| Library / Tipiṭaka / д̇ибидага • Tipiṭaka / винаяаалан̇гаара-дийгаа • Vinayālaṅkāra-ṭīkā |
30. г̇арубхан̣д̣авинижчаяагат̇аа
30. Garubhaṇḍavinicchayakathā
227. звам̣ гат̇инавинижчаяам̣ гат̇зд̇ваа ид̣̇аани г̇арубхан̣д̣аад̣̇ивинижчаяам̣ д̣̇ассзд̇ум̣ ‘‘г̇арубхан̣д̣аанийд̇и зд̇т̇аа’’д̇иаад̣̇имааха. д̇ад̇т̇а г̇арууд̇и –
227. Evaṃ kathinavinicchayaṃ kathetvā idāni garubhaṇḍādivinicchayaṃ dassetuṃ ‘‘garubhaṇḍānīti etthā’’tiādimāha. Tattha garūti –
‘‘бумз аажарияаад̣̇имхи, г̇ару маад̇аабид̇уусуби;
‘‘Pume ācariyādimhi, garu mātāpitūsupi;
г̇ару д̇ийсу маханд̇з жа, д̣̇уж̇ж̇араалахугзсу жаа’’д̇и. –
Garu tīsu mahante ca, dujjarālahukesu cā’’ti. –
вуд̇д̇зсу анзгад̇т̇зсу алахугаваажаго. бхан̣д̣а-сад̣̇д̣̇о ‘‘бхааж̇анаад̣̇ибаригкаарз, бхан̣д̣ам̣ муулад̇ханзби жаа’’д̇и зд̇т̇а бхааж̇анаад̣̇ибаригкаарад̇т̇о ход̇и. важанад̇т̇о бана г̇аранд̇и уг̇г̇ажчанд̇и уг̇г̇ад̇аа баагадаа хонд̇ийд̇и г̇арууни, бхад̣ид̇аб̣б̣аани ижчид̇аб̣б̣аанийд̇и бхан̣д̣аани, г̇арууни жа д̇аани бхан̣д̣аани жаад̇и г̇арубхан̣д̣аани, аараамаад̣̇ийни вад̇т̇ууни. ид̇и аад̣̇инаа наязна сзнаасанагканд̇хагз бхаг̇авад̇аа д̣̇ассид̇аани имаани бан̃жа вад̇т̇ууни г̇арубхан̣д̣аани наамаад̇и яож̇зд̇аб̣б̣ам̣.
Vuttesu anekatthesu alahukavācako. Bhaṇḍa-saddo ‘‘bhājanādiparikkhāre, bhaṇḍaṃ mūladhanepi cā’’ti ettha bhājanādiparikkhārattho hoti. Vacanattho pana garanti uggacchanti uggatā pākaṭā hontīti garūni, bhaḍitabbāni icchitabbānīti bhaṇḍāni, garūni ca tāni bhaṇḍāni cāti garubhaṇḍāni, ārāmādīni vatthūni. Iti ādinā nayena senāsanakkhandhake bhagavatā dassitāni imāni pañca vatthūni garubhaṇḍāni nāmāti yojetabbaṃ.
ман̃жзсу масаарагод̇и ман̃жабаад̣̇з виж̇жхид̇ваа д̇ад̇т̇а аданияо бавзсзд̇ваа гад̇о. б̣унд̣̇игааб̣ад̣̇д̇ход̇и аданийхи ман̃жабаад̣̇з д̣ам̣саабзд̇ваа баллан̇гасан̇кзбзна гад̇о. гул̣ийрабаад̣̇агод̇и ассамзн̣д̣агаад̣̇ийнам̣ баад̣̇асад̣̇исзхи баад̣̇зхи гад̇о. яо ваа бана гожи ван̇габаад̣̇аго, аяам̣ вужжад̇и ‘‘гул̣ийрабаад̣̇аго’’д̇и. аахажжабаад̣̇агод̇и аяам̣ бана ‘‘аахажжабаад̣̇аго наама ман̃жо ан̇г̇з виж̇жхид̇ваа гад̇о ход̇ий’’д̇и звам̣ барад̇о баал̣ияам̣язва (баажи. 131) вуд̇д̇о, д̇асмаа аданияо виж̇жхид̇ваа д̇ад̇т̇а баад̣̇асикам̣ бавзсзд̇ваа убари аан̣им̣ д̣̇ад̇ваа гад̇аман̃жо аахажжабаад̣̇агод̇и взд̣̇ид̇аб̣б̣о. бийтзби зсзва наяо.
Mañcesu masārakoti mañcapāde vijjhitvā tattha aṭaniyo pavesetvā kato. Bundikābaddhoti aṭanīhi mañcapāde ḍaṃsāpetvā pallaṅkasaṅkhepena kato. Kuḷīrapādakoti assameṇḍakādīnaṃ pādasadisehi pādehi kato. Yo vā pana koci vaṅkapādako, ayaṃ vuccati ‘‘kuḷīrapādako’’ti. Āhaccapādakoti ayaṃ pana ‘‘āhaccapādako nāma mañco aṅge vijjhitvā kato hotī’’ti evaṃ parato pāḷiyaṃyeva (pāci. 131) vutto, tasmā aṭaniyo vijjhitvā tattha pādasikhaṃ pavesetvā upari āṇiṃ datvā katamañco āhaccapādakoti veditabbo. Pīṭhepi eseva nayo.
ун̣н̣абхисиаад̣̇ийнам̣ бан̃жаннам̣ ан̃н̃ад̇араад̇и ун̣н̣абхиси жол̣абхиси ваагабхиси д̇ин̣абхиси бан̣н̣абхисийд̇и имзсам̣ бан̃жаннам̣ бхисийнам̣ ан̃н̃ад̇араа . бан̃жа бхисияод̇и бан̃жахи ун̣н̣аад̣̇ийхи буурид̇абхисияо. д̇уулаг̇ан̣анааяа хи зд̇аасам̣ г̇ан̣анаа. д̇ад̇т̇а ун̣н̣аг̇г̇ахан̣зна на гзвалам̣ зл̣агаломамзва г̇ахид̇ам̣, табзд̇ваа бана мануссаломам̣ яам̣ гин̃жи габбияаагаббияамам̣саж̇аад̇ийнам̣ багкижад̇уббад̣̇аанам̣ ломам̣, саб̣б̣ам̣ ид̇ха ун̣н̣аг̇г̇ахан̣знзва г̇ахид̇ам̣, д̇асмаа чаннам̣ жийвараанам̣, чаннам̣ ануломажийвараанан̃жа ан̃н̃ад̇арзна бхисижчавим̣ гад̇ваа д̇ам̣ саб̣б̣ам̣ багкибид̇ваа бхисим̣ гаад̇ум̣ ваддад̇и. зл̣агаломаани бана абагкибид̇ваа гамб̣аламзва жад̇уг̇г̇ун̣ам̣ ваа бан̃жаг̇ун̣ам̣ ваа багкибид̇ваа гад̇ааби ун̣н̣абхисисан̇камзва г̇ажчад̇и. жол̣абхисиаад̣̇ийсу яам̣ гин̃жи наважол̣ам̣ ваа бураан̣ажол̣ам̣ ваа сам̣харид̇ваа ваа анд̇о багкибид̇ваа ваа гад̇аа жол̣абхиси, яам̣ гин̃жи ваагам̣ багкибид̇ваа гад̇аа ваагабхиси, яам̣ гин̃жи д̇ин̣ам̣ багкибид̇ваа гад̇аа д̇ин̣абхиси, ан̃н̃ад̇ра суд̣̇д̇хад̇амаалабад̇д̇ам̣ яам̣ гин̃жи бан̣н̣ам̣ багкибид̇ваа гад̇аа бан̣н̣абхисийд̇и взд̣̇ид̇аб̣б̣аа. д̇амаалабад̇д̇ам̣ бана ан̃н̃зна миссамзва ваддад̇и, суд̣̇д̇хам̣ на ваддад̇и. бхисияаа бамаан̣анияамо над̇т̇и, ман̃жабхиси бийтабхиси бхуумад̇т̇аран̣абхиси жан̇гаманабхиси баад̣̇абун̃чанабхисийд̇и зд̇аасам̣ ануруубад̇о саллагкзд̇ваа ад̇д̇ано руживасзна бамаан̣ам̣ гаад̇аб̣б̣ам̣. яам̣ банзд̇ам̣ ун̣н̣аад̣̇ибан̃жавид̇хад̇ууламби бхисияам̣ ваддад̇и, д̇ам̣ масуурагзби ваддад̇ийд̇и гурунд̣̇ияам̣ вуд̇д̇ам̣. д̇ад̇т̇а масуурагзд̇и жаммамаяабхисияам̣. зд̇зна масуурагам̣ барибхун̃ж̇ид̇ум̣ ваддад̇ийд̇и сид̣̇д̇хам̣ ход̇и.
Uṇṇabhisiādīnaṃ pañcannaṃ aññatarāti uṇṇabhisi coḷabhisi vākabhisi tiṇabhisi paṇṇabhisīti imesaṃ pañcannaṃ bhisīnaṃ aññatarā . Pañca bhisiyoti pañcahi uṇṇādīhi pūritabhisiyo. Tūlagaṇanāya hi etāsaṃ gaṇanā. Tattha uṇṇaggahaṇena na kevalaṃ eḷakalomameva gahitaṃ, ṭhapetvā pana manussalomaṃ yaṃ kiñci kappiyākappiyamaṃsajātīnaṃ pakkhicatuppadānaṃ lomaṃ, sabbaṃ idha uṇṇaggahaṇeneva gahitaṃ, tasmā channaṃ cīvarānaṃ, channaṃ anulomacīvarānañca aññatarena bhisicchaviṃ katvā taṃ sabbaṃ pakkhipitvā bhisiṃ kātuṃ vaṭṭati. Eḷakalomāni pana apakkhipitvā kambalameva catugguṇaṃ vā pañcaguṇaṃ vā pakkhipitvā katāpi uṇṇabhisisaṅkhameva gacchati. Coḷabhisiādīsu yaṃ kiñci navacoḷaṃ vā purāṇacoḷaṃ vā saṃharitvā vā anto pakkhipitvā vā katā coḷabhisi, yaṃ kiñci vākaṃ pakkhipitvā katā vākabhisi, yaṃ kiñci tiṇaṃ pakkhipitvā katā tiṇabhisi, aññatra suddhatamālapattaṃ yaṃ kiñci paṇṇaṃ pakkhipitvā katā paṇṇabhisīti veditabbā. Tamālapattaṃ pana aññena missameva vaṭṭati, suddhaṃ na vaṭṭati. Bhisiyā pamāṇaniyamo natthi, mañcabhisi pīṭhabhisi bhūmattharaṇabhisi caṅkamanabhisi pādapuñchanabhisīti etāsaṃ anurūpato sallakkhetvā attano rucivasena pamāṇaṃ kātabbaṃ. Yaṃ panetaṃ uṇṇādipañcavidhatūlampi bhisiyaṃ vaṭṭati, taṃ masūrakepi vaṭṭatīti kurundiyaṃ vuttaṃ. Tattha masūraketi cammamayabhisiyaṃ. Etena masūrakaṃ paribhuñjituṃ vaṭṭatīti siddhaṃ hoti.
