| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๒. คตสญฺญกเตฺถรอปทานํ
2. Gatasaññakattheraapadānaṃ
๑๐.
10.
‘‘ชาติยา สตฺตวโสฺสหํ, ปพฺพชิํ อนคาริยํ;
‘‘Jātiyā sattavassohaṃ, pabbajiṃ anagāriyaṃ;
อวนฺทิํ สตฺถุโน ปาเท, วิปฺปสเนฺนน เจตสาฯ
Avandiṃ satthuno pāde, vippasannena cetasā.
๑๑.
11.
‘‘สตฺตนงฺคลกีปุเปฺผ, อากาเส อุกฺขิปิํ อหํ;
‘‘Sattanaṅgalakīpupphe, ākāse ukkhipiṃ ahaṃ;
ติสฺสํ พุทฺธํ สมุทฺทิสฺส, อนนฺตคุณสาครํฯ
Tissaṃ buddhaṃ samuddissa, anantaguṇasāgaraṃ.
๑๒.
12.
‘‘สุคตานุคตํ มคฺคํ, ปูเชตฺวา หฎฺฐมานโส;
‘‘Sugatānugataṃ maggaṃ, pūjetvā haṭṭhamānaso;
๑๓.
13.
‘‘เทฺวนวุเต อิโต กเปฺป, ยํ กมฺมมกริํ ตทา;
‘‘Dvenavute ito kappe, yaṃ kammamakariṃ tadā;
ทุคฺคติํ นาภิชานามิ, พุทฺธปูชายิทํ ผลํฯ
Duggatiṃ nābhijānāmi, buddhapūjāyidaṃ phalaṃ.
๑๔.
14.
‘‘อิโต อฎฺฐมเก กเปฺป, ตโย อคฺคิสิขา อหุ;
‘‘Ito aṭṭhamake kappe, tayo aggisikhā ahu;
สตฺตรตนสมฺปนฺนา, จกฺกวตฺตี มหพฺพลาฯ
Sattaratanasampannā, cakkavattī mahabbalā.
๑๕.
15.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา คตสญฺญโก เถโร อิมา คาถาโย อภาสิตฺถาติฯ
Itthaṃ sudaṃ āyasmā gatasaññako thero imā gāthāyo abhāsitthāti.
คตสญฺญกเตฺถรสฺสาปทานํ ทุติยํฯ
Gatasaññakattherassāpadānaṃ dutiyaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๒. คตสญฺญกเตฺถรอปทานวณฺณนา • 2. Gatasaññakattheraapadānavaṇṇanā
