| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
9. க³ண்டி²புப்பி²யத்தே²ரஅபதா³னவண்ணனா
9. Gaṇṭhipupphiyattheraapadānavaṇṇanā
ஸுவண்ணவண்ணோ ஸம்பு³த்³தோ⁴திஆதி³கங் ஆயஸ்மதோ க³ண்டி²புப்பி²யத்தே²ரஸ்ஸ அபதா³னங். அயம்பி புரிமபு³த்³தே⁴ஸு கதாதி⁴காரோ அனேகாஸு ஜாதீஸு கதபுஞ்ஞஸஞ்சயோ விபஸ்ஸிஸ்ஸ ப⁴க³வதோ காலே ஏகஸ்மிங் குலகே³ஹே நிப்³ப³த்தோ உபபோ⁴க³பரிபோ⁴கே³ஹி அனூனோ ஏகதி³வஸங் விபஸ்ஸிங் ப⁴க³வந்தங் ஸக³ணங் தி³ஸ்வா பஸன்னமானஸோ லாஜாபஞ்சமேஹி புப்பே²ஹி பூஜேஸி. ஸோ தேனேவ சித்தப்பஸாதே³ன யாவதாயுகங் ட²த்வா ததோ தே³வலோகே நிப்³ப³த்தோ தி³ப்³ப³ஸம்பத்திங் அனுப⁴வித்வா அபரபா⁴கே³ மனுஸ்ஸேஸு மனுஸ்ஸஸம்பத்திங் அனுப⁴வித்வா இமஸ்மிங் பு³த்³து⁴ப்பாதே³ ஏகஸ்மிங் குலகே³ஹே நிப்³ப³த்தோ ஸத்³தா⁴ஜாதோ பப்³ப³ஜித்வா நசிரஸ்ஸேவ அரஹத்தங் பாபுணி.
Suvaṇṇavaṇṇo sambuddhotiādikaṃ āyasmato gaṇṭhipupphiyattherassa apadānaṃ. Ayampi purimabuddhesu katādhikāro anekāsu jātīsu katapuññasañcayo vipassissa bhagavato kāle ekasmiṃ kulagehe nibbatto upabhogaparibhogehi anūno ekadivasaṃ vipassiṃ bhagavantaṃ sagaṇaṃ disvā pasannamānaso lājāpañcamehi pupphehi pūjesi. So teneva cittappasādena yāvatāyukaṃ ṭhatvā tato devaloke nibbatto dibbasampattiṃ anubhavitvā aparabhāge manussesu manussasampattiṃ anubhavitvā imasmiṃ buddhuppāde ekasmiṃ kulagehe nibbatto saddhājāto pabbajitvā nacirasseva arahattaṃ pāpuṇi.
91. ஸோ ஏகதி³வஸங் புப்³பே³ கதபுஞ்ஞங் ஸரித்வா ஸோமனஸ்ஸஜாதோ ‘‘இமினா குஸலேனாஹங் நிப்³பா³னங் பத்தோ’’தி புப்³ப³சரிதாபதா³னங் பகாஸெந்தோ ஸுவண்ணவண்ணோ ஸம்பு³த்³தோ⁴திஆதி³மாஹ. தங் ஸப்³ப³ங் ஹெட்டா² வுத்தனயத்தா உத்தானத்த²மேவாதி.
91. So ekadivasaṃ pubbe katapuññaṃ saritvā somanassajāto ‘‘iminā kusalenāhaṃ nibbānaṃ patto’’ti pubbacaritāpadānaṃ pakāsento suvaṇṇavaṇṇo sambuddhotiādimāha. Taṃ sabbaṃ heṭṭhā vuttanayattā uttānatthamevāti.
க³ண்டி²புப்பி²யத்தே²ரஅபதா³னவண்ணனா ஸமத்தா.
Gaṇṭhipupphiyattheraapadānavaṇṇanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 9. க³ண்டி²புப்பி²யத்தே²ரஅபதா³னங் • 9. Gaṇṭhipupphiyattheraapadānaṃ
