| Library / Tipiṭaka / ཏིཔིཊཀ • Tipiṭaka / པཊིསམྦྷིདཱམགྒཔཱལི༹ • Paṭisambhidāmaggapāḷi |
༦. གཏིཀཐཱ
6. Gatikathā
༢༣༡. གཏིསམྤཏྟིཡཱ ཉཱཎསམྤཡུཏྟེ ཀཏིནཾ ཧེཏཱུནཾ པཙྩཡཱ ཨུཔཔཏྟི ཧོཏི? ཁཏྟིཡམཧཱསཱལཱནཾ བྲཱཧྨཎམཧཱསཱལཱནཾ གཧཔཏིམཧཱསཱལཱནཾ ཀཱམཱཝཙརཱནཾ དེཝཱནཾ ཉཱཎསམྤཡུཏྟེ ཀཏིནཾ ཧེཏཱུནཾ པཙྩཡཱ ཨུཔཔཏྟི ཧོཏི? རཱུཔཱཝཙརཱནཾ དེཝཱནཾ ཀཏིནཾ ཧེཏཱུནཾ པཙྩཡཱ ཨུཔཔཏྟི ཧོཏི? ཨརཱུཔཱཝཙརཱནཾ དེཝཱནཾ ཀཏིནཾ ཧེཏཱུནཾ པཙྩཡཱ ཨུཔཔཏྟི ཧོཏི?
231. Gatisampattiyā ñāṇasampayutte katinaṃ hetūnaṃ paccayā upapatti hoti? Khattiyamahāsālānaṃ brāhmaṇamahāsālānaṃ gahapatimahāsālānaṃ kāmāvacarānaṃ devānaṃ ñāṇasampayutte katinaṃ hetūnaṃ paccayā upapatti hoti? Rūpāvacarānaṃ devānaṃ katinaṃ hetūnaṃ paccayā upapatti hoti? Arūpāvacarānaṃ devānaṃ katinaṃ hetūnaṃ paccayā upapatti hoti?
གཏིསམྤཏྟིཡཱ ཉཱཎསམྤཡུཏྟེ ཨཊྛནྣཾ ཧེཏཱུནཾ པཙྩཡཱ ཨུཔཔཏྟི ཧོཏི། ཁཏྟིཡམཧཱསཱལཱནཾ བྲཱཧྨཎམཧཱསཱལཱནཾ གཧཔཏིམཧཱསཱལཱནཾ ཀཱམཱཝཙརཱནཾ དེཝཱནཾ ཉཱཎསམྤཡུཏྟེ ཨཊྛནྣཾ ཧེཏཱུནཾ པཙྩཡཱ ཨུཔཔཏྟི ཧོཏི། རཱུཔཱཝཙརཱནཾ དེཝཱནཾ ཨཊྛནྣཾ ཧེཏཱུནཾ པཙྩཡཱ ཨུཔཔཏྟི ཧོཏི། ཨརཱུཔཱཝཙརཱནཾ དེཝཱནཾ ཨཊྛནྣཾ ཧེཏཱུནཾ པཙྩཡཱ ཨུཔཔཏྟི ཧོཏི།
Gatisampattiyā ñāṇasampayutte aṭṭhannaṃ hetūnaṃ paccayā upapatti hoti. Khattiyamahāsālānaṃ brāhmaṇamahāsālānaṃ gahapatimahāsālānaṃ kāmāvacarānaṃ devānaṃ ñāṇasampayutte aṭṭhannaṃ hetūnaṃ paccayā upapatti hoti. Rūpāvacarānaṃ devānaṃ aṭṭhannaṃ hetūnaṃ paccayā upapatti hoti. Arūpāvacarānaṃ devānaṃ aṭṭhannaṃ hetūnaṃ paccayā upapatti hoti.
