| Library / Tipiṭaka / д̇ибидага • Tipiṭaka / винаяавинижчаяа-дийгаа • Vinayavinicchaya-ṭīkā |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
уд̇д̇аравинижчаяа-дийгаа
Uttaravinicchaya-ṭīkā
г̇ант̇аарамбхагат̇ааван̣н̣анаа
Ganthārambhakathāvaṇṇanā
(га)
(Ka)
д̣̇зваад̇ид̣̇звам̣ суг̇ад̇ам̣, д̣̇зваб̣рхминд̣̇аванд̣̇ид̇ам̣;
Devātidevaṃ sugataṃ, devabrhmindavanditaṃ;
д̇хамман̃жа ваддубажчзд̣̇ам̣, над̇ваа ваддаад̇ид̇ам̣ г̇ан̣ам̣.
Dhammañca vaṭṭupacchedaṃ, natvā vaṭṭātitaṃ gaṇaṃ.
(ка)
(Kha)
ванд̣̇анаамаяабун̃н̃зна, гаммзна рад̇анад̇д̇аяз;
Vandanāmayapuññena, kammena ratanattaye;
чзд̇ваа убад̣̇д̣̇авз саб̣б̣з, аарабхиссам̣ самаахид̇о.
Chetvā upaddave sabbe, ārabhissaṃ samāhito.
(г̇а)
(Ga)
т̇зрзна б̣уд̣̇д̇хад̣̇ад̇д̇зна, ражид̇асса самаасад̇о;
Therena buddhadattena, racitassa samāsato;
сам̣ван̣н̣анамасам̣гин̣н̣ам̣, уд̇д̇арасса яат̇ааб̣алам̣.
Saṃvaṇṇanamasaṃkiṇṇaṃ, uttarassa yathābalaṃ.
1. ат̇ааяамаажарияо ад̇д̇ано виражид̇з винаяз д̇ассубаниссаяз винаяабидагз жа бхигкуунам̣ наанаббагаарагосаллаж̇ананад̇т̇ам̣ бариваарадтагат̇ааяан̃жа ааг̇ад̇авинижчаяам̣ сан̇г̇ахзд̇ваа уд̇д̇арабагаран̣ам̣ ван̣н̣аяид̇угаамо батамам̣ д̇аава анд̇арааяанивааран̣зна яат̇аад̇хиббзд̇асаад̇ханад̇т̇ам̣ рад̇анад̇д̇аяам̣ ванд̣̇анд̇о ааха ‘‘саб̣б̣асад̇д̇уд̇д̇ама’’нд̇иаад̣̇и.
1. Athāyamācariyo attano viracite vinaye tassupanissaye vinayapiṭake ca bhikkhūnaṃ nānappakārakosallajananatthaṃ parivāraṭṭhakathāyañca āgatavinicchayaṃ saṅgahetvā uttarapakaraṇaṃ vaṇṇayitukāmo paṭhamaṃ tāva antarāyanivāraṇena yathādhippetasādhanatthaṃ ratanattayaṃ vandanto āha ‘‘sabbasattuttama’’ntiādi.
багаран̣аарамбхз рад̇анад̇д̇аяаванд̣̇анаабаяож̇анам̣ д̇ад̇т̇а д̇ад̇т̇аажариязхи б̣ахуд̇хаа бабан̃жид̇ам̣, амхзхи жа винаяавинижчаяаван̣н̣анааяам̣ самаасад̇о д̣̇ассид̇анд̇и на д̇ам̣ ид̇ха ван̣н̣аяиссаама. багаран̣аабхид̇хзяяа гаран̣аббагаарабаяож̇анааниби д̇ад̇т̇а д̣̇ассид̇анаяаанусаарзна ид̇хааби взд̣̇ид̇аб̣б̣аани. самб̣анд̇хаад̣̇ид̣̇ассанамукзна ануд̇д̇аанабад̣̇аван̣н̣анамзвзд̇т̇а гариссаами.
