| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
г̇ант̇аарамбхагат̇ааван̣н̣анаа
Ganthārambhakathāvaṇṇanā
ид̣̇аани ассаарамбхо – д̇ад̇т̇а яод̇и анияаманид̣̇д̣̇зсо, д̇зна висуд̣̇д̇хаж̇аад̇игулаг̇од̇д̇аад̣̇ийнам̣ гилзсамалависуд̣̇д̇хияаа, бууж̇аарахад̇ааяа ваа агааран̣ад̇ам̣ д̣̇ассзд̇ваа яо гожи имиссаа саманд̇абаасаад̣̇игааяа аад̣̇иг̇аат̇ааяа нид̣̇д̣̇идталоганаат̇ад̇д̇ахзд̇ум̣ яат̇аавуд̇д̇ахзд̇умуулзна т̇ирад̇арам̣ ажалам̣ гад̇ваа яат̇аавуд̇д̇ахзд̇угаалам̣ ажжанд̇амзва буурзнд̇о авасаанз яат̇аавуд̇д̇ахзд̇упалам̣ самбаад̣̇зд̇ваа яат̇аавуд̇д̇ахзд̇упалаббаяож̇анам̣ саад̇хзд̇и, сова барамабууж̇аараход̇и нияамзд̇и.
Idāni assārambho – tattha yoti aniyamaniddeso, tena visuddhajātikulagottādīnaṃ kilesamalavisuddhiyā, pūjārahatāya vā akāraṇataṃ dassetvā yo koci imissā samantapāsādikāya ādigāthāya niddiṭṭhalokanāthattahetuṃ yathāvuttahetumūlena thirataraṃ acalaṃ katvā yathāvuttahetukālaṃ accantameva pūrento avasāne yathāvuttahetuphalaṃ sampādetvā yathāvuttahetuphalappayojanaṃ sādheti, sova paramapūjārahoti niyameti.
зд̇д̇аавад̇аа –
Ettāvatā –
бхаяасаммохад̣̇уд̣̇д̣̇идти-бан̣аамо нзса саб̣б̣ат̇аа;
Bhayasammohaduddiṭṭhi-paṇāmo nesa sabbathā;
бан̃н̃аабуб̣б̣ан̇г̇амо зсо, бан̣аамод̇и нид̣̇ассид̇о.
Paññāpubbaṅgamo eso, paṇāmoti nidassito.
д̇ад̇ра хзд̇ууд̇и ад̇ид̣̇уггараани д̇им̣сабаарамид̇аасан̇каад̇аани бун̃н̃агаммаани. д̇аани хи ажжанд̇ад̣̇угкзна гасирзна важанабат̇аад̇ийд̇аанубхаавзна махад̇аа уссаахзна гарийяанд̇ийд̇и ад̇ид̣̇уггараани наама. ад̇ид̣̇уггарад̇д̇аа зва хи д̇зсам̣ ад̇ид̣̇уллабхам̣ логз анан̃н̃асаад̇хааран̣ам̣ наат̇ад̇д̇асан̇каад̇ам̣ палам̣ паланд̇и, д̇ам̣ д̇ад̇т̇а хзд̇упалам̣; хзд̇умуулам̣ наама яат̇аавуд̇д̇асса хзд̇уно нибпаад̣̇анасамад̇т̇аа махаагарун̣аа, саа аад̣̇ибан̣ид̇хаанад̇о бадтааяа ‘‘муд̇д̇о можзссаамий’’д̇иаад̣̇инаа наязна яаава хзд̇упалаббаяож̇анаа, д̇аава аб̣б̣ожчиннам̣ бавад̇д̇ад̇и. яам̣ санд̇хааяа вуд̇д̇ам̣ –
Tatra hetūti atidukkarāni tiṃsapāramitāsaṅkhātāni puññakammāni. Tāni hi accantadukkhena kasirena vacanapathātītānubhāvena mahatā ussāhena karīyantīti atidukkarāni nāma. Atidukkarattā eva hi tesaṃ atidullabhaṃ loke anaññasādhāraṇaṃ nāthattasaṅkhātaṃ phalaṃ phalanti, taṃ tattha hetuphalaṃ; hetumūlaṃ nāma yathāvuttassa hetuno nipphādanasamatthā mahākaruṇā, sā ādipaṇidhānato paṭṭhāya ‘‘mutto mocessāmī’’tiādinā nayena yāva hetuphalappayojanā, tāva abbocchinnaṃ pavattati. Yaṃ sandhāya vuttaṃ –
‘‘сагаананаа саг̇ривараа сасааг̇араа,
‘‘Sakānanā sagrivarā sasāgarā,
г̇ад̇аа винаасам̣ б̣ахусо васунд̇хараа;
Gatā vināsaṃ bahuso vasundharā;
яуг̇анд̇агаалз салилааналаанилз,
Yugantakāle salilānalānile,
на б̣од̇хисад̇д̇асса махаад̇абаа гуд̇о’’д̇и.
Na bodhisattassa mahātapā kuto’’ti.
яааяа саманнааг̇ад̇ад̇д̇аа ‘‘намо махаагаарун̣игасса д̇ассаа’’д̇и ааха. хзд̇угаалам̣ наама жад̇уадтасол̣асаасан̇кязяяаад̣̇иббабхзд̣̇о гаало, яам̣ санд̇хааяааха ‘‘габбагодийхиби аббамзяяам̣ гаала’’нд̇и. д̇ад̇т̇а ажжанд̇асам̣яог̇ад̇т̇з убаяог̇аважанам̣ взд̣̇ид̇аб̣б̣ам̣ ‘‘маасам̣ ад̇хийд̇з, д̣̇ивасам̣ жарад̇ий’’д̇иаад̣̇ийсу вияа. гааман̃жа со гаало асан̇кязяяавасзна бамзяяо вин̃н̃зяяо, д̇ат̇ааби габбагодивасзна авин̃н̃зяяад̇ам̣ санд̇хааяа ‘‘габбагодийхиби аббамзяяам̣ гаала’’нд̇и ааха. д̇ад̇т̇а гаалаяад̇ийд̇и гаало, кибад̇и вид̣̇д̇хам̣саяад̇и сад̇д̇аанам̣ ж̇ийвид̇амид̇и ад̇т̇о. гала вигкзбз. д̇ад̇т̇а габбийяад̇и сам̣габбийяад̇и саасабабаб̣б̣ад̇аад̣̇ийхи убамаахи гзвалам̣ сам̣габбийяад̇и, на мануссад̣̇ивасамаасасам̣важчараад̣̇иг̇ан̣анааяа г̇ан̣ийяад̇ийд̇и габбо. зганд̇иаад̣̇иг̇ан̣анабат̇асса годибхууд̇ад̇д̇аа годи, габбаанам̣ годияо габбагодияо . д̇аахиби на бамийяад̇ийд̇и аббамзяяо, д̇ам̣ аббамзяяам̣. гаронд̇од̇и наанад̇т̇ад̇д̇аа д̇хаад̇уунам̣ д̣̇аанам̣ д̣̇знд̇о, сийлам̣ рагканд̇о, лобхагканд̇хад̇о нигкаманд̇о, ад̇д̇ахид̇абарахид̇аад̣̇ибхзд̣̇ам̣ д̇ам̣ д̇ам̣ д̇хаммам̣ баж̇аананд̇о, вивид̇хзна вааяаамзна гхадзнд̇о вааяаманд̇о, д̇ам̣ д̇ам̣ сад̇д̇аабараад̇хам̣ каманд̇о, бадин̃н̃аасаммуд̇ибарамад̇т̇асажжаани сажжааяанд̇о, д̇ам̣ д̇ам̣ сад̇д̇ахид̇ам̣ ад̇хидтаханд̇о, сагалалогам̣ мзд̇д̇ааяанд̇о, мид̇д̇аамид̇д̇аад̣̇ибхзд̣̇ам̣ багкабаад̇ам̣ бахааяа д̇ам̣ д̇ам̣ сад̇д̇ам̣ аж̇жхубзгканд̇о жаад̇и ад̇т̇о. кзд̣̇ам̣ г̇ад̇од̇и ананд̇аббабхзд̣̇ам̣ маханд̇ам̣ сам̣саарад̣̇угкам̣ анубхаванадтзна г̇ад̇о, самбад̇д̇од̇яад̇т̇о. сам̣саарад̣̇угкан̃хи саарийригам̣ маанасиган̃жа сукам̣ кзд̣̇аяад̇и баад̇аяад̇ийд̇и ‘‘кзд̣̇о’’д̇и вужжад̇и. логахид̇ааяаад̇и ид̣̇ам̣ яат̇аавуд̇д̇ахзд̇упалаббаяож̇ананид̣̇ассанам̣, ‘‘сам̣саарад̣̇угкаанубхаванагааран̣анид̣̇ассана’’нд̇иби згз –
Yāya samannāgatattā ‘‘namo mahākāruṇikassa tassā’’ti āha. Hetukālaṃ nāma catuaṭṭhasoḷasaasaṅkhyeyyādippabhedo kālo, yaṃ sandhāyāha ‘‘kappakoṭīhipi appameyyaṃ kāla’’nti. Tattha accantasaṃyogatthe upayogavacanaṃ veditabbaṃ ‘‘māsaṃ adhīte, divasaṃ caratī’’tiādīsu viya. Kāmañca so kālo asaṅkhyeyyavasena pameyyo viññeyyo, tathāpi kappakoṭivasena aviññeyyataṃ sandhāya ‘‘kappakoṭīhipi appameyyaṃ kāla’’nti āha. Tattha kālayatīti kālo, khipati viddhaṃsayati sattānaṃ jīvitamiti attho. Kala vikkhepe. Tattha kappīyati saṃkappīyati sāsapapabbatādīhi upamāhi kevalaṃ saṃkappīyati, na manussadivasamāsasaṃvaccharādigaṇanāya gaṇīyatīti kappo. Ekantiādigaṇanapathassa koṭibhūtattā koṭi, kappānaṃ koṭiyo kappakoṭiyo . Tāhipi na pamīyatīti appameyyo, taṃ appameyyaṃ. Karontoti nānatthattā dhātūnaṃ dānaṃ dento, sīlaṃ rakkhanto, lobhakkhandhato nikkhamanto, attahitaparahitādibhedaṃ taṃ taṃ dhammaṃ pajānanto, vividhena vāyāmena ghaṭento vāyamanto, taṃ taṃ sattāparādhaṃ khamanto, paṭiññāsammutiparamatthasaccāni saccāyanto, taṃ taṃ sattahitaṃ adhiṭṭhahanto, sakalalokaṃ mettāyanto, mittāmittādibhedaṃ pakkhapātaṃ pahāya taṃ taṃ sattaṃ ajjhupekkhanto cāti attho. Khedaṃ gatoti anantappabhedaṃ mahantaṃ saṃsāradukkhaṃ anubhavanaṭṭhena gato, sampattotyattho. Saṃsāradukkhañhi sārīrikaṃ mānasikañca sukhaṃ khedayati pātayatīti ‘‘khedo’’ti vuccati. Lokahitāyāti idaṃ yathāvuttahetuphalappayojananidassanaṃ, ‘‘saṃsāradukkhānubhavanakāraṇanidassana’’ntipi eke –
‘‘‘ж̇аад̇исам̣саарад̣̇угкаанам̣, г̇анд̇ум̣ саггоби ниб̣б̣уд̇им̣;
‘‘‘Jātisaṃsāradukkhānaṃ, gantuṃ sakkopi nibbutiṃ;
жираллидтоби сам̣саарз, гарун̣ааязва гзвала’нд̇и. –
Ciralliṭṭhopi saṃsāre, karuṇāyeva kevala’nti. –
жа вуд̇д̇а’’нд̇и, д̇амаяуд̇д̇ам̣. на хи бхаг̇аваа логахид̇ааяа сам̣саарад̣̇угкаманубхавад̇и. на хи гассажи д̣̇угкаанубхаванам̣ логасса убагаарам̣ аавахад̇и. звам̣ банзд̇ам̣ д̣̇ассзд̇и д̇им̣сабаарамид̇аабабхзд̣̇ам̣ хзд̇ум̣, баарамид̇аапалабхууд̇ам̣ наат̇ад̇д̇асан̇каад̇ам̣ палан̃жа. яат̇аа жааха ‘‘маман̃хи, аананд̣̇а, галяаан̣амид̇д̇ам̣ ааг̇амма ж̇аад̇ид̇хаммаа сад̇д̇аа ж̇аад̇ияаа баримужжанд̇ий’’д̇иаад̣̇и (сам̣. ни. 1.129; 5.2). д̇ад̇т̇а бхаг̇аваа яат̇аавуд̇д̇ахзд̇уухи сад̇д̇аанам̣ винзяяабхааванибпаад̣̇анабан̃н̃ааб̣ийж̇аани ваби, хзд̇упалзна барибаггинд̣̇рияабхаавзна баринибпаннавинзяяабхаавз сад̇д̇з винаяи, сам̣саарад̣̇угкад̇о можаяийд̇и ад̇т̇о. на звам̣ сам̣саарад̣̇угкзна логасса убагаарам̣ гин̃жи агааси, д̇асмаа гаронд̇о ад̇ид̣̇уггараани логахид̇ааяаад̇и самб̣анд̇хо. имиссаа яож̇анааяа саб̣б̣абатамасса б̣од̇хисад̇д̇асса уббад̇д̇игаалад̇о бадтааяа б̣од̇хисад̇д̇асса наат̇ад̇д̇асан̇каад̇абаарамид̇аахзд̇упалаад̇хиг̇амо взд̣̇ид̇аб̣б̣о. яо наат̇од̇и хи самб̣анд̇хо ад̇хиббзд̇о. имасса банад̇т̇асса –
Ca vutta’’nti, tamayuttaṃ. Na hi bhagavā lokahitāya saṃsāradukkhamanubhavati. Na hi kassaci dukkhānubhavanaṃ lokassa upakāraṃ āvahati. Evaṃ panetaṃ dasseti tiṃsapāramitāpabhedaṃ hetuṃ, pāramitāphalabhūtaṃ nāthattasaṅkhātaṃ phalañca. Yathā cāha ‘‘mamañhi, ānanda, kalyāṇamittaṃ āgamma jātidhammā sattā jātiyā parimuccantī’’tiādi (saṃ. ni. 1.129; 5.2). Tattha bhagavā yathāvuttahetūhi sattānaṃ vineyyabhāvanipphādanapaññābījāni vapi, hetuphalena paripakkindriyabhāvena parinipphannavineyyabhāve satte vinayi, saṃsāradukkhato mocayīti attho. Na evaṃ saṃsāradukkhena lokassa upakāraṃ kiñci akāsi, tasmā karonto atidukkarāni lokahitāyāti sambandho. Imissā yojanāya sabbapaṭhamassa bodhisattassa uppattikālato paṭṭhāya bodhisattassa nāthattasaṅkhātapāramitāhetuphalādhigamo veditabbo. Yo nāthoti hi sambandho adhippeto. Imassa panatthassa –
‘‘яад̣̇зва батамам̣ жид̇д̇а-муббаннам̣ д̇ава б̣од̇хаяз;
‘‘Yadeva paṭhamaṃ citta-muppannaṃ tava bodhaye;
д̇вам̣ д̇ад̣̇звасса логасса, бууж̇игз баривасид̇т̇а’’. –
Tvaṃ tadevassa lokassa, pūjike parivasittha’’. –
ид̇и важанам̣ саад̇хагам̣. батамажид̇д̇асса баарамид̇аабхааво ругкасса ан̇гурад̇о бадтааяа уббад̇д̇иубамааяа саад̇хзд̇аб̣б̣о. зд̇т̇ааха – ‘‘кзд̣̇ам̣ г̇ад̇од̇и важанам̣ нирад̇т̇агам̣ , яат̇аавуд̇д̇анаязна г̇ун̣асаад̇ханаасамбхавад̇о’’д̇и? на, анд̇араа анивад̇д̇анагабхаавад̣̇ийбанад̇о. д̣̇уггараани гаронд̇о кзд̣̇ам̣ г̇ад̇о зва, на анд̇араа кзд̣̇ам̣ асаханд̇о нивад̇д̇ад̇ийд̇и д̣̇ийбзд̇и. логад̣̇угкаабанаяанагаамасса ваа бхаг̇авад̇о ад̇д̇ано д̣̇угкаанубхаванасамад̇т̇ад̇ам̣ д̣̇ассзд̇и.
