| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
г̇ант̇аарамбхагат̇ааван̣н̣анаа
Ganthārambhakathāvaṇṇanā
винаяасам̣ван̣н̣анаарамбхз рад̇анад̇д̇аяам̣ намассид̇угаамо д̇асса висидтаг̇ун̣аяог̇асанд̣̇ассанад̇т̇ам̣ яо габбагодийхибийд̇иаад̣̇имааха. висидтаг̇ун̣аяог̇зна хи ванд̣̇анаарахабхааво, ванд̣̇анаарахз жа гад̇аа ванд̣̇анаа яат̇аад̇хиббзд̇амад̇т̇ам̣ саад̇хзд̇и . зд̇т̇а жа сам̣ван̣н̣анаарамбхз рад̇анад̇д̇аяабан̣аамагаран̣аббаяож̇анам̣ д̇ад̇т̇а д̇ад̇т̇а б̣ахуд̇хаа бабан̃жзнд̇и аажарияаа, маяам̣ бана ид̇хаад̇хиббзд̇амзва баяож̇анам̣ д̣̇ассаяиссаама. д̇асмаа сам̣ван̣н̣анаарамбхз рад̇анад̇д̇аяабан̣аамагаран̣ам̣ яат̇аабадин̃н̃аад̇асам̣ван̣н̣анааяа ананд̇арааязна барисамаабанад̇т̇анд̇и взд̣̇ид̇аб̣б̣ам̣. д̇ат̇аа хи вуд̇д̇ам̣ ‘‘д̇ассаанубхаавзна хад̇анд̇арааяо’’д̇и. рад̇анад̇д̇аяабан̣аамагаран̣зна хи рааг̇аад̣̇ид̣̇осавиг̇амад̇о бан̃н̃аад̣̇иг̇ун̣абаадавад̇о ааяуаад̣̇ивад̣дханад̇о бун̃н̃аад̇исаяабхааваад̣̇ид̇о жа ход̇зва яат̇аабадин̃н̃аад̇асам̣ван̣н̣анааяа ананд̇арааязна барисамаабанам̣.
Vinayasaṃvaṇṇanārambhe ratanattayaṃ namassitukāmo tassa visiṭṭhaguṇayogasandassanatthaṃ yo kappakoṭīhipītiādimāha. Visiṭṭhaguṇayogena hi vandanārahabhāvo, vandanārahe ca katā vandanā yathādhippetamatthaṃ sādheti . Ettha ca saṃvaṇṇanārambhe ratanattayapaṇāmakaraṇappayojanaṃ tattha tattha bahudhā papañcenti ācariyā, mayaṃ pana idhādhippetameva payojanaṃ dassayissāma. Tasmā saṃvaṇṇanārambhe ratanattayapaṇāmakaraṇaṃ yathāpaṭiññātasaṃvaṇṇanāya anantarāyena parisamāpanatthanti veditabbaṃ. Tathā hi vuttaṃ ‘‘tassānubhāvena hatantarāyo’’ti. Ratanattayapaṇāmakaraṇena hi rāgādidosavigamato paññādiguṇapāṭavato āyuādivaḍḍhanato puññātisayabhāvādito ca hoteva yathāpaṭiññātasaṃvaṇṇanāya anantarāyena parisamāpanaṃ.
д̇ад̇т̇а батамам̣ д̇аава бхаг̇авад̇о ванд̣̇анам̣ гад̇д̇угаамо ‘‘яо габбагодийхиби…бз… д̇ассаа’’д̇и ааха. имиссаа бана винаяад̣̇зсанааяа гарун̣ааббад̇хаанан̃аан̣асамудтид̇ад̇ааяа гарун̣ааббад̇хаанамзва т̇оманам̣ аарад̣̇д̇хам̣. зсаа хи аажарияасса багад̇и, яад̣̇ид̣̇ам̣ аарамбхаануруубат̇оманаа. гарун̣ааг̇г̇ахан̣зна жзд̇т̇а абаримзяяаббабхааваа саб̣б̣зби б̣уд̣̇д̇хаг̇ун̣аа наяад̇о сан̇г̇ахид̇аад̇и д̣̇адтаб̣б̣аа д̇ам̣муулагад̇д̇аа сзсаб̣уд̣̇д̇хаг̇ун̣аанам̣. д̇ад̇т̇а яод̇и имасса анияамаважанасса наат̇од̇и иминаа самб̣анд̇хо. габбагодийхиби аббамзяяам̣ гааланд̇и габбагодиг̇ан̣анаавасзнаби ‘‘зд̇д̇агаа габбагодияо’’д̇и бамзд̇ум̣ асаггун̣зяяам̣ гаалам̣. аби-сад̣̇д̣̇зна баг̇зва вассаг̇ан̣анааяаад̇и д̣̇ассзд̇и. аббамзяяам̣ гааланд̇и жа ажжанд̇асам̣яог̇з убаяог̇аважанам̣, д̇зна габбагодиг̇ан̣анаавасзна барижчинд̣̇ид̇умасаггун̣зяяамаби, асан̇кязяяавасзна бана барижчинд̣̇ид̇аб̣б̣ад̇о салагкам̣ жад̇урасан̇кязяяагаббагаалам̣ ажжанд̇амзва ниранд̇арам̣ бан̃жамахаабаажжааг̇аад̣̇иад̇ид̣̇уггараани гаронд̇о кзд̣̇ам̣ гааяигам̣ бариссамам̣ бад̇д̇од̇и д̣̇ассзд̇и.
Tattha paṭhamaṃ tāva bhagavato vandanaṃ kattukāmo ‘‘yo kappakoṭīhipi…pe… tassā’’ti āha. Imissā pana vinayadesanāya karuṇāppadhānañāṇasamuṭṭhitatāya karuṇāppadhānameva thomanaṃ āraddhaṃ. Esā hi ācariyassa pakati, yadidaṃ ārambhānurūpathomanā. Karuṇāggahaṇena cettha aparimeyyappabhāvā sabbepi buddhaguṇā nayato saṅgahitāti daṭṭhabbā taṃmūlakattā sesabuddhaguṇānaṃ. Tattha yoti imassa aniyamavacanassa nāthoti iminā sambandho. Kappakoṭīhipi appameyyaṃ kālanti kappakoṭigaṇanāvasenapi ‘‘ettakā kappakoṭiyo’’ti pametuṃ asakkuṇeyyaṃ kālaṃ. Api-saddena pageva vassagaṇanāyāti dasseti. Appameyyaṃ kālanti ca accantasaṃyoge upayogavacanaṃ, tena kappakoṭigaṇanāvasena paricchinditumasakkuṇeyyamapi, asaṅkhyeyyavasena pana paricchinditabbato salakkhaṃ caturasaṅkhyeyyakappakālaṃ accantameva nirantaraṃ pañcamahāpaaccāgādiatidukkarāni karonto khedaṃ kāyikaṃ parissamaṃ pattoti dasseti.
