| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
абхид̇хаммабидагз
Abhidhammapiṭake
бан̃жабагаран̣а-анудийгаа
Pañcapakaraṇa-anuṭīkā
д̇хаад̇угат̇аабагаран̣а-анудийгаа
Dhātukathāpakaraṇa-anuṭīkā
г̇ант̇аарамбхаван̣н̣анаа
Ganthārambhavaṇṇanā
д̇хаад̇угат̇аабагаран̣ад̣̇зсанааяа д̣̇зсад̣̇зсагабарисаабад̣̇зсаа вуд̇д̇аббагаараа зваад̇и гаалаабад̣̇зсам̣ д̣̇ассзнд̇о ‘‘д̇хаад̇угат̇аабагаран̣ам̣ д̣̇зсзнд̇о’’д̇иаад̣̇имааха. ‘‘д̇ассзва ананд̇арам̣ ад̣̇зсаяий’’д̇и хи иминаа вибхан̇г̇аананд̇арам̣ д̇хаад̇угат̇аа д̣̇зсид̇аад̇и д̇ассаа д̣̇зсанаагаало абад̣̇идто ход̇и. яз бана ‘‘вибхан̇г̇аананд̇арам̣ гат̇аавад̇т̇убагаран̣ам̣ д̣̇зсид̇а’’нд̇и вад̣̇анд̇и, д̇зсам̣ ваад̣̇ам̣ бадигкибанд̇о ‘‘вибхан̇г̇аананд̇арам̣…бз… д̣̇ассзд̇у’’нд̇и ааха.
Dhātukathāpakaraṇadesanāya desadesakaparisāpadesā vuttappakārā evāti kālāpadesaṃ dassento ‘‘dhātukathāpakaraṇaṃ desento’’tiādimāha. ‘‘Tasseva anantaraṃ adesayī’’ti hi iminā vibhaṅgānantaraṃ dhātukathā desitāti tassā desanākālo apadiṭṭho hoti. Ye pana ‘‘vibhaṅgānantaraṃ kathāvatthupakaraṇaṃ desita’’nti vadanti, tesaṃ vādaṃ paṭikkhipanto ‘‘vibhaṅgānantaraṃ…pe… dassetu’’nti āha.
‘‘гаамаа д̇з батамаа сзнаа’’д̇иаад̣̇иважанад̇о (су. ни. 438; махаани. 28; жуул̣ани. нанд̣̇амаан̣авабужчаанид̣̇д̣̇зса 47) гилзсавид̣̇д̇хам̣санамби д̣̇звабуд̇д̇амаарасса б̣алавид̇хамананд̇и саггаа вад̇д̇ум̣, ‘‘аббавад̇д̇игаран̣авасзна гилзсаабхисан̇каарамаараана’’нд̇и бана вужжамаанад̇д̇аа канд̇иб̣аласад̣̇д̇хааб̣алаад̣̇иаанубхаавзна уссаахабарисааб̣алабхан̃ж̇анамзва д̣̇звабуд̇д̇амаарасса б̣алавид̣̇д̇хам̣санам̣ д̣̇адтаб̣б̣ам̣. висаяаад̇иггаманам̣ гаамад̇хаад̇усамад̇иггамо. самуд̣̇аяаббахаанабарин̃н̃аавасзнаад̇и бахаанаабхисамаяабарин̃н̃аабхисамаяаанам̣ васзна. нану жзд̇ам̣ бан̃жаннам̣ маараанам̣ бхан̃ж̇анам̣ саавагзсуби лаб̣бхад̇зваад̇и жод̣̇анам̣ манаси гад̇ваа ааха ‘‘баруубаниссаяарахид̇а’’нд̇иаад̣̇и. вийрасса бхааво вийрияанд̇и гад̇ваа вуд̇д̇ам̣ ‘‘махаавийрияод̇и махаавийро’’д̇и. махаавийрияад̇аа жа барибун̣н̣авийрияабаарамид̇ааяа жад̇уран̇г̇асаманнааг̇ад̇авийрияаад̇хидтаанзна анан̃н̃асаад̇хааран̣ажад̇уб̣б̣ид̇хасаммаббад̇хаанасамбад̇д̇ияаа жа взд̣̇ид̇аб̣б̣аа. д̇ад̇о зва хисса вийрияаахаанисид̣̇д̇хибийд̇и.
