāvo etassāti kāruṇiko. Bhagavā hi pathavīphassādayo viya kakkhaḷaphusanādisabhāvā karuṇāsabhāvo sabhāvabhūtakaruṇoti attho. Sesaṃ purimasadisameva. Atha vā mahāvisayatāya, mahānubhāvatāya, mahapphalatāya ca mahatī karuṇāti mahākaruṇā. Bhagavato hi karuṇā niravasesesu sattesu pavattati, pavattamānā ca anaññasādhāraṇā pavattati, diṭṭhadhammikādibhedañca mahantameva sattānaṃ hitasukhaṃ ekantato nipphādeti, mahākaruṇāya niyuttoti mahākāruṇiko, taṃ mahākāruṇikaṃ. Sesaṃ sabbaṃ vuttanayeneva veditabbaṃ. Sumāgadhādipadānaṃ viya cettha saddasiddhi veditabbā.

    наат̇ад̇ийд̇и наат̇о, взнзяяаанам̣ хид̇асукам̣ аасийсад̇и бад̇т̇зд̇ийд̇и ад̇т̇о, мзд̇д̇ааяанавасзна жзд̇т̇а хид̇асукаасийсанам̣ взд̣̇ид̇аб̣б̣ам̣, на гарун̣ааяанавасзна батамабад̣̇зна вуд̇д̇ад̇д̇аа. ат̇а ваа наат̇ад̇и взнзяяаг̇ад̇ам̣ гилзсаб̣яасанам̣ убад̇аабзд̇ийд̇и наат̇о, наат̇ад̇ийд̇и ваа наат̇о, яаажад̇ийд̇и ад̇т̇о. бхаг̇аваа хи ‘‘саад̇ху, бхигкавз, бхигку гаалзна гаалам̣ ад̇д̇асамбад̇д̇им̣ бажжавзгкид̇аа’’д̇иаад̣̇инаа (а. ни. 8.7, 8) сад̇д̇аанам̣ д̇ам̣ д̇ам̣ хид̇аббадибад̇д̇им̣ яаажид̇вааби махаагарун̣ааяа самуссаахид̇о д̇з д̇ад̇т̇а нияож̇зд̇и. барамзна ваа жид̇д̇иссариязна саманнааг̇ад̇о, саб̣б̣асад̇д̇з ваа сийлаад̣̇иг̇ун̣зхи ийсад̇и абхибхавад̇ийд̇и барамиссаро бхаг̇аваа ‘‘наат̇о’’д̇и вужжад̇и, д̇ам̣ наат̇ам̣.

    Nāthatīti nātho, veneyyānaṃ hitasukhaṃ āsīsati patthetīti attho, mettāyanavasena cettha hitasukhāsīsanaṃ veditabbaṃ, na karuṇāyanavasena paṭhamapadena vuttattā. Atha vā nāthati veneyyagataṃ kilesabyasanaṃ upatāpetīti nātho, nāthatīti vā nātho, yācatīti attho. Bhagavā hi ‘‘sādhu, bhikkhave, bhikkhu kālena kālaṃ attasampattiṃ paccavekkhitā’’tiādinā (a. ni. 8.7, 8) sattānaṃ taṃ taṃ hitappaṭipattiṃ yācitvāpi mahākaruṇāya samussāhito te tattha niyojeti. Paramena vā cittissariyena samannāgato, sabbasatte vā sīlādiguṇehi īsati abhibhavatīti paramissaro bhagavā ‘‘nātho’’ti vuccati, taṃ nāthaṃ.

    н̃аад̇аб̣б̣анд̇и н̃зяяам̣, ад̇ийд̇аад̣̇ибхзд̣̇абхиннам̣ саб̣б̣ам̣ сан̇кад̇ам̣, асан̇кад̇ан̃жа. сан̇г̇аран̣адтзна сааг̇аро, бад̇ид̇абад̇ид̇аанам̣ ад̇д̇ано бут̇улаг̇амбхийрабхаавзхи сам̣сийд̣̇анам̣ ниммуж̇ж̇анам̣ гарод̇ийд̇и ад̇т̇о. сам̣-сад̣̇д̣̇асса жзд̇т̇а ‘‘саабхааво, саарааг̇о’’д̇иаад̣̇ийсу (д̇ха. са. 389, 391) вияа нируд̇д̇инаязна д̣̇адтаб̣б̣о. сан̇г̇аран̣адтзнаад̇и ваа сан̇г̇арагаран̣адтзна, тид̇ад̇хаммад̇ааяа ‘‘аяам̣ мз марияаад̣̇аа, имам̣ взлам̣ наад̇иггамаамий’’д̇и логзна сан̇г̇арам̣ сан̇гзд̇ам̣ гаронд̇о вияа ход̇ийд̇и ад̇т̇о. сан̇г̇аран̣ам̣ ваа саманд̇ад̇о г̇аланам̣ санд̣̇анам̣ уд̣̇агзна гарод̇ийд̇и сааг̇аро. габбавудтаанагаалз хи махаасамуд̣̇д̣̇о ид̇о жид̇о жа баг̇гхарид̇ваа сагалам̣ логад̇хаад̇ум̣ згогхам̣ гарод̇ийд̇и. логияаа бана вад̣̇анд̇и ‘‘сааг̇арасса ран̃н̃о буд̇д̇зхи сааг̇арзхи ниб̣б̣ад̇д̇ид̇о кад̇од̇и сааг̇аро, бурад̇т̇имо самуд̣̇д̣̇аббад̣̇зсо, д̇ам̣самб̣анд̇хад̇ааяа рул̣хивасзна саб̣б̣оби самуд̣̇д̣̇о д̇ат̇аа вохарийяад̇ий’’д̇и. сааг̇арасад̣̇исад̇д̇аа сааг̇аро, н̃зяяамзва сааг̇арод̇и н̃зяяасааг̇аро. сад̣̇исад̇аа жзд̇т̇а бут̇улад̣̇уд̇д̇араг̇амбхийраанаад̣̇игаалигад̇аахи взд̣̇ид̇аб̣б̣аа, нихийнам̣ жзд̇амобаммам̣. д̇ат̇аа хи н̃зяяассзва саад̇исаяаа бут̇улад̇аа абаримаан̣алогад̇хаад̇уб̣яаабанад̇о, саб̣б̣ан̃н̃уд̇ан̃н̃аан̣ассзва д̇аран̣ийяад̇ааяа д̣̇уд̇д̇арад̇аа, г̇амбхийрад̇аа, аад̣̇игодирахид̇аа жа бавад̇д̇и, на ид̇арасса барижчиннад̣̇зсад̇д̇аа б̣аахирагавийд̇арааг̇зхиби ид̇д̇арзна кан̣зна ад̇иггамид̇аб̣б̣ад̇д̇аа, баримид̇аг̇амбхийрад̇д̇аа, баримид̇агаалад̇д̇аа жа. н̃зяяасааг̇арасса баарам̣ барияанд̇ам̣ г̇ад̇од̇и н̃зяяасааг̇арабаараг̇уу, д̇ам̣ н̃зяяасааг̇арабаараг̇ум̣.

    Ñātabbanti ñeyyaṃ, atītādibhedabhinnaṃ sabbaṃ saṅkhataṃ, asaṅkhatañca. Saṅgaraṇaṭṭhena sāgaro, patitapatitānaṃ attano puthulagambhīrabhāvehi saṃsīdanaṃ nimmujjanaṃ karotīti attho. Saṃ-saddassa cettha ‘‘sābhāvo, sārāgo’’tiādīsu (dha. sa. 389, 391) viya niruttinayena daṭṭhabbo. Saṅgaraṇaṭṭhenāti vā saṅgarakaraṇaṭṭhena, ṭhitadhammatāya ‘‘ayaṃ me mariyādā, imaṃ velaṃ nātikkamāmī’’ti lokena saṅgaraṃ saṅketaṃ karonto viya hotīti attho. Saṅgaraṇaṃ vā samantato galanaṃ sandanaṃ udakena karotīti sāgaro. Kappavuṭṭhānakāle hi mahāsamuddo ito cito ca paggharitvā sakalaṃ lokadhātuṃ ekoghaṃ karotīti. Lokiyā pana vadanti ‘‘sāgarassa rañño puttehi sāgarehi nibbattito khatoti sāgaro, puratthimo samuddappadeso, taṃsambandhatāya ruḷhivasena sabbopi samuddo tathā voharīyatī’’ti. Sāgarasadisattā sāgaro, ñeyyameva sāgaroti ñeyyasāgaro. Sadisatā cettha puthuladuttaragambhīrānādikālikatāhi veditabbā, nihīnaṃ cetamopammaṃ. Tathā hi ñeyyasseva sātisayā puthulatā aparimāṇalokadhātubyāpanato, sabbaññutaññāṇasseva taraṇīyatāya duttaratā, gambhīratā, ādikoṭirahitā ca pavatti, na itarassa paricchinnadesattā bāhirakavītarāgehipi ittarena khaṇena atikkamitabbattā, parimitagambhīrattā, parimitakālattā ca. Ñeyyasāgarassa pāraṃ pariyantaṃ gatoti ñeyyasāgarapāragū, taṃ ñeyyasāgarapāraguṃ.

    г̇аманан̃жзд̇т̇а н̃аан̣аг̇аманамзва, на ид̇арам̣ н̃зяяаг̇г̇ахан̣ад̇о, д̇ам̣ бана н̃аан̣ам̣ д̣̇увид̇хам̣ саммасанабадивзд̇хабхзд̣̇ад̇о, д̇ат̇аа хзд̇упалабхзд̣̇ад̇о. д̇ад̇т̇а ‘‘гижчам̣ вад̇ааяам̣ лого аабанно’’д̇иаад̣̇инаа (д̣̇ий. ни. 2.57; сам̣. ни. 2.4, 10; бздаго. 23) гарун̣ааяанавасзнзва абхинивисид̇ваа анзгаагааравогаарз сан̇каарз саммасанд̇ам̣ бхаг̇авад̇о саммасанан̃аан̣ам̣ чад̇д̇им̣сагодисад̇асахассамукзна н̃зяяасааг̇арам̣ аж̇жхог̇аахзд̇ваа д̇асса баарам̣ барияанд̇ам̣ аг̇амааси, яам̣ ‘‘махааваж̇иран̃аан̣а’’нд̇и вужжад̇и. бадивзд̇хан̃аан̣ам̣ бана саб̣б̣ан̃н̃уд̇ан̃н̃аан̣абад̣̇адтаанам̣ аасавагкаяан̃аан̣ам̣, аасавагкаяан̃аан̣абад̣̇адтаанан̃жа саб̣б̣ан̃н̃уд̇ан̃н̃аан̣ам̣, яам̣ ‘‘махааб̣од̇хий’’д̇и вужжад̇и. баараг̇аманан̃жа д̇асса гижжасид̣̇д̇хияаа, самад̇т̇ад̇ааяа жа взд̣̇ид̇аб̣б̣ам̣. д̇ат̇аа яат̇аавуд̇д̇ам̣ саммасанан̃аан̣ам̣ хзд̇у, ид̇арам̣ палам̣. саха саммасанан̃аан̣зна ваа аасавагкаяан̃аан̣ам̣ хзд̇у, саб̣б̣ан̃н̃уд̇ан̃н̃аан̣ам̣ палам̣ д̇ад̣̇аанисам̣сабхаавад̇од̇и взд̣̇ид̇аб̣б̣ам̣.

    Gamanañcettha ñāṇagamanameva, na itaraṃ ñeyyaggahaṇato, taṃ pana ñāṇaṃ duvidhaṃ sammasanapaṭivedhabhedato, tathā hetuphalabhedato. Tattha ‘‘kicchaṃ vatāyaṃ loko āpanno’’tiādinā (dī. ni. 2.57; saṃ. ni. 2.4, 10; peṭako. 23) karuṇāyanavaseneva abhinivisitvā anekākāravokāre saṅkhāre sammasantaṃ bhagavato sammasanañāṇaṃ chattiṃsakoṭisatasahassamukhena ñeyyasāgaraṃ ajjhogāhetvā tassa pāraṃ pariyantaṃ agamāsi, yaṃ ‘‘mahāvajirañāṇa’’nti vuccati. Paṭivedhañāṇaṃ pana sabbaññutaññāṇapadaṭṭhānaṃ āsavakkhayañāṇaṃ, āsavakkhayañāṇapadaṭṭhānañca sabbaññutaññāṇaṃ, yaṃ ‘‘mahābodhī’’ti vuccati. Pāragamanañca tassa kiccasiddhiyā, samatthatāya ca veditabbaṃ. Tathā yathāvuttaṃ sammasanañāṇaṃ hetu, itaraṃ phalaṃ. Saha sammasanañāṇena vā āsavakkhayañāṇaṃ hetu, sabbaññutaññāṇaṃ phalaṃ tadānisaṃsabhāvatoti veditabbaṃ.

    ванд̣̇зд̇и намаами, абхид̇т̇аваами ваа. сан̣хадтзна нибун̣аа, анубажид̇ан̃аан̣асамбхаараанам̣ аг̇аад̇хадтзна г̇амбхийраа, згад̇д̇аад̣̇ибхзд̣̇ад̇о нанд̣̇ияааваддаад̣̇ивибхааг̇ад̇о жа вижид̇раа висидтаа наанаавид̇хаа наяаа зд̇иссаад̇и нибун̣аг̇амбхийравижид̇ранаяаа, нибун̣аг̇амбхийравижид̇ранаяаа д̣̇зсанаа ассаад̇и нибун̣аг̇амбхийравижид̇ранаяад̣̇зсано, д̇ам̣ нибун̣а…бз… д̣̇зсанам̣. наяад̇ийд̇и ваа наяо, баал̣иг̇ад̇и, саа жа вуд̇д̇анаязна ад̇т̇ад̇о нибун̣аа, ад̇т̇ад̇о б̣яан̃ж̇анад̇о жа г̇амбхийраа, сан̇кзбавид̇т̇аараануломаад̣̇иббавад̇д̇ияаа наанаавид̇хад̇ааяа вижид̇раа. д̇ат̇аа хи бан̃н̃ад̇д̇ианубан̃н̃ад̇д̇иаад̣̇ивасзна, сам̣гилзсабхааг̇ияаад̣̇илогияаад̣̇ид̇ад̣̇убхаяавомиссад̇аад̣̇ивасзна, гусалаад̣̇иканд̇хаад̣̇исан̇г̇ахаад̣̇исамаяавимуд̇д̇аад̣̇итабанаад̣̇игусаламуулаад̣̇ид̇игабадтаанаад̣̇ивасзна жа анзгавид̇хаа баал̣иг̇ад̇ийд̇и.

