| Library / Tipiṭaka / ติปิฎก • Tipiṭaka / อปทาน-อฎฺฐกถา • Apadāna-aṭṭhakathā |
๙. คณฺฐิปุปฺผิยเตฺถรอปทานวณฺณนา
9. Gaṇṭhipupphiyattheraapadānavaṇṇanā
สุวณฺณวโณฺณ สมฺพุโทฺธติอาทิกํ อายสฺมโต คณฺฐิปุปฺผิยเตฺถรสฺส อปทานํฯ อยมฺปิ ปุริมพุเทฺธสุ กตาธิกาโร อเนกาสุ ชาตีสุ กตปุญฺญสญฺจโย วิปสฺสิสฺส ภควโต กาเล เอกสฺมิํ กุลเคเห นิพฺพโตฺต อุปโภคปริโภเคหิ อนูโน เอกทิวสํ วิปสฺสิํ ภควนฺตํ สคณํ ทิสฺวา ปสนฺนมานโส ลาชาปญฺจเมหิ ปุเปฺผหิ ปูเชสิฯ โส เตเนว จิตฺตปฺปสาเทน ยาวตายุกํ ฐตฺวา ตโต เทวโลเก นิพฺพโตฺต ทิพฺพสมฺปตฺติํ อนุภวิตฺวา อปรภาเค มนุเสฺสสุ มนุสฺสสมฺปตฺติํ อนุภวิตฺวา อิมสฺมิํ พุทฺธุปฺปาเท เอกสฺมิํ กุลเคเห นิพฺพโตฺต สทฺธาชาโต ปพฺพชิตฺวา นจิรเสฺสว อรหตฺตํ ปาปุณิฯ
Suvaṇṇavaṇṇo sambuddhotiādikaṃ āyasmato gaṇṭhipupphiyattherassa apadānaṃ. Ayampi purimabuddhesu katādhikāro anekāsu jātīsu katapuññasañcayo vipassissa bhagavato kāle ekasmiṃ kulagehe nibbatto upabhogaparibhogehi anūno ekadivasaṃ vipassiṃ bhagavantaṃ sagaṇaṃ disvā pasannamānaso lājāpañcamehi pupphehi pūjesi. So teneva cittappasādena yāvatāyukaṃ ṭhatvā tato devaloke nibbatto dibbasampattiṃ anubhavitvā aparabhāge manussesu manussasampattiṃ anubhavitvā imasmiṃ buddhuppāde ekasmiṃ kulagehe nibbatto saddhājāto pabbajitvā nacirasseva arahattaṃ pāpuṇi.
๙๑. โส เอกทิวสํ ปุเพฺพ กตปุญฺญํ สริตฺวา โสมนสฺสชาโต ‘‘อิมินา กุสเลนาหํ นิพฺพานํ ปโตฺต’’ติ ปุพฺพจริตาปทานํ ปกาเสโนฺต สุวณฺณวโณฺณ สมฺพุโทฺธติอาทิมาหฯ ตํ สพฺพํ เหฎฺฐา วุตฺตนยตฺตา อุตฺตานตฺถเมวาติฯ
91. So ekadivasaṃ pubbe katapuññaṃ saritvā somanassajāto ‘‘iminā kusalenāhaṃ nibbānaṃ patto’’ti pubbacaritāpadānaṃ pakāsento suvaṇṇavaṇṇo sambuddhotiādimāha. Taṃ sabbaṃ heṭṭhā vuttanayattā uttānatthamevāti.
คณฺฐิปุปฺผิยเตฺถรอปทานวณฺณนา สมตฺตาฯ
Gaṇṭhipupphiyattheraapadānavaṇṇanā samattā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / ขุทฺทกนิกาย • Khuddakanikāya / อปทานปาฬิ • Apadānapāḷi / ๙. คณฺฐิปุปฺผิยเตฺถรอปทานํ • 9. Gaṇṭhipupphiyattheraapadānaṃ