Pakaraṇārambhe ratanattayavandanāpayojanaṃ tattha tatthācariyehi bahudhā papañcitaṃ, amhehi ca vinayavinicchayavaṇṇanāyaṃ samāsato dassitanti na taṃ idha vaṇṇayissāma. Pakaraṇābhidheyya karaṇappakārapayojanānipi tattha dassitanayānusārena idhāpi veditabbāni. Sambandhādidassanamukhena anuttānapadavaṇṇanamevettha karissāmi.
ж̇инам̣, д̇хамман̃жа, г̇ан̣ан̃жа ванд̣̇ид̇ваа уд̇д̇арам̣ д̣̇аани гариссаамийд̇и самб̣анд̇хо. гим̣висидтам̣ ж̇инам̣, д̇хаммам̣, г̇ан̣ан̃жа ванд̣̇ид̇ваад̇и ааха ‘‘саб̣б̣асад̇д̇уд̇д̇ама’’нд̇иаад̣̇и. д̇ад̇т̇а саб̣б̣асад̇д̇уд̇д̇аманд̇и бан̃жасу гаамаг̇ун̣зсу сад̇д̇аа аасад̇д̇аа висад̇д̇аа лаг̇г̇ид̇аад̇и сад̇д̇аа, барамад̇т̇ад̇о сад̇д̇абан̃н̃ад̇д̇ияаа убаад̣̇аанабхууд̇аа убаад̣̇аанагканд̇хаа вохаарад̇о канд̇хасанд̇ад̇им̣ убаад̣̇ааяа бан̃н̃ад̇д̇аа саммуд̇и ‘‘сад̇д̇аа’’д̇и вужжанд̇и. д̇з бана гаамааважараад̣̇ибхуумивасзна, нираяаад̣̇ибад̣̇зсавасзна, ахзд̇угаад̣̇ибадисанд̇хивасзнаад̇и звамаад̣̇ийхи ананд̇абабхзд̣̇аа. д̇зсу кийн̣аасаваанам̣ яат̇аавуд̇д̇аниб̣б̣ажанад̇т̇зна сад̇д̇авохааро на лаб̣бхад̇и. д̇ат̇ааби д̇з бхууд̇абуб̣б̣аг̇ад̇ияаа ваа д̇ам̣сад̣̇исад̇д̇аа ваа ‘‘сад̇д̇аа’’д̇и вужжанд̇и. саб̣б̣з жа д̇з сад̇д̇аа жаа д̇и саб̣б̣асад̇д̇аа. уд̣̇д̇хадад̇амад̇д̇аа, уг̇г̇ад̇ад̇амад̇д̇аа, сздтад̇д̇аа жа уд̇д̇амо, саб̣б̣асад̇д̇аанам̣ логияалогуд̇д̇арзхи руубааруубаг̇ун̣зхи уд̇д̇амо, саб̣б̣асад̇д̇зсу ваа уд̇д̇амо баваро сздтод̇и саб̣б̣асад̇д̇уд̇д̇амо. ‘‘ж̇ина’’нд̇и зд̇асса висзсанам̣.
Jinaṃ, dhammañca, gaṇañca vanditvā uttaraṃ dāni karissāmīti sambandho. Kiṃvisiṭṭhaṃ jinaṃ, dhammaṃ, gaṇañca vanditvāti āha ‘‘sabbasattuttama’’ntiādi. Tattha sabbasattuttamanti pañcasu kāmaguṇesu sattā āsattā visattā laggitāti sattā, paramatthato sattapaññattiyā upādānabhūtā upādānakkhandhā vohārato khandhasantatiṃ upādāya paññattā sammuti ‘‘sattā’’ti vuccanti. Te pana kāmāvacarādibhūmivasena, nirayādipadesavasena, ahetukādipaṭisandhivasenāti evamādīhi anantapabhedā. Tesu khīṇāsavānaṃ yathāvuttanibbacanatthena sattavohāro na labbhati. Tathāpi te bhūtapubbagatiyā vā taṃsadisattā vā ‘‘sattā’’ti vuccanti. Sabbe ca te sattā cā ti sabbasattā. Uddhaṭatamattā, uggatatamattā, seṭṭhattā ca uttamo, sabbasattānaṃ lokiyalokuttarehi rūpārūpaguṇehi uttamo, sabbasattesu vā uttamo pavaro seṭṭhoti sabbasattuttamo. ‘‘Jina’’nti etassa visesanaṃ.