    Vandeti namāmi, abhitthavāmi vā. Saṇhaṭṭhena nipuṇā, anupacitañāṇasambhārānaṃ agādhaṭṭhena gambhīrā, ekattādibhedato nandiyāvaṭṭādivibhāgato ca vicitrā visiṭṭhā nānāvidhā nayā etissāti nipuṇagambhīravicitranayā, nipuṇagambhīravicitranayā desanā assāti nipuṇagambhīravicitranayadesano, taṃ nipuṇa…pe… desanaṃ. Nayatīti vā nayo, pāḷigati, sā ca vuttanayena atthato nipuṇā, atthato byañjanato ca gambhīrā, saṅkhepavitthārānulomādippavattiyā nānāvidhatāya vicitrā. Tathā hi paññattianupaññattiādivasena, saṃkilesabhāgiyādilokiyāditadubhayavomissatādivasena, kusalādikhandhādisaṅgahādisamayavimuttādiṭhapanādikusalamūlāditikapaṭṭhānādivasena ca anekavidhā pāḷigatīti.

    д̇ад̇т̇а (д̣̇ий. ни. дий. 1.г̇ант̇аарамбхагат̇ааван̣н̣анаа) д̣̇вийхаагаарзхи бхаг̇авад̇о т̇оманаа взд̣̇ид̇аб̣б̣аа ад̇д̇ахид̇асамбад̇д̇ид̇о, барахид̇аббадибад̇д̇ид̇о жа. д̇зсу ад̇д̇ахид̇асамбад̇д̇и анааваран̣ан̃аан̣аад̇хиг̇амад̇о, саваасанаанам̣ саб̣б̣зсам̣ гилзсаанам̣ ажжанд̇аббахаанад̇о жа взд̣̇ид̇аб̣б̣аа, барахид̇аббадибад̇д̇и лаабхасаггаараад̣̇инирабзгкажид̇д̇асса саб̣б̣ад̣̇угканияяаанигад̇хаммад̣̇зсанад̇о, бадивируд̣̇д̇хзсуби нижжам̣ хид̇аж̇жхаасаяан̃аан̣абарибаагагаалааг̇аманад̇о жа взд̣̇ид̇аб̣б̣аа. саа банзд̇т̇а баяог̇ад̇о, аасаяад̇о жа д̣̇увид̇хаа, барахид̇аббадибад̇д̇и, яат̇аавуд̇д̇абхзд̣̇аа д̣̇увид̇хаа жа ад̇д̇ахид̇асамбад̇д̇и багаасид̇аа ход̇и. гат̇ам̣? ‘‘махаагаарун̣ига’’нд̇и иминаа аасаяад̇о , ‘‘нибун̣а…бз… д̣̇зсана’’нд̇и иминаа баяог̇ад̇о, ‘‘наат̇а’’нд̇и иминаа бана убхаяат̇ааби бхаг̇авад̇о барахид̇аббадибад̇д̇и багаасид̇аа гарун̣аагижжад̣̇ийбанад̇о, ‘‘н̃зяяасааг̇арабаараг̇у’’нд̇и иминаа саад̇исаяам̣ ад̇д̇ахид̇асамбад̇д̇и барамуггам̣саг̇ад̇ан̃аан̣агижжад̣̇ийбанад̇о.

    Tattha (dī. ni. ṭī. 1.ganthārambhakathāvaṇṇanā) dvīhākārehi bhagavato thomanā veditabbā attahitasampattito, parahitappaṭipattito ca. Tesu attahitasampatti anāvaraṇañāṇādhigamato, savāsanānaṃ sabbesaṃ kilesānaṃ accantappahānato ca veditabbā, parahitappaṭipatti lābhasakkārādinirapekkhacittassa sabbadukkhaniyyānikadhammadesanato, paṭiviruddhesupi niccaṃ hitajjhāsayañāṇaparipākakālāgamanato ca veditabbā. Sā panettha payogato, āsayato ca duvidhā, parahitappaṭipatti, yathāvuttabhedā duvidhā ca attahitasampatti pakāsitā hoti. Kathaṃ? ‘‘Mahākāruṇika’’nti iminā āsayato , ‘‘nipuṇa…pe… desana’’nti iminā payogato, ‘‘nātha’’nti iminā pana ubhayathāpi bhagavato parahitappaṭipatti pakāsitā karuṇākiccadīpanato, ‘‘ñeyyasāgarapāragu’’nti iminā sātisayaṃ attahitasampatti paramukkaṃsagatañāṇakiccadīpanato.

    ат̇а ваа д̇ийхаагаарзхи бхаг̇авад̇о т̇оманаа взд̣̇ид̇аб̣б̣аа хзд̇уд̇о, палад̇о, убагаарад̇о жа. д̇ад̇т̇а хзд̇у махаагарун̣аа, саа бана батамабад̣̇зна саруубзнзва д̣̇ассид̇аа. палам̣ жад̇уб̣б̣ид̇хам̣ н̃аан̣асамбад̣̇аа бахаанасамбад̣̇аа аанубхаавасамбад̣̇аа руубагааяасамбад̣̇аа жаад̇и. д̇аасу бад̇хаанабхууд̇аа н̃аан̣абахаанасамбад̣̇аа ‘‘н̃зяяасааг̇арабаараг̇у’’нд̇и иминаа бад̣̇зна багаасид̇аа. бад̇хаанз хи д̣̇ассид̇з авинаабхаавад̇о ид̇арамби д̣̇ваяам̣ д̣̇ассид̇амзва ход̇и. на хи б̣уд̣̇д̇хаанам̣ аанубхааваруубагааяасамбад̇д̇ийхи винаа гад̣̇аажиби д̇хаммагааяасирий вад̇д̇ад̇ийд̇и. убагааро ананд̇арам̣ аб̣аахирам̣ гад̇ваа д̇ивид̇хаяаанамукзна вимуд̇д̇ид̇хаммад̣̇зсанаа, саа ‘‘наат̇ам̣, нибун̣а…бз… д̣̇зсана’’нд̇и бад̣̇ад̣̇ваязна багаасид̇аад̇и взд̣̇ид̇аб̣б̣ам̣.

    Atha vā tīhākārehi bhagavato thomanā veditabbā hetuto, phalato, upakārato ca. Tattha hetu mahākaruṇā, sā pana paṭhamapadena sarūpeneva dassitā. Phalaṃ catubbidhaṃ ñāṇasampadā pahānasampadā ānubhāvasampadā rūpakāyasampadā cāti. Tāsu padhānabhūtā ñāṇapahānasampadā ‘‘ñeyyasāgarapāragu’’nti iminā padena pakāsitā. Padhāne hi dassite avinābhāvato itarampi dvayaṃ dassitameva hoti. Na hi buddhānaṃ ānubhāvarūpakāyasampattīhi vinā kadācipi dhammakāyasirī vattatīti. Upakāro anantaraṃ abāhiraṃ katvā tividhayānamukhena vimuttidhammadesanā, sā ‘‘nāthaṃ, nipuṇa…pe… desana’’nti padadvayena pakāsitāti veditabbaṃ.

    д̇ад̇т̇а (д̣̇ий. ни. дий. 1.г̇ант̇аарамбхагат̇ааван̣н̣анаа) ‘‘махаагаарун̣ига’’нд̇и зд̇зна саммаасамб̣од̇хияаа муулам̣ д̣̇ассзд̇и. махаагарун̣аасан̃жод̣̇ид̇амаанасо хи бхаг̇аваа сам̣саарабан̇гад̇о сад̇д̇аанам̣ самуд̣̇д̇харан̣ад̇т̇ам̣ гад̇аабхинийхааро анубуб̣б̣зна баарамияо буурзд̇ваа ануд̇д̇арам̣ саммаасамб̣од̇хим̣ ад̇хиг̇ад̇од̇и гарун̣аа саммаасамб̣од̇хияаа муулам̣. ‘‘н̃зяяасааг̇арабаараг̇у’’нд̇и зд̇зна буб̣б̣абхааг̇аббадибад̇д̇ияаа сад̣̇д̇хим̣ саммаасамб̣од̇хим̣ д̣̇ассзд̇и. анааваран̣ан̃аан̣абад̣̇адтаанан̃хи маг̇г̇ан̃аан̣ам̣, маг̇г̇ан̃аан̣абад̣̇адтаанан̃жа анааваран̣ан̃аан̣ам̣ ‘‘саммаасамб̣од̇хий’’д̇и вужжад̇и. вуд̇д̇аббабхзд̣̇ам̣ бана саммасанан̃аан̣ам̣ саха бан̃н̃аабаарамияаа д̇ассаа буб̣б̣абхааг̇абадибад̣̇аа. д̇ассаа хи аанубхаавзна лийнуд̣̇д̇хажжабад̇идтаанааяууханагаамасукаллигад̇д̇агиламат̇аануяог̇асассад̇ужчзд̣̇аад̣̇ианд̇ад̣̇ваяавирахид̇аа уггам̣сабаарамиббад̇д̇аа маж̇жхимаа бадибад̣̇аа бхааванаабаарибуурим̣ г̇ад̇аа. ‘‘наат̇а’’нд̇и иминаа саммаасамб̣од̇хияаа палам̣ д̣̇ассзд̇и логад̇д̇аяанааяагабхаавад̣̇ийбанад̇о. д̇ат̇аа хи саб̣б̣аанад̇т̇абарихаарабуб̣б̣ан̇г̇амааяа ниравасзсахид̇асукавид̇хаанад̇аббарааяа нирад̇исаяааяа баяог̇асамбад̇д̇ияаа, сад̣̇звамануссааяа баж̇ааяа ажжанд̇убагаарид̇ааяа абаримид̇анирубамабхааваг̇ун̣ависзсасаман̇г̇ид̇ааяа жа саб̣б̣асад̇д̇уд̇д̇амо бхаг̇аваа абаримаан̣аасу логад̇хаад̇уусу абаримаан̣аанам̣ сад̇д̇аанам̣ ануд̇д̇араг̇ааравадтаанабхууд̇ад̇ааяа жа ‘‘наат̇о’’д̇и вужжад̇ийд̇и. ‘‘нибун̣а…бз… д̣̇зсана’’нд̇и иминаа саммаасамб̣од̇хияаа баяож̇анам̣ д̣̇ассзд̇и. сам̣саарамахогхад̇о сад̇д̇асанд̇ааран̣ад̇т̇ан̃хи бхаг̇авад̇аа саммаасамб̣од̇хи абхибад̇т̇ид̇аа, д̇ан̃жа сад̇д̇асанд̇ааран̣ам̣ яат̇аавуд̇д̇ад̣̇зсанаасамбад̇д̇ияаа самиж̇жхад̇и д̇ад̣̇авинаабхаавад̇о. иминаа бхаг̇авад̇о саад̇исаяаа барахид̇аббадибад̇д̇и д̣̇ассид̇аа, ид̇арзхи ад̇д̇ахид̇асамбад̇д̇ийд̇и д̇ад̣̇убхаязна ад̇д̇ахид̇ааяа бадибаннаад̣̇ийсу жад̇уусу буг̇г̇алзсу бхаг̇авад̇о жад̇уд̇т̇абуг̇г̇алабхаавам̣ д̣̇ийбзд̇и, д̇зна жа ануд̇д̇арад̣̇агкин̣зяяабхаавам̣, уд̇д̇амаванд̣̇анийяабхаавам̣, ад̇д̇ано жа ванд̣̇анагирияааяа кзд̇д̇ан̇г̇ад̇абхаавам̣ д̣̇ийбзд̇и.

    Tattha (dī. ni. ṭī. 1.ganthārambhakathāvaṇṇanā) ‘‘mahākāruṇika’’nti etena sammāsambodhiyā mūlaṃ dasseti. Mahākaruṇāsañcoditamānaso hi bhagavā saṃsārapaṅkato sattānaṃ samuddharaṇatthaṃ katābhinīhāro anupubbena pāramiyo pūretvā anuttaraṃ sammāsambodhiṃ adhigatoti karuṇā sammāsambodhiyā mūlaṃ. ‘‘Ñeyyasāgarapāragu’’nti etena pubbabhāgappaṭipattiyā saddhiṃ sammāsambodhiṃ dasseti. Anāvaraṇañāṇapadaṭṭhānañhi maggañāṇaṃ, maggañāṇapadaṭṭhānañca anāvaraṇañāṇaṃ ‘‘sammāsambodhī’’ti vuccati. Vuttappabhedaṃ pana sammasanañāṇaṃ saha paññāpāramiyā tassā pubbabhāgapaṭipadā. Tassā hi ānubhāvena līnuddhaccapatiṭṭhānāyūhanakāmasukhallikattakilamathānuyogasassatucchedādiantadvayavirahitā ukkaṃsapāramippattā majjhimā paṭipadā bhāvanāpāripūriṃ gatā. ‘‘Nātha’’nti iminā sammāsambodhiyā phalaṃ dasseti lokattayanāyakabhāvadīpanato. Tathā hi sabbānatthaparihārapubbaṅgamāya niravasesahitasukhavidhānatapparāya niratisayāya payogasampattiyā, sadevamanussāya pajāya accantupakāritāya aparimitanirupamabhāvaguṇavisesasamaṅgitāya ca sabbasattuttamo bhagavā aparimāṇāsu lokadhātūsu aparimāṇānaṃ sattānaṃ anuttaragāravaṭṭhānabhūtatāya ca ‘‘nātho’’ti vuccatīti. ‘‘Nipuṇa…pe… desana’’nti iminā sammāsambodhiyā payojanaṃ dasseti. Saṃsāramahoghato sattasantāraṇatthañhi bhagavatā sammāsambodhi abhipatthitā, tañca sattasantāraṇaṃ yathāvuttadesanāsampattiyā samijjhati tadavinābhāvato. Iminā bhagavato sātisayā parahitappaṭipatti dassitā, itarehi attahitasampattīti tadubhayena attahitāya paṭipannādīsu catūsu puggalesu bhagavato catutthapuggalabhāvaṃ dīpeti, tena ca anuttaradakkhiṇeyyabhāvaṃ, uttamavandanīyabhāvaṃ, attano ca vandanakiriyāya khettaṅgatabhāvaṃ dīpeti.

