| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
гат̇аавад̇т̇убагаран̣а-анудийгаа
Kathāvatthupakaraṇa-anuṭīkā
г̇ант̇аарамбхаван̣н̣анаа
Ganthārambhavaṇṇanā
самуд̣̇ааяз згад̣̇зсаа анд̇ог̇ад̇хаад̇и самуд̣̇ааяо д̇зсам̣ ад̇хидтаанабхаавзна вуд̇д̇о яат̇аа ‘‘ругкз саакаа’’д̇и д̣̇ассзд̇и ‘‘гат̇аасамуд̣̇ааяассаа’’д̇иаад̣̇инаа. д̇ад̇т̇а гат̇аананд̇и д̇иссо гат̇аа ваад̣̇о ж̇аббо вид̇ан̣д̣аад̇и. д̇зсу язна бамаан̣ад̇аггзхи багкабадибагкаанам̣ бад̇идтаабанабадигкзбаа хонд̇и, со ваад̣̇о. згаад̇хигаран̣аа хи ан̃н̃аман̃н̃авируд̣̇д̇хаа д̇хаммаа багкабадибагкаа яат̇аа ‘‘ход̇и д̇ат̇ааг̇ад̇о барам̣ маран̣аа, на ход̇и д̇ат̇ааг̇ад̇о барам̣ маран̣аа’’д̇и (д̣̇ий. ни. 1.65). наанаад̇хигаран̣аа бана ан̃н̃аман̃н̃авируд̣̇д̇хааби багкабадибагкаа наама на хонд̇и яат̇аа ‘‘анижжам̣ руубам̣, нижжам̣ ниб̣б̣аана’’нд̇и. язна чалаж̇аад̇иниг̇г̇ахадтаанзхи багкабадибагкаанам̣ бад̇идтаабанам̣ бадигкзбаарамбхо, со ж̇аббо. аарамбхамад̇д̇амзвзд̇т̇а, на ад̇т̇асид̣̇д̇хийд̇и д̣̇ассанад̇т̇ам̣ аарамбхаг̇г̇ахан̣ам̣. яааяа бана чалаж̇аад̇иниг̇г̇ахадтаанзхи бадибагкабадигкзбааяа вааяаманд̇и, саа вид̇ан̣д̣аа. д̇ад̇т̇а ад̇т̇авигаббубабад̇д̇ияаа важанавигхаад̇о чалам̣ яат̇аа ‘‘навагамб̣алояам̣ бурисо, рааж̇аа но сагкий’’д̇и звамаад̣̇и . д̣̇уусанабхаасаа ж̇аад̇аяо, уд̇д̇арабад̇ируубагаад̇и ад̇т̇о. ниг̇г̇ахадтаанаани барад̇о аави бхависсанд̇и. звам̣ ваад̣̇аж̇аббавид̇ан̣д̣аббабхзд̣̇аасу д̇ийсу гат̇аасу ид̇ха ваад̣̇агат̇аа ‘‘гат̇аа’’д̇и ад̇хиббзд̇аа. саа жа ко авибарийд̇ад̇хаммад̇ааяа бад̇идтаабанавасзна, на виг̇г̇аахигагат̇аабхаавзнаад̇и взд̣̇ид̇аб̣б̣ам̣. маад̇игаатабанзнзваад̇и уд̣̇д̣̇зсад̣̇зсанааяа зва. табид̇ассаад̇и д̣̇зсид̇асса. д̣̇зсанаа хи д̣̇зсзд̇аб̣б̣амад̇т̇ам̣ винзяяасанд̇аанзсу табанад̇о нигкибанад̇о табанам̣, нигкзбод̇и жа вужжад̇и.
Samudāye ekadesā antogadhāti samudāyo tesaṃ adhiṭṭhānabhāvena vutto yathā ‘‘rukkhe sākhā’’ti dasseti ‘‘kathāsamudāyassā’’tiādinā. Tattha kathānanti tisso kathā vādo jappo vitaṇḍāti. Tesu yena pamāṇatakkehi pakkhapaṭipakkhānaṃ patiṭṭhāpanapaṭikkhepā honti, so vādo. Ekādhikaraṇā hi aññamaññaviruddhā dhammā pakkhapaṭipakkhā yathā ‘‘hoti tathāgato paraṃ maraṇā, na hoti tathāgato paraṃ maraṇā’’ti (dī. ni. 1.65). Nānādhikaraṇā pana aññamaññaviruddhāpi pakkhapaṭipakkhā nāma na honti yathā ‘‘aniccaṃ rūpaṃ, niccaṃ nibbāna’’nti. Yena chalajātiniggahaṭṭhānehi pakkhapaṭipakkhānaṃ patiṭṭhāpanaṃ paṭikkhepārambho, so jappo. Ārambhamattamevettha, na atthasiddhīti dassanatthaṃ ārambhaggahaṇaṃ. Yāya pana chalajātiniggahaṭṭhānehi paṭipakkhapaṭikkhepāya vāyamanti, sā vitaṇḍā. Tattha atthavikappupapattiyā vacanavighāto chalaṃ yathā ‘‘navakambaloyaṃ puriso, rājā no sakkhī’’ti evamādi . Dūsanabhāsā jātayo, uttarapatirūpakāti attho. Niggahaṭṭhānāni parato āvi bhavissanti. Evaṃ vādajappavitaṇḍappabhedāsu tīsu kathāsu idha vādakathā ‘‘kathā’’ti adhippetā. Sā ca kho aviparītadhammatāya patiṭṭhāpanavasena, na viggāhikakathābhāvenāti veditabbaṃ. Mātikāṭhapanenevāti uddesadesanāya eva. Ṭhapitassāti desitassa. Desanā hi desetabbamatthaṃ vineyyasantānesu ṭhapanato nikkhipanato ṭhapanaṃ, nikkhepoti ca vuccati.
г̇ант̇аарамбхаван̣н̣анаа нидтид̇аа.
Ganthārambhavaṇṇanā niṭṭhitā.