логахид̇ааяаад̇и сад̇д̇алогасса хид̇ааяа. наат̇ад̇ийд̇и наат̇о, взнзяяаанам̣ хид̇асукам̣ аасийсад̇ийд̇и ад̇т̇о. ат̇а ваа наат̇ад̇и взнзяяаг̇ад̇з гилзсз убад̇аабзд̇и, наат̇ад̇и ваа яаажад̇и взнзяяз ад̇д̇ано хид̇агаран̣з яаажид̇вааби нияож̇зд̇ийд̇и наат̇о, логабадисаран̣о логасаамий логанааяагод̇и вуд̇д̇ам̣ ход̇и. махаагаарун̣игассаад̇и яо гарун̣ааяа гамбид̇ахад̣̇аяад̇д̇аа логахид̇ад̇т̇ам̣ ад̇ид̣̇уггарагирияааяа анзгаббагаарам̣ д̇аад̣̇исам̣ д̣̇угкам̣ анубхавид̇ваа ааг̇ад̇о, д̇асса махаагаарун̣игассаад̇и ад̇т̇о. д̇ад̇т̇а гирад̇ийд̇и гарун̣аа, барад̣̇угкам̣ вигкибад̇и абанзд̇ийд̇и ад̇т̇о. д̣̇угкид̇зсу ваа гирияад̇и басаарияад̇ийд̇и гарун̣аа. ат̇а ваа гин̣аад̇ийд̇и гарун̣аа, барад̣̇угкз сад̇и гаарун̣игам̣ хим̣сад̇и виб̣аад̇хзд̇и, винаасзд̇и ваа барасса д̣̇угканд̇и ад̇т̇о. барад̣̇угкз сад̇и саад̇хуунам̣ гамбанам̣ хад̣̇аяакзд̣̇ам̣ гарод̇ийд̇и ваа гарун̣аа. ат̇а ваа гамид̇и сукам̣, д̇ам̣ рунд̇хад̇ийд̇и гарун̣аа. зсаа хи барад̣̇угкаабанаяанагаамад̇аалагкан̣аа ад̇д̇асуканирабзгкад̇ааяа гаарун̣игаанам̣ сукам̣ рунд̇хад̇и виб̣аад̇хзд̇и. гарун̣ааяа нияуд̇д̇о гаарун̣иго, маханд̇о гаарун̣иго махаагаарун̣иго, д̇асса намо ад̇т̇ууд̇и баатасзсо.
Lokahitāyāti sattalokassa hitāya. Nāthatīti nātho, veneyyānaṃ hitasukhaṃ āsīsatīti attho. Atha vā nāthati veneyyagate kilese upatāpeti, nāthati vā yācati veneyye attano hitakaraṇe yācitvāpi niyojetīti nātho, lokapaṭisaraṇo lokasāmī lokanāyakoti vuttaṃ hoti. Mahākāruṇikassāti yo karuṇāya kampitahadayattā lokahitatthaṃ atidukkarakiriyāya anekappakāraṃ tādisaṃ dukkhaṃ anubhavitvā āgato, tassa mahākāruṇikassāti attho. Tattha kiratīti karuṇā, paradukkhaṃ vikkhipati apanetīti attho. Dukkhitesu vā kiriyati pasāriyatīti karuṇā. Atha vā kiṇātīti karuṇā, paradukkhe sati kāruṇikaṃ hiṃsati vibādheti, vināseti vā parassa dukkhanti attho. Paradukkhe sati sādhūnaṃ kampanaṃ hadayakhedaṃ karotīti vā karuṇā. Atha vā kamiti sukhaṃ, taṃ rundhatīti karuṇā. Esā hi paradukkhāpanayanakāmatālakkhaṇā attasukhanirapekkhatāya kāruṇikānaṃ sukhaṃ rundhati vibādheti. Karuṇāya niyutto kāruṇiko, mahanto kāruṇiko mahākāruṇiko, tassa namo atthūti pāṭhaseso.
звам̣ гарун̣аамукзна сан̇кзбад̇о сагаласаб̣б̣ан̃н̃уг̇ун̣зхи бхаг̇аванд̇ам̣ т̇омзд̇ваа ид̣̇аани сад̣̇д̇хаммам̣ т̇омзд̇ум̣ асамб̣уд̇ханд̇иаад̣̇имааха. д̇ад̇т̇а б̣уд̣̇д̇ханисзвид̇ам̣ яам̣ асамб̣уд̇хам̣ ж̇ийвалого бхаваа бхавам̣ г̇ажчад̇и, д̇асса д̇хаммаварасса намод̇и самб̣анд̇хо. д̇ад̇т̇а асамб̣уд̇ханд̇и асамб̣уж̇жханд̇о, яат̇аасабхаавам̣ аббадивиж̇жханад̇од̇и вуд̇д̇ам̣ ход̇и. хзд̇уад̇т̇о хзд̇т̇а анд̇абажжаяо. яанд̇и анияамад̇о сабарияад̇д̇иго навалогуд̇д̇арад̇хаммо гаммабхаавзна нид̣̇д̣̇идто. б̣уд̣̇д̇ханисзвид̇анд̇и д̇ассзва висзсанам̣, саммаасамб̣уд̣̇д̇хзна, бажжзгаб̣уд̣̇д̇хасаавагаб̣уд̣̇д̇хзхиби ваа г̇ожараасзванабхааванаасзванаахи яат̇аарахам̣ нисзвид̇ам̣, аж̇ахид̇анд̇и ад̇т̇о. д̇ад̇т̇а барияад̇д̇ипаланиб̣б̣аанаани г̇ожараасзванавасзнзва нисзвид̇аани, маг̇г̇о бана бхааванаасзванавасзнааби бажжавзгкан̣ан̃аан̣аад̣̇ивасзна г̇ожараасзванавасзнааби нисзвид̇о. бхаваабхаванд̇и бхавад̇о бхавам̣. ат̇а ваа хийнабан̣ийд̇аад̣̇ивасзна куд̣̇д̣̇агам̣ маханд̇ан̃жа бхаванд̇и ад̇т̇о. вуд̣дхад̇т̇оби хи а-гааро д̣̇иссад̇и асзгкаа д̇хаммаад̇иаад̣̇ийсу (д̇ха. са. д̇игамаад̇игаа 11) вияа. ат̇а ваа бхавод̇и вуд̣дхи, абхавод̇и хаани. бхавод̇и ваа сассад̇ад̣̇идти, абхавод̇и ужчзд̣̇ад̣̇идти . вуд̇д̇аббагааро бхаво жа абхаво жа бхаваабхаво, д̇ам̣ бхаваабхавам̣. г̇ажчад̇ийд̇и убаг̇ажчад̇и. ж̇ийвалогод̇и сад̇д̇алого. авиж̇ж̇аад̣̇игилзсаж̇аалавид̣̇д̇хам̣синод̇и д̇хаммависзсанам̣. д̇ад̇т̇а на вид̣̇ад̇и д̇хаммаанам̣ яат̇аасабхаавам̣ на виж̇аанаад̇ийд̇и авиж̇ж̇аа, ан̃н̃аан̣ам̣. саа аад̣̇и язсам̣ д̇ан̣хаад̣̇ийнам̣, д̇зязва гилиссанд̇и зд̇зхи сад̇д̇аад̇и гилзсаа, д̇зязва жа сад̇д̇аанам̣ виб̣аад̇ханадтзна ж̇ааласад̣̇исаад̇и ж̇аалам̣, д̇ам̣ вид̣̇д̇хам̣сзд̇и саб̣б̣асо винаасзд̇и сийлзнаад̇и авиж̇ж̇аад̣̇игилзсаж̇аалавид̣̇д̇хам̣сий, д̇асса.