༢༣༢. གཏིསམྤཏྟིཡཱ ཉཱཎསམྤཡུཏྟེ ཀཏམེསཾ ཨཊྛནྣཾ ཧེཏཱུནཾ པཙྩཡཱ ཨུཔཔཏྟི ཧོཏི? ཀུསལཀམྨསྶ ཛཝནཀྑཎེ ཏཡོ ཧེཏཱུ ཀུསལཱ; ཏསྨིཾ ཁཎེ ཛཱཏཙེཏནཱཡ སཧཛཱཏཔཙྩཡཱ ཧོནྟི། ཏེན ཝུཙྩཏི – ཀུསལམཱུལཔཙྩཡཱཔི སངྑཱརཱ། ནིཀནྟིཀྑཎེ དྭེ ཧེཏཱུ ཨཀུསལཱ; ཏསྨིཾ ཁཎེ ཛཱཏཙེཏནཱཡ སཧཛཱཏཔཙྩཡཱ ཧོནྟི། ཏེན ཝུཙྩཏི – ཨཀུསལམཱུལཔཙྩཡཱཔི སངྑཱརཱ། པཊིསནྡྷིཀྑཎེ ཏཡོ ཧེཏཱུ ཨབྱཱཀཏཱ; ཏསྨིཾ ཁཎེ ཛཱཏཙེཏནཱཡ སཧཛཱཏཔཙྩཡཱ ཧོནྟི། ཏེན ཝུཙྩཏི – ‘‘ནཱམརཱུཔཔཙྩཡཱཔི ཝིཉྙཱཎཾ, ཝིཉྙཱཎཔཙྩཡཱཔི ནཱམརཱུཔཾ’’ །
232. Gatisampattiyā ñāṇasampayutte katamesaṃ aṭṭhannaṃ hetūnaṃ paccayā upapatti hoti? Kusalakammassa javanakkhaṇe tayo hetū kusalā; tasmiṃ khaṇe jātacetanāya sahajātapaccayā honti. Tena vuccati – kusalamūlapaccayāpi saṅkhārā. Nikantikkhaṇe dve hetū akusalā; tasmiṃ khaṇe jātacetanāya sahajātapaccayā honti. Tena vuccati – akusalamūlapaccayāpi saṅkhārā. Paṭisandhikkhaṇe tayo hetū abyākatā; tasmiṃ khaṇe jātacetanāya sahajātapaccayā honti. Tena vuccati – ‘‘nāmarūpapaccayāpi viññāṇaṃ, viññāṇapaccayāpi nāmarūpaṃ’’ .
པཊིསནྡྷིཀྑཎེ པཉྩཀྑནྡྷཱ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, ཝིཔྤཡུཏྟཔཙྩཡཱ ཧོནྟི། པཊིསནྡྷིཀྑཎེ ཙཏྟཱརོ མཧཱབྷཱུཏཱ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི། པཊིསནྡྷིཀྑཎེ ཏཡོ ཛཱིཝིཏསངྑཱརཱ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི , ཝིཔྤཡུཏྟཔཙྩཡཱ ཧོནྟི། པཊིསནྡྷིཀྑཎེ ནཱམཉྩ རཱུཔཉྩ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, ཝིཔྤཡུཏྟཔཙྩཡཱ ཧོནྟི། པཊིསནྡྷིཀྑཎེ ཨིམེ ཙུདྡས དྷམྨཱ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, ཝིཔྤཡུཏྟཔཙྩཡཱ ཧོནྟི། པཊིསནྡྷིཀྑཎེ ཙཏྟཱརོ ཁནྡྷཱ ཨརཱུཔིནོ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི། པཊིསནྡྷིཀྑཎེ པཉྩིནྡྲིཡཱནི སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི། པཊིསནྡྷིཀྑཎེ ཏཡོ ཧེཏཱུ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི། པཊིསནྡྷིཀྑཎེ ནཱམཉྩ ཝིཉྙཱཎཉྩ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི། པཊིསནྡྷིཀྑཎེ ཨིམེ ཙུདྡས དྷམྨཱ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི། པཊིསནྡྷིཀྑཎེ ཨིམེ ཨཊྛཝཱིསཏི དྷམྨཱ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, ཝིཔྤཡུཏྟཔཙྩཡཱ ཧོནྟི། གཏིསམྤཏྟིཡཱ ཉཱཎསམྤཡུཏྟེ ཨིམེསཾ ཨཊྛནྣཾ ཧེཏཱུནཾ པཙྩཡཱ ཨུཔཔཏྟི ཧོཏི།
Paṭisandhikkhaṇe pañcakkhandhā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe cattāro mahābhūtā sahajātapaccayā honti, aññamaññapaccayā honti, nissayapaccayā honti. Paṭisandhikkhaṇe tayo jīvitasaṅkhārā sahajātapaccayā honti, aññamaññapaccayā honti, nissayapaccayā honti , vippayuttapaccayā honti. Paṭisandhikkhaṇe nāmañca rūpañca sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe ime cuddasa dhammā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe cattāro khandhā arūpino sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe pañcindriyāni sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe tayo hetū sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe nāmañca viññāṇañca sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe ime cuddasa dhammā sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe ime aṭṭhavīsati dhammā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Gatisampattiyā ñāṇasampayutte imesaṃ aṭṭhannaṃ hetūnaṃ paccayā upapatti hoti.
