| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
2. г̇ааравасуд̇д̇аван̣н̣анаа
2. Gāravasuttavaṇṇanā
173. аяам̣ вид̇аггод̇и аяам̣ ‘‘гинд̇аахам̣ вихарзяяа’’нд̇и звам̣ бавад̇д̇ид̇авид̇агго. ан̃н̃асминд̇и барасмим̣. ад̇д̇аа на ход̇ийд̇и хи ан̃н̃о, баро. со банзд̇т̇а на яо гожи ад̇хиббзд̇о, ат̇а ко г̇арудтаанийяо. д̇знааха ‘‘ган̃жи г̇арудтаанз адтабзд̇ваа’’д̇и. бад̇иссавад̇и г̇аруно ‘‘аамаа’’д̇и самбадижчад̇ийд̇и бад̇иссо, на бад̇иссод̇и аббад̇иссо. бад̇иссаяарахид̇о г̇арубассаяарахид̇од̇и ад̇т̇о.
173.Ayaṃvitakkoti ayaṃ ‘‘kintāhaṃ vihareyya’’nti evaṃ pavattitavitakko. Aññasminti parasmiṃ. Attā na hotīti hi añño, paro. So panettha na yo koci adhippeto, atha kho garuṭṭhānīyo. Tenāha ‘‘kañci garuṭṭhāne aṭṭhapetvā’’ti. Patissavati garuno ‘‘āmā’’ti sampaṭicchatīti patisso, na patissoti appatisso. Patissayarahito garupassayarahitoti attho.
сад̣̇звагзд̇и аваяавзна виг̇г̇ахо самуд̣̇ааяо самаасад̇т̇о. сад̣̇звагаг̇г̇ахан̣зна бан̃жагаамааважарад̣̇зваг̇г̇ахан̣ам̣ баарисзсан̃ааязна ид̇арзсам̣ бад̣̇анд̇арзхи сан̇г̇ахид̇ад̇д̇аа, самаарагаг̇г̇ахан̣зна чадтагаамааважарад̣̇зваг̇г̇ахан̣ам̣ бажжаасад̇д̇ин̃ааязна. д̇ад̇т̇а хи мааро ж̇аад̇о д̇анниваасий жа ход̇и. саб̣рахмагаважанзна б̣рахмагааяигаад̣̇иб̣рахмаг̇г̇ахан̣ам̣ бажжаасад̇д̇ин̃ааязнзва. ‘‘сассаман̣аб̣раахман̣ияаа баж̇ааяаа’’д̇и саасанасса бажжад̇т̇игасаман̣аб̣раахман̣аг̇г̇ахан̣ам̣. нид̣̇ассанамад̇д̇ан̃жзд̇ам̣ абажжад̇т̇игаанам̣ асамид̇абаабаанам̣ аб̣аахид̇абаабаанан̃жа саман̣аб̣раахман̣аанам̣ д̇знзва важанзна г̇ахид̇ад̇д̇аа. гаамам̣ ‘‘сад̣̇звагз’’д̇иаад̣̇ивисзсанаанам̣ васзна сад̇д̇ависаяо логасад̣̇д̣̇од̇и вин̃н̃ааяад̇и д̇уляаяог̇ависаяад̇д̇аа д̇зсам̣. ‘‘саломаго сабагкаго’’д̇иаад̣̇ийсу бана ад̇уляаяог̇зби аяам̣ самаасо лаб̣бхад̇ийд̇и б̣яабхижаарад̣̇ассанад̇о баж̇ааг̇ахан̣анд̇и баж̇ааважанзна сад̇д̇алогаг̇г̇ахан̣ам̣. д̣̇звабхаавасааман̃н̃зна маараб̣рахмзсу г̇ахид̇зсуби ид̇арзхи д̇зсам̣ лаб̣бхамаанависзсад̣̇ассанад̇т̇ам̣ висум̣ г̇ахан̣анд̇и д̣̇ассзнд̇о ‘‘мааро наамаа’’д̇иаад̣̇имааха. мааро б̣рахмаанамби вижагкугаммааяа баход̇ийд̇и ааха ‘‘саб̣б̣зса’’нд̇и. убарийд̇и убарибхаавз. б̣рахмаад̇и д̣̇асасахассиб̣рахмаанам̣ санд̇хааяааха. д̇ат̇аа жааха ‘‘д̣̇асахи ан̇г̇улийхий’’д̇иаад̣̇и. ид̇ха д̣̇ийгханигааяаад̣̇аяо вияа б̣аахирагаанамби г̇ант̇анигааяо лаб̣бхад̇ийд̇и ааха ‘‘зганигааяаад̣̇ивасзнаа’’д̇и.