б̣имб̣оханз д̇ийн̣и д̇уулаани ругкад̇уулам̣ лад̇аад̇уулам̣ бодагийд̇ууланд̇и. д̇ад̇т̇а ругкад̇ууланд̇и симб̣алиругкаад̣̇ийнам̣ язсам̣ гзсан̃жи ругкаанам̣ д̇уулам̣. лад̇аад̇ууланд̇и кийраваллиаад̣̇ийнам̣ яаасам̣ гаасан̃жи лад̇аанам̣ д̇уулам̣. бодагийд̇ууланд̇и бодагийд̇ин̣аад̣̇ийнам̣ язсам̣ гзсан̃жи д̇ин̣аж̇аад̇игаанам̣ анд̇амасо ужчунал̣аад̣̇ийнамби д̇уулам̣. саарад̇т̇ад̣̇ийбанияам̣ (саарад̇т̇а. дий. жуул̣аваг̇г̇а 3.297) бана ‘‘бодагийд̇ууланд̇и зрагад̇ин̣ад̇уула’’нд̇и вуд̇д̇ам̣, зд̇зхи д̇ийхи саб̣б̣абхууд̇аг̇аамаа сан̇г̇ахид̇аа хонд̇и. ругкаваллид̇ин̣аж̇аад̇ияо хи мун̃жид̇ваа ан̃н̃о бхууд̇аг̇аамо наама над̇т̇и, д̇асмаа яасса гассажи бхууд̇аг̇аамасса д̇уулам̣ б̣имб̣оханз ваддад̇и, бхисим̣ бана баабун̣ид̇ваа саб̣б̣амбзд̇ам̣ ‘‘агаббияад̇уула’’нд̇и вужжад̇и на гзвалан̃жа б̣имб̣оханз зд̇ам̣ д̇ууламзва, хам̣самораад̣̇ийнам̣ саб̣б̣асагун̣аанам̣, сийхаад̣̇ийнам̣ саб̣б̣ажад̇уббад̣̇аанан̃жа ломамби ваддад̇и. бияан̇г̇убубпаб̣агул̣абубпаад̣̇и бана яам̣ гин̃жи бубпам̣ на ваддад̇и. д̇амаалабад̇д̇ам̣ суд̣̇д̇хамзва на ваддад̇и, миссагам̣ бана ваддад̇и, бхисийнам̣ анун̃н̃аад̇ам̣ бан̃жавид̇хам̣ ун̣н̣аад̣̇ид̇ууламби ваддад̇и. ад̣̇д̇хагааяигаани бана б̣имб̣оханаани на вадданд̇и. ад̣̇д̇хагааяигаанийд̇и убад̣дхагааяаббамаан̣аани, язсу гадид̇о бадтааяа яаава сийсам̣ убад̣̇аханд̇и табзнд̇и. сийсаббамаан̣ам̣ бана ваддад̇и, сийсаббамаан̣ам̣ наама яасса вид̇т̇аарад̇о д̇ийсу ган̣н̣зсу д̣̇виннам̣ ган̣н̣аанам̣ анд̇арам̣ минияамаанам̣ вид̣̇ад̇т̇и жзва жад̇уран̇г̇улан̃жа ход̇и, маж̇жхадтаанам̣ мудтирад̇анам̣ ход̇и, д̣̇ийгхад̇о бана д̣̇ияад̣дхарад̇анам̣ ваа д̣̇вирад̇анам̣ ваад̇и гурунд̣̇ияам̣ вуд̇д̇ам̣, аяам̣ сийсаббамаан̣асса уггадтабарижчзд̣̇о, ид̇о уд̣̇д̇хам̣ на ваддад̇и, хздтаа бана ваддад̇ийд̇и адтагат̇ааяам̣ (жуул̣ава. адта. 297) вуд̇д̇ам̣. д̇ад̇т̇а ‘‘д̇ийсу ган̣н̣зсу д̣̇виннам̣ ган̣н̣аана’’нд̇и баатам̣ убанид̇хааяа б̣имб̣оханасса убхосу анд̇зсу табзд̇аб̣б̣ажол̣агам̣ д̇игон̣амзва гаронд̇и згажжз. ‘‘ид̣̇ан̃жа таанам̣ г̇ан̣тидтаана’’нд̇и вад̣̇анд̇и.
Bimbohane tīṇi tūlāni rukkhatūlaṃ latātūlaṃ poṭakītūlanti. Tattha rukkhatūlanti simbalirukkhādīnaṃ yesaṃ kesañci rukkhānaṃ tūlaṃ. Latātūlanti khīravalliādīnaṃ yāsaṃ kāsañci latānaṃ tūlaṃ. Poṭakītūlanti poṭakītiṇādīnaṃ yesaṃ kesañci tiṇajātikānaṃ antamaso ucchunaḷādīnampi tūlaṃ. Sāratthadīpaniyaṃ (sārattha. ṭī. cūḷavagga 3.297) pana ‘‘poṭakītūlanti erakatiṇatūla’’nti vuttaṃ, etehi tīhi sabbabhūtagāmā saṅgahitā honti. Rukkhavallitiṇajātiyo hi muñcitvā añño bhūtagāmo nāma natthi, tasmā yassa kassaci bhūtagāmassa tūlaṃ bimbohane vaṭṭati, bhisiṃ pana pāpuṇitvā sabbampetaṃ ‘‘akappiyatūla’’nti vuccati na kevalañca bimbohane etaṃ tūlameva, haṃsamorādīnaṃ sabbasakuṇānaṃ, sīhādīnaṃ sabbacatuppadānañca lomampi vaṭṭati. Piyaṅgupupphabakuḷapupphādi pana yaṃ kiñci pupphaṃ na vaṭṭati. Tamālapattaṃ suddhameva na vaṭṭati, missakaṃ pana vaṭṭati, bhisīnaṃ anuññātaṃ pañcavidhaṃ uṇṇāditūlampi vaṭṭati. Addhakāyikāni pana bimbohanāni na vaṭṭanti. Addhakāyikānīti upaḍḍhakāyappamāṇāni, yesu kaṭito paṭṭhāya yāva sīsaṃ upadahanti ṭhapenti. Sīsappamāṇaṃ pana vaṭṭati, sīsappamāṇaṃ nāma yassa vitthārato tīsu kaṇṇesu dvinnaṃ kaṇṇānaṃ antaraṃ miniyamānaṃ vidatthi ceva caturaṅgulañca hoti, majjhaṭṭhānaṃ muṭṭhiratanaṃ hoti, dīghato pana diyaḍḍharatanaṃ vā dviratanaṃ vāti kurundiyaṃ vuttaṃ, ayaṃ sīsappamāṇassa ukkaṭṭhaparicchedo, ito uddhaṃ na vaṭṭati, heṭṭhā pana vaṭṭatīti aṭṭhakathāyaṃ (cūḷava. aṭṭha. 297) vuttaṃ. Tattha ‘‘tīsu kaṇṇesu dvinnaṃ kaṇṇāna’’nti pāṭhaṃ upanidhāya bimbohanassa ubhosu antesu ṭhapetabbacoḷakaṃ tikoṇameva karonti ekacce. ‘‘Idañca ṭhānaṃ gaṇṭhiṭṭhāna’’nti vadanti.
вимад̇ивинод̣̇анияам̣ (ви. ви. дий. жуул̣аваг̇г̇а 2.297) бана ‘‘сийсаббамаан̣ам̣ наама яад̇т̇а г̇ийвааяа саха сагалам̣ сийсам̣ табзд̇ум̣ саггаа, д̇асса жа мудтирад̇анам̣ вид̇т̇аараббамаан̣анд̇и д̣̇ассзнд̇о ‘вид̇т̇аарад̇о’д̇иаад̣̇имааха. ид̣̇ан̃жа б̣имб̣оханасса убхосу анд̇зсу табзд̇аб̣б̣ажол̣аббамаан̣ад̣̇ассанам̣, д̇асса васзна б̣имб̣оханасса вид̇т̇аараббамаан̣ам̣ барижчиж̇ж̇ад̇и, д̇ам̣ ваддам̣ ваа жад̇урассам̣ ваа гад̇ваа сиб̣б̣ид̇ам̣ яат̇аа годид̇о годи вид̇т̇аарад̇о бут̇уладтаанам̣ мудтирад̇анаббамаан̣ам̣ ход̇и, звам̣ сиб̣б̣ид̇аб̣б̣ам̣, ид̇о ад̇хигам̣ на ваддад̇и. д̇ам̣ бана анд̇зсу табид̇ажол̣ам̣ годияаа годим̣ аахажжа д̣̇иг̇ун̣ам̣ гад̇ам̣ д̇иган̣н̣ам̣ ход̇и, д̇зсу д̇ийсу ган̣н̣зсу д̣̇виннам̣ ган̣н̣аанам̣ анд̇арам̣ вид̣̇ад̇т̇ижад̇уран̇г̇улам̣ ход̇и, маж̇жхадтаанам̣ годид̇о годим̣ аахажжа мудтирад̇анам̣ ход̇и, ид̣̇амасса уггадтаббамаан̣а’’нд̇и вуд̇д̇ад̇д̇аа б̣имб̣оханасса убхосу анд̇зсу табзд̇аб̣б̣ажол̣агам̣ багад̇ияааязва д̇иган̣н̣ам̣ на ход̇и, ат̇а ко годияаа годим̣ аахажжа д̣̇иг̇ун̣агад̇агаалзязва ход̇и, д̇асмаа д̇ам̣ жол̣агам̣ ваддам̣ ваа ход̇у жад̇урассам̣ ваа, д̣̇иг̇ун̣ам̣ гад̇ваа минияамаанам̣ д̇иган̣н̣амзва ход̇и, д̣̇виннан̃жа ган̣н̣аанам̣ анд̇арам̣ жад̇уран̇г̇улаад̇хигавид̣̇ад̇т̇имад̇д̇ам̣ ход̇и, д̇асса жа жол̣агасса маж̇жхадтаанам̣ мудтирад̇анам̣ ход̇и, д̇ассзва жол̣агасса бамаан̣зна б̣имб̣оханасса маж̇жхадтаанамби мудтирад̇анам̣ ход̇ийд̇и вин̃н̃ааяад̇ийд̇и.