ཁཏྟིཡམཧཱསཱལཱནཾ བྲཱཧྨཎམཧཱསཱལཱནཾ གཧཔཏིམཧཱསཱལཱནཾ ཀཱམཱཝཙརཱནཾ དེཝཱནཾ ཉཱཎསམྤཡུཏྟེ ཀཏམེསཾ ཨཊྛནྣཾ ཧེཏཱུནཾ པཙྩཡཱ ཨུཔཔཏྟི ཧོཏི? ཀུསལཀམྨསྶ ཛཝནཀྑཎེ ཏཡོ ཧེཏཱུ ཀུསལཱ; ཏསྨིཾ ཁཎེ ཛཱཏཙེཏནཱཡ སཧཛཱཏཔཙྩཡཱ ཧོནྟི། ཏེན ཝུཙྩཏི – ‘‘ཀུསལམཱུལཔཙྩཡཱཔི སངྑཱརཱ’’། ནིཀནྟིཀྑཎེ དྭེ ཧེཏཱུ ཨཀུསལཱ; ཏསྨིཾ ཁཎེ ཛཱཏཙེཏནཱཡ སཧཛཱཏཔཙྩཡཱ ཧོནྟི། ཏེན ཝུཙྩཏི – ‘‘ཨཀུསལམཱུལཔཙྩཡཱཔི སངྑཱརཱ’’། པཊིསནྡྷིཀྑཎེ ཏཡོ ཧེཏཱུ ཨབྱཱཀཏཱ; ཏསྨིཾ ཁཎེ ཛཱཏཙེཏནཱཡ སཧཛཱཏཔཙྩཡཱ ཧོནྟི། ཏེན ཝུཙྩཏི – ‘‘ནཱམརཱུཔཔཙྩཡཱཔི ཝིཉྙཱཎཾ, ཝིཉྙཱཎཔཙྩཡཱཔི ནཱམརཱུཔཾ’’།
Khattiyamahāsālānaṃ brāhmaṇamahāsālānaṃ gahapatimahāsālānaṃ kāmāvacarānaṃ devānaṃ ñāṇasampayutte katamesaṃ aṭṭhannaṃ hetūnaṃ paccayā upapatti hoti? Kusalakammassa javanakkhaṇe tayo hetū kusalā; tasmiṃ khaṇe jātacetanāya sahajātapaccayā honti. Tena vuccati – ‘‘kusalamūlapaccayāpi saṅkhārā’’. Nikantikkhaṇe dve hetū akusalā; tasmiṃ khaṇe jātacetanāya sahajātapaccayā honti. Tena vuccati – ‘‘akusalamūlapaccayāpi saṅkhārā’’. Paṭisandhikkhaṇe tayo hetū abyākatā; tasmiṃ khaṇe jātacetanāya sahajātapaccayā honti. Tena vuccati – ‘‘nāmarūpapaccayāpi viññāṇaṃ, viññāṇapaccayāpi nāmarūpaṃ’’.
