| Library / Tipiṭaka / ਤਿਪਿਟਕ • Tipiṭaka / વਿਨਯવਿਨਿਚ੍ਛਯ-ਟੀਕਾ • Vinayavinicchaya-ṭīkā |
॥ ਨਮੋ ਤਸ੍ਸ ਭਗવਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ॥
Namo tassa bhagavato arahato sammāsambuddhassa
ਉਤ੍ਤਰવਿਨਿਚ੍ਛਯ-ਟੀਕਾ
Uttaravinicchaya-ṭīkā
ਗਨ੍ਥਾਰਮ੍ਭਕਥਾવਣ੍ਣਨਾ
Ganthārambhakathāvaṇṇanā
(ਕ)
(Ka)
ਦੇવਾਤਿਦੇવਂ ਸੁਗਤਂ, ਦੇવਬ੍ਰ੍ਹ੍ਮਿਨ੍ਦવਨ੍ਦਿਤਂ।
Devātidevaṃ sugataṃ, devabrhmindavanditaṃ;
ਧਮ੍ਮਞ੍ਚ વਟ੍ਟੁਪਚ੍ਛੇਦਂ, ਨਤ੍વਾ વਟ੍ਟਾਤਿਤਂ ਗਣਂ॥
Dhammañca vaṭṭupacchedaṃ, natvā vaṭṭātitaṃ gaṇaṃ.
(ਖ)
(Kha)
વਨ੍ਦਨਾਮਯਪੁਞ੍ਞੇਨ, ਕਮ੍ਮੇਨ ਰਤਨਤ੍ਤਯੇ।
Vandanāmayapuññena, kammena ratanattaye;
ਛੇਤ੍વਾ ਉਪਦ੍ਦવੇ ਸਬ੍ਬੇ, ਆਰਭਿਸ੍ਸਂ ਸਮਾਹਿਤੋ॥
Chetvā upaddave sabbe, ārabhissaṃ samāhito.
(ਗ)
(Ga)
ਥੇਰੇਨ ਬੁਦ੍ਧਦਤ੍ਤੇਨ, ਰਚਿਤਸ੍ਸ ਸਮਾਸਤੋ।
Therena buddhadattena, racitassa samāsato;
ਸਂવਣ੍ਣਨਮਸਂਕਿਣ੍ਣਂ, ਉਤ੍ਤਰਸ੍ਸ ਯਥਾਬਲਂ॥
Saṃvaṇṇanamasaṃkiṇṇaṃ, uttarassa yathābalaṃ.
੧. ਅਥਾਯਮਾਚਰਿਯੋ ਅਤ੍ਤਨੋ વਿਰਚਿਤੇ વਿਨਯੇ ਤਸ੍ਸੁਪਨਿਸ੍ਸਯੇ વਿਨਯਪਿਟਕੇ ਚ ਭਿਕ੍ਖੂਨਂ ਨਾਨਪ੍ਪਕਾਰਕੋਸਲ੍ਲਜਨਨਤ੍ਥਂ ਪਰਿવਾਰਟ੍ਠਕਥਾਯਞ੍ਚ ਆਗਤવਿਨਿਚ੍ਛਯਂ ਸਙ੍ਗਹੇਤ੍વਾ ਉਤ੍ਤਰਪਕਰਣਂ વਣ੍ਣਯਿਤੁਕਾਮੋ ਪਠਮਂ ਤਾવ ਅਨ੍ਤਰਾਯਨਿવਾਰਣੇਨ ਯਥਾਧਿਪ੍ਪੇਤਸਾਧਨਤ੍ਥਂ ਰਤਨਤ੍ਤਯਂ વਨ੍ਦਨ੍ਤੋ ਆਹ ‘‘ਸਬ੍ਬਸਤ੍ਤੁਤ੍ਤਮ’’ਨ੍ਤਿਆਦਿ।
1. Athāyamācariyo attano viracite vinaye tassupanissaye vinayapiṭake ca bhikkhūnaṃ nānappakārakosallajananatthaṃ parivāraṭṭhakathāyañca āgatavinicchayaṃ saṅgahetvā uttarapakaraṇaṃ vaṇṇayitukāmo paṭhamaṃ tāva antarāyanivāraṇena yathādhippetasādhanatthaṃ ratanattayaṃ vandanto āha ‘‘sabbasattuttama’’ntiādi.
