| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೨. ಗತಸಞ್ಞಕತ್ಥೇರಅಪದಾನಂ
2. Gatasaññakattheraapadānaṃ
೧೦.
10.
‘‘ಜಾತಿಯಾ ಸತ್ತವಸ್ಸೋಹಂ, ಪಬ್ಬಜಿಂ ಅನಗಾರಿಯಂ।
‘‘Jātiyā sattavassohaṃ, pabbajiṃ anagāriyaṃ;
ಅವನ್ದಿಂ ಸತ್ಥುನೋ ಪಾದೇ, ವಿಪ್ಪಸನ್ನೇನ ಚೇತಸಾ॥
Avandiṃ satthuno pāde, vippasannena cetasā.
೧೧.
11.
‘‘ಸತ್ತನಙ್ಗಲಕೀಪುಪ್ಫೇ, ಆಕಾಸೇ ಉಕ್ಖಿಪಿಂ ಅಹಂ।
‘‘Sattanaṅgalakīpupphe, ākāse ukkhipiṃ ahaṃ;
ತಿಸ್ಸಂ ಬುದ್ಧಂ ಸಮುದ್ದಿಸ್ಸ, ಅನನ್ತಗುಣಸಾಗರಂ॥
Tissaṃ buddhaṃ samuddissa, anantaguṇasāgaraṃ.
೧೨.
12.
‘‘ಸುಗತಾನುಗತಂ ಮಗ್ಗಂ, ಪೂಜೇತ್ವಾ ಹಟ್ಠಮಾನಸೋ।
‘‘Sugatānugataṃ maggaṃ, pūjetvā haṭṭhamānaso;
೧೩.
13.
‘‘ದ್ವೇನವುತೇ ಇತೋ ಕಪ್ಪೇ, ಯಂ ಕಮ್ಮಮಕರಿಂ ತದಾ।
‘‘Dvenavute ito kappe, yaṃ kammamakariṃ tadā;
ದುಗ್ಗತಿಂ ನಾಭಿಜಾನಾಮಿ, ಬುದ್ಧಪೂಜಾಯಿದಂ ಫಲಂ॥
Duggatiṃ nābhijānāmi, buddhapūjāyidaṃ phalaṃ.
೧೪.
14.
‘‘ಇತೋ ಅಟ್ಠಮಕೇ ಕಪ್ಪೇ, ತಯೋ ಅಗ್ಗಿಸಿಖಾ ಅಹು।
‘‘Ito aṭṭhamake kappe, tayo aggisikhā ahu;
ಸತ್ತರತನಸಮ್ಪನ್ನಾ, ಚಕ್ಕವತ್ತೀ ಮಹಬ್ಬಲಾ॥
Sattaratanasampannā, cakkavattī mahabbalā.
೧೫.
15.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಗತಸಞ್ಞಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā gatasaññako thero imā gāthāyo abhāsitthāti.
ಗತಸಞ್ಞಕತ್ಥೇರಸ್ಸಾಪದಾನಂ ದುತಿಯಂ।
Gatasaññakattherassāpadānaṃ dutiyaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೨. ಗತಸಞ್ಞಕತ್ಥೇರಅಪದಾನವಣ್ಣನಾ • 2. Gatasaññakattheraapadānavaṇṇanā