པཊིསནྡྷིཀྑཎེ པཉྩཀྑནྡྷཱ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, ཝིཔྤཡུཏྟཔཙྩཡཱ ཧོནྟི། པཊིསནྡྷིཀྑཎེ ཙཏྟཱརོ མཧཱབྷཱུཏཱ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི། པཊིསནྡྷིཀྑཎེ ཏཡོ ཛཱིཝིཏསངྑཱརཱ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, ཝིཔྤཡུཏྟཔཙྩཡཱ ཧོནྟི། པཊིསནྡྷིཀྑཎེ ནཱམཉྩ རཱུཔཉྩ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, ཝིཔྤཡུཏྟཔཙྩཡཱ ཧོནྟི། པཊིསནྡྷིཀྑཎེ ཨིམེ ཙུདྡས དྷམྨཱ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, ཝིཔྤཡུཏྟཔཙྩཡཱ ཧོནྟི། པཊིསནྡྷིཀྑཎེ ཙཏྟཱརོ ཁནྡྷཱ ཨརཱུཔིནོ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི། པཊིསནྡྷིཀྑཎེ པཉྩིནྡྲིཡཱནི སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི། པཊིསནྡྷིཀྑཎེ ཏཡོ ཧེཏཱུ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི། པཊིསནྡྷིཀྑཎེ ནཱམཉྩ ཝིཉྙཱཎཉྩ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི། པཊིསནྡྷིཀྑཎེ ཨིམེ ཙུདྡས དྷམྨཱ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི། པཊིསནྡྷིཀྑཎེ ཨིམེ ཨཊྛཝཱིསཏི དྷམྨཱ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, ཝིཔྤཡུཏྟཔཙྩཡཱ ཧོནྟི། ཁཏྟིཡམཧཱསཱལཱནཾ བྲཱཧྨཎམཧཱསཱལཱནཾ གཧཔཏིམཧཱསཱལཱནཾ ཀཱམཱཝཙརཱནཾ དེཝཱནཾ ཉཱཎསམྤཡུཏྟེ ཨིམེསཾ ཨཊྛནྣཾ ཧེཏཱུནཾ པཙྩཡཱ ཨུཔཔཏྟི ཧོཏི།
Paṭisandhikkhaṇe pañcakkhandhā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe cattāro mahābhūtā sahajātapaccayā honti, aññamaññapaccayā honti, nissayapaccayā honti. Paṭisandhikkhaṇe tayo jīvitasaṅkhārā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe nāmañca rūpañca sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe ime cuddasa dhammā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe cattāro khandhā arūpino sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe pañcindriyāni sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe tayo hetū sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe nāmañca viññāṇañca sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe ime cuddasa dhammā sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe ime aṭṭhavīsati dhammā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Khattiyamahāsālānaṃ brāhmaṇamahāsālānaṃ gahapatimahāsālānaṃ kāmāvacarānaṃ devānaṃ ñāṇasampayutte imesaṃ aṭṭhannaṃ hetūnaṃ paccayā upapatti hoti.
རཱུཔཱཝཙརཱནཾ དེཝཱནཾ ཀཏམེསཾ ཨཊྛནྣཾ ཧེཏཱུནཾ པཙྩཡཱ ཨུཔཔཏྟི ཧོཏི? ཀུསལཀམྨསྶ ཛཝནཀྑཎེ ཏཡོ ཧེཏཱུ ཀུསལཱ…པེ॰… རཱུཔཱཝཙརཱནཾ དེཝཱནཾ ཨིམེསཾ ཨཊྛནྣཾ ཧེཏཱུནཾ པཙྩཡཱ ཨུཔཔཏྟི ཧོཏི།
Rūpāvacarānaṃ devānaṃ katamesaṃ aṭṭhannaṃ hetūnaṃ paccayā upapatti hoti? Kusalakammassa javanakkhaṇe tayo hetū kusalā…pe… rūpāvacarānaṃ devānaṃ imesaṃ aṭṭhannaṃ hetūnaṃ paccayā upapatti hoti.