Vimativinodaniyaṃ (vi. vi. ṭī. cūḷavagga 2.297) pana ‘‘sīsappamāṇaṃ nāma yattha gīvāya saha sakalaṃ sīsaṃ ṭhapetuṃ sakkā, tassa ca muṭṭhiratanaṃ vitthārappamāṇanti dassento ‘vitthārato’tiādimāha. Idañca bimbohanassa ubhosu antesu ṭhapetabbacoḷappamāṇadassanaṃ, tassa vasena bimbohanassa vitthārappamāṇaṃ paricchijjati, taṃ vaṭṭaṃ vā caturassaṃ vā katvā sibbitaṃ yathā koṭito koṭi vitthārato puthulaṭṭhānaṃ muṭṭhiratanappamāṇaṃ hoti, evaṃ sibbitabbaṃ, ito adhikaṃ na vaṭṭati. Taṃ pana antesu ṭhapitacoḷaṃ koṭiyā koṭiṃ āhacca diguṇaṃ kataṃ tikaṇṇaṃ hoti, tesu tīsu kaṇṇesu dvinnaṃ kaṇṇānaṃ antaraṃ vidatthicaturaṅgulaṃ hoti, majjhaṭṭhānaṃ koṭito koṭiṃ āhacca muṭṭhiratanaṃ hoti, idamassa ukkaṭṭhappamāṇa’’nti vuttattā bimbohanassa ubhosu antesu ṭhapetabbacoḷakaṃ pakatiyāyeva tikaṇṇaṃ na hoti, atha kho koṭiyā koṭiṃ āhacca diguṇakatakāleyeva hoti, tasmā taṃ coḷakaṃ vaṭṭaṃ vā hotu caturassaṃ vā, diguṇaṃ katvā miniyamānaṃ tikaṇṇameva hoti, dvinnañca kaṇṇānaṃ antaraṃ caturaṅgulādhikavidatthimattaṃ hoti, tassa ca coḷakassa majjhaṭṭhānaṃ muṭṭhiratanaṃ hoti, tasseva coḷakassa pamāṇena bimbohanassa majjhaṭṭhānampi muṭṭhiratanaṃ hotīti viññāyatīti.
‘‘гамб̣аламзва…бз… ун̣н̣абхисисан̇камзва г̇ажчад̇ийд̇и сааман̃н̃ад̇о вуд̇д̇ад̇д̇аа г̇онагаад̣̇иагаббияамби ун̣н̣амаяад̇т̇аран̣ам̣ бхисияам̣ багкибид̇ваа саяид̇ум̣ ваддад̇ийд̇и д̣̇адтаб̣б̣ам̣. масуурагзд̇и жаммамаяабхисияам̣, жаммамаяам̣ бана б̣имб̣оханам̣ д̇уулабун̣н̣амби на ваддад̇ий’’д̇и жа вимад̇ивинод̣̇анияам̣ (ви. ви. дий. жуул̣аваг̇г̇а 2.297) вуд̇д̇ам̣. саарад̇т̇ад̣̇ийбанияам̣ (саарад̇т̇а. дий. жуул̣аваг̇г̇а 3.297) бана ‘‘сийсаббамаан̣анд̇и яад̇т̇а г̇алаваадагад̇о бадтааяа саб̣б̣асийсам̣ убад̣̇аханд̇и, д̇ам̣ сийсаббамаан̣ам̣ ход̇и, д̇ан̃жа уггадтабарижчзд̣̇ад̇о д̇ирияам̣ мудтирад̇анам̣ ход̇ийд̇и д̣̇ассзд̇ум̣ ‘яад̇т̇а вид̇т̇аарад̇о д̇ийсу ган̣н̣зсуу’д̇иаад̣̇имааха. маж̇жхадтаанам̣ мудтирад̇анам̣ ход̇ийд̇и б̣имб̣оханасса маж̇жхадтаанам̣ д̇ирияад̇о мудтирад̇анаббамаан̣ам̣ ход̇ий’’д̇и вуд̇д̇ам̣. аран̃ж̇арод̇и б̣ахууд̣̇агаг̇ан̣ханагаа махаажаади. ж̇алам̣ г̇ан̣хид̇ум̣ аланд̇и аран̃ж̇аро, ваддажаади вияа худ̇ваа т̇огам̣ д̣̇ийгхамуко маж̇жхз барижчзд̣̇ам̣ д̣̇ассзд̇ваа гад̇од̇и г̇ан̣тибад̣̇зсу вуд̇д̇ам̣. вуд̇д̇ан̃хзд̇ам̣ адтагат̇ааяанд̇и аж̇жхаахаарасамб̣анд̇хо.
‘‘Kambalameva…pe… uṇṇabhisisaṅkhameva gacchatīti sāmaññato vuttattā gonakādiakappiyampi uṇṇamayattharaṇaṃ bhisiyaṃ pakkhipitvā sayituṃ vaṭṭatīti daṭṭhabbaṃ. Masūraketi cammamayabhisiyaṃ, cammamayaṃ pana bimbohanaṃ tūlapuṇṇampi na vaṭṭatī’’ti ca vimativinodaniyaṃ (vi. vi. ṭī. cūḷavagga 2.297) vuttaṃ. Sāratthadīpaniyaṃ (sārattha. ṭī. cūḷavagga 3.297) pana ‘‘sīsappamāṇanti yattha galavāṭakato paṭṭhāya sabbasīsaṃ upadahanti, taṃ sīsappamāṇaṃ hoti, tañca ukkaṭṭhaparicchedato tiriyaṃ muṭṭhiratanaṃ hotīti dassetuṃ ‘yattha vitthārato tīsu kaṇṇesū’tiādimāha. Majjhaṭṭhānaṃ muṭṭhiratanaṃ hotīti bimbohanassa majjhaṭṭhānaṃ tiriyato muṭṭhiratanappamāṇaṃ hotī’’ti vuttaṃ. Arañjaroti bahuudakagaṇhanakā mahācāṭi. Jalaṃ gaṇhituṃ alanti arañjaro, vaṭṭacāṭi viya hutvā thokaṃ dīghamukho majjhe paricchedaṃ dassetvā katoti gaṇṭhipadesu vuttaṃ. Vuttañhetaṃ aṭṭhakathāyanti ajjhāhārasambandho.
д̣̇висан̇г̇ахаани д̣̇вз хонд̇ийд̇и д̣̇вз батамад̣̇уд̇ияаависсаж̇ж̇ияаани ‘‘аараамо аараамавад̇т̇уу’’д̇и жа ‘‘вихааро вихааравад̇т̇уу’’д̇и жа вуд̇д̇ад̣̇взд̣̇взвад̇т̇усан̇г̇ахаани хонд̇и. д̇ад̇ияам̣ ависсаж̇ж̇ияам̣ ‘‘ман̃жо бийтам̣ бхиси б̣имб̣охана’’нд̇и вуд̇д̇ажад̇увад̇т̇усан̇г̇ахам̣ ход̇и. жад̇уд̇т̇ам̣ ависсаж̇ж̇ияам̣ ‘‘лохагумбхий лохабхаан̣агам̣ лохаваараго лохагадаахам̣ вааси парасу гутаарий гуд̣̇аало никаад̣̇ана’’нд̇и вуд̇д̇анавагодтаасаванд̇ам̣ ход̇и. бан̃жамам̣ ависсаж̇ж̇ияам̣ ‘‘валли взл̣у мун̃ж̇ам̣ баб̣б̣аж̇ам̣ д̇ин̣ам̣ мад̇д̇игаа д̣̇аарубхан̣д̣ам̣ мад̇д̇игаабхан̣д̣а’’нд̇и вуд̇д̇аадтабхзд̣̇анам̣ адтабабхзд̣̇аванд̇ам̣ ход̇ийд̇и яож̇анаа. бан̃жаниммалаложанод̇и мам̣сажагкуд̣̇иб̣б̣ажагкуд̇хаммажагкуб̣уд̣̇д̇хажагкусаманд̇ажагкуунам̣ васзна ниммалабан̃жаложано.
Dvisaṅgahānidve hontīti dve paṭhamadutiyaavissajjiyāni ‘‘ārāmo ārāmavatthū’’ti ca ‘‘vihāro vihāravatthū’’ti ca vuttadvedvevatthusaṅgahāni honti. Tatiyaṃ avissajjiyaṃ ‘‘mañco pīṭhaṃ bhisi bimbohana’’nti vuttacatuvatthusaṅgahaṃ hoti. Catutthaṃ avissajjiyaṃ ‘‘lohakumbhī lohabhāṇakaṃ lohavārako lohakaṭāhaṃ vāsi pharasu kuṭhārī kudālo nikhādana’’nti vuttanavakoṭṭhāsavantaṃ hoti. Pañcamaṃ avissajjiyaṃ ‘‘valli veḷu muñjaṃ pabbajaṃ tiṇaṃ mattikā dārubhaṇḍaṃ mattikābhaṇḍa’’nti vuttaaṭṭhabhedanaṃ aṭṭhapabhedavantaṃ hotīti yojanā. Pañcanimmalalocanoti maṃsacakkhudibbacakkhudhammacakkhubuddhacakkhusamantacakkhūnaṃ vasena nimmalapañcalocano.
сзнаасанагканд̇хагз ависсаж̇ж̇ияам̣ гийдааг̇иривад̇т̇усмим̣ авзбхан̇г̇ияанд̇и зд̇т̇а ‘‘сзнаасанагканд̇хагз г̇аамагааваасавад̇т̇усмим̣ ависсаж̇ж̇ияам̣ гийдааг̇иривад̇т̇усмим̣ авзбхан̇г̇ияа’’нд̇и вад̇д̇аб̣б̣ам̣. гасмаа? д̣̇виннамби вад̇т̇уунам̣ сзнаасанагканд̇хагз ааг̇ад̇ад̇д̇аа. сзнаасанагканд̇хагзд̇и аяам̣ сааман̃н̃аад̇хааро. г̇аамагааваасавад̇т̇усмим̣ гийдааг̇иривад̇т̇усминд̇и висзсаад̇хааро. аяамад̇т̇о баал̣им̣ ологзд̇ваа бажжзд̇аб̣б̣о. д̇знзва хи саманд̇абаасаад̣̇игааяам̣ (жуул̣ава. адта. 321) ‘‘сзнаасанагканд̇хагз’’д̇и авад̇ваа ‘‘ид̇ха’’ижжзва вуд̇д̇ам̣, ид̇хаад̇и иминаа г̇аамагааваасавад̇т̇ум̣ д̣̇ассзд̇и, гийдааг̇иривад̇т̇у бана саруубад̇о д̣̇ассид̇амзва. сааман̃н̃аад̇хааро бана д̇ам̣сам̣ван̣н̣анаабхаавад̇о авуд̇д̇оби сиж̇жхад̇ийд̇и на вуд̇д̇од̇и вин̃н̃ааяад̇и.
Senāsanakkhandhake avissajjiyaṃ kīṭāgirivatthusmiṃ avebhaṅgiyanti ettha ‘‘senāsanakkhandhake gāmakāvāsavatthusmiṃ avissajjiyaṃ kīṭāgirivatthusmiṃ avebhaṅgiya’’nti vattabbaṃ. Kasmā? Dvinnampi vatthūnaṃ senāsanakkhandhake āgatattā. Senāsanakkhandhaketi ayaṃ sāmaññādhāro. Gāmakāvāsavatthusmiṃ kīṭāgirivatthusminti visesādhāro. Ayamattho pāḷiṃ oloketvā paccetabbo. Teneva hi samantapāsādikāyaṃ (cūḷava. aṭṭha. 321) ‘‘senāsanakkhandhake’’ti avatvā ‘‘idha’’icceva vuttaṃ, idhāti iminā gāmakāvāsavatthuṃ dasseti, kīṭāgirivatthu pana sarūpato dassitameva. Sāmaññādhāro pana taṃsaṃvaṇṇanābhāvato avuttopi sijjhatīti na vuttoti viññāyati.
