| Library / Tipiṭaka / തിപിടക • Tipiṭaka / അപദാന-അട്ഠകഥാ • Apadāna-aṭṭhakathā |
൯. ഗണ്ഠിപുപ്ഫിയത്ഥേരഅപദാനവണ്ണനാ
9. Gaṇṭhipupphiyattheraapadānavaṇṇanā
സുവണ്ണവണ്ണോ സമ്ബുദ്ധോതിആദികം ആയസ്മതോ ഗണ്ഠിപുപ്ഫിയത്ഥേരസ്സ അപദാനം. അയമ്പി പുരിമബുദ്ധേസു കതാധികാരോ അനേകാസു ജാതീസു കതപുഞ്ഞസഞ്ചയോ വിപസ്സിസ്സ ഭഗവതോ കാലേ ഏകസ്മിം കുലഗേഹേ നിബ്ബത്തോ ഉപഭോഗപരിഭോഗേഹി അനൂനോ ഏകദിവസം വിപസ്സിം ഭഗവന്തം സഗണം ദിസ്വാ പസന്നമാനസോ ലാജാപഞ്ചമേഹി പുപ്ഫേഹി പൂജേസി. സോ തേനേവ ചിത്തപ്പസാദേന യാവതായുകം ഠത്വാ തതോ ദേവലോകേ നിബ്ബത്തോ ദിബ്ബസമ്പത്തിം അനുഭവിത്വാ അപരഭാഗേ മനുസ്സേസു മനുസ്സസമ്പത്തിം അനുഭവിത്വാ ഇമസ്മിം ബുദ്ധുപ്പാദേ ഏകസ്മിം കുലഗേഹേ നിബ്ബത്തോ സദ്ധാജാതോ പബ്ബജിത്വാ നചിരസ്സേവ അരഹത്തം പാപുണി.
Suvaṇṇavaṇṇo sambuddhotiādikaṃ āyasmato gaṇṭhipupphiyattherassa apadānaṃ. Ayampi purimabuddhesu katādhikāro anekāsu jātīsu katapuññasañcayo vipassissa bhagavato kāle ekasmiṃ kulagehe nibbatto upabhogaparibhogehi anūno ekadivasaṃ vipassiṃ bhagavantaṃ sagaṇaṃ disvā pasannamānaso lājāpañcamehi pupphehi pūjesi. So teneva cittappasādena yāvatāyukaṃ ṭhatvā tato devaloke nibbatto dibbasampattiṃ anubhavitvā aparabhāge manussesu manussasampattiṃ anubhavitvā imasmiṃ buddhuppāde ekasmiṃ kulagehe nibbatto saddhājāto pabbajitvā nacirasseva arahattaṃ pāpuṇi.
൯൧. സോ ഏകദിവസം പുബ്ബേ കതപുഞ്ഞം സരിത്വാ സോമനസ്സജാതോ ‘‘ഇമിനാ കുസലേനാഹം നിബ്ബാനം പത്തോ’’തി പുബ്ബചരിതാപദാനം പകാസേന്തോ സുവണ്ണവണ്ണോ സമ്ബുദ്ധോതിആദിമാഹ. തം സബ്ബം ഹേട്ഠാ വുത്തനയത്താ ഉത്താനത്ഥമേവാതി.
91. So ekadivasaṃ pubbe katapuññaṃ saritvā somanassajāto ‘‘iminā kusalenāhaṃ nibbānaṃ patto’’ti pubbacaritāpadānaṃ pakāsento suvaṇṇavaṇṇo sambuddhotiādimāha. Taṃ sabbaṃ heṭṭhā vuttanayattā uttānatthamevāti.
ഗണ്ഠിപുപ്ഫിയത്ഥേരഅപദാനവണ്ണനാ സമത്താ.
Gaṇṭhipupphiyattheraapadānavaṇṇanā samattā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / ഖുദ്ദകനികായ • Khuddakanikāya / അപദാനപാളി • Apadānapāḷi / ൯. ഗണ്ഠിപുപ്ഫിയത്ഥേരഅപദാനം • 9. Gaṇṭhipupphiyattheraapadānaṃ