Iti vacanaṃ sādhakaṃ. Paṭhamacittassa pāramitābhāvo rukkhassa aṅkurato paṭṭhāya uppattiupamāya sādhetabbo. Etthāha – ‘‘khedaṃ gatoti vacanaṃ niratthakaṃ , yathāvuttanayena guṇasādhanāsambhavato’’ti? Na, antarā anivattanakabhāvadīpanato. Dukkarāni karonto khedaṃ gato eva, na antarā khedaṃ asahanto nivattatīti dīpeti. Lokadukkhāpanayanakāmassa vā bhagavato attano dukkhānubhavanasamatthataṃ dasseti.
‘‘яасса гассажи варад̣̇оссам̣, яааваахам̣ саб̣б̣асад̇д̇ад̣̇угкаани;
‘‘Yassa kassaci varadossaṃ, yāvāhaṃ sabbasattadukkhāni;
саб̣б̣аани саб̣б̣агаалам̣ яуг̇ам̣, бад̣̇массзва б̣уж̇жханд̇омхий’’д̇и. –
Sabbāni sabbakālaṃ yugaṃ, padmasseva bujjhantomhī’’ti. –
звам̣ад̇хиббааяасса ад̇д̇амад̇д̇ад̣̇угкаанубхаванасамад̇т̇ад̇ааяа гааязва гат̇аад̇и ад̇исаяам̣ ад̇т̇ам̣ д̣̇ассзд̇ийд̇и ад̇т̇о. ат̇а ваа кзд̣̇ам̣ г̇ад̇од̇и б̣яаабаарам̣ барижаяам̣ г̇ад̇од̇иби ад̇т̇о самбхавад̇и. гаммаад̣̇ийсу саб̣яаабаарам̣ бурисам̣ д̣̇исваа санд̇и хи логз вад̇д̇ааро ‘‘киннояам̣ гаммз, киннояам̣ сад̇д̇з’’д̇иаад̣̇и. имиссаа яож̇анааяа наат̇од̇и иминаа б̣уд̣̇д̇хад̇д̇аад̇хиг̇амасид̣̇д̇хам̣ годиббад̇д̇ам̣ наат̇абхаавам̣ бад̇ваа тид̇агаало д̣̇ассид̇од̇и взд̣̇ид̇аб̣б̣о. гзжи ‘‘махаагаарун̣игассаад̇и вад̣̇анд̇о б̣уд̣̇д̇хабхууд̇ассаад̇и д̣̇ассзд̇ий’’д̇и ликанд̇и, д̇ам̣ на сунд̣̇арам̣ вияа, б̣од̇хисад̇д̇агаалзби д̇аб̣б̣охаарасаб̣бхаавад̇о. д̇асмаа со зд̇д̇агам̣ гаалам̣ д̣̇уггараани гаронд̇о авасаанз д̣̇уггарабаарамид̇аабаарибуурияаа д̇аасам̣ палабхууд̇ам̣ наат̇абхаавам̣ бад̇ваа логахид̇ааяа б̣яаабаарам̣ г̇ад̇од̇и аяамад̇т̇о нид̣̇ассид̇о ход̇и. ‘‘б̣од̇хим̣ г̇ад̇о’’д̇и вуд̇д̇зби суб̣яад̇д̇ам̣ хзд̇упалам̣ д̣̇ассид̇ам̣ ход̇и. б̣уд̣̇д̇хабхааваббад̇д̇ассзва жа наат̇асса намо гад̇о ход̇и висзсаважанасаб̣бхаавад̇о, на б̣од̇хисад̇д̇асса. звам̣ санд̇зби винаяаад̇хигааро ид̇хаад̇хиббзд̇о. со жа баб̣б̣аж̇ид̇агаалад̇о бадтааяа яаавамаран̣агаалаа ход̇и. д̇ам̣ ад̇ивияа барид̇д̇ам̣ гаалам̣ лаж̇ж̇ино ад̇исугарам̣ сийламад̇д̇ам̣ згагасса ад̇д̇ано хид̇ааяа ад̇д̇амад̇д̇ад̣̇угкаабанаяанаад̇хиббааязна барибуурзнд̇о го наама ид̇халогабаралогаад̇иггамасукам̣ на г̇ажчзяяа, нану бхаг̇аваа сагалалогад̣̇угкаабанаяанаад̇хиббааязна габбагодийхиби аббамзяяам̣ гаалам̣ гаронд̇о ад̇ид̣̇уггаранирассаад̣̇ам̣ кзд̣̇ам̣ г̇ад̇од̇и ан̃н̃аабад̣̇зсзна г̇ун̣ам̣ ван̣н̣зд̇и аажарияо.
Evaṃadhippāyassa attamattadukkhānubhavanasamatthatāya kāyeva kathāti atisayaṃ atthaṃ dassetīti attho. Atha vā khedaṃ gatoti byāpāraṃ paricayaṃ gatotipi attho sambhavati. Kammādīsu sabyāpāraṃ purisaṃ disvā santi hi loke vattāro ‘‘khinnoyaṃ kamme, khinnoyaṃ satte’’tiādi. Imissā yojanāya nāthoti iminā buddhattādhigamasiddhaṃ koṭippattaṃ nāthabhāvaṃ patvā ṭhitakālo dassitoti veditabbo. Keci ‘‘mahākāruṇikassāti vadanto buddhabhūtassāti dassetī’’ti likhanti, taṃ na sundaraṃ viya, bodhisattakālepi tabbohārasabbhāvato. Tasmā so ettakaṃ kālaṃ dukkarāni karonto avasāne dukkarapāramitāpāripūriyā tāsaṃ phalabhūtaṃ nāthabhāvaṃ patvā lokahitāya byāpāraṃ gatoti ayamattho nidassito hoti. ‘‘Bodhiṃ gato’’ti vuttepi subyattaṃ hetuphalaṃ dassitaṃ hoti. Buddhabhāvappattasseva ca nāthassa namo kato hoti visesavacanasabbhāvato, na bodhisattassa. Evaṃ santepi vinayādhikāro idhādhippeto. So ca pabbajitakālato paṭṭhāya yāvamaraṇakālā hoti. Taṃ ativiya parittaṃ kālaṃ lajjino atisukaraṃ sīlamattaṃ ekakassa attano hitāya attamattadukkhāpanayanādhippāyena paripūrento ko nāma idhalokaparalokātikkamasukhaṃ na gaccheyya, nanu bhagavā sakalalokadukkhāpanayanādhippāyena kappakoṭīhipi appameyyaṃ kālaṃ karonto atidukkaranirassādaṃ khedaṃ gatoti aññāpadesena guṇaṃ vaṇṇeti ācariyo.
логахид̇ааяаад̇и зд̇т̇а логияад̇и зд̇т̇а д̣̇угканд̇и лого, луяад̇з ваа ж̇аад̇иж̇араамаран̣ад̣̇угкзхийд̇и лого, иминаа сад̇д̇алогам̣ ж̇аад̇илоган̃жа сан̇г̇ан̣хаад̇и. д̇асмаа д̇асса сад̇д̇алогасса ид̇халогабаралогахид̇ам̣ ад̇игганд̇абаралогаанам̣ ваа ужчинналогасамуд̣̇аяаанам̣ логаанам̣ , ид̇ха ж̇аад̇илогз огаасалогз ваа д̣̇идтад̇хаммасукавихаарасан̇каад̇ан̃жа хид̇ам̣ самбин̣д̣зд̇ваа логасса, логаанам̣, логз ваа хид̇анд̇и саруубзгад̣̇зсзгасзсам̣ гад̇ваа ‘‘логахид̇а’’мижжзвааха. наат̇од̇и саб̣б̣асад̇д̇аанам̣ аасаяаанусаяажарияаад̇химуд̇д̇ибхзд̣̇аануруубад̇хаммад̣̇зсанасамад̇т̇ад̇ааяа ‘‘д̇хаммам̣ во, бхигкавз, д̣̇зсзссаами…бз… д̇ам̣ сун̣аат̇аа’’д̇и (ма. ни. 3.420) звам̣ яаажанадтзнааби наат̇ад̇зд̇и наат̇о. бхигкуунам̣ вийд̇иггамаануруубам̣ сигкаабад̣̇абан̃н̃аабанзна д̣̇идтад̇хаммигасамбарааяигааяа жа гарун̣ааяа убаг̇анд̇ваа д̇абад̇и, суд̇д̇анд̇авасзна ваа д̇зсам̣ саб̣б̣асад̇д̇аанам̣ анусаяид̇з гилзсз гарун̣ааяа жа бан̃н̃ааяа жа убаг̇анд̇ваа д̇абад̇и, абхид̇хаммавасзна ваа д̇з д̇з сан̇каарз анижжаад̣̇илагкан̣авасзна убабаригкид̇ваа ад̇д̇ано гилзсз бан̃н̃ааяа убзжжа барижчинд̣̇ид̇ваа д̇абад̇ийд̇и д̇абанадтзнааби наат̇ад̇зд̇и наат̇о. сад̣̇звагз логз аббадибуг̇г̇алад̇д̇аа гзнажи аббадихад̇ад̇хаммад̣̇зсанад̇д̇аа барамажид̇д̇иссарияаббавад̇д̇ид̇о жа иссарияадтзнааби наат̇ад̇зд̇и наат̇о. ‘‘д̇хаммияаа гат̇ааяа санд̣̇ассзси самаад̣̇абзси самуд̇д̇зж̇зси самбахам̣сзсий’’д̇и (махаава. 90) важанад̇о самбахам̣санасан̇каад̇зна аасийсадтзна, бан̣ид̇хаанад̇о бадтааяа ‘‘гат̇ам̣ наамаахам̣ муд̇д̇о можаяиссаамий’’д̇иаад̣̇инаа наязна аасийсадтзна ваа наат̇ад̇зд̇и наат̇од̇и взд̣̇ид̇аб̣б̣о, саммаасамб̣уд̣̇д̇хо. жад̇уухиби наат̇ан̇г̇зхи жад̇увзсаараж̇ж̇ажад̇убадисамбхид̣̇аад̣̇аяо саб̣б̣зби б̣уд̣̇д̇хаг̇ун̣аа яож̇зд̇аб̣б̣аа, ад̇ивид̇т̇ааригабхаяаа бана на яож̇ид̇аа.
Lokahitāyāti ettha lokiyati ettha dukkhanti loko, luyate vā jātijarāmaraṇadukkhehīti loko, iminā sattalokaṃ jātilokañca saṅgaṇhāti. Tasmā tassa sattalokassa idhalokaparalokahitaṃ atikkantaparalokānaṃ vā ucchinnalokasamudayānaṃ lokānaṃ , idha jātiloke okāsaloke vā diṭṭhadhammasukhavihārasaṅkhātañca hitaṃ sampiṇḍetvā lokassa, lokānaṃ, loke vā hitanti sarūpekadesekasesaṃ katvā ‘‘lokahita’’miccevāha. Nāthoti sabbasattānaṃ āsayānusayacariyādhimuttibhedānurūpadhammadesanasamatthatāya ‘‘dhammaṃ vo, bhikkhave, desessāmi…pe… taṃ suṇāthā’’ti (ma. ni. 3.420) evaṃ yācanaṭṭhenāpi nāthateti nātho. Bhikkhūnaṃ vītikkamānurūpaṃ sikkhāpadapaññāpanena diṭṭhadhammikasamparāyikāya ca karuṇāya upagantvā tapati, suttantavasena vā tesaṃ sabbasattānaṃ anusayite kilese karuṇāya ca paññāya ca upagantvā tapati, abhidhammavasena vā te te saṅkhāre aniccādilakkhaṇavasena upaparikkhitvā attano kilese paññāya upecca paricchinditvā tapatīti tapanaṭṭhenāpi nāthateti nātho. Sadevake loke appaṭipuggalattā kenaci appaṭihatadhammadesanattā paramacittissariyappavattito ca issariyaṭṭhenāpi nāthateti nātho. ‘‘Dhammiyā kathāya sandassesi samādapesi samuttejesi sampahaṃsesī’’ti (mahāva. 90) vacanato sampahaṃsanasaṅkhātena āsīsaṭṭhena, paṇidhānato paṭṭhāya ‘‘kathaṃ nāmāhaṃ mutto mocayissāmī’’tiādinā nayena āsīsaṭṭhena vā nāthateti nāthoti veditabbo, sammāsambuddho. Catūhipi nāthaṅgehi catuvesārajjacatupaṭisambhidādayo sabbepi buddhaguṇā yojetabbā, ativitthārikabhayā pana na yojitā.
намод̇и барамад̇т̇ад̇о б̣уд̣̇д̇хаг̇ун̣аб̣ахумаанабаб̣бхаараа жид̇д̇анад̇и, жид̇д̇анад̇иббабхаваа жа важийгааяанад̇и. ад̇т̇у мзд̇и баатасзсзна самб̣анд̇хо. махаагаарун̣игассаад̇и зд̇т̇а саб̣б̣асад̇д̇ависаяад̇д̇аа махуссаахаббабхавад̇д̇аа жа махад̇ий гарун̣аа махаагарун̣аа. д̇ад̇т̇а бан̣ид̇хаанад̇о бадтааяа яааваанубаад̣̇исзсаниб̣б̣аанабураббавзсаа нияуд̇д̇од̇и махаагаарун̣иго, бхаг̇аваа. зд̇т̇а жа махаагаарун̣игассаад̇и иминаа яат̇аавуд̇д̇ахзд̇умуулам̣ д̣̇ассзд̇и. ниггарун̣о хи барад̣̇угкзсу уд̣̇аасино б̣уд̣̇д̇хад̇т̇ааяа бан̣ид̇хаанамад̇д̇амби ад̇ибхаарияанд̇и ман̃н̃анд̇о аббамзяяам̣ гаалам̣ ад̇ид̣̇уггарам̣ хзд̇ум̣ буурзд̇ваа наат̇ад̇д̇асан̇каад̇ам̣ хзд̇упалаббаяож̇анабхууд̇ам̣ логахид̇ам̣ гат̇ам̣ гариссад̇и. д̇асмаа саб̣б̣аг̇ун̣амуулабхууд̇ад̇д̇аа махаагарун̣ааг̇ун̣амзва ван̣н̣знд̇о ‘‘намо махаагаарун̣игассаа’’д̇и ааха. зд̇д̇аавад̇аа хзд̇уануруубам̣ палам̣, палаануруубо хзд̇у, д̣̇виннамби ануруубам̣ муулам̣, д̇ин̣н̣амби ануруубам̣ баяож̇ананд̇и аяамад̇т̇о д̣̇ассид̇о ход̇и.