    зд̇т̇а жа яат̇аа ‘‘махаагаарун̣ига’’нд̇и иминаа бад̣̇зна бхаг̇авад̇о махаагарун̣аа д̣̇ассид̇аа, звам̣ ‘‘н̃зяяасааг̇арабаараг̇у’’нд̇и зд̇зна махаабан̃н̃аа д̣̇ассид̇аа. д̇зсу гарун̣ааг̇г̇ахан̣зна логиязсу махаг̇г̇ад̇абхааваббад̇д̇аасаад̇хааран̣аг̇ун̣ад̣̇ийбанад̇о бхаг̇авад̇о саб̣б̣алогияаг̇ун̣асамбад̇д̇и д̣̇ассид̇аа ход̇и, бан̃н̃ааг̇г̇ахан̣зна саб̣б̣ан̃н̃уд̇ан̃н̃аан̣абад̣̇адтаанамаг̇г̇ан̃аан̣ад̣̇ийбанад̇о саб̣б̣алогуд̇д̇араг̇ун̣асамбад̇д̇и. д̇ад̣̇убхаяаг̇г̇ахан̣асид̣̇д̇хо зва жад̇т̇о наат̇асад̣̇д̣̇зна багаасийяад̇и. гарун̣ааважанзна убаг̇аманам̣ нирубаггилзсам̣ д̣̇ассзд̇и, бан̃н̃ааважанзна абаг̇аманам̣. д̇ат̇аа гарун̣ааг̇г̇ахан̣зна логасаман̃н̃аануруубам̣ бхаг̇авад̇о бавад̇д̇им̣ д̣̇ассзд̇и логавохаарависаяад̇д̇аа гарун̣ааяа, бан̃н̃ааг̇г̇ахан̣зна саман̃н̃ааяа анад̇ид̇хааванам̣. сабхааваанаваб̣од̇хзна хи д̇хаммаанам̣ саман̃н̃ам̣ ад̇ид̇хаавид̇ваа сад̇д̇аад̣̇исаммасанам̣ ход̇ийд̇и. д̇ат̇аа гарун̣ааг̇г̇ахан̣зна махаагарун̣аасамаабад̇д̇ивихаарам̣ д̣̇ассзд̇и, бан̃н̃ааг̇г̇ахан̣зна д̇ийсу гаалзсу аббадихад̇ан̃аан̣ам̣, жад̇усажжан̃аан̣ам̣, жад̇убадисамбхид̣̇аан̃аан̣ам̣, жад̇увзсаараж̇ж̇ан̃аан̣ам̣. гарун̣ааг̇г̇ахан̣зна махаагарун̣аасамаабад̇д̇ин̃аан̣асса г̇ахид̇ад̇д̇аа сзсаасаад̇хааран̣ан̃аан̣аани, ча абхин̃н̃аа, адтасу барисаасу (ма. ни. 1.151, 178) агамбанан̃аан̣аани, д̣̇аса б̣алаани, жуд̣̇д̣̇аса б̣уд̣̇д̇хан̃аан̣аани, сол̣аса н̃аан̣ажарияаа, адтаараса б̣уд̣̇д̇хад̇хаммаа (махаани. 69, 156; жуул̣ани. могхарааж̇амаан̣авабужчаанид̣̇д̣̇зса 85; бади. ма. 3.5; д̣̇ий. ни. адта. 3.305; вибха. мууладий. суд̇д̇анд̇абхааж̇анийяаван̣н̣анаа; д̣̇ий. ни. дий. 3.141), жад̇ужад̇д̇аалийса н̃аан̣авад̇т̇ууни сад̇д̇асад̇д̇ад̇и н̃аан̣авад̇т̇уунийд̇и (сам̣. ни. 2.34) звамаад̣̇ийнам̣ анзгзсам̣ бан̃н̃ааббабхзд̣̇аанам̣ васзна н̃аан̣ажаарам̣ д̣̇ассзд̇и.

    Ettha ca yathā ‘‘mahākāruṇika’’nti iminā padena bhagavato mahākaruṇā dassitā, evaṃ ‘‘ñeyyasāgarapāragu’’nti etena mahāpaññā dassitā. Tesu karuṇāggahaṇena lokiyesu mahaggatabhāvappattāsādhāraṇaguṇadīpanato bhagavato sabbalokiyaguṇasampatti dassitā hoti, paññāggahaṇena sabbaññutaññāṇapadaṭṭhānamaggañāṇadīpanato sabbalokuttaraguṇasampatti. Tadubhayaggahaṇasiddho eva cattho nāthasaddena pakāsīyati. Karuṇāvacanena upagamanaṃ nirupakkilesaṃ dasseti, paññāvacanena apagamanaṃ. Tathā karuṇāggahaṇena lokasamaññānurūpaṃ bhagavato pavattiṃ dasseti lokavohāravisayattā karuṇāya, paññāggahaṇena samaññāya anatidhāvanaṃ. Sabhāvānavabodhena hi dhammānaṃ samaññaṃ atidhāvitvā sattādisammasanaṃ hotīti. Tathā karuṇāggahaṇena mahākaruṇāsamāpattivihāraṃ dasseti, paññāggahaṇena tīsu kālesu appaṭihatañāṇaṃ, catusaccañāṇaṃ, catupaṭisambhidāñāṇaṃ, catuvesārajjañāṇaṃ. Karuṇāggahaṇena mahākaruṇāsamāpattiñāṇassa gahitattā sesāsādhāraṇañāṇāni, cha abhiññā, aṭṭhasu parisāsu (ma. ni. 1.151, 178) akampanañāṇāni, dasa balāni, cuddasa buddhañāṇāni, soḷasa ñāṇacariyā, aṭṭhārasa buddhadhammā (mahāni. 69, 156; cūḷani. mogharājamāṇavapucchāniddesa 85; paṭi. ma. 3.5; dī. ni. aṭṭha. 3.305; vibha. mūlaṭī. suttantabhājanīyavaṇṇanā; dī. ni. ṭī. 3.141), catucattālīsa ñāṇavatthūni sattasattati ñāṇavatthūnīti (saṃ. ni. 2.34) evamādīnaṃ anekesaṃ paññāppabhedānaṃ vasena ñāṇacāraṃ dasseti.

    д̇ат̇аа гарун̣ааг̇г̇ахан̣зна жаран̣асамбад̇д̇и, бан̃н̃ааг̇г̇ахан̣зна виж̇ж̇аасамбад̇д̇и. гарун̣ааг̇г̇ахан̣зна сад̇д̇аад̇хибад̇ид̇аа, бан̃н̃ааг̇г̇ахан̣зна д̇хаммаад̇хибад̇ид̇аа. гарун̣ааг̇г̇ахан̣зна логанаат̇абхааво, бан̃н̃ааг̇г̇ахан̣зна ад̇д̇анаат̇абхааво. д̇ат̇аа гарун̣ааг̇г̇ахан̣зна буб̣б̣агаарибхааво, бан̃н̃ааг̇г̇ахан̣зна гад̇ан̃н̃уд̇аа. гарун̣ааг̇г̇ахан̣зна абаранд̇абад̇аа, бан̃н̃ааг̇г̇ахан̣зна анад̇д̇анд̇абад̇аа. гарун̣ааг̇г̇ахан̣зна ваа б̣уд̣̇д̇хагарад̇хаммасид̣̇д̇хи, бан̃н̃ааг̇г̇ахан̣зна б̣уд̣̇д̇хабхаавасид̣̇д̇хи. д̇ат̇аа гарун̣ааг̇г̇ахан̣зна барзсам̣ д̇ааран̣ам̣, бан̃н̃ааг̇г̇ахан̣зна саяам̣ д̇ааран̣ам̣. д̇ат̇аа гарун̣ааг̇г̇ахан̣зна саб̣б̣асад̇д̇зсу ануг̇г̇ахажид̇д̇ад̇аа, бан̃н̃ааг̇г̇ахан̣зна саб̣б̣ад̇хаммзсу вирад̇д̇ажид̇д̇ад̇аа д̣̇ассид̇аа ход̇и. саб̣б̣зсан̃жа б̣уд̣̇д̇хаг̇ун̣аанам̣ гарун̣аа аад̣̇и д̇ам̣нид̣̇аанабхаавад̇о, бан̃н̃аа барияосаанам̣ д̇ад̇о уд̇д̇ари гаран̣ийяаабхаавад̇о, ид̇и аад̣̇ибарияосаанад̣̇ассанзна саб̣б̣з б̣уд̣̇д̇хаг̇ун̣аа д̣̇ассид̇аа хонд̇и. д̇ат̇аа гарун̣ааважанзна сийлагканд̇хабуб̣б̣ан̇г̇амо самаад̇хигканд̇хо д̣̇ассид̇о ход̇и. гарун̣аанид̣̇аанан̃хи сийлам̣ д̇ад̇о баан̣аад̇ибаад̇аад̣̇ивирад̇иббавад̇д̇ид̇о, саа жа жхаанад̇д̇аяасамбаяог̇инийд̇и. бан̃н̃ааважанзна бан̃н̃аагканд̇хо. сийлан̃жа саб̣б̣аб̣уд̣̇д̇хаг̇ун̣аанам̣ аад̣̇и, самаад̇хи маж̇жхз, бан̃н̃аа барияосаананд̇и звамби аад̣̇имаж̇жхабарияосаанагаляаан̣аа саб̣б̣з б̣уд̣̇д̇хаг̇ун̣аа д̣̇ассид̇аа хонд̇и наяад̇о д̣̇ассид̇ад̇д̇аа. зсо зва хи ниравасзсад̇о б̣уд̣̇д̇хаг̇ун̣аанам̣ д̣̇ассанубааяо, яад̣̇ид̣̇ам̣ наяаг̇г̇аахан̣ам̣, ан̃н̃ат̇аа го наама самад̇т̇о бхаг̇авад̇о г̇ун̣з анубад̣̇ам̣ ниравасзсад̇о д̣̇ассзд̇ум̣. д̇знзвааха –

    Tathā karuṇāggahaṇena caraṇasampatti, paññāggahaṇena vijjāsampatti. Karuṇāggahaṇena sattādhipatitā, paññāggahaṇena dhammādhipatitā. Karuṇāggahaṇena lokanāthabhāvo, paññāggahaṇena attanāthabhāvo. Tathā karuṇāggahaṇena pubbakāribhāvo, paññāggahaṇena kataññutā. Karuṇāggahaṇena aparantapatā, paññāggahaṇena anattantapatā. Karuṇāggahaṇena vā buddhakaradhammasiddhi, paññāggahaṇena buddhabhāvasiddhi. Tathā karuṇāggahaṇena paresaṃ tāraṇaṃ, paññāggahaṇena sayaṃ tāraṇaṃ. Tathā karuṇāggahaṇena sabbasattesu anuggahacittatā, paññāggahaṇena sabbadhammesu virattacittatā dassitā hoti. Sabbesañca buddhaguṇānaṃ karuṇā ādi taṃnidānabhāvato, paññā pariyosānaṃ tato uttari karaṇīyābhāvato, iti ādipariyosānadassanena sabbe buddhaguṇā dassitā honti. Tathā karuṇāvacanena sīlakkhandhapubbaṅgamo samādhikkhandho dassito hoti. Karuṇānidānañhi sīlaṃ tato pāṇātipātādiviratippavattito, sā ca jhānattayasampayoginīti. Paññāvacanena paññākkhandho. Sīlañca sabbabuddhaguṇānaṃ ādi, samādhi majjhe, paññā pariyosānanti evampi ādimajjhapariyosānakalyāṇā sabbe buddhaguṇā dassitā honti nayato dassitattā. Eso eva hi niravasesato buddhaguṇānaṃ dassanupāyo, yadidaṃ nayaggāhaṇaṃ, aññathā ko nāma samattho bhagavato guṇe anupadaṃ niravasesato dassetuṃ. Tenevāha –

    ‘‘б̣уд̣̇д̇хоби б̣уд̣̇д̇хасса бхан̣зяяа ван̣н̣ам̣, габбамби жз ан̃н̃амабхаасамаано;

    ‘‘Buddhopi buddhassa bhaṇeyya vaṇṇaṃ, kappampi ce aññamabhāsamāno;

    кийязт̇а габбо жирад̣̇ийгхаманд̇арз, ван̣н̣о на кийязт̇а д̇ат̇ааг̇ад̇ассаа’’д̇и. (д̣̇ий. ни. адта. 1.304; 3.141; ма. ни. адта. 3.425; уд̣̇аа. адта. 53; аба. адта. 2.7.20; б̣у. вам̣. адта. 4.4; жарияаа. адта. нид̣̇аанагат̇аа, багин̣н̣агагат̇аа; д̣̇ий. ни. дий. 1.г̇ант̇аарамбхагат̇ааван̣н̣анаа; ма. ни. дий. 1.1; сам̣. ни. дий. 1.1.1; а. ни. дий. 1.1.1; важ̇ира. дий. г̇ант̇аарамбхагат̇аа; саарад̇т̇а. дий. 1.г̇ант̇аарамбхагат̇ааван̣н̣анаа);

    Khīyetha kappo ciradīghamantare, vaṇṇo na khīyetha tathāgatassā’’ti. (dī. ni. aṭṭha. 1.304; 3.141; ma. ni. aṭṭha. 3.425; udā. aṭṭha. 53; apa. aṭṭha. 2.7.20; bu. vaṃ. aṭṭha. 4.4; cariyā. aṭṭha. nidānakathā, pakiṇṇakakathā; dī. ni. ṭī. 1.ganthārambhakathāvaṇṇanā; ma. ni. ṭī. 1.1; saṃ. ni. ṭī. 1.1.1; a. ni. ṭī. 1.1.1; vajira. ṭī. ganthārambhakathā; sārattha. ṭī. 1.ganthārambhakathāvaṇṇanā);

    д̇знзва жа ааяасмад̇аа саарибуд̇д̇ад̇т̇зрзнааби б̣уд̣̇д̇хаг̇ун̣абарижчзд̣̇анам̣ бад̇и ануяуд̇д̇зна ‘‘но хзд̇ам̣, бханд̇з’’д̇и (д̣̇ий. ни. 2.145) бадигкибид̇ваа ‘‘абижа мз, бханд̇з, д̇хамманваяо вид̣̇ид̇о’’д̇и (д̣̇ий. ни. 2.146) вуд̇д̇ам̣.