228. т̇ааварзна жа т̇ааварам̣, г̇арубхан̣д̣зна жа г̇арубхан̣д̣анд̇и зд̇т̇а бан̃жасу годтаасзсу буримад̣̇ваяам̣ т̇ааварам̣, бажчимад̇д̇аяам̣ г̇арубхан̣д̣анд̇и взд̣̇ид̇аб̣б̣ам̣. самагамзва д̣̇зд̇ийд̇и зд̇т̇а уунагам̣ д̣̇знд̇амби вихааравад̇т̇усааманд̇ам̣ г̇ахзд̇ваа д̣̇уурад̇арам̣ д̣̇угкаг̇обам̣ виссаж̇ж̇зд̇ум̣ ваддад̇ийд̇и д̣̇адтаб̣б̣ам̣. вагкад̇и хи ‘‘бхигкуунан̃жз махаг̇гхад̇арам̣…бз… самбадижчид̇ум̣ ваддад̇ий’’д̇и. ж̇аанаабзд̇ваад̇и бхигкусан̇гхасса ж̇аанаабзд̇ваа, абалогзд̇ваад̇и ад̇т̇о. нану д̇умхаагам̣ б̣ахуд̇арам̣ ругкаад̇и вад̇д̇аб̣б̣анд̇и ид̣̇ам̣ саамигзсу ад̇д̇ано бхан̣д̣асса махаг̇гхад̇ам̣ аж̇аанид̇ваа д̣̇знд̇зсу д̇ам̣ н̃ад̇ваа т̇зяяажид̇д̇зна г̇ан̣хад̇о авахааро ход̇ийд̇и вуд̇д̇ам̣. вихаарзна вихааро баривад̇д̇зд̇аб̣б̣од̇и савад̇т̇угзна ан̃н̃зсам̣ бхуумияам̣ гад̇абаасаад̣̇аад̣̇инаа, авад̇т̇угзна ваа савад̇т̇угам̣ баривад̇д̇зд̇аб̣б̣ам̣, авад̇т̇угам̣ бана авад̇т̇угзнзва баривад̇д̇зд̇аб̣б̣ам̣ гзвалам̣ баасаад̣̇асса бхуумид̇о ат̇ааварад̇д̇аа. звам̣ т̇ааварзсуби т̇ааваравибхааг̇ам̣ н̃ад̇ваава баривад̇д̇зд̇аб̣б̣ам̣.
228.Thāvarena ca thāvaraṃ, garubhaṇḍena ca garubhaṇḍanti ettha pañcasu koṭṭhāsesu purimadvayaṃ thāvaraṃ, pacchimattayaṃ garubhaṇḍanti veditabbaṃ. Samakameva detīti ettha ūnakaṃ dentampi vihāravatthusāmantaṃ gahetvā dūrataraṃ dukkhagopaṃ vissajjetuṃ vaṭṭatīti daṭṭhabbaṃ. Vakkhati hi ‘‘bhikkhūnañce mahagghataraṃ…pe… sampaṭicchituṃ vaṭṭatī’’ti. Jānāpetvāti bhikkhusaṅghassa jānāpetvā, apaloketvāti attho. Nanu tumhākaṃ bahutaraṃ rukkhāti vattabbanti idaṃ sāmikesu attano bhaṇḍassa mahagghataṃ ajānitvā dentesu taṃ ñatvā theyyacittena gaṇhato avahāro hotīti vuttaṃ. Vihārena vihāro parivattetabboti savatthukena aññesaṃ bhūmiyaṃ katapāsādādinā, avatthukena vā savatthukaṃ parivattetabbaṃ, avatthukaṃ pana avatthukeneva parivattetabbaṃ kevalaṃ pāsādassa bhūmito athāvarattā. Evaṃ thāvaresupi thāvaravibhāgaṃ ñatvāva parivattetabbaṃ.
‘‘габбияаман̃жаа самбадижчид̇аб̣б̣аад̇и иминаа суван̣н̣аад̣̇ивижид̇д̇ам̣ агаббияаман̃жам̣ ‘сан̇гхассаа’д̇и вуд̇д̇зби самбадижчид̇ум̣ на ваддад̇ийд̇и д̣̇ассзд̇и. ‘вихаарасса д̣̇змаа’д̇и вуд̇д̇з сан̇гхасса ваддад̇и, на буг̇г̇аласса кзд̇д̇аад̣̇и вияаад̇и д̣̇адтаб̣б̣а’’нд̇и вимад̇ивинод̣̇анияам̣ (ви. ви. дий. жуул̣аваг̇г̇а 2.321) вуд̇д̇ам̣. саарад̇т̇ад̣̇ийбанияам̣ (саарад̇т̇а. дий. жуул̣ваг̇г̇а 3.321) бана ‘‘габбияаман̃жаа самбадижчид̇аб̣б̣аад̇и ‘сан̇гхасса д̣̇змаа’д̇и д̣̇иннам̣ санд̇хааяа вуд̇д̇ам̣. сажз бана ‘вихаарасса д̣̇змаа’д̇и вад̣̇анд̇и, суван̣н̣араж̇ад̇амаяаад̣̇иагаббияаман̃жзби самбадижчид̇ум̣ ваддад̇ий’’д̇и вуд̇д̇ам̣. на гзвалам̣…бз… баривад̇д̇зд̇ум̣ вадданд̇ийд̇и иминаа ат̇ааварзна т̇ааварамби ат̇ааварамби баривад̇д̇зд̇ум̣ ваддад̇ийд̇и д̣̇ассзд̇и. т̇ааварзна ат̇ааварамзва хи баривад̇д̇зд̇ум̣ на ваддад̇и. ‘‘агаббияам̣ ваа махаг̇гхам̣ габбияам̣ ваад̇и зд̇т̇а агаббияам̣ наама суван̣н̣амаяаман̃жаад̣̇и агаббияабхисиб̣имб̣оханаани жа. махаг̇гхам̣ габбияам̣ наама д̣̇анд̇амаяаман̃жаад̣̇и, бааваараад̣̇игаббияаад̇т̇аран̣аад̣̇ийни жаа’’д̇и саарад̇т̇ад̣̇ийбанияам̣ вуд̇д̇ам̣, вимад̇ивинод̣̇анияам̣ бана ‘‘агаббияам̣ ваад̇и аасанд̣̇иаад̣̇и, бамаан̣аад̇игганд̇ам̣ б̣имб̣оханаад̣̇и жа. махаг̇гхам̣ габбияам̣ ваад̇и суван̣н̣аад̣̇ивижид̇д̇ам̣ габбияавохаарзна д̣̇инна’’нд̇и вуд̇д̇ам̣.
‘‘Kappiyamañcā sampaṭicchitabbāti iminā suvaṇṇādivicittaṃ akappiyamañcaṃ ‘saṅghassā’ti vuttepi sampaṭicchituṃ na vaṭṭatīti dasseti. ‘Vihārassa demā’ti vutte saṅghassa vaṭṭati, na puggalassa khettādi viyāti daṭṭhabba’’nti vimativinodaniyaṃ (vi. vi. ṭī. cūḷavagga 2.321) vuttaṃ. Sāratthadīpaniyaṃ (sārattha. ṭī. cūḷvagga 3.321) pana ‘‘kappiyamañcā sampaṭicchitabbāti ‘saṅghassa demā’ti dinnaṃ sandhāya vuttaṃ. Sace pana ‘vihārassa demā’ti vadanti, suvaṇṇarajatamayādiakappiyamañcepi sampaṭicchituṃ vaṭṭatī’’ti vuttaṃ. Na kevalaṃ…pe… parivattetuṃ vaṭṭantīti iminā athāvarena thāvarampi athāvarampi parivattetuṃ vaṭṭatīti dasseti. Thāvarena athāvarameva hi parivattetuṃ na vaṭṭati. ‘‘Akappiyaṃ vā mahagghaṃ kappiyaṃ vāti ettha akappiyaṃ nāma suvaṇṇamayamañcādi akappiyabhisibimbohanāni ca. Mahagghaṃ kappiyaṃ nāma dantamayamañcādi, pāvārādikappiyaattharaṇādīni cā’’ti sāratthadīpaniyaṃ vuttaṃ, vimativinodaniyaṃ pana ‘‘akappiyaṃ vāti āsandiādi, pamāṇātikkantaṃ bimbohanādi ca. Mahagghaṃ kappiyaṃ vāti suvaṇṇādivicittaṃ kappiyavohārena dinna’’nti vuttaṃ.
229. ‘‘гаал̣алоха …бз… бхааж̇зд̇аб̣б̣о’’д̇и вуд̇д̇ад̇д̇аа ваддагам̣салохамаяамби бхааж̇анам̣ буг̇г̇алигамби самбадижчид̇умби барихарид̇умби ваддад̇и буг̇г̇алаанам̣ барихарид̇аб̣б̣ассзва бхааж̇зд̇аб̣б̣ад̇д̇аад̇и вад̣̇анд̇и, д̇ам̣ убари ‘‘гам̣салохаваддалохабхааж̇анавигад̇и сан̇гхигабарибхог̇зна ваа г̇ихивигадаа ваа ваддад̇ий’’д̇иаад̣̇игзна махаабажжариважанзна вируж̇жхад̇и. имасса хи ‘‘ваддалохагам̣салохаанам̣ язна гзнажи гад̇о сийхал̣ад̣̇ийбз баад̣̇аг̇г̇ан̣ханаго бхааж̇зд̇аб̣б̣о’’д̇и вуд̇д̇асса махааадтагат̇ааважанасса бадигкзбааяа д̇ам̣ махаабажжариважанам̣ бажчаа д̣̇ассид̇ам̣, д̇асмаа ваддалохагам̣салохамаяам̣ яам̣ гин̃жи баад̣̇аг̇г̇ан̣ханагаваарагамби убаад̣̇ааяа абхааж̇анийяамзва, г̇ихийхи д̣̇ийяамаанамби буг̇г̇аласса самбадижчид̇умби на ваддад̇и. баарихаарияам̣ на ваддад̇ийд̇и бад̇д̇аад̣̇ибаригкаарам̣ вияа саяамзва бадисаамзд̇ваа барибхун̃ж̇ид̇ум̣ на ваддад̇и. г̇ихисанд̇агам̣ вияа аараамигаад̣̇аяо жз саяамзва г̇обзд̇ваа винияог̇агаалз аанзд̇ваа бадид̣̇знд̇и, барибхун̃ж̇ид̇ум̣ ваддад̇и, ‘‘бадисаамзд̇ваа бхигкуунам̣ д̣̇зт̇аа’’д̇и вад̇д̇умби ваддад̇ийд̇и.