Namoti paramatthato buddhaguṇabahumānapabbhārā cittanati, cittanatippabhavā ca vacīkāyanati. Atthu meti pāṭhasesena sambandho. Mahākāruṇikassāti ettha sabbasattavisayattā mahussāhappabhavattā ca mahatī karuṇā mahākaruṇā. Tattha paṇidhānato paṭṭhāya yāvaanupādisesanibbānapurappavesā niyuttoti mahākāruṇiko, bhagavā. Ettha ca mahākāruṇikassāti iminā yathāvuttahetumūlaṃ dasseti. Nikkaruṇo hi paradukkhesu udāsino buddhatthāya paṇidhānamattampi atibhāriyanti maññanto appameyyaṃ kālaṃ atidukkaraṃ hetuṃ pūretvā nāthattasaṅkhātaṃ hetuphalappayojanabhūtaṃ lokahitaṃ kathaṃ karissati. Tasmā sabbaguṇamūlabhūtattā mahākaruṇāguṇameva vaṇṇento ‘‘namo mahākāruṇikassā’’ti āha. Ettāvatā hetuanurūpaṃ phalaṃ, phalānurūpo hetu, dvinnampi anurūpaṃ mūlaṃ, tiṇṇampi anurūpaṃ payojananti ayamattho dassito hoti.
звам̣ ажчарияабурисо, наат̇о наат̇аг̇ун̣з тид̇о;
Evaṃ acchariyapuriso, nātho nāthaguṇe ṭhito;
наморахо анаат̇асса, наат̇амаанасса самбад̣̇ам̣.
Namoraho anāthassa, nāthamānassa sampadaṃ.
зд̇т̇а сияаа ‘‘анзгзсу бхаг̇авад̇о г̇ун̣зсу виж̇ж̇амаанзсу гасмаа ‘махаагаарун̣игассаа’д̇и згамзва г̇ахид̇а’’нд̇и? ужжад̇з –
Ettha siyā ‘‘anekesu bhagavato guṇesu vijjamānesu kasmā ‘mahākāruṇikassā’ti ekameva gahita’’nti? Uccate –
д̣̇осахийнасса сад̇т̇асса, жод̣̇анаа д̇у на виж̇ж̇ад̇з;
Dosahīnassa satthassa, codanā tu na vijjate;
д̣̇осаяуд̇д̇амасад̇т̇ан̃жа, д̇асмаа жод̣̇анаа абад̇д̇агаад̇и.
Dosayuttamasatthañca, tasmā codanā apattakāti.
на маяаа жод̣̇анаа гад̇аа, гинд̇у бужчаа зва гад̇аа. абижа –
Na mayā codanā katā, kintu pucchā eva katā. Apica –
‘‘палам̣ сад̇иби ругкзд̣дхз, на бад̇ад̇яавигамбид̇з;
‘‘Phalaṃ satipi rukkheḍḍhe, na patatyavikampite;
жод̣̇анаа яаа’д̇т̇у сад̇т̇аанам̣, бужчанаад̇яад̇т̇апалам̣ махад̇аа.
Codanā yā’tthu satthānaṃ, pucchanātyatthaphalaṃ mahatā.
‘‘набход̇д̇ум̣ гуруд̇з саммаа, г̇ахид̇ум̣ наад̣дхад̇з гхадам̣;
‘‘Nabhottuṃ kurute sammā, gahituṃ nāḍḍhate ghaṭaṃ;
агкзбз хи гад̇з д̇ад̣̇и-жчиссаан̣ааб̣уд̣̇д̇хиб̣анд̇ханам̣.
Akkhepe hi kate tadi-cchissāṇābuddhibandhanaṃ.
‘‘яат̇аа химабад̣̇о бад̣̇д̇хо, баб̣уд̣̇д̇хо г̇анд̇халимбияаа;
‘‘Yathā himapado paddho, pabuddho gandhalimpiyā;
бхиннад̇т̇авирамассзвам̣, сад̇т̇агад̇аад̇т̇алимбияаа’’д̇и. –
Bhinnatthaviramassevaṃ, satthakatātthalimpiyā’’ti. –
звам̣ жзгам̣ –
Evaṃ cekaṃ –
саммааби жод̣̇анаа д̇ам̣ калу, г̇ураво виваагяаа вивад̣̇д̇ха;
Sammāpi codanā taṃ khalu, guravo vivākyā vivaddha;
яад̇исиссаа аагхаддид̇аад̇и-ваагязнаабхяад̇хигам̣ г̇обаяа.
Yatisissā āghaṭṭitāti-vākyenābhyadhikaṃ gopaya.
саравад̇ий аажзрам̣ гилидтаа, д̇ад̣̇ижчиссаж̇ид̇аад̇д̇аанам̣;
Saravatī āceraṃ kiliṭṭhā, tadicchissajitāttānaṃ;
ж̇аяад̇яад̇д̇аанамаажзро, сад̣̇ассассзва саарат̇ийд̇и. –
Jayatyattānamācero, sadassasseva sārathīti. –
ад̇рожжад̇з –
Atroccate –
яасса хи ваагяасахассам̣, ваагяз ваагяз сад̇ан̃жа ж̇ивхаа;
Yassa hi vākyasahassaṃ, vākye vākye satañca jivhā;
наамам̣ д̣̇асаб̣алаг̇ун̣абад̣̇зсам̣, вад̇д̇ум̣ габбзнаби на саггаа.
Nāmaṃ dasabalaguṇapadesaṃ, vattuṃ kappenapi na sakkā.
яат̇аа –
Yathā –
б̣уд̣̇д̇хоби б̣уд̣̇д̇хасса бхан̣зяяа ван̣н̣ам̣,
Buddhopi buddhassa bhaṇeyya vaṇṇaṃ,
габбамби жз ан̃н̃амабхаасамаано;
Kappampi ce aññamabhāsamāno;
кийязт̇а габбо жирад̣̇ийгхаманд̇арз,
Khīyetha kappo ciradīghamantare,
ван̣н̣о на кийязт̇а д̇ат̇ааг̇ад̇ассаад̇и. (д̣̇ий. ни. адта. 1.304; 3.141; ма. ни. адта. 2.425; уд̣̇аа. адта. 53; жарияаа. адта. нид̣̇аанагат̇аа) –
Vaṇṇo na khīyetha tathāgatassāti. (dī. ni. aṭṭha. 1.304; 3.141; ma. ni. aṭṭha. 2.425; udā. aṭṭha. 53; cariyā. aṭṭha. nidānakathā) –
жод̇д̇ад̇д̇аа на саггаа бхаг̇авад̇ам̣ г̇ун̣аанамавасзсаабхид̇хаад̇ум̣.
Cottattā na sakkā bhagavataṃ guṇānamavasesābhidhātuṃ.
абижа –
Apica –
яат̇аа д̇вам̣ сад̇д̇аанам̣, д̣̇асаб̣ала д̇ат̇аа н̃аан̣агарун̣аа;
Yathā tvaṃ sattānaṃ, dasabala tathā ñāṇakaruṇā;
г̇ун̣ад̣̇ванд̣̇ам̣ сздтам̣, д̇ава г̇ун̣аг̇ан̣аа наама д̇иг̇ун̣аад̇и. –
Guṇadvandaṃ seṭṭhaṃ, tava guṇagaṇā nāma tiguṇāti. –
саб̣б̣аг̇ун̣асздтад̇д̇аа муулад̇д̇аа жа згамзва вуд̇д̇ам̣. ат̇а ваа ‘‘часу асаад̇хааран̣ан̃аан̣зсу ан̃н̃ад̇арад̇д̇аа д̇аг̇г̇ахан̣зна сзсааби г̇ахид̇аава сахажаран̣алагкан̣знаа’’д̇и жа вад̣̇анд̇и. висзсад̇о банзд̇т̇а абхид̇хаммасса гзвалам̣ бан̃н̃аависаяад̇д̇аа абхид̇хаммадтагат̇аарамбхз аажариязна ‘‘гарун̣аа вияа сад̇д̇зсу, бан̃н̃аа яасса махзсино’’д̇и бан̃н̃ааг̇ун̣о ван̣н̣ид̇о д̇зсам̣ д̇зсам̣ сад̇д̇аанам̣ аасаяаанусаяажааяаад̇химуд̇д̇ибхзд̣̇аануруубабарижчинд̣̇анабан̃н̃ааяа, сад̇д̇зсу махаагарун̣ааяа жа ад̇хигаарад̇д̇аа. суд̇д̇анд̇адтагат̇аарамбхз ‘‘гарун̣аасийд̇алахад̣̇аяам̣, бан̃н̃аабаж̇ж̇од̇авихад̇амохад̇ама’’нд̇и бхаг̇авад̇о убхоби бан̃н̃аагарун̣ааг̇ун̣аа ван̣н̣ид̇аа. ид̇ха бана винаяз аасаяаад̣̇инирабзгкам̣ гзвалам̣ гарун̣ааяа баагад̇игасад̇д̇знааби асод̇аб̣б̣аарахам̣ сун̣анд̇о, абужчид̇аб̣б̣аарахам̣ бужчанд̇о, авад̇д̇аб̣б̣аарахан̃жа вад̣̇анд̇о сигкаабад̣̇ам̣ бан̃н̃абзсийд̇и гарун̣ааг̇ун̣оязвзго ван̣н̣ид̇од̇и взд̣̇ид̇аб̣б̣о.
Sabbaguṇaseṭṭhattā mūlattā ca ekameva vuttaṃ. Atha vā ‘‘chasu asādhāraṇañāṇesu aññatarattā taggahaṇena sesāpi gahitāva sahacaraṇalakkhaṇenā’’ti ca vadanti. Visesato panettha abhidhammassa kevalaṃ paññāvisayattā abhidhammaṭṭhakathārambhe ācariyena ‘‘karuṇā viya sattesu, paññā yassa mahesino’’ti paññāguṇo vaṇṇito tesaṃ tesaṃ sattānaṃ āsayānusayacaayādhimuttibhedānurūpaparicchindanapaññāya, sattesu mahākaruṇāya ca adhikārattā. Suttantaṭṭhakathārambhe ‘‘karuṇāsītalahadayaṃ, paññāpajjotavihatamohatama’’nti bhagavato ubhopi paññākaruṇāguṇā vaṇṇitā. Idha pana vinaye āsayādinirapekkhaṃ kevalaṃ karuṇāya pākatikasattenāpi asotabbārahaṃ suṇanto, apucchitabbārahaṃ pucchanto, avattabbārahañca vadanto sikkhāpadaṃ paññapesīti karuṇāguṇoyeveko vaṇṇitoti veditabbo.
бан̃н̃аад̣̇аяаа ад̇д̇абарад̇т̇ахзд̇уу,
Paññādayā attaparatthahetū,
д̇ад̣̇анваяаа саб̣б̣аг̇ун̣аа ж̇инасса;
Tadanvayā sabbaguṇā jinassa;
убхо г̇ун̣аа д̇з г̇ун̣асааг̇арасса,
Ubho guṇā te guṇasāgarassa,
вуд̇д̇аа ид̇хаажарияаварзна д̇асмаа.
Vuttā idhācariyavarena tasmā.
зд̇д̇аавад̇аа адтагат̇аад̣̇иг̇аат̇аа,
Ettāvatā aṭṭhakathādigāthā,
самаасад̇о вуд̇д̇абад̣̇ад̇т̇асобхаа;
Samāsato vuttapadatthasobhā;
аяамби вид̇т̇ааранаяод̇и жаахам̣,
Ayampi vitthāranayoti cāhaṃ,
уд̣̇д̇хам̣ ид̇о д̇з бадисам̣кибаами.
Uddhaṃ ito te paṭisaṃkhipāmi.
д̣̇уд̇ияаг̇аат̇ааяа асамб̣уд̇ханд̇и д̇хаммаанам̣ яат̇аасабхаавам̣ аб̣уж̇жханд̇о. б̣уд̣̇д̇ханисзвид̇анд̇и б̣уд̣̇д̇хаануб̣уд̣̇д̇хабажжзгаб̣уд̣̇д̇хзхи г̇ожарабхааванаасзванаахи яат̇аарахам̣ нисзвид̇ам̣. бхаваа бхаванд̇и вад̇д̇амаанабхавад̇о ан̃н̃ам̣ бхавам̣ г̇ажчад̇и убаг̇ажчад̇и, бадибаж̇ж̇ад̇ийд̇и ад̇т̇о. ат̇а ваа бхавод̇и сассад̇ад̣̇идти. д̇асса бадибагкад̇д̇аа абхавод̇и ужчзд̣̇ад̣̇идти. бхавод̇и ваа вуд̣̇д̇хи. абхавод̇и хаани. бхавод̇и ваа д̣̇уг̇г̇ад̇и. абхавод̇и суг̇ад̇и. ‘‘аббамаан̣аа д̇хаммаа, асзгкаа д̇хаммаа’’д̇иаад̣̇ийсу (д̇ха. са. д̇игамаад̇игаа 13, 11) вияа хи вуд̣̇д̇хиад̇т̇ад̇д̇аа агаарасса. бхааваяад̇ийд̇и бхаво, ж̇аад̇и. бхавад̇ийд̇и ваа бхаво. савигаараа б̣ахувид̇хаканд̇хуббад̇д̇и д̣̇ийбид̇аа. абхавод̇и винаасо, ж̇аад̇ибхаавам̣ маран̣абхааван̃жа г̇ажчад̇ийд̇и вуд̇д̇ам̣ ход̇и. зд̇т̇а араханд̇аанам̣ маран̣амби кан̣игавасзна г̇ахзд̇аб̣б̣ам̣. бхавзсу абхаво бхаваабхаво, д̇ам̣ бхаваабхавам̣, бхавзсу абхаавабан̃н̃ад̇д̇им̣ г̇ажчад̇ийд̇и ад̇т̇о. ж̇ийвалогод̇и сад̇д̇алого, сан̇кааралогаогаасалогаанам̣ бхаваабхаваг̇аманаасамбхавад̇о сад̇д̇алогам̣ ж̇ийвалогод̇и висзсзд̇и. авиж̇ж̇аад̣̇игилзсаж̇аалавид̣̇д̇хам̣синод̇и зд̇т̇а наваби логуд̇д̇арад̇хаммаа сан̇г̇ахам̣ г̇ажчанд̇и. абажаяаг̇аамид̇аа хи жад̇умаг̇г̇ад̇хаммасса од̇хисо авиж̇ж̇аад̣̇игилзсаж̇аалавид̣̇д̇хам̣со, со асса ад̇т̇и, д̇ад̣̇аарамман̣ам̣ худ̇ваа д̇ад̇т̇а сахааяабхаавуубаг̇аманзна ниб̣б̣аанассааби. яат̇ааха ‘‘яо ко, аавусо, рааг̇агкаяо…бз… ид̣̇ам̣ вужжад̇и ниб̣б̣аана’’нд̇и. арахад̇д̇ассааби д̇ат̇аа рааг̇аад̣̇игкаяаважанасаб̣бхаавад̇о. паласааман̃н̃зна д̇ин̣н̣амби палаанам̣ ад̇т̇ийд̇и нававид̇хобзса ‘‘авиж̇ж̇аад̣̇игилзсаж̇аалавид̣̇д̇хам̣сий’’д̇и вужжад̇и. ат̇а ваа сахажаран̣алагкан̣агаааран̣ад̇ааяа бадибагкаг̇ожараг̇г̇ахан̣ад̇аа. анабхихид̇оби хи д̇хаммасса д̇ад̇раабхихид̇ова б̣уж̇жхид̇аб̣б̣о ид̇и важанад̇о гааран̣аг̇ожараг̇г̇ахан̣зна жад̇д̇аариби палаани г̇ахид̇аани. нарагаад̣̇ийсу абад̇амаанам̣ д̇хаарзд̇и суг̇ад̇ияам̣ уббаад̣̇анзнаад̇и д̇хаммо. буна суг̇ад̇имхи аж̇ананагаарий агусалад̇хаммз ниваарзд̇ваа босзд̇и бавад̇д̇зд̇и вад̣дхзд̇ийд̇и д̇хаммо. со бана гаамаруубааруубабхзд̣̇ад̇о д̇ивид̇хо ажжанд̇асукааваханад̇о, д̇ад̇оби уд̇д̇амад̇д̇аа д̇хаммаваро.
