| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
6. г̇ад̇игат̇аа
6. Gatikathā
г̇ад̇игат̇ааван̣н̣анаа
Gatikathāvaṇṇanā
231. ид̣̇аани д̇ассаа вимогкуббад̇д̇ияаа хзд̇убхууд̇ам̣ хзд̇усамбад̇д̇им̣ д̣̇ассзнд̇зна гат̇ид̇ааяа г̇ад̇игат̇ааяа абуб̣б̣ад̇т̇аануван̣н̣анаа. д̣̇ухзд̇угабадисанд̇хигассааби хи ‘‘над̇т̇и жхаанам̣ абан̃н̃ассаа’’д̇и (д̇ха. ба. 372) важанад̇о жхаанамби на уббаж̇ж̇ад̇и, гим̣ бана вимогко. д̇ад̇т̇а г̇ад̇исамбад̇д̇ияаад̇и нираяад̇иражчаанаяонибзд̇д̇ивисаяамануссад̣̇звасан̇каад̇аасу бан̃жасу г̇ад̇ийсу мануссад̣̇звасан̇каад̇ааяа г̇ад̇исамбад̇д̇ияаа. зд̇зна буримаа д̇иссо г̇ад̇ивибад̇д̇ияо бадигкибад̇и. г̇ад̇ияаа самбад̇д̇и г̇ад̇исамбад̇д̇и, суг̇ад̇ийд̇и вуд̇д̇ам̣ ход̇и. г̇ад̇ийд̇и жа сахогаасаа канд̇хаа. бан̃жасу жа г̇ад̇ийсу бзд̇д̇ивисаяаг̇г̇ахан̣знзва асурагааяоби г̇ахид̇о. д̣̇зваад̇и ча гаамааважарад̣̇зваа б̣рахмаано жа. д̣̇зваг̇г̇ахан̣зна асурааби сан̇г̇ахид̇аа. н̃аан̣асамбаяуд̇д̇зд̇и н̃аан̣асамбаяуд̇д̇абадисанд̇хигкан̣з. кан̣оби хи н̃аан̣асамбаяуд̇д̇аяог̇зна д̇знзва вохаарзна вуд̇д̇од̇и взд̣̇ид̇аб̣б̣о. гад̇инам̣ хзд̇уунанд̇и алобхаад̣̇осаамохахзд̇уусу гад̇инам̣ хзд̇уунам̣. убабад̇д̇ийд̇и убабаж̇ж̇анам̣, ниб̣б̣ад̇д̇ийд̇и ад̇т̇о.
231. Idāni tassā vimokkhuppattiyā hetubhūtaṃ hetusampattiṃ dassentena kathitāya gatikathāya apubbatthānuvaṇṇanā. Duhetukapaṭisandhikassāpi hi ‘‘natthi jhānaṃ apaññassā’’ti (dha. pa. 372) vacanato jhānampi na uppajjati, kiṃ pana vimokkho. Tattha gatisampattiyāti nirayatiracchānayonipettivisayamanussadevasaṅkhātāsu pañcasu gatīsu manussadevasaṅkhātāya gatisampattiyā. Etena purimā tisso gativipattiyo paṭikkhipati. Gatiyā sampatti gatisampatti, sugatīti vuttaṃ hoti. Gatīti ca sahokāsā khandhā. Pañcasu ca gatīsu pettivisayaggahaṇeneva asurakāyopi gahito. Devāti cha kāmāvacaradevā brahmāno ca. Devaggahaṇena asurāpi saṅgahitā. Ñāṇasampayutteti ñāṇasampayuttapaṭisandhikkhaṇe. Khaṇopi hi ñāṇasampayuttayogena teneva vohārena vuttoti veditabbo. Katinaṃ hetūnanti alobhādosāmohahetūsu katinaṃ hetūnaṃ. Upapattīti upapajjanaṃ, nibbattīti attho.
яасмаа бана суд̣̇д̣̇агулаж̇аад̇ааби д̇ихзд̇угаа хонд̇и, д̇асмаа д̇з санд̇хааяа батамабужчаа. яасмаа жа язбхуяязна махаабун̃н̃аа д̇ийсу махаасаалагулзсу ж̇ааяанд̇и, д̇асмаа д̇зсам̣ д̇ин̣н̣ам̣ гулаанам̣ васзна д̇иссо бужчаа. баато бана сан̇кид̇д̇о. махад̇ий саалаа зд̇зсанд̇и махаасаалаа, махаагхараа махаавибхаваад̇и ад̇т̇о. ат̇а ваа махаа сааро зд̇зсанд̇и махаасаараад̇и вад̇д̇аб̣б̣з ра-гаарасса ла-гаарам̣ гад̇ваа ‘‘махаасаалаа’’д̇и вуд̇д̇ам̣. кад̇д̇ияаа махаасаалаа, кад̇д̇иязсу ваа махаасаалаад̇и кад̇д̇ияамахаасаалаа. сзсзсуби зсзва наяо. д̇ад̇т̇а яасса кад̇д̇ияасса г̇зхз бажчиманд̇зна годисад̇ам̣ д̇ханам̣ нид̇хаанаг̇ад̇ам̣ ход̇и, гахаабан̣аанан̃жа вийсад̇и амб̣ан̣аани д̣̇ивасам̣ валан̃ж̇з нигкаманд̇и, аяам̣ кад̇д̇ияамахаасаало наама. яасса б̣раахман̣асса г̇зхз бажчиманд̇зна асийд̇игодид̇ханам̣ нид̇хаанаг̇ад̇ам̣ ход̇и, гахаабан̣аанан̃жа д̣̇аса амб̣ан̣аани д̣̇ивасам̣ валан̃ж̇з нигкаманд̇и, аяам̣ б̣раахман̣амахаасаало наама. яасса г̇ахабад̇исса г̇зхз бажчиманд̇зна жад̇д̇аалийсагодид̇ханам̣ нид̇хаанаг̇ад̇ам̣ ход̇и, гахаабан̣аанан̃жа бан̃жа амб̣ан̣аани д̣̇ивасам̣ валан̃ж̇з нигкаманд̇и, аяам̣ г̇ахабад̇имахаасаало наама.
Yasmā pana suddakulajātāpi tihetukā honti, tasmā te sandhāya paṭhamapucchā. Yasmā ca yebhuyyena mahāpuññā tīsu mahāsālakulesu jāyanti, tasmā tesaṃ tiṇṇaṃ kulānaṃ vasena tisso pucchā. Pāṭho pana saṅkhitto. Mahatī sālā etesanti mahāsālā, mahāgharā mahāvibhavāti attho. Atha vā mahā sāro etesanti mahāsārāti vattabbe ra-kārassa la-kāraṃ katvā ‘‘mahāsālā’’ti vuttaṃ. Khattiyā mahāsālā, khattiyesu vā mahāsālāti khattiyamahāsālā. Sesesupi eseva nayo. Tattha yassa khattiyassa gehe pacchimantena koṭisataṃ dhanaṃ nidhānagataṃ hoti, kahāpaṇānañca vīsati ambaṇāni divasaṃ valañje nikkhamanti, ayaṃ khattiyamahāsālo nāma. Yassa brāhmaṇassa gehe pacchimantena asītikoṭidhanaṃ nidhānagataṃ hoti, kahāpaṇānañca dasa ambaṇāni divasaṃ valañje nikkhamanti, ayaṃ brāhmaṇamahāsālo nāma. Yassa gahapatissa gehe pacchimantena cattālīsakoṭidhanaṃ nidhānagataṃ hoti, kahāpaṇānañca pañca ambaṇāni divasaṃ valañje nikkhamanti, ayaṃ gahapatimahāsālo nāma.
руубааважараанам̣ аруубааважараанан̃жа зганд̇ад̇ихзд̇угад̇д̇аа ‘‘н̃аан̣асамбаяуд̇д̇з’’д̇и на вуд̇д̇ам̣, мануссзсу бана д̣̇ухзд̇угаахзд̇угаанан̃жа саб̣бхаавад̇о, гаамааважарзсу д̣̇звзсу д̣̇ухзд̇угаанан̃жа саб̣бхаавад̇о сзсзсу ‘‘н̃аан̣асамбаяуд̇д̇з’’д̇и вуд̇д̇ам̣. зд̇т̇а жа гаамааважарад̣̇зваа бан̃жагаамаг̇ун̣арад̇ияаа гийл̣анд̇и, сарийраж̇уд̇ияаа жа ж̇од̇анд̇ийд̇и д̣̇зваа, руубааважараб̣рахмаано жхаанарад̇ияаа гийл̣анд̇и , сарийраж̇уд̇ияаа жа ж̇од̇анд̇ийд̇и д̣̇зваа, аруубааважараб̣рахмаано жхаанарад̇ияаа гийл̣анд̇и, н̃аан̣аж̇уд̇ияаа жа ж̇од̇анд̇ийд̇и д̣̇зваа.
Rūpāvacarānaṃ arūpāvacarānañca ekantatihetukattā ‘‘ñāṇasampayutte’’ti na vuttaṃ, manussesu pana duhetukāhetukānañca sabbhāvato, kāmāvacaresu devesu duhetukānañca sabbhāvato sesesu ‘‘ñāṇasampayutte’’ti vuttaṃ. Ettha ca kāmāvacaradevā pañcakāmaguṇaratiyā kīḷanti, sarīrajutiyā ca jotantīti devā, rūpāvacarabrahmāno jhānaratiyā kīḷanti , sarīrajutiyā ca jotantīti devā, arūpāvacarabrahmāno jhānaratiyā kīḷanti, ñāṇajutiyā ca jotantīti devā.
232. гусалагаммасса ж̇аванагкан̣зд̇и ад̇ийд̇аж̇аад̇ияаа ид̇ха д̇ихзд̇угабадисанд̇хиж̇анагасса д̇ихзд̇угагаамааважарагусалагаммасса жа ж̇аванавийт̇ияам̣ бунаббунам̣ уббад̇д̇ивасзна сад̇д̇аваарам̣ ж̇аванагкан̣з, бавад̇д̇анагаалзд̇и ад̇т̇о. д̇аяо хзд̇уу гусалаад̇и алобхо гусалахзд̇у ад̣̇осо гусалахзд̇у амохо гусалахзд̇у. д̇асмим̣ кан̣з ж̇аад̇ажзд̇анааяаад̇и д̇асмим̣ вуд̇д̇агкан̣зязва ж̇аад̇ааяа гусалажзд̇анааяа. сахаж̇аад̇абажжаяаа хонд̇ийд̇и уббаж̇ж̇амаанаа жа сахауббаад̣̇анабхаавзна убагаарагаа хонд̇и. д̇зна вужжад̇ийд̇и д̇зна сахаж̇аад̇абажжаяабхаавзнзва вужжад̇и. гусаламуулабажжаяааби сан̇каараад̇и згажид̇д̇агкан̣игабажжаяаагааранаязна вуд̇д̇ам̣. ‘‘сан̇каараа’’д̇и жа б̣ахуважанзна д̇ад̇т̇а сан̇каарагканд̇хасан̇г̇ахид̇аа саб̣б̣з жзд̇асигаа г̇ахид̇аад̇и взд̣̇ид̇аб̣б̣ам̣. абисад̣̇д̣̇зна сан̇каарабажжаяааби гусаламуулаанийд̇иби вуд̇д̇ам̣ ход̇и.
232.Kusalakammassa javanakkhaṇeti atītajātiyā idha tihetukapaṭisandhijanakassa tihetukakāmāvacarakusalakammassa ca javanavīthiyaṃ punappunaṃ uppattivasena sattavāraṃ javanakkhaṇe, pavattanakāleti attho. Tayo hetū kusalāti alobho kusalahetu adoso kusalahetu amoho kusalahetu. Tasmiṃ khaṇe jātacetanāyāti tasmiṃ vuttakkhaṇeyeva jātāya kusalacetanāya. Sahajātapaccayā hontīti uppajjamānā ca sahauppādanabhāvena upakārakā honti. Tena vuccatīti tena sahajātapaccayabhāveneva vuccati. Kusalamūlapaccayāpi saṅkhārāti ekacittakkhaṇikapaccayākāranayena vuttaṃ. ‘‘Saṅkhārā’’ti ca bahuvacanena tattha saṅkhārakkhandhasaṅgahitā sabbe cetasikā gahitāti veditabbaṃ. Apisaddena saṅkhārapaccayāpi kusalamūlānītipi vuttaṃ hoti.
ниганд̇игкан̣зд̇и ад̇д̇ано вибаагам̣ д̣̇аад̇ум̣ бажжубадтид̇агаммз ваа д̇ат̇аа бажжубадтид̇агаммзна убадтаабид̇з гамманимид̇д̇з ваа г̇ад̇инимид̇д̇з ваа уббаж̇ж̇амаанаанам̣ ниганд̇игкан̣з. ниганд̇ийд̇и нигааманаа бад̇т̇анаа. аасаннамаран̣асса хи мохзна аагулажид̇д̇ад̇д̇аа авийжиж̇аалааяаби ниганд̇и уббаж̇ж̇ад̇и, гим̣ бана сзсзсу нимид̇д̇зсу. д̣̇вз хзд̇ууд̇и лобхо агусалахзд̇у мохо агусалахзд̇у. бхаваниганд̇и бана бадисанд̇хиананд̇арам̣ бавад̇д̇абхаван̇г̇авийт̇ид̇о вудтид̇амад̇д̇ассзва ад̇д̇ано канд̇хасанд̇аанам̣ аараб̣бха саб̣б̣зсамби уббаж̇ж̇ад̇и. ‘‘яасса ваа бана яад̇т̇а агусалаа д̇хаммаа на уббаж̇ж̇ид̇т̇а, д̇асса д̇ад̇т̇а гусалаа д̇хаммаа на уббаж̇ж̇ид̇т̇аад̇и ааманд̇аа’’д̇и звамаад̣̇и ид̣̇амзва санд̇хааяа вуд̇д̇ам̣. д̇асмим̣ кан̣з ж̇аад̇ажзд̇анааяаад̇и агусалажзд̇анааяа.
Nikantikkhaṇeti attano vipākaṃ dātuṃ paccupaṭṭhitakamme vā tathā paccupaṭṭhitakammena upaṭṭhāpite kammanimitte vā gatinimitte vā uppajjamānānaṃ nikantikkhaṇe. Nikantīti nikāmanā patthanā. Āsannamaraṇassa hi mohena ākulacittattā avīcijālāyapi nikanti uppajjati, kiṃ pana sesesu nimittesu. Dve hetūti lobho akusalahetu moho akusalahetu. Bhavanikanti pana paṭisandhianantaraṃ pavattabhavaṅgavīthito vuṭṭhitamattasseva attano khandhasantānaṃ ārabbha sabbesampi uppajjati. ‘‘Yassa vā pana yattha akusalā dhammā na uppajjittha, tassa tattha kusalā dhammā na uppajjitthāti āmantā’’ti evamādi idameva sandhāya vuttaṃ. Tasmiṃ khaṇe jātacetanāyāti akusalacetanāya.
бадисанд̇хигкан̣зд̇и д̇зна гаммзна г̇ахид̇абадисанд̇хигкан̣з. д̇аяо хзд̇ууд̇и алобхо аб̣яаагад̇ахзд̇у ад̣̇осо аб̣яаагад̇ахзд̇у амохо аб̣яаагад̇ахзд̇у. д̇асмим̣ кан̣з ж̇аад̇ажзд̇анааяаад̇и вибаагааб̣яаагад̇ажзд̇анааяа. наамаруубабажжаяааби вин̃н̃аан̣анд̇и зд̇т̇а д̇асмим̣ бадисанд̇хигкан̣з д̇аяо вибаагахзд̇уу сзсажзд̇асигаа жа наамам̣, хад̣̇аяавад̇т̇у руубам̣. д̇ад̇о наамаруубабажжаяад̇оби бадисанд̇хивин̃н̃аан̣ам̣ бавад̇д̇ад̇и. вин̃н̃аан̣абажжаяааби наамаруубанд̇и зд̇т̇ааби наамам̣ вуд̇д̇аббагаарамзва, руубам̣ бана ид̇ха сахзд̇угамануссабадисанд̇хияаа ад̇хиббзд̇ад̇д̇аа г̇аб̣бхасзяяагаанам̣ вад̇т̇уд̣̇асагам̣ гааяад̣̇асагам̣ бхаавад̣̇асаганд̇и самад̇им̣са руубаани, сам̣сзд̣̇аж̇аанам̣ обабаад̇игаанан̃жа барибун̣н̣ааяад̇анаанам̣ жагкуд̣̇асагам̣ сод̇ад̣̇асагам̣ гхаанад̣̇асагам̣ ж̇ивхаад̣̇асаган̃жаад̇и самасад̇д̇ад̇и руубаани. д̇ам̣ вуд̇д̇аббагаарам̣ наамаруубам̣ бадисанд̇хигкан̣з бадисанд̇хивин̃н̃аан̣абажжаяаа бавад̇д̇ад̇и.
Paṭisandhikkhaṇeti tena kammena gahitapaṭisandhikkhaṇe. Tayo hetūti alobho abyākatahetu adoso abyākatahetu amoho abyākatahetu. Tasmiṃ khaṇe jātacetanāyāti vipākābyākatacetanāya. Nāmarūpapaccayāpi viññāṇanti ettha tasmiṃ paṭisandhikkhaṇe tayo vipākahetū sesacetasikā ca nāmaṃ, hadayavatthu rūpaṃ. Tato nāmarūpapaccayatopi paṭisandhiviññāṇaṃ pavattati. Viññāṇapaccayāpi nāmarūpanti etthāpi nāmaṃ vuttappakārameva, rūpaṃ pana idha sahetukamanussapaṭisandhiyā adhippetattā gabbhaseyyakānaṃ vatthudasakaṃ kāyadasakaṃ bhāvadasakanti samatiṃsa rūpāni, saṃsedajānaṃ opapātikānañca paripuṇṇāyatanānaṃ cakkhudasakaṃ sotadasakaṃ ghānadasakaṃ jivhādasakañcāti samasattati rūpāni. Taṃ vuttappakāraṃ nāmarūpaṃ paṭisandhikkhaṇe paṭisandhiviññāṇapaccayā pavattati.
бан̃жагканд̇хаад̇и зд̇т̇а бадисанд̇хижид̇д̇зна бадисанд̇хигкан̣з лаб̣бхамаанаани руубаани руубагканд̇хо, сахаж̇аад̇аа взд̣̇анаа взд̣̇анаагканд̇хо, сан̃н̃аа сан̃н̃аагканд̇хо, сзсажзд̇асигаа сан̇каарагканд̇хо, бадисанд̇хижид̇д̇ам̣ вин̃н̃аан̣агканд̇хо. сахаж̇аад̇абажжаяаа хонд̇ийд̇и жад̇д̇ааро аруубино канд̇хаа ан̃н̃аман̃н̃ам̣ сахаж̇аад̇абажжаяаа хонд̇и, руубагканд̇хз жад̇д̇ааро махаабхууд̇аа ан̃н̃аман̃н̃ам̣ сахаж̇аад̇абажжаяаа хонд̇и, аруубино канд̇хаа жа хад̣̇аяаруубан̃жа ан̃н̃аман̃н̃ам̣ сахаж̇аад̇абажжаяаа хонд̇и, махаабхууд̇ааби убаад̣̇ааруубаанам̣ сахаж̇аад̇абажжаяаа хонд̇и. ан̃н̃аман̃н̃абажжаяаа хонд̇ийд̇и ан̃н̃аман̃н̃ам̣ уббаад̣̇анубад̇т̇амбханабхаавзна убагаарагаа хонд̇и, жад̇д̇ааро аруубино канд̇хаа жа ан̃н̃аман̃н̃абажжаяаа хонд̇и, жад̇д̇ааро махаабхууд̇аа ан̃н̃аман̃н̃абажжаяаа хонд̇и. ниссаяабажжаяаа хонд̇ийд̇и ад̇хидтаанаагаарзна ниссаяаагаарзна жа убагаарагаа хонд̇и, жад̇д̇ааро аруубино канд̇хаа жа ан̃н̃аман̃н̃ам̣ ниссаяабажжаяаа хонд̇ийд̇и сахаж̇аад̇аа вияа вид̇т̇аарзд̇аб̣б̣аа. виббаяуд̇д̇абажжаяаа хонд̇ийд̇и згавад̇т̇угаад̣̇ибхааваанубаг̇аманзна виббаяуд̇д̇абхаавзна убагаарагаа хонд̇и, аруубино канд̇хаа бадисанд̇хируубаанам̣ виббаяуд̇д̇абажжаяаа хонд̇и, хад̣̇аяаруубам̣ аруубийнам̣ канд̇хаанам̣ виббаяуд̇д̇абажжаяо ход̇и. ‘‘бан̃жагканд̇хаа’’д̇и хзд̇т̇а звам̣ яат̇аалаабхавасзна вуд̇д̇ам̣.
Pañcakkhandhāti ettha paṭisandhicittena paṭisandhikkhaṇe labbhamānāni rūpāni rūpakkhandho, sahajātā vedanā vedanākkhandho, saññā saññākkhandho, sesacetasikā saṅkhārakkhandho, paṭisandhicittaṃ viññāṇakkhandho. Sahajātapaccayā hontīti cattāro arūpino khandhā aññamaññaṃ sahajātapaccayā honti, rūpakkhandhe cattāro mahābhūtā aññamaññaṃ sahajātapaccayā honti, arūpino khandhā ca hadayarūpañca aññamaññaṃ sahajātapaccayā honti, mahābhūtāpi upādārūpānaṃ sahajātapaccayā honti. Aññamaññapaccayā hontīti aññamaññaṃ uppādanupatthambhanabhāvena upakārakā honti, cattāro arūpino khandhā ca aññamaññapaccayā honti, cattāro mahābhūtā aññamaññapaccayā honti. Nissayapaccayā hontīti adhiṭṭhānākārena nissayākārena ca upakārakā honti, cattāro arūpino khandhā ca aññamaññaṃ nissayapaccayā hontīti sahajātā viya vitthāretabbā. Vippayuttapaccayā hontīti ekavatthukādibhāvānupagamanena vippayuttabhāvena upakārakā honti, arūpino khandhā paṭisandhirūpānaṃ vippayuttapaccayā honti, hadayarūpaṃ arūpīnaṃ khandhānaṃ vippayuttapaccayo hoti. ‘‘Pañcakkhandhā’’ti hettha evaṃ yathālābhavasena vuttaṃ.
жад̇д̇ааро махаабхууд̇аад̇и зд̇т̇а д̇аяо бажжаяаа батамам̣ вуд̇д̇ааязва. д̇аяо ж̇ийвид̇асан̇каараад̇и ааяу жа усмаа жа вин̃н̃аан̣ан̃жа. ааяууд̇и руубаж̇ийвид̇инд̣̇рияам̣ аруубаж̇ийвид̇инд̣̇рияан̃жа. усмаад̇и д̇зж̇од̇хаад̇у. вин̃н̃аан̣анд̇и бадисанд̇хивин̃н̃аан̣ам̣. зд̇аани хи убаруубари ж̇ийвид̇асан̇каарам̣ сан̇каронд̇и бавад̇д̇знд̇ийд̇и ж̇ийвид̇асан̇каараа. сахаж̇аад̇абажжаяаа хонд̇ийд̇и аруубаж̇ийвид̇инд̣̇рияам̣ бадисанд̇хивин̃н̃аан̣ан̃жа самбаяуд̇д̇агаанам̣ канд̇хаанан̃жа хад̣̇аяаруубасса жа ан̃н̃аман̃н̃асахаж̇аад̇абажжаяаа хонд̇и, д̇зж̇од̇хаад̇у д̇ин̣н̣ам̣ махаабхууд̇аанам̣ ан̃н̃аман̃н̃асахаж̇аад̇абажжаяо ход̇и, убаад̣̇ааруубаанам̣ сахаж̇аад̇абажжаяова, руубаж̇ийвид̇инд̣̇рияам̣ сахаж̇аад̇аруубаанам̣ барияааязна сахаж̇аад̇абажжаяо ход̇ийд̇и взд̣̇ид̇аб̣б̣ам̣. ан̃н̃аман̃н̃абажжаяаа хонд̇и, ниссаяабажжаяаа хонд̇ийд̇и д̣̇ваяам̣ аруубаж̇ийвид̇инд̣̇рияам̣ бадисанд̇хивин̃н̃аан̣ан̃жа самбаяуд̇д̇аканд̇хаанам̣ ан̃н̃аман̃н̃абажжаяаа хонд̇и. ан̃н̃аман̃н̃аниссаяабажжаяаа хонд̇ийд̇и вуд̇д̇анаязнзва яож̇зд̇ваа взд̣̇ид̇аб̣б̣ам̣. виббаяуд̇д̇абажжаяаа хонд̇ийд̇и аруубаж̇ийвид̇инд̣̇рияам̣ бадисанд̇хивин̃н̃аан̣ан̃жа бадисанд̇хируубаанам̣ виббаяуд̇д̇абажжаяаа хонд̇и. руубаж̇ийвид̇инд̣̇рияам̣ бана ан̃н̃аман̃н̃аниссаяавиббаяуд̇д̇абажжаяад̇д̇з на яуж̇ж̇ад̇и. д̇асмаа ‘‘д̇аяо ж̇ийвид̇асан̇каараа’’д̇и яат̇аалаабхавасзна вуд̇д̇ам̣. нааман̃жа руубан̃жа вуд̇д̇анаязнзва жад̇убажжаяад̇д̇з яож̇зд̇аб̣б̣ам̣. жуд̣̇д̣̇аса д̇хаммаад̇и бан̃жагканд̇хаа, жад̇д̇ааро махаабхууд̇аа, д̇аяо ж̇ийвид̇асан̇каараа, нааман̃жа руубан̃жаад̇и звам̣ г̇ан̣анаавасзна жуд̣̇д̣̇аса д̇хаммаа. д̇зсан̃жа убари ан̃н̃зсан̃жа сахаж̇аад̇аад̣̇ибажжаяабхааво вуд̇д̇анаяо зва. самбаяуд̇д̇абажжаяаа хонд̇ийд̇и буна згавад̇т̇угазгаарамман̣азгуббаад̣̇азганирод̇хасан̇каад̇зна самбаяуд̇д̇абхаавзна убагаарагаа хонд̇и.
Cattāro mahābhūtāti ettha tayo paccayā paṭhamaṃ vuttāyeva. Tayo jīvitasaṅkhārāti āyu ca usmā ca viññāṇañca. Āyūti rūpajīvitindriyaṃ arūpajīvitindriyañca. Usmāti tejodhātu. Viññāṇanti paṭisandhiviññāṇaṃ. Etāni hi uparūpari jīvitasaṅkhāraṃ saṅkharonti pavattentīti jīvitasaṅkhārā. Sahajātapaccayā hontīti arūpajīvitindriyaṃ paṭisandhiviññāṇañca sampayuttakānaṃ khandhānañca hadayarūpassa ca aññamaññasahajātapaccayā honti, tejodhātu tiṇṇaṃ mahābhūtānaṃ aññamaññasahajātapaccayo hoti, upādārūpānaṃ sahajātapaccayova, rūpajīvitindriyaṃ sahajātarūpānaṃ pariyāyena sahajātapaccayo hotīti veditabbaṃ. Aññamaññapaccayā honti, nissayapaccayā hontīti dvayaṃ arūpajīvitindriyaṃ paṭisandhiviññāṇañca sampayuttakhandhānaṃ aññamaññapaccayā honti. Aññamaññanissayapaccayā hontīti vuttanayeneva yojetvā veditabbaṃ. Vippayuttapaccayā hontīti arūpajīvitindriyaṃ paṭisandhiviññāṇañca paṭisandhirūpānaṃ vippayuttapaccayā honti. Rūpajīvitindriyaṃ pana aññamaññanissayavippayuttapaccayatte na yujjati. Tasmā ‘‘tayo jīvitasaṅkhārā’’ti yathālābhavasena vuttaṃ. Nāmañca rūpañca vuttanayeneva catupaccayatte yojetabbaṃ. Cuddasadhammāti pañcakkhandhā, cattāro mahābhūtā, tayo jīvitasaṅkhārā, nāmañca rūpañcāti evaṃ gaṇanāvasena cuddasa dhammā. Tesañca upari aññesañca sahajātādipaccayabhāvo vuttanayo eva. Sampayuttapaccayā hontīti puna ekavatthukaekārammaṇaekuppādaekanirodhasaṅkhātena sampayuttabhāvena upakārakā honti.
бан̃жинд̣̇рияаанийд̇и сад̣̇д̇хинд̣̇рияаад̣̇ийни. нааман̃жаад̇и ид̇ха взд̣̇анаад̣̇аяо д̇аяо канд̇хаа. вин̃н̃аан̣ан̃жаад̇и бадисанд̇хивин̃н̃аан̣ам̣. буна жуд̣̇д̣̇аса д̇хаммаад̇и жад̇д̇ааро канд̇хаа, бан̃жинд̣̇рияаани, д̇аяо хзд̇уу, нааман̃жа вин̃н̃аан̣ан̃жаад̇и звам̣ г̇ан̣анаавасзна жуд̣̇д̣̇аса д̇хаммаа. адтавийсад̇и д̇хаммаад̇и буримаа жа жуд̣̇д̣̇аса, имз жа жуд̣̇д̣̇асаад̇и адтавийсад̇и. ид̇ха руубассааби бавидтад̇д̇аа самбаяуд̇д̇абажжаяам̣ абанзд̇ваа виббаяуд̇д̇абажжаяо вуд̇д̇о.
Pañcindriyānīti saddhindriyādīni. Nāmañcāti idha vedanādayo tayo khandhā. Viññāṇañcāti paṭisandhiviññāṇaṃ. Puna cuddasa dhammāti cattāro khandhā, pañcindriyāni, tayo hetū, nāmañca viññāṇañcāti evaṃ gaṇanāvasena cuddasa dhammā. Aṭṭhavīsati dhammāti purimā ca cuddasa, ime ca cuddasāti aṭṭhavīsati. Idha rūpassāpi paviṭṭhattā sampayuttapaccayaṃ apanetvā vippayuttapaccayo vutto.
звам̣ бадисанд̇хигкан̣з виж̇ж̇амаанасса д̇асса д̇асса бажжаяуббаннасса д̇хаммасса д̇ам̣ д̇ам̣ бажжаяабхзд̣̇ам̣ д̣̇ассзд̇ваа батамам̣ нид̣̇д̣̇идтз хзд̇уу ниг̇амзд̇ваа д̣̇ассзнд̇о имзсам̣ адтаннам̣ хзд̇уунам̣ бажжаяаа убабад̇д̇и ход̇ийд̇и ааха. гаммааяууханагкан̣з д̇аяо гусалахзд̇уу, ниганд̇игкан̣з д̣̇вз агусалахзд̇уу, бадисанд̇хигкан̣з д̇аяо аб̣яаагад̇ахзд̇ууд̇и звам̣ адта хзд̇уу. д̇ад̇т̇а д̇аяо гусалахзд̇уу, д̣̇вз агусалахзд̇уу жа ид̇ха бадисанд̇хигкан̣з бавад̇д̇ияаа убаниссаяабажжаяаа хонд̇и. д̇аяо аб̣яаагад̇ахзд̇уу яат̇ааяог̇ам̣ хзд̇убажжаяасахаж̇аад̇абажжаяавасзна бажжаяаа хонд̇и. сзсаваарзсуби зсзва наяо.
Evaṃ paṭisandhikkhaṇe vijjamānassa tassa tassa paccayuppannassa dhammassa taṃ taṃ paccayabhedaṃ dassetvā paṭhamaṃ niddiṭṭhe hetū nigametvā dassento imesaṃ aṭṭhannaṃ hetūnaṃ paccayā upapatti hotīti āha. Kammāyūhanakkhaṇe tayo kusalahetū, nikantikkhaṇe dve akusalahetū, paṭisandhikkhaṇe tayo abyākatahetūti evaṃ aṭṭha hetū. Tattha tayo kusalahetū, dve akusalahetū ca idha paṭisandhikkhaṇe pavattiyā upanissayapaccayā honti. Tayo abyākatahetū yathāyogaṃ hetupaccayasahajātapaccayavasena paccayā honti. Sesavāresupi eseva nayo.
аруубааважараанам̣ бана руубаабхааваа наамабажжаяааби вин̃н̃аан̣ам̣, вин̃н̃аан̣абажжаяааби нааманд̇и вуд̇д̇ам̣. руубамиссагажуд̣̇д̣̇асагоби жа барихийно. д̇асса барихийнад̇д̇аа ‘‘адтавийсад̇и д̇хаммаа’’д̇и вааро жа на лаб̣бхад̇и.
Arūpāvacarānaṃ pana rūpābhāvā nāmapaccayāpi viññāṇaṃ, viññāṇapaccayāpi nāmanti vuttaṃ. Rūpamissakacuddasakopi ca parihīno. Tassa parihīnattā ‘‘aṭṭhavīsati dhammā’’ti vāro ca na labbhati.
233. ид̣̇аани вимогкасса бажжаяабхууд̇ам̣ д̇ихзд̇угабадисанд̇хим̣ д̣̇ассзд̇ваа д̇знзва самб̣анд̇хзна д̣̇ухзд̇угабадисанд̇хивисзсан̃жа д̣̇ассзд̇угаамо г̇ад̇исамбад̇д̇ияаа н̃аан̣авиббаяуд̇д̇зд̇иаад̣̇имааха. гусалагаммасса ж̇аванагкан̣зд̇и ад̇ийд̇аж̇аад̇ияаа ид̇ха бадисанд̇хиж̇анагасса д̣̇ухзд̇угагусалагаммасса вуд̇д̇анаязнзва ж̇аванагкан̣з. д̣̇вз хзд̇ууд̇и н̃аан̣авиббаяуд̇д̇ад̇д̇аа алобхо гусалахзд̇у ад̣̇осо гусалахзд̇у. д̣̇вз аб̣яаагад̇ахзд̇ууби алобхаад̣̇осааязва.
233. Idāni vimokkhassa paccayabhūtaṃ tihetukapaṭisandhiṃ dassetvā teneva sambandhena duhetukapaṭisandhivisesañca dassetukāmo gatisampattiyā ñāṇavippayuttetiādimāha. Kusalakammassa javanakkhaṇeti atītajātiyā idha paṭisandhijanakassa duhetukakusalakammassa vuttanayeneva javanakkhaṇe. Dve hetūti ñāṇavippayuttattā alobho kusalahetu adoso kusalahetu. Dve abyākatahetūpi alobhādosāyeva.
жад̇д̇аари инд̣̇рияаанийд̇и бан̃н̃инд̣̇рияаваж̇ж̇аани сад̣̇д̇хинд̣̇рияаад̣̇ийни жад̇д̇аари. д̣̇ваад̣̇аса д̇хаммаад̇и бан̃н̃инд̣̇рияасса амохахзд̇усса жа барихийнад̇д̇аа д̣̇ваад̣̇аса. д̇зсам̣ д̣̇виннам̣язва барихийнад̇д̇аа чаб̣б̣ийсад̇и. чаннам̣ хзд̇уунанд̇и д̣̇виннам̣ гусалахзд̇уунам̣, д̣̇виннам̣ агусалахзд̇уунам̣, д̣̇виннам̣ вибаагахзд̇уунанд̇и звам̣ чаннам̣ хзд̇уунам̣. руубааруубааважараа банзд̇т̇а зганд̇ад̇ихзд̇угад̇д̇аа на г̇ахид̇аа. сзсам̣ батамаваарз вуд̇д̇анаязнзва взд̣̇ид̇аб̣б̣ам̣. имасмим̣ ваарз д̣̇ухзд̇угабадисанд̇хияаа д̣̇ухзд̇угагаммассзва вуд̇д̇ад̇д̇аа д̇ихзд̇угагаммзна д̣̇ухзд̇угабадисанд̇хи на ход̇ийд̇и вуд̇д̇ам̣ ход̇и. д̇асмаа яам̣ д̇хаммасан̇г̇ахадтагат̇ааяам̣ (д̇ха. са. адта. 498) д̇ибидагамахаад̇хаммарагкид̇ад̇т̇зраваад̣̇з ‘‘д̇ихзд̇угагаммзна бадисанд̇хи д̇ихзд̇угаава ход̇и, д̣̇ухзд̇угаахзд̇угаа на ход̇и. д̣̇ухзд̇угагаммзна д̣̇ухзд̇угаахзд̇угаа ход̇и, д̇ихзд̇угаа на ход̇ий’’д̇и вуд̇д̇ам̣, д̇ам̣ имааяа баал̣ияаа самзд̇и. яам̣ бана д̇ибидагажуул̣анааг̇ад̇т̇зрасса жа мораваабиваасимахаад̣̇ад̇д̇ад̇т̇зрасса жа ваад̣̇зсу ‘‘д̇ихзд̇угагаммзна бадисанд̇хи д̇ихзд̇угааби ход̇и д̣̇ухзд̇угааби, ахзд̇угаа на ход̇и. д̣̇ухзд̇угагаммзна д̣̇ухзд̇угааби ход̇и ахзд̇угааби, д̇ихзд̇угаа на ход̇ий’’д̇и вуд̇д̇ам̣, д̇ам̣ имааяа баал̣ияаа вируд̣̇д̇хам̣ вияа д̣̇иссад̇и. имиссаа гат̇ааяа хзд̇уад̇хигаарад̇д̇аа ахзд̇угабадисанд̇хи на вуд̇д̇аад̇и.
Cattāri indriyānīti paññindriyavajjāni saddhindriyādīni cattāri. Dvādasa dhammāti paññindriyassa amohahetussa ca parihīnattā dvādasa. Tesaṃ dvinnaṃyeva parihīnattā chabbīsati. Channaṃ hetūnanti dvinnaṃ kusalahetūnaṃ, dvinnaṃ akusalahetūnaṃ, dvinnaṃ vipākahetūnanti evaṃ channaṃ hetūnaṃ. Rūpārūpāvacarā panettha ekantatihetukattā na gahitā. Sesaṃ paṭhamavāre vuttanayeneva veditabbaṃ. Imasmiṃ vāre duhetukapaṭisandhiyā duhetukakammasseva vuttattā tihetukakammena duhetukapaṭisandhi na hotīti vuttaṃ hoti. Tasmā yaṃ dhammasaṅgahaṭṭhakathāyaṃ (dha. sa. aṭṭha. 498) tipiṭakamahādhammarakkhitattheravāde ‘‘tihetukakammena paṭisandhi tihetukāva hoti, duhetukāhetukā na hoti. Duhetukakammena duhetukāhetukā hoti, tihetukā na hotī’’ti vuttaṃ, taṃ imāya pāḷiyā sameti. Yaṃ pana tipiṭakacūḷanāgattherassa ca moravāpivāsimahādattattherassa ca vādesu ‘‘tihetukakammena paṭisandhi tihetukāpi hoti duhetukāpi, ahetukā na hoti. Duhetukakammena duhetukāpi hoti ahetukāpi, tihetukā na hotī’’ti vuttaṃ, taṃ imāya pāḷiyā viruddhaṃ viya dissati. Imissā kathāya hetuadhikārattā ahetukapaṭisandhi na vuttāti.
г̇ад̇игат̇ааван̣н̣анаа нидтид̇аа.
Gatikathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 6. г̇ад̇игат̇аа • 6. Gatikathā