    Teneva ca āyasmatā sāriputtattherenāpi buddhaguṇaparicchedanaṃ pati anuyuttena ‘‘no hetaṃ, bhante’’ti (dī. ni. 2.145) paṭikkhipitvā ‘‘apica me, bhante, dhammanvayo vidito’’ti (dī. ni. 2.146) vuttaṃ.

    звам̣ сан̇кзбзна сагаласаб̣б̣ан̃н̃уг̇ун̣зхи бхаг̇аванд̇ам̣ абхид̇т̇авид̇ваа ид̣̇аани сад̣̇д̇хаммам̣ т̇омзд̇ум̣ ‘‘виж̇ж̇аажаран̣асамбаннаа’’д̇иаад̣̇имааха. д̇ад̇т̇а виж̇ж̇аажаран̣асамбаннаа худ̇ваад̇и важанасзсо. винд̣̇ияам̣ д̇хаммаанам̣ салагкан̣ам̣, сааман̃н̃алагкан̣ан̃жа винд̣̇ад̇ийд̇и виж̇ж̇аа, лобхагканд̇хаад̣̇ийни ваа виж̇жханадтзна виж̇ж̇аа, жад̇уннам̣ ваа арияасажжаанам̣ вид̣̇ид̇агаран̣адтзна виж̇ж̇аад̇и звам̣ д̇аавзд̇т̇а важанад̇т̇ад̇о виж̇ж̇аа взд̣̇ид̇аб̣б̣аа. бабхзд̣̇ад̇о бана д̇иссоби виж̇ж̇аа виж̇ж̇аа бхаяабхзравасуд̇д̇з ааг̇ад̇анияаамзнзва, адтаби виж̇ж̇аа виж̇ж̇аа амб̣адтасуд̇д̇аад̣̇ийсу (д̣̇ий. ни. 1.278 аад̣̇аяо) ааг̇ад̇анияаамзнзва. жаранд̇и д̇зхийд̇и жаран̣аани, сийласам̣вараад̣̇аяо бан̃жад̣̇аса д̇хаммаа, ид̇и имаахи виж̇ж̇аахи, имзхи жа жаран̣зхи самбаннаа самбаннааг̇ад̇аад̇и виж̇ж̇аажаран̣асамбаннаа.

    Evaṃ saṅkhepena sakalasabbaññuguṇehi bhagavantaṃ abhitthavitvā idāni saddhammaṃ thometuṃ ‘‘vijjācaraṇasampannā’’tiādimāha. Tattha vijjācaraṇasampannā hutvāti vacanaseso. Vindiyaṃ dhammānaṃ salakkhaṇaṃ, sāmaññalakkhaṇañca vindatīti vijjā, lobhakkhandhādīni vā vijjhanaṭṭhena vijjā, catunnaṃ vā ariyasaccānaṃ viditakaraṇaṭṭhena vijjāti evaṃ tāvettha vacanatthato vijjā veditabbā. Pabhedato pana tissopi vijjā vijjā bhayabheravasutte āgataniyāmeneva, aṭṭhapi vijjā vijjā ambaṭṭhasuttādīsu (dī. ni. 1.278 ādayo) āgataniyāmeneva. Caranti tehīti caraṇāni, sīlasaṃvarādayo pañcadasa dhammā, iti imāhi vijjāhi, imehi ca caraṇehi sampannā sampannāgatāti vijjācaraṇasampannā.

    язнаад̇и язна д̇хаммзна гаран̣абхууд̇зна, хзд̇убхууд̇зна жа. д̇ад̇т̇а маг̇г̇ад̇хаммасса гаран̣ад̇т̇о взд̣̇ид̇аб̣б̣о нияяаанагирияаасаад̇хагад̇амабхаавад̇о, ниб̣б̣аанад̇хаммасса хзд̇уад̇т̇о аарамман̣абажжаяабхаавад̇о. бажжаяад̇т̇о хи аяам̣ хзд̇вад̇т̇о. барияад̇д̇ид̇хаммассаби хзд̇уад̇т̇о яуж̇ж̇ад̇зва барамбарааяа хзд̇убхаавад̇о. палад̇хаммз бана убхаяамби самбхавад̇и. гат̇ам̣? ‘‘д̇ааяа сад̣̇д̇хааяа авуубасанд̇ааяаа’’д̇и важанад̇о маг̇г̇зна самужчиннаанам̣ гилзсаанам̣ бадиббассад̣̇д̇хиббахаанагижжад̇ааяа паласса нияяаанаануг̇ун̣ад̇аа, нияяаанабарияосаанад̇аа жаад̇и иминаа барияааязна сияаа гаран̣ад̇т̇о нияяаанагирияааяа. сагад̣̇ааг̇аамимаг̇г̇авибассанаад̣̇ийнам̣ бана убаниссаяабажжаяабхаавад̇о сияаа хзд̇уад̇т̇о. зван̃жа гад̇ваа аг̇г̇аббасаад̣̇асуд̇д̇аад̣̇ийсу (ид̇иву. 90) аг̇г̇аад̣̇ибхаавзна аг̇г̇ахид̇ааби палабарияад̇д̇ид̇хаммаа чад̇д̇амаан̣авагавимаанаад̣̇ийсу (ви. ва. 886 аад̣̇аяо) саран̣ийяабхаавзна г̇ахид̇аад̇и д̇зсам̣ маг̇г̇аниб̣б̣аанаанам̣ вияа махааадтагат̇ааяам̣ саран̣абхааво уд̣̇д̇хадо. висзсад̇о жзд̇т̇а маг̇г̇абарияаабаннаа зва виж̇ж̇аажаран̣ад̇хаммаа взд̣̇ид̇аб̣б̣аа. д̇з хи ниббарияааязна нияяаанагирияааяа саад̇хагад̇амабхууд̇аа, на ид̇арз. ид̇арзсам̣ бана нияяаанад̇т̇ад̇ааяа нияяаанад̇аа. яад̣̇и звам̣ гасмаа ‘‘виж̇ж̇аажаран̣асамбаннаа худ̇ваа’’д̇и вуд̇д̇ам̣, нияяаанасамагааламзва хи яат̇аавуд̇д̇авиж̇ж̇аажаран̣асамбад̇д̇исамад̇хиг̇амод̇и? нааяам̣ вирод̇хо самаанагаалад̇ааяа зва ад̇хиббзд̇ад̇д̇аа яат̇аа ‘‘жагкун̃жа бадижжа руубз жа уббаж̇ж̇ад̇и жагкувин̃н̃аан̣а’’нд̇и (ма. ни. 1.204, 400; 3.421, 425, 426; сам̣. ни. 2.43-45; 4.60; гат̇аа. 465, 467). самбаннаад̇и ваа бад̣̇асса вад̇д̇амаанагаалад̇т̇ад̇аа взд̣̇ид̇аб̣б̣аа ‘‘уббаннаа д̇хаммаа’’д̇и (д̇ха. са. д̇игамаад̇игаа 17) зд̇т̇а уббаннасад̣̇д̣̇асса вияа. зван̃жа гад̇ваа важанасзсаманд̇арзнзва бад̣̇аяож̇анаа сид̣̇д̇хаа ход̇и. ‘‘язнаа’’д̇и жа бад̣̇ам̣ убхаяад̇т̇а самб̣анд̇хид̇аб̣б̣ам̣ ‘‘язна д̇хаммзна виж̇ж̇аажаран̣асамбаннаа, язна д̇хаммзна нияяанд̇ий’’д̇и.

    Yenāti yena dhammena karaṇabhūtena, hetubhūtena ca. Tattha maggadhammassa karaṇattho veditabbo niyyānakiriyāsādhakatamabhāvato, nibbānadhammassa hetuattho ārammaṇapaccayabhāvato. Paccayattho hi ayaṃ hetvattho. Pariyattidhammassapi hetuattho yujjateva paramparāya hetubhāvato. Phaladhamme pana ubhayampi sambhavati. Kathaṃ? ‘‘Tāya saddhāya avūpasantāyā’’ti vacanato maggena samucchinnānaṃ kilesānaṃ paṭippassaddhippahānakiccatāya phalassa niyyānānuguṇatā, niyyānapariyosānatā cāti iminā pariyāyena siyā karaṇattho niyyānakiriyāya. Sakadāgāmimaggavipassanādīnaṃ pana upanissayapaccayabhāvato siyā hetuattho. Evañca katvā aggappasādasuttādīsu (itivu. 90) aggādibhāvena aggahitāpi phalapariyattidhammā chattamāṇavakavimānādīsu (vi. va. 886 ādayo) saraṇīyabhāvena gahitāti tesaṃ magganibbānānaṃ viya mahāaṭṭhakathāyaṃ saraṇabhāvo uddhaṭo. Visesato cettha maggapariyāpannā eva vijjācaraṇadhammā veditabbā. Te hi nippariyāyena niyyānakiriyāya sādhakatamabhūtā, na itare. Itaresaṃ pana niyyānatthatāya niyyānatā. Yadi evaṃ kasmā ‘‘vijjācaraṇasampannā hutvā’’ti vuttaṃ, niyyānasamakālameva hi yathāvuttavijjācaraṇasampattisamadhigamoti? Nāyaṃ virodho samānakālatāya eva adhippetattā yathā ‘‘cakkhuñca paṭicca rūpe ca uppajjati cakkhuviññāṇa’’nti (ma. ni. 1.204, 400; 3.421, 425, 426; saṃ. ni. 2.43-45; 4.60; kathā. 465, 467). Sampannāti vā padassa vattamānakālatthatā veditabbā ‘‘uppannā dhammā’’ti (dha. sa. tikamātikā 17) ettha uppannasaddassa viya. Evañca katvā vacanasesamantareneva padayojanā siddhā hoti. ‘‘Yenā’’ti ca padaṃ ubhayattha sambandhitabbaṃ ‘‘yena dhammena vijjācaraṇasampannā, yena dhammena niyyantī’’ti.

    логад̇од̇и канд̇хаад̣̇илогад̇о, ваддад̇од̇и ад̇т̇о. нд̇и д̇ам̣ маг̇г̇аниб̣б̣аанапалабарияад̇д̇ибхзд̣̇ам̣ д̇хаммам̣. уд̇д̇аманд̇и сздтам̣. д̇ат̇аа хзса ад̇д̇анаа уд̇д̇арид̇арасса абхаавзна ‘‘ануд̇д̇аро’’д̇и вужжад̇и. д̇ад̇т̇а маг̇г̇асса нияяаанахзд̇уаад̣̇иад̇т̇зна, ниб̣б̣аанасса ниссаран̣авивзгаад̣̇иад̇т̇зна, паласса арияасанд̇абхааваад̣̇иад̇т̇зна жа сздтад̇аа взд̣̇ид̇аб̣б̣аа. свааяамад̇т̇о ‘‘яаавад̇аа, бхигкавз, д̇хаммаа сан̇кад̇аа, арияо адтан̇г̇иго маг̇г̇о д̇зсам̣ аг̇г̇амагкааяад̇ий’’д̇и (ид̇иву. 90; а. ни. 4.34) аад̣̇исуд̇д̇абад̣̇аанусаарзна вибхаавзд̇аб̣б̣о.

    Lokatoti khandhādilokato, vaṭṭatoti attho. Nti taṃ magganibbānaphalapariyattibhedaṃ dhammaṃ. Uttamanti seṭṭhaṃ. Tathā hesa attanā uttaritarassa abhāvena ‘‘anuttaro’’ti vuccati. Tattha maggassa niyyānahetuādiatthena, nibbānassa nissaraṇavivekādiatthena, phalassa ariyasantabhāvādiatthena ca seṭṭhatā veditabbā. Svāyamattho ‘‘yāvatā, bhikkhave, dhammā saṅkhatā, ariyo aṭṭhaṅgiko maggo tesaṃ aggamakkhāyatī’’ti (itivu. 90; a. ni. 4.34) ādisuttapadānusārena vibhāvetabbo.