Dutiyagāthāya asambudhanti dhammānaṃ yathāsabhāvaṃ abujjhanto. Buddhanisevitanti buddhānubuddhapaccekabuddhehi gocarabhāvanāsevanāhi yathārahaṃ nisevitaṃ. Bhavā bhavanti vattamānabhavato aññaṃ bhavaṃ gacchati upagacchati, paṭipajjatīti attho. Atha vā bhavoti sassatadiṭṭhi. Tassa paṭipakkhattā abhavoti ucchedadiṭṭhi. Bhavoti vā vuddhi. Abhavoti hāni. Bhavoti vā duggati. Abhavoti sugati. ‘‘Appamāṇā dhammā, asekkhā dhammā’’tiādīsu (dha. sa. tikamātikā 13, 11) viya hi vuddhiatthattā akārassa. Bhāvayatīti bhavo, jāti. Bhavatīti vā bhavo. Savikārā bahuvidhakhandhuppatti dīpitā. Abhavoti vināso, jātibhāvaṃ maraṇabhāvañca gacchatīti vuttaṃ hoti. Ettha arahantānaṃ maraṇampi khaṇikavasena gahetabbaṃ. Bhavesu abhavo bhavābhavo, taṃ bhavābhavaṃ, bhavesu abhāvapaññattiṃ gacchatīti attho. Jīvalokoti sattaloko, saṅkhāralokaokāsalokānaṃ bhavābhavagamanāsambhavato sattalokaṃ jīvalokoti viseseti. Avijjādikilesajālaviddhaṃsinoti ettha navapi lokuttaradhammā saṅgahaṃ gacchanti. Apacayagāmitā hi catumaggadhammassa odhiso avijjādikilesajālaviddhaṃso, so assa atthi, tadārammaṇaṃ hutvā tattha sahāyabhāvūpagamanena nibbānassāpi. Yathāha ‘‘yo kho, āvuso, rāgakkhayo…pe… idaṃ vuccati nibbāna’’nti. Arahattassāpi tathā rāgādikkhayavacanasabbhāvato. Phalasāmaññena tiṇṇampi phalānaṃ atthīti navavidhopesa ‘‘avijjādikilesajālaviddhaṃsī’’ti vuccati. Atha vā sahacaraṇalakkhaṇakaāraṇatāya paṭipakkhagocaraggahaṇatā. Anabhihitopi hi dhammassa tatrābhihitova bujjhitabbo iti vacanato kāraṇagocaraggahaṇena cattāripi phalāni gahitāni. Narakādīsu apatamānaṃ dhāreti sugatiyaṃ uppādanenāti dhammo. Puna sugatimhi ajananakārī akusaladhamme nivāretvā poseti pavatteti vaḍḍhetīti dhammo. So pana kāmarūpārūpabhedato tividho accantasukhāvahanato, tatopi uttamattā dhammavaro.
зд̇т̇ааха – ‘‘жад̇уннам̣, бхигкавз, арияасажжаанам̣ анануб̣од̇хаа аббадивзд̇хаа звамид̣̇ам̣ д̣̇ийгхамад̣̇д̇хаанам̣ санд̇хаавид̇ам̣ сам̣сарид̇а’нд̇и (д̣̇ий. ни. 2.155; махаава. 287) важанад̇о жад̇усажжад̇хаммам̣ асамб̣уд̇хам̣ бхаваа бхавам̣ г̇ажчад̇и ж̇ийвалогод̇и сид̣̇д̇хам̣. д̇асмаа яам̣ асамб̣уд̇хам̣ г̇ажчад̇и, д̇ассзва ‘‘д̇ассаа’’д̇и анд̇з д̇ам̣нид̣̇д̣̇зсзна нияаманад̇о жад̇усажжад̇хаммоби авиж̇ж̇аад̣̇игилзсаж̇аалавид̣̇д̇хам̣сий д̇хаммаварод̇и жаабаж̇ж̇ад̇и. ан̃н̃ат̇аа ‘‘намо авиж̇ж̇аад̣̇игилзсаж̇аалавид̣̇д̇хам̣сино д̇хаммаварасса д̇ассаа’’д̇и д̇ам̣нид̣̇д̣̇зсзна самаанавибхад̇д̇игаран̣ам̣ на яуж̇ж̇ад̇и ад̇иббасан̇г̇анияаманад̇о, ‘‘авиж̇ж̇аад̣̇игилзсаж̇аалавид̣̇д̇хам̣сино д̇хаммаварассаа’’д̇и важанам̣ висзсанаважанам̣. д̇асмаа д̣̇угкасамуд̣̇аяасажжаанам̣ д̇аб̣бхааваббасан̇г̇о над̇т̇ийд̇и жз? на, д̇ам̣нид̣̇д̣̇зсзна самаанавибхад̇д̇идтаанз ависзсид̇ад̇д̇аа. аби жа маг̇г̇асажжанирод̇хасажжзсу палаанам̣ абарияаабаннад̇д̇аа нава логуд̇д̇арад̇хаммаа сан̇г̇ахид̇аад̇и важанавирод̇хо, палаанам̣ асан̇г̇ахз взран̃ж̇аган̣д̣аван̣н̣анааяам̣ на гзвалам̣ арияамаг̇г̇о жзва ниб̣б̣аанан̃жа, аби жа арияапалад̇хаммзхи сад̣̇д̇хим̣ барияад̇д̇ид̇хаммоби. вуд̇д̇ан̃хзд̇ам̣ ‘‘рааг̇авирааг̇аманзж̇амасогам̣…бз… д̇хаммамимам̣ саран̣ад̇т̇амубзхий’’д̇и (ви. ва. 887) важанавирод̇хо жаад̇и буб̣б̣аабаравируд̣̇д̇хаа зсаа г̇аат̇аа саасанавируд̣̇д̇хаа жаа’’д̇и? вужжад̇з – саб̣б̣амзд̇амаяуд̇д̇ам̣ вуд̇д̇аг̇аат̇ад̇т̇ааж̇аананад̇о. зд̇т̇а хи аажариязна бавад̇д̇ибавад̇д̇ихзд̇увисаяавибхааг̇о жа д̣̇ассид̇о. гат̇ам̣? д̇ад̇т̇а асамб̣уд̇ханд̇и асамб̣од̇хо, со ад̇т̇ад̇о авиж̇ж̇аа, д̇ааяа жа д̇ан̣хубаад̣̇аанаани г̇ахид̇аани, д̇аяоби д̇з д̇хаммаа самуд̣̇аяасажжам̣, бхаваабхаванд̇и зд̇т̇а д̣̇угкасажжам̣ вуд̇д̇ам̣. суг̇ад̇ид̣̇уг̇г̇ад̇иббабхзд̣̇о хи бхаво ад̇т̇ад̇о бан̃жубаад̣̇аанагканд̇хаа хонд̇и. ‘‘звамзд̇асса гзваласса д̣̇угкагканд̇хасса самуд̣̇аяо ход̇ий’’д̇и (махаава. 1) важанад̇о д̣̇угкаббавад̇д̇и бавад̇д̇и наама, д̣̇угкасамуд̣̇аяо бавад̇д̇ихзд̇у наама, авиж̇ж̇аасан̇каад̇асса жа бавад̇д̇ихзд̇усса аг̇г̇ахид̇аг̇г̇ахан̣зна нирод̇хамаг̇г̇асажжад̣̇ваяам̣ висаяо наама. вуд̇д̇ан̃хзд̇ам̣ ‘‘д̇ад̇т̇а гад̇амаа авиж̇ж̇аа? д̣̇угкз ан̃н̃аан̣ам̣…бз… д̣̇угканирод̇хаг̇ааминияаа бадибад̣̇ааяа ан̃н̃аан̣а’’нд̇и (вибха. 226).
Etthāha – ‘‘catunnaṃ, bhikkhave, ariyasaccānaṃ ananubodhā appaṭivedhā evamidaṃ dīghamaddhānaṃ sandhāvitaṃ saṃsarita’nti (dī. ni. 2.155; mahāva. 287) vacanato catusaccadhammaṃ asambudhaṃ bhavā bhavaṃ gacchati jīvalokoti siddhaṃ. Tasmā yaṃ asambudhaṃ gacchati, tasseva ‘‘tassā’’ti ante taṃniddesena niyamanato catusaccadhammopi avijjādikilesajālaviddhaṃsī dhammavaroti cāpajjati. Aññathā ‘‘namo avijjādikilesajālaviddhaṃsino dhammavarassa tassā’’ti taṃniddesena samānavibhattikaraṇaṃ na yujjati atippasaṅganiyamanato, ‘‘avijjādikilesajālaviddhaṃsino dhammavarassā’’ti vacanaṃ visesanavacanaṃ. Tasmā dukkhasamudayasaccānaṃ tabbhāvappasaṅgo natthīti ce? Na, taṃniddesena samānavibhattiṭṭhāne avisesitattā. Api ca maggasaccanirodhasaccesu phalānaṃ apariyāpannattā nava lokuttaradhammā saṅgahitāti vacanavirodho, phalānaṃ asaṅgahe verañjakaṇḍavaṇṇanāyaṃ na kevalaṃ ariyamaggo ceva nibbānañca, api ca ariyaphaladhammehi saddhiṃ pariyattidhammopi. Vuttañhetaṃ ‘‘rāgavirāgamanejamasokaṃ…pe… dhammamimaṃ saraṇatthamupehī’’ti (vi. va. 887) vacanavirodho cāti pubbāparaviruddhā esā gāthā sāsanaviruddhā cā’’ti? Vuccate – sabbametamayuttaṃ vuttagāthatthājānanato. Ettha hi ācariyena pavattipavattihetuvisayavibhāgo ca dassito. Kathaṃ? Tattha asambudhanti asambodho, so atthato avijjā, tāya ca taṇhupādānāni gahitāni, tayopi te dhammā samudayasaccaṃ, bhavābhavanti ettha dukkhasaccaṃ vuttaṃ. Sugatiduggatippabhedo hi bhavo atthato pañcupādānakkhandhā honti. ‘‘Evametassa kevalassa dukkhakkhandhassa samudayo hotī’’ti (mahāva. 1) vacanato dukkhappavatti pavatti nāma, dukkhasamudayo pavattihetu nāma, avijjāsaṅkhātassa ca pavattihetussa aggahitaggahaṇena nirodhamaggasaccadvayaṃ visayo nāma. Vuttañhetaṃ ‘‘tattha katamā avijjā? Dukkhe aññāṇaṃ…pe… dukkhanirodhagāminiyā paṭipadāya aññāṇa’’nti (vibha. 226).
зд̇т̇а жа нирод̇хасажжам̣ б̣уд̣̇д̇хзна г̇ожараасзванааяа аасзвид̇ам̣, маг̇г̇асажжам̣ бхааванаасзванааяа. зд̇д̇аавад̇аа асамб̣уд̇хам̣ б̣уд̣̇д̇ханисзвид̇ам̣ яанд̇и убаяог̇аббад̇д̇о яо висаяо нирод̇хо жа маг̇г̇о жа, д̇асса яат̇аавуд̇д̇аавиж̇ж̇аад̣̇игилзсаж̇аалад̇д̇аяавид̣̇д̇хам̣сино намо д̇хаммаварассаад̇и аяам̣ г̇аат̇ааяа ад̇т̇о. барияад̇д̇ид̇хаммоби гилзсавид̣̇д̇хам̣санасса суд̇д̇анд̇анаязна убаниссаяабажжаяад̇д̇аа гилзсавид̣̇д̇хам̣санасийлад̇ааяа ‘‘авиж̇ж̇аад̣̇игилзсаж̇аалавид̣̇д̇хам̣сий’’д̇и вад̇д̇ум̣ самбхавад̇и. зван̃хи сад̇и рааг̇авирааг̇аад̇и г̇аат̇ад̇т̇о, со д̇хаммам̣ д̣̇зсзд̇и…бз… б̣рахмажарияам̣ багаасзд̇ийд̇и суд̇д̇ад̇т̇о жа асзсад̇о г̇ахид̇о ход̇и. ат̇а ваа имааяа г̇аат̇ааяа гзвалам̣ барияад̇д̇ид̇хаммова г̇ахид̇о ход̇и, яам̣ санд̇хааяааха ‘‘со д̇хаммам̣ д̣̇зсзд̇и аад̣̇игаляаан̣ам̣…бз… б̣рахмажарияам̣ багаасзд̇ий’’д̇и (д̣̇ий. ни. 1.190; баараа. 1), д̇амби асамб̣уд̇хам̣ б̣уд̣̇д̇хзхзва нисзвид̇ам̣ г̇ожараасзванааяа анан̃н̃анисзвид̇ам̣. яат̇ааха ‘‘бхаг̇авам̣муулагаа но, бханд̇з, д̇хаммаа бхаг̇авам̣нзд̇д̇игаа бхаг̇авам̣бадисаран̣аа…бз… бхаг̇авад̇о суд̇ваа бхигкуу д̇хаарзссанд̇ий’’д̇и (сам̣. ни. 2.146).