бунаби гим̣висидтанд̇и ааха ‘‘д̇хийра’’нд̇и. д̇хий вужжад̇и бан̃н̃аа, д̇ааяа ийрад̇и вад̇д̇ад̇ийд̇и д̇хийро, д̇ам̣. д̇аад̣̇ибхаавзна инд̣̇акийласинзруаад̣̇аяо вияа адталогад̇хаммасан̇каад̇зна бхусаваад̇зна агамбияадтзна, жад̇увзсаараж̇ж̇авасзна сад̣̇звагз логз гзнажи агамбанийяадтзна жа д̇хийрам̣, д̇хид̇исамбаннанд̇и ад̇т̇о. ид̣̇амби д̇ассзва висзсанам̣.
Punapi kiṃvisiṭṭhanti āha ‘‘dhīra’’nti. Dhī vuccati paññā, tāya īrati vattatīti dhīro, taṃ. Tādibhāvena indakhīlasineruādayo viya aṭṭhalokadhammasaṅkhātena bhusavātena akampiyaṭṭhena, catuvesārajjavasena sadevake loke kenaci akampanīyaṭṭhena ca dhīraṃ, dhitisampannanti attho. Idampi tasseva visesanaṃ.
ванд̣̇ид̇ваад̇и гааяаважийманод̣̇ваарзхи абхиваад̣̇зд̇ваад̇и ад̇т̇о, яат̇аабхужжаг̇ун̣асам̣гид̇д̇анзна т̇омзд̇ваа. сирасаад̇и бхад̇д̇ибхааванад̇уд̇д̇аман̇г̇зна гаран̣абхууд̇зна. иминаа висзсад̇о гааяабан̣аамо д̣̇ассид̇о, г̇ун̣асам̣гид̇д̇анзна важийбан̣аамо, убхаяабан̣аамзхи наананд̇арияагад̇ааяа манобан̣аамоби д̣̇ассид̇о жа ход̇и.
Vanditvāti kāyavacīmanodvārehi abhivādetvāti attho, yathābhuccaguṇasaṃkittanena thometvā. Sirasāti bhattibhāvanatuttamaṅgena karaṇabhūtena. Iminā visesato kāyapaṇāmo dassito, guṇasaṃkittanena vacīpaṇāmo, ubhayapaṇāmehi nānantariyakatāya manopaṇāmopi dassito ca hoti.
ж̇инанд̇и д̣̇звабуд̇д̇агилзсаабхисан̇каарамажжуканд̇хамаарасан̇каад̇з бан̃жавид̇хз маарз б̣алавид̇хаманасамаужчзд̣̇абахаанасахааяавзгалланид̣̇аанобажчзд̣̇ависаяаад̇иггамавасзна бан̃жахи аагаарзхи ж̇ид̇аваад̇и ж̇ино, д̇ам̣.
Jinanti devaputtakilesābhisaṅkhāramaccukhandhamārasaṅkhāte pañcavidhe māre balavidhamanasamaucchedapahānasahāyavekallanidānopacchedavisayātikkamavasena pañcahi ākārehi jitavāti jino, taṃ.