Evaṃ karuṇāmukhena saṅkhepato sakalasabbaññuguṇehi bhagavantaṃ thometvā idāni saddhammaṃ thometuṃ asambudhantiādimāha. Tattha buddhanisevitaṃ yaṃ asambudhaṃ jīvaloko bhavā bhavaṃ gacchati, tassa dhammavarassa namoti sambandho. Tattha asambudhanti asambujjhanto, yathāsabhāvaṃ appaṭivijjhanatoti vuttaṃ hoti. Hetuattho hettha antapaccayo. Yanti aniyamato sapariyattiko navalokuttaradhammo kammabhāvena niddiṭṭho. Buddhanisevitanti tasseva visesanaṃ, sammāsambuddhena, paccekabuddhasāvakabuddhehipi vā gocarāsevanabhāvanāsevanāhi yathārahaṃ nisevitaṃ, ajahitanti attho. Tattha pariyattiphalanibbānāni gocarāsevanavaseneva nisevitāni, maggo pana bhāvanāsevanavasenāpi paccavekkhaṇañāṇādivasena gocarāsevanavasenāpi nisevito. Bhavābhavanti bhavato bhavaṃ. Atha vā hīnapaṇītādivasena khuddakaṃ mahantañca bhavanti attho. Vuḍḍhatthopi hi a-kāro dissati asekkhā dhammātiādīsu (dha. sa. tikamātikā 11) viya. Atha vā bhavoti vuḍḍhi, abhavoti hāni. Bhavoti vā sassatadiṭṭhi, abhavoti ucchedadiṭṭhi . Vuttappakāro bhavo ca abhavo ca bhavābhavo, taṃ bhavābhavaṃ. Gacchatīti upagacchati. Jīvalokoti sattaloko. Avijjādikilesajālaviddhaṃsinoti dhammavisesanaṃ. Tattha na vidati dhammānaṃ yathāsabhāvaṃ na vijānātīti avijjā, aññāṇaṃ. Sā ādi yesaṃ taṇhādīnaṃ, teyeva kilissanti etehi sattāti kilesā, teyeva ca sattānaṃ vibādhanaṭṭhena jālasadisāti jālaṃ, taṃ viddhaṃseti sabbaso vināseti sīlenāti avijjādikilesajālaviddhaṃsī, tassa.
нану жзд̇т̇а сабарияад̇д̇иго навалогуд̇д̇арад̇хаммо ад̇хиббзд̇о, д̇ад̇т̇а жа маг̇г̇оязва гилзсз вид̣̇д̇хам̣сзд̇и, нзд̇арзд̇и жз? вужжад̇з – маг̇г̇ассааби ниб̣б̣аанамааг̇амма гилзсавид̣̇д̇хам̣санад̇о ниб̣б̣аанамби гилзсз вид̣̇д̇хам̣сзд̇и наама, маг̇г̇асса гилзсавид̣̇д̇хам̣санагижжам̣ палзна нидтид̇анд̇и паламби ‘‘гилзсавид̣̇д̇хам̣сий’’д̇и вужжад̇и, барияад̇д̇ид̇хаммоби гилзсавид̣̇д̇хам̣санасса убаниссаяабажжаяад̇д̇аа ‘‘гилзсавид̣̇д̇хам̣сий’’д̇и вад̇д̇ум̣ арахад̇ийд̇и на гожи д̣̇осо. д̇хаммаварасса д̇ассаад̇и буб̣б̣з анияамид̇асса нияаамагаважанам̣. д̇ад̇т̇а яат̇аанусидтам̣ бадибаж̇ж̇амаанз жад̇уусу абааязсу сам̣саарад̣̇угкз жа абад̇амаанз д̇хаарзд̇ийд̇и д̇хаммо. вуд̇д̇аббагааро д̇хаммо зва ад̇д̇ано уд̇д̇арид̇араабхаавзна варо баваро ануд̇д̇арод̇и д̇хаммаваро, д̇асса д̇хаммаварасса намо ад̇т̇ууд̇и ад̇т̇о.
Nanu cettha sapariyattiko navalokuttaradhammo adhippeto, tattha ca maggoyeva kilese viddhaṃseti, netareti ce? Vuccate – maggassāpi nibbānamāgamma kilesaviddhaṃsanato nibbānampi kilese viddhaṃseti nāma, maggassa kilesaviddhaṃsanakiccaṃ phalena niṭṭhitanti phalampi ‘‘kilesaviddhaṃsī’’ti vuccati, pariyattidhammopi kilesaviddhaṃsanassa upanissayapaccayattā ‘‘kilesaviddhaṃsī’’ti vattuṃ arahatīti na koci doso. Dhammavarassa tassāti pubbe aniyamitassa niyāmakavacanaṃ. Tattha yathānusiṭṭhaṃ paṭipajjamāne catūsu apāyesu saṃsāradukkhe ca apatamāne dhāretīti dhammo. Vuttappakāro dhammo eva attano uttaritarābhāvena varo pavaro anuttaroti dhammavaro, tassa dhammavarassa namo atthūti attho.
звам̣ сан̇кзбанаязнзва саб̣б̣ад̇хаммаг̇ун̣зхи сад̣̇д̇хаммам̣ т̇омзд̇ваа ид̣̇аани арияасан̇гхам̣ т̇омзд̇ум̣ г̇ун̣зхийд̇иаад̣̇имааха. д̇ад̇т̇а г̇ун̣зхи яо яуд̇д̇о, д̇амарияасан̇гхам̣ намаамийд̇и самб̣анд̇хо. сийлаад̣̇аяо г̇ун̣аа жзд̇т̇а логияалогуд̇д̇араа ад̇хиббзд̇аа. ‘‘вимуд̇д̇ивимуд̇д̇ин̃аан̣а’’нд̇и вад̇д̇аб̣б̣з згад̣̇зсасаруубзгасзсанаязна ‘‘вимуд̇д̇ин̃аан̣а’’нд̇и вуд̇д̇ам̣, аад̣̇исад̣̇д̣̇абарияааязна бабхуд̇исад̣̇д̣̇зна ваа вимуд̇д̇иг̇г̇ахан̣ам̣ взд̣̇ид̇аб̣б̣ам̣. д̇ад̇т̇а вимуд̇д̇ийд̇и палам̣. вимуд̇д̇ин̃аан̣анд̇и бажжавзгкан̣ан̃аан̣ам̣. бабхуд̇и-сад̣̇д̣̇зна чал̣абхин̃н̃аажад̇убадисамбхид̣̇аад̣̇аяо г̇ун̣аа сан̇г̇ахид̇аад̇и д̣̇адтаб̣б̣аа. гусалад̇т̇игаанам̣ ж̇анаанам̣ бун̃н̃аад̇исаяавуд̣дхияаа кзд̇д̇асад̣̇исад̇д̇аа кзд̇д̇анд̇и ааха ‘‘кзд̇д̇ам̣ ж̇анаанам̣ гусалад̇т̇игаана’’нд̇и. кид̇д̇ам̣ б̣ийж̇ам̣ махабпалабхаавагаран̣зна д̇ааяад̇ийд̇и хи кзд̇д̇ам̣. арияасан̇гханд̇и зд̇т̇а аарагад̇д̇аа гилзсзхи, анаяз на ирияанад̇о, аяз жа ирияанад̇о, сад̣̇звагзна логзна ‘‘саран̣а’’нд̇и аран̣ийяад̇о убаг̇анд̇аб̣б̣ад̇о, убаг̇ад̇аанан̃жа д̇ад̣̇ад̇т̇асид̣̇д̇хид̇о арияаа, адта арияабуг̇г̇алаа, арияаанам̣ сан̇гхо самууход̇и арияасан̇гхо, д̇ам̣ арияасан̇гхам̣.