ਪਕਰਣਾਰਮ੍ਭੇ ਰਤਨਤ੍ਤਯવਨ੍ਦਨਾਪਯੋਜਨਂ ਤਤ੍ਥ ਤਤ੍ਥਾਚਰਿਯੇਹਿ ਬਹੁਧਾ ਪਪਞ੍ਚਿਤਂ, ਅਮ੍ਹੇਹਿ ਚ વਿਨਯવਿਨਿਚ੍ਛਯવਣ੍ਣਨਾਯਂ ਸਮਾਸਤੋ ਦਸ੍ਸਿਤਨ੍ਤਿ ਨ ਤਂ ਇਧ વਣ੍ਣਯਿਸ੍ਸਾਮ। ਪਕਰਣਾਭਿਧੇਯ੍ਯ ਕਰਣਪ੍ਪਕਾਰਪਯੋਜਨਾਨਿਪਿ ਤਤ੍ਥ ਦਸ੍ਸਿਤਨਯਾਨੁਸਾਰੇਨ ਇਧਾਪਿ વੇਦਿਤਬ੍ਬਾਨਿ। ਸਮ੍ਬਨ੍ਧਾਦਿਦਸ੍ਸਨਮੁਖੇਨ ਅਨੁਤ੍ਤਾਨਪਦવਣ੍ਣਨਮੇવੇਤ੍ਥ ਕਰਿਸ੍ਸਾਮਿ।
Pakaraṇārambhe ratanattayavandanāpayojanaṃ tattha tatthācariyehi bahudhā papañcitaṃ, amhehi ca vinayavinicchayavaṇṇanāyaṃ samāsato dassitanti na taṃ idha vaṇṇayissāma. Pakaraṇābhidheyya karaṇappakārapayojanānipi tattha dassitanayānusārena idhāpi veditabbāni. Sambandhādidassanamukhena anuttānapadavaṇṇanamevettha karissāmi.
ਜਿਨਂ, ਧਮ੍ਮਞ੍ਚ, ਗਣਞ੍ਚ વਨ੍ਦਿਤ੍વਾ ਉਤ੍ਤਰਂ ਦਾਨਿ ਕਰਿਸ੍ਸਾਮੀਤਿ ਸਮ੍ਬਨ੍ਧੋ। ਕਿਂવਿਸਿਟ੍ਠਂ ਜਿਨਂ, ਧਮ੍ਮਂ, ਗਣਞ੍ਚ વਨ੍ਦਿਤ੍વਾਤਿ ਆਹ ‘‘ਸਬ੍ਬਸਤ੍ਤੁਤ੍ਤਮ’’ਨ੍ਤਿਆਦਿ। ਤਤ੍ਥ ਸਬ੍ਬਸਤ੍ਤੁਤ੍ਤਮਨ੍ਤਿ ਪਞ੍ਚਸੁ ਕਾਮਗੁਣੇਸੁ ਸਤ੍ਤਾ ਆਸਤ੍ਤਾ વਿਸਤ੍ਤਾ ਲਗ੍ਗਿਤਾਤਿ ਸਤ੍ਤਾ, ਪਰਮਤ੍ਥਤੋ ਸਤ੍ਤਪਞ੍ਞਤ੍ਤਿਯਾ ਉਪਾਦਾਨਭੂਤਾ ਉਪਾਦਾਨਕ੍ਖਨ੍ਧਾ વੋਹਾਰਤੋ ਖਨ੍ਧਸਨ੍ਤਤਿਂ ਉਪਾਦਾਯ ਪਞ੍ਞਤ੍ਤਾ ਸਮ੍ਮੁਤਿ ‘‘ਸਤ੍ਤਾ’’ਤਿ વੁਚ੍ਚਨ੍ਤਿ। ਤੇ ਪਨ ਕਾਮਾવਚਰਾਦਿਭੂਮਿવਸੇਨ, ਨਿਰਯਾਦਿਪਦੇਸવਸੇਨ, ਅਹੇਤੁਕਾਦਿਪਟਿਸਨ੍ਧਿવਸੇਨਾਤਿ ਏવਮਾਦੀਹਿ ਅਨਨ੍ਤਪਭੇਦਾ। ਤੇਸੁ ਖੀਣਾਸવਾਨਂ ਯਥਾવੁਤ੍ਤਨਿਬ੍ਬਚਨਤ੍ਥੇਨ ਸਤ੍ਤવੋਹਾਰੋ ਨ ਲਬ੍ਭਤਿ। ਤਥਾਪਿ ਤੇ ਭੂਤਪੁਬ੍ਬਗਤਿਯਾ વਾ ਤਂਸਦਿਸਤ੍ਤਾ વਾ ‘‘ਸਤ੍ਤਾ’’ਤਿ વੁਚ੍ਚਨ੍ਤਿ। ਸਬ੍ਬੇ ਚ ਤੇ ਸਤ੍ਤਾ ਚਾ ਤਿ ਸਬ੍ਬਸਤ੍ਤਾ। ਉਦ੍ਧਟਤਮਤ੍ਤਾ, ਉਗ੍ਗਤਤਮਤ੍ਤਾ, ਸੇਟ੍ਠਤ੍ਤਾ ਚ ਉਤ੍ਤਮੋ, ਸਬ੍ਬਸਤ੍ਤਾਨਂ ਲੋਕਿਯਲੋਕੁਤ੍ਤਰੇਹਿ ਰੂਪਾਰੂਪਗੁਣੇਹਿ ਉਤ੍ਤਮੋ, ਸਬ੍ਬਸਤ੍ਤੇਸੁ વਾ ਉਤ੍ਤਮੋ ਪવਰੋ ਸੇਟ੍ਠੋਤਿ ਸਬ੍ਬਸਤ੍ਤੁਤ੍ਤਮੋ। ‘‘ਜਿਨ’’ਨ੍ਤਿ ਏਤਸ੍ਸ વਿਸੇਸਨਂ।
Jinaṃ, dhammañca, gaṇañca vanditvā uttaraṃ dāni karissāmīti sambandho. Kiṃvisiṭṭhaṃ jinaṃ, dhammaṃ, gaṇañca vanditvāti āha ‘‘sabbasattuttama’’ntiādi. Tattha sabbasattuttamanti pañcasu kāmaguṇesu sattā āsattā visattā laggitāti sattā, paramatthato sattapaññattiyā upādānabhūtā upādānakkhandhā vohārato khandhasantatiṃ upādāya paññattā sammuti ‘‘sattā’’ti vuccanti. Te pana kāmāvacarādibhūmivasena, nirayādipadesavasena, ahetukādipaṭisandhivasenāti evamādīhi anantapabhedā. Tesu khīṇāsavānaṃ yathāvuttanibbacanatthena sattavohāro na labbhati. Tathāpi te bhūtapubbagatiyā vā taṃsadisattā vā ‘‘sattā’’ti vuccanti. Sabbe ca te sattā cā ti sabbasattā. Uddhaṭatamattā, uggatatamattā, seṭṭhattā ca uttamo, sabbasattānaṃ lokiyalokuttarehi rūpārūpaguṇehi uttamo, sabbasattesu vā uttamo pavaro seṭṭhoti sabbasattuttamo. ‘‘Jina’’nti etassa visesanaṃ.
