| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੨. ਗਤਸਞ੍ਞਕਤ੍ਥੇਰਅਪਦਾਨવਣ੍ਣਨਾ
2. Gatasaññakattheraapadānavaṇṇanā
ਜਾਤਿਯਾ ਸਤ੍ਤવਸ੍ਸੋਹਨ੍ਤਿਆਦਿਕਂ ਆਯਸ੍ਮਤੋ ਗਤਸਞ੍ਞਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਤਿਸ੍ਸਸ੍ਸ ਭਗવਤੋ ਕਾਲੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ ਪੁਰਾਕਤવਾਸਨਾવਸੇਨ ਸਦ੍ਧਾਜਾਤੋ ਸਤ੍ਤવਸ੍ਸਿਕਕਾਲੇਯੇવ ਪਬ੍ਬਜਿਤੋ ਭਗવਤੋ ਪਣਾਮਕਰਣੇਨੇવ ਪਾਕਟੋ ਅਹੋਸਿ। ਸੋ ਏਕਦਿવਸਂ ਅਤੀવ ਨੀਲਮਣਿਪ੍ਪਭਾਨਿ ਨਙ੍ਗਲਕਸਿਤਟ੍ਠਾਨੇ ਉਟ੍ਠਿਤਸਤ੍ਤਪੁਪ੍ਫਾਨਿ ਗਹੇਤ੍વਾ ਆਕਾਸੇ ਪੂਜੇਸਿ। ਸੋ ਯਾવਤਾਯੁਕਂ ਸਮਣਧਮ੍ਮਂ ਕਤ੍વਾ ਤੇਨ ਪੁਞ੍ਞੇਨ ਦੇવਮਨੁਸ੍ਸੇਸੁ ਸਂਸਰਨ੍ਤੋ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ ਸਤ੍ਥਰਿ ਪਸੀਦਿਤ੍વਾ ਪਬ੍ਬਜਿਤੋ ਨਚਿਰਸ੍ਸੇવ ਅਰਹਾ ਅਹੋਸਿ।
Jātiyāsattavassohantiādikaṃ āyasmato gatasaññakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto tissassa bhagavato kāle ekasmiṃ kulagehe nibbatto purākatavāsanāvasena saddhājāto sattavassikakāleyeva pabbajito bhagavato paṇāmakaraṇeneva pākaṭo ahosi. So ekadivasaṃ atīva nīlamaṇippabhāni naṅgalakasitaṭṭhāne uṭṭhitasattapupphāni gahetvā ākāse pūjesi. So yāvatāyukaṃ samaṇadhammaṃ katvā tena puññena devamanussesu saṃsaranto imasmiṃ buddhuppāde ekasmiṃ kulagehe nibbatto viññutaṃ patto satthari pasīditvā pabbajito nacirasseva arahā ahosi.
੧੦. ਸੋ ਅਪਰਭਾਗੇ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਜਾਤਿਯਾ ਸਤ੍ਤવਸ੍ਸੋਹਨ੍ਤਿਆਦਿਮਾਹ। ਤਤ੍ਥ ਜਾਤਿਯਾ ਸਤ੍ਤવਸ੍ਸੋਤਿ ਮਾਤੁਗਬ੍ਭਤੋ ਨਿਕ੍ਖਨ੍ਤਕਾਲਤੋ ਪਟ੍ਠਾਯ ਪਰਿਪੁਣ੍ਣਸਤ੍ਤવਸ੍ਸਿਕੋਤਿ ਅਤ੍ਥੋ। ਪਬ੍ਬਜਿਂ ਅਨਗਾਰਿਯਨ੍ਤਿ ਅਗਾਰਸ੍ਸ ਹਿਤਂ ਆਗਾਰਿਯਂ ਕਸਿવਾਣਿਜ੍ਜਾਦਿਕਮ੍ਮਂ ਨਤ੍ਥਿ ਆਗਾਰਿਯਨ੍ਤਿ ਅਨਗਾਰਿਯਂ, ਬੁਦ੍ਧਸਾਸਨੇ ਪਬ੍ਬਜਿਂ ਅਹਨ੍ਤਿ ਅਤ੍ਥੋ।
10. So aparabhāge attano pubbakammaṃ saritvā somanassajāto pubbacaritāpadānaṃ pakāsento jātiyā sattavassohantiādimāha. Tattha jātiyā sattavassoti mātugabbhato nikkhantakālato paṭṭhāya paripuṇṇasattavassikoti attho. Pabbajiṃ anagāriyanti agārassa hitaṃ āgāriyaṃ kasivāṇijjādikammaṃ natthi āgāriyanti anagāriyaṃ, buddhasāsane pabbajiṃ ahanti attho.
੧੨. ਸੁਗਤਾਨੁਗਤਂ ਮਗ੍ਗਨ੍ਤਿ ਬੁਦ੍ਧੇਨ ਗਤਂ ਮਗ੍ਗਂ। ਅਥ વਾ ਸੁਗਤੇਨ ਦੇਸਿਤਂ ਧਮ੍ਮਾਨੁਧਮ੍ਮਪਟਿਪਤ੍ਤਿਪੂਰਣવਸੇਨ ਹਟ੍ਠਮਾਨਸੋ ਤੁਟ੍ਠਚਿਤ੍ਤੋ ਪੂਜੇਤ੍વਾਤਿ ਸਮ੍ਬਨ੍ਧੋ। ਸੇਸਂ ਸਬ੍ਬਤ੍ਥ ਉਤ੍ਤਾਨਤ੍ਥਮੇવਾਤਿ।
12.Sugatānugataṃ magganti buddhena gataṃ maggaṃ. Atha vā sugatena desitaṃ dhammānudhammapaṭipattipūraṇavasena haṭṭhamānaso tuṭṭhacitto pūjetvāti sambandho. Sesaṃ sabbattha uttānatthamevāti.
ਗਤਸਞ੍ਞਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Gatasaññakattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੨. ਗਤਸਞ੍ਞਕਤ੍ਥੇਰਅਪਦਾਨਂ • 2. Gatasaññakattheraapadānaṃ