    д̇хамманд̇и яат̇аанусидтам̣ бадибаж̇ж̇амаанз абааяад̇о, сам̣саарад̇о жа абад̇амаанз гад̇ваа д̇хаарзд̇ийд̇и д̇хаммо. саммаа, сааман̃жа саб̣б̣ад̇хаммаанам̣ б̣уд̣̇д̇хад̇д̇аа саммаасамб̣уд̣̇д̇хо, саб̣б̣ан̃н̃уд̇ааанааваран̣ан̃аан̣о саманд̇ажагку бхаг̇аваа, д̇зна яат̇аа саммаасамб̣од̇хисамад̇хиг̇амзнзва саб̣б̣з б̣уд̣̇д̇хаг̇ун̣аа самбаабун̣ийяанд̇и, звам̣ саммад̣̇зва аасзванааяа бхааванааяа б̣ахулийгирияааяа саммаабадибад̇д̇ияаа саммад̣̇зва бажжавзгкан̣ааяа саггажжам̣ д̇хаммад̣̇зсанааяа взнзяяасанд̇аанзсу бад̇идтаабанзна –

    Dhammanti yathānusiṭṭhaṃ paṭipajjamāne apāyato, saṃsārato ca apatamāne katvā dhāretīti dhammo. Sammā, sāmañca sabbadhammānaṃ buddhattā sammāsambuddho, sabbaññutāanāvaraṇañāṇo samantacakkhu bhagavā, tena yathā sammāsambodhisamadhigameneva sabbe buddhaguṇā sampāpuṇīyanti, evaṃ sammadeva āsevanāya bhāvanāya bahulīkiriyāya sammāpaṭipattiyā sammadeva paccavekkhaṇāya sakkaccaṃ dhammadesanāya veneyyasantānesu patiṭṭhāpanena –

    ‘‘арияам̣ , во бхигкавз, саммаасамаад̇хим̣ д̣̇зсзссаами (ма. ни. 3.136; бздаго. 24). маг̇г̇аанадтан̇г̇иго сздто (д̇ха. ба. 273; нзд̇д̇и. 170; бздаго. 30). яаавад̇аа, бхигкавз, д̇хаммаа сан̇кад̇аа ваа асан̇кад̇аа ваа, вирааг̇о д̇зсам̣ аг̇г̇амагкааяад̇и (ид̇иву. 90; а. ни. 4.34). згааяано аяам̣, бхигкавз, маг̇г̇о сад̇д̇аанам̣ висуд̣̇д̇хияаа (д̣̇ий. ни. 2.373; ма. ни. 1.106; сам̣. ни. 5.367, 384). д̇хаммам̣, во бхигкавз, д̣̇зсзссаами аад̣̇игаляаан̣а’’нд̇и (ма. ни. 3.420; нзд̇д̇и. 5) –

    ‘‘Ariyaṃ , vo bhikkhave, sammāsamādhiṃ desessāmi (ma. ni. 3.136; peṭako. 24). Maggānaṭṭhaṅgiko seṭṭho (dha. pa. 273; netti. 170; peṭako. 30). Yāvatā, bhikkhave, dhammā saṅkhatā vā asaṅkhatā vā, virāgo tesaṃ aggamakkhāyati (itivu. 90; a. ni. 4.34). Ekāyano ayaṃ, bhikkhave, maggo sattānaṃ visuddhiyā (dī. ni. 2.373; ma. ni. 1.106; saṃ. ni. 5.367, 384). Dhammaṃ, vo bhikkhave, desessāmi ādikalyāṇa’’nti (ma. ni. 3.420; netti. 5) –

    аад̣̇иважанзхи, абхид̇т̇аванзна жа бууж̇ид̇о маанид̇о абажид̇од̇и саммаасамб̣уд̣̇д̇хабууж̇ид̇о, д̇ам̣ саммаасамб̣уд̣̇д̇хабууж̇ид̇ам̣ д̇хаммам̣ ванд̣̇зд̇и самб̣анд̇хо.

    Ādivacanehi, abhitthavanena ca pūjito mānito apacitoti sammāsambuddhapūjito, taṃ sammāsambuddhapūjitaṃ dhammaṃ vandeti sambandho.

    аяам̣ банзд̇т̇а сан̇кзбад̇т̇о – яасса д̇хаммасса ад̇хиг̇аманз виж̇ж̇аасамбаннаа жзва хонд̇и жаран̣асамбаннаа жа, саб̣б̣аваддад̣̇угкад̇о жа нияяанд̇и, д̇амзва арияаанам̣ сагалаг̇ун̣асаман̇г̇ибхааванимид̇д̇ам̣, анавасзсад̣̇угканиссаран̣ахзд̇убхууд̇ан̃жа уд̇д̇амам̣ баварам̣ сад̣̇д̇хим̣ барияад̇д̇ид̇хаммзна нававид̇хам̣ логуд̇д̇арад̇хаммам̣ бхаг̇авад̇ааби саммаабадибад̇д̇иаад̣̇ивид̇хинаа бууж̇ид̇ам̣ намаами, абхид̇т̇аваами ваад̇и.

    Ayaṃ panettha saṅkhepattho – yassa dhammassa adhigamane vijjāsampannā ceva honti caraṇasampannā ca, sabbavaṭṭadukkhato ca niyyanti, tameva ariyānaṃ sakalaguṇasamaṅgibhāvanimittaṃ, anavasesadukkhanissaraṇahetubhūtañca uttamaṃ pavaraṃ saddhiṃ pariyattidhammena navavidhaṃ lokuttaradhammaṃ bhagavatāpi sammāpaṭipattiādividhinā pūjitaṃ namāmi, abhitthavāmi vāti.

    зд̇т̇а жа ‘‘язна логад̇о нияяанд̇и, виж̇ж̇аажаран̣асамбаннаа жа хонд̇ий’’д̇и бад̣̇ад̣̇ваязна яат̇ааггамам̣ д̇хаммасса бхаавзд̇аб̣б̣абхааво, сажчигаад̇аб̣б̣абхааво жа вуд̇д̇о. д̇зсу батамзна виж̇ж̇аасамбад̇д̇ияаа д̇хаммам̣ т̇омзд̇и, д̣̇уд̇иязна вимуд̇д̇исамбад̇д̇ияаа. д̇ат̇аа батамзна жхаанасамбад̣̇ааяа, д̣̇уд̇иязна вимогкасамбад̣̇ааяа. батамзна ваа самаад̇хисамбад̣̇ааяа, д̣̇уд̇иязна самаабад̇д̇исамбад̣̇ааяа. батамзна ваа каяан̃аан̣абхаавзна, д̣̇уд̇иязна ануббаад̣̇ан̃аан̣абхаавзна. ат̇а ваа буримзна виж̇ж̇уубамад̇ааяа, д̣̇уд̇иязна важ̇ируубамад̇ааяа. буримзна ваа вирааг̇асамбад̇д̇ияаа, д̣̇уд̇иязна нирод̇хасамбад̇д̇ияаа. д̇ат̇аа батамзна нияяаанабхаавзна, д̣̇уд̇иязна ниссаран̣абхаавзна. батамзна ваа хзд̇убхаавзна, д̣̇уд̇иязна асан̇кад̇абхаавзна. батамзна ваа д̣̇ассанабхаавзна, д̣̇уд̇иязна вивзгабхаавзна. батамзна ваа ад̇хибад̇ибхаавзна, д̣̇уд̇иязна амад̇абхаавзна д̇хаммам̣ т̇омзд̇и. ат̇а ваа батамзна нияяаанигабхаавад̣̇ассанад̇о сваагкаад̇ад̇ааяа д̇хаммам̣ т̇омзд̇и, д̣̇уд̇иязна сажчигаад̇аб̣б̣абхаавад̇о санд̣̇идтигад̇ааяа. д̇ат̇аа буримзна агаалигад̇ааяа, бажчимзна зхибассигад̇ааяа. буримзна ваа обанзяяигад̇ааяа, бажчимзна бажжад̇д̇ам̣ взд̣̇ид̇аб̣б̣ад̇ааяа д̇хаммам̣ т̇омзд̇и.

    Ettha ca ‘‘yena lokato niyyanti, vijjācaraṇasampannā ca hontī’’ti padadvayena yathākkamaṃ dhammassa bhāvetabbabhāvo, sacchikātabbabhāvo ca vutto. Tesu paṭhamena vijjāsampattiyā dhammaṃ thometi, dutiyena vimuttisampattiyā. Tathā paṭhamena jhānasampadāya, dutiyena vimokkhasampadāya. Paṭhamena vā samādhisampadāya, dutiyena samāpattisampadāya. Paṭhamena vā khayañāṇabhāvena, dutiyena anuppādañāṇabhāvena. Atha vā purimena vijjūpamatāya, dutiyena vajirūpamatāya. Purimena vā virāgasampattiyā, dutiyena nirodhasampattiyā. Tathā paṭhamena niyyānabhāvena, dutiyena nissaraṇabhāvena. Paṭhamena vā hetubhāvena, dutiyena asaṅkhatabhāvena. Paṭhamena vā dassanabhāvena, dutiyena vivekabhāvena. Paṭhamena vā adhipatibhāvena, dutiyena amatabhāvena dhammaṃ thometi. Atha vā paṭhamena niyyānikabhāvadassanato svākkhātatāya dhammaṃ thometi, dutiyena sacchikātabbabhāvato sandiṭṭhikatāya. Tathā purimena akālikatāya, pacchimena ehipassikatāya. Purimena vā opaneyyikatāya, pacchimena paccattaṃ veditabbatāya dhammaṃ thometi.

    ‘‘уд̇д̇ама’’нд̇и жа зд̇зна ан̃н̃асса висидтасса абхаавад̣̇ийбанзна барибун̣н̣ад̇ааяа д̇хаммам̣ т̇омзд̇и , ‘‘саммаасамб̣уд̣̇д̇хабууж̇ид̇а’’нд̇и зд̇зна барисуд̣̇д̇хад̇ааяа. саб̣б̣ад̣̇осаабаг̇амзна хисса бууж̇анийяад̇аа. барисуд̣̇д̇хад̇ааяа жасса бахаанасамбад̣̇аа, барибун̣н̣ад̇ааяа бабхавасамбад̣̇аа. бахаанасамбад̇д̇ияаа жа бхааванаабаарибуурий анавасзсад̣̇осасамуг̇гхааданад̇о, бабхавасамбад̇д̇ияаа сажчигирияаниб̣б̣ад̇д̇и д̇ад̇уд̇д̇ари гаран̣ийяаабхаавад̇о. анан̃н̃асаад̇хааран̣ад̇ааяа хи уд̇д̇амод̇и. д̇ат̇аа бхаавзд̇аб̣б̣абхаавзнасса саха буб̣б̣абхааг̇асийлаад̣̇ийхи сзгкаа сийласамаад̇хибан̃н̃аагканд̇хаа, сажчигаад̇аб̣б̣абхаавзна саха асан̇кад̇ааяа д̇хаад̇уяаа асзгкаа сийласамаад̇хибан̃н̃аагканд̇хаа д̣̇ассид̇аа хонд̇ийд̇и.

    ‘‘Uttama’’nti ca etena aññassa visiṭṭhassa abhāvadīpanena paripuṇṇatāya dhammaṃ thometi , ‘‘sammāsambuddhapūjita’’nti etena parisuddhatāya. Sabbadosāpagamena hissa pūjanīyatā. Parisuddhatāya cassa pahānasampadā, paripuṇṇatāya pabhavasampadā. Pahānasampattiyā ca bhāvanāpāripūrī anavasesadosasamugghāṭanato, pabhavasampattiyā sacchikiriyanibbatti tatuttari karaṇīyābhāvato. Anaññasādhāraṇatāya hi uttamoti. Tathā bhāvetabbabhāvenassa saha pubbabhāgasīlādīhi sekkhā sīlasamādhipaññākkhandhā, sacchikātabbabhāvena saha asaṅkhatāya dhātuyā asekkhā sīlasamādhipaññākkhandhā dassitā hontīti.

    звам̣ сан̇кзбзна саб̣б̣асад̣̇д̇хаммаг̇ун̣зхи сад̣̇д̇хаммам̣ т̇омзд̇ваа ид̣̇аани арияасан̇гхам̣ т̇омзд̇ум̣ ‘‘сийлаад̣̇иг̇ун̣асамбанно’’д̇иаад̣̇и вуд̇д̇ам̣. д̇ад̇т̇а сийлаад̣̇иг̇ун̣асамбаннод̇и сийласамаад̇хибан̃н̃аавимуд̇д̇ияаад̣̇иг̇ун̣зхи самбанно саманнааг̇ад̇о, самбаннасийлаад̣̇иг̇ун̣о ваа. арияаанан̃хи д̇ам̣д̇ам̣маг̇г̇аваж̇жхагилзсаббахаанзна хад̇абадибагкаа сувисуд̣̇д̇хаа сийлаад̣̇аяо ‘‘самбаннаа’’д̇и вад̇д̇аб̣б̣ад̇ам̣ араханд̇и , на бут̇ууж̇ж̇анаанам̣, яад̇о ‘‘суббадибанно’’д̇иаад̣̇инаа (ма. ни. 1.74; а. ни. 6.10; уд̣̇аа. 18) арияасан̇гхо т̇омийяад̇и. ат̇а ваа сийлаад̣̇иг̇ун̣асамбаннод̇и барибун̣н̣асийлаад̣̇иг̇ун̣о. арияабуг̇г̇алаанан̃хи арияасажжаббадивзд̇хзна сахзва яат̇аарахам̣ сзгкаасзгкаа сийлаад̣̇ид̇хаммагканд̇хаа баарибуурим̣ г̇ажчанд̇ийд̇и. тид̇о маг̇г̇апалзсууд̇и маг̇г̇зсу, палзсу жа тид̇о, маг̇г̇адто, паладто жаад̇и ад̇т̇о. яод̇и анияамад̇о арияасан̇гхам̣ нид̣̇д̣̇исад̇и, д̇асса ‘‘д̇а’’нд̇и иминаа нияамам̣ взд̣̇ид̇аб̣б̣ам̣.