ཨརཱུཔཱཝཙརཱནཾ དེཝཱནཾ ཀཏམེསཾ ཨཊྛནྣཾ ཧེཏཱུནཾ པཙྩཡཱ ཨུཔཔཏྟི ཧོཏི? ཀུསལཀམྨསྶ ཛཝནཀྑཎེ ཏཡོ ཧེཏཱུ ཀུསལཱ; ཏསྨིཾ ཁཎེ ཛཱཏཙེཏནཱཡ སཧཛཱཏཔཙྩཡཱ ཧོནྟི། ཏེན ཝུཙྩཏི – ‘‘ཀུསལམཱུལཔཙྩཡཱཔི སངྑཱརཱ’’། ནིཀནྟིཀྑཎེ དྭེ ཧེཏཱུ ཨཀུསལཱ; ཏསྨིཾ ཁཎེ ཛཱཏཙེཏནཱཡ སཧཛཱཏཔཙྩཡཱ ཧོནྟི། ཏེན ཝུཙྩཏི – ‘‘ཨཀུསལམཱུལཔཙྩཡཱཔི སངྑཱརཱ’’། པཊིསནྡྷིཀྑཎེ ཏཡོ ཧེཏཱུ ཨབྱཱཀཏཱ; ཏསྨིཾ ཁཎེ ཛཱཏཙེཏནཱཡ སཧཛཱཏཔཙྩཡཱ ཧོནྟི། ཏེན ཝུཙྩཏི – ‘‘ནཱམཔཙྩཡཱཔི ཝིཉྙཱཎཾ ཝིཉྙཱཎཔཙྩཡཱཔི ནཱམཾ’’།
Arūpāvacarānaṃ devānaṃ katamesaṃ aṭṭhannaṃ hetūnaṃ paccayā upapatti hoti? Kusalakammassa javanakkhaṇe tayo hetū kusalā; tasmiṃ khaṇe jātacetanāya sahajātapaccayā honti. Tena vuccati – ‘‘kusalamūlapaccayāpi saṅkhārā’’. Nikantikkhaṇe dve hetū akusalā; tasmiṃ khaṇe jātacetanāya sahajātapaccayā honti. Tena vuccati – ‘‘akusalamūlapaccayāpi saṅkhārā’’. Paṭisandhikkhaṇe tayo hetū abyākatā; tasmiṃ khaṇe jātacetanāya sahajātapaccayā honti. Tena vuccati – ‘‘nāmapaccayāpi viññāṇaṃ viññāṇapaccayāpi nāmaṃ’’.
པཊིསནྡྷིཀྑཎེ ཙཏྟཱརོ ཁནྡྷཱ ཨརཱུཔིནོ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི། པཊིསནྡྷིཀྑཎེ པཉྩིནྡྲིཡཱནི སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི། པཊིསནྡྷིཀྑཎེ ཏཡོ ཧེཏཱུ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི། པཊིསནྡྷིཀྑཎེ ནཱམཉྩ ཝིཉྙཱཎཉྩ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི། པཊིསནྡྷིཀྑཎེ ཨིམེ ཙུདྡས དྷམྨཱ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི། ཨརཱུཔཱཝཙརཱནཾ དེཝཱནཾ ཨིམེསཾ ཨཊྛནྣཾ ཧེཏཱུནཾ པཙྩཡཱ ཨུཔཔཏྟི ཧོཏི།
Paṭisandhikkhaṇe cattāro khandhā arūpino sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe pañcindriyāni sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe tayo hetū sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe nāmañca viññāṇañca sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe ime cuddasa dhammā sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Arūpāvacarānaṃ devānaṃ imesaṃ aṭṭhannaṃ hetūnaṃ paccayā upapatti hoti.
༢༣༣. གཏིསམྤཏྟིཡཱ ཉཱཎཝིཔྤཡུཏྟེ ཀཏིནཾ ཧེཏཱུནཾ པཙྩཡཱ ཨུཔཔཏྟི ཧོཏི? ཁཏྟིཡམཧཱསཱལཱནཾ བྲཱཧྨཎམཧཱསཱལཱནཾ གཧཔཏིམཧཱསཱལཱནཾ ཀཱམཱཝཙརཱནཾ དེཝཱནཾ ཉཱཎཝིཔྤཡུཏྟེ ཀཏིནཾ ཧེཏཱུནཾ པཙྩཡཱ ཨུཔཔཏྟི ཧོཏི?
233. Gatisampattiyā ñāṇavippayutte katinaṃ hetūnaṃ paccayā upapatti hoti? Khattiyamahāsālānaṃ brāhmaṇamahāsālānaṃ gahapatimahāsālānaṃ kāmāvacarānaṃ devānaṃ ñāṇavippayutte katinaṃ hetūnaṃ paccayā upapatti hoti?
གཏིསམྤཏྟིཡཱ ཉཱཎཝིཔྤཡུཏྟེ ཚནྣཾ ཧེཏཱུནཾ པཙྩཡཱ ཨུཔཔཏྟི ཧོཏི། ཁཏྟིཡམཧཱསཱལཱནཾ བྲཱཧྨཎམཧཱསཱལཱནཾ གཧཔཏིམཧཱསཱལཱནཾ ཀཱམཱཝཙརཱནཾ དེཝཱནཾ ཉཱཎཝིཔྤཡུཏྟེ ཚནྣཾ ཧེཏཱུནཾ པཙྩཡཱ ཨུཔཔཏྟི ཧོཏི །
Gatisampattiyā ñāṇavippayutte channaṃ hetūnaṃ paccayā upapatti hoti. Khattiyamahāsālānaṃ brāhmaṇamahāsālānaṃ gahapatimahāsālānaṃ kāmāvacarānaṃ devānaṃ ñāṇavippayutte channaṃ hetūnaṃ paccayā upapatti hoti .
