| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
8. г̇авамбад̇ид̇т̇зраг̇аат̇ааван̣н̣анаа
8. Gavampatittheragāthāvaṇṇanā
яо ид̣̇д̇хияаа сарабхунд̇и ааяасмад̇о г̇авамбад̇ид̇т̇зрасса г̇аат̇аа. гаа уббад̇д̇и? со гира буримаб̣уд̣̇д̇хзсу гад̇аад̇хигааро ид̇о згад̇им̣сз габбз сиким̣ бхаг̇аванд̇ам̣ бассид̇ваа басаннамаанасо бубпзхи бууж̇ам̣ агааси. со д̇зна бун̃н̃агаммзна д̣̇звалогз уббанно абараабарам̣ бун̃н̃аани гаронд̇о гон̣ааг̇аманасса бхаг̇авад̇о жзд̇ияз чад̇д̇ан̃жа взд̣̇иган̃жа гаарзси. гассабасса бана бхаг̇авад̇о гаалз ан̃н̃ад̇арасмим̣ гулаг̇зхз ниб̣б̣ад̇д̇о. д̇асмин̃жа гулз б̣ахум̣ г̇оман̣д̣алам̣ ахоси. д̇ам̣ г̇обаалагаа рагканд̇и. аяам̣ д̇ад̇т̇а анд̇аранд̇араа яуд̇д̇аббаяуд̇д̇ам̣ вижаарзнд̇о вижарад̇и. со згам̣ кийн̣аасавад̇т̇зрам̣ г̇аамз бин̣д̣ааяа жарид̇ваа б̣ахиг̇аамз д̣̇звасигам̣ згасмим̣ бад̣̇зсз бхад̇д̇агижжам̣ гаронд̇ам̣ д̣̇исваа ‘‘аяяо суурияаад̇абзна гиламиссад̇ий’’д̇и жинд̇зд̇ваа жад̇д̇ааро сирийсад̣̇ан̣д̣з уссаабзд̇ваа д̇зсам̣ убари сирийсасаакааяо табзд̇ваа саакааман̣д̣абам̣ гад̇ваа ад̣̇ааси. ‘‘ман̣д̣абасса самийбз сирийсаругкам̣ робзсий’’д̇и жа вад̣̇анд̇и. д̇асса анугамбааяа д̣̇звасигам̣ т̇зро д̇ад̇т̇а нисийд̣̇и. со д̇зна бун̃н̃агаммзна д̇ад̇о жавид̇ваа жаад̇умахаарааж̇игзсу ниб̣б̣ад̇д̇и. д̇асса буримагаммасам̣суужагам̣ вимаанад̣̇ваарз маханд̇ам̣ сирийсаванам̣ ниб̣б̣ад̇д̇и ван̣н̣аг̇анд̇хасамбаннзхи ан̃н̃зхи бубпзхи саб̣б̣агаалз убасобхаяамаанам̣, д̇зна д̇ам̣ вимаанам̣ ‘‘сзрийсага’’нд̇и бан̃н̃ааяид̇т̇а. со д̣̇звабуд̇д̇о згам̣ б̣уд̣̇д̇ханд̇арам̣ д̣̇звзсу жа мануссзсу жа сам̣сарид̇ваа имасмим̣ б̣уд̣̇д̇хуббаад̣̇з яасад̇т̇зрасса жад̇уусу г̇ихисахааязсу г̇авамбад̇и наама худ̇ваа ааяасмад̇о яасасса баб̣б̣аж̇ид̇абхаавам̣ суд̇ваа ад̇д̇ано сахааязхи сад̣̇д̇хим̣ бхаг̇авад̇о санд̇игам̣ аг̇амааси . сад̇т̇аа д̇асса д̇хаммам̣ д̣̇зсзси. со д̣̇зсанаавасаанз сахааязхи сад̣̇д̇хим̣ арахад̇д̇з бад̇идтааси. д̇зна вуд̇д̇ам̣ абад̣̇аанз (аба. т̇зра 2.53.42-47) –
Yoiddhiyā sarabhunti āyasmato gavampatittherassa gāthā. Kā uppatti? So kira purimabuddhesu katādhikāro ito ekatiṃse kappe sikhiṃ bhagavantaṃ passitvā pasannamānaso pupphehi pūjaṃ akāsi. So tena puññakammena devaloke uppanno aparāparaṃ puññāni karonto koṇāgamanassa bhagavato cetiye chattañca vedikañca kāresi. Kassapassa pana bhagavato kāle aññatarasmiṃ kulagehe nibbatto. Tasmiñca kule bahuṃ gomaṇḍalaṃ ahosi. Taṃ gopālakā rakkhanti. Ayaṃ tattha antarantarā yuttappayuttaṃ vicārento vicarati. So ekaṃ khīṇāsavattheraṃ gāme piṇḍāya caritvā bahigāme devasikaṃ ekasmiṃ padese bhattakiccaṃ karontaṃ disvā ‘‘ayyo sūriyātapena kilamissatī’’ti cintetvā cattāro sirīsadaṇḍe ussāpetvā tesaṃ upari sirīsasākhāyo ṭhapetvā sākhāmaṇḍapaṃ katvā adāsi. ‘‘Maṇḍapassa samīpe sirīsarukkhaṃ ropesī’’ti ca vadanti. Tassa anukampāya devasikaṃ thero tattha nisīdi. So tena puññakammena tato cavitvā cātumahārājikesu nibbatti. Tassa purimakammasaṃsūcakaṃ vimānadvāre mahantaṃ sirīsavanaṃ nibbatti vaṇṇagandhasampannehi aññehi pupphehi sabbakāle upasobhayamānaṃ, tena taṃ vimānaṃ ‘‘serīsaka’’nti paññāyittha. So devaputto ekaṃ buddhantaraṃ devesu ca manussesu ca saṃsaritvā imasmiṃ buddhuppāde yasattherassa catūsu gihisahāyesu gavampati nāma hutvā āyasmato yasassa pabbajitabhāvaṃ sutvā attano sahāyehi saddhiṃ bhagavato santikaṃ agamāsi . Satthā tassa dhammaṃ desesi. So desanāvasāne sahāyehi saddhiṃ arahatte patiṭṭhāsi. Tena vuttaṃ apadāne (apa. thera 2.53.42-47) –
‘‘миг̇алуд̣̇д̣̇о бурз аасим̣, вибинз вижарам̣ ахам̣;
‘‘Migaluddo pure āsiṃ, vipine vicaraṃ ahaṃ;
ад̣̇д̣̇асам̣ вираж̇ам̣ б̣уд̣̇д̇хам̣, саб̣б̣ад̇хаммаана баараг̇ум̣.
Addasaṃ virajaṃ buddhaṃ, sabbadhammāna pāraguṃ.
‘‘д̇асмим̣ махаагаарун̣игз, саб̣б̣асад̇д̇ахид̇з рад̇з;
‘‘Tasmiṃ mahākāruṇike, sabbasattahite rate;
басаннажид̇д̇о сумано, нзлабубпам̣ абууж̇аяим̣.
Pasannacitto sumano, nelapupphaṃ apūjayiṃ.
‘‘згад̇им̣сз ид̇о габбз, яам̣ бубпамабхибууж̇аяим̣;
‘‘Ekatiṃse ito kappe, yaṃ pupphamabhipūjayiṃ;
д̣̇уг̇г̇ад̇им̣ наабхиж̇аанаами, б̣уд̣̇д̇хабууж̇ааяид̣̇ам̣ палам̣.
Duggatiṃ nābhijānāmi, buddhapūjāyidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа т̇зро вимуд̇д̇исукам̣ бадисам̣взд̣̇знд̇о саагзд̇з вихарад̇и ан̃ж̇анаванз. д̇зна жа самаязна бхаг̇аваа махад̇аа бхигкусан̇гхзна сад̣̇д̇хим̣ саагзд̇ам̣ г̇анд̇ваа ан̃ж̇анаванз вихааси. сзнаасанам̣ наббахоси. самб̣ахулаа бхигкуу вихаарасааманд̇аа сарабхуяаа над̣̇ияаа ваалигаабул̣инз саяим̣су. ат̇а ад̣дхарад̇д̇асамаяз над̣̇ияаа уд̣̇агогхз ааг̇ажчанд̇з сааман̣зраад̣̇аяо ужжаасад̣̇д̣̇амахаасад̣̇д̣̇аа ахзсум̣. бхаг̇аваа д̇ам̣ н̃ад̇ваа ааяасманд̇ам̣ г̇авамбад̇им̣ аан̣аабзси – ‘‘г̇ажча, г̇авамбад̇и, ж̇алогхам̣ вигкамбхзд̇ваа бхигкуунам̣ паасувихаарам̣ гарохий’’д̇и. т̇зро ‘‘саад̇ху, бханд̇з’’д̇и ид̣̇д̇хиб̣алзна над̣̇ийсод̇ам̣ вигкамбхи, д̇ам̣ д̣̇уурад̇ова баб̣б̣ад̇агуудам̣ вияа адтааси. д̇ад̇о бадтааяа т̇зрасса аанубхааво логз баагадо ахоси. ат̇згад̣̇ивасам̣ сад̇т̇аа махад̇ияаа д̣̇звабарисааяа маж̇жхз нисийд̣̇ид̇ваа д̇хаммам̣ д̣̇зсзнд̇ам̣ т̇зрам̣ д̣̇исваа логаанугамбааяа д̇асса г̇ун̣аанам̣ вибхааванад̇т̇ам̣ д̇ам̣ басам̣санд̇о ‘‘яо ид̣̇д̇хияаа сарабху’’нд̇и г̇аат̇ам̣ абхааси.