Ettha ca nirodhasaccaṃ buddhena gocarāsevanāya āsevitaṃ, maggasaccaṃ bhāvanāsevanāya. Ettāvatā asambudhaṃ buddhanisevitaṃ yanti upayogappatto yo visayo nirodho ca maggo ca, tassa yathāvuttāvijjādikilesajālattayaviddhaṃsino namo dhammavarassāti ayaṃ gāthāya attho. Pariyattidhammopi kilesaviddhaṃsanassa suttantanayena upanissayapaccayattā kilesaviddhaṃsanasīlatāya ‘‘avijjādikilesajālaviddhaṃsī’’ti vattuṃ sambhavati. Evañhi sati rāgavirāgāti gāthattho, so dhammaṃ deseti…pe… brahmacariyaṃ pakāsetīti suttattho ca asesato gahito hoti. Atha vā imāya gāthāya kevalaṃ pariyattidhammova gahito hoti, yaṃ sandhāyāha ‘‘so dhammaṃ deseti ādikalyāṇaṃ…pe… brahmacariyaṃ pakāsetī’’ti (dī. ni. 1.190; pārā. 1), tampi asambudhaṃ buddheheva nisevitaṃ gocarāsevanāya anaññanisevitaṃ. Yathāha ‘‘bhagavaṃmūlakā no, bhante, dhammā bhagavaṃnettikā bhagavaṃpaṭisaraṇā…pe… bhagavato sutvā bhikkhū dhāressantī’’ti (saṃ. ni. 2.146).
д̇ад̇ияаг̇аат̇ааяа сийлаад̣̇аяо гин̃жааби логияалогуд̇д̇араа яат̇аасамбхавам̣ лаб̣бханд̇и, д̇ат̇ааби анд̇з ‘‘арияасан̇гха’’нд̇и важанад̇о сийлаад̣̇аяо жад̇д̇ааро д̇хаммагканд̇хаа логуд̇д̇араава. зд̇т̇а жа ‘‘сийласамаад̇хибан̃н̃аавимуд̇д̇ивимуд̇д̇ин̃аан̣аббабхуд̇ийхий’’д̇и вад̇д̇аб̣б̣з саруубзгасзсам̣ гад̇ваа ‘‘вимуд̇д̇ин̃аан̣аббабхуд̇ийхий’’д̇и вуд̇д̇ам̣. зд̇т̇а жа гин̃жааби вимуд̇д̇ийд̇и палад̇хаммаава суд̇д̇з ад̇хиббзд̇аа, д̇ат̇ааби ‘‘маг̇г̇аа вудтахид̇ваа маг̇г̇ам̣ бажжавзгкад̇и. бахийнз гилзсз бажжавзгкад̇и. палам̣ бажжавзгкад̇и. ниб̣б̣аанам̣ бажжавзгкад̇ий’’д̇и (бадтаа. 1.1.410) важанад̇о маг̇г̇аад̣̇ибажжавзгкан̣ан̃аан̣ам̣ вимуд̇д̇ин̃аан̣анд̇и взд̣̇ид̇аб̣б̣ам̣. вимуд̇д̇и вимогко каяод̇и хи ад̇т̇ад̇о згам̣. ‘‘каяз н̃аан̣ам̣ ануббаад̣̇з н̃аан̣анд̇и (д̇ха. са. д̣̇угамаад̇игаа 142; д̣̇ий. ни. 3.304) зд̇т̇а каяо наама маг̇г̇о, рааг̇агкаяо д̣̇осагкаяод̇и паланиб̣б̣аанаанам̣ ад̇хиважана’’нд̇и суд̇д̇з ааг̇ад̇амзва. бахийнагилзсаанам̣ каяо баагад̇иго каяо зва. бабхуд̇и-сад̣̇д̣̇зна д̇иссо виж̇ж̇аа ча абхин̃н̃аа жад̇ассо бадисамбхид̣̇аад̇и звамаад̣̇аяо г̇ун̣аа сан̇г̇ахид̇аа. саманнааг̇амадтзна абарихийнадтзна жа яуд̇д̇о. кзд̇д̇ам̣ ж̇анаанам̣ гусалад̇т̇игаананд̇и ‘‘ануд̇д̇арам̣ бун̃н̃агкзд̇д̇ам̣ логассаа’’д̇и суд̇д̇ад̇о гусаласса вируханадтаанад̇д̇аа, суд̇д̇анд̇анаязна убаниссаяабажжаяад̇д̇аа жа гаамам̣ гусаласса кзд̇д̇ам̣ ход̇и сан̇гхо, на гусалад̇т̇игаанам̣ ж̇анаанам̣. д̇асмаа на яуж̇ж̇ад̇ийд̇и жз? на, суд̇д̇ад̇т̇асамбхавад̇о. суд̇д̇з ‘‘ануд̇д̇арам̣ бун̃н̃агкзд̇д̇ам̣ логассаа’’д̇и (сам̣. ни. 4.341) хи вуд̇д̇ам̣. гасса логасса? бун̃н̃ад̇т̇игасса кзд̇д̇ам̣ сан̇гхо, бун̃н̃убаниссаяад̇д̇аа бун̃н̃агкзд̇д̇ам̣ ход̇и сан̇гхо, гусалад̇т̇игаананд̇и жа вужжанд̇и. логзби хи д̣̇звад̣̇ад̇д̇асса кзд̇д̇ам̣ яан̃н̃ад̣̇ад̇д̇асса кзд̇д̇ам̣ саалияавубаниссаяад̇д̇аа сааликзд̇д̇ам̣ яавакзд̇д̇анд̇и жа вужжад̇и. арияасан̇гханд̇и виг̇ад̇агилзсад̇д̇аа арияам̣ барисуд̣̇д̇хам̣ арияаанам̣, арияабхаавам̣ ваа бад̇д̇ам̣ сийлад̣̇идтисааман̃н̃зна сан̇гхад̇ад̇д̇аа сан̇гхам̣. ‘‘арияа-сад̣̇д̣̇зна саммуд̇исан̇гхам̣ ниваарзд̇ий’’д̇и гзжи ликанд̇и, д̇ам̣ на сунд̣̇арам̣ вимуд̇д̇ин̃аан̣аг̇ун̣аг̇г̇ахан̣зна висзсид̇ад̇д̇аа. сирасаад̇и иминаа гаамам̣ гааяанад̇им̣ д̣̇ассзд̇и, д̇ат̇ааби уд̇д̇амасан̇гхз г̇ун̣аг̇ааравзна уд̇д̇аман̇г̇амзва нид̣̇д̣̇исанд̇о ‘‘сирасаа намаамий’’д̇яааха. сирасса бана уд̇д̇амад̇аа уд̇д̇амаанам̣ жагкусод̇инд̣̇рияаанам̣ ниссаяад̇д̇аа, д̇зсам̣ уд̇д̇амад̇аа жа д̣̇ассанаануд̇д̇арияасаванаануд̇д̇арияахзд̇уд̇ааяа взд̣̇ид̇аб̣б̣аа. зд̇т̇ааха – анусанд̇хигусало
Tatiyagāthāya sīlādayo kiñcāpi lokiyalokuttarā yathāsambhavaṃ labbhanti, tathāpi ante ‘‘ariyasaṅgha’’nti vacanato sīlādayo cattāro dhammakkhandhā lokuttarāva. Ettha ca ‘‘sīlasamādhipaññāvimuttivimuttiñāṇappabhutīhī’’ti vattabbe sarūpekasesaṃ katvā ‘‘vimuttiñāṇappabhutīhī’’ti vuttaṃ. Ettha ca kiñcāpi vimuttīti phaladhammāva sutte adhippetā, tathāpi ‘‘maggā vuṭṭhahitvā maggaṃ paccavekkhati. Pahīne kilese paccavekkhati. Phalaṃ paccavekkhati. Nibbānaṃ paccavekkhatī’’ti (paṭṭhā. 1.1.410) vacanato maggādipaccavekkhaṇañāṇaṃ vimuttiñāṇanti veditabbaṃ. Vimutti vimokkho khayoti hi atthato ekaṃ. ‘‘Khaye ñāṇaṃ anuppāde ñāṇanti (dha. sa. dukamātikā 142; dī. ni. 3.304) ettha khayo nāma maggo, rāgakkhayo dosakkhayoti phalanibbānānaṃ adhivacana’’nti sutte āgatameva. Pahīnakilesānaṃ khayo pākatiko khayo eva. Pabhuti-saddena tisso vijjā cha abhiññā catasso paṭisambhidāti evamādayo guṇā saṅgahitā. Samannāgamaṭṭhena aparihīnaṭṭhena ca yutto. Khettaṃ janānaṃ kusalatthikānanti ‘‘anuttaraṃ puññakkhettaṃ lokassā’’ti suttato kusalassa viruhanaṭṭhānattā, suttantanayena upanissayapaccayattā ca kāmaṃ kusalassa khettaṃ hoti saṅgho, na kusalatthikānaṃ janānaṃ. Tasmā na yujjatīti ce? Na, suttatthasambhavato. Sutte ‘‘anuttaraṃ puññakkhettaṃ lokassā’’ti (saṃ. ni. 4.341) hi vuttaṃ. Kassa lokassa? Puññatthikassa khettaṃ saṅgho, puññupanissayattā puññakkhettaṃ hoti saṅgho, kusalatthikānanti ca vuccanti. Lokepi hi devadattassa khettaṃ yaññadattassa khettaṃ sāliyavupanissayattā sālikhettaṃ yavakhettanti ca vuccati. Ariyasaṅghanti vigatakilesattā ariyaṃ parisuddhaṃ ariyānaṃ, ariyabhāvaṃ vā pattaṃ sīladiṭṭhisāmaññena saṅghatattā saṅghaṃ. ‘‘Ariya-saddena sammutisaṅghaṃ nivāretī’’ti keci likhanti, taṃ na sundaraṃ vimuttiñāṇaguṇaggahaṇena visesitattā. Sirasāti iminā kāmaṃ kāyanatiṃ dasseti, tathāpi uttamasaṅghe guṇagāravena uttamaṅgameva niddisanto ‘‘sirasā namāmī’’tyāha. Sirassa pana uttamatā uttamānaṃ cakkhusotindriyānaṃ nissayattā, tesaṃ uttamatā ca dassanānuttariyasavanānuttariyahetutāya veditabbā. Etthāha – anusandhikusalo
‘‘убог̇гхаад̇о бад̣̇ан̃жзва, бад̣̇ад̇т̇о бад̣̇авиг̇г̇ахо;
‘‘Upogghāto padañceva, padattho padaviggaho;
жод̣̇анаабрад̇яаваж̇ж̇аанам̣, б̣яаакяаа д̇анд̇асса чаб̣б̣ид̇хаа’’д̇и. –
Codanāpratyavajjānaṃ, byākhyā tantassa chabbidhā’’ti. –
звамавад̇ваа гасмаа рад̇анад̇д̇аяабан̣аамам̣ батамам̣ вуд̇д̇анд̇и? вужжад̇з – сад̇аажаарад̇д̇аа. аажааро гирзса саббурисаанам̣, яад̣̇ид̣̇ам̣ сам̣ван̣н̣анаарамбхз рад̇анад̇д̇аяабууж̇аавид̇хаанам̣. д̇асмаа ‘‘сад̇аажаарад̇о бхадтаа маа маяам̣ хомаа’’д̇и гарийяад̇и, жад̇уг̇амбхийрабхааваяуд̇д̇ан̃жа винаяабидагам̣ сам̣ван̣н̣зд̇угаамасса махаасамуд̣̇д̣̇ам̣ ог̇ааханд̇асса вияа бан̃н̃аавзяяад̇д̇ияасаманнааг̇ад̇ассааби маханд̇ам̣ бхаяам̣ ход̇и, бхаяагкаяаавахан̃жзд̇ам̣ рад̇анад̇д̇аяаг̇ун̣аануссаран̣аж̇анид̇ам̣ бан̣аамабууж̇аавид̇хаанам̣. яат̇ааха ‘‘звам̣ б̣уд̣̇д̇хам̣ саранд̇аана’’нд̇иаад̣̇и (сам̣. ни. 1.249). абижаажарияо сад̇т̇убууж̇аавид̇хаанзна асад̇т̇ари сад̇т̇аабхинивзсасса логасса яат̇аабхууд̇ам̣ сад̇т̇ари зва саммаасамб̣уд̣̇д̇хз сад̇т̇усамбхааванам̣ уббаад̣̇зд̇и, асад̇т̇ари сад̇т̇усамбхааванам̣ барижжаж̇аабзд̇и, ‘‘д̇ат̇ааг̇ад̇аббавзд̣̇ид̇ам̣ д̇хаммавинаяам̣ ад̇д̇ано д̣̇ахад̇ий’’д̇и вуд̇д̇ад̣̇осам̣ барихарад̇и. анд̇арааяаб̣ахулад̇д̇аа канд̇хасанд̇ад̇ияаа виббагад̇ааяа винаяасам̣ван̣н̣анааяа ад̇д̇ано ааяуван̣н̣асукаб̣алаанам̣ баригкаяасамбхаваасан̇гааяа ‘‘абхиваад̣̇анасийлисса…бз… ааяу ван̣н̣о сукам̣ б̣ала’’нд̇и (д̇ха. ба. 109) вуд̇д̇аанисам̣сз яаава сам̣ван̣н̣анаабарияосаанаа бад̇т̇зд̇и. аби жзд̇т̇а б̣уд̣̇д̇хасса бхаг̇авад̇о бан̣аамабууж̇аавид̇хаанам̣ саммаасамб̣уд̣̇д̇хабхааваад̇хиг̇амад̇т̇ам̣ б̣уд̣̇д̇хаяаанам̣ бадибаж̇ж̇анд̇аанам̣ уссаахам̣ ж̇анзд̇и. логияалогуд̇д̇арабхзд̣̇асса, логуд̇д̇арассзва ваа сад̣̇д̇хаммасса бууж̇аавид̇хаанам̣ бажжзгаб̣уд̣̇д̇хабхааваад̇хиг̇амад̇т̇ам̣ бажжзгаб̣уд̣̇д̇хаяаанам̣ бадибаж̇ж̇анд̇аанам̣ уссаахам̣ ж̇анзд̇и. сад̣̇д̇хаммабадивзд̇хамад̇д̇аабхилаасино хи д̇з. барамад̇т̇асан̇гхабууж̇аавид̇хаанам̣ барамад̇т̇асан̇гхабхааваад̇хиг̇амад̇т̇ам̣ саавагаяаанам̣ бадибаж̇ж̇анд̇аанам̣ уссаахам̣ ж̇анзд̇и, ман̇г̇алаад̣̇ийни ваа саад̇т̇аани ананд̇арааяаани жирадтид̇игаани б̣ахумад̇аани жа бхаванд̇ийд̇и звам̣лад̣̇д̇хигаанам̣ жид̇д̇абарид̇осанад̇т̇ам̣ ‘‘бууж̇аа жа бууж̇анзяяаана’’нд̇и бхаг̇авад̇аа басад̇т̇аман̇г̇алам̣ гарод̇и. вужжад̇з жа –
Evamavatvā kasmā ratanattayapaṇāmaṃ paṭhamaṃ vuttanti? Vuccate – satācārattā. Ācāro kiresa sappurisānaṃ, yadidaṃ saṃvaṇṇanārambhe ratanattayapūjāvidhānaṃ. Tasmā ‘‘satācārato bhaṭṭhā mā mayaṃ homā’’ti karīyati, catugambhīrabhāvayuttañca vinayapiṭakaṃ saṃvaṇṇetukāmassa mahāsamuddaṃ ogāhantassa viya paññāveyyattiyasamannāgatassāpi mahantaṃ bhayaṃ hoti, bhayakkhayāvahañcetaṃ ratanattayaguṇānussaraṇajanitaṃ paṇāmapūjāvidhānaṃ. Yathāha ‘‘evaṃ buddhaṃ sarantāna’’ntiādi (saṃ. ni. 1.249). Apicācariyo satthupūjāvidhānena asatthari satthābhinivesassa lokassa yathābhūtaṃ satthari eva sammāsambuddhe satthusambhāvanaṃ uppādeti, asatthari satthusambhāvanaṃ pariccajāpeti, ‘‘tathāgatappaveditaṃ dhammavinayaṃ attano dahatī’’ti vuttadosaṃ pariharati. Antarāyabahulattā khandhasantatiyā vippakatāya vinayasaṃvaṇṇanāya attano āyuvaṇṇasukhabalānaṃ parikkhayasambhavāsaṅkāya ‘‘abhivādanasīlissa…pe… āyu vaṇṇo sukhaṃ bala’’nti (dha. pa. 109) vuttānisaṃse yāva saṃvaṇṇanāpariyosānā pattheti. Api cettha buddhassa bhagavato paṇāmapūjāvidhānaṃ sammāsambuddhabhāvādhigamatthaṃ buddhayānaṃ paṭipajjantānaṃ ussāhaṃ janeti. Lokiyalokuttarabhedassa, lokuttarasseva vā saddhammassa pūjāvidhānaṃ paccekabuddhabhāvādhigamatthaṃ paccekabuddhayānaṃ paṭipajjantānaṃ ussāhaṃ janeti. Saddhammapaṭivedhamattābhilāsino hi te. Paramatthasaṅghapūjāvidhānaṃ paramatthasaṅghabhāvādhigamatthaṃ sāvakayānaṃ paṭipajjantānaṃ ussāhaṃ janeti, maṅgalādīni vā sātthāni anantarāyāni ciraṭṭhitikāni bahumatāni ca bhavantīti evaṃladdhikānaṃ cittaparitosanatthaṃ ‘‘pūjā ca pūjaneyyāna’’nti bhagavatā pasatthamaṅgalaṃ karoti. Vuccate ca –
‘‘ман̇г̇алам̣ бхаг̇аваа б̣уд̣̇д̇хо, д̇хаммо сан̇гхо жа ман̇г̇алам̣;
‘‘Maṅgalaṃ bhagavā buddho, dhammo saṅgho ca maṅgalaṃ;
ман̇г̇алаад̣̇ийни саад̇т̇аани, сийгхам̣ сиж̇жханд̇и саб̣б̣асо.