གཏིསམྤཏྟིཡཱ ཉཱཎཝིཔྤཡུཏྟེ ཀཏམེསཾ ཚནྣཾ ཧེཏཱུནཾ པཙྩཡཱ ཨུཔཔཏྟི ཧོཏི? ཀུསལཀམྨསྶ ཛཝནཀྑཎེ དྭེ ཧེཏཱུ ཀུསལཱ; ཏསྨིཾ ཁཎེ ཛཱཏཙེཏནཱཡ སཧཛཱཏཔཙྩཡཱ ཧོནྟི། ཏེན ཝུཙྩཏི – ཀུསལམཱུལཔཙྩཡཱཔི སངྑཱརཱ། ནིཀནྟིཀྑཎེ དྭེ ཧེཏཱུ ཨཀུསལཱ; ཏསྨིཾ ཁཎེ ཛཱཏཙེཏནཱཡ སཧཛཱཏཔཙྩཡཱ ཧོནྟི། ཏེན ཝུཙྩཏི – ཨཀུསལམཱུལཔཙྩཡཱཔི སངྑཱརཱ། པཊིསནྡྷིཀྑཎེ དྭེ ཧེཏཱུ ཨབྱཱཀཏཱ; ཏསྨིཾ ཁཎེ ཛཱཏཙེཏནཱཡ སཧཛཱཏཔཙྩཡཱ ཧོནྟི། ཏེན ཝུཙྩཏི – ‘‘ནཱམརཱུཔཔཙྩཡཱཔི ཝིཉྙཱཎཾ, ཝིཉྙཱཎཔཙྩཡཱཔི ནཱམརཱུཔཾ’’།
Gatisampattiyā ñāṇavippayutte katamesaṃ channaṃ hetūnaṃ paccayā upapatti hoti? Kusalakammassa javanakkhaṇe dve hetū kusalā; tasmiṃ khaṇe jātacetanāya sahajātapaccayā honti. Tena vuccati – kusalamūlapaccayāpi saṅkhārā. Nikantikkhaṇe dve hetū akusalā; tasmiṃ khaṇe jātacetanāya sahajātapaccayā honti. Tena vuccati – akusalamūlapaccayāpi saṅkhārā. Paṭisandhikkhaṇe dve hetū abyākatā; tasmiṃ khaṇe jātacetanāya sahajātapaccayā honti. Tena vuccati – ‘‘nāmarūpapaccayāpi viññāṇaṃ, viññāṇapaccayāpi nāmarūpaṃ’’.
པཊིསནྡྷིཀྑཎེ པཉྩཀྑནྡྷཱ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, ཝིཔྤཡུཏྟཔཙྩཡཱ ཧོནྟི། པཊིསནྡྷིཀྑཎེ ཙཏྟཱརོ མཧཱབྷཱུཏཱ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི། པཊིསནྡྷིཀྑཎེ ཏཡོ ཛཱིཝིཏསངྑཱརཱ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, ཝིཔྤཡུཏྟཔཙྩཡཱ ཧོནྟི། པཊིསནྡྷིཀྑཎེ ནཱམཉྩ རཱུཔཉྩ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, ཝིཔྤཡུཏྟཔཙྩཡཱ ཧོནྟི། པཊིསནྡྷིཀྑཎེ ཨིམེ ཙུདྡས དྷམྨཱ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, ཝིཔྤཡུཏྟཔཙྩཡཱ ཧོནྟི། པཊིསནྡྷིཀྑཎེ ཙཏྟཱརོ ཁནྡྷཱ ཨརཱུཔིནོ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི། པཊིསནྡྷིཀྑཎེ ཙཏྟཱརི ཨིནྡྲིཡཱནི སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི། པཊིསནྡྷིཀྑཎེ དྭེ ཧེཏཱུ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི། པཊིསནྡྷིཀྑཎེ ནཱམཉྩ ཝིཉྙཱཎཉྩ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི། པཊིསནྡྷིཀྑཎེ ཨིམེ དྭཱདས དྷམྨཱ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, སམྤཡུཏྟཔཙྩཡཱ ཧོནྟི ། པཊིསནྡྷིཀྑཎེ ཨིམེ ཚབྦཱིསཏི དྷམྨཱ སཧཛཱཏཔཙྩཡཱ ཧོནྟི, ཨཉྙམཉྙཔཙྩཡཱ ཧོནྟི, ནིསྶཡཔཙྩཡཱ ཧོནྟི, ཝིཔྤཡུཏྟཔཙྩཡཱ ཧོནྟི། གཏིསམྤཏྟིཡཱ ཉཱཎཝིཔྤཡུཏྟེ ཨིམེསཾ ཚནྣཾ ཧེཏཱུནཾ པཙྩཡཱ ཨུཔཔཏྟི ཧོཏི།