ਪੁਨਪਿ ਕਿਂવਿਸਿਟ੍ਠਨ੍ਤਿ ਆਹ ‘‘ਧੀਰ’’ਨ੍ਤਿ। ਧੀ વੁਚ੍ਚਤਿ ਪਞ੍ਞਾ, ਤਾਯ ਈਰਤਿ વਤ੍ਤਤੀਤਿ ਧੀਰੋ, ਤਂ। ਤਾਦਿਭਾવੇਨ ਇਨ੍ਦਖੀਲਸਿਨੇਰੁਆਦਯੋ વਿਯ ਅਟ੍ਠਲੋਕਧਮ੍ਮਸਙ੍ਖਾਤੇਨ ਭੁਸવਾਤੇਨ ਅਕਮ੍ਪਿਯਟ੍ਠੇਨ, ਚਤੁવੇਸਾਰਜ੍ਜવਸੇਨ ਸਦੇવਕੇ ਲੋਕੇ ਕੇਨਚਿ ਅਕਮ੍ਪਨੀਯਟ੍ਠੇਨ ਚ ਧੀਰਂ, ਧਿਤਿਸਮ੍ਪਨ੍ਨਨ੍ਤਿ ਅਤ੍ਥੋ। ਇਦਮ੍ਪਿ ਤਸ੍ਸੇવ વਿਸੇਸਨਂ।
Punapi kiṃvisiṭṭhanti āha ‘‘dhīra’’nti. Dhī vuccati paññā, tāya īrati vattatīti dhīro, taṃ. Tādibhāvena indakhīlasineruādayo viya aṭṭhalokadhammasaṅkhātena bhusavātena akampiyaṭṭhena, catuvesārajjavasena sadevake loke kenaci akampanīyaṭṭhena ca dhīraṃ, dhitisampannanti attho. Idampi tasseva visesanaṃ.
વਨ੍ਦਿਤ੍વਾਤਿ ਕਾਯવਚੀਮਨੋਦ੍વਾਰੇਹਿ ਅਭਿવਾਦੇਤ੍વਾਤਿ ਅਤ੍ਥੋ, ਯਥਾਭੁਚ੍ਚਗੁਣਸਂਕਿਤ੍ਤਨੇਨ ਥੋਮੇਤ੍વਾ। ਸਿਰਸਾਤਿ ਭਤ੍ਤਿਭਾવਨਤੁਤ੍ਤਮਙ੍ਗੇਨ ਕਰਣਭੂਤੇਨ। ਇਮਿਨਾ વਿਸੇਸਤੋ ਕਾਯਪਣਾਮੋ ਦਸ੍ਸਿਤੋ, ਗੁਣਸਂਕਿਤ੍ਤਨੇਨ વਚੀਪਣਾਮੋ, ਉਭਯਪਣਾਮੇਹਿ ਨਾਨਨ੍ਤਰਿਯਕਤਾਯ ਮਨੋਪਣਾਮੋਪਿ ਦਸ੍ਸਿਤੋ ਚ ਹੋਤਿ।
Vanditvāti kāyavacīmanodvārehi abhivādetvāti attho, yathābhuccaguṇasaṃkittanena thometvā. Sirasāti bhattibhāvanatuttamaṅgena karaṇabhūtena. Iminā visesato kāyapaṇāmo dassito, guṇasaṃkittanena vacīpaṇāmo, ubhayapaṇāmehi nānantariyakatāya manopaṇāmopi dassito ca hoti.
ਜਿਨਨ੍ਤਿ ਦੇવਪੁਤ੍ਤਕਿਲੇਸਾਭਿਸਙ੍ਖਾਰਮਚ੍ਚੁਖਨ੍ਧਮਾਰਸਙ੍ਖਾਤੇ ਪਞ੍ਚવਿਧੇ ਮਾਰੇ ਬਲવਿਧਮਨਸਮਉਚ੍ਛੇਦਪਹਾਨਸਹਾਯવੇਕਲ੍ਲਨਿਦਾਨੋਪਚ੍ਛੇਦવਿਸਯਾਤਿਕ੍ਕਮવਸੇਨ ਪਞ੍ਚਹਿ ਆਕਾਰੇਹਿ ਜਿਤવਾਤਿ ਜਿਨੋ, ਤਂ।
Jinanti devaputtakilesābhisaṅkhāramaccukhandhamārasaṅkhāte pañcavidhe māre balavidhamanasamaucchedapahānasahāyavekallanidānopacchedavisayātikkamavasena pañcahi ākārehi jitavāti jino, taṃ.