Maṅgalādīni sātthāni, sīghaṃ sijjhanti sabbaso.
‘‘сад̇т̇у бууж̇аавид̇хаанзна, звамаад̣̇ий б̣ахуу г̇ун̣з;
‘‘Satthu pūjāvidhānena, evamādī bahū guṇe;
лабхад̇ийд̇и виж̇аананд̇о, сад̇т̇убууж̇аабаро сияаа’’д̇и.
Labhatīti vijānanto, satthupūjāparo siyā’’ti.
зд̇т̇а жа сад̇т̇убад̇хаанад̇д̇аа д̇хаммасан̇гхаанам̣ бууж̇аавид̇хаанам̣ сад̇т̇убууж̇аавид̇хаанамижжзва д̣̇адтаб̣б̣ам̣ саасанад̇о логад̇о жа. д̇знзд̇ам̣ вужжад̇и –
Ettha ca satthupadhānattā dhammasaṅghānaṃ pūjāvidhānaṃ satthupūjāvidhānamicceva daṭṭhabbaṃ sāsanato lokato ca. Tenetaṃ vuccati –
‘‘сад̇т̇аа’’д̇и д̇хаммо суг̇ад̇зна вуд̇д̇о;
‘‘Satthā’’ti dhammo sugatena vutto;
ниб̣б̣аанагаалз яамад̇о са сад̇т̇аа;
Nibbānakāle yamato sa satthā;
сувад̇т̇иг̇аат̇аасу ‘‘д̇ат̇ааг̇ад̇о’’д̇и;
Suvatthigāthāsu ‘‘tathāgato’’ti;
сан̇гхо жа вуд̇д̇о яамад̇о са сад̇т̇аа.
Saṅgho ca vutto yamato sa satthā.
гин̃жа бхияяо –
Kiñca bhiyyo –
д̇хаммагааяо яад̇о сад̇т̇аа, д̇хаммо сад̇т̇аа д̇ад̇о мад̇о;
Dhammakāyo yato satthā, dhammo satthā tato mato;
д̇хаммадтид̇о со сан̇гхо жа, сад̇т̇усан̇кяам̣ ниг̇ажчад̇и.
Dhammaṭṭhito so saṅgho ca, satthusaṅkhyaṃ nigacchati.
санд̇и хи логз вад̇д̇ааро госаг̇ад̇ам̣ асим̣ г̇ахзд̇ваа тид̇ам̣ бурисам̣ висум̣ абараамасид̇ваа ‘‘асим̣ г̇ахзд̇ваа тид̇о зсо’’д̇и. д̇знзвааха жаарияамаад̇ражжзваа –
Santi hi loke vattāro kosagataṃ asiṃ gahetvā ṭhitaṃ purisaṃ visuṃ aparāmasitvā ‘‘asiṃ gahetvā ṭhito eso’’ti. Tenevāha cāriyamātraccevā –
‘‘намад̇т̇у б̣уд̣̇д̇харад̇нааяа, д̇хаммарад̇нааяа д̇з намо;
‘‘Namatthu buddharatnāya, dhammaratnāya te namo;
намад̇т̇у сан̇гхарад̇нааяа, д̇ирад̇насамаваанаяий’’д̇и.
Namatthu saṅgharatnāya, tiratnasamavānayī’’ti.
абижа саб̣б̣ад̇хаммзсу аббадихад̇ан̃аан̣анимид̇д̇аануд̇д̇аравимогкабаад̇убхааваабхисан̇каад̇ам̣ канд̇хасанд̇аанамубаад̣̇ааяа ‘‘б̣уд̣̇д̇хо’’д̇и яад̣̇и бан̃н̃аабияад̇и, д̇хаммо бан̣аамаараход̇и гаа зва гат̇аа, сан̇гхо жа ‘‘сан̇гхз г̇од̇ами д̣̇зхи, сан̇гхз д̇з д̣̇иннз ахан̃жзва бууж̇ид̇о бхависсаами сан̇гхо жаа’’д̇и вуд̇д̇ад̇д̇аа бхааж̇ананд̇и д̣̇ийбзд̇и. ат̇а ваа ‘‘б̣уд̣̇д̇хасуб̣од̇хид̇о д̇хаммо аажарияабарамбарааяа суван̣н̣абхааж̇анз багкид̇д̇ад̇зламива абарихаабзд̇ваа яааваж̇ж̇ад̇анаа аабхад̇ад̇д̇аа зва маад̣̇исаанамби сод̇ад̣̇ваарамануббад̇д̇о’’д̇и сан̇гхасса аажарияо ад̇ийва аад̣̇арзна бан̣аамам̣ гарод̇и ‘‘сирасаа намаамий’’д̇и.
Apica sabbadhammesu appaṭihatañāṇanimittānuttaravimokkhapātubhāvābhisaṅkhātaṃ khandhasantānamupādāya ‘‘buddho’’ti yadi paññāpiyati, dhammo paṇāmārahoti kā eva kathā, saṅgho ca ‘‘saṅghe gotami dehi, saṅghe te dinne ahañceva pūjito bhavissāmi saṅgho cā’’ti vuttattā bhājananti dīpeti. Atha vā ‘‘buddhasubodhito dhammo ācariyaparamparāya suvaṇṇabhājane pakkhittatelamiva aparihāpetvā yāvajjatanā ābhatattā eva mādisānampi sotadvāramanuppatto’’ti saṅghassa ācariyo atīva ādarena paṇāmaṃ karoti ‘‘sirasā namāmī’’ti.
звам̣ анзгавид̇хам̣ бан̣аамаббаяож̇анам̣ вад̣̇анд̇и, аажариязна бана ад̇хиббзд̇аббаяож̇анам̣ ад̇д̇анаа зва вуд̇д̇ам̣ ‘‘ижжзвамажжанд̇анамассанзяяа’’нд̇иаад̣̇инаа жад̇уд̇т̇аг̇аат̇ааяа. ижжзванд̇и зд̇т̇а ид̇и-сад̣̇д̣̇о рад̇анад̇д̇аяабууж̇аавид̇хаанабарисамад̇д̇ад̇т̇о. яад̣̇и звам̣ яат̇аавихид̇амад̇д̇амзва бууж̇аавид̇хаанам̣ арахад̇и рад̇анад̇д̇аяам̣, на д̇ад̇о уд̣̇д̇ханд̇и аабаж̇ж̇ад̇ийд̇и анидтаббасан̇г̇анивааран̣ад̇т̇ам̣ ‘‘звамажжанд̇анамассанзяяа’’нд̇и ааха. д̇ад̇т̇а званд̇и иминаа яат̇аавуд̇д̇авид̇хим̣ д̣̇ассзд̇и. яат̇аавуд̇д̇зна вид̇хинаа, ан̃н̃зна ваа д̇аад̣̇исзна ажжанд̇амзва мухуд̇д̇амаби адтад̇ваа абхигкан̣ам̣ ниранд̇арам̣ нияамзна намассанаарахам̣ намассамаанасса хид̇амахабпалагаран̣ад̇од̇и ад̇т̇о. звам̣вид̇хам̣ д̣̇уллабхадтзна махабпаладтзна жа сид̣̇д̇хам̣ рад̇анабхаавам̣ рад̇анад̇д̇аяам̣ намассамаано яам̣ бун̃н̃аабхисанд̣̇ам̣ алад̇т̇ам̣ алабхим̣. агусаламалам̣ д̇ад̣̇ан̇г̇аад̣̇иббахаанзна бунаад̇ийд̇и бун̃н̃ам̣. гилзсад̣̇арат̇аббадиббассад̣̇д̇хияаа сийд̇алад̇д̇аа жид̇д̇ам̣ абхисанд̣̇зд̇ийд̇и абхисанд̣̇о. бун̃н̃ан̃жа д̇ам̣ абхисанд̣̇о жаад̇и бун̃н̃аабхисанд̣̇о, д̇ам̣ бун̃н̃аабхисанд̣̇ам̣. г̇ан̣тибад̣̇з бана ‘‘бун̃н̃амахад̇д̇ам̣’’нд̇и бхан̣анд̇и, ‘‘вибула’’нд̇и важанад̇о со ад̇т̇о на яуж̇ж̇ад̇ийд̇и аажарияо. ат̇а ваа бун̃н̃аанам̣ абхисанд̣̇о бун̃н̃аабхисанд̣̇о , д̇ам̣ бун̃н̃аабхисанд̣̇ам̣. санд̣̇а саванзд̇и д̇хаад̇у. д̇асмаа бун̃н̃асод̇ам̣ бун̃н̃уссаяанд̇и ад̇т̇о яуж̇ж̇ад̇и, д̇ам̣ бана вибулам̣, на барид̇д̇анд̇и д̣̇ассид̇ам̣ вибула-сад̣̇д̣̇зна.
Evaṃ anekavidhaṃ paṇāmappayojanaṃ vadanti, ācariyena pana adhippetappayojanaṃ attanā eva vuttaṃ ‘‘iccevamaccantanamassaneyya’’ntiādinā catutthagāthāya. Iccevanti ettha iti-saddo ratanattayapūjāvidhānaparisamattattho. Yadi evaṃ yathāvihitamattameva pūjāvidhānaṃ arahati ratanattayaṃ, na tato uddhanti āpajjatīti aniṭṭhappasaṅganivāraṇatthaṃ ‘‘evamaccantanamassaneyya’’nti āha. Tattha evanti iminā yathāvuttavidhiṃ dasseti. Yathāvuttena vidhinā, aññena vā tādisena accantameva muhuttamapi aṭṭhatvā abhikkhaṇaṃ nirantaraṃ niyamena namassanārahaṃ namassamānassa hitamahapphalakaraṇatoti attho. Evaṃvidhaṃ dullabhaṭṭhena mahapphalaṭṭhena ca siddhaṃ ratanabhāvaṃ ratanattayaṃ namassamāno yaṃ puññābhisandaṃ alatthaṃ alabhiṃ. Akusalamalaṃ tadaṅgādippahānena punātīti puññaṃ. Kilesadarathappaṭippassaddhiyā sītalattā cittaṃ abhisandetīti abhisando. Puññañca taṃ abhisando cāti puññābhisando, taṃ puññābhisandaṃ. Gaṇṭhipade pana ‘‘puññamahattaṃ’’nti bhaṇanti, ‘‘vipula’’nti vacanato so attho na yujjatīti ācariyo. Atha vā puññānaṃ abhisando puññābhisando , taṃ puññābhisandaṃ. Sanda savaneti dhātu. Tasmā puññasotaṃ puññussayanti attho yujjati, taṃ pana vipulaṃ, na parittanti dassitaṃ vipula-saddena.