Paṭisandhikkhaṇe pañcakkhandhā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe cattāro mahābhūtā sahajātapaccayā honti, aññamaññapaccayā honti, nissayapaccayā honti. Paṭisandhikkhaṇe tayo jīvitasaṅkhārā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe nāmañca rūpañca sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe ime cuddasa dhammā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe cattāro khandhā arūpino sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe cattāri indriyāni sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe dve hetū sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe nāmañca viññāṇañca sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe ime dvādasa dhammā sahajātapaccayā honti, aññamaññapaccayā honti, nissayapaccayā honti, sampayuttapaccayā honti . Paṭisandhikkhaṇe ime chabbīsati dhammā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Gatisampattiyā ñāṇavippayutte imesaṃ channaṃ hetūnaṃ paccayā upapatti hoti.
ཁཏྟིཡམཧཱསཱལཱནཾ བྲཱཧྨཎམཧཱསཱལཱནཾ གཧཔཏིམཧཱསཱལཱནཾ ཀཱམཱཝཙརཱནཾ དེཝཱནཾ ཉཱཎཝིཔྤཡུཏྟེ ཀཏམེསཾ ཚནྣཾ ཧེཏཱུནཾ པཙྩཡཱ ཨུཔཔཏྟི ཧོཏི? ཀུསལཀམྨསྶ ཛཝནཀྑཎེ དྭེ ཧེཏཱུ ཀུསལཱ; ཏསྨིཾ ཁཎེ ཛཱཏཙེཏནཱཡ སཧཛཱཏཔཙྩཡཱ ཧོནྟི། ཏེན ཝུཙྩཏི – ‘‘ཀུསལམཱུལཔཙྩཡཱཔི སངྑཱརཱ…པེ॰… ཁཏྟིཡམཧཱསཱལཱནཾ བྲཱཧྨཎམཧཱསཱལཱནཾ གཧཔཏིམཧཱསཱལཱནཾ ཀཱམཱཝཙརཱནཾ དེཝཱནཾ ཉཱཎཝིཔྤཡུཏྟེ ཨིམེསཾ ཚནྣཾ ཧེཏཱུནཾ པཙྩཡཱ ཨུཔཔཏྟི ཧོཏཱི’’ཏི།
Khattiyamahāsālānaṃ brāhmaṇamahāsālānaṃ gahapatimahāsālānaṃ kāmāvacarānaṃ devānaṃ ñāṇavippayutte katamesaṃ channaṃ hetūnaṃ paccayā upapatti hoti? Kusalakammassa javanakkhaṇe dve hetū kusalā; tasmiṃ khaṇe jātacetanāya sahajātapaccayā honti. Tena vuccati – ‘‘kusalamūlapaccayāpi saṅkhārā…pe… khattiyamahāsālānaṃ brāhmaṇamahāsālānaṃ gahapatimahāsālānaṃ kāmāvacarānaṃ devānaṃ ñāṇavippayutte imesaṃ channaṃ hetūnaṃ paccayā upapatti hotī’’ti.
གཏིཀཐཱ ནིཊྛིཏཱ།
Gatikathā niṭṭhitā.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཁུདྡཀནིཀཱཡ (ཨཊྛཀཐཱ) • Khuddakanikāya (aṭṭhakathā) / པཊིསམྦྷིདཱམགྒ-ཨཊྛཀཐཱ • Paṭisambhidāmagga-aṭṭhakathā / གཏིཀཐཱཝཎྞནཱ • Gatikathāvaṇṇanā