    Evaṃ saṅkhepena sabbasaddhammaguṇehi saddhammaṃ thometvā idāni ariyasaṅghaṃ thometuṃ ‘‘sīlādiguṇasampanno’’tiādi vuttaṃ. Tattha sīlādiguṇasampannoti sīlasamādhipaññāvimuttiyādiguṇehi sampanno samannāgato, sampannasīlādiguṇo vā. Ariyānañhi taṃtaṃmaggavajjhakilesappahānena hatapaṭipakkhā suvisuddhā sīlādayo ‘‘sampannā’’ti vattabbataṃ arahanti , na puthūjjanānaṃ, yato ‘‘suppaṭipanno’’tiādinā (ma. ni. 1.74; a. ni. 6.10; udā. 18) ariyasaṅgho thomīyati. Atha vā sīlādiguṇasampannoti paripuṇṇasīlādiguṇo. Ariyapuggalānañhi ariyasaccappaṭivedhena saheva yathārahaṃ sekkhāsekkhā sīlādidhammakkhandhā pāripūriṃ gacchantīti. Ṭhito maggaphalesūti maggesu, phalesu ca ṭhito, maggaṭṭho, phalaṭṭho cāti attho. Yoti aniyamato ariyasaṅghaṃ niddisati, tassa ‘‘ta’’nti iminā niyamaṃ veditabbaṃ.

    нану жа арияасан̇гхз на саб̣б̣з арияабуг̇г̇алаа маг̇г̇адтаа, нааби саб̣б̣з паладтаад̇и? сажжамзд̇ам̣, аваяавад̇хаммзна бана самуд̣̇ааяам̣ нид̣̇д̣̇исанд̇о звамааха яат̇аа ‘‘самам̣ жун̣н̣а’’нд̇и. яат̇аа хи яог̇ажун̣н̣асса аваяавзсу лаб̣бхамаано самабхааво самуд̣̇ааяз абад̣̇исийяад̇и ‘‘самам̣ жун̣н̣а’’нд̇и, звам̣ арияасан̇гхасса аваяавабхууд̇зсу арияабуг̇г̇алзсу лаб̣бхамаано маг̇г̇адтапаладтабхааво самуд̣̇ааяабхууд̇з арияасан̇гхз тид̇о ‘‘маг̇г̇апалзсуу’’д̇и абад̣̇идтод̇и взд̣̇ид̇аб̣б̣ам̣.

    Nanu ca ariyasaṅghe na sabbe ariyapuggalā maggaṭṭhā, nāpi sabbe phalaṭṭhāti? Saccametaṃ, avayavadhammena pana samudāyaṃ niddisanto evamāha yathā ‘‘samaṃ cuṇṇa’’nti. Yathā hi yogacuṇṇassa avayavesu labbhamāno samabhāvo samudāye apadisīyati ‘‘samaṃ cuṇṇa’’nti, evaṃ ariyasaṅghassa avayavabhūtesu ariyapuggalesu labbhamāno maggaṭṭhaphalaṭṭhabhāvo samudāyabhūte ariyasaṅghe ṭhito ‘‘maggaphalesū’’ti apadiṭṭhoti veditabbaṃ.

    аарагад̇д̇аа гилзсзхи, анаяз на ирияанад̇о, аяз жа ирияанад̇о, сад̣̇звагзна жа логзна ‘‘саран̣а’’нд̇и аран̣ийяад̇о арияо, д̣̇идтисийласааман̃н̃зна сам̣хад̇ад̇д̇аа сан̇гхо, арияо жа со сан̇гхо жаад̇и арияасан̇гхо, д̇ам̣ арияасан̇гхам̣. буж̇ж̇абхавапаланиб̣б̣ад̇д̇анад̇о ад̇д̇ано санд̇аанам̣ бунаад̇ийд̇и ваа бун̃н̃ам̣, кид̇д̇ам̣ вуд̇д̇ам̣ б̣ийж̇ам̣ вируханадтаанад̇ааяа д̇ааяад̇и рагкад̇ийд̇и кзд̇д̇ам̣ гзд̣̇аараад̣̇и, кзд̇д̇ам̣ вияаад̇и кзд̇д̇ам̣, сад̇д̇аанам̣ бун̃н̃асса махабпалабхаавагаран̣зна вируханадтаанад̇ааяа кзд̇д̇анд̇и бун̃н̃агкзд̇д̇ам̣. ануд̇д̇арам̣ ванд̣̇зд̇и самб̣анд̇хо.

    Ārakattā kilesehi, anaye na iriyanato, aye ca iriyanato, sadevakena ca lokena ‘‘saraṇa’’nti araṇīyato ariyo, diṭṭhisīlasāmaññena saṃhatattā saṅgho, ariyo ca so saṅgho cāti ariyasaṅgho, taṃ ariyasaṅghaṃ. Pujjabhavaphalanibbattanato attano santānaṃ punātīti vā puññaṃ, khittaṃ vuttaṃ bījaṃ viruhanaṭṭhānatāya tāyati rakkhatīti khettaṃ kedārādi, khettaṃ viyāti khettaṃ, sattānaṃ puññassa mahapphalabhāvakaraṇena viruhanaṭṭhānatāya khettanti puññakkhettaṃ. Anuttaraṃ vandeti sambandho.

    зд̇т̇а жа ‘‘сийлаад̣̇иг̇ун̣асамбанно’’д̇и зд̇зна арияасан̇гхасса бхаг̇авад̇о ануж̇аад̇абуд̇д̇ад̇ам̣ д̣̇ассзд̇и, д̇знасса бабхавасамбад̣̇аа д̣̇ийбид̇аа ход̇и. ‘‘тид̇о маг̇г̇апалзсуу’’д̇и зд̇зна бахаанасамбад̣̇ам̣, н̃аан̣асамбад̣̇ан̃жа д̣̇ассзд̇и гилзсаанам̣ самужчзд̣̇аббадиббассад̣̇д̇хиббахаанад̣̇ийбанад̇о, маг̇г̇апалан̃аан̣аад̇хиг̇амад̣̇ийбанад̇о жа. ‘‘арияасан̇гха’’нд̇и зд̇зна бабхавасамбад̣̇ам̣ саб̣б̣асан̇гхаанам̣ аг̇г̇абхаавад̣̇ийбанад̇о, сад̣̇звагзна жа логзна аран̣ийяабхаавад̣̇ийбанад̇о. ‘‘бун̃н̃агкзд̇д̇ам̣ ануд̇д̇ара’’нд̇и зд̇зна логасса б̣ахуубагаарад̇ам̣ д̣̇ассзд̇и аг̇г̇ад̣̇агкин̣зяяабхаавад̣̇ийбанад̇о.

    Ettha ca ‘‘sīlādiguṇasampanno’’ti etena ariyasaṅghassa bhagavato anujātaputtataṃ dasseti, tenassa pabhavasampadā dīpitā hoti. ‘‘Ṭhito maggaphalesū’’ti etena pahānasampadaṃ, ñāṇasampadañca dasseti kilesānaṃ samucchedappaṭippassaddhippahānadīpanato, maggaphalañāṇādhigamadīpanato ca. ‘‘Ariyasaṅgha’’nti etena pabhavasampadaṃ sabbasaṅghānaṃ aggabhāvadīpanato, sadevakena ca lokena araṇīyabhāvadīpanato. ‘‘Puññakkhettaṃ anuttara’’nti etena lokassa bahūpakārataṃ dasseti aggadakkhiṇeyyabhāvadīpanato.

    д̇ат̇аа ‘‘сийлаад̣̇иг̇ун̣асамбанно’’д̇и ид̣̇ам̣ арияасан̇гхасса саммаауж̇ун̃ааяасаамийжиббадибаннабхаавад̣̇ийбанам̣. ‘‘тид̇о маг̇г̇апалзсуу’’д̇и ид̣̇ам̣ сад̇иби санд̇аанавибхааг̇зна анзгабхаавз жад̇убурисаяуг̇аадтабурисабуг̇г̇алабхаавад̣̇ийбанам̣. ‘‘арияасан̇гха’’нд̇и ид̣̇ам̣ аахунзяяаад̣̇ибхаавад̣̇ийбанам̣. ‘‘бун̃н̃агкзд̇д̇ам̣ ануд̇д̇ара’’нд̇и ид̣̇ам̣ логасса хид̇асукааяа бадибаннад̇аад̣̇ийбанам̣. д̇ат̇аа ‘‘тид̇о маг̇г̇апалзсуу’’д̇и ид̣̇ам̣ арияасан̇гхасса логуд̇д̇арасаран̣аг̇аманасаб̣бхаавад̣̇ийбанам̣, д̇знасса бхаг̇авад̇о орасабуд̇д̇абхааво д̣̇ассид̇о ход̇и. ‘‘сийлаад̣̇иг̇ун̣асамбанно’’д̇и иминаа банасса вихад̇авид̇хасд̇агилзсаа анавасзсаа сзгкаасзгкаа сийлаад̣̇ид̇хаммагканд̇хаа д̣̇ассид̇аа. ‘‘арияасан̇гхам̣ бун̃н̃агкзд̇д̇ам̣ ануд̇д̇ара’’нд̇и иминаа д̇зсам̣ д̇зсан̃н̃зва яат̇аавуд̇д̇аг̇ун̣ависзсаанам̣ субарисуд̣̇д̇хад̇ам̣ д̣̇ийбзд̇и. д̇знасса махаанубхаавад̇ам̣, ануд̇д̇арад̣̇агкин̣зяяабхаавам̣, ванд̣̇анаарахабхаавам̣, ад̇д̇ано жа ванд̣̇анаагирияааяа кзд̇д̇ан̇г̇ад̇абхаавам̣ д̣̇ийбзд̇и. саран̣аг̇аманан̃жа саавагаанам̣ саб̣б̣аг̇ун̣аанам̣ аад̣̇и, сабуб̣б̣абхааг̇аббадибад̣̇аа сзгкаа сийлагканд̇хаад̣̇аяо маж̇жхз, асзгкаа сийлагканд̇хаад̣̇аяо барияосаананд̇и аад̣̇имаж̇жхабарияосаанагаляаан̣аа саб̣б̣з арияасан̇гхаг̇ун̣аа имааяа г̇аат̇ааяа багаасид̇аад̇и взд̣̇ид̇аб̣б̣ам̣.

    Tathā ‘‘sīlādiguṇasampanno’’ti idaṃ ariyasaṅghassa sammāujuñāyasāmīcippaṭipannabhāvadīpanaṃ. ‘‘Ṭhito maggaphalesū’’ti idaṃ satipi santānavibhāgena anekabhāve catupurisayugaaṭṭhapurisapuggalabhāvadīpanaṃ. ‘‘Ariyasaṅgha’’nti idaṃ āhuneyyādibhāvadīpanaṃ. ‘‘Puññakkhettaṃ anuttara’’nti idaṃ lokassa hitasukhāya paṭipannatādīpanaṃ. Tathā ‘‘ṭhito maggaphalesū’’ti idaṃ ariyasaṅghassa lokuttarasaraṇagamanasabbhāvadīpanaṃ, tenassa bhagavato orasaputtabhāvo dassito hoti. ‘‘Sīlādiguṇasampanno’’ti iminā panassa vihatavidhastakilesā anavasesā sekkhāsekkhā sīlādidhammakkhandhā dassitā. ‘‘Ariyasaṅghaṃ puññakkhettaṃ anuttara’’nti iminā tesaṃ tesaññeva yathāvuttaguṇavisesānaṃ suparisuddhataṃ dīpeti. Tenassa mahānubhāvataṃ, anuttaradakkhiṇeyyabhāvaṃ, vandanārahabhāvaṃ, attano ca vandanākiriyāya khettaṅgatabhāvaṃ dīpeti. Saraṇagamanañca sāvakānaṃ sabbaguṇānaṃ ādi, sapubbabhāgappaṭipadā sekkhā sīlakkhandhādayo majjhe, asekkhā sīlakkhandhādayo pariyosānanti ādimajjhapariyosānakalyāṇā sabbe ariyasaṅghaguṇā imāya gāthāya pakāsitāti veditabbaṃ.

    звам̣ г̇аат̇аад̇д̇аязна сан̇кзбад̇о сагалаг̇ун̣асам̣гид̇д̇анамукзна рад̇анад̇д̇аяасса бан̣аамам̣ гад̇ваа ид̣̇аани д̇ам̣ нибажжагаарам̣ яат̇аад̇хиббзд̇з баяож̇анз барин̣аамзнд̇о ‘‘ванд̣̇анааж̇анид̇а’’нд̇и г̇аат̇амааха. д̇ад̇т̇а ванд̣̇анааж̇анид̇анд̇и ванд̣̇анаагаарзна ниб̣б̣ад̇д̇ид̇ам̣, рад̇анад̇д̇аяаг̇ун̣аабхид̇т̇аванавасзна, нибажжагааравасзна ваа уббаад̣̇ид̇анд̇и ад̇т̇о. ид̇ийд̇и звам̣ ‘‘махаагаарун̣ига’’нд̇иаад̣̇иббагаарзна. рад̇иж̇ананадтзна рад̇анам̣, б̣уд̣̇д̇хад̇хаммасан̇гхаа, жид̇д̇ийгад̇аад̣̇ибхааво ваа рад̇анадто. вуд̇д̇ан̃хзд̇ам̣ –

    Evaṃ gāthāttayena saṅkhepato sakalaguṇasaṃkittanamukhena ratanattayassa paṇāmaṃ katvā idāni taṃ nipaccakāraṃ yathādhippete payojane pariṇāmento ‘‘vandanājanita’’nti gāthamāha. Tattha vandanājanitanti vandanākārena nibbattitaṃ, ratanattayaguṇābhitthavanavasena, nipaccakāravasena vā uppāditanti attho. Itīti evaṃ ‘‘mahākāruṇika’’ntiādippakārena. Ratijananaṭṭhena ratanaṃ, buddhadhammasaṅghā, cittīkatādibhāvo vā ratanaṭṭho. Vuttañhetaṃ –

    ‘‘жид̇д̇ийгад̇ам̣ махаг̇гхан̃жа, ад̇улам̣ д̣̇уллабхад̣̇ассанам̣;

    ‘‘Cittīkataṃ mahagghañca, atulaṃ dullabhadassanaṃ;