‘‘Kāmā te paṭhamā senā’’tiādivacanato (su. ni. 438; mahāni. 28; cūḷani. nandamāṇavapucchāniddesa 47) kilesaviddhaṃsanampi devaputtamārassa balavidhamananti sakkā vattuṃ, ‘‘appavattikaraṇavasena kilesābhisaṅkhāramārāna’’nti pana vuccamānattā khantibalasaddhābalādiānubhāvena ussāhaparisābalabhañjanameva devaputtamārassa balaviddhaṃsanaṃ daṭṭhabbaṃ. Visayātikkamanaṃ kāmadhātusamatikkamo. Samudayappahānapariññāvasenāti pahānābhisamayapariññābhisamayānaṃ vasena. Nanu cetaṃ pañcannaṃ mārānaṃ bhañjanaṃ sāvakesupi labbhatevāti codanaṃ manasi katvā āha ‘‘parūpanissayarahita’’ntiādi. Vīrassa bhāvo vīriyanti katvā vuttaṃ ‘‘mahāvīriyoti mahāvīro’’ti. Mahāvīriyatā ca paripuṇṇavīriyapāramitāya caturaṅgasamannāgatavīriyādhiṭṭhānena anaññasādhāraṇacatubbidhasammappadhānasampattiyā ca veditabbā. Tato eva hissa vīriyāhānisiddhipīti.
канд̇хаад̣̇игз д̇хаммз ад̇хидтааяа ниссааяа висаяам̣ гад̇ваа абхид̇хаммагат̇аа бавад̇д̇аад̇и ааха ‘‘абхид̇хаммагат̇аад̇хидтаанадтзна ваа’’д̇и. д̇зсам̣ гат̇анад̇од̇и д̇зсам̣ канд̇хаад̣̇ийнам̣ гат̇аабхаавад̇о. зд̇зна ад̇т̇ависзсасанниссаяо б̣яан̃ж̇анасамуд̣̇ааяо багаран̣анд̇и вуд̇д̇ам̣ ход̇и. ат̇а ваа д̇хаад̇уяо гат̇ийяанд̇и зд̇т̇а, зд̇зна ваад̇и д̇хаад̇угат̇аа, д̇ат̇аабавад̇д̇о б̣яан̃ж̇анад̇т̇асамуд̣̇ааяо. яад̣̇и звам̣ сад̇д̇аннамби багаран̣аанам̣ д̇хаад̇угат̇аабхааво аабаж̇ж̇ад̇ийд̇и жод̣̇анам̣ санд̇хааяааха ‘‘яад̣̇ибий’’д̇иаад̣̇и. д̇ад̇т̇а саад̇исаяанд̇и сависзсам̣ вижид̇д̇аад̇ирзгавасзна анавасзсад̇о жа д̣̇зсанааяа бавад̇д̇ад̇д̇аа. д̇ат̇аа хи вуд̇д̇ам̣ ‘‘саб̣б̣ааби д̇хаммасан̇г̇ан̣ий д̇хаад̇угат̇ааяа маад̇игаа’’д̇и (д̇хаад̇у. 5). д̇знзвааха ‘‘згад̣̇зсагат̇анамзва хи ан̃н̃ад̇т̇а гад̇а’’нд̇и.
Khandhādike dhamme adhiṭṭhāya nissāya visayaṃ katvā abhidhammakathā pavattāti āha ‘‘abhidhammakathādhiṭṭhānaṭṭhena vā’’ti. Tesaṃ kathanatoti tesaṃ khandhādīnaṃ kathābhāvato. Etena atthavisesasannissayo byañjanasamudāyo pakaraṇanti vuttaṃ hoti. Atha vā dhātuyo kathīyanti ettha, etena vāti dhātukathā, tathāpavatto byañjanatthasamudāyo. Yadi evaṃ sattannampi pakaraṇānaṃ dhātukathābhāvo āpajjatīti codanaṃ sandhāyāha ‘‘yadipī’’tiādi. Tattha sātisayanti savisesaṃ vicittātirekavasena anavasesato ca desanāya pavattattā. Tathā hi vuttaṃ ‘‘sabbāpi dhammasaṅgaṇī dhātukathāya mātikā’’ti (dhātu. 5). Tenevāha ‘‘ekadesakathanameva hi aññattha kata’’nti.