‘‘д̇хамма’’нд̇и зд̇асса ниб̣б̣ажанаад̣̇ивасзна ад̇т̇авинижчаяо хздтаа д̣̇ассид̇ова. ад̇хаммавид̣̇д̇хам̣санд̇и д̇хаммасан̇каад̇асса гусаласса бадибагкад̇д̇аа ад̇хаммо вужжад̇и агусалад̇хаммо, д̇ам̣ агусаласан̇каад̇ам̣ ад̇хаммам̣ вид̣̇д̇хам̣сзд̇и винаасзд̇и баж̇ахад̇и д̇ад̣̇ан̇г̇авигкамбханасамужчзд̣̇абадиббассад̣̇д̇хиниссаран̣аббахаанзнаад̇и ад̇хаммавид̣̇д̇хам̣со, сабарияад̇д̇иго навалогуд̇д̇аро д̇хаммо. барияад̇д̇и хи бан̃жаннам̣ бахаанаанам̣ муулагааран̣ад̇д̇аа палуубажаарзна д̇ат̇аа вужжад̇и, д̇ам̣ ад̇хаммавид̣̇д̇хам̣сам̣. ‘‘д̇хамма’’нд̇и зд̇асса висзсанам̣.
‘‘Dhamma’’nti etassa nibbacanādivasena atthavinicchayo heṭṭhā dassitova. Adhammaviddhaṃsanti dhammasaṅkhātassa kusalassa paṭipakkhattā adhammo vuccati akusaladhammo, taṃ akusalasaṅkhātaṃ adhammaṃ viddhaṃseti vināseti pajahati tadaṅgavikkhambhanasamucchedapaṭippassaddhinissaraṇappahānenāti adhammaviddhaṃso, sapariyattiko navalokuttaro dhammo. Pariyatti hi pañcannaṃ pahānānaṃ mūlakāraṇattā phalūpacārena tathā vuccati, taṃ adhammaviddhaṃsaṃ. ‘‘Dhamma’’nti etassa visesanaṃ.
г̇ан̣анд̇и адтаннам̣ арияабуг̇г̇алаанам̣ самуухам̣, сан̇гханд̇и ад̇т̇о. ан̇г̇ан̣анаасананд̇и ад̇д̇ано ниссаяам̣ ан̇г̇анд̇и мад̇т̇знд̇ийд̇и ан̇г̇ан̣аа, гилзсаа рааг̇ад̣̇осамохаа, д̇з ан̇г̇ан̣з наасзд̇и яат̇ааяог̇ам̣ д̇ад̣̇ан̇г̇авигкамбханасамужчзд̣̇абадиббассад̣̇д̇хиниссаран̣аббахаанзхи баж̇ахад̇ийд̇и ан̇г̇ан̣анаасано, д̇ам̣. ‘‘г̇ан̣а’’нд̇и зд̇асса висзсанам̣.
Gaṇanti aṭṭhannaṃ ariyapuggalānaṃ samūhaṃ, saṅghanti attho. Aṅgaṇanāsananti attano nissayaṃ aṅganti matthentīti aṅgaṇā, kilesā rāgadosamohā, te aṅgaṇe nāseti yathāyogaṃ tadaṅgavikkhambhanasamucchedapaṭippassaddhinissaraṇappahānehi pajahatīti aṅgaṇanāsano, taṃ. ‘‘Gaṇa’’nti etassa visesanaṃ.
2. маяаа винаяасса яо сааро винижчаяо ражид̇о, д̇асса винижчаяассаад̇и яож̇анаа. над̇т̇и д̇асса уд̇д̇арод̇и ануд̇д̇аро, саб̣б̣зсу винижчаязсу, саб̣б̣зсам̣ ваа винижчаяаанам̣ ануд̇д̇аро уд̇д̇амо винижчаяод̇и саб̣б̣аануд̇д̇аро, д̇ам̣. уд̇д̇арам̣ багаран̣ам̣ ид̣̇аани гариссаамийд̇и яож̇анаа.
