| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
2. г̇ад̇асан̃н̃агад̇т̇зраабад̣̇аанаван̣н̣анаа
2. Gatasaññakattheraapadānavaṇṇanā
ж̇аад̇ияаа сад̇д̇авассоханд̇иаад̣̇игам̣ ааяасмад̇о г̇ад̇асан̃н̃агад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о д̇иссасса бхаг̇авад̇о гаалз згасмим̣ гулаг̇зхз ниб̣б̣ад̇д̇о бураагад̇аваасанаавасзна сад̣̇д̇хааж̇аад̇о сад̇д̇авассигагаалзязва баб̣б̣аж̇ид̇о бхаг̇авад̇о бан̣аамагаран̣знзва баагадо ахоси. со згад̣̇ивасам̣ ад̇ийва нийламан̣иббабхаани нан̇г̇алагасид̇адтаанз удтид̇асад̇д̇абубпаани г̇ахзд̇ваа аагаасз бууж̇зси. со яаавад̇ааяугам̣ саман̣ад̇хаммам̣ гад̇ваа д̇зна бун̃н̃зна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з згасмим̣ гулаг̇зхз ниб̣б̣ад̇д̇о вин̃н̃уд̇ам̣ бад̇д̇о сад̇т̇ари басийд̣̇ид̇ваа баб̣б̣аж̇ид̇о нажирассзва арахаа ахоси.
Jātiyāsattavassohantiādikaṃ āyasmato gatasaññakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto tissassa bhagavato kāle ekasmiṃ kulagehe nibbatto purākatavāsanāvasena saddhājāto sattavassikakāleyeva pabbajito bhagavato paṇāmakaraṇeneva pākaṭo ahosi. So ekadivasaṃ atīva nīlamaṇippabhāni naṅgalakasitaṭṭhāne uṭṭhitasattapupphāni gahetvā ākāse pūjesi. So yāvatāyukaṃ samaṇadhammaṃ katvā tena puññena devamanussesu saṃsaranto imasmiṃ buddhuppāde ekasmiṃ kulagehe nibbatto viññutaṃ patto satthari pasīditvā pabbajito nacirasseva arahā ahosi.
10. со абарабхааг̇з ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о ж̇аад̇ияаа сад̇д̇авассоханд̇иаад̣̇имааха. д̇ад̇т̇а ж̇аад̇ияаа сад̇д̇авассод̇и маад̇уг̇аб̣бхад̇о нигканд̇агаалад̇о бадтааяа барибун̣н̣асад̇д̇авассигод̇и ад̇т̇о. баб̣б̣аж̇им̣ анаг̇аарияанд̇и аг̇аарасса хид̇ам̣ ааг̇аарияам̣ гасиваан̣иж̇ж̇аад̣̇игаммам̣ над̇т̇и ааг̇аарияанд̇и анаг̇аарияам̣, б̣уд̣̇д̇хасаасанз баб̣б̣аж̇им̣ аханд̇и ад̇т̇о.
10. So aparabhāge attano pubbakammaṃ saritvā somanassajāto pubbacaritāpadānaṃ pakāsento jātiyā sattavassohantiādimāha. Tattha jātiyā sattavassoti mātugabbhato nikkhantakālato paṭṭhāya paripuṇṇasattavassikoti attho. Pabbajiṃ anagāriyanti agārassa hitaṃ āgāriyaṃ kasivāṇijjādikammaṃ natthi āgāriyanti anagāriyaṃ, buddhasāsane pabbajiṃ ahanti attho.
12. суг̇ад̇аануг̇ад̇ам̣ маг̇г̇анд̇и б̣уд̣̇д̇хзна г̇ад̇ам̣ маг̇г̇ам̣. ат̇а ваа суг̇ад̇зна д̣̇зсид̇ам̣ д̇хаммаануд̇хаммабадибад̇д̇ибууран̣авасзна хадтамаанасо д̇удтажид̇д̇о бууж̇зд̇ваад̇и самб̣анд̇хо. сзсам̣ саб̣б̣ад̇т̇а уд̇д̇аанад̇т̇амзваад̇и.
12.Sugatānugataṃ magganti buddhena gataṃ maggaṃ. Atha vā sugatena desitaṃ dhammānudhammapaṭipattipūraṇavasena haṭṭhamānaso tuṭṭhacitto pūjetvāti sambandho. Sesaṃ sabbattha uttānatthamevāti.
г̇ад̇асан̃н̃агад̇т̇зраабад̣̇аанаван̣н̣анаа самад̇д̇аа.
Gatasaññakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 2. г̇ад̇асан̃н̃агад̇т̇зраабад̣̇аанам̣ • 2. Gatasaññakattheraapadānaṃ
