| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
2. г̇ааравасуд̇д̇аван̣н̣анаа
2. Gāravasuttavaṇṇanā
173. д̣̇уд̇ияз уд̣̇абаад̣̇ийд̇и аяам̣ вид̇агго бан̃жамз сад̇д̇аахз уд̣̇абаад̣̇и. аг̇ааравод̇и ан̃н̃асмим̣ г̇аараварахид̇о, ган̃жи г̇арудтаанз адтабзд̇ваад̇и ад̇т̇о. аббад̇иссод̇и бад̇иссаяарахид̇о, ган̃жи ж̇здтагадтаанз адтабзд̇ваад̇и ад̇т̇о.
173. Dutiye udapādīti ayaṃ vitakko pañcame sattāhe udapādi. Agāravoti aññasmiṃ gāravarahito, kañci garuṭṭhāne aṭṭhapetvāti attho. Appatissoti patissayarahito, kañci jeṭṭhakaṭṭhāne aṭṭhapetvāti attho.
сад̣̇звагзд̇иаад̣̇ийсу сад̣̇д̇хим̣ д̣̇звзхи сад̣̇звагз. д̣̇зваг̇г̇ахан̣зна жзд̇т̇а маараб̣рахмзсу г̇ахид̇зсуби мааро наама васавад̇д̇ий саб̣б̣зсам̣ убари васам̣ вад̇д̇зд̇и, б̣рахмаа наама махаанубхааво зган̇г̇улияаа згасмим̣ жаггаваал̣асахассз аалогам̣ парад̇и. д̣̇вийхи д̣̇вийсу…бз… д̣̇асахи ан̇г̇улийхи д̣̇асасуби жаггаваал̣асахассзсу аалогам̣ парад̇и, со иминаа сийласамбаннад̇арод̇и вад̇д̇ум̣ маа лабхад̇ууд̇и самаарагз саб̣рахмагзд̇и висум̣ вуд̇д̇ам̣. д̇ат̇аа саман̣аа наама зганигааяаад̣̇ивасзна б̣ахуссуд̇аа сийлаванд̇о бан̣д̣ид̇аа, б̣раахман̣ааби вад̇т̇увиж̇ж̇аад̣̇ивасзна б̣ахуссуд̇аа бан̣д̣ид̇аа, д̇з иминаа сийласамбаннад̇араад̇и вад̇д̇ум̣ маа лабханд̇ууд̇и сассаман̣аб̣раахман̣ияаа баж̇ааяаад̇и вуд̇д̇ам̣. сад̣̇звамануссааяаад̇и ид̣̇ам̣ бана ниббад̣̇зсад̇о д̣̇ассанад̇т̇ам̣ г̇ахид̇амзва г̇ахзд̇ваа вуд̇д̇ам̣. абижзд̇т̇а буримаани д̇ийн̣и бад̣̇аани логавасзна вуд̇д̇аани, бажчимаани д̣̇вз баж̇аавасзна. сийласамбаннад̇аранд̇и сийлзна самбаннад̇арам̣, ад̇хигад̇аранд̇и ад̇т̇о. сзсзсуби зсзва наяо. зд̇т̇а жа сийлаад̣̇аяо жад̇д̇ааро д̇хаммаа логияалогуд̇д̇араа гат̇ид̇аа, вимуд̇д̇ин̃аан̣ад̣̇ассанам̣ логияамзва. бажжавзгкан̣ан̃аан̣ам̣ хзд̇ам̣.
Sadevaketiādīsu saddhiṃ devehi sadevake. Devaggahaṇena cettha mārabrahmesu gahitesupi māro nāma vasavattī sabbesaṃ upari vasaṃ vatteti, brahmā nāma mahānubhāvo ekaṅguliyā ekasmiṃ cakkavāḷasahasse ālokaṃ pharati. Dvīhi dvīsu…pe… dasahi aṅgulīhi dasasupi cakkavāḷasahassesu ālokaṃ pharati, so iminā sīlasampannataroti vattuṃ mā labhatūti samārake sabrahmaketi visuṃ vuttaṃ. Tathā samaṇā nāma ekanikāyādivasena bahussutā sīlavanto paṇḍitā, brāhmaṇāpi vatthuvijjādivasena bahussutā paṇḍitā, te iminā sīlasampannatarāti vattuṃ mā labhantūti sassamaṇabrāhmaṇiyā pajāyāti vuttaṃ. Sadevamanussāyāti idaṃ pana nippadesato dassanatthaṃ gahitameva gahetvā vuttaṃ. Apicettha purimāni tīṇi padāni lokavasena vuttāni, pacchimāni dve pajāvasena. Sīlasampannataranti sīlena sampannataraṃ, adhikataranti attho. Sesesupi eseva nayo. Ettha ca sīlādayo cattāro dhammā lokiyalokuttarā kathitā, vimuttiñāṇadassanaṃ lokiyameva. Paccavekkhaṇañāṇaṃ hetaṃ.