2. Mayā vinayassa yo sāro vinicchayo racito, tassa vinicchayassāti yojanā. Natthi tassa uttaroti anuttaro, sabbesu vinicchayesu, sabbesaṃ vā vinicchayānaṃ anuttaro uttamo vinicchayoti sabbānuttaro, taṃ. Uttaraṃ pakaraṇaṃ idāni karissāmīti yojanā.
3. бхан̣ад̇од̇и бхан̣анд̇асса баг̇ун̣ам̣ ваажуг̇г̇ад̇ам̣ гаронд̇асса. батад̇од̇и батанд̇асса ваажуг̇г̇ад̇ам̣ саж̇жхааяанд̇асса. баяун̃ж̇ад̇од̇и д̇ад̇т̇а багаарзна яун̃ж̇анд̇асса, д̇ам̣ ан̃н̃зсам̣ ваажзнд̇асса ваа. сун̣ад̇од̇и барзхи вужжамаанам̣ сун̣анд̇асса. жинд̇аяад̇од̇и яат̇аасуд̇ам̣ ад̇т̇ад̇о, сад̣̇д̣̇ад̇о жа жинд̇знд̇асса. ‘‘аб̣уд̣̇д̇хасса б̣уд̣̇д̇хивад̣дхана’’нд̇и вад̇д̇аб̣б̣з г̇аат̇ааб̣анд̇хавасзна вибхад̇д̇илобо. аб̣уд̣̇д̇хасса б̣ааласса винаяз аббагад̇ан̃н̃уно бхигкубхигкуниж̇анасса. б̣уд̣̇д̇хивад̣дханам̣ винаяавинижчаяз бан̃н̃аавуд̣̇д̇хинибпаад̣̇агам̣. ат̇а ваа б̣уд̣̇д̇хасса винижчаяз гад̇абарижаяад̇д̇аа бан̃н̃авад̇о ж̇анасса б̣уд̣̇д̇хивад̣дханам̣ б̣уд̣̇д̇хияаа бан̃н̃ааяа д̇игкависад̣̇абхааваабаад̣̇анзна бхияяобхаавасаад̇хагам̣. барамам̣ уд̇д̇амам̣ уд̇д̇арам̣ наама багаран̣ам̣ вад̣̇ад̇о гат̇знд̇асса мз мама санд̇игаа нирад̇аа винижчаяз, д̇ийсу сигкаасу ваа висзсзна рад̇аа ниб̣од̇хат̇а ж̇аанаат̇а суд̇амаяан̃аан̣ам̣ абхинибпаад̣̇зт̇аад̇и сод̇уж̇анам̣ саванз нияож̇зд̇и.
3.Bhaṇatoti bhaṇantassa paguṇaṃ vācuggataṃ karontassa. Paṭhatoti paṭhantassa vācuggataṃ sajjhāyantassa. Payuñjatoti tattha pakārena yuñjantassa, taṃ aññesaṃ vācentassa vā. Suṇatoti parehi vuccamānaṃ suṇantassa. Cintayatoti yathāsutaṃ atthato, saddato ca cintentassa. ‘‘Abuddhassa buddhivaḍḍhana’’nti vattabbe gāthābandhavasena vibhattilopo. Abuddhassa bālassa vinaye appakataññuno bhikkhubhikkhunijanassa. Buddhivaḍḍhanaṃ vinayavinicchaye paññāvuddhinipphādakaṃ. Atha vā buddhassa vinicchaye kataparicayattā paññavato janassa buddhivaḍḍhanaṃ buddhiyā paññāya tikkhavisadabhāvāpādanena bhiyyobhāvasādhakaṃ. Paramaṃ uttamaṃ uttaraṃ nāma pakaraṇaṃ vadato kathentassa me mama santikā niratā vinicchaye, tīsu sikkhāsu vā visesena ratā nibodhatha jānātha sutamayañāṇaṃ abhinipphādethāti sotujanaṃ savane niyojeti.
