| Library / Tipiṭaka / තිපිටක • Tipiṭaka / අපදාන-අට්‌ඨකථා • Apadāna-aṭṭhakathā |
9. ගණ්‌ඨිපුප්‌ඵියත්‌ථෙරඅපදානවණ්‌ණනා
9. Gaṇṭhipupphiyattheraapadānavaṇṇanā
සුවණ්‌ණවණ්‌ණො සම්‌බුද්‌ධොතිආදිකං ආයස්‌මතො ගණ්‌ඨිපුප්‌ඵියත්‌ථෙරස්‌ස අපදානං. අයම්‌පි පුරිමබුද්‌ධෙසු කතාධිකාරො අනෙකාසු ජාතීසු කතපුඤ්‌ඤසඤ්‌චයො විපස්‌සිස්‌ස භගවතො කාලෙ එකස්‌මිං කුලගෙහෙ නිබ්‌බත්‌තො උපභොගපරිභොගෙහි අනූනො එකදිවසං විපස්‌සිං භගවන්‌තං සගණං දිස්‌වා පසන්‌නමානසො ලාජාපඤ්‌චමෙහි පුප්‌ඵෙහි පූජෙසි. සො තෙනෙව චිත්‌තප්‌පසාදෙන යාවතායුකං ඨත්‌වා තතො දෙවලොකෙ නිබ්‌බත්‌තො දිබ්‌බසම්‌පත්‌තිං අනුභවිත්‌වා අපරභාගෙ මනුස්‌සෙසු මනුස්‌සසම්‌පත්‌තිං අනුභවිත්‌වා ඉමස්‌මිං බුද්‌ධුප්‌පාදෙ එකස්‌මිං කුලගෙහෙ නිබ්‌බත්‌තො සද්‌ධාජාතො පබ්‌බජිත්‌වා නචිරස්‌සෙව අරහත්‌තං පාපුණි.
Suvaṇṇavaṇṇo sambuddhotiādikaṃ āyasmato gaṇṭhipupphiyattherassa apadānaṃ. Ayampi purimabuddhesu katādhikāro anekāsu jātīsu katapuññasañcayo vipassissa bhagavato kāle ekasmiṃ kulagehe nibbatto upabhogaparibhogehi anūno ekadivasaṃ vipassiṃ bhagavantaṃ sagaṇaṃ disvā pasannamānaso lājāpañcamehi pupphehi pūjesi. So teneva cittappasādena yāvatāyukaṃ ṭhatvā tato devaloke nibbatto dibbasampattiṃ anubhavitvā aparabhāge manussesu manussasampattiṃ anubhavitvā imasmiṃ buddhuppāde ekasmiṃ kulagehe nibbatto saddhājāto pabbajitvā nacirasseva arahattaṃ pāpuṇi.
91. සො එකදිවසං පුබ්‌බෙ කතපුඤ්‌ඤං සරිත්‌වා සොමනස්‌සජාතො ‘‘ඉමිනා කුසලෙනාහං නිබ්‌බානං පත්‌තො’’ති පුබ්‌බචරිතාපදානං පකාසෙන්‌තො සුවණ්‌ණවණ්‌ණො සම්‌බුද්‌ධොතිආදිමාහ. තං සබ්‌බං හෙට්‌ඨා වුත්‌තනයත්‌තා උත්‌තානත්‌ථමෙවාති.
91. So ekadivasaṃ pubbe katapuññaṃ saritvā somanassajāto ‘‘iminā kusalenāhaṃ nibbānaṃ patto’’ti pubbacaritāpadānaṃ pakāsento suvaṇṇavaṇṇo sambuddhotiādimāha. Taṃ sabbaṃ heṭṭhā vuttanayattā uttānatthamevāti.
ගණ්‌ඨිපුප්‌ඵියත්‌ථෙරඅපදානවණ්‌ණනා සමත්‌තා.
Gaṇṭhipupphiyattheraapadānavaṇṇanā samattā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / ඛුද්‌දකනිකාය • Khuddakanikāya / අපදානපාළි • Apadānapāḷi / 9. ගණ්‌ඨිපුප්‌ඵියත්‌ථෙරඅපදානං • 9. Gaṇṭhipupphiyattheraapadānaṃ
