| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. г̇авамбад̇исуд̇д̇ам̣
10. Gavampatisuttaṃ
1100. згам̣ самаяам̣ самб̣ахулаа т̇зраа бхигкуу жзд̇зсу 1 вихаранд̇и сахан̃жанигз 2. д̇зна ко бана самаязна самб̣ахулаанам̣ т̇зраанам̣ бхигкуунам̣ бажчаабхад̇д̇ам̣ бин̣д̣абаад̇абадигганд̇аанам̣ ман̣д̣аламаал̣з саннисиннаанам̣ саннибад̇ид̇аанам̣ аяаманд̇араагат̇аа уд̣̇абаад̣̇и – ‘‘яо ну ко, аавусо, д̣̇угкам̣ бассад̇и д̣̇угкасамуд̣̇аяамби со бассад̇и, д̣̇угканирод̇хамби бассад̇и, д̣̇угканирод̇хаг̇ааминим̣ бадибад̣̇амби бассад̇ий’’д̇и.
1100. Ekaṃ samayaṃ sambahulā therā bhikkhū cetesu 3 viharanti sahañcanike 4. Tena kho pana samayena sambahulānaṃ therānaṃ bhikkhūnaṃ pacchābhattaṃ piṇḍapātapaṭikkantānaṃ maṇḍalamāḷe sannisinnānaṃ sannipatitānaṃ ayamantarākathā udapādi – ‘‘yo nu kho, āvuso, dukkhaṃ passati dukkhasamudayampi so passati, dukkhanirodhampi passati, dukkhanirodhagāminiṃ paṭipadampi passatī’’ti.
звам̣ вуд̇д̇з ааяасмаа г̇авамбад̇и т̇зро 5 бхигкуу зд̇ад̣̇авожа – ‘‘саммукаа мзд̇ам̣, аавусо, бхаг̇авад̇о суд̇ам̣, саммукаа бадиг̇г̇ахид̇ам̣ – ‘яо , бхигкавз, д̣̇угкам̣ бассад̇и д̣̇угкасамуд̣̇аяамби со бассад̇и, д̣̇угканирод̇хамби бассад̇и, д̣̇угканирод̇хаг̇ааминим̣ бадибад̣̇амби бассад̇и. яо д̣̇угкасамуд̣̇аяам̣ бассад̇и д̣̇угкамби со бассад̇и, д̣̇угканирод̇хамби бассад̇и, д̣̇угканирод̇хаг̇ааминим̣ бадибад̣̇амби бассад̇и. яо д̣̇угканирод̇хам̣ бассад̇и д̣̇угкамби со бассад̇и, д̣̇угкасамуд̣̇аяамби бассад̇и, д̣̇угканирод̇хаг̇ааминим̣ бадибад̣̇амби бассад̇и. яо д̣̇угканирод̇хаг̇ааминим̣ бадибад̣̇ам̣ бассад̇и д̣̇угкамби со бассад̇и, д̣̇угкасамуд̣̇аяамби бассад̇и, д̣̇угканирод̇хамби бассад̇ий’’’д̇и. д̣̇асамам̣.
Evaṃ vutte āyasmā gavampati thero 6 bhikkhū etadavoca – ‘‘sammukhā metaṃ, āvuso, bhagavato sutaṃ, sammukhā paṭiggahitaṃ – ‘yo , bhikkhave, dukkhaṃ passati dukkhasamudayampi so passati, dukkhanirodhampi passati, dukkhanirodhagāminiṃ paṭipadampi passati. Yo dukkhasamudayaṃ passati dukkhampi so passati, dukkhanirodhampi passati, dukkhanirodhagāminiṃ paṭipadampi passati. Yo dukkhanirodhaṃ passati dukkhampi so passati, dukkhasamudayampi passati, dukkhanirodhagāminiṃ paṭipadampi passati. Yo dukkhanirodhagāminiṃ paṭipadaṃ passati dukkhampi so passati, dukkhasamudayampi passati, dukkhanirodhampi passatī’’’ti. Dasamaṃ.
годиг̇аамаваг̇г̇о д̇ад̇ияо.
Koṭigāmavaggo tatiyo.
д̇ассуд̣̇д̣̇аанам̣ –
Tassuddānaṃ –
д̣̇вз важ̇ж̇ий саммаасамб̣уд̣̇д̇хо, арахам̣ аасавагкаяо;
Dve vajjī sammāsambuddho, arahaṃ āsavakkhayo;
мид̇д̇ам̣ д̇ат̇аа жа лого жа, барин̃н̃зяяам̣ г̇авамбад̇ийд̇и.
Mittaṃ tathā ca loko ca, pariññeyyaṃ gavampatīti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. г̇авамбад̇исуд̇д̇аван̣н̣анаа • 10. Gavampatisuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. г̇авамбад̇исуд̇д̇аван̣н̣анаа • 10. Gavampatisuttavaṇṇanā