229.‘‘Kāḷaloha…pe… bhājetabbo’’ti vuttattā vaṭṭakaṃsalohamayampi bhājanaṃ puggalikampi sampaṭicchitumpi pariharitumpi vaṭṭati puggalānaṃ pariharitabbasseva bhājetabbattāti vadanti, taṃ upari ‘‘kaṃsalohavaṭṭalohabhājanavikati saṅghikaparibhogena vā gihivikaṭā vā vaṭṭatī’’tiādikena mahāpaccarivacanena virujjhati. Imassa hi ‘‘vaṭṭalohakaṃsalohānaṃ yena kenaci kato sīhaḷadīpe pādaggaṇhanako bhājetabbo’’ti vuttassa mahāaṭṭhakathāvacanassa paṭikkhepāya taṃ mahāpaccarivacanaṃ pacchā dassitaṃ, tasmā vaṭṭalohakaṃsalohamayaṃ yaṃ kiñci pādaggaṇhanakavārakampi upādāya abhājanīyameva, gihīhi dīyamānampi puggalassa sampaṭicchitumpi na vaṭṭati. Pārihāriyaṃ na vaṭṭatīti pattādiparikkhāraṃ viya sayameva paṭisāmetvā paribhuñjituṃ na vaṭṭati. Gihisantakaṃ viya ārāmikādayo ce sayameva gopetvā viniyogakāle ānetvā paṭidenti, paribhuñjituṃ vaṭṭati, ‘‘paṭisāmetvā bhikkhūnaṃ dethā’’ti vattumpi vaṭṭatīti.
бан̣н̣асуужи наама лзканийд̇и вад̣̇анд̇и. ад̇д̇анаа лад̣̇д̇хаанибийд̇иаад̣̇инаа бадиг̇г̇ахан̣з д̣̇осо над̇т̇и, барихарид̇ваа барибхог̇ова аабад̇д̇игарод̇и д̣̇ассзд̇и. яат̇аа жзд̇т̇а, звам̣ убари бхааж̇анийяаваасиаад̣̇ийсу ад̇д̇ано санд̇агзсуби.
Paṇṇasūci nāma lekhanīti vadanti. Attanā laddhānipītiādinā paṭiggahaṇe doso natthi, pariharitvā paribhogova āpattikaroti dasseti. Yathā cettha, evaṃ upari bhājanīyavāsiādīsu attano santakesupi.
анаамаасамбийд̇и суван̣н̣аад̣̇имаяамби, саб̣б̣ам̣ д̇ам̣ аамасид̇ваа барибхун̃ж̇ид̇ум̣ ваддад̇и.
Anāmāsampīti suvaṇṇādimayampi, sabbaṃ taṃ āmasitvā paribhuñjituṃ vaṭṭati.
убагкарзд̇и убагаран̣з. сикарам̣ наама язна бариб̣бхаманд̇аа чинд̣̇анд̇и. бад̇д̇аб̣анд̇хаго наама бад̇д̇асса г̇ан̣тиаад̣̇игаараго. ‘‘бадимаанам̣ суван̣н̣аад̣̇ибад̇д̇агаараго’’д̇иби вад̣̇анд̇и.
Upakkhareti upakaraṇe. Sikharaṃ nāma yena paribbhamantā chindanti. Pattabandhako nāma pattassa gaṇṭhiādikārako. ‘‘Paṭimānaṃ suvaṇṇādipattakārako’’tipi vadanti.
‘‘ад̣дхаб̣аахууд̇и габбарад̇о бадтааяа яаава ам̣сагууда’’нд̇и г̇ан̣тибад̣̇зсу вуд̇д̇ам̣. ‘‘ад̣дхаб̣ааху наама вид̣̇ад̇т̇ижад̇уран̇г̇уланд̇иби вад̣̇анд̇ий’’д̇и саарад̇т̇ад̣̇ийбанияам̣ (саарад̇т̇а. дий. жуул̣аваг̇г̇а 2.321) вуд̇д̇ам̣. важ̇ираб̣уд̣̇д̇хидийгааяамби (важ̇ира. дий. жуул̣аваг̇г̇а 321) ‘‘ад̣дхаб̣аахууд̇и габбарад̇о бадтааяа яаава ам̣сагууданд̇и ликид̇а’’нд̇и вуд̇д̇ам̣. вимад̇ивинод̣̇анияам̣ (ви. ви. дий. жуул̣аваг̇г̇а 2.321) бана ‘‘ад̣дхаб̣аахуббамаан̣аа наама ад̣дхаб̣аахумад̇д̇аа, ад̣дхаб̣яаамамад̇д̇аад̇иби вад̣̇анд̇ий’’д̇и вуд̇д̇ам̣. яод̇д̇аанийд̇и жаммараж̇ж̇угаа. д̇ад̇т̇аж̇аад̇агаад̇и сан̇гхигабхуумияам̣ ж̇аад̇аа.
‘‘Aḍḍhabāhūti kapparato paṭṭhāya yāva aṃsakūṭa’’nti gaṇṭhipadesu vuttaṃ. ‘‘Aḍḍhabāhu nāma vidatthicaturaṅgulantipi vadantī’’ti sāratthadīpaniyaṃ (sārattha. ṭī. cūḷavagga 2.321) vuttaṃ. Vajirabuddhiṭīkāyampi (vajira. ṭī. cūḷavagga 321) ‘‘aḍḍhabāhūti kapparato paṭṭhāya yāva aṃsakūṭanti likhita’’nti vuttaṃ. Vimativinodaniyaṃ (vi. vi. ṭī. cūḷavagga 2.321) pana ‘‘aḍḍhabāhuppamāṇā nāma aḍḍhabāhumattā, aḍḍhabyāmamattātipi vadantī’’ti vuttaṃ. Yottānīti cammarajjukā. Tatthajātakāti saṅghikabhūmiyaṃ jātā.
‘‘адтан̇г̇уласуужид̣̇ан̣д̣амад̇д̇од̇и д̣̇ийгхасо адтан̇г̇уламад̇д̇о барин̣аахад̇о бан̣н̣асуужид̣̇ан̣д̣амад̇д̇о’’д̇и саарад̇т̇ад̣̇ийбанияам̣ (саарад̇т̇а. дий.. жуул̣аваг̇г̇а 3.321) вимад̇ивинод̣̇анияам̣ бана (ви. ви. дий. жуул̣аваг̇г̇а 2.321) ‘‘адтан̇г̇уласуужид̣̇ан̣д̣амад̇д̇од̇и сарад̣̇ан̣д̣аад̣̇исуужиаагаарад̇ануд̣̇ан̣д̣агамад̇д̇обий’’д̇и вуд̇д̇ам̣. адтан̇г̇улаббамаан̣од̇и д̣̇ийгхад̇о адтан̇г̇улаббамаан̣о. рид̇д̇абод̇т̇агобийд̇и аликид̇абод̇т̇агоби, ид̣̇ан̃жа бан̣н̣аббасан̇г̇зна вуд̇д̇ам̣.
‘‘Aṭṭhaṅgulasūcidaṇḍamattoti dīghaso aṭṭhaṅgulamatto pariṇāhato paṇṇasūcidaṇḍamatto’’ti sāratthadīpaniyaṃ (sārattha. ṭī.. Cūḷavagga 3.321) vimativinodaniyaṃ pana (vi. vi. ṭī. cūḷavagga 2.321) ‘‘aṭṭhaṅgulasūcidaṇḍamattoti saradaṇḍādisūciākāratanudaṇḍakamattopī’’ti vuttaṃ. Aṭṭhaṅgulappamāṇoti dīghato aṭṭhaṅgulappamāṇo. Rittapotthakopīti alikhitapotthakopi, idañca paṇṇappasaṅgena vuttaṃ.
аасанд̣̇игод̇и жад̇урассабийтам̣ вужжад̇и ‘‘ужжагамби аасанд̣̇ига’’нд̇и (жуул̣ава. 297) важанад̇о . згад̇обхааг̇зна д̣̇ийгхабийтамзва хи адтан̇г̇улабаад̣̇агам̣ ваддад̇и, жад̇урассаасанд̣̇иго бана бамаан̣аад̇игганд̇оби ваддад̇ийд̇и взд̣̇ид̇аб̣б̣о. сад̇д̇ан̇г̇о наама д̇ийсу д̣̇исаасу абассаяам̣ гад̇ваа гад̇аман̃жо, аяамби бамаан̣аад̇игганд̇оби ваддад̇и. бхад̣̇д̣̇абийтанд̇и взд̇д̇амаяам̣ бийтам̣ вужжад̇и. бийтигаад̇и билод̇игаб̣анд̇хам̣ бийтамзва. зл̣агабаад̣̇абийтам̣ наама д̣̇аарубадигааяа убарибаад̣̇з табзд̇ваа бхож̇анапалагам̣ вияа гад̇абийтам̣ вужжад̇и. ааман̣д̣агаван̣дагабийтам̣ наама аамалагаагаарзна яож̇ид̇аб̣ахаубаад̣̇абийтам̣. имаани д̇аава баал̣ияам̣ ааг̇ад̇абийтаани. д̣̇аарумаяам̣ бана саб̣б̣амби бийтам̣ ваддад̇и.
Āsandikoti caturassapīṭhaṃ vuccati ‘‘uccakampi āsandika’’nti (cūḷava. 297) vacanato . Ekatobhāgena dīghapīṭhameva hi aṭṭhaṅgulapādakaṃ vaṭṭati, caturassāsandiko pana pamāṇātikkantopi vaṭṭatīti veditabbo. Sattaṅgo nāma tīsu disāsu apassayaṃ katvā katamañco, ayampi pamāṇātikkantopi vaṭṭati. Bhaddapīṭhanti vettamayaṃ pīṭhaṃ vuccati. Pīṭhikāti pilotikabandhaṃ pīṭhameva. Eḷakapādapīṭhaṃ nāma dārupaṭikāya uparipāde ṭhapetvā bhojanaphalakaṃ viya katapīṭhaṃ vuccati. Āmaṇḍakavaṇṭakapīṭhaṃ nāma āmalakākārena yojitabahaupādapīṭhaṃ. Imāni tāva pāḷiyaṃ āgatapīṭhāni. Dārumayaṃ pana sabbampi pīṭhaṃ vaṭṭati.
‘‘гхадданапалагам̣ наама яад̇т̇а табзд̇ваа раж̇ид̇ажийварам̣ хад̇т̇зна гхаддзнд̇и. гхадданамуг̇г̇аро наама ануваад̇аад̣̇игхадданад̇т̇ам̣ гад̇од̇и вад̣̇анд̇ий’’д̇и саарад̇т̇ад̣̇ийбанияам̣ (саарад̇т̇а. дий. жуул̣аваг̇г̇а 3.321) вуд̇д̇ам̣. вимад̇ивинод̣̇анияам̣ (ви. ви. дий. жуул̣аваг̇г̇а 2.321) ‘‘гхадданапалагам̣ гхадданамуг̇г̇арод̇и ид̣̇ам̣ раж̇ид̇ажийварам̣ згасмим̣ мадтз д̣̇ан̣д̣амуг̇г̇арз взтзд̇ваа згасса мадтапалагасса убари табзд̇ваа убари абарзна мадтапалагзна ниггуж̇ж̇ид̇ваа зго убари аггамид̇ваа д̇идтад̇и, д̣̇вз ж̇анаа убарипалагам̣ д̣̇вийсу годийсу г̇ахзд̇ваа абараабарам̣ аагад̣дханавигад̣дханам̣ гаронд̇и, зд̇ам̣ санд̇хааяа вуд̇д̇ам̣. хад̇т̇з табаабзд̇ваа хад̇т̇зна бахаран̣ам̣ бана нидтид̇араж̇анасса жийварасса аллагаалз гаад̇аб̣б̣ам̣, ид̣̇ам̣ бана палагамуг̇г̇арзхи гхадданам̣ сугкагаалз т̇ад̣̇д̇хабхаававиможанад̇т̇анд̇и д̣̇адтаб̣б̣а’’нд̇и вуд̇д̇ам̣. ‘‘амб̣ан̣анд̇и палагзхи богкаран̣ийсад̣̇исагад̇абаанийяабхааж̇анам̣. раж̇анад̣̇он̣ийд̇и яад̇т̇а баггараж̇анам̣ аагирид̇ваа табзнд̇ий’’д̇и саарад̇т̇ад̣̇ийбанияам̣. вимад̇ивинод̣̇анияам̣ бана ‘‘амб̣ан̣анд̇и згад̣̇он̣иганааваапалагзхи богкаран̣ийсад̣̇исам̣ гад̇ам̣. баанийяабхааж̇ананд̇иби вад̣̇анд̇и. раж̇анад̣̇он̣ийд̇и згад̣̇аарунаава гад̇ам̣ раж̇анабхааж̇анам̣. уд̣̇агад̣̇он̣ийд̇и згад̣̇аарунаава гад̇ам̣ уд̣̇агабхааж̇ана’’нд̇и вуд̇д̇ам̣.
