г̇ант̇аарамбхаван̣н̣анаа

Ganthārambhavaṇṇanā

д̇хаад̇угат̇аабагаран̣ам̣ д̣̇зсзнд̇о бхаг̇аваа яасмим̣ самаяз д̣̇зсзси, д̇ам̣ самаяам̣ д̣̇ассзд̇ум̣, вибхан̇г̇аананд̇арам̣ д̣̇зсид̇асса багаран̣асса д̇хаад̇угат̇аабхаавам̣ д̣̇ассзд̇ум̣ ваа ‘‘адтаарасахий’’д̇иаад̣̇имааха. д̇ад̇т̇а б̣алавид̇хаманависаяаад̇иггаманавасзна д̣̇звабуд̇д̇амаарасса, аббавад̇д̇игаран̣авасзна гилзсаабхисан̇каарамаараанам̣, самуд̣̇аяаббахаанабарин̃н̃аавасзна канд̇хамаарасса, мажжумаарасса жа б̣од̇химуулз зва бхан̃ж̇ид̇ад̇д̇аа баруубаниссаяарахид̇ам̣ нирад̇исаяам̣ д̇ам̣ бхан̃ж̇анам̣ убаад̣̇ааяа бхаг̇аваа зва ‘‘маарабхан̃ж̇ано’’д̇и т̇омид̇о. д̇ад̇т̇а маарз абхан̃ж̇зси, маарабхан̃ж̇анам̣ ваа зд̇асса, на барарааж̇аад̣̇ибхан̃ж̇ананд̇и маарабхан̃ж̇ано. махаавигганд̇о махаавийрияод̇и махаавийро.

Dhātukathāpakaraṇaṃ desento bhagavā yasmiṃ samaye desesi, taṃ samayaṃ dassetuṃ, vibhaṅgānantaraṃ desitassa pakaraṇassa dhātukathābhāvaṃ dassetuṃ vā ‘‘aṭṭhārasahī’’tiādimāha. Tattha balavidhamanavisayātikkamanavasena devaputtamārassa, appavattikaraṇavasena kilesābhisaṅkhāramārānaṃ, samudayappahānapariññāvasena khandhamārassa, maccumārassa ca bodhimūle eva bhañjitattā parūpanissayarahitaṃ niratisayaṃ taṃ bhañjanaṃ upādāya bhagavā eva ‘‘mārabhañjano’’ti thomito. Tattha māre abhañjesi, mārabhañjanaṃ vā etassa, na pararājādibhañjananti mārabhañjano. Mahāvikkanto mahāvīriyoti mahāvīro.

канд̇хаад̣̇аяо аран̣анд̇аа д̇хаммаа сабхаавадтзна д̇хаад̇уяо, абхид̇хаммагат̇аад̇хидтаанадтзна ваад̇и гад̇ваа д̇зсам̣ гат̇анад̇о имасса багаран̣асса д̇хаад̇угат̇аад̇и ад̇хиважанам̣. яад̣̇иби ан̃н̃зсу жа багаран̣зсу д̇з сабхааваа гат̇ид̇аа, зд̇т̇а бана д̇зсам̣ саб̣б̣зсам̣ сан̇г̇ахаасан̇г̇ахаад̣̇ийсу жуд̣̇д̣̇асасу наязсу згзгасмим̣ гат̇ид̇ад̇д̇аа саад̇исаяам̣ гат̇ананд̇и ид̣̇амзва звам̣наамагам̣. згад̣̇зсагат̇анамзва хи ан̃н̃ад̇т̇а гад̇анд̇и. канд̇хааяад̇анад̇хаад̇уухи ваа канд̇хаад̣̇ийнам̣ аран̣анд̇аанам̣ сан̇г̇ахаасан̇г̇ахаад̣̇аяо наяаа вуд̇д̇аад̇и д̇ад̇т̇а махаависаяаанам̣ д̇хаад̇уунам̣ васзна д̇хаад̇уухи гат̇аа д̇хаад̇угат̇аад̇и звам̣ асса наамам̣ вуд̇д̇анд̇и взд̣̇ид̇аб̣б̣ам̣. д̣̇вид̇хаа д̇ид̇хаа чад̇хаа адтаарасад̇хаад̇и анзгад̇хаа д̇хаад̇убхзд̣̇ам̣ багаасзсийд̇и д̇хаад̇убхзд̣̇аббагаасанод̇и. д̇ассад̇т̇анд̇и д̇ассаа д̇хаад̇угат̇ааяа ад̇т̇ам̣. а-гаарз аа-гаарасса лобо д̣̇адтаб̣б̣о. ‘‘яам̣ д̇хаад̇угат̇а’’нд̇и ваа зд̇т̇а багаран̣анд̇и важанасзсо сад̇д̇аннам̣ багаран̣аанам̣ гамзна ван̣н̣анааяа бавад̇д̇ад̇д̇аад̇и д̇зна яож̇анам̣ гад̇ваа д̇асса багаран̣асса ад̇т̇ам̣ д̇ассад̇т̇анд̇и а-гааралобо ваа. д̇анд̇и д̇ам̣ д̣̇ийбанам̣ сун̣аат̇а, д̇ам̣ ваа ад̇т̇ам̣ д̇ам̣д̣̇ийбанаважанасаванзна убад̇хаарзт̇аад̇и ад̇т̇о. самаахид̇аад̇и наанаагижжзхи авигкид̇д̇ажид̇д̇аа, ад̇д̇ано жид̇д̇з аахид̇аад̇и ваа ад̇т̇о.

Khandhādayo araṇantā dhammā sabhāvaṭṭhena dhātuyo, abhidhammakathādhiṭṭhānaṭṭhena vāti katvā tesaṃ kathanato imassa pakaraṇassa dhātukathāti adhivacanaṃ. Yadipi aññesu ca pakaraṇesu te sabhāvā kathitā, ettha pana tesaṃ sabbesaṃ saṅgahāsaṅgahādīsu cuddasasu nayesu ekekasmiṃ kathitattā sātisayaṃ kathananti idameva evaṃnāmakaṃ. Ekadesakathanameva hi aññattha katanti. Khandhāyatanadhātūhi vā khandhādīnaṃ araṇantānaṃ saṅgahāsaṅgahādayo nayā vuttāti tattha mahāvisayānaṃ dhātūnaṃ vasena dhātūhi kathā dhātukathāti evaṃ assa nāmaṃ vuttanti veditabbaṃ. Dvidhā tidhā chadhā aṭṭhārasadhāti anekadhā dhātubhedaṃ pakāsesīti dhātubhedappakāsanoti. Tassatthanti tassā dhātukathāya atthaṃ. A-kāre ā-kārassa lopo daṭṭhabbo. ‘‘Yaṃ dhātukatha’’nti vā ettha pakaraṇanti vacanaseso sattannaṃ pakaraṇānaṃ kamena vaṇṇanāya pavattattāti tena yojanaṃ katvā tassa pakaraṇassa atthaṃ tassatthanti a-kāralopo vā. Tanti taṃ dīpanaṃ suṇātha, taṃ vā atthaṃ taṃdīpanavacanasavanena upadhārethāti attho. Samāhitāti nānākiccehi avikkhittacittā, attano citte āhitāti vā attho.

г̇ант̇аарамбхаван̣н̣анаа нидтид̇аа.

Ganthārambhavaṇṇanā niṭṭhitā.

Next: 1. маад̇игааван̣н̣анаа • 1. Mātikāvaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact