| Library / Tipiṭaka / তিপিটক • Tipiṭaka / কঙ্খাৰিতরণী-অভিনৰ-টীকা • Kaṅkhāvitaraṇī-abhinava-ṭīkā |
২. চীৰরৰগ্গো
2. Cīvaravaggo
১১. গরুপাৰুরণসিক্খাপদৰণ্ণনা
11. Garupāvuraṇasikkhāpadavaṇṇanā
যস্মা পৰারিতট্ঠানে ৰিঞ্ঞত্তি নাম ন পটিসেধেতব্বা, তস্মা ভগৰা ধম্মনিমন্তনৰসেন পৰারিতট্ঠানে ‘‘ৰদেথায্যে, যেনত্থো’’তি (সারত্থ॰ টী॰ পাচিত্তিয ৩.৭৮৪) ৰুত্তায চতুক্কংসপরমং ৰিঞ্ঞাপেতব্বন্তি পরিচ্ছেদং দস্সেতীতি ৰেদিতব্বং। তেনেৰ ‘‘চেতাপেতব্বন্তি ঠপেত্ৰা সহধম্মিকে চ ঞাতকপ্পৰারিতে চ অঞ্ঞেন কিস্মিঞ্চিদেৰ গুণে পরিতুট্ঠেন ‘ৰদেথায্যে, যেনত্থো’তি ৰুত্তায ৰিঞ্ঞাপেতব্ব’’ন্তি ৰুত্তং। রাজানন্তি পসেনদিকোসলরাজানং।
Yasmā pavāritaṭṭhāne viññatti nāma na paṭisedhetabbā, tasmā bhagavā dhammanimantanavasena pavāritaṭṭhāne ‘‘vadethāyye, yenattho’’ti (sārattha. ṭī. pācittiya 3.784) vuttāya catukkaṃsaparamaṃ viññāpetabbanti paricchedaṃ dassetīti veditabbaṃ. Teneva ‘‘cetāpetabbanti ṭhapetvā sahadhammike ca ñātakappavārite ca aññena kismiñcideva guṇe parituṭṭhena ‘vadethāyye, yenattho’ti vuttāya viññāpetabba’’nti vuttaṃ. Rājānanti pasenadikosalarājānaṃ.
গরুপাৰুরণসিক্খাপদৰণ্ণনা নিট্ঠিতা।
Garupāvuraṇasikkhāpadavaṇṇanā niṭṭhitā.