Arahattaṃ pana patvā thero vimuttisukhaṃ paṭisaṃvedento sākete viharati añjanavane. Tena ca samayena bhagavā mahatā bhikkhusaṅghena saddhiṃ sāketaṃ gantvā añjanavane vihāsi. Senāsanaṃ nappahosi. Sambahulā bhikkhū vihārasāmantā sarabhuyā nadiyā vālikāpuḷine sayiṃsu. Atha aḍḍharattasamaye nadiyā udakoghe āgacchante sāmaṇerādayo uccāsaddamahāsaddā ahesuṃ. Bhagavā taṃ ñatvā āyasmantaṃ gavampatiṃ āṇāpesi – ‘‘gaccha, gavampati, jaloghaṃ vikkhambhetvā bhikkhūnaṃ phāsuvihāraṃ karohī’’ti. Thero ‘‘sādhu, bhante’’ti iddhibalena nadīsotaṃ vikkhambhi, taṃ dūratova pabbatakūṭaṃ viya aṭṭhāsi. Tato paṭṭhāya therassa ānubhāvo loke pākaṭo ahosi. Athekadivasaṃ satthā mahatiyā devaparisāya majjhe nisīditvā dhammaṃ desentaṃ theraṃ disvā lokānukampāya tassa guṇānaṃ vibhāvanatthaṃ taṃ pasaṃsanto ‘‘yo iddhiyā sarabhu’’nti gāthaṃ abhāsi.
38. д̇ад̇т̇а ид̣̇д̇хияаад̇и ад̇хидтаанид̣̇д̇хияаа. сарабхунд̇и звам̣наамигам̣ над̣̇им̣, яам̣ логз ‘‘сарабху’’нд̇и вад̣̇анд̇и. адтабзсийд̇и санд̣̇ид̇ум̣ ад̣̇знд̇о сод̇ам̣ нивад̇д̇зд̇ваа баб̣б̣ад̇агуудам̣ вияа маханд̇ам̣ ж̇алараасим̣ гад̇ваа табзси. асид̇од̇и насид̇о, д̇ан̣хаад̣̇идтиниссаяарахид̇о, б̣анд̇ханасан̇каад̇аанам̣ ваа саб̣б̣асам̣яож̇анаанам̣ самужчиннад̇д̇аа гзнажиби б̣анд̇ханзна аб̣ад̣̇д̇хо, д̇ад̇о зва зж̇аанам̣ гилзсаанам̣ абхаавад̇о анзж̇о со, г̇авамбад̇и, д̇ам̣ саб̣б̣асан̇г̇аад̇иг̇ад̇ам̣ д̇аад̣̇исам̣ саб̣б̣зби рааг̇ад̣̇осамохамаанад̣̇идтисан̇г̇з ад̇иггамид̇ваа тид̇ад̇д̇аа саб̣б̣асан̇г̇аад̇иг̇ад̇ам̣, асзгкамунибхаавад̇о махаамуним̣, д̇ад̇о зва гаамагаммабхаваад̣̇ибхзд̣̇асса сагалассаби бхавасса баарам̣ ниб̣б̣аанам̣ г̇ад̇ад̇д̇аа бхавасса баараг̇ум̣. д̣̇зваа намассанд̇ийд̇и д̣̇звааби имассанд̇и, баг̇зва ид̇араа баж̇аад̇и.
38. Tattha iddhiyāti adhiṭṭhāniddhiyā. Sarabhunti evaṃnāmikaṃ nadiṃ, yaṃ loke ‘‘sarabhu’’nti vadanti. Aṭṭhapesīti sandituṃ adento sotaṃ nivattetvā pabbatakūṭaṃ viya mahantaṃ jalarāsiṃ katvā ṭhapesi. Asitoti nasito, taṇhādiṭṭhinissayarahito, bandhanasaṅkhātānaṃ vā sabbasaṃyojanānaṃ samucchinnattā kenacipi bandhanena abaddho, tato eva ejānaṃ kilesānaṃ abhāvato anejo so, gavampati, taṃ sabbasaṅgātigataṃ tādisaṃ sabbepi rāgadosamohamānadiṭṭhisaṅge atikkamitvā ṭhitattā sabbasaṅgātigataṃ, asekkhamunibhāvato mahāmuniṃ, tato eva kāmakammabhavādibhedassa sakalassapi bhavassa pāraṃ nibbānaṃ gatattā bhavassa pāraguṃ. Devā namassantīti devāpi imassanti, pageva itarā pajāti.
г̇аат̇аабарияосаанз махад̇о ж̇анагааяасса д̇хаммаабхисамаяо ахоси. т̇зро ан̃н̃ам̣ б̣яаагаронд̇о ‘‘сад̇т̇аарам̣ бууж̇зссаамий’’д̇и имамзва г̇аат̇ам̣ абхаасийд̇и.
Gāthāpariyosāne mahato janakāyassa dhammābhisamayo ahosi. Thero aññaṃ byākaronto ‘‘satthāraṃ pūjessāmī’’ti imameva gāthaṃ abhāsīti.
г̇авамбад̇ид̇т̇зраг̇аат̇ааван̣н̣анаа нидтид̇аа.
Gavampatittheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 8. г̇авамбад̇ид̇т̇зраг̇аат̇аа • 8. Gavampatittheragāthā