Sadevaketi avayavena viggaho samudāyo samāsattho. Sadevakaggahaṇena pañcakāmāvacaradevaggahaṇaṃ pārisesañāyena itaresaṃ padantarehi saṅgahitattā, samārakaggahaṇena chaṭṭhakāmāvacaradevaggahaṇaṃ paccāsattiñāyena. Tattha hi māro jāto tannivāsī ca hoti. Sabrahmakavacanena brahmakāyikādibrahmaggahaṇaṃ paccāsattiñāyeneva. ‘‘Sassamaṇabrāhmaṇiyā pajāyā’’ti sāsanassa paccatthikasamaṇabrāhmaṇaggahaṇaṃ. Nidassanamattañcetaṃ apaccatthikānaṃ asamitapāpānaṃ abāhitapāpānañca samaṇabrāhmaṇānaṃ teneva vacanena gahitattā. Kāmaṃ ‘‘sadevake’’tiādivisesanānaṃ vasena sattavisayo lokasaddoti viññāyati tulyayogavisayattā tesaṃ. ‘‘Salomako sapakkhako’’tiādīsu pana atulyayogepi ayaṃ samāso labbhatīti byabhicāradassanato pajāgahaṇanti pajāvacanena sattalokaggahaṇaṃ. Devabhāvasāmaññena mārabrahmesu gahitesupi itarehi tesaṃ labbhamānavisesadassanatthaṃ visuṃ gahaṇanti dassento ‘‘māro nāmā’’tiādimāha. Māro brahmānampi vicakkhukammāya pahotīti āha ‘‘sabbesa’’nti. Uparīti uparibhāve. Brahmāti dasasahassibrahmānaṃ sandhāyāha. Tathā cāha ‘‘dasahi aṅgulīhī’’tiādi. Idha dīghanikāyādayo viya bāhirakānampi ganthanikāyo labbhatīti āha ‘‘ekanikāyādivasenā’’ti.
вад̇т̇увиж̇ж̇аад̣̇ийд̇и аад̣̇и-сад̣̇д̣̇зна виж̇ж̇аадтаанаани сан̇г̇ахид̇аани. яат̇аасагам̣ гаммагилзсзхи баж̇аад̇ад̇д̇аа ниб̣б̣ад̇д̇ад̇д̇аа баж̇аа, сад̇д̇анигааяо. д̇ассаа баж̇ааяа. сад̣̇звамануссааяаад̇и ваа иминаа саммуд̇ид̣̇зваг̇г̇ахан̣ам̣ д̇ад̣̇авасидтамануссалогаг̇г̇ахан̣ан̃жа д̣̇адтаб̣б̣ам̣. звам̣ бхааг̇асо логам̣ г̇ахзд̇ваа яож̇анам̣ д̣̇ассзд̇ваа ид̣̇аани абхааг̇асо логам̣ г̇ахзд̇ваа яож̇анам̣ д̣̇ассзд̇ум̣ ‘‘абижзд̇т̇аа’’д̇иаад̣̇и вуд̇д̇ам̣. логавасзна вуд̇д̇аани ‘‘логийяанд̇и зд̇т̇а гаммагаммапалааний’’д̇и гад̇ваа, баж̇аавасзна ‘‘хзд̇убажжаязхи баж̇ааяад̇ий’’д̇и гад̇ваа. сийласамбаннад̇аранд̇и зд̇т̇а барибун̣н̣асамбаннад̇аа ад̇хиббзд̇аа ‘‘самбаннам̣ саалигзд̣̇аара’’нд̇иаад̣̇ийсу (ж̇аа. 1.14.1) вияа. д̇знааха ‘‘ад̇хигад̇аранд̇и ад̇т̇о’’д̇и. барибун̣н̣амби ‘‘ад̇хигад̇ара’’нд̇и вад̇д̇аб̣б̣ад̇амарахад̇и. сзсзсууд̇и ‘‘самаад̇хисамбаннад̇ара’’нд̇иаад̣̇ийсу.