Evaṃ saṅkhepanayeneva sabbadhammaguṇehi saddhammaṃ thometvā idāni ariyasaṅghaṃ thometuṃ guṇehītiādimāha. Tattha guṇehi yo yutto, tamariyasaṅghaṃ namāmīti sambandho. Sīlādayo guṇā cettha lokiyalokuttarā adhippetā. ‘‘Vimuttivimuttiñāṇa’’nti vattabbe ekadesasarūpekasesanayena ‘‘vimuttiñāṇa’’nti vuttaṃ, ādisaddapariyāyena pabhutisaddena vā vimuttiggahaṇaṃ veditabbaṃ. Tattha vimuttīti phalaṃ. Vimuttiñāṇanti paccavekkhaṇañāṇaṃ. Pabhuti-saddena chaḷabhiññācatupaṭisambhidādayo guṇā saṅgahitāti daṭṭhabbā. Kusalatthikānaṃ janānaṃ puññātisayavuḍḍhiyā khettasadisattā khettanti āha ‘‘khettaṃ janānaṃ kusalatthikāna’’nti. Khittaṃ bījaṃ mahapphalabhāvakaraṇena tāyatīti hi khettaṃ. Ariyasaṅghanti ettha ārakattā kilesehi, anaye na iriyanato, aye ca iriyanato, sadevakena lokena ‘‘saraṇa’’nti araṇīyato upagantabbato, upagatānañca tadatthasiddhito ariyā, aṭṭha ariyapuggalā, ariyānaṃ saṅgho samūhoti ariyasaṅgho, taṃ ariyasaṅghaṃ.
ид̣̇аани рад̇анад̇д̇аяабан̣аамаж̇анид̇ам̣ гусалаабхисанд̣̇ам̣ яат̇аад̇хиббзд̇з баяож̇анз нияож̇зд̇ваа ад̇д̇анаа сам̣ван̣н̣ияамаанасса винаяасса сагаласаасанамуулабхаавад̣̇ассанамукзна сам̣ван̣н̣анаагаран̣ассааби саасанамуулад̇ам̣ д̣̇ассзд̇ум̣ ижжзвамижжаад̣̇иг̇аат̇аад̣̇ваяамааха. бун̃н̃аабхисанд̣̇анд̇и бун̃н̃огхам̣, бун̃н̃аббаваахам̣ бун̃н̃араасинд̇и ад̇т̇о. д̇ассаанубхаавзнаад̇и д̇асса яат̇аавуд̇д̇асса бун̃н̃аббаваахасса аанубхаавзна б̣алзна хад̇анд̇арааяо винаяам̣ ван̣н̣аяиссанд̇и самб̣анд̇хо.
Idāni ratanattayapaṇāmajanitaṃ kusalābhisandaṃ yathādhippete payojane niyojetvā attanā saṃvaṇṇiyamānassa vinayassa sakalasāsanamūlabhāvadassanamukhena saṃvaṇṇanākaraṇassāpi sāsanamūlataṃ dassetuṃ iccevamiccādigāthādvayamāha. Puññābhisandanti puññoghaṃ, puññappavāhaṃ puññarāsinti attho. Tassānubhāvenāti tassa yathāvuttassa puññappavāhassa ānubhāvena balena hatantarāyo vinayaṃ vaṇṇayissanti sambandho.
адтид̇асса сусан̣тид̇асса бхаг̇авад̇о саасанам̣ яасмим̣ тид̇з бад̇идтид̇ам̣ ход̇ийд̇и яож̇зд̇аб̣б̣ам̣. д̇ад̇т̇а яасминд̇и яасмим̣ винаяабидагз. тид̇зд̇и баал̣ид̇о жа ад̇т̇ад̇о жа ануунам̣ худ̇ваа лаж̇ж̇ийбуг̇г̇алзсу бавад̇д̇анадтзна тид̇з. саасананд̇и сигкад̇д̇аяасан̇г̇ахид̇ам̣ саасанам̣. адтид̇ассаад̇и гаамасукаллигад̇д̇агиламат̇аануяог̇асан̇каад̇з анд̇ад̣̇ваяз адтид̇асса, ‘‘бариниб̣б̣уд̇ассаби бхаг̇авад̇о’’д̇иби вад̣̇анд̇и. сусан̣тид̇ассаад̇и анд̇ад̣̇ваяавирахид̇ааяа маж̇жхимааяа бадибад̣̇ааяа судту тид̇асса. амиссанд̇и бхааванабум̣саганид̣̇д̣̇зсо, нигааяанд̇аралад̣̇д̇хийхи асаммиссам̣ гад̇ваа анаагулам̣ гад̇ваа ван̣н̣аяиссанд̇и вуд̇д̇ам̣ ход̇и. ниссааяа буб̣б̣аажарияаанубхааванд̇и буб̣б̣аажариязхи сам̣ван̣н̣ид̇ам̣ адтагат̇ам̣ ниссааяа, на ад̇д̇ано б̣алзнаад̇и ад̇хиббааяо.
Aṭṭhitassa susaṇṭhitassa bhagavato sāsanaṃ yasmiṃ ṭhite patiṭṭhitaṃ hotīti yojetabbaṃ. Tattha yasminti yasmiṃ vinayapiṭake. Ṭhiteti pāḷito ca atthato ca anūnaṃ hutvā lajjīpuggalesu pavattanaṭṭhena ṭhite. Sāsananti sikkhattayasaṅgahitaṃ sāsanaṃ. Aṭṭhitassāti kāmasukhallikattakilamathānuyogasaṅkhāte antadvaye aṭṭhitassa, ‘‘parinibbutassapi bhagavato’’tipi vadanti. Susaṇṭhitassāti antadvayavirahitāya majjhimāya paṭipadāya suṭṭhu ṭhitassa. Amissanti bhāvanapuṃsakaniddeso, nikāyantaraladdhīhi asammissaṃ katvā anākulaṃ katvā vaṇṇayissanti vuttaṃ hoti. Nissāya pubbācariyānubhāvanti pubbācariyehi saṃvaṇṇitaṃ aṭṭhakathaṃ nissāya, na attano balenāti adhippāyo.
ат̇а бораан̣адтагат̇аасу виж̇ж̇амаанаасу буна винаяасам̣ван̣н̣анаа гим̣баяож̇анаад̇и? ааха гааман̃жаад̇иаад̣̇и. д̇ад̇т̇а гааманд̇и зганд̇зна, яат̇ижчагам̣ ваа, саб̣б̣асод̇и вуд̇д̇ам̣ ход̇и, д̇асса сам̣ван̣н̣ид̇ояам̣ винаяод̇и иминаа самб̣анд̇хо. буб̣б̣аажарияаасабхзхийд̇и махаагассабад̇т̇зраад̣̇аяо буб̣б̣аажарияаа зва агамбияадтзна уд̇д̇амадтзна жа аасабхаа, д̇зхи буб̣б̣аажарияаварзхийд̇и вуд̇д̇ам̣ ход̇и. гийд̣̇исаа бана д̇з буб̣б̣аажарияаад̇и? ааха н̃аан̣амб̣ууд̇иаад̣̇и. аг̇г̇амаг̇г̇ан̃аан̣асан̇каад̇зна амб̣унаа салилзна нид̣̇д̇ход̇аани ниссзсад̇о ааяад̇им̣ ануббад̇д̇ид̇хаммад̇аабаад̣̇анзна д̇ход̇аани висод̇хид̇аани рааг̇аад̣̇ийни д̇ийн̣и малаани гаамаасаваад̣̇аяо жа жад̇д̇ааро аасаваа язхи д̇з н̃аан̣амб̣унид̣̇д̇ход̇амалаасаваа, д̇зхи кийн̣аасавзхийд̇и ад̇т̇о. кийн̣аасавабхаавзби на зд̇з сугкавибассагаад̇и ааха ‘‘висуд̣̇д̇хавиж̇ж̇аабадисамбхид̣̇зхий’’д̇и. д̇ад̇т̇а виж̇ж̇аад̇и д̇иссо виж̇ж̇аа, адта виж̇ж̇аа ваа. бадисамбхид̣̇ааббад̇д̇зсуби махаагассабад̇т̇зраад̣̇ийнам̣ ужжинид̇ваа г̇ахид̇ад̇ааяа д̇зсам̣ сад̣̇д̇хаммасам̣ван̣н̣анз саамад̇т̇ияам̣ саад̇исаяанд̇и д̣̇ассзнд̇о ааха ‘‘сад̣̇д̇хаммасам̣ван̣н̣анаговид̣̇зхий’’д̇и.