бан̃жамаг̇аат̇аа яасмим̣ винаяабидагз баал̣ид̇о жа ад̇т̇ад̇о жа ануунам̣ лаж̇ж̇ийбуг̇г̇алзсу бавад̇д̇анадтзна тид̇з сагалам̣ д̇ивид̇хамби саасанам̣ д̇зсвзва буг̇г̇алзсу бад̇идтид̇ам̣ ход̇и. гасса саасананд̇и жз? адтид̇асса бхаг̇авад̇о. бхаг̇аваа хи тид̇ихзд̇убхууд̇ааяа ужчзд̣̇ад̣̇идтияаа абхаавзна адтид̇од̇и вужжад̇и. ужчзд̣̇ад̣̇идтиго хи баралогз нирабзгко гзвалам̣ гаамасукаллигаануяог̇амануяун̃ж̇анд̇о д̇идтад̇и, на баралогахид̇аани бун̃н̃аани гад̇д̇ум̣ б̣яаавадо ход̇и, сассад̇ад̣̇идтиго д̇аани гад̇д̇ум̣ ааяуухад̇и. бхаг̇аваа бана д̇ат̇аа ад̇идтанд̇о анааяууханд̇о маж̇жхимам̣ бадибад̣̇ам̣ бадибаж̇ж̇анд̇о саяан̃жа огхам̣ д̇ари, барз жа д̇аарзси. яат̇ааха ‘‘аббад̇идтам̣ кваахам̣, аавусо, анааяуухам̣ огхамад̇ари’’нд̇и (сам̣. ни. 1.1). жад̇уб̣рахмавихааравасзна сад̇д̇зсу судту саммаа жа тид̇ассаад̇и ад̇т̇авасзна ваа сусан̣тид̇асса. сусан̣тид̇ад̇д̇аа хзса гзвалам̣ сад̇д̇аанам̣ д̣̇угкам̣ абанзд̇угаамо хид̇ам̣ убасам̣харид̇угаамо самбад̇д̇ияаа жа бамод̣̇ид̇о абагкабад̇ид̇о жа худ̇ваа винаяам̣ д̣̇зсзд̇и, д̇асмаа имасмим̣ винаяасам̣ван̣н̣анаад̇хигаарз сааруббааяа т̇уд̇ияаа т̇омзнд̇о ааха ‘‘сусан̣тид̇ассаа’’д̇и. г̇ан̣тибад̣̇з бана ‘‘манаабияз жа ко, бхигкавз, гаммавибаагз бажжубадтид̇з’’д̇и (д̣̇ий. ни. адта. 2.35; ма. ни. адта. 2.386) суд̇д̇асса, ‘‘сусан̣таанаа суруубад̇аа’’д̇и (ку. баа. 8.11) суд̇д̇асса жа васзна сусан̣тид̇ассаад̇и ад̇т̇о вуд̇д̇о, со ад̇хиббзд̇аад̇хигаараануруубо на ход̇и. амиссанд̇и гим̣ винаяам̣ амиссам̣, уд̣̇ааху буб̣б̣аажарияаанубхааванд̇и? нобхаяамби. амиссаа зва хи винаяадтагат̇аа. д̇асмаа бхааванабум̣сагавасзна амиссам̣ д̇ам̣ ван̣н̣аяиссанд̇и самб̣анд̇хо. буб̣б̣аажарияаанубхааванд̇и адтагат̇аа ‘‘яасмаа бурз адтагат̇аа агам̣суу’’д̇и важанад̇о д̇зсам̣ аанубхааво наама ход̇и. гин̃жи абуб̣б̣ам̣ д̣̇исваа санд̇и хи логз вад̇д̇ааро ‘‘гассзса аанубхааво’’д̇и. ат̇а ваа бхаг̇авад̇о ад̇хиббааяам̣ ануг̇анд̇ваа д̇ам̣д̇ам̣баатз ад̇т̇ам̣ бхааваяад̇и вибхааваяад̇и, д̇асса д̇асса ваа ад̇т̇асса бхааванаа вибхааванаад̇и аанубхааво вужжад̇и адтагат̇аа.
Pañcamagāthā yasmiṃ vinayapiṭake pāḷito ca atthato ca anūnaṃ lajjīpuggalesu pavattanaṭṭhena ṭhite sakalaṃ tividhampi sāsanaṃ tesveva puggalesu patiṭṭhitaṃ hoti. Kassa sāsananti ce? Aṭṭhitassa bhagavato. Bhagavā hi ṭhitihetubhūtāya ucchedadiṭṭhiyā abhāvena aṭṭhitoti vuccati. Ucchedadiṭṭhiko hi paraloke nirapekkho kevalaṃ kāmasukhallikānuyogamanuyuñjanto tiṭṭhati, na paralokahitāni puññāni kattuṃ byāvaṭo hoti, sassatadiṭṭhiko tāni kattuṃ āyūhati. Bhagavā pana tathā atiṭṭhanto anāyūhanto majjhimaṃ paṭipadaṃ paṭipajjanto sayañca oghaṃ tari, pare ca tāresi. Yathāha ‘‘appatiṭṭhaṃ khvāhaṃ, āvuso, anāyūhaṃ oghamatari’’nti (saṃ. ni. 1.1). Catubrahmavihāravasena sattesu suṭṭhu sammā ca ṭhitassāti atthavasena vā susaṇṭhitassa. Susaṇṭhitattā hesa kevalaṃ sattānaṃ dukkhaṃ apanetukāmo hitaṃ upasaṃharitukāmo sampattiyā ca pamodito apakkhapatito ca hutvā vinayaṃ deseti, tasmā imasmiṃ vinayasaṃvaṇṇanādhikāre sāruppāya thutiyā thomento āha ‘‘susaṇṭhitassā’’ti. Gaṇṭhipade pana ‘‘manāpiye ca kho, bhikkhave, kammavipāke paccupaṭṭhite’’ti (dī. ni. aṭṭha. 2.35; ma. ni. aṭṭha. 2.386) suttassa, ‘‘susaṇṭhānā surūpatā’’ti (khu. pā. 8.11) suttassa ca vasena susaṇṭhitassāti attho vutto, so adhippetādhikārānurūpo na hoti. Amissanti kiṃ vinayaṃ amissaṃ, udāhu pubbācariyānubhāvanti? Nobhayampi. Amissā eva hi vinayaṭṭhakathā. Tasmā bhāvanapuṃsakavasena amissaṃ taṃ vaṇṇayissanti sambandho. Pubbācariyānubhāvanti aṭṭhakathā ‘‘yasmā pure aṭṭhakathā akaṃsū’’ti vacanato tesaṃ ānubhāvo nāma hoti. Kiñci apubbaṃ disvā santi hi loke vattāro ‘‘kassesa ānubhāvo’’ti. Atha vā bhagavato adhippāyaṃ anugantvā taṃtaṃpāṭhe atthaṃ bhāvayati vibhāvayati, tassa tassa vā atthassa bhāvanā vibhāvanāti ānubhāvo vuccati aṭṭhakathā.
буб̣б̣аажарияаанубхаавз сад̇и гим̣ буна д̇ам̣ ван̣н̣аяиссанд̇и иминаа аарамбхзнаад̇и д̇ад̇о вужжанд̇и чадтасад̇д̇амадтаманавамаг̇аат̇ааяо. д̇ад̇т̇а арияамаг̇г̇ан̃аан̣амб̣унаа нид̣̇д̇ход̇амалад̇д̇аа висуд̣̇д̇хавиж̇ж̇зхи, д̇знзва нид̣̇д̇ход̇аасавад̇д̇аа висуд̣̇д̇хабадисамбхид̣̇зхи, висуд̣̇д̇хабадисамбхид̣̇ад̇д̇аа жа сад̣̇д̇хаммасам̣ван̣н̣анаговид̣̇зхийд̇и яож̇анаа взд̣̇ид̇аб̣б̣аа. гзжи ‘‘буб̣б̣аажарияаад̇и вуд̇д̇з логаажарияааби, саасанз раахулаажарияаад̣̇аяоби сан̇г̇аяханд̇и, д̇з абанзд̇ум̣ гааман̃жаад̇иаад̣̇и вуд̇д̇а’’нд̇и вад̣̇анд̇и. ‘‘д̇ам̣ ван̣н̣аяисса’’нд̇и вуд̇д̇ад̇д̇аа буб̣б̣адтагат̇ааяа уунабхааво д̣̇ассид̇од̇и жз? на, жид̇д̇зхи наязхи сам̣ван̣н̣ид̇од̇и д̣̇ассзд̇ум̣ ‘‘гааман̃жаа’’д̇иаад̣̇и вуд̇д̇ам̣. сад̣̇д̇хаммам̣ сам̣ван̣н̣зд̇ум̣ говид̣̇зхи, д̇ааяа сам̣ван̣н̣анааяа ваа говид̣̇зхи сад̣̇д̇хаммасам̣ван̣н̣анаговид̣̇зхи.
Pubbācariyānubhāve sati kiṃ puna taṃ vaṇṇayissanti iminā ārambhenāti tato vuccanti chaṭṭhasattamaṭṭhamanavamagāthāyo. Tattha ariyamaggañāṇambunā niddhotamalattā visuddhavijjehi, teneva niddhotāsavattā visuddhapaṭisambhidehi, visuddhapaṭisambhidattā ca saddhammasaṃvaṇṇanakovidehīti yojanā veditabbā. Keci ‘‘pubbācariyāti vutte lokācariyāpi, sāsane rāhulācariyādayopi saṅgayhanti, te apanetuṃ kāmañcātiādi vutta’’nti vadanti. ‘‘Taṃ vaṇṇayissa’’nti vuttattā pubbaṭṭhakathāya ūnabhāvo dassitoti ce? Na, cittehi nayehi saṃvaṇṇitoti dassetuṃ ‘‘kāmañcā’’tiādi vuttaṃ. Saddhammaṃ saṃvaṇṇetuṃ kovidehi, tāya saṃvaṇṇanāya vā kovidehi saddhammasaṃvaṇṇanakovidehi.
саллзкиязд̇и гилзсаж̇аад̇ам̣ б̣аахуллам̣ ваа салликад̇и д̇анум̣ гарод̇ийд̇и саллзко, саллзкасса бхааво саллзкияам̣, д̇асмим̣ саллзкияз. носулабхуубамзхийд̇и асулабхуубамзхи. махаавихаарассаад̇и махаавихааравам̣сасса. бан̃н̃ааяа ажжуг̇г̇ад̇адтзна д̇хаж̇о убамаа зд̇зсанд̇и д̇хаж̇уубамаа, д̇зхи д̇хаж̇уубамзхи. самб̣уд̣̇д̇хаварам̣ ануаязхи ануг̇ад̇зхи самб̣уд̣̇д̇хаваранваязхи, б̣уд̣̇д̇хаад̇хиббааяаануг̇зхийд̇и ад̇хиббааяо. ид̇ха вара-сад̣̇д̣̇о ‘‘саамам̣ сажжаани б̣уд̣̇д̇хад̇д̇аа самб̣уд̣̇д̇хо’’д̇и важанад̇о бажжзгаб̣уд̣̇д̇хааби сан̇г̇аяханд̇и. д̇асмаа д̇з абанзд̇ум̣ вуд̇д̇о.
Sallekhiyeti kilesajātaṃ bāhullaṃ vā sallikhati tanuṃ karotīti sallekho, sallekhassa bhāvo sallekhiyaṃ, tasmiṃ sallekhiye. Nosulabhūpamehīti asulabhūpamehi. Mahāvihārassāti mahāvihāravaṃsassa. Paññāya accuggataṭṭhena dhajo upamā etesanti dhajūpamā, tehi dhajūpamehi. Sambuddhavaraṃ anuayehi anugatehi sambuddhavaranvayehi, buddhādhippāyānugehīti adhippāyo. Idha vara-saddo ‘‘sāmaṃ saccāni buddhattā sambuddho’’ti vacanato paccekabuddhāpi saṅgayhanti. Tasmā te apanetuṃ vutto.
адтагат̇ааяа уунабхаавам̣ д̣̇ассзд̇ваа ид̣̇аани ад̇д̇ано гаран̣ависзсам̣ д̇асса баяож̇анан̃жа д̣̇ассзд̇ум̣ ‘‘сам̣ван̣н̣анаа’’д̇иаад̣̇имааха. на гин̃жи ад̇т̇ам̣ абхисамбхун̣аад̇ийд̇и гин̃жи баяож̇анам̣ палам̣ хид̇ам̣ на саад̇хзд̇ийд̇и ад̇т̇о ‘‘на д̇ам̣ д̇асса бхигкуно гин̃жи ад̇т̇ам̣ анубход̇ий’’д̇иаад̣̇ийсу (баараа. 538) вияа. аж̇жхзсанам̣ б̣уд̣̇д̇хасиривхаяассаад̇и иминаа яасмаа сахамбад̇иб̣рахмунаа аж̇жхидтзна д̇хаммо д̣̇зсид̇о бхаг̇авад̇аа, саарибуд̇д̇асса аж̇жхзсанам̣ ниссааяа винаяо бан̃н̃ад̇д̇о, д̇асмаа аяамби аажарияо д̇ам̣ аажарияавад̇д̇ам̣ бууж̇знд̇о имам̣ сам̣ван̣н̣анам̣ б̣уд̣̇д̇хасирид̇т̇зрасса яаажанам̣ ниссааяа агаасийд̇и д̣̇ассзд̇и. самануссаранд̇од̇и д̇ассаабхаавам̣ д̣̇ийбзд̇и аад̣̇аран̃жа.
Aṭṭhakathāya ūnabhāvaṃ dassetvā idāni attano karaṇavisesaṃ tassa payojanañca dassetuṃ ‘‘saṃvaṇṇanā’’tiādimāha. Na kiñci atthaṃ abhisambhuṇātīti kiñci payojanaṃ phalaṃ hitaṃ na sādhetīti attho ‘‘na taṃ tassa bhikkhuno kiñci atthaṃ anubhotī’’tiādīsu (pārā. 538) viya. Ajjhesanaṃ buddhasirivhayassāti iminā yasmā sahampatibrahmunā ajjhiṭṭhena dhammo desito bhagavatā, sāriputtassa ajjhesanaṃ nissāya vinayo paññatto, tasmā ayampi ācariyo taṃ ācariyavattaṃ pūjento imaṃ saṃvaṇṇanaṃ buddhasirittherassa yācanaṃ nissāya akāsīti dasseti. Samanussarantoti tassābhāvaṃ dīpeti ādarañca.
д̇ад̇о барам̣ д̣̇вз г̇аат̇ааяо гад̇д̇аб̣б̣авид̇хид̣̇ассанад̇т̇ам̣ вуд̇д̇аа. д̇зна д̇аасу адтагат̇аасу вуд̇д̇авинижчаяабажжаяавимад̇им̣ винод̣̇зд̇и, згадтагат̇ааяа гусаласса ваа ‘‘аяам̣ наяо адтагат̇ааяам̣ над̇т̇ий’’д̇и бадигкзбам̣ ниваарзд̇и, аяуд̇д̇ад̇т̇абарижжааг̇зна д̇ад̇т̇а абхинивидтаанам̣ абхинивзсам̣ барижжаж̇аабзд̇и, т̇зраваад̣̇ад̣̇ассанзна винаяавинижчаяам̣ бад̇и винаяад̇хараанам̣ гааран̣обабад̇д̇ид̇о ухаабохаггамам̣ д̣̇ассзд̇и, аяуд̇д̇ад̇т̇зраваад̣̇абадигкзбзна буг̇г̇алаббамаан̣ад̇ам̣ бадигкибад̇ийд̇и имз жаанисам̣саа гад̇д̇аб̣б̣авид̇хид̣̇ассанзна д̣̇ассид̇аа хонд̇и. сам̣ван̣н̣анам̣ д̇ан̃жа самаарабханд̇о д̇ассаа сам̣ван̣н̣анааяа махааадтагат̇ам̣ сарийрам̣ гад̇ваа самаарабхиссам̣, махаабажжарияамби яо вуд̇д̇о винижчаяо, д̇ат̇зва гурунд̣̇ийнаамаад̣̇ийсу логз виссуд̇аасу адтагат̇аасу жа яо вуд̇д̇о винижчаяо, д̇ад̇оби винижчаяад̇о махааадтагат̇аанаязна, винаяаяуд̇д̇ияаа ваа яуд̇д̇амад̇т̇ам̣ д̇асса сарийрасса алан̇гаарам̣ вияа г̇ан̣ханд̇о самаарабхиссам̣. гим̣ сам̣ван̣н̣анамзва, на ан̃н̃анд̇и д̣̇ассанад̇т̇ам̣ буна сам̣ван̣н̣анааг̇г̇ахан̣ам̣. ат̇а ваа анд̇ог̇ад̇хад̇т̇зраваад̣̇ам̣ сам̣ван̣н̣анам̣ гад̇ваа самаарабхиссанд̇и яож̇анаа взд̣̇ид̇аб̣б̣аа. т̇зраваад̣̇аа хи б̣ахиадтагат̇ааяа вижаранд̇и. зд̇т̇а аад̣̇и-сад̣̇д̣̇зна жуул̣абажжарианд̇хагаарияадтагат̇аабаннаваараад̣̇аяоби сан̇г̇ахид̇аа . д̇ад̇т̇а бажжарий наама сийхал̣абхаасааяа ул̣умбам̣ гира, д̇асмим̣ нисийд̣̇ид̇ваа гад̇ад̇д̇аа д̇амзва наамам̣ ж̇аад̇ам̣. гурунд̣̇ийвалливихааро наама ад̇т̇и, д̇ад̇т̇а гад̇ад̇д̇аа гурунд̣̇ий наама ж̇аад̇аа.
Tato paraṃ dve gāthāyo kattabbavidhidassanatthaṃ vuttā. Tena tāsu aṭṭhakathāsu vuttavinicchayapaccayavimatiṃ vinodeti, ekaṭṭhakathāya kusalassa vā ‘‘ayaṃ nayo aṭṭhakathāyaṃ natthī’’ti paṭikkhepaṃ nivāreti, ayuttatthapariccāgena tattha abhiniviṭṭhānaṃ abhinivesaṃ pariccajāpeti, theravādadassanena vinayavinicchayaṃ pati vinayadharānaṃ kāraṇopapattito uhāpohakkamaṃ dasseti, ayuttattheravādapaṭikkhepena puggalappamāṇataṃ paṭikkhipatīti ime cānisaṃsā kattabbavidhidassanena dassitā honti. Saṃvaṇṇanaṃ tañca samārabhanto tassā saṃvaṇṇanāya mahāaṭṭhakathaṃ sarīraṃ katvā samārabhissaṃ, mahāpaccariyampi yo vutto vinicchayo, tatheva kurundīnāmādīsu loke vissutāsu aṭṭhakathāsu ca yo vutto vinicchayo, tatopi vinicchayato mahāaṭṭhakathānayena, vinayayuttiyā vā yuttamatthaṃ tassa sarīrassa alaṅkāraṃ viya gaṇhanto samārabhissaṃ. Kiṃ saṃvaṇṇanameva, na aññanti dassanatthaṃ puna saṃvaṇṇanāggahaṇaṃ. Atha vā antogadhattheravādaṃ saṃvaṇṇanaṃ katvā samārabhissanti yojanā veditabbā. Theravādā hi bahiaṭṭhakathāya vicaranti. Ettha ādi-saddena cūḷapaccariandhakaariyaṭṭhakathāpannavārādayopi saṅgahitā . Tattha paccarī nāma sīhaḷabhāsāya uḷumpaṃ kira, tasmiṃ nisīditvā katattā tameva nāmaṃ jātaṃ. Kurundīvallivihāro nāma atthi, tattha katattā kurundī nāma jātā.
самма самаарабхиссанд̇и гад̇д̇аб̣б̣авид̇хаанам̣ саж̇ж̇зд̇ваа ахам̣ тид̇о, д̇асмаа д̇ам̣ мз нисаамзнд̇ууд̇и г̇аат̇ааяа д̇ам̣ сам̣ван̣н̣анам̣ мз мама, маяаа ваа вужжамаананд̇и баатасзсо . нисаамзнд̇у бассанд̇у бан̃н̃аажагкунаа сун̣анд̇у ваа сад̣̇д̇хаавийрияабийд̇ибаамож̇ж̇аабхисан̇каарзна сан̇карид̇ваа бууж̇аяанд̇аа саггажжам̣ д̇хаммам̣. гасса д̇хаммам̣? д̇хаммаббад̣̇ийбасса д̇ат̇ааг̇ад̇асса. гим̣ д̣̇ассзд̇и? бад̣̇ийбадтаанияо хи д̇хаммо хид̇аахид̇аббагаасанад̇о, бад̣̇ийбад̇харадтаанияо д̇хаммад̇харо д̇ат̇ааг̇ад̇о, д̇асмаа бариниб̣б̣уд̇зби д̇асмим̣ д̇ат̇ааг̇ад̇з д̇ад̇т̇а согам̣ агад̇ваа саггажжа д̇хаммам̣ бадимаанаяанд̇аа нисаамзнд̇ууд̇и д̣̇ассзд̇и. ат̇а ваа ‘‘д̇хаммагааяаа д̇ат̇ааг̇ад̇аа’’д̇и (д̣̇ий. ни. 3.118) важанад̇о д̇хаммо жа со бад̣̇ийбо жаад̇и д̇хаммаббад̣̇ийбо, бхаг̇аваа.
Samma samārabhissanti kattabbavidhānaṃ sajjetvā ahaṃ ṭhito, tasmā taṃ me nisāmentūti gāthāya taṃ saṃvaṇṇanaṃ me mama, mayā vā vuccamānanti pāṭhaseso . Nisāmentu passantu paññācakkhunā suṇantu vā saddhāvīriyapītipāmojjābhisaṅkhārena saṅkharitvā pūjayantā sakkaccaṃ dhammaṃ. Kassa dhammaṃ? Dhammappadīpassa tathāgatassa. Kiṃ dasseti? Padīpaṭṭhāniyo hi dhammo hitāhitappakāsanato, padīpadharaṭṭhāniyo dhammadharo tathāgato, tasmā parinibbutepi tasmiṃ tathāgate tattha sokaṃ akatvā sakkacca dhammaṃ paṭimānayantā nisāmentūti dasseti. Atha vā ‘‘dhammakāyā tathāgatā’’ti (dī. ni. 3.118) vacanato dhammo ca so padīpo cāti dhammappadīpo, bhagavā.
яо д̇хаммавинаяо яат̇аа б̣уд̣̇д̇хзна вуд̇д̇о, со д̇ат̇зва б̣уд̣̇д̇хабуд̇д̇зхи саавагзхи н̃аад̇о аваб̣уд̣̇д̇хо, язхи д̇зсам̣ б̣уд̣̇д̇хабуд̇д̇аанам̣ мад̇им̣ ад̇хиббааяам̣ ажжаж̇анд̇аа ниравасзсам̣ г̇ан̣ханд̇аа. бурзд̇и бураа, бораан̣ад̇т̇зраа ваа. адтагат̇аад̇и адтагат̇ааяо, убаяог̇аб̣ахуважанам̣.
Yo dhammavinayo yathā buddhena vutto, so tatheva buddhaputtehi sāvakehi ñāto avabuddho, yehi tesaṃ buddhaputtānaṃ matiṃ adhippāyaṃ accajantā niravasesaṃ gaṇhantā. Pureti purā, porāṇattherā vā. Aṭṭhakathāti aṭṭhakathāyo, upayogabahuvacanaṃ.
яам̣ ад̇т̇аж̇аад̇ам̣ адтагат̇аасу вуд̇д̇ам̣, д̇ам̣ саб̣б̣амби бамаад̣̇алзкагаанам̣ бамаад̣̇алзкамад̇д̇ам̣ важ̇ж̇аяид̇ваа. гим̣ саб̣б̣зсамби бамаан̣ам̣? на, гинд̇у сигкаасу саг̇аараваанам̣ ид̇ха винаяамхи бан̣д̣ид̇аанам̣, махааадтагат̇ааяам̣ бана сажжзби алигзби д̣̇уггадамзва вуд̇д̇ам̣, д̇ам̣ бамаад̣̇алзканд̇и взд̣̇ид̇аб̣б̣ам̣. бамаад̣̇алзкам̣ важ̇ж̇аяид̇ваа бамаан̣ам̣ хзссад̇ийд̇и самб̣анд̇хо.
Yaṃ atthajātaṃ aṭṭhakathāsu vuttaṃ, taṃ sabbampi pamādalekhakānaṃ pamādalekhamattaṃ vajjayitvā. Kiṃ sabbesampi pamāṇaṃ? Na, kintu sikkhāsu sagāravānaṃ idha vinayamhi paṇḍitānaṃ, mahāaṭṭhakathāyaṃ pana saccepi alikepi dukkaṭameva vuttaṃ, taṃ pamādalekhanti veditabbaṃ. Pamādalekhaṃ vajjayitvā pamāṇaṃ hessatīti sambandho.
д̇ад̇о жаад̇и адтагат̇аасу вуд̇д̇аад̇т̇аж̇аад̇ад̇о д̇анд̇иггамам̣ баал̣иггамам̣. суд̇д̇анд̇аа суд̇д̇ааваяаваа. анд̇од̇и хид̣̇ам̣ аб̣бханд̇арааваяавасамбхааванаад̣̇ийсу д̣̇иссад̇и. суд̇д̇анд̇зсу бхаваа суд̇д̇анд̇игаа, д̇зсам̣ суд̇д̇анд̇игаанам̣, суд̇д̇анд̇аг̇ант̇зсу ааг̇ад̇аважанаананд̇и ад̇т̇о. ат̇а ваа амийяад̇ийд̇и анд̇о, саад̇хийяад̇ийд̇и ад̇хиббааяо. гзна саад̇хийяад̇и? суд̇д̇зна, суд̇д̇асса анд̇о суд̇д̇анд̇о, го со? со со ад̇т̇авигаббо, д̇асмим̣ суд̇д̇анд̇з нияуд̇д̇аани важанаани суд̇д̇анд̇игаани. д̇зсам̣ суд̇д̇анд̇игаанам̣ важанаанамад̇т̇ам̣. д̇асса д̇асса ааг̇амасуд̇д̇асса абхид̇хаммавинаяасуд̇д̇асса жаануруубам̣ барид̣̇ийбаяанд̇ий, аяам̣ д̇аавзд̇т̇а самаасад̇о ад̇т̇авибхааванаа – ‘‘ид̇иби со бхаг̇аваа’’д̇иаад̣̇ийнам̣ (сам̣. ни. 2.41; 5.479; а. ни. 6.10; баараа. 1) суд̇д̇анд̇игаанам̣ важанаанамад̇т̇ам̣ ааг̇амасуд̇д̇анд̇аануруубам̣. ‘‘виваад̣̇аад̇хигаран̣ам̣ сияаа гусалам̣ сияаа агусалам̣ сияаа аб̣яаагад̇а’’нд̇и (жуул̣ава. 220) звамаад̣̇ийнам̣ абхид̇хаммасуд̇д̇анд̇игаанам̣ важанаанамад̇т̇ам̣ абхид̇хаммасуд̇д̇анд̇аануруубанд̇и звамаад̣̇и. хзссад̇ийд̇и бхависсад̇и, гарийяиссад̇ийд̇и ад̇хиббааяо. ван̣н̣анаабийд̇и зд̇т̇а аби-сад̣̇д̣̇о самбин̣д̣анад̇т̇о, со д̇асмаад̇и бад̣̇зна яож̇зд̇аб̣б̣о. гат̇ам̣? бан̣д̣ид̇аанам̣ бамаан̣ад̇д̇ааби вид̇т̇аарамаг̇г̇асса самаасид̇ад̇д̇ааби винижчаяасса асзсид̇ад̇д̇ааби д̇анд̇иггамасса авоггамид̇ад̇д̇ааби суд̇д̇анд̇игаважанаанам̣ суд̇д̇анд̇адтагат̇аануруубам̣ д̣̇ийбанад̇оби д̇асмааби саггажжам̣ анусигкид̇аб̣б̣аад̇и. зд̇т̇а ‘‘д̇анд̇иггамам̣ авоггамид̇ваа’’д̇и важанзна сид̣̇д̇хзби ‘‘адтагат̇аажарияаа взран̃ж̇аган̣д̣аад̣̇ийсу ‘суд̇д̇анд̇игаанам̣ бхааро’д̇и г̇ад̇аа, маяам̣ бана вад̇ваава г̇амиссаамаа’’д̇и д̣̇ассзд̇ум̣ ‘‘суд̇д̇анд̇игаана’’нд̇и вуд̇д̇ам̣ гира.
Tato cāti aṭṭhakathāsu vuttaatthajātato tantikkamaṃ pāḷikkamaṃ. Suttantā suttāvayavā. Antoti hidaṃ abbhantarāvayavasambhāvanādīsu dissati. Suttantesu bhavā suttantikā, tesaṃ suttantikānaṃ, suttantaganthesu āgatavacanānanti attho. Atha vā amīyatīti anto, sādhīyatīti adhippāyo. Kena sādhīyati? Suttena, suttassa anto suttanto, ko so? So so atthavikappo, tasmiṃ suttante niyuttāni vacanāni suttantikāni. Tesaṃ suttantikānaṃ vacanānamatthaṃ. Tassa tassa āgamasuttassa abhidhammavinayasuttassa cānurūpaṃ paridīpayantī, ayaṃ tāvettha samāsato atthavibhāvanā – ‘‘itipi so bhagavā’’tiādīnaṃ (saṃ. ni. 2.41; 5.479; a. ni. 6.10; pārā. 1) suttantikānaṃ vacanānamatthaṃ āgamasuttantānurūpaṃ. ‘‘Vivādādhikaraṇaṃ siyā kusalaṃ siyā akusalaṃ siyā abyākata’’nti (cūḷava. 220) evamādīnaṃ abhidhammasuttantikānaṃ vacanānamatthaṃ abhidhammasuttantānurūpanti evamādi. Hessatīti bhavissati, karīyissatīti adhippāyo. Vaṇṇanāpīti ettha api-saddo sampiṇḍanattho, so tasmāti padena yojetabbo. Kathaṃ? Paṇḍitānaṃ pamāṇattāpi vitthāramaggassa samāsitattāpi vinicchayassa asesitattāpi tantikkamassa avokkamitattāpi suttantikavacanānaṃ suttantaṭṭhakathānurūpaṃ dīpanatopi tasmāpi sakkaccaṃ anusikkhitabbāti. Ettha ‘‘tantikkamaṃ avokkamitvā’’ti vacanena siddhepi ‘‘aṭṭhakathācariyā verañjakaṇḍādīsu ‘suttantikānaṃ bhāro’ti gatā, mayaṃ pana vatvāva gamissāmā’’ti dassetuṃ ‘‘suttantikāna’’nti vuttaṃ kira.
г̇ант̇аарамбхагат̇ааван̣н̣анаа нидтид̇аа.
Ganthārambhakathāvaṇṇanā niṭṭhitā.