‘‘Ghaṭṭanaphalakaṃ nāma yattha ṭhapetvā rajitacīvaraṃ hatthena ghaṭṭenti. Ghaṭṭanamuggaro nāma anuvātādighaṭṭanatthaṃ katoti vadantī’’ti sāratthadīpaniyaṃ (sārattha. ṭī. cūḷavagga 3.321) vuttaṃ. Vimativinodaniyaṃ (vi. vi. ṭī. cūḷavagga 2.321) ‘‘ghaṭṭanaphalakaṃ ghaṭṭanamuggaroti idaṃ rajitacīvaraṃ ekasmiṃ maṭṭhe daṇḍamuggare veṭhetvā ekassa maṭṭhaphalakassa upari ṭhapetvā upari aparena maṭṭhaphalakena nikkujjitvā eko upari akkamitvā tiṭṭhati, dve janā upariphalakaṃ dvīsu koṭīsu gahetvā aparāparaṃ ākaḍḍhanavikaḍḍhanaṃ karonti, etaṃ sandhāya vuttaṃ. Hatthe ṭhapāpetvā hatthena paharaṇaṃ pana niṭṭhitarajanassa cīvarassa allakāle kātabbaṃ, idaṃ pana phalakamuggarehi ghaṭṭanaṃ sukkhakāle thaddhabhāvavimocanatthanti daṭṭhabba’’nti vuttaṃ. ‘‘Ambaṇanti phalakehi pokkharaṇīsadisakatapānīyabhājanaṃ. Rajanadoṇīti yattha pakkarajanaṃ ākiritvā ṭhapentī’’ti sāratthadīpaniyaṃ. Vimativinodaniyaṃ pana ‘‘ambaṇanti ekadoṇikanāvāphalakehi pokkharaṇīsadisaṃ kataṃ. Pānīyabhājanantipi vadanti. Rajanadoṇīti ekadārunāva kataṃ rajanabhājanaṃ. Udakadoṇīti ekadārunāva kataṃ udakabhājana’’nti vuttaṃ.
‘‘бхуумад̇т̇аран̣ам̣ гаад̇ум̣ ваддад̇ийд̇и агаббияажаммам̣ санд̇хааяа вуд̇д̇ам̣. бажжад̇т̇аран̣аг̇ад̇иганд̇и иминаа ман̃жабийтзби ад̇т̇арид̇ум̣ ваддад̇ийд̇и д̣̇ийбзд̇и. бааваараад̣̇ибажжад̇т̇аран̣амби г̇арубхан̣д̣анд̇и згз. нод̇и абарз, виймам̣сид̇ваа г̇ахзд̇аб̣б̣а’’нд̇и саарад̇т̇ад̣̇ийбанияам̣ (саарад̇т̇а. дий. жуул̣аваг̇г̇а 3.321) вуд̇д̇ам̣. важ̇ираб̣уд̣̇д̇хидийгааяам̣ (важ̇ира. дий. жуул̣аваг̇г̇а 321) бана ‘‘д̣̇ан̣д̣амуг̇г̇аро наама ‘язна раж̇ид̇ажийварам̣ бот̇знд̇и, д̇амби г̇арубхан̣д̣амзваа’д̇и вуд̇д̇ад̇д̇аа, ‘бажжад̇т̇аран̣аг̇ад̇ига’нд̇и вуд̇д̇ад̇д̇аа жа аби-сад̣̇д̣̇зна бааваараад̣̇ибажжад̇т̇аран̣ам̣ саб̣б̣ам̣ г̇арубхан̣д̣амзваад̇и вад̣̇анд̇и. зд̇знзва суд̇д̇зна ан̃н̃ат̇аа ад̇т̇ам̣ вад̇ваа бааваараад̣̇ибажжад̇т̇аран̣ам̣ на г̇арубхан̣д̣ам̣, бхааж̇анийяамзва, сзнаасанад̇т̇ааяа д̣̇иннабажжад̇т̇аран̣амзва г̇арубхан̣д̣анд̇и вад̣̇анд̇и. убабаригкид̇аб̣б̣а’’нд̇и вуд̇д̇ам̣. вимад̇ивинод̣̇анияам̣ (ви. ви. дий. жуул̣аваг̇г̇а 2.321) бана ‘‘бхуумад̇т̇аран̣ам̣ гаад̇ум̣ ваддад̇ийд̇и агаббияажаммам̣ санд̇хааяа вуд̇д̇ам̣. д̇ад̇т̇а бхуумад̇т̇аран̣асан̇кзбзна саяид̇умби ваддад̇иязва. бажжад̇т̇аран̣аг̇ад̇иганд̇и иминаа ман̃жаад̣̇ийсу ад̇т̇арид̇аб̣б̣ам̣ махаажаммам̣ зл̣агажаммам̣ наамаад̇и д̣̇ассзд̇ий’’д̇и вуд̇д̇ам̣. чад̇д̇амудтибан̣н̣анд̇и д̇аалабан̣н̣ам̣ санд̇хааяа вуд̇д̇ам̣. бад̇д̇агадааханд̇и бад̇д̇абажанагадаахам̣. г̇ан̣тигаад̇и жийвараг̇ан̣тигаа. вид̇ход̇и гааяаб̣анд̇ханавид̇хо.
‘‘Bhūmattharaṇaṃ kātuṃ vaṭṭatīti akappiyacammaṃ sandhāya vuttaṃ. Paccattharaṇagatikanti iminā mañcapīṭhepi attharituṃ vaṭṭatīti dīpeti. Pāvārādipaccattharaṇampi garubhaṇḍanti eke. Noti apare, vīmaṃsitvā gahetabba’’nti sāratthadīpaniyaṃ (sārattha. ṭī. cūḷavagga 3.321) vuttaṃ. Vajirabuddhiṭīkāyaṃ (vajira. ṭī. cūḷavagga 321) pana ‘‘daṇḍamuggaro nāma ‘yena rajitacīvaraṃ pothenti, tampi garubhaṇḍamevā’ti vuttattā, ‘paccattharaṇagatika’nti vuttattā ca api-saddena pāvārādipaccattharaṇaṃ sabbaṃ garubhaṇḍamevāti vadanti. Eteneva suttena aññathā atthaṃ vatvā pāvārādipaccattharaṇaṃ na garubhaṇḍaṃ, bhājanīyameva, senāsanatthāya dinnapaccattharaṇameva garubhaṇḍanti vadanti. Upaparikkhitabba’’nti vuttaṃ. Vimativinodaniyaṃ (vi. vi. ṭī. cūḷavagga 2.321) pana ‘‘bhūmattharaṇaṃ kātuṃ vaṭṭatīti akappiyacammaṃ sandhāya vuttaṃ. Tattha bhūmattharaṇasaṅkhepena sayitumpi vaṭṭatiyeva. Paccattharaṇagatikanti iminā mañcādīsu attharitabbaṃ mahācammaṃ eḷakacammaṃ nāmāti dassetī’’ti vuttaṃ. Chattamuṭṭhipaṇṇanti tālapaṇṇaṃ sandhāya vuttaṃ. Pattakaṭāhanti pattapacanakaṭāhaṃ. Gaṇṭhikāti cīvaragaṇṭhikā. Vidhoti kāyabandhanavidho.
ид̣̇аани винаяад̇т̇аман̃ж̇уусааяам̣ (ган̇каа. абхи. дий. д̣̇уб̣б̣аласигкаабад̣̇аван̣н̣анаа) ааг̇ад̇анаяо вужжад̇з – аараамо наама бубпаараамо ваа палаараамо ваа. аараамавад̇т̇у наама д̇зсам̣язва аараамаанам̣ ад̇т̇ааяа барижчинд̣̇ид̇ваа табид̇огаасо. д̇зсу ваа аараамзсу винадтзсу д̇зсам̣ бораан̣агабхуумибхааг̇о. вихааро наама яам̣ гин̃жи баасаад̣̇аад̣̇исзнаасанам̣. вихааравад̇т̇у наама д̇асса бад̇идтааногаасо. ман̃жо наама масаараго б̣унд̣̇игааб̣ад̣̇д̇хо гул̣ийрабаад̣̇аго аахажжабаад̣̇агод̇и имзсам̣ буб̣б̣з вуд̇д̇аанам̣ жад̇уннам̣ ман̃жаанам̣ ан̃н̃ад̇аро. бийтам̣ наама масаарагаад̣̇ийнам̣язва жад̇уннам̣ бийтаанам̣ ан̃н̃ад̇арам̣. бхиси наама ун̣н̣абхисиаад̣̇ийнам̣ бан̃жаннам̣ бхисийнам̣ ан̃н̃ад̇арам̣. б̣имб̣оханам̣ наама ругкад̇уулалад̇аад̇уулабодагийд̇уулаанам̣ ан̃н̃ад̇арзна бун̣н̣ам̣. лохагумбхий наама гаал̣алохзна ваа д̇амб̣алохзна ваа язна гзнажи гад̇агумбхий. лохабхаан̣агаад̣̇ийсуби зсзва наяо. зд̇т̇а бана бхаан̣аганд̇и аран̃ж̇аро вужжад̇и. ваарагод̇и гхадо. гадаахам̣ гадаахамзва. ваасиаад̣̇ийсу валлиаад̣̇ийсу жа д̣̇увин̃н̃зяяам̣ наама над̇т̇и…бз….
Idāni vinayatthamañjūsāyaṃ (kaṅkhā. abhi. ṭī. dubbalasikkhāpadavaṇṇanā) āgatanayo vuccate – ārāmo nāma pupphārāmo vā phalārāmo vā. Ārāmavatthu nāma tesaṃyeva ārāmānaṃ atthāya paricchinditvā ṭhapitokāso. Tesu vā ārāmesu vinaṭṭhesu tesaṃ porāṇakabhūmibhāgo. Vihāro nāma yaṃ kiñci pāsādādisenāsanaṃ. Vihāravatthu nāma tassa patiṭṭhānokāso. Mañco nāma masārako bundikābaddho kuḷīrapādako āhaccapādakoti imesaṃ pubbe vuttānaṃ catunnaṃ mañcānaṃ aññataro. Pīṭhaṃ nāma masārakādīnaṃyeva catunnaṃ pīṭhānaṃ aññataraṃ. Bhisi nāma uṇṇabhisiādīnaṃ pañcannaṃ bhisīnaṃ aññataraṃ. Bimbohanaṃ nāma rukkhatūlalatātūlapoṭakītūlānaṃ aññatarena puṇṇaṃ. Lohakumbhī nāma kāḷalohena vā tambalohena vā yena kenaci katakumbhī. Lohabhāṇakādīsupi eseva nayo. Ettha pana bhāṇakanti arañjaro vuccati. Vārakoti ghaṭo. Kaṭāhaṃ kaṭāhameva. Vāsiādīsu valliādīsu ca duviññeyyaṃ nāma natthi…pe….