Atha porāṇaṭṭhakathāsu vijjamānāsu puna vinayasaṃvaṇṇanā kiṃpayojanāti? Āha kāmañcātiādi. Tattha kāmanti ekantena, yathicchakaṃ vā, sabbasoti vuttaṃ hoti, tassa saṃvaṇṇitoyaṃ vinayoti iminā sambandho. Pubbācariyāsabhehīti mahākassapattherādayo pubbācariyā eva akampiyaṭṭhena uttamaṭṭhena ca āsabhā, tehi pubbācariyavarehīti vuttaṃ hoti. Kīdisā pana te pubbācariyāti? Āha ñāṇambūtiādi. Aggamaggañāṇasaṅkhātena ambunā salilena niddhotāni nissesato āyatiṃ anuppattidhammatāpādanena dhotāni visodhitāni rāgādīni tīṇi malāni kāmāsavādayo ca cattāro āsavā yehi te ñāṇambuniddhotamalāsavā, tehi khīṇāsavehīti attho. Khīṇāsavabhāvepi na ete sukkhavipassakāti āha ‘‘visuddhavijjāpaṭisambhidehī’’ti. Tattha vijjāti tisso vijjā, aṭṭha vijjā vā. Paṭisambhidāppattesupi mahākassapattherādīnaṃ uccinitvā gahitatāya tesaṃ saddhammasaṃvaṇṇane sāmatthiyaṃ sātisayanti dassento āha ‘‘saddhammasaṃvaṇṇanakovidehī’’ti.
гилзсаж̇аад̇ам̣, баригкаараб̣аахуллам̣ ваа салликад̇и д̇анум̣ гарод̇ийд̇и саллзко, аббижчад̇аад̣̇иг̇ун̣асамуухо, ид̇ха бана кийн̣аасаваад̇хигаарад̇д̇аа баригкаараб̣аахулласса салликанавасзнзва ад̇т̇о г̇ахзд̇аб̣б̣о. саллзкзна ниб̣б̣ад̇д̇ам̣ саллзкияам̣, д̇асмим̣ саллзкияз, д̇худ̇ан̇г̇абарихаран̣аад̣̇исаллзкабаабад̇д̇ияанд̇и вуд̇д̇ам̣ ход̇и. носулабхуубамзхийд̇и саллзкабадибад̇д̇ияаа ‘‘асугасад̣̇исаа’’д̇и над̇т̇и сулабхаа убамаа зд̇зсанд̇и носулабхуубамаа, д̇зхи. махаавихаарассаад̇и иминаа нигааяанд̇арам̣ бадигкибад̇и . вихаарасийсзна хзд̇т̇а д̇ад̇т̇а ниваасийнан̃жзва д̇зхи самалад̣̇д̇хигаанан̃жа саб̣б̣зсам̣ бхигкуунам̣ г̇ахан̣ам̣ д̣̇адтаб̣б̣ам̣. д̇асмаа д̇зсам̣ махаавихаараваасийнам̣ д̣̇идтисийлависуд̣̇д̇хияаа бабхавад̇д̇зна сан̃н̃аан̣абхууд̇ад̇д̇аа д̇хаммасан̇г̇аахагаа махаагассабад̇т̇зраад̣̇аяо ‘‘махаавихаарасса д̇хаж̇уубамаа’’д̇и вуд̇д̇аа, д̇зхи аяам̣ винаяо сам̣ван̣н̣ид̇о саммаа ануунам̣ гад̇ваа ван̣н̣ид̇о. гат̇анд̇и ааха ‘‘жид̇д̇зхи наязхий’’д̇и. вижид̇д̇зхи наязхи самб̣уд̣̇д̇хаваранваязхи саб̣б̣ан̃н̃уб̣уд̣̇д̇хаварам̣ ануг̇ад̇зхи, бхаг̇авад̇о ад̇хиббааяаануг̇ад̇зхи наязхийд̇и вуд̇д̇ам̣ ход̇и.
Kilesajātaṃ, parikkhārabāhullaṃ vā sallikhati tanuṃ karotīti sallekho, appicchatādiguṇasamūho, idha pana khīṇāsavādhikārattā parikkhārabāhullassa sallikhanavaseneva attho gahetabbo. Sallekhena nibbattaṃ sallekhiyaṃ, tasmiṃ sallekhiye, dhutaṅgapariharaṇādisallekhapaapattiyanti vuttaṃ hoti. Nosulabhūpamehīti sallekhapaṭipattiyā ‘‘asukasadisā’’ti natthi sulabhā upamā etesanti nosulabhūpamā, tehi. Mahāvihārassāti iminā nikāyantaraṃ paṭikkhipati . Vihārasīsena hettha tattha nivāsīnañceva tehi samaladdhikānañca sabbesaṃ bhikkhūnaṃ gahaṇaṃ daṭṭhabbaṃ. Tasmā tesaṃ mahāvihāravāsīnaṃ diṭṭhisīlavisuddhiyā pabhavattena saññāṇabhūtattā dhammasaṅgāhakā mahākassapattherādayo ‘‘mahāvihārassa dhajūpamā’’ti vuttā, tehi ayaṃ vinayo saṃvaṇṇito sammā anūnaṃ katvā vaṇṇito. Kathanti āha ‘‘cittehi nayehī’’ti. Vicittehi nayehi sambuddhavaranvayehi sabbaññubuddhavaraṃ anugatehi, bhagavato adhippāyānugatehi nayehīti vuttaṃ hoti.
звам̣ бораан̣адтагат̇ааяа ануунабхаавам̣ д̣̇ассзд̇ваа ид̣̇аани ад̇д̇ано сам̣ван̣н̣анааяа баяож̇анависзсам̣ аж̇жхзсаган̃жа д̣̇ассзд̇ум̣ сам̣ван̣н̣анаад̇иаад̣̇имааха. д̇ад̇т̇а сан̇кад̇ад̇д̇аад̇и ражид̇ад̇д̇аа. на ган̃жи ад̇т̇ам̣ абхисамбхун̣аад̇ийд̇и на ган̃жи ад̇т̇ам̣ саад̇хзд̇и.
Evaṃ porāṇaṭṭhakathāya anūnabhāvaṃ dassetvā idāni attano saṃvaṇṇanāya payojanavisesaṃ ajjhesakañca dassetuṃ saṃvaṇṇanātiādimāha. Tattha saṅkhatattāti racitattā. Na kañci atthaṃ abhisambhuṇātīti na kañci atthaṃ sādheti.
сам̣ван̣н̣анам̣ д̇ан̃жаад̇иаад̣̇инаа ад̇д̇ано сам̣ван̣н̣анааяа гаран̣аббагаарам̣ д̣̇ассзд̇и. д̇ад̇т̇а д̇ан̃жа ид̣̇аани вужжамаанам̣ сам̣ван̣н̣анам̣ самаарабханд̇о сагалааяаби махааадтагат̇ааяа ид̇ха г̇ахзд̇аб̣б̣ад̇о махааадтагат̇ам̣ д̇ассаа ид̣̇аани вужжамаанааяа сам̣ван̣н̣анааяа сарийрам̣ гад̇ваа махаабажжарияам̣ яо винижчаяо вуд̇д̇о, д̇ат̇зва гурунд̣̇ийнаамаад̣̇ийсу виссуд̇аасу адтагат̇аасу яо винижчаяо вуд̇д̇о, д̇ад̇оби винижчаяад̇о яуд̇д̇амад̇т̇ам̣ абарижжаж̇анд̇о анд̇ог̇ад̇хад̇т̇зраваад̣̇ам̣ гад̇ваа сам̣ван̣н̣анам̣ саммаа самаарабхиссанд̇и бад̣̇ад̇т̇асамб̣анд̇хо взд̣̇ид̇аб̣б̣о. зд̇т̇а жа ад̇т̇о гат̇ийяад̇и зд̇ааяаад̇и адтагат̇аа д̇т̇а-гаарасса дта-гаарам̣ гад̇ваа. махаабажжарияанд̇и махаабажжарийнаамигам̣. зд̇т̇а жа бажжарийд̇и ул̣умбам̣ вужжад̇и, д̇асмим̣ нисийд̣̇ид̇ваа гад̇ад̇д̇аа д̇амзва наамам̣ ж̇аад̇ам̣. ‘‘гурунд̣̇ийвалливихааро наама ад̇т̇и, д̇ад̇т̇а гад̇ад̇д̇аа ‘гурунд̣̇ий’д̇и наамам̣ ж̇аад̇а’’нд̇и вад̣̇анд̇и. аад̣̇исад̣̇д̣̇зна анд̇хагадтагат̇ам̣ сан̇кзбадтагат̇ан̃жа сан̇г̇ан̣хаад̇и.