‘‘ਧਮ੍ਮ’’ਨ੍ਤਿ ਏਤਸ੍ਸ ਨਿਬ੍ਬਚਨਾਦਿવਸੇਨ ਅਤ੍ਥવਿਨਿਚ੍ਛਯੋ ਹੇਟ੍ਠਾ ਦਸ੍ਸਿਤੋવ। ਅਧਮ੍ਮવਿਦ੍ਧਂਸਨ੍ਤਿ ਧਮ੍ਮਸਙ੍ਖਾਤਸ੍ਸ ਕੁਸਲਸ੍ਸ ਪਟਿਪਕ੍ਖਤ੍ਤਾ ਅਧਮ੍ਮੋ વੁਚ੍ਚਤਿ ਅਕੁਸਲਧਮ੍ਮੋ, ਤਂ ਅਕੁਸਲਸਙ੍ਖਾਤਂ ਅਧਮ੍ਮਂ વਿਦ੍ਧਂਸੇਤਿ વਿਨਾਸੇਤਿ ਪਜਹਤਿ ਤਦਙ੍ਗવਿਕ੍ਖਮ੍ਭਨਸਮੁਚ੍ਛੇਦਪਟਿਪ੍ਪਸ੍ਸਦ੍ਧਿਨਿਸ੍ਸਰਣਪ੍ਪਹਾਨੇਨਾਤਿ ਅਧਮ੍ਮવਿਦ੍ਧਂਸੋ, ਸਪਰਿਯਤ੍ਤਿਕੋ ਨવਲੋਕੁਤ੍ਤਰੋ ਧਮ੍ਮੋ। ਪਰਿਯਤ੍ਤਿ ਹਿ ਪਞ੍ਚਨ੍ਨਂ ਪਹਾਨਾਨਂ ਮੂਲਕਾਰਣਤ੍ਤਾ ਫਲੂਪਚਾਰੇਨ ਤਥਾ વੁਚ੍ਚਤਿ, ਤਂ ਅਧਮ੍ਮવਿਦ੍ਧਂਸਂ। ‘‘ਧਮ੍ਮ’’ਨ੍ਤਿ ਏਤਸ੍ਸ વਿਸੇਸਨਂ।
‘‘Dhamma’’nti etassa nibbacanādivasena atthavinicchayo heṭṭhā dassitova. Adhammaviddhaṃsanti dhammasaṅkhātassa kusalassa paṭipakkhattā adhammo vuccati akusaladhammo, taṃ akusalasaṅkhātaṃ adhammaṃ viddhaṃseti vināseti pajahati tadaṅgavikkhambhanasamucchedapaṭippassaddhinissaraṇappahānenāti adhammaviddhaṃso, sapariyattiko navalokuttaro dhammo. Pariyatti hi pañcannaṃ pahānānaṃ mūlakāraṇattā phalūpacārena tathā vuccati, taṃ adhammaviddhaṃsaṃ. ‘‘Dhamma’’nti etassa visesanaṃ.