д̇ад̇т̇а т̇ааварзна т̇ааваранд̇и вихааравихааравад̇т̇унаа аараамааараамавад̇т̇ум̣ вихааравихааравад̇т̇ум̣. ид̇арзнаад̇и ат̇ааварзна, бажчимараасид̇д̇аязнаад̇и вуд̇д̇ам̣ ход̇и. агаббиязнаад̇и суван̣н̣амаяаман̃жаад̣̇инаа жзва агаббияабхисиб̣имб̣оханзхи жа. махаг̇гхагаббиязнаад̇и д̣̇анд̇амаяаман̃жаад̣̇инаа жзва бааваараад̣̇инаа жа. ид̇аранд̇и ат̇ааварам̣. габбияабаривад̇д̇анзна баривад̇д̇зд̇унд̇и яат̇аа агаббияам̣ на ход̇и, звам̣ баривад̇д̇зд̇ум̣…бз… звам̣ д̇аава т̇ааварзна т̇ааварабаривад̇д̇анам̣ взд̣̇ид̇аб̣б̣ам̣. ид̇арзна ид̇арабаривад̇д̇анз бана ман̃жабийтам̣ маханд̇ам̣ ваа ход̇у, куд̣̇д̣̇агам̣ ваа, анд̇амасо жад̇уран̇г̇улабаад̣̇агам̣ г̇аамад̣̇аарагзхи бам̣свааг̇аарагзсу гийл̣анд̇зхи гад̇амби сан̇гхасса д̣̇иннагаалад̇о бадтааяа г̇арубхан̣д̣ам̣ ход̇и…бз… сад̇аг̇гханагзна ваа сахассаг̇гханагзна ваа ман̃жзна ан̃н̃ам̣ ман̃жасад̇амби лабхад̇и, баривад̇д̇зд̇ваа г̇ахзд̇аб̣б̣ам̣. на гзвалам̣ ман̃жзна ман̃жоязва, аараамааараамавад̇т̇увихааравихааравад̇т̇убийтабхисиб̣имб̣оханааниби баривад̇д̇зд̇ум̣ вадданд̇и. зса наяо бийтабхисиб̣имб̣оханзсуби.
Tattha thāvarena thāvaranti vihāravihāravatthunā ārāmaārāmavatthuṃ vihāravihāravatthuṃ. Itarenāti athāvarena, pacchimarāsittayenāti vuttaṃ hoti. Akappiyenāti suvaṇṇamayamañcādinā ceva akappiyabhisibimbohanehi ca. Mahagghakappiyenāti dantamayamañcādinā ceva pāvārādinā ca. Itaranti athāvaraṃ. Kappiyaparivattanena parivattetunti yathā akappiyaṃ na hoti, evaṃ parivattetuṃ…pe… evaṃ tāva thāvarena thāvaraparivattanaṃ veditabbaṃ. Itarena itaraparivattane pana mañcapīṭhaṃ mahantaṃ vā hotu, khuddakaṃ vā, antamaso caturaṅgulapādakaṃ gāmadārakehi paṃsvāgārakesu kīḷantehi katampi saṅghassa dinnakālato paṭṭhāya garubhaṇḍaṃ hoti…pe… satagghanakena vā sahassagghanakena vā mañcena aññaṃ mañcasatampi labhati, parivattetvā gahetabbaṃ. Na kevalaṃ mañcena mañcoyeva, ārāmaārāmavatthuvihāravihāravatthupīṭhabhisibimbohanānipi parivattetuṃ vaṭṭanti. Esa nayo pīṭhabhisibimbohanesupi.
гаал̣алохад̇амб̣алохагам̣салохаваддалохаананд̇и зд̇т̇а гам̣салохам̣ ваддалохан̃жа гид̇д̇ималохам̣. д̇ийн̣и хи гид̇д̇ималохаани гам̣салохам̣ ваддалохам̣ хаарагууданд̇и. д̇ад̇т̇а д̇ибуд̇амб̣з миссзд̇ваа гад̇ам̣ гам̣салохам̣. сийсад̇амб̣з миссзд̇ваа гад̇ам̣ ваддалохам̣. расад̇амб̣з миссзд̇ваа гад̇ам̣ хаарагуудам̣. д̇зна вуд̇д̇ам̣ ‘‘гам̣салохам̣ ваддалохан̃жа гид̇д̇ималоха’’нд̇и. д̇ад̇о ад̇ирзганд̇и д̇ад̇о ад̇ирзгаг̇ан̣ханаго. саарагод̇и маж̇жхз магул̣ам̣ д̣̇ассзд̇ваа мукаваддивид̇т̇ад̇ам̣ гад̇ваа бидтид̇о наамзд̇ваа гаад̇аб̣б̣ам̣ згам̣ бхааж̇анам̣. сарааванд̇иби вад̣̇анд̇и. аад̣̇и-сад̣̇д̣̇зна ган̃жанагаад̣̇ийнам̣ г̇ихиубагаран̣аанам̣ г̇ахан̣ам̣. д̇аани хи куд̣̇д̣̇агааниби г̇арубхан̣д̣аанзва г̇ихиубагаран̣ад̇д̇аа. би-сад̣̇д̣̇зна баг̇зва маханд̇аанийд̇и д̣̇ассзд̇и, имаани бана бхааж̇анийяаани бхигкубагаран̣ад̇д̇аад̇и ад̇хиббааяо. яат̇аа жа зд̇аани, звам̣ гун̣д̣игааби бхааж̇анийяаа. вагкад̇и хи ‘‘яат̇аа жа мад̇д̇игаабхан̣д̣з, звам̣ лохабхан̣д̣зби гун̣д̣игаа бхааж̇анийяагодтаасамзва бхаж̇ад̇ий’’д̇и. сан̇гхигабарибхог̇знаад̇и ааг̇анд̇угаанам̣ вуд̣дхад̇араанам̣ д̣̇ад̇ваа барибхог̇зна. г̇ихивигадаад̇и г̇ихийхи вигад̇аа бан̃н̃ад̇д̇аа, ад̇д̇ано ваа санд̇агагаран̣зна вируубам̣ гад̇аа. буг̇г̇алигабарибхог̇зна на ваддад̇ийд̇и ааг̇анд̇угаанам̣ ад̣̇ад̇ваа ад̇д̇ано санд̇агам̣ вияа г̇ахзд̇ваа барибхун̃ж̇ид̇ум̣ на ваддад̇и. бибпалигод̇и гад̇д̇ари. аараган̣дагам̣ сууживзд̇хагам̣. д̇аал̣ам̣ яанд̇ам̣. гад̇д̇араяадтивзд̇хаго гад̇д̇араяадтивалаяам̣. яат̇аа д̇ат̇аа гханагад̇ам̣ лоханд̇и лохавадди лохаг̇ул̣о лохабин̣д̣и лохажаггалиганд̇и звам̣ гханагад̇ам̣ лохам̣. кийрабаасаан̣амаяаанийд̇и муд̣̇угакийраван̣н̣абаасаан̣амаяаани.
Kāḷalohatambalohakaṃsalohavaṭṭalohānanti ettha kaṃsalohaṃ vaṭṭalohañca kittimalohaṃ. Tīṇi hi kittimalohāni kaṃsalohaṃ vaṭṭalohaṃ hārakūṭanti. Tattha tiputambe missetvā kataṃ kaṃsalohaṃ. Sīsatambe missetvā kataṃ vaṭṭalohaṃ. Rasatambe missetvā kataṃ hārakūṭaṃ. Tena vuttaṃ ‘‘kaṃsalohaṃ vaṭṭalohañca kittimaloha’’nti. Tato atirekanti tato atirekagaṇhanako. Sārakoti majjhe makuḷaṃ dassetvā mukhavaṭṭivitthataṃ katvā piṭṭhito nāmetvā kātabbaṃ ekaṃ bhājanaṃ. Sarāvantipi vadanti. Ādi-saddena kañcanakādīnaṃ gihiupakaraṇānaṃ gahaṇaṃ. Tāni hi khuddakānipi garubhaṇḍāneva gihiupakaraṇattā. Pi-saddena pageva mahantānīti dasseti, imāni pana bhājanīyāni bhikkhupakaraṇattāti adhippāyo. Yathā ca etāni, evaṃ kuṇḍikāpi bhājanīyā. Vakkhati hi ‘‘yathā ca mattikābhaṇḍe, evaṃ lohabhaṇḍepi kuṇḍikā bhājanīyakoṭṭhāsameva bhajatī’’ti. Saṅghikaparibhogenāti āgantukānaṃ vuḍḍhatarānaṃ datvā paribhogena. Gihivikaṭāti gihīhi vikatā paññattā, attano vā santakakaraṇena virūpaṃ katā. Puggalikaparibhogena na vaṭṭatīti āgantukānaṃ adatvā attano santakaṃ viya gahetvā paribhuñjituṃ na vaṭṭati. Pipphalikoti kattari. Ārakaṇṭakaṃ sūcivedhakaṃ. Tāḷaṃ yantaṃ. Kattarayaṭṭhivedhako kattarayaṭṭhivalayaṃ. Yathā tathā ghanakataṃ lohanti lohavaṭṭi lohaguḷo lohapiṇḍi lohacakkalikanti evaṃ ghanakataṃ lohaṃ. Khīrapāsāṇamayānīti mudukakhīravaṇṇapāsāṇamayāni.
г̇ихивигадааниби на вадданд̇и анаамаасад̇д̇аа. би-сад̣̇д̣̇зна баг̇зва сан̇гхигабарибхог̇зна ваа буг̇г̇алигабарибхог̇зна ваад̇и д̣̇ассзд̇и. сзнаасанабарибхог̇о бана саб̣б̣агаббияо, д̇асмаа ж̇аад̇аруубаад̣̇имаяааа саб̣б̣ааби сзнаасанабаригкаараа аамаасаа. д̇знааха ‘‘сзнаасанабарибхог̇з банаа’’д̇иаад̣̇и.
Gihivikaṭānipi na vaṭṭanti anāmāsattā. Pi-saddena pageva saṅghikaparibhogena vā puggalikaparibhogena vāti dasseti. Senāsanaparibhogo pana sabbakappiyo, tasmā jātarūpādimayaā sabbāpi senāsanaparikkhārā āmāsā. Tenāha ‘‘senāsanaparibhoge panā’’tiādi.