Saṃvaṇṇanaṃ tañcātiādinā attano saṃvaṇṇanāya karaṇappakāraṃ dasseti. Tattha tañca idāni vuccamānaṃ saṃvaṇṇanaṃ samārabhanto sakalāyapi mahāaṭṭhakathāya idha gahetabbato mahāaṭṭhakathaṃ tassā idāni vuccamānāya saṃvaṇṇanāya sarīraṃ katvā mahāpaccariyaṃ yo vinicchayo vutto, tatheva kurundīnāmādīsu vissutāsu aṭṭhakathāsu yo vinicchayo vutto, tatopi vinicchayato yuttamatthaṃ apariccajanto antogadhattheravādaṃ katvā saṃvaṇṇanaṃ sammā samārabhissanti padatthasambandho veditabbo. Ettha ca attho kathīyati etāyāti aṭṭhakathā ttha-kārassa ṭṭha-kāraṃ katvā. Mahāpaccariyanti mahāpaccarīnāmikaṃ. Ettha ca paccarīti uḷumpaṃ vuccati, tasmiṃ nisīditvā katattā tameva nāmaṃ jātaṃ. ‘‘Kurundīvallivihāro nāma atthi, tattha katattā ‘kurundī’ti nāmaṃ jāta’’nti vadanti. Ādisaddena andhakaṭṭhakathaṃ saṅkhepaṭṭhakathañca saṅgaṇhāti.
яуд̇д̇амад̇т̇анд̇и махааадтагат̇аанаязна, жад̇уб̣б̣ид̇хавинаяаяуд̇д̇ияаа ваа яуд̇д̇амад̇т̇ам̣. ‘‘адтагат̇ам̣язва г̇ахзд̇ваа сам̣ван̣н̣анам̣ гариссаамий’’д̇и вуд̇д̇з адтагат̇аасу вуд̇д̇ад̇т̇зраваад̣̇аанам̣ б̣аахирабхааво сияаад̇и д̇зби анд̇огад̇д̇угаамо ‘‘анд̇ог̇ад̇хат̇зраваад̣̇а’’нд̇и ааха, т̇зраваад̣̇зби анд̇огад̇ваад̇и вуд̇д̇ам̣ ход̇и.
Yuttamatthanti mahāaṭṭhakathānayena, catubbidhavinayayuttiyā vā yuttamatthaṃ. ‘‘Aṭṭhakathaṃyeva gahetvā saṃvaṇṇanaṃ karissāmī’’ti vutte aṭṭhakathāsu vuttattheravādānaṃ bāhirabhāvo siyāti tepi antokattukāmo ‘‘antogadhatheravāda’’nti āha, theravādepi antokatvāti vuttaṃ hoti.
д̇ам̣ мзд̇и г̇аат̇ааяа сод̇уухи бадибаж̇ж̇ид̇аб̣б̣авид̇хим̣ д̣̇ассзд̇и. д̇ад̇т̇а д̇хаммаббад̣̇ийбассаад̇и д̇хаммо зва моханд̇хагааравид̣̇д̇хам̣санад̇о бад̣̇ийбасад̣̇исад̇д̇аа бад̣̇ийбо ассаад̇и д̇хаммаббад̣̇ийбо, бхаг̇аваа, д̇асса. бад̇имаанаяанд̇аад̇и бууж̇знд̇аа манасаа г̇арум̣ гаронд̇аа нисаамзнд̇у сун̣анд̇у.
Taṃ meti gāthāya sotūhi paṭipajjitabbavidhiṃ dasseti. Tattha dhammappadīpassāti dhammo eva mohandhakāraviddhaṃsanato padīpasadisattā padīpo assāti dhammappadīpo, bhagavā, tassa. Patimānayantāti pūjentā manasā garuṃ karontā nisāmentu suṇantu.
б̣уд̣̇д̇хзнаад̇иаад̣̇инаа ад̇д̇ано сам̣ван̣н̣анааяа ааг̇аманасуд̣̇д̇хид̣̇ассанамукзна бамаан̣абхаавам̣ д̣̇ассзд̇ваа анусигкид̇аб̣б̣ад̇ам̣ д̣̇ассзд̇и. д̇ад̇т̇а яат̇зва б̣уд̣̇д̇хзна яо д̇хаммо винаяо жа вуд̇д̇о, со д̇асса б̣уд̣̇д̇хасса язхи буд̇д̇зхи махаагассабад̇т̇зраад̣̇ийхи д̇ат̇зва н̃аад̇о, д̇зсам̣ б̣уд̣̇д̇хабуд̇д̇аанам̣ мад̇имажжаж̇анд̇аа сийхал̣адтагат̇аажарияаа яасмаа бурз адтагат̇аа агам̣сууд̇и самб̣анд̇хо взд̣̇ид̇аб̣б̣о. д̇ад̇т̇а д̇хаммод̇и суд̇д̇аабхид̇хаммз сан̇г̇ан̣хаад̇и. винаяод̇и сагалам̣ винаяабидагам̣. вуд̇д̇од̇и баал̣ид̇о жа ад̇т̇ад̇о жа б̣уд̣̇д̇хзна бхаг̇авад̇аа вуд̇д̇о. на хи бхаг̇авад̇аа аб̣яаагад̇ам̣ наама д̇анд̇ибад̣̇ам̣ ад̇т̇и, д̇ад̇т̇а д̇ад̇т̇а бхаг̇авад̇аа бавад̇д̇ид̇абагин̣н̣агад̣̇зсанааязва хи адтагат̇аа. д̇ат̇зва н̃аад̇од̇и яат̇зва б̣уд̣̇д̇хзна вуд̇д̇о, д̇ат̇зва згабад̣̇амби згагкарамби авинаасзд̇ваа ад̇хиббааяан̃жа авигобзд̇ваа н̃аад̇о вид̣̇ид̇од̇и ад̇т̇о. д̇зсам̣ мад̇имажжаж̇анд̇аад̇и д̇зсам̣ б̣уд̣̇д̇хабуд̇д̇аанам̣ мад̇исан̇каад̇ам̣ т̇зрабарамбарааяа уг̇г̇ахзд̇ваа аабхад̇ам̣ аб̣б̣ожчиннам̣ баал̣иван̣н̣анаавасзна жзва баал̣имуд̇д̇агавасзна жа бавад̇д̇ам̣ саб̣б̣ам̣ адтагат̇аавинижчаяам̣ абарижжаж̇анд̇аа. адтагат̇аа агам̣сууд̇и махааадтагат̇аамахаабажжариаад̣̇игаа сийхал̣адтагат̇ааяо агам̣су. ‘‘адтагат̇аамагам̣суу’’д̇иби баато, д̇ад̇т̇ааби соязвад̇т̇о.