баад̇урахосийд̇и – ‘‘аяам̣ сад̇т̇аа авийжид̇о яаава бхаваг̇г̇аа сийлаад̣̇ийхи ад̇д̇анаа ад̇хигад̇арам̣ абассанд̇о ‘маяаа бадивид̣̇д̇хам̣ навалогуд̇д̇арад̇хаммамзва саггад̇ваа г̇арум̣ гад̇ваа убаниссааяа вихариссаамий’д̇и жинд̇зд̇и, гааран̣ам̣ бхаг̇аваа жинд̇зд̇и, ад̇т̇ам̣ вуд̣дхивисзсам̣ жинд̇зд̇и, г̇ажчаамисса уссаахам̣ ж̇анзссаамий’’д̇и жинд̇зд̇ваа бурад̇о баагадо ахоси, абхимукз адтаасийд̇и ад̇т̇о.
Pāturahosīti – ‘‘ayaṃ satthā avīcito yāva bhavaggā sīlādīhi attanā adhikataraṃ apassanto ‘mayā paṭividdhaṃ navalokuttaradhammameva sakkatvā garuṃ katvā upanissāya viharissāmī’ti cinteti, kāraṇaṃ bhagavā cinteti, atthaṃ vuḍḍhivisesaṃ cinteti, gacchāmissa ussāhaṃ janessāmī’’ti cintetvā purato pākaṭo ahosi, abhimukhe aṭṭhāsīti attho.
вихаранд̇и жаад̇и зд̇т̇а яо вад̣̇зяяа ‘‘вихаранд̇ийд̇и важанад̇о бажжуббаннзби б̣ахуу б̣уд̣̇д̇хаа’’д̇и, со ‘‘бхаг̇авааби, бханд̇з, зд̇арахи арахам̣ саммаасамб̣уд̣̇д̇хо’’д̇и иминаа важанзна бадиб̣аахид̇аб̣б̣о.
Viharanti cāti ettha yo vadeyya ‘‘viharantīti vacanato paccuppannepi bahū buddhā’’ti, so ‘‘bhagavāpi, bhante, etarahi arahaṃ sammāsambuddho’’ti iminā vacanena paṭibāhitabbo.
‘‘на мз аажарияо ад̇т̇и, сад̣̇исо мз на виж̇ж̇ад̇и;
‘‘Na me ācariyo atthi, sadiso me na vijjati;
сад̣̇звагасмим̣ логасмим̣, над̇т̇и мз бадибуг̇г̇ало’’д̇и. (махаава. 11; ма. ни. 1.285) –
Sadevakasmiṃ lokasmiṃ, natthi me paṭipuggalo’’ti. (mahāva. 11; ma. ni. 1.285) –
аад̣̇ийхи жасса суд̇д̇зхи ан̃н̃зсам̣ б̣уд̣̇д̇хаанам̣ абхааво д̣̇ийбзд̇аб̣б̣о. д̇асмаад̇и яасмаа саб̣б̣зби б̣уд̣̇д̇хаа сад̣̇д̇хаммаг̇аруно, д̇асмаа. махад̇д̇амабхиган̇кад̇аад̇и маханд̇абхаавам̣ бад̇т̇аяамаанзна. сарам̣ б̣уд̣̇д̇хаана-саасананд̇и б̣уд̣̇д̇хаанам̣ саасанам̣ саранд̇зна. д̣̇уд̇ияам̣.
Ādīhi cassa suttehi aññesaṃ buddhānaṃ abhāvo dīpetabbo. Tasmāti yasmā sabbepi buddhā saddhammagaruno, tasmā. Mahattamabhikaṅkhatāti mahantabhāvaṃ patthayamānena. Saraṃ buddhāna-sāsananti buddhānaṃ sāsanaṃ sarantena. Dutiyaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. г̇ааравасуд̇д̇ам̣ • 2. Gāravasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. г̇ааравасуд̇д̇аван̣н̣анаа • 2. Gāravasuttavaṇṇanā
