| Library / Tipiṭaka / തിപിടക • Tipiṭaka / പടിസമ്ഭിദാമഗ്ഗപാളി • Paṭisambhidāmaggapāḷi |
൬. ഗതികഥാ
6. Gatikathā
൨൩൧. ഗതിസമ്പത്തിയാ ഞാണസമ്പയുത്തേ കതിനം ഹേതൂനം പച്ചയാ ഉപപത്തി ഹോതി? ഖത്തിയമഹാസാലാനം ബ്രാഹ്മണമഹാസാലാനം ഗഹപതിമഹാസാലാനം കാമാവചരാനം ദേവാനം ഞാണസമ്പയുത്തേ കതിനം ഹേതൂനം പച്ചയാ ഉപപത്തി ഹോതി? രൂപാവചരാനം ദേവാനം കതിനം ഹേതൂനം പച്ചയാ ഉപപത്തി ഹോതി? അരൂപാവചരാനം ദേവാനം കതിനം ഹേതൂനം പച്ചയാ ഉപപത്തി ഹോതി?
231. Gatisampattiyā ñāṇasampayutte katinaṃ hetūnaṃ paccayā upapatti hoti? Khattiyamahāsālānaṃ brāhmaṇamahāsālānaṃ gahapatimahāsālānaṃ kāmāvacarānaṃ devānaṃ ñāṇasampayutte katinaṃ hetūnaṃ paccayā upapatti hoti? Rūpāvacarānaṃ devānaṃ katinaṃ hetūnaṃ paccayā upapatti hoti? Arūpāvacarānaṃ devānaṃ katinaṃ hetūnaṃ paccayā upapatti hoti?
ഗതിസമ്പത്തിയാ ഞാണസമ്പയുത്തേ അട്ഠന്നം ഹേതൂനം പച്ചയാ ഉപപത്തി ഹോതി. ഖത്തിയമഹാസാലാനം ബ്രാഹ്മണമഹാസാലാനം ഗഹപതിമഹാസാലാനം കാമാവചരാനം ദേവാനം ഞാണസമ്പയുത്തേ അട്ഠന്നം ഹേതൂനം പച്ചയാ ഉപപത്തി ഹോതി. രൂപാവചരാനം ദേവാനം അട്ഠന്നം ഹേതൂനം പച്ചയാ ഉപപത്തി ഹോതി. അരൂപാവചരാനം ദേവാനം അട്ഠന്നം ഹേതൂനം പച്ചയാ ഉപപത്തി ഹോതി.
Gatisampattiyā ñāṇasampayutte aṭṭhannaṃ hetūnaṃ paccayā upapatti hoti. Khattiyamahāsālānaṃ brāhmaṇamahāsālānaṃ gahapatimahāsālānaṃ kāmāvacarānaṃ devānaṃ ñāṇasampayutte aṭṭhannaṃ hetūnaṃ paccayā upapatti hoti. Rūpāvacarānaṃ devānaṃ aṭṭhannaṃ hetūnaṃ paccayā upapatti hoti. Arūpāvacarānaṃ devānaṃ aṭṭhannaṃ hetūnaṃ paccayā upapatti hoti.
൨൩൨. ഗതിസമ്പത്തിയാ ഞാണസമ്പയുത്തേ കതമേസം അട്ഠന്നം ഹേതൂനം പച്ചയാ ഉപപത്തി ഹോതി? കുസലകമ്മസ്സ ജവനക്ഖണേ തയോ ഹേതൂ കുസലാ; തസ്മിം ഖണേ ജാതചേതനായ സഹജാതപച്ചയാ ഹോന്തി. തേന വുച്ചതി – കുസലമൂലപച്ചയാപി സങ്ഖാരാ. നികന്തിക്ഖണേ ദ്വേ ഹേതൂ അകുസലാ; തസ്മിം ഖണേ ജാതചേതനായ സഹജാതപച്ചയാ ഹോന്തി. തേന വുച്ചതി – അകുസലമൂലപച്ചയാപി സങ്ഖാരാ. പടിസന്ധിക്ഖണേ തയോ ഹേതൂ അബ്യാകതാ; തസ്മിം ഖണേ ജാതചേതനായ സഹജാതപച്ചയാ ഹോന്തി. തേന വുച്ചതി – ‘‘നാമരൂപപച്ചയാപി വിഞ്ഞാണം, വിഞ്ഞാണപച്ചയാപി നാമരൂപം’’ .
232. Gatisampattiyā ñāṇasampayutte katamesaṃ aṭṭhannaṃ hetūnaṃ paccayā upapatti hoti? Kusalakammassa javanakkhaṇe tayo hetū kusalā; tasmiṃ khaṇe jātacetanāya sahajātapaccayā honti. Tena vuccati – kusalamūlapaccayāpi saṅkhārā. Nikantikkhaṇe dve hetū akusalā; tasmiṃ khaṇe jātacetanāya sahajātapaccayā honti. Tena vuccati – akusalamūlapaccayāpi saṅkhārā. Paṭisandhikkhaṇe tayo hetū abyākatā; tasmiṃ khaṇe jātacetanāya sahajātapaccayā honti. Tena vuccati – ‘‘nāmarūpapaccayāpi viññāṇaṃ, viññāṇapaccayāpi nāmarūpaṃ’’ .
പടിസന്ധിക്ഖണേ പഞ്ചക്ഖന്ധാ സഹജാതപച്ചയാ ഹോന്തി, അഞ്ഞമഞ്ഞപച്ചയാ ഹോന്തി, നിസ്സയപച്ചയാ ഹോന്തി, വിപ്പയുത്തപച്ചയാ ഹോന്തി. പടിസന്ധിക്ഖണേ ചത്താരോ മഹാഭൂതാ സഹജാതപച്ചയാ ഹോന്തി, അഞ്ഞമഞ്ഞപച്ചയാ ഹോന്തി, നിസ്സയപച്ചയാ ഹോന്തി. പടിസന്ധിക്ഖണേ തയോ ജീവിതസങ്ഖാരാ സഹജാതപച്ചയാ ഹോന്തി, അഞ്ഞമഞ്ഞപച്ചയാ ഹോന്തി, നിസ്സയപച്ചയാ ഹോന്തി , വിപ്പയുത്തപച്ചയാ ഹോന്തി. പടിസന്ധിക്ഖണേ നാമഞ്ച രൂപഞ്ച സഹജാതപച്ചയാ ഹോന്തി, അഞ്ഞമഞ്ഞപച്ചയാ ഹോന്തി, നിസ്സയപച്ചയാ ഹോന്തി, വിപ്പയുത്തപച്ചയാ ഹോന്തി. പടിസന്ധിക്ഖണേ ഇമേ ചുദ്ദസ ധമ്മാ സഹജാതപച്ചയാ ഹോന്തി, അഞ്ഞമഞ്ഞപച്ചയാ ഹോന്തി, നിസ്സയപച്ചയാ ഹോന്തി, വിപ്പയുത്തപച്ചയാ ഹോന്തി. പടിസന്ധിക്ഖണേ ചത്താരോ ഖന്ധാ അരൂപിനോ സഹജാതപച്ചയാ ഹോന്തി, അഞ്ഞമഞ്ഞപച്ചയാ ഹോന്തി, നിസ്സയപച്ചയാ ഹോന്തി, സമ്പയുത്തപച്ചയാ ഹോന്തി. പടിസന്ധിക്ഖണേ പഞ്ചിന്ദ്രിയാനി സഹജാതപച്ചയാ ഹോന്തി, അഞ്ഞമഞ്ഞപച്ചയാ ഹോന്തി, നിസ്സയപച്ചയാ ഹോന്തി, സമ്പയുത്തപച്ചയാ ഹോന്തി. പടിസന്ധിക്ഖണേ തയോ ഹേതൂ സഹജാതപച്ചയാ ഹോന്തി, അഞ്ഞമഞ്ഞപച്ചയാ ഹോന്തി, നിസ്സയപച്ചയാ ഹോന്തി, സമ്പയുത്തപച്ചയാ ഹോന്തി. പടിസന്ധിക്ഖണേ നാമഞ്ച വിഞ്ഞാണഞ്ച സഹജാതപച്ചയാ ഹോന്തി, അഞ്ഞമഞ്ഞപച്ചയാ ഹോന്തി, നിസ്സയപച്ചയാ ഹോന്തി, സമ്പയുത്തപച്ചയാ ഹോന്തി. പടിസന്ധിക്ഖണേ ഇമേ ചുദ്ദസ ധമ്മാ സഹജാതപച്ചയാ ഹോന്തി, അഞ്ഞമഞ്ഞപച്ചയാ ഹോന്തി, നിസ്സയപച്ചയാ ഹോന്തി, സമ്പയുത്തപച്ചയാ ഹോന്തി. പടിസന്ധിക്ഖണേ ഇമേ അട്ഠവീസതി ധമ്മാ സഹജാതപച്ചയാ ഹോന്തി, അഞ്ഞമഞ്ഞപച്ചയാ ഹോന്തി, നിസ്സയപച്ചയാ ഹോന്തി, വിപ്പയുത്തപച്ചയാ ഹോന്തി. ഗതിസമ്പത്തിയാ ഞാണസമ്പയുത്തേ ഇമേസം അട്ഠന്നം ഹേതൂനം പച്ചയാ ഉപപത്തി ഹോതി.
Paṭisandhikkhaṇe pañcakkhandhā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe cattāro mahābhūtā sahajātapaccayā honti, aññamaññapaccayā honti, nissayapaccayā honti. Paṭisandhikkhaṇe tayo jīvitasaṅkhārā sahajātapaccayā honti, aññamaññapaccayā honti, nissayapaccayā honti , vippayuttapaccayā honti. Paṭisandhikkhaṇe nāmañca rūpañca sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe ime cuddasa dhammā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe cattāro khandhā arūpino sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe pañcindriyāni sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe tayo hetū sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe nāmañca viññāṇañca sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe ime cuddasa dhammā sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe ime aṭṭhavīsati dhammā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Gatisampattiyā ñāṇasampayutte imesaṃ aṭṭhannaṃ hetūnaṃ paccayā upapatti hoti.
ഖത്തിയമഹാസാലാനം ബ്രാഹ്മണമഹാസാലാനം ഗഹപതിമഹാസാലാനം കാമാവചരാനം ദേവാനം ഞാണസമ്പയുത്തേ കതമേസം അട്ഠന്നം ഹേതൂനം പച്ചയാ ഉപപത്തി ഹോതി? കുസലകമ്മസ്സ ജവനക്ഖണേ തയോ ഹേതൂ കുസലാ; തസ്മിം ഖണേ ജാതചേതനായ സഹജാതപച്ചയാ ഹോന്തി. തേന വുച്ചതി – ‘‘കുസലമൂലപച്ചയാപി സങ്ഖാരാ’’. നികന്തിക്ഖണേ ദ്വേ ഹേതൂ അകുസലാ; തസ്മിം ഖണേ ജാതചേതനായ സഹജാതപച്ചയാ ഹോന്തി. തേന വുച്ചതി – ‘‘അകുസലമൂലപച്ചയാപി സങ്ഖാരാ’’. പടിസന്ധിക്ഖണേ തയോ ഹേതൂ അബ്യാകതാ; തസ്മിം ഖണേ ജാതചേതനായ സഹജാതപച്ചയാ ഹോന്തി. തേന വുച്ചതി – ‘‘നാമരൂപപച്ചയാപി വിഞ്ഞാണം, വിഞ്ഞാണപച്ചയാപി നാമരൂപം’’.
Khattiyamahāsālānaṃ brāhmaṇamahāsālānaṃ gahapatimahāsālānaṃ kāmāvacarānaṃ devānaṃ ñāṇasampayutte katamesaṃ aṭṭhannaṃ hetūnaṃ paccayā upapatti hoti? Kusalakammassa javanakkhaṇe tayo hetū kusalā; tasmiṃ khaṇe jātacetanāya sahajātapaccayā honti. Tena vuccati – ‘‘kusalamūlapaccayāpi saṅkhārā’’. Nikantikkhaṇe dve hetū akusalā; tasmiṃ khaṇe jātacetanāya sahajātapaccayā honti. Tena vuccati – ‘‘akusalamūlapaccayāpi saṅkhārā’’. Paṭisandhikkhaṇe tayo hetū abyākatā; tasmiṃ khaṇe jātacetanāya sahajātapaccayā honti. Tena vuccati – ‘‘nāmarūpapaccayāpi viññāṇaṃ, viññāṇapaccayāpi nāmarūpaṃ’’.
പടിസന്ധിക്ഖണേ പഞ്ചക്ഖന്ധാ സഹജാതപച്ചയാ ഹോന്തി, അഞ്ഞമഞ്ഞപച്ചയാ ഹോന്തി, നിസ്സയപച്ചയാ ഹോന്തി, വിപ്പയുത്തപച്ചയാ ഹോന്തി. പടിസന്ധിക്ഖണേ ചത്താരോ മഹാഭൂതാ സഹജാതപച്ചയാ ഹോന്തി, അഞ്ഞമഞ്ഞപച്ചയാ ഹോന്തി, നിസ്സയപച്ചയാ ഹോന്തി. പടിസന്ധിക്ഖണേ തയോ ജീവിതസങ്ഖാരാ സഹജാതപച്ചയാ ഹോന്തി, അഞ്ഞമഞ്ഞപച്ചയാ ഹോന്തി, നിസ്സയപച്ചയാ ഹോന്തി, വിപ്പയുത്തപച്ചയാ ഹോന്തി. പടിസന്ധിക്ഖണേ നാമഞ്ച രൂപഞ്ച സഹജാതപച്ചയാ ഹോന്തി, അഞ്ഞമഞ്ഞപച്ചയാ ഹോന്തി, നിസ്സയപച്ചയാ ഹോന്തി, വിപ്പയുത്തപച്ചയാ ഹോന്തി. പടിസന്ധിക്ഖണേ ഇമേ ചുദ്ദസ ധമ്മാ സഹജാതപച്ചയാ ഹോന്തി, അഞ്ഞമഞ്ഞപച്ചയാ ഹോന്തി, നിസ്സയപച്ചയാ ഹോന്തി, വിപ്പയുത്തപച്ചയാ ഹോന്തി. പടിസന്ധിക്ഖണേ ചത്താരോ ഖന്ധാ അരൂപിനോ സഹജാതപച്ചയാ ഹോന്തി, അഞ്ഞമഞ്ഞപച്ചയാ ഹോന്തി, നിസ്സയപച്ചയാ ഹോന്തി, സമ്പയുത്തപച്ചയാ ഹോന്തി. പടിസന്ധിക്ഖണേ പഞ്ചിന്ദ്രിയാനി സഹജാതപച്ചയാ ഹോന്തി, അഞ്ഞമഞ്ഞപച്ചയാ ഹോന്തി, നിസ്സയപച്ചയാ ഹോന്തി, സമ്പയുത്തപച്ചയാ ഹോന്തി. പടിസന്ധിക്ഖണേ തയോ ഹേതൂ സഹജാതപച്ചയാ ഹോന്തി, അഞ്ഞമഞ്ഞപച്ചയാ ഹോന്തി, നിസ്സയപച്ചയാ ഹോന്തി, സമ്പയുത്തപച്ചയാ ഹോന്തി. പടിസന്ധിക്ഖണേ നാമഞ്ച വിഞ്ഞാണഞ്ച സഹജാതപച്ചയാ ഹോന്തി, അഞ്ഞമഞ്ഞപച്ചയാ ഹോന്തി, നിസ്സയപച്ചയാ ഹോന്തി, സമ്പയുത്തപച്ചയാ ഹോന്തി. പടിസന്ധിക്ഖണേ ഇമേ ചുദ്ദസ ധമ്മാ സഹജാതപച്ചയാ ഹോന്തി, അഞ്ഞമഞ്ഞപച്ചയാ ഹോന്തി, നിസ്സയപച്ചയാ ഹോന്തി, സമ്പയുത്തപച്ചയാ ഹോന്തി. പടിസന്ധിക്ഖണേ ഇമേ അട്ഠവീസതി ധമ്മാ സഹജാതപച്ചയാ ഹോന്തി, അഞ്ഞമഞ്ഞപച്ചയാ ഹോന്തി, നിസ്സയപച്ചയാ ഹോന്തി, വിപ്പയുത്തപച്ചയാ ഹോന്തി. ഖത്തിയമഹാസാലാനം ബ്രാഹ്മണമഹാസാലാനം ഗഹപതിമഹാസാലാനം കാമാവചരാനം ദേവാനം ഞാണസമ്പയുത്തേ ഇമേസം അട്ഠന്നം ഹേതൂനം പച്ചയാ ഉപപത്തി ഹോതി.
Paṭisandhikkhaṇe pañcakkhandhā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe cattāro mahābhūtā sahajātapaccayā honti, aññamaññapaccayā honti, nissayapaccayā honti. Paṭisandhikkhaṇe tayo jīvitasaṅkhārā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe nāmañca rūpañca sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe ime cuddasa dhammā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe cattāro khandhā arūpino sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe pañcindriyāni sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe tayo hetū sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe nāmañca viññāṇañca sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe ime cuddasa dhammā sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe ime aṭṭhavīsati dhammā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Khattiyamahāsālānaṃ brāhmaṇamahāsālānaṃ gahapatimahāsālānaṃ kāmāvacarānaṃ devānaṃ ñāṇasampayutte imesaṃ aṭṭhannaṃ hetūnaṃ paccayā upapatti hoti.
രൂപാവചരാനം ദേവാനം കതമേസം അട്ഠന്നം ഹേതൂനം പച്ചയാ ഉപപത്തി ഹോതി? കുസലകമ്മസ്സ ജവനക്ഖണേ തയോ ഹേതൂ കുസലാ…പേ॰… രൂപാവചരാനം ദേവാനം ഇമേസം അട്ഠന്നം ഹേതൂനം പച്ചയാ ഉപപത്തി ഹോതി.
Rūpāvacarānaṃ devānaṃ katamesaṃ aṭṭhannaṃ hetūnaṃ paccayā upapatti hoti? Kusalakammassa javanakkhaṇe tayo hetū kusalā…pe… rūpāvacarānaṃ devānaṃ imesaṃ aṭṭhannaṃ hetūnaṃ paccayā upapatti hoti.
അരൂപാവചരാനം ദേവാനം കതമേസം അട്ഠന്നം ഹേതൂനം പച്ചയാ ഉപപത്തി ഹോതി? കുസലകമ്മസ്സ ജവനക്ഖണേ തയോ ഹേതൂ കുസലാ; തസ്മിം ഖണേ ജാതചേതനായ സഹജാതപച്ചയാ ഹോന്തി. തേന വുച്ചതി – ‘‘കുസലമൂലപച്ചയാപി സങ്ഖാരാ’’. നികന്തിക്ഖണേ ദ്വേ ഹേതൂ അകുസലാ; തസ്മിം ഖണേ ജാതചേതനായ സഹജാതപച്ചയാ ഹോന്തി. തേന വുച്ചതി – ‘‘അകുസലമൂലപച്ചയാപി സങ്ഖാരാ’’. പടിസന്ധിക്ഖണേ തയോ ഹേതൂ അബ്യാകതാ; തസ്മിം ഖണേ ജാതചേതനായ സഹജാതപച്ചയാ ഹോന്തി. തേന വുച്ചതി – ‘‘നാമപച്ചയാപി വിഞ്ഞാണം വിഞ്ഞാണപച്ചയാപി നാമം’’.
Arūpāvacarānaṃ devānaṃ katamesaṃ aṭṭhannaṃ hetūnaṃ paccayā upapatti hoti? Kusalakammassa javanakkhaṇe tayo hetū kusalā; tasmiṃ khaṇe jātacetanāya sahajātapaccayā honti. Tena vuccati – ‘‘kusalamūlapaccayāpi saṅkhārā’’. Nikantikkhaṇe dve hetū akusalā; tasmiṃ khaṇe jātacetanāya sahajātapaccayā honti. Tena vuccati – ‘‘akusalamūlapaccayāpi saṅkhārā’’. Paṭisandhikkhaṇe tayo hetū abyākatā; tasmiṃ khaṇe jātacetanāya sahajātapaccayā honti. Tena vuccati – ‘‘nāmapaccayāpi viññāṇaṃ viññāṇapaccayāpi nāmaṃ’’.
പടിസന്ധിക്ഖണേ ചത്താരോ ഖന്ധാ അരൂപിനോ സഹജാതപച്ചയാ ഹോന്തി, അഞ്ഞമഞ്ഞപച്ചയാ ഹോന്തി, നിസ്സയപച്ചയാ ഹോന്തി, സമ്പയുത്തപച്ചയാ ഹോന്തി. പടിസന്ധിക്ഖണേ പഞ്ചിന്ദ്രിയാനി സഹജാതപച്ചയാ ഹോന്തി, അഞ്ഞമഞ്ഞപച്ചയാ ഹോന്തി, നിസ്സയപച്ചയാ ഹോന്തി, സമ്പയുത്തപച്ചയാ ഹോന്തി. പടിസന്ധിക്ഖണേ തയോ ഹേതൂ സഹജാതപച്ചയാ ഹോന്തി, അഞ്ഞമഞ്ഞപച്ചയാ ഹോന്തി, നിസ്സയപച്ചയാ ഹോന്തി, സമ്പയുത്തപച്ചയാ ഹോന്തി. പടിസന്ധിക്ഖണേ നാമഞ്ച വിഞ്ഞാണഞ്ച സഹജാതപച്ചയാ ഹോന്തി, അഞ്ഞമഞ്ഞപച്ചയാ ഹോന്തി, നിസ്സയപച്ചയാ ഹോന്തി, സമ്പയുത്തപച്ചയാ ഹോന്തി. പടിസന്ധിക്ഖണേ ഇമേ ചുദ്ദസ ധമ്മാ സഹജാതപച്ചയാ ഹോന്തി, അഞ്ഞമഞ്ഞപച്ചയാ ഹോന്തി, നിസ്സയപച്ചയാ ഹോന്തി, സമ്പയുത്തപച്ചയാ ഹോന്തി. അരൂപാവചരാനം ദേവാനം ഇമേസം അട്ഠന്നം ഹേതൂനം പച്ചയാ ഉപപത്തി ഹോതി.
Paṭisandhikkhaṇe cattāro khandhā arūpino sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe pañcindriyāni sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe tayo hetū sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe nāmañca viññāṇañca sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe ime cuddasa dhammā sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Arūpāvacarānaṃ devānaṃ imesaṃ aṭṭhannaṃ hetūnaṃ paccayā upapatti hoti.
൨൩൩. ഗതിസമ്പത്തിയാ ഞാണവിപ്പയുത്തേ കതിനം ഹേതൂനം പച്ചയാ ഉപപത്തി ഹോതി? ഖത്തിയമഹാസാലാനം ബ്രാഹ്മണമഹാസാലാനം ഗഹപതിമഹാസാലാനം കാമാവചരാനം ദേവാനം ഞാണവിപ്പയുത്തേ കതിനം ഹേതൂനം പച്ചയാ ഉപപത്തി ഹോതി?
233. Gatisampattiyā ñāṇavippayutte katinaṃ hetūnaṃ paccayā upapatti hoti? Khattiyamahāsālānaṃ brāhmaṇamahāsālānaṃ gahapatimahāsālānaṃ kāmāvacarānaṃ devānaṃ ñāṇavippayutte katinaṃ hetūnaṃ paccayā upapatti hoti?
ഗതിസമ്പത്തിയാ ഞാണവിപ്പയുത്തേ ഛന്നം ഹേതൂനം പച്ചയാ ഉപപത്തി ഹോതി. ഖത്തിയമഹാസാലാനം ബ്രാഹ്മണമഹാസാലാനം ഗഹപതിമഹാസാലാനം കാമാവചരാനം ദേവാനം ഞാണവിപ്പയുത്തേ ഛന്നം ഹേതൂനം പച്ചയാ ഉപപത്തി ഹോതി .
Gatisampattiyā ñāṇavippayutte channaṃ hetūnaṃ paccayā upapatti hoti. Khattiyamahāsālānaṃ brāhmaṇamahāsālānaṃ gahapatimahāsālānaṃ kāmāvacarānaṃ devānaṃ ñāṇavippayutte channaṃ hetūnaṃ paccayā upapatti hoti .
ഗതിസമ്പത്തിയാ ഞാണവിപ്പയുത്തേ കതമേസം ഛന്നം ഹേതൂനം പച്ചയാ ഉപപത്തി ഹോതി? കുസലകമ്മസ്സ ജവനക്ഖണേ ദ്വേ ഹേതൂ കുസലാ; തസ്മിം ഖണേ ജാതചേതനായ സഹജാതപച്ചയാ ഹോന്തി. തേന വുച്ചതി – കുസലമൂലപച്ചയാപി സങ്ഖാരാ. നികന്തിക്ഖണേ ദ്വേ ഹേതൂ അകുസലാ; തസ്മിം ഖണേ ജാതചേതനായ സഹജാതപച്ചയാ ഹോന്തി. തേന വുച്ചതി – അകുസലമൂലപച്ചയാപി സങ്ഖാരാ. പടിസന്ധിക്ഖണേ ദ്വേ ഹേതൂ അബ്യാകതാ; തസ്മിം ഖണേ ജാതചേതനായ സഹജാതപച്ചയാ ഹോന്തി. തേന വുച്ചതി – ‘‘നാമരൂപപച്ചയാപി വിഞ്ഞാണം, വിഞ്ഞാണപച്ചയാപി നാമരൂപം’’.
Gatisampattiyā ñāṇavippayutte katamesaṃ channaṃ hetūnaṃ paccayā upapatti hoti? Kusalakammassa javanakkhaṇe dve hetū kusalā; tasmiṃ khaṇe jātacetanāya sahajātapaccayā honti. Tena vuccati – kusalamūlapaccayāpi saṅkhārā. Nikantikkhaṇe dve hetū akusalā; tasmiṃ khaṇe jātacetanāya sahajātapaccayā honti. Tena vuccati – akusalamūlapaccayāpi saṅkhārā. Paṭisandhikkhaṇe dve hetū abyākatā; tasmiṃ khaṇe jātacetanāya sahajātapaccayā honti. Tena vuccati – ‘‘nāmarūpapaccayāpi viññāṇaṃ, viññāṇapaccayāpi nāmarūpaṃ’’.
പടിസന്ധിക്ഖണേ പഞ്ചക്ഖന്ധാ സഹജാതപച്ചയാ ഹോന്തി, അഞ്ഞമഞ്ഞപച്ചയാ ഹോന്തി, നിസ്സയപച്ചയാ ഹോന്തി, വിപ്പയുത്തപച്ചയാ ഹോന്തി. പടിസന്ധിക്ഖണേ ചത്താരോ മഹാഭൂതാ സഹജാതപച്ചയാ ഹോന്തി, അഞ്ഞമഞ്ഞപച്ചയാ ഹോന്തി, നിസ്സയപച്ചയാ ഹോന്തി. പടിസന്ധിക്ഖണേ തയോ ജീവിതസങ്ഖാരാ സഹജാതപച്ചയാ ഹോന്തി, അഞ്ഞമഞ്ഞപച്ചയാ ഹോന്തി, നിസ്സയപച്ചയാ ഹോന്തി, വിപ്പയുത്തപച്ചയാ ഹോന്തി. പടിസന്ധിക്ഖണേ നാമഞ്ച രൂപഞ്ച സഹജാതപച്ചയാ ഹോന്തി, അഞ്ഞമഞ്ഞപച്ചയാ ഹോന്തി, നിസ്സയപച്ചയാ ഹോന്തി, വിപ്പയുത്തപച്ചയാ ഹോന്തി. പടിസന്ധിക്ഖണേ ഇമേ ചുദ്ദസ ധമ്മാ സഹജാതപച്ചയാ ഹോന്തി, അഞ്ഞമഞ്ഞപച്ചയാ ഹോന്തി, നിസ്സയപച്ചയാ ഹോന്തി, വിപ്പയുത്തപച്ചയാ ഹോന്തി. പടിസന്ധിക്ഖണേ ചത്താരോ ഖന്ധാ അരൂപിനോ സഹജാതപച്ചയാ ഹോന്തി, അഞ്ഞമഞ്ഞപച്ചയാ ഹോന്തി, നിസ്സയപച്ചയാ ഹോന്തി, സമ്പയുത്തപച്ചയാ ഹോന്തി. പടിസന്ധിക്ഖണേ ചത്താരി ഇന്ദ്രിയാനി സഹജാതപച്ചയാ ഹോന്തി, അഞ്ഞമഞ്ഞപച്ചയാ ഹോന്തി, നിസ്സയപച്ചയാ ഹോന്തി, സമ്പയുത്തപച്ചയാ ഹോന്തി. പടിസന്ധിക്ഖണേ ദ്വേ ഹേതൂ സഹജാതപച്ചയാ ഹോന്തി, അഞ്ഞമഞ്ഞപച്ചയാ ഹോന്തി, നിസ്സയപച്ചയാ ഹോന്തി, സമ്പയുത്തപച്ചയാ ഹോന്തി. പടിസന്ധിക്ഖണേ നാമഞ്ച വിഞ്ഞാണഞ്ച സഹജാതപച്ചയാ ഹോന്തി, അഞ്ഞമഞ്ഞപച്ചയാ ഹോന്തി, നിസ്സയപച്ചയാ ഹോന്തി, സമ്പയുത്തപച്ചയാ ഹോന്തി. പടിസന്ധിക്ഖണേ ഇമേ ദ്വാദസ ധമ്മാ സഹജാതപച്ചയാ ഹോന്തി, അഞ്ഞമഞ്ഞപച്ചയാ ഹോന്തി, നിസ്സയപച്ചയാ ഹോന്തി, സമ്പയുത്തപച്ചയാ ഹോന്തി . പടിസന്ധിക്ഖണേ ഇമേ ഛബ്ബീസതി ധമ്മാ സഹജാതപച്ചയാ ഹോന്തി, അഞ്ഞമഞ്ഞപച്ചയാ ഹോന്തി, നിസ്സയപച്ചയാ ഹോന്തി, വിപ്പയുത്തപച്ചയാ ഹോന്തി. ഗതിസമ്പത്തിയാ ഞാണവിപ്പയുത്തേ ഇമേസം ഛന്നം ഹേതൂനം പച്ചയാ ഉപപത്തി ഹോതി.
Paṭisandhikkhaṇe pañcakkhandhā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe cattāro mahābhūtā sahajātapaccayā honti, aññamaññapaccayā honti, nissayapaccayā honti. Paṭisandhikkhaṇe tayo jīvitasaṅkhārā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe nāmañca rūpañca sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe ime cuddasa dhammā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Paṭisandhikkhaṇe cattāro khandhā arūpino sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe cattāri indriyāni sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe dve hetū sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe nāmañca viññāṇañca sahajātapaccayā honti, aññamaññapaccayā honti, nissayapaccayā honti, sampayuttapaccayā honti. Paṭisandhikkhaṇe ime dvādasa dhammā sahajātapaccayā honti, aññamaññapaccayā honti, nissayapaccayā honti, sampayuttapaccayā honti . Paṭisandhikkhaṇe ime chabbīsati dhammā sahajātapaccayā honti, aññamaññapaccayā honti, nissayapaccayā honti, vippayuttapaccayā honti. Gatisampattiyā ñāṇavippayutte imesaṃ channaṃ hetūnaṃ paccayā upapatti hoti.
ഖത്തിയമഹാസാലാനം ബ്രാഹ്മണമഹാസാലാനം ഗഹപതിമഹാസാലാനം കാമാവചരാനം ദേവാനം ഞാണവിപ്പയുത്തേ കതമേസം ഛന്നം ഹേതൂനം പച്ചയാ ഉപപത്തി ഹോതി? കുസലകമ്മസ്സ ജവനക്ഖണേ ദ്വേ ഹേതൂ കുസലാ; തസ്മിം ഖണേ ജാതചേതനായ സഹജാതപച്ചയാ ഹോന്തി. തേന വുച്ചതി – ‘‘കുസലമൂലപച്ചയാപി സങ്ഖാരാ…പേ॰… ഖത്തിയമഹാസാലാനം ബ്രാഹ്മണമഹാസാലാനം ഗഹപതിമഹാസാലാനം കാമാവചരാനം ദേവാനം ഞാണവിപ്പയുത്തേ ഇമേസം ഛന്നം ഹേതൂനം പച്ചയാ ഉപപത്തി ഹോതീ’’തി.
Khattiyamahāsālānaṃ brāhmaṇamahāsālānaṃ gahapatimahāsālānaṃ kāmāvacarānaṃ devānaṃ ñāṇavippayutte katamesaṃ channaṃ hetūnaṃ paccayā upapatti hoti? Kusalakammassa javanakkhaṇe dve hetū kusalā; tasmiṃ khaṇe jātacetanāya sahajātapaccayā honti. Tena vuccati – ‘‘kusalamūlapaccayāpi saṅkhārā…pe… khattiyamahāsālānaṃ brāhmaṇamahāsālānaṃ gahapatimahāsālānaṃ kāmāvacarānaṃ devānaṃ ñāṇavippayutte imesaṃ channaṃ hetūnaṃ paccayā upapatti hotī’’ti.
ഗതികഥാ നിട്ഠിതാ.
Gatikathā niṭṭhitā.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / ഖുദ്ദകനികായ (അട്ഠകഥാ) • Khuddakanikāya (aṭṭhakathā) / പടിസമ്ഭിദാമഗ്ഗ-അട്ഠകഥാ • Paṭisambhidāmagga-aṭṭhakathā / ഗതികഥാവണ്ണനാ • Gatikathāvaṇṇanā