    аномасад̇д̇абарибхог̇ам̣, рад̇анам̣ д̇зна вужжад̇ий’’д̇и. (ку. баа. адта. 6.3; д̣̇ий. ни. адта. 2.33; сам̣. ни. 5.223; су. ни. адта. 1.226; махаани. адта. 50; д̣̇ий. ни. дий. 1.г̇ант̇аарамбхагат̇аа; ма. ни. дий. 1.4; сам̣. ни. дий. 1.1.4; а. ни. дий. 1.1.4; саарад̇т̇а. дий. 1.г̇ант̇аарамбхагат̇ааван̣н̣анаа);

    Anomasattaparibhogaṃ, ratanaṃ tena vuccatī’’ti. (khu. pā. aṭṭha. 6.3; dī. ni. aṭṭha. 2.33; saṃ. ni. 5.223; su. ni. aṭṭha. 1.226; mahāni. aṭṭha. 50; dī. ni. ṭī. 1.ganthārambhakathā; ma. ni. ṭī. 1.4; saṃ. ni. ṭī. 1.1.4; a. ni. ṭī. 1.1.4; sārattha. ṭī. 1.ganthārambhakathāvaṇṇanā);

    жид̇д̇ийгад̇абхааваад̣̇аяо жа анан̃н̃асаад̇хааран̣аа б̣уд̣̇д̇хаад̣̇ийсу зва лаб̣бханд̇и, рад̇анаанам̣ д̇аяам̣ рад̇анад̇д̇аяам̣, д̇асмим̣ рад̇анад̇д̇аяз. хад̇анд̇арааяод̇и вид̇хасд̇аубад̣̇д̣̇аво худ̇ваад̇и самб̣анд̇хо, зд̇зна ад̇д̇ано басаад̣̇асамбад̇д̇ияаа, рад̇анад̇д̇аяасса жа кзд̇д̇абхаавасамбад̇д̇ияаа д̇асса бун̃н̃асса ад̇т̇асам̣ван̣н̣анааяа убагхаад̇агаубад̣̇д̣̇аваанам̣ вихананз самад̇т̇ад̇ам̣ д̣̇ассзд̇и. саб̣б̣ад̇т̇аад̇и саб̣б̣асмим̣ анд̇о жзва б̣ахи жа, аж̇жхад̇д̇игаб̣аахиравад̇т̇уусууд̇и ад̇т̇о. саб̣б̣ад̇т̇аад̇и ваа саб̣б̣асмим̣ гаалз, сам̣ван̣н̣анааяа аад̣̇имаж̇жхабарияосаанагаалзсууд̇и вуд̇д̇ам̣ ход̇и. худ̇ваад̇и буб̣б̣агаалагирияаа, д̇асса ‘‘гариссаамад̇т̇аван̣н̣ана’’нд̇и зд̇зна самб̣анд̇хо. д̇ассаад̇и яам̣ рад̇анад̇д̇аяз ванд̣̇анааж̇анид̇ам̣ бун̃н̃ам̣, д̇асса. д̇зж̇асаад̇и аанубхаавзна б̣алзна.

    Cittīkatabhāvādayo ca anaññasādhāraṇā buddhādīsu eva labbhanti, ratanānaṃ tayaṃ ratanattayaṃ, tasmiṃ ratanattaye. Hatantarāyoti vidhastaupaddavo hutvāti sambandho, etena attano pasādasampattiyā, ratanattayassa ca khettabhāvasampattiyā tassa puññassa atthasaṃvaṇṇanāya upaghātakaupaddavānaṃ vihanane samatthataṃ dasseti. Sabbatthāti sabbasmiṃ anto ceva bahi ca, ajjhattikabāhiravatthūsūti attho. Sabbatthāti vā sabbasmiṃ kāle, saṃvaṇṇanāya ādimajjhapariyosānakālesūti vuttaṃ hoti. Hutvāti pubbakālakiriyā, tassa ‘‘karissāmatthavaṇṇana’’nti etena sambandho. Tassāti yaṃ ratanattaye vandanājanitaṃ puññaṃ, tassa. Tejasāti ānubhāvena balena.

    звам̣ рад̇анад̇д̇аяаванд̣̇анааяа баяож̇анам̣ д̣̇ассзд̇ваа ид̣̇аани нзд̇д̇иббагаран̣асса г̇амбхийрад̇т̇ад̇д̇аа ад̇т̇асам̣ван̣н̣анааяа д̣̇уггарабхаавам̣ д̣̇ассзд̇ум̣ ‘‘тид̇и’’нд̇иаад̣̇имааха. д̇ад̇т̇а тид̇инд̇и таанам̣ ананд̇арад̇хаанам̣ авижчзд̣̇аббавад̇д̇им̣. ааган̇камаанзнаад̇и ижчамаанзна бад̇т̇аяанд̇зна, ‘‘аховад̇ааяам̣ сад̣̇д̇хамманзд̇д̇и жирам̣ д̇идтзяяаа’’д̇и звам̣ бад̇т̇аяанд̇знаад̇и вуд̇д̇ам̣ ход̇и. жиранд̇и д̣̇ийгхагаалам̣, бан̃жавассасахассабаримаан̣ам̣ гааланд̇и ад̇т̇о. сад̣̇д̇хамманзд̇д̇ияаад̇и сад̣̇д̇хаммасан̇каад̇ааяа нзд̇д̇ияаа. сад̣̇д̇хаммо хи взнзяяасанд̇аанзсу арияаг̇ун̣аанам̣ наяанад̇о нзд̇д̇и, сад̣̇д̇хаммасса ваа нзд̇д̇и сад̣̇д̇хамманзд̇д̇и, д̇ассаа сад̣̇д̇хамманзд̇д̇ияаа, свааяамад̇т̇о адтагат̇ааяам̣ вижаарид̇о зва. т̇зрзнаад̇и т̇ираг̇ун̣аяуд̇д̇зна. абхияаажид̇од̇и аад̣̇араг̇ааравзна яаажид̇о. абхимукам̣ ваа яаажид̇о, ануд̇д̇арам̣ гад̇ваа яаажид̇од̇и ад̇т̇о. уд̣̇д̣̇исса ваа яаажид̇о, г̇аруд̇арам̣ гад̇ваа яаажид̇од̇и ад̇т̇о, ‘‘гарод̇у ааяасмаа нзд̇д̇иббагаран̣асса ган̃жи ад̇т̇асам̣ван̣н̣ана’’нд̇и звам̣ нзд̇д̇ияаа ад̇т̇асам̣ван̣н̣анам̣ бад̇и аж̇жхзсид̇од̇и вуд̇д̇ам̣ ход̇и. зд̇т̇а жа сад̣̇д̇хаммасса жирам̣ тид̇игаамзна аж̇жхаасаяасамбаннзна саасанз т̇ираг̇ун̣аяуд̇д̇зна саб̣рахмажааринаа аад̣̇араг̇ааравзна, абхимукам̣ ваа яаажид̇зна мз на саггаа д̇асса абхияаажанам̣ бадигкибид̇унд̇и д̣̇ассзд̇и ‘‘тид̇им̣ ааган̇камаанзнаа’’д̇и г̇аат̇ааяа.

    Evaṃ ratanattayavandanāya payojanaṃ dassetvā idāni nettippakaraṇassa gambhīratthattā atthasaṃvaṇṇanāya dukkarabhāvaṃ dassetuṃ ‘‘ṭhiti’’ntiādimāha. Tattha ṭhitinti ṭhānaṃ anantaradhānaṃ avicchedappavattiṃ. Ākaṅkhamānenāti icchamānena patthayantena, ‘‘ahovatāyaṃ saddhammanetti ciraṃ tiṭṭheyyā’’ti evaṃ patthayantenāti vuttaṃ hoti. Ciranti dīghakālaṃ, pañcavassasahassaparimāṇaṃ kālanti attho. Saddhammanettiyāti saddhammasaṅkhātāya nettiyā. Saddhammo hi veneyyasantānesu ariyaguṇānaṃ nayanato netti, saddhammassa vā netti saddhammanetti, tassā saddhammanettiyā, svāyamattho aṭṭhakathāyaṃ vicārito eva. Therenāti thiraguṇayuttena. Abhiyācitoti ādaragāravena yācito. Abhimukhaṃ vā yācito, anuttaraṃ katvā yācitoti attho. Uddissa vā yācito, garutaraṃ katvā yācitoti attho, ‘‘karotu āyasmā nettippakaraṇassa kañci atthasaṃvaṇṇana’’nti evaṃ nettiyā atthasaṃvaṇṇanaṃ pati ajjhesitoti vuttaṃ hoti. Ettha ca saddhammassa ciraṃ ṭhitikāmena ajjhāsayasampannena sāsane thiraguṇayuttena sabrahmacārinā ādaragāravena, abhimukhaṃ vā yācitena me na sakkā tassa abhiyācanaṃ paṭikkhipitunti dasseti ‘‘ṭhitiṃ ākaṅkhamānenā’’ti gāthāya.

    бад̣̇умуд̇д̇аранаат̇ассаад̇и бад̣̇умуд̇д̇арасса саммаасамб̣уд̣̇д̇хасса. бассад̇аад̇и буб̣б̣зниваасажагкунаа, саманд̇ажагкунаа зва ваа хад̇т̇ад̇алз табид̇ааамалагам̣ вияа абхинийхаарам̣ бассанд̇зна. д̇аад̣̇инаад̇и д̇аад̣̇ибхааваяуд̇д̇зна , саб̣б̣ад̇т̇а ваа ниб̣б̣игаарзна, ‘‘амхаагам̣ бхаг̇авад̇аа’’д̇и важанасзсо. яассаад̇и ааяасмад̇о махаагажжаанад̇т̇зрасса. табид̇од̇и –

    Padumuttaranāthassāti padumuttarassa sammāsambuddhassa. Passatāti pubbenivāsacakkhunā, samantacakkhunā eva vā hatthatale ṭhapitaāmalakaṃ viya abhinīhāraṃ passantena. Tādināti tādibhāvayuttena , sabbattha vā nibbikārena, ‘‘amhākaṃ bhagavatā’’ti vacanaseso. Yassāti āyasmato mahākaccānattherassa. Ṭhapitoti –

    ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ сам̣кид̇д̇зна бхаасид̇асса вид̇т̇аарзна ад̇т̇ам̣ вибхаж̇анд̇аанам̣ яад̣̇ид̣̇ам̣ махаагажжаано’’д̇и (а. ни. 1.188, 197) –

    ‘‘Etadaggaṃ, bhikkhave, mama sāvakānaṃ bhikkhūnaṃ saṃkhittena bhāsitassa vitthārena atthaṃ vibhajantānaṃ yadidaṃ mahākaccāno’’ti (a. ni. 1.188, 197) –

    звам̣ табид̇о. сийлаад̣̇иг̇ун̣ависзсзхи маханд̇аа саавагаад̇и махаасаавагаа (т̇зраг̇аа. адта. 2.1288; а. ни. дий. 2.3.59), махаагассабаад̣̇аяо, д̇зсу аяамааяасмаа ан̃н̃ад̇арод̇и, махаасааваго жа со г̇ун̣ависзсаяог̇ад̇о уд̇д̇амо жаад̇и махаасаавагуд̇д̇амо.

    Evaṃ ṭhapito. Sīlādiguṇavisesehi mahantā sāvakāti mahāsāvakā (theragā. aṭṭha. 2.1288; a. ni. ṭī. 2.3.59), mahākassapādayo, tesu ayamāyasmā aññataroti, mahāsāvako ca so guṇavisesayogato uttamo cāti mahāsāvakuttamo.

    жхаанаад̣̇ийсу саад̇исаяаанам̣ ааваж̇ж̇анаад̣̇ивасийбхааваанам̣, арияид̣̇д̇хивасзна барамасса жа жзд̇овасийбхаавасса ад̇хиг̇ад̇ад̇д̇аа васиббад̇д̇о. ад̇т̇аад̣̇ийсу сависзсабхзд̣̇аг̇ад̇абадисамбхид̣̇аан̃аан̣ад̇д̇аа бабхиннабадисамбхид̣̇о. ‘‘бан̣д̣ид̇о, бхигкавз, махаагажжаано, махаабан̃н̃о, бхигкавз, махаагажжаано’’д̇иаад̣̇инаа (ма. ни. 1.205) анзгзсу таанзсу бхаг̇авад̇аа басам̣сид̇ад̇д̇аа самб̣уд̣̇д̇хзна басам̣сид̇о. д̇зна вуд̇д̇ам̣ ‘‘сад̇т̇у жзва сам̣ван̣н̣ид̇о сам̣бхаавид̇о, вин̃н̃уунан̃жа саб̣рахмажаарина’’нд̇и.

    Jhānādīsu sātisayānaṃ āvajjanādivasībhāvānaṃ, ariyiddhivasena paramassa ca cetovasībhāvassa adhigatattā vasippatto. Atthādīsu savisesabhedagatapaṭisambhidāñāṇattā pabhinnapaṭisambhido. ‘‘Paṇḍito, bhikkhave, mahākaccāno, mahāpañño, bhikkhave, mahākaccāno’’tiādinā (ma. ni. 1.205) anekesu ṭhānesu bhagavatā pasaṃsitattā sambuddhena pasaṃsito. Tena vuttaṃ ‘‘satthu ceva saṃvaṇṇito saṃbhāvito, viññūnañca sabrahmacārina’’nti.