сзсаад̇и д̇ад̇о махад̇д̇арий вааси. яаа банаад̇и яаа гутаарий бана. гуд̣̇аало анд̇амасо жад̇уран̇г̇уламад̇д̇оби г̇арубхан̣д̣амзва. никаад̣̇анам̣ жад̇урассамукам̣ ваа ход̇у д̣̇он̣имукам̣ ваа ван̇гам̣ ваа уж̇угам̣ ваа, анд̇амасо саммун̃ж̇анийд̣̇ан̣д̣авзд̇ханамби, д̣̇ан̣д̣аб̣анд̇хан̃жз, г̇арубхан̣д̣амзва. д̇знааха ‘‘гуд̣̇аало д̣̇ан̣д̣аб̣анд̇ханикаад̣̇анам̣ ваа аг̇арубхан̣д̣ам̣ наама над̇т̇ий’’д̇и. сибаадигаа наама курагосо, сикарам̣ бана д̣̇ан̣д̣аб̣анд̇ханикаад̣̇анам̣ ануломзд̇ийд̇и ааха ‘‘сикарамби никаад̣̇анзнзва сан̇г̇ахид̇а’’нд̇и. сажз бана вааси ад̣̇ан̣д̣агам̣ паламад̇д̇ам̣, бхааж̇анийяам̣. убагкарзд̇и ваасиаад̣̇ибхан̣д̣з.
Sesāti tato mahattarī vāsi. Yā panāti yā kuṭhārī pana. Kudālo antamaso caturaṅgulamattopi garubhaṇḍameva. Nikhādanaṃ caturassamukhaṃ vā hotu doṇimukhaṃ vā vaṅkaṃ vā ujukaṃ vā, antamaso sammuñjanīdaṇḍavedhanampi, daṇḍabandhañce, garubhaṇḍameva. Tenāha ‘‘kudālo daṇḍabandhanikhādanaṃ vā agarubhaṇḍaṃ nāma natthī’’ti. Sipāṭikā nāma khurakoso, sikharaṃ pana daṇḍabandhanikhādanaṃ anulometīti āha ‘‘sikharampi nikhādaneneva saṅgahita’’nti. Sace pana vāsi adaṇḍakaṃ phalamattaṃ, bhājanīyaṃ. Upakkhareti vāsiādibhaṇḍe.
бад̇д̇аб̣анд̇хаго наама бад̇д̇асса г̇ан̣тигаад̣̇игаараго. ‘‘бадимаанам̣ суван̣н̣аад̣̇ибад̇д̇агаараго’’д̇иби вад̣̇анд̇и. д̇ибужчзд̣̇анагасад̇т̇ам̣ суван̣н̣ажчзд̣̇анагасад̇т̇ам̣ гад̇абаригаммажаммажчинд̣̇анагакуд̣̇д̣̇агасад̇т̇анд̇и имаани жзд̇т̇а д̇ийн̣и бибпалигам̣ ануломанд̇ийд̇и ааха ‘‘аяам̣ бана висзсо’’д̇иаад̣̇и. ид̇араанийд̇и махаагад̇д̇ариаад̣̇ийни.
Pattabandhako nāma pattassa gaṇṭhikādikārako. ‘‘Paṭimānaṃ suvaṇṇādipattakārako’’tipi vadanti. Tipucchedanakasatthaṃ suvaṇṇacchedanakasatthaṃ kataparikammacammacchindanakakhuddakasatthanti imāni cettha tīṇi pipphalikaṃ anulomantīti āha ‘‘ayaṃ pana viseso’’tiādi. Itarānīti mahākattariādīni.
ад̣дхаб̣аахуббамаан̣аад̇и габбарад̇о бадтааяа яаава ам̣сагуудаббамаан̣аа, вид̣̇ад̇т̇ижад̇уран̇г̇улаббамаан̣аад̇и вуд̇д̇ам̣ ход̇и. д̇ад̇т̇аж̇аад̇агаад̇и сан̇гхигабхуумияам̣ ж̇аад̇аа, аарагкасам̣вид̇хаанзна рагкид̇ад̇д̇аа рагкид̇аа жа саа ман̃ж̇уусаад̣̇ийсу багкид̇д̇ам̣ вияа яат̇аа д̇ам̣ на нассад̇и, звам̣ г̇обанад̇о г̇обид̇аа жаад̇и рагкид̇аг̇обид̇аа. д̇ад̇т̇аж̇аад̇агааби бана арагкид̇аа г̇арубхан̣д̣амзва на ход̇и. сан̇гхагаммз жа жзд̇ияагаммз жа гад̇зд̇и иминаа сан̇гхасанд̇агзна жзд̇ияасанд̇агам̣ рагкид̇ум̣ баривад̇д̇ид̇ун̃жа ваддад̇ийд̇и д̣̇ийбзд̇и. суд̇д̇ам̣ банаад̇и ваддид̇ан̃жзва аваддид̇ан̃жа суд̇д̇ам̣.
Aḍḍhabāhuppamāṇāti kapparato paṭṭhāya yāva aṃsakūṭappamāṇā, vidatthicaturaṅgulappamāṇāti vuttaṃ hoti. Tatthajātakāti saṅghikabhūmiyaṃ jātā, ārakkhasaṃvidhānena rakkhitattā rakkhitā ca sā mañjūsādīsu pakkhittaṃ viya yathā taṃ na nassati, evaṃ gopanato gopitā cāti rakkhitagopitā. Tatthajātakāpi pana arakkhitā garubhaṇḍameva na hoti. Saṅghakamme ca cetiyakamme ca kateti iminā saṅghasantakena cetiyasantakaṃ rakkhituṃ parivattituñca vaṭṭatīti dīpeti. Suttaṃ panāti vaṭṭitañceva avaṭṭitañca suttaṃ.
адтан̇г̇уласуужид̣̇ан̣д̣амад̇д̇од̇и анд̇амасо д̣̇ийгхасо адтан̇г̇уламад̇д̇о барин̣аахад̇о сийхал̣а-бан̣н̣асуужид̣̇ан̣д̣амад̇д̇о. зд̇т̇аад̇и взл̣убхан̣д̣з. д̣̇ад̣дхам̣ г̇зхам̣ язсам̣ д̇зд̇и д̣̇ад̣дхаг̇зхаа. на ваарзд̇аб̣б̣аад̇и ‘‘маа г̇ан̣хид̇ваа г̇ажчат̇аа’’д̇и на нисзд̇хзд̇аб̣б̣аа. д̣̇зсанд̇араг̇ад̇зна самбад̇д̇авихаарз сан̇гхигааваасз табзд̇аб̣б̣аа.
Aṭṭhaṅgulasūcidaṇḍamattoti antamaso dīghaso aṭṭhaṅgulamatto pariṇāhato sīhaḷa-paṇṇasūcidaṇḍamatto. Etthāti veḷubhaṇḍe. Daḍḍhaṃ gehaṃ yesaṃ teti daḍḍhagehā. Na vāretabbāti ‘‘mā gaṇhitvā gacchathā’’ti na nisedhetabbā. Desantaragatena sampattavihāre saṅghikāvāse ṭhapetabbā.
авасзсан̃жа чад̣̇анад̇ин̣анд̇и мун̃ж̇абаб̣б̣аж̇зхи авасзсам̣ яам̣ гин̃жи чад̣̇анад̇ин̣ам̣. адтан̇г̇улаббамаан̣обийд̇и вид̇т̇аарад̇о адтан̇г̇улаббамаан̣о. ликид̇абод̇т̇аго бана г̇арубхан̣д̣ам̣ на ход̇и. габбияажаммаанийд̇и миг̇аад̣̇ийнам̣ жаммаани. саб̣б̣ам̣ жаггаяуд̇д̇аяаананд̇и рат̇асагадаад̣̇игам̣ саб̣б̣ам̣ жаггаяуд̇д̇аяаанам̣. висан̇кад̇ажаггам̣ бана яаанам̣ бхааж̇анийяам̣. анун̃н̃аад̇авааси наама яаа сибаадигааяа багкибид̇ваа барихарид̇ум̣ саггаад̇и вуд̇д̇аа. мудтибан̣н̣ам̣ д̇аалабад̇д̇ам̣. д̇ан̃хи мудтинаа г̇ахзд̇ваа барихаранд̇ийд̇и ‘‘мудтибан̣н̣а’’нд̇и вужжад̇и. ‘‘мудтибан̣н̣анд̇и чад̇д̇ажчад̣̇абан̣н̣амзваа’’д̇и гзжи. аран̣ийсахид̇анд̇и аран̣ийяуг̇ал̣ам̣, уд̇д̇арааран̣ий ад̇харааран̣ийд̇и аран̣ийд̣̇ваяанд̇и ад̇т̇о. паад̇игаммам̣ гад̇ваад̇и анд̇амасо д̇ам̣аг̇гханагаваалигааяаби т̇ааварам̣ вад̣дхигаммам̣ гад̇ваа. гун̣д̣игаад̇и аяагун̣д̣игаа жзва д̇амб̣алохагун̣д̣игаа жа. бхааж̇анийяагодтаасамзва бхаж̇ад̇ийд̇и бхааж̇анийяабагкамзва сзвад̇и , на д̇у г̇арубхан̣д̣анд̇и ад̇т̇о. ган̃жанаго бана г̇арубхан̣д̣амзваад̇и ад̇хиббааяо.
Avasesañca chadanatiṇanti muñjapabbajehi avasesaṃ yaṃ kiñci chadanatiṇaṃ. Aṭṭhaṅgulappamāṇopīti vitthārato aṭṭhaṅgulappamāṇo. Likhitapotthako pana garubhaṇḍaṃ na hoti. Kappiyacammānīti migādīnaṃ cammāni. Sabbaṃ cakkayuttayānanti rathasakaṭādikaṃ sabbaṃ cakkayuttayānaṃ. Visaṅkhatacakkaṃ pana yānaṃ bhājanīyaṃ. Anuññātavāsi nāma yā sipāṭikāya pakkhipitvā pariharituṃ sakkāti vuttā. Muṭṭhipaṇṇaṃ tālapattaṃ. Tañhi muṭṭhinā gahetvā pariharantīti ‘‘muṭṭhipaṇṇa’’nti vuccati. ‘‘Muṭṭhipaṇṇanti chattacchadapaṇṇamevā’’ti keci. Araṇīsahitanti araṇīyugaḷaṃ, uttarāraṇī adharāraṇīti araṇīdvayanti attho. Phātikammaṃ katvāti antamaso taṃagghanakavālikāyapi thāvaraṃ vaḍḍhikammaṃ katvā. Kuṇḍikāti ayakuṇḍikā ceva tambalohakuṇḍikā ca. Bhājanīyakoṭṭhāsameva bhajatīti bhājanīyapakkhameva sevati , na tu garubhaṇḍanti attho. Kañcanako pana garubhaṇḍamevāti adhippāyo.
ид̇и винаяасан̇г̇ахасам̣ван̣н̣анаабхууд̇з винаяаалан̇гаарз
Iti vinayasaṅgahasaṃvaṇṇanābhūte vinayālaṅkāre
г̇арубхан̣д̣авинижчаяагат̇аалан̇гааро наама
Garubhaṇḍavinicchayakathālaṅkāro nāma
д̇им̣сад̇имо барижчзд̣̇о.
Tiṃsatimo paricchedo.