ид̣̇аани саасанз язсу д̇хаад̇у-сад̣̇д̣̇о нирул̣хо, д̇зсам̣ васзна ан̃н̃зхиби асаад̇хааран̣ам̣ имасса багаран̣асса д̇хаад̇угат̇аабхаавам̣ д̣̇ассзнд̇о ‘‘канд̇хааяад̇анад̇хаад̇уухи ваа’’д̇иаад̣̇имааха. д̇ад̇т̇а д̇ад̇т̇аад̇и канд̇хааяад̇анад̇хаад̇уусу. маханд̇о бабхзд̣̇аануг̇ад̇о висаяо зд̇аасанд̇и махаависаяаа, д̇хаад̇уяо, на канд̇хааяад̇анаани аббад̇арабад̣̇ад̇д̇аа. язна ваа сабхаавзна д̇хаммаа сан̇г̇ахаасан̇г̇ахасамбаяог̇авиббаяог̇зхи уд̣̇д̣̇зсанид̣̇д̣̇зсз лабханд̇и, со сабхааво д̇хаад̇у. саа д̇хаад̇у ид̇ха саад̇исаяам̣ д̣̇зсид̇аад̇и сависзсам̣ д̇хаад̇уяаа гат̇анад̇о ид̣̇ам̣ багаран̣ам̣ ‘‘д̇хаад̇угат̇аа’’д̇и вуд̇д̇ам̣. сабхаавад̇т̇о хи аяам̣ д̇хаад̇у-сад̣̇д̣̇о ‘‘д̇хаад̇усо, бхигкавз , сад̇д̇аа сам̣санд̣̇анд̇ий’’д̇иаад̣̇ийсу (сам̣. ни. 2.98) вияа. д̇хаад̇убхзд̣̇анд̇и д̇хаад̇увибхааг̇ам̣. багаран̣анд̇и важанасзсо. гуд̇о багаран̣а-сад̣̇д̣̇о лаб̣бхад̇ийд̇и ааха ‘‘сад̇д̇аннам̣ багаран̣аанам̣ гамзна ван̣н̣анааяа бавад̇д̇ад̇д̇аа’’д̇и. д̇зна яож̇анам̣ гад̇ваад̇и д̇зна багаран̣а-сад̣̇д̣̇зна ‘‘д̇хаад̇угат̇аава багаран̣ам̣ д̇хаад̇угат̇аабагаран̣а’’нд̇и яож̇анам̣ гад̇ваа. д̇ам̣ д̣̇ийбананд̇и д̇ам̣ д̇хаад̇угат̇аабагаран̣асса ад̇т̇ад̣̇ийбанам̣, ад̇т̇ад̣̇ийбанаагаарзна бавад̇д̇ам̣ ван̣н̣анам̣. ‘‘ад̇т̇ам̣ д̣̇ийбаяиссаамий’’д̇и вад̇ваа ‘‘д̇ам̣ сун̣аат̇аа’’д̇и вад̣̇анд̇о сод̇ад̣̇ваараанусаарзна д̇ад̇т̇а убад̇хааран̣з нияож̇зд̇ийд̇и ааха ‘‘д̇ам̣д̣̇ийбанаважанасаванзна убад̇хаарзт̇аад̇и ад̇т̇о’’д̇и.
Idāni sāsane yesu dhātu-saddo niruḷho, tesaṃ vasena aññehipi asādhāraṇaṃ imassa pakaraṇassa dhātukathābhāvaṃ dassento ‘‘khandhāyatanadhātūhi vā’’tiādimāha. Tattha tatthāti khandhāyatanadhātūsu. Mahanto pabhedānugato visayo etāsanti mahāvisayā, dhātuyo, na khandhāyatanāni appatarapadattā. Yena vā sabhāvena dhammā saṅgahāsaṅgahasampayogavippayogehi uddesaniddese labhanti, so sabhāvo dhātu. Sā dhātu idha sātisayaṃ desitāti savisesaṃ dhātuyā kathanato idaṃ pakaraṇaṃ ‘‘dhātukathā’’ti vuttaṃ. Sabhāvattho hi ayaṃ dhātu-saddo ‘‘dhātuso, bhikkhave , sattā saṃsandantī’’tiādīsu (saṃ. ni. 2.98) viya. Dhātubhedanti dhātuvibhāgaṃ. Pakaraṇanti vacanaseso. Kuto pakaraṇa-saddo labbhatīti āha ‘‘sattannaṃ pakaraṇānaṃ kamena vaṇṇanāya pavattattā’’ti. Tena yojanaṃ katvāti tena pakaraṇa-saddena ‘‘dhātukathāva pakaraṇaṃ dhātukathāpakaraṇa’’nti yojanaṃ katvā. Taṃ dīpananti taṃ dhātukathāpakaraṇassa atthadīpanaṃ, atthadīpanākārena pavattaṃ vaṇṇanaṃ. ‘‘Atthaṃ dīpayissāmī’’ti vatvā ‘‘taṃ suṇāthā’’ti vadanto sotadvārānusārena tattha upadhāraṇe niyojetīti āha ‘‘taṃdīpanavacanasavanena upadhārethāti attho’’ti.
г̇ант̇аарамбхаван̣н̣анаа нидтид̇аа.
Ganthārambhavaṇṇanā niṭṭhitā.