Buddhenātiādinā attano saṃvaṇṇanāya āgamanasuddhidassanamukhena pamāṇabhāvaṃ dassetvā anusikkhitabbataṃ dasseti. Tattha yatheva buddhena yo dhammo vinayo ca vutto, so tassa buddhassa yehi puttehi mahākassapattherādīhi tatheva ñāto, tesaṃ buddhaputtānaṃ matimaccajantā sīhaḷaṭṭhakathācariyā yasmā pure aṭṭhakathā akaṃsūti sambandho veditabbo. Tattha dhammoti suttābhidhamme saṅgaṇhāti. Vinayoti sakalaṃ vinayapiṭakaṃ. Vuttoti pāḷito ca atthato ca buddhena bhagavatā vutto. Na hi bhagavatā abyākataṃ nāma tantipadaṃ atthi, tattha tattha bhagavatā pavattitapakiṇṇakadesanāyeva hi aṭṭhakathā. Tatheva ñātoti yatheva buddhena vutto, tatheva ekapadampi ekakkharampi avināsetvā adhippāyañca avikopetvā ñāto viditoti attho. Tesaṃ matimaccajantāti tesaṃ buddhaputtānaṃ matisaṅkhātaṃ theraparamparāya uggahetvā ābhataṃ abbocchinnaṃ pāḷivaṇṇanāvasena ceva pāḷimuttakavasena ca pavattaṃ sabbaṃ aṭṭhakathāvinicchayaṃ apariccajantā. Aṭṭhakathā akaṃsūti mahāaṭṭhakathāmahāpaccariādikā sīhaḷaṭṭhakathāyo akaṃsu. ‘‘Aṭṭhakathāmakaṃsū’’tipi pāṭho, tatthāpi soyevattho.
д̇асмаад̇и яасмаа д̇зсам̣ б̣уд̣̇д̇хабуд̇д̇аанам̣ ад̇хиббааяам̣ авигобзд̇ваа бурз адтагат̇аа агам̣су, д̇асмаа. яам̣ адтагат̇аасу вуд̇д̇ам̣, д̇ам̣ саб̣б̣амби бамаан̣анд̇и яож̇анаа. хийд̇и нибаад̇амад̇д̇ам̣ хзд̇уад̇т̇асса д̇асмаад̇и иминааязва багаасид̇ад̇д̇аа, авад̇хааран̣ад̇т̇о ваа, бамаан̣амзваад̇и. яад̣̇и адтагат̇аасу вуд̇д̇ам̣ саб̣б̣амби бамаан̣ам̣, звам̣ сад̇и д̇ад̇т̇а бамаад̣̇алзкааби бамаан̣ам̣ сияаад̇и ааха ‘‘важ̇ж̇аяид̇ваана бамаад̣̇алзка’’нд̇и, абараабарам̣ ликанд̇зхи бамаад̣̇зна сад̇им̣ абажжубадтабзд̇ваа ан̃н̃ад̇т̇а ликид̇аб̣б̣ам̣ ан̃н̃ад̇т̇а ликанаад̣̇ивасзна бавад̇д̇ид̇аа бамаад̣̇алзкаа наама, саа жа саманд̇абаасаад̣̇игааяам̣ д̇ад̇т̇а д̇ад̇т̇а саяамзва аавибхависсад̇и. буна яасмаад̇и бад̣̇асса самб̣анд̇хад̣̇ассанавасзна аяам̣ ад̇т̇аяож̇анаа – яасмаа адтагат̇аасу вуд̇д̇ам̣ ид̇ха имасмим̣ саасанз сигкаасу саг̇аараваанам̣ бан̣д̣ид̇аанам̣ бамаан̣амзва, яасмаа жа аяам̣ ван̣н̣анааби бхаасанд̇арабарижжааг̇аад̣̇имад̇д̇ависидтад̇ааяа ад̇т̇ад̇о абхиннаа, д̇ад̇о зва бамаан̣абхууд̇аава хзссад̇и, д̇асмаа анусигкид̇аб̣б̣аад̇и.
Tasmāti yasmā tesaṃ buddhaputtānaṃ adhippāyaṃ avikopetvā pure aṭṭhakathā akaṃsu, tasmā. Yaṃ aṭṭhakathāsu vuttaṃ, taṃ sabbampi pamāṇanti yojanā. Hīti nipātamattaṃ hetuatthassa tasmāti imināyeva pakāsitattā, avadhāraṇattho vā, pamāṇamevāti. Yadi aṭṭhakathāsu vuttaṃ sabbampi pamāṇaṃ, evaṃ sati tattha pamādalekhāpi pamāṇaṃ siyāti āha ‘‘vajjayitvāna pamādalekha’’nti, aparāparaṃ likhantehi pamādena satiṃ apaccupaṭṭhapetvā aññattha likhitabbaṃ aññattha likhanādivasena pavattitā pamādalekhā nāma, sā ca samantapāsādikāyaṃ tattha tattha sayameva āvibhavissati. Puna yasmāti padassa sambandhadassanavasena ayaṃ atthayojanā – yasmā aṭṭhakathāsu vuttaṃ idha imasmiṃ sāsane sikkhāsu sagāravānaṃ paṇḍitānaṃ pamāṇameva, yasmā ca ayaṃ vaṇṇanāpi bhāsantarapariccāgādimattavisiṭṭhatāya atthato abhinnā, tato eva pamāṇabhūtāva hessati, tasmā anusikkhitabbāti.
д̇ад̇од̇и д̇аахи адтагат̇аахи. бхаасанд̇арамзва хид̇ваад̇и сийхал̣абхаасам̣язва абанзд̇ваа. вид̇т̇аарамаг̇г̇ан̃жа самаасаяид̇ваад̇и бораан̣адтагат̇аасу яат̇аатаанз вад̇д̇аб̣б̣амби бад̣̇ад̇т̇авинижчаяаад̣̇игам̣ ад̇ивид̇т̇ин̣н̣зна важанаггамзна жзва вуд̇д̇амзва ад̇т̇анаяам̣ аббамад̇д̇агависзсзна бунаббунам̣ гат̇анзна жа д̇ад̇т̇а д̇ад̇т̇а бабан̃жид̇ам̣ д̇аад̣̇исам̣ вид̇т̇аарамаг̇г̇ам̣ бахааяа саллахугзна ад̇т̇авин̃н̃аабагзна бад̣̇аггамзна жзва вуд̇д̇анаяасад̣̇исам̣ вад̇д̇аб̣б̣ам̣ ад̇ид̣̇исид̇ваа жа сан̇кзбанаязнзва ван̣н̣аяиссаамаад̇и ад̇хиббааяо. саарад̇т̇ад̣̇ийбанияам̣ бана винаяадийгааяам̣ ‘‘бораан̣адтагат̇аасу убари вужжамаанамби аанзд̇ваа д̇ад̇т̇а д̇ад̇т̇а бабан̃жид̇ам̣ н̃ад̇д̇ижад̇уд̇т̇зна гаммзна…бз… убасамбаннод̇и бхигкууд̇и зд̇т̇а абалоганаад̣̇ийнам̣ жад̇уннамби гаммаанам̣ вид̇т̇аарагат̇аа вияа д̇аад̣̇исам̣ вид̇т̇аарамаг̇г̇ам̣ сан̇кибид̇ваа’’д̇и вуд̇д̇ам̣, д̇ам̣ д̇анд̇иггамам̣ ган̃жи авоггамид̇ваад̇и зд̇т̇зва вад̇д̇ум̣ яуд̇д̇ам̣. ан̃н̃ад̇т̇а баал̣ияаа вад̇д̇аб̣б̣ам̣ ан̃н̃ад̇т̇а гат̇анан̃хи д̇анд̇иггамам̣ воггамид̇ваа гат̇анам̣ наама. д̇ат̇аа хи вуд̇д̇ам̣ ‘‘д̇ат̇зва ван̣н̣ид̇ум̣ яуд̇д̇аруубам̣ худ̇ваа ануггамзна ааг̇ад̇ам̣ баал̣им̣ барижжаж̇ид̇ваа сам̣ван̣н̣анад̇о сийхал̣адтагат̇аасу аяуд̇д̇адтаанз ван̣н̣ид̇ам̣ яат̇аатаанзязва ван̣н̣анад̇о жа вуд̇д̇ам̣ ‘д̇анд̇иггамам̣ ган̃жи авоггамид̇ваа’’’д̇и. д̇асмаа яат̇аавуд̇д̇анаязнзва ад̇т̇о г̇ахзд̇аб̣б̣о. гат̇ам̣ бана вид̇т̇аарамаг̇г̇асса сан̇кибанз винижчаяо на хийяад̇ийд̇и? ааха ‘‘винижчаяам̣ саб̣б̣амасзсаяид̇ваа’’д̇и. сан̇кибанд̇оби бунаббунам̣ важанаад̣̇имзва сан̇кибанд̇о, винижчаяам̣ бана адтагат̇аасу саб̣б̣аасуби вуд̇д̇ам̣ саб̣б̣амби асзсаяид̇ваа, гин̃жимад̇д̇амби абарихаабзд̇ваад̇и вуд̇д̇ам̣ ход̇и. д̇анд̇иггамам̣ ган̃жи авоггамид̇ваад̇и ган̃жи баал̣иггамам̣ анад̇иггамид̇ваа, ануггамзнзва баал̣им̣ ван̣н̣аяиссаамаад̇и ад̇т̇о.