ਗਣਨ੍ਤਿ ਅਟ੍ਠਨ੍ਨਂ ਅਰਿਯਪੁਗ੍ਗਲਾਨਂ ਸਮੂਹਂ, ਸਙ੍ਘਨ੍ਤਿ ਅਤ੍ਥੋ। ਅਙ੍ਗਣਨਾਸਨਨ੍ਤਿ ਅਤ੍ਤਨੋ ਨਿਸ੍ਸਯਂ ਅਙ੍ਗਨ੍ਤਿ ਮਤ੍ਥੇਨ੍ਤੀਤਿ ਅਙ੍ਗਣਾ, ਕਿਲੇਸਾ ਰਾਗਦੋਸਮੋਹਾ, ਤੇ ਅਙ੍ਗਣੇ ਨਾਸੇਤਿ ਯਥਾਯੋਗਂ ਤਦਙ੍ਗવਿਕ੍ਖਮ੍ਭਨਸਮੁਚ੍ਛੇਦਪਟਿਪ੍ਪਸ੍ਸਦ੍ਧਿਨਿਸ੍ਸਰਣਪ੍ਪਹਾਨੇਹਿ ਪਜਹਤੀਤਿ ਅਙ੍ਗਣਨਾਸਨੋ, ਤਂ। ‘‘ਗਣ’’ਨ੍ਤਿ ਏਤਸ੍ਸ વਿਸੇਸਨਂ।
Gaṇanti aṭṭhannaṃ ariyapuggalānaṃ samūhaṃ, saṅghanti attho. Aṅgaṇanāsananti attano nissayaṃ aṅganti matthentīti aṅgaṇā, kilesā rāgadosamohā, te aṅgaṇe nāseti yathāyogaṃ tadaṅgavikkhambhanasamucchedapaṭippassaddhinissaraṇappahānehi pajahatīti aṅgaṇanāsano, taṃ. ‘‘Gaṇa’’nti etassa visesanaṃ.
੨. ਮਯਾ વਿਨਯਸ੍ਸ ਯੋ ਸਾਰੋ વਿਨਿਚ੍ਛਯੋ ਰਚਿਤੋ, ਤਸ੍ਸ વਿਨਿਚ੍ਛਯਸ੍ਸਾਤਿ ਯੋਜਨਾ। ਨਤ੍ਥਿ ਤਸ੍ਸ ਉਤ੍ਤਰੋਤਿ ਅਨੁਤ੍ਤਰੋ, ਸਬ੍ਬੇਸੁ વਿਨਿਚ੍ਛਯੇਸੁ, ਸਬ੍ਬੇਸਂ વਾ વਿਨਿਚ੍ਛਯਾਨਂ ਅਨੁਤ੍ਤਰੋ ਉਤ੍ਤਮੋ વਿਨਿਚ੍ਛਯੋਤਿ ਸਬ੍ਬਾਨੁਤ੍ਤਰੋ, ਤਂ। ਉਤ੍ਤਰਂ ਪਕਰਣਂ ਇਦਾਨਿ ਕਰਿਸ੍ਸਾਮੀਤਿ ਯੋਜਨਾ।
2. Mayā vinayassa yo sāro vinicchayo racito, tassa vinicchayassāti yojanā. Natthi tassa uttaroti anuttaro, sabbesu vinicchayesu, sabbesaṃ vā vinicchayānaṃ anuttaro uttamo vinicchayoti sabbānuttaro, taṃ. Uttaraṃ pakaraṇaṃ idāni karissāmīti yojanā.