Vatthuvijjādīti ādi-saddena vijjāṭṭhānāni saṅgahitāni. Yathāsakaṃ kammakilesehi pajātattā nibbattattā pajā, sattanikāyo. Tassā pajāya. Sadevamanussāyāti vā iminā sammutidevaggahaṇaṃ tadavasiṭṭhamanussalokaggahaṇañca daṭṭhabbaṃ. Evaṃ bhāgaso lokaṃ gahetvā yojanaṃ dassetvā idāni abhāgaso lokaṃ gahetvā yojanaṃ dassetuṃ ‘‘apicetthā’’tiādi vuttaṃ. Lokavasena vuttāni ‘‘lokīyanti ettha kammakammaphalānī’’ti katvā, pajāvasena ‘‘hetupaccayehi pajāyatī’’ti katvā. Sīlasampannataranti ettha paripuṇṇasampannatā adhippetā ‘‘sampannaṃ sālikedāra’’ntiādīsu (jā. 1.14.1) viya. Tenāha ‘‘adhikataranti attho’’ti. Paripuṇṇampi ‘‘adhikatara’’nti vattabbatamarahati. Sesesūti ‘‘samādhisampannatara’’ntiādīsu.
гааран̣анд̇иаад̣̇ийсу гааран̣анд̇и яуд̇д̇им̣. ад̇т̇анд̇и авибарийд̇ад̇т̇ам̣. вуд̣дхинд̇и абхивуд̣дхинимид̇д̇ам̣.
Kāraṇantiādīsu kāraṇanti yuttiṃ. Atthanti aviparītatthaṃ. Vuḍḍhinti abhivuḍḍhinimittaṃ.
иминаа важанзнаад̇и имасмим̣ суд̇д̇з ананд̇арам̣ вуд̇д̇аважанзна. на гзвалам̣ иминаава, суд̇д̇анд̇арамби аанзд̇ваа бадиб̣аахид̇аб̣б̣од̇и д̣̇ассзнд̇о ‘‘на мз аажарияо ад̇т̇ий’’д̇иаад̣̇имааха. зд̇т̇а яам̣ вад̇д̇аб̣б̣ам̣, д̇ам̣ суман̇г̇алавилаасинияаа д̣̇ийгханигааяадтагат̇ааяа (д̣̇ий. ни. адта. 3.162) вуд̇д̇амзва. саранд̇и гаран̣з зд̇ам̣ бажжад̇д̇аважананд̇и ааха ‘‘саранд̇знаа’’д̇и, саранд̇и ваа саран̣ахзд̇ууд̇и ад̇т̇о.
Iminā vacanenāti imasmiṃ sutte anantaraṃ vuttavacanena. Na kevalaṃ imināva, suttantarampi ānetvā paṭibāhitabboti dassento ‘‘na me ācariyo atthī’’tiādimāha. Ettha yaṃ vattabbaṃ, taṃ sumaṅgalavilāsiniyā dīghanikāyaṭṭhakathāya (dī. ni. aṭṭha. 3.162) vuttameva. Saranti karaṇe etaṃ paccattavacananti āha ‘‘sarantenā’’ti, saranti vā saraṇahetūti attho.
г̇ааравасуд̇д̇аван̣н̣анаа нидтид̇аа.
Gāravasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. г̇ааравасуд̇д̇ам̣ • 2. Gāravasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. г̇ааравасуд̇д̇аван̣н̣анаа • 2. Gāravasuttavaṇṇanā