Tatoti tāhi aṭṭhakathāhi. Bhāsantarameva hitvāti sīhaḷabhāsaṃyeva apanetvā. Vitthāramaggañca samāsayitvāti porāṇaṭṭhakathāsu yathāṭhāne vattabbampi padatthavinicchayādikaṃ ativitthiṇṇena vacanakkamena ceva vuttameva atthanayaṃ appamattakavisesena punappunaṃ kathanena ca tattha tattha papañcitaṃ tādisaṃ vitthāramaggaṃ pahāya sallahukena atthaviññāpakena padakkamena ceva vuttanayasadisaṃ vattabbaṃ atidisitvā ca saṅkhepanayeneva vaṇṇayissāmāti adhippāyo. Sāratthadīpaniyaṃ pana vinayaṭīkāyaṃ ‘‘porāṇaṭṭhakathāsu upari vuccamānampi ānetvā tattha tattha papañcitaṃ ñatticatutthena kammena…pe… upasampannoti bhikkhūti ettha apalokanādīnaṃ catunnampi kammānaṃ vitthārakathā viya tādisaṃ vitthāramaggaṃ saṅkhipitvā’’ti vuttaṃ, taṃ tantikkamaṃ kañci avokkamitvāti ettheva vattuṃ yuttaṃ. Aññattha pāḷiyā vattabbaṃ aññattha kathanañhi tantikkamaṃ vokkamitvā kathanaṃ nāma. Tathā hi vuttaṃ ‘‘tatheva vaṇṇituṃ yuttarūpaṃ hutvā anukkamena āgataṃ pāḷiṃ pariccajitvā saṃvaṇṇanato sīhaḷaṭṭhakathāsu ayuttaṭṭhāne vaṇṇitaṃ yathāṭhāneyeva vaṇṇanato ca vuttaṃ ‘tantikkamaṃ kañci avokkamitvā’’’ti. Tasmā yathāvuttanayeneva attho gahetabbo. Kathaṃ pana vitthāramaggassa saṅkhipane vinicchayo na hīyatīti? Āha ‘‘vinicchayaṃ sabbamasesayitvā’’ti. Saṅkhipantopi punappunaṃ vacanādimeva saṅkhipanto, vinicchayaṃ pana aṭṭhakathāsu sabbāsupi vuttaṃ sabbampi asesayitvā, kiñcimattampi aparihāpetvāti vuttaṃ hoti. Tantikkamaṃ kañci avokkamitvāti kañci pāḷikkamaṃ anatikkamitvā, anukkameneva pāḷiṃ vaṇṇayissāmāti attho.
суд̇д̇анд̇игаанам̣ важанаанамад̇т̇анд̇и взран̃ж̇аган̣д̣аад̣̇ийсу ааг̇ад̇аанам̣ жхаанагат̇аад̣̇ийнам̣ суд̇д̇анд̇аважанаанам̣ сийхал̣адтагат̇аасу ‘‘суд̇д̇анд̇игаанам̣ бхааро’’д̇и вад̇ваа аван̣н̣ид̇аб̣б̣адтаанам̣ ад̇т̇ам̣ д̇ам̣д̇ам̣суд̇д̇аануруубам̣ саб̣б̣асо барид̣̇ийбаяиссаамаад̇и ад̇хиббааяо. хзссад̇ийд̇и бхависсад̇и, гарийяиссад̇ийд̇и ваа ад̇т̇о. зд̇т̇а жа батамасмим̣ ад̇т̇авигаббз ‘‘бхаасанд̇арабарижжааг̇аад̣̇игам̣ жад̇уб̣б̣ид̇хам̣ гижжам̣ нибпаад̣̇зд̇ваа суд̇д̇анд̇игаанам̣ важанаанамад̇т̇ам̣ барид̣̇ийбаяанд̇ий аяам̣ ван̣н̣анаа бхависсад̇ий’’д̇и ван̣н̣анаавасзна самаанагад̇д̇угад̇аа взд̣̇ид̇аб̣б̣аа. бажчимасмим̣ ад̇т̇авигаббз бана ‘‘хздтаа вуд̇д̇абхаасанд̇арабарижжааг̇аад̣̇игам̣ гад̇ваа суд̇д̇анд̇игаанам̣ важанаанамад̇т̇ам̣ барид̣̇ийбаяанд̇ий аяам̣ ван̣н̣анаа амхзхи гарийяиссад̇ий’’д̇и звам̣ аажарияавасзна самаанагад̇д̇угад̇аа взд̣̇ид̇аб̣б̣аа.
Suttantikānaṃ vacanānamatthanti verañjakaṇḍādīsu āgatānaṃ jhānakathādīnaṃ suttantavacanānaṃ sīhaḷaṭṭhakathāsu ‘‘suttantikānaṃ bhāro’’ti vatvā avaṇṇitabbaṭṭhānaṃ atthaṃ taṃtaṃsuttānurūpaṃ sabbaso paridīpayissāmāti adhippāyo. Hessatīti bhavissati, karīyissatīti vā attho. Ettha ca paṭhamasmiṃ atthavikappe ‘‘bhāsantarapariccāgādikaṃ catubbidhaṃ kiccaṃ nipphādetvā suttantikānaṃ vacanānamatthaṃ paridīpayantī ayaṃ vaṇṇanā bhavissatī’’ti vaṇṇanāvasena samānakattukatā veditabbā. Pacchimasmiṃ atthavikappe pana ‘‘heṭṭhā vuttabhāsantarapariccāgādikaṃ katvā suttantikānaṃ vacanānamatthaṃ paridīpayantī ayaṃ vaṇṇanā amhehi karīyissatī’’ti evaṃ ācariyavasena samānakattukatā veditabbā.
г̇ант̇аарамбхагат̇ааван̣н̣анаанаяо нидтид̇о.
Ganthārambhakathāvaṇṇanānayo niṭṭhito.