੩. ਭਣਤੋਤਿ ਭਣਨ੍ਤਸ੍ਸ ਪਗੁਣਂ વਾਚੁਗ੍ਗਤਂ ਕਰੋਨ੍ਤਸ੍ਸ। ਪਠਤੋਤਿ ਪਠਨ੍ਤਸ੍ਸ વਾਚੁਗ੍ਗਤਂ ਸਜ੍ਝਾਯਨ੍ਤਸ੍ਸ। ਪਯੁਞ੍ਜਤੋਤਿ ਤਤ੍ਥ ਪਕਾਰੇਨ ਯੁਞ੍ਜਨ੍ਤਸ੍ਸ, ਤਂ ਅਞ੍ਞੇਸਂ વਾਚੇਨ੍ਤਸ੍ਸ વਾ। ਸੁਣਤੋਤਿ ਪਰੇਹਿ વੁਚ੍ਚਮਾਨਂ ਸੁਣਨ੍ਤਸ੍ਸ। ਚਿਨ੍ਤਯਤੋਤਿ ਯਥਾਸੁਤਂ ਅਤ੍ਥਤੋ, ਸਦ੍ਦਤੋ ਚ ਚਿਨ੍ਤੇਨ੍ਤਸ੍ਸ। ‘‘ਅਬੁਦ੍ਧਸ੍ਸ ਬੁਦ੍ਧਿવਡ੍ਢਨ’’ਨ੍ਤਿ વਤ੍ਤਬ੍ਬੇ ਗਾਥਾਬਨ੍ਧવਸੇਨ વਿਭਤ੍ਤਿਲੋਪੋ। ਅਬੁਦ੍ਧਸ੍ਸ ਬਾਲਸ੍ਸ વਿਨਯੇ ਅਪ੍ਪਕਤਞ੍ਞੁਨੋ ਭਿਕ੍ਖੁਭਿਕ੍ਖੁਨਿਜਨਸ੍ਸ। ਬੁਦ੍ਧਿવਡ੍ਢਨਂ વਿਨਯવਿਨਿਚ੍ਛਯੇ ਪਞ੍ਞਾવੁਦ੍ਧਿਨਿਪ੍ਫਾਦਕਂ। ਅਥ વਾ ਬੁਦ੍ਧਸ੍ਸ વਿਨਿਚ੍ਛਯੇ ਕਤਪਰਿਚਯਤ੍ਤਾ ਪਞ੍ਞવਤੋ ਜਨਸ੍ਸ ਬੁਦ੍ਧਿવਡ੍ਢਨਂ ਬੁਦ੍ਧਿਯਾ ਪਞ੍ਞਾਯ ਤਿਕ੍ਖવਿਸਦਭਾવਾਪਾਦਨੇਨ ਭਿਯ੍ਯੋਭਾવਸਾਧਕਂ। ਪਰਮਂ ਉਤ੍ਤਮਂ ਉਤ੍ਤਰਂ ਨਾਮ ਪਕਰਣਂ વਦਤੋ ਕਥੇਨ੍ਤਸ੍ਸ ਮੇ ਮਮ ਸਨ੍ਤਿਕਾ ਨਿਰਤਾ વਿਨਿਚ੍ਛਯੇ, ਤੀਸੁ ਸਿਕ੍ਖਾਸੁ વਾ વਿਸੇਸੇਨ ਰਤਾ ਨਿਬੋਧਥ ਜਾਨਾਥ ਸੁਤਮਯਞਾਣਂ ਅਭਿਨਿਪ੍ਫਾਦੇਥਾਤਿ ਸੋਤੁਜਨਂ ਸવਨੇ ਨਿਯੋਜੇਤਿ।
3.Bhaṇatoti bhaṇantassa paguṇaṃ vācuggataṃ karontassa. Paṭhatoti paṭhantassa vācuggataṃ sajjhāyantassa. Payuñjatoti tattha pakārena yuñjantassa, taṃ aññesaṃ vācentassa vā. Suṇatoti parehi vuccamānaṃ suṇantassa. Cintayatoti yathāsutaṃ atthato, saddato ca cintentassa. ‘‘Abuddhassa buddhivaḍḍhana’’nti vattabbe gāthābandhavasena vibhattilopo. Abuddhassa bālassa vinaye appakataññuno bhikkhubhikkhunijanassa. Buddhivaḍḍhanaṃ vinayavinicchaye paññāvuddhinipphādakaṃ. Atha vā buddhassa vinicchaye kataparicayattā paññavato janassa buddhivaḍḍhanaṃ buddhiyā paññāya tikkhavisadabhāvāpādanena bhiyyobhāvasādhakaṃ. Paramaṃ uttamaṃ uttaraṃ nāma pakaraṇaṃ vadato kathentassa me mama santikā niratā vinicchaye, tīsu sikkhāsu vā visesena ratā nibodhatha jānātha sutamayañāṇaṃ abhinipphādethāti sotujanaṃ savane niyojeti.