    анумод̣̇ид̇аад̇и ‘‘саад̇ху саад̇ху, гажжаана, саад̇ху ко, д̇вам̣ гажжаана, имам̣ д̇хаммасам̣ван̣н̣анам̣ абхаасий’’д̇и звам̣ анумод̣̇ид̇аа. згасмим̣ гира самаяз аяам̣ махаат̇зро ж̇амб̣уванасан̣д̣з вихаранд̇о ад̇д̇ано санд̇игааважараанам̣ бхигкуунам̣ имам̣ хааранаяабадиман̣д̣ид̇ам̣ багаран̣ам̣ абхааси. бхаасид̇ваа жа бхаг̇авад̇о санд̇игам̣ убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисинно яат̇аабхаасид̇ам̣ имам̣ багаран̣ам̣ бхаг̇авад̇о нивзд̣̇зси. д̇ам̣ суд̇ваа бхаг̇аваа ‘‘саад̇ху саад̇хуу’’д̇иаад̣̇инаа анумод̣̇ид̇ваа ‘‘д̇асмаад̇иха, д̇вам̣ гажжаана, имам̣ д̇хаммасам̣ван̣н̣анам̣ д̇хамманзд̇д̇ид̇взва д̇хаарзхий’’д̇и наамаг̇г̇ахан̣ам̣ агаасийд̇и вад̣̇анд̇и. д̣̇зсанаахаараад̣̇инанд̣̇ияаавадданаяаад̣̇ихааранаяаанусаарзнзва саб̣б̣ад̇хаммасам̣ван̣н̣анаанам̣ г̇ад̇ияод̇и ааха ‘‘саасанасса сад̣̇ааяад̇д̇аа, наван̇г̇ассад̇т̇аван̣н̣анаа’’д̇и.

    Anumoditāti ‘‘sādhu sādhu, kaccāna, sādhu kho, tvaṃ kaccāna, imaṃ dhammasaṃvaṇṇanaṃ abhāsī’’ti evaṃ anumoditā. Ekasmiṃ kira samaye ayaṃ mahāthero jambuvanasaṇḍe viharanto attano santikāvacarānaṃ bhikkhūnaṃ imaṃ hāranayapaṭimaṇḍitaṃ pakaraṇaṃ abhāsi. Bhāsitvā ca bhagavato santikaṃ upasaṅkamitvā bhagavantaṃ abhivādetvā ekamantaṃ nisinno yathābhāsitaṃ imaṃ pakaraṇaṃ bhagavato nivedesi. Taṃ sutvā bhagavā ‘‘sādhu sādhū’’tiādinā anumoditvā ‘‘tasmātiha, tvaṃ kaccāna, imaṃ dhammasaṃvaṇṇanaṃ dhammanettitveva dhārehī’’ti nāmaggahaṇaṃ akāsīti vadanti. Desanāhārādinandiyāvaṭṭanayādihāranayānusāreneva sabbadhammasaṃvaṇṇanānaṃ gatiyoti āha ‘‘sāsanassa sadāyattā, navaṅgassatthavaṇṇanā’’ti.

    г̇амбхийран̃аан̣зхийхи г̇амбхийрзхи н̃аан̣зхи, на сад̣̇д̇хаамад̇д̇агзна, г̇амбхийран̃аан̣зхи ваа махаабан̃н̃зхи ариязхи. багаран̣асса г̇амбхийрад̇т̇ад̇ам̣, ад̇д̇ано жа н̃аан̣асса наад̇ивисаяад̇ам̣ вид̣̇ид̇ваа сам̣ван̣н̣анаарамбхз сам̣сийд̣̇анд̇амби мам̣ саасанаг̇ун̣аад̣̇иубаниссаяасамбад̣̇аа уссаахзсийд̇и имамад̇т̇ам̣ д̣̇ассзд̇и ‘‘гин̃жаабий’’д̇иаад̣̇инаа.

    Gambhīrañāṇehīhi gambhīrehi ñāṇehi, na saddhāmattakena, gambhīrañāṇehi vā mahāpaññehi ariyehi. Pakaraṇassa gambhīratthataṃ, attano ca ñāṇassa nātivisayataṃ viditvā saṃvaṇṇanārambhe saṃsīdantampi maṃ sāsanaguṇādiupanissayasampadā ussāhesīti imamatthaṃ dasseti ‘‘kiñcāpī’’tiādinā.

    ‘‘бан̃жаби нигааяз ог̇аахзд̇ваа’’д̇и иминаа нзд̇д̇ияаа бан̃жаби махаанигааяз анубависид̇ваа авадтаанам̣, д̇зсам̣ сам̣ван̣н̣анаабхааван̃жа д̣̇ийбзд̇и. д̇ад̇т̇а ‘‘гад̇амо ассаад̣̇о жа аад̣̇ийнаво жаа’’д̇иаад̣̇ибздагобад̣̇зсабаал̣им̣ (бздаго. 23) аанзд̇ваа ид̇ха д̣̇зсанаахаараад̣̇ийнам̣ бад̣̇ад̇т̇авинижчаяо бздагзна сам̣санд̣̇анам̣ наама. ‘‘яат̇ааб̣ала’’нд̇и иминаа саб̣б̣ат̇аа саб̣б̣абхааг̇знааби нзд̇д̇ияаа сам̣ван̣н̣анаа маяаа на сугараа гаад̇ум̣, ад̇д̇ано бана н̃аан̣аб̣алаануруубам̣ гариссаамийд̇и нирад̇имаанад̇ам̣ д̣̇ийбзд̇и.

    ‘‘Pañcapinikāye ogāhetvā’’ti iminā nettiyā pañcapi mahānikāye anupavisitvā avaṭṭhānaṃ, tesaṃ saṃvaṇṇanābhāvañca dīpeti. Tattha ‘‘katamo assādo ca ādīnavo cā’’tiādipeṭakopadesapāḷiṃ (peṭako. 23) ānetvā idha desanāhārādīnaṃ padatthavinicchayo peṭakena saṃsandanaṃ nāma. ‘‘yathābala’’nti iminā sabbathā sabbabhāgenāpi nettiyā saṃvaṇṇanā mayā na sukarā kātuṃ, attano pana ñāṇabalānurūpaṃ karissāmīti niratimānataṃ dīpeti.

    сувисуд̣̇д̇ханд̇и судту висуд̣̇д̇хам̣, нигааяанд̇аралад̣̇д̇хид̣̇осзхи анд̇аранд̇араа ануббавзсид̇зхи асаммиссанд̇и ад̇хиббааяо. асам̣гин̣н̣анд̇и санигааязби бад̣̇ад̇т̇анд̇арабаригаббанаад̣̇инаа асам̣гин̣н̣ам̣ д̇аад̣̇исасан̇гарарахид̇ам̣ анаагулам̣ субарижчиннам̣. вивид̇хзхи аагаарзхи нижчинод̇ийд̇и винижчаяо. ад̇т̇аанам̣ винижчаяо ад̇т̇авинижчаяо. г̇ан̣тидтаанабхууд̇зсу ад̇т̇зсу киламад̣̇д̣̇анаагаарзна бавад̇д̇аа вимад̇ижчзд̣̇агат̇аа, нибун̣о сукумо сан̣хо ад̇т̇авинижчаяо зд̇ассаад̇и нибун̣ад̇т̇авинижчаяо. ат̇а ваа ад̇т̇з винижчинод̇ийд̇и ад̇т̇авинижчаяо, яат̇аавуд̇д̇аад̇т̇ависаяан̃аан̣ам̣, нибун̣о чзго ад̇т̇авинижчаяо зд̇ассаад̇и нибун̣ад̇т̇авинижчаяо, д̇ам̣ нибун̣ад̇т̇авинижчаяам̣. самаяанд̇и сид̣̇д̇ханд̇ам̣. ид̣̇ам̣ вуд̇д̇ам̣ ход̇и – махаавихаараваасийнам̣ сид̣̇д̇ханд̇о вуд̇д̇анаязна субарисуд̣̇д̇хо, анаагуло, сан̣хасукумавинижчаяо жа, сид̣̇д̇ханд̇ам̣ д̇ам̣ авиломзнд̇о анугуулад̇о д̇ад̇т̇а сид̣̇д̇хам̣язва д̇хамманзд̇д̇им̣ багаасаяанд̇о нзд̇д̇иббагаран̣асса ад̇т̇асам̣ван̣н̣анам̣ гариссаамийд̇и.

    Suvisuddhanti suṭṭhu visuddhaṃ, nikāyantaraladdhidosehi antarantarā anuppavesitehi asammissanti adhippāyo. Asaṃkiṇṇanti sanikāyepi padatthantaraparikappanādinā asaṃkiṇṇaṃ tādisasaṅkararahitaṃ anākulaṃ suparicchinnaṃ. Vividhehi ākārehi nicchinotīti vinicchayo. Atthānaṃ vinicchayo atthavinicchayo. Gaṇṭhiṭṭhānabhūtesu atthesu khilamaddanākārena pavattā vimaticchedakathā, nipuṇo sukhumo saṇho atthavinicchayo etassāti nipuṇatthavinicchayo. Atha vā atthe vinicchinotīti atthavinicchayo, yathāvuttaatthavisayañāṇaṃ, nipuṇo cheko atthavinicchayo etassāti nipuṇatthavinicchayo, taṃ nipuṇatthavinicchayaṃ. Samayanti siddhantaṃ. Idaṃ vuttaṃ hoti – mahāvihāravāsīnaṃ siddhanto vuttanayena suparisuddho, anākulo, saṇhasukhumavinicchayo ca, siddhantaṃ taṃ avilomento anukūlato tattha siddhaṃyeva dhammanettiṃ pakāsayanto nettippakaraṇassa atthasaṃvaṇṇanaṃ karissāmīti.

    бамаад̣̇алзканд̇и абарабхааг̇з бод̇т̇агаарул̣хагаалз бамаж̇ж̇ид̇ваа ликанавасзна бавад̇д̇аббамаад̣̇абаатам̣. важ̇ж̇зд̇ваад̇и абанзд̇ваа. баал̣им̣ саммаа нияож̇аяанд̇и д̇ам̣ д̇ам̣ нзд̇д̇ибаал̣им̣ д̇ад̇т̇а д̇ад̇т̇а уд̣̇аахаран̣абхаавзна аанийд̇асуд̇д̇з саммад̣̇зва нияож̇знд̇о, ад̇т̇асам̣ван̣н̣анааяа ваа д̇ам̣ д̇ам̣ уд̣̇аахаран̣асуд̇д̇асан̇каад̇ам̣ баал̣им̣ д̇асмим̣ д̇асмим̣ лагкан̣абхууд̇з нзд̇д̇иг̇ант̇з саммад̣̇зва нияож̇знд̇о. убад̣̇зсанд̇и нзд̇д̇иубанисам̣ нзд̇д̇ихад̣̇аяам̣. явааяам̣ сабадтаанавибхааг̇асса д̇зд̇д̇им̣савид̇хасса нзд̇д̇ибад̣̇ад̇т̇асса саха нимид̇д̇авибхааг̇зна асан̇гарад̇о вавад̇т̇ид̇о висаяо, д̇ам̣. вибхаавзнд̇о багаасзнд̇о. д̇ассаа нзд̇д̇ияаа гариссаами ад̇т̇аван̣н̣ананд̇и самб̣анд̇хо.

    Pamādalekhanti aparabhāge potthakāruḷhakāle pamajjitvā likhanavasena pavattappamādapāṭhaṃ. Vajjetvāti apanetvā. Pāḷiṃ sammā niyojayanti taṃ taṃ nettipāḷiṃ tattha tattha udāharaṇabhāvena ānītasutte sammadeva niyojento, atthasaṃvaṇṇanāya vā taṃ taṃ udāharaṇasuttasaṅkhātaṃ pāḷiṃ tasmiṃ tasmiṃ lakkhaṇabhūte nettiganthe sammadeva niyojento. Upadesanti nettiupanisaṃ nettihadayaṃ. Yvāyaṃ sapaṭṭhānavibhāgassa tettiṃsavidhassa nettipadatthassa saha nimittavibhāgena asaṅkarato vavatthito visayo, taṃ. Vibhāvento pakāsento. Tassā nettiyā karissāmi atthavaṇṇananti sambandho.

    зд̇т̇а жа ‘‘абхияаажид̇о’’д̇и иминаа ад̇т̇асам̣ван̣н̣анааяа нимид̇д̇ам̣ д̣̇ассзд̇и, ‘‘тид̇им̣ ааган̇камаанзна жирам̣ сад̣̇д̇хамманзд̇д̇ияаа’’д̇и иминаа баяож̇анам̣, ‘‘гариссаамад̇т̇аван̣н̣ана’’нд̇и иминаа бин̣д̣ад̇т̇ам̣. сам̣ван̣н̣ияамаанаа хи багаран̣ад̇т̇аа сам̣ван̣н̣анааяа бин̣д̣ад̇т̇о. ‘‘д̇амубаниссааяаа’’д̇иаад̣̇инаа гаран̣аббагаарам̣.

    Ettha ca ‘‘abhiyācito’’ti iminā atthasaṃvaṇṇanāya nimittaṃ dasseti, ‘‘ṭhitiṃ ākaṅkhamānena ciraṃ saddhammanettiyā’’ti iminā payojanaṃ, ‘‘karissāmatthavaṇṇana’’nti iminā piṇḍatthaṃ. Saṃvaṇṇiyamānā hi pakaraṇatthā saṃvaṇṇanāya piṇḍattho. ‘‘Tamupanissāyā’’tiādinā karaṇappakāraṃ.

    ид̣̇аани сам̣ван̣н̣анааяа саванз нияож̇знд̇о ‘‘ид̇и ад̇т̇а’’нд̇и осаанаг̇аат̇амааха. д̇ад̇т̇а ‘‘саггажжа’’нд̇и бад̣̇ам̣ убхаяад̇т̇а яож̇зд̇аб̣б̣ам̣ ‘‘саггажжам̣ вибхаж̇анд̇асса, саггажжам̣ нисаамаяат̇аа’’д̇и.

    Idāni saṃvaṇṇanāya savane niyojento ‘‘iti attha’’nti osānagāthamāha. Tattha ‘‘sakkacca’’nti padaṃ ubhayattha yojetabbaṃ ‘‘sakkaccaṃ vibhajantassa, sakkaccaṃ nisāmayathā’’ti.

    г̇ант̇аарамбхагат̇ааван̣н̣анаа нидтид̇аа.

    Ganthārambhakathāvaṇṇanā niṭṭhitā.




    Next: нид̣̇аанагат̇ааван̣н̣анаа • Nidānakathāvaṇṇanā




    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / г̇ант̇аарамбхагат̇аа • Ganthārambhakathā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / г̇ант̇аарамбхагат̇аа • Ganthārambhakathā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact